စက်တင်ဘာ ၁ ၊ ၂၀၁၅
M-Media
“အချို့သော အကျိုးအမြတ်မယူတဲ့အဖွဲ့အစည်းများဟာ သူတို့ရဲ့ငွေအသုံးပြုတဲ့နေရာနဲ့ပတ်သက်ပြီး ပွင့်လင်းမြင်သာမှု မရှိလှဘူးလို့ ကျွန်တော် မြင်ပါတယ်” လို့ Halal Australia ရဲ့ စီအီးအို မုဟမ္မဒ်ခန်းက ပြောဆိုလိုက်ပါတယ်။
သြစတေးလျနိုင်ငံသားတစ်ဦးရဲ့ ဈေးခြင်းတောင်းထဲကြည့်ရင် ဟင်းသီးဟင်းရွက်နဲ့ Cadbury ချောကလက် ကနေ ကြက်ရင်ပုံသားအထိ အရာရာတိုင်းအပေါ် ဟလာလ် အသိအမှတ်ပြု အမှတ်တံဆိပ်များကို တွေ့မြင်နိုင်ပါလိမ့်မယ်။ ဒါပေမယ့် ဒီလို တံဆိပ်ကပ်နိုင်ဖို့ ထုတ်လုပ်သူ၊ လက္ကားသမား၊ အစားအသောက် လုပ်ငန်းစဉ်တွေအနေနဲ့ နည်းစနစ်ကျနမှု အားနည်းသော အသိအမှတ်ပြု တံဆိပ်ထုတ်ပေးသူတွေကို ငွေ အများအပြေားပေးဆောင်ဖြတ်သန်းကြရပါတယ်။
အာမခံအသိအမှတ်ပြု လက်မှတ်ထုတ်ပေးနေတဲ့ အဖွဲ့အစည်းများထဲက အကြီးမားဆုံးအဖွဲ့တစ်ခုဖြစ်တဲ့ Islamic Federation of Islamic Councils ဟာ ပြီးခဲ့တဲ့ ဘဏ္ဍာရေးနှစ်က ဒေါ်လာ ၆ သန်းနီးပါး ၀င်ငွေရရှိခဲ့ပါတယ်။
ကုန်ထုတ်သူများဟာ ဟလာလ်ထောက်ခံချက် ကုန်ကျစားရိတ်ကို သြစတေးလျ စားသုံးသူတွေ အပေါ် ဈေးတင်ပြီးယူကြတယ်လို့ Halal Choices ၀က်ဘ်ဆိုက် တည်ထောင်သူ တောင်သူလယ်သမား Kirralie Smith က အခိုင်အမာဆိုပါတယ်။
ဒါပေမယ့် ထောက်ခံချက် ကုန်ကျစားရိတ် အသီးသီးက ဘယ်ရွေ့ဘယ်မျှဆိုတာ ရေရာမှု မရှိပါဘူး။ အကြောင်းအရာနဲ့ အမျိုးအစားပေါ်မူတည်ပြီး အပြောင်းအလဲ ရှိပါတယ်။ သားသတ်ရုံတွေ အတွက်ဆိုရင် ဒေါ်လာ ၁၂၀၀၀ အထက်ဖြစ်ပြီး အခြားလုပ်ငန်း အမျိုးအစားတွေကတော့ ဒေါ်လာ ၂၅၀၀၀ ကျော်ပါတယ်။ နှစ်စဉ်နှစ်တိုင်း ထောက်ခံချက် ပြန်ထုတ်ရပါတယ်။
အချို့ဟလာလ် ထုတ်ကုန်များဆိုရင် အသိအမှတ်ပြုချက်ကို အကြိမ်ကြိမ် အလီလီ ယူကြရတယ်။ ထုတ်လုပ်နည်းစဉ်မှာ – လက္ကားရောင်းချမှုမှာ – လက်လီရောင်းချမှုမှာ အဆင့်ဆင့်ဖြစ်နေတော့ အသိအမှတ်ပြု လက်မှတ်ထုတ်ပေးနေသူများအဖို့ အကြီးအကျယ် လက်ဖျားငွေသီးလျက်ရှိပါတယ်။ ဒီလိုပရမ်းပတာဖြစ်နေတဲ့ အပေါ် – ခေါင်းပုံဖြတ်အမြတ်ကြီးစားနေတဲ့အပေါ် စည်းကမ်းကြပ်မတ်ဖို့ အထူးလိုအပ်နေပါတယ် ဆိုပြီး မစ္စ စမစ်က ဆိုပါတယ်။
ဟလာလ် အသိအမှတ်ပြုချက်ဆိုတာ ၀က်သား၊ အရက် စသဖြင့် မွတ်စ်လင်မ်တွေ စားသောက် မရနိုင်တဲ့အရာတွေ မပါအောင် ကန့်သတ် ကင်းစင်ထားတဲ့ အစ္စလာမ့်ဥပဒေနဲ့ အညီ စက်ရုံထုတ်လူသုံးကုန်/စားသောက်ကုန်ပစ္စည်းများဖြစ်ကြောင်း ဖော်ပြမှုဖြစ်ပါတယ်။
သြစတေးလျက သိုးသားအဓိက ထုတ်လုပ်ရေး လုပ်ငန်းကြီးတစ်ခုရဲ့ပိုင်ရှင် Roger Fletcher ဟာ သူရဲ့ Dubbo သားသတ်ရုံမှ မွတ်စ်လင်မ်တို့ရဲ့အစဉ်အလာ အတိုင်း ၁၉၇၄ ခုနှစ်ကစပြီး ဆောင်ရွက်နေခဲ့တာပါ။ ဟလာလ်အသားတင်ပို့မှုမှာ ကမ္ဘာ့အကောင်းဆုံး အဖြစ်လည်း သတ်မှတ်ခံရပါတယ်။ အစိုးရရဲ့တင်းကြပ်တဲ့ ဥပဒေစည်းမျဉ်းကြောင့် သြစတေးလျထွက် အသားများကို ဥရောပ၊ ဂျပန်၊ တရုတ်နဲ့ အမေရိကမှာ အလွန်နှစ်သက် လက်ခံမှု ရနေပါတယ်။
သို့သော်လည်း ပြည်တွင်း ဟလာလ် တံဆိပ်ဈေးကွက်မှာ လုပ်ငန်းရှင်တွေ စုပြုံတိုးနေကြသလို၊ အဖွဲ့အစည်းများ ကလည်း ငွေကြေးအလို့ငှာ သူ့ထက်ငါ အပြိုင်အဆိုင် တံဆိပ်ကပ်ပေးလျက် ရှိနေကြတယ်။ သေသေချာချာ စိစစ်ခြင်းမရှိကြဘူးလို့ သြစတေးလျ စားသောက်ကုန်နှင့် လူသုံးကုန်ကောင်စီ စီအီးအို Gary Dawson က ဆိုပါတယ်။ ဒါ့အပြင် အဓိကစားကုန်ထုတ်လုပ်ရေး လုပ်ငန်းရှင်များ ကိုယ်စားလှယ်ဖြစ်သည်နှင့် အညီ သူက “လူထုဆိုင်ရာအကျိုးစီးပွားနဲ့ စိစစ်မှုအရ အသိအမှတ်ပြု လက်မှတ်ထုတ်ပေးသူဖက်က ပိုမိုပွင့်လင်းမြင်သာစေဖို့ တာဝန်ရှိပါတယ်” လို့လည်း ပြောကြားပါတယ်။
ခုဆိုရင် အွန်လိုင်းပေါ်ကနေ တင်ပြလွှာပေါင်း ၆၇၀ အထိ ရှိလာတဲ့ အတွက် အစားအသောက်ကုန်စည်စလယ် (ဟလာလ်) အသိအမှတ်ပြုပေးနေတဲ့ အဖွဲ့အစည်း အားလုံးကို စုံစမ်းစစ်ဆေးဖို့ အထက် လွှတ်တော်ကော်မရှင်တစ်ရပ် ဖွဲ့စည်းလိုက်ပြီဖြစ်ပါတယ်။
Ref : Aquila Style
