သြဂုတ် ၂၃၊ ၂၀၁၅
M-Media
ရုရှားက တိုက်ချင်းပစ်ဒုံးကျည်တစ်ခုကို အောင်မြင်စွာ စမ်းသပ်ပစ်လွှတ်
…………………………………….
RS-12M Topol ဒုံးကျည် မိသားစုဝင်ဖြစ်သည့် တိုက်ချင်းပစ်ဒုံးကျည်တစ်ခုကို နိုင်ငံတောင်ပိုင်း အက်စ်ထရာ့က်ဟန် ဒေသမှ အောင်မြင်စွာ စမ်းသပ်ပစ်လွှတ်နိုင်ခဲ့သည်ဟု ရုရှားစစ်တပ်က ကြေညာခဲ့သည်။ အဆိုပါဒုံးကျည်မှာ ကာဇက်ခ်စတန်ရှိ သတ်မှတ်ထားသော ပစ်မှတ်ကို အတိအကျထိမှန်ခဲ့သည်ဟု ရုရှား ကာကွယ်ရေးဝန်ကြီးဌာနမှ ထုတ်ပြန်သော ကြေညာချက်တွင် ဖော်ပြထားပြီး တိုက်ချင်းပစ်ဒုံးကျည်များအတွက် တိုက်ပွဲဝင်မှုကို စမ်းသပ်ခြင်းဖြစ်သည်ဟု ပြောကြားခဲ့သည်။
ကိုရီးယားနှစ်နိုင်ငံဆွေးနွေးပွဲ ယနေ့တွင် ဆက်လက်ပြုလုပ်
…………………………………………..
နှစ်နိုင်ငံတင်းမာမှုများကို လျှော့ချရန်အတွက် တောင်ကိုရီးယားနှင့် မြောက်ကိုရီးယားတို့မှ ထိပ်တန်းအရာရှိများ ဆွေးနွေးညှိနှိုင်းမှုကို ယနေ့ညနေတွင် ထပ်မံပြုလုပ်ခဲ့ပြီး ကောင်းမွန်သည့်အလားအလာရှိနေသည်ဟု သတင်းများက ဖော်ပြကြသည်။ ယမန်နေ့က ဆွေးနွေးမှုစတင်ပြီးနောက် မြောက်ကိုရီးယားမှာ နယ်စပ်တွင် စစ်အင်အားကို ၂ ဆ ချထားပြီး ရေငုပ်သင်္ဘော ၅၀ ခန့်ကိုလည်း တပ်ဖြန့်ချထားသည်ဟု တောင်ကိုရီးယား ကာကွယ်ရေးဝန်ကြီးဌာနက ပြောကြားခဲ့သည်။ တောင်ကိုရီးယားကလည်း စစ်တပ်ကို တပ်လှန့်ထားပြီး နယ်စပ်တွင်ပြုလုပ်နေသည့် စိတ်ဓာတ်စစ်ဆင်ရေး အသံလွှင့်မှုများကို ရပ်တန့်သွားမည်မဟုတ်ဟု ပြောကြားခဲ့သည်။
အလ်ဆာဗေဒိုးအကျဉ်းထောင်တွင် လူဆိုးဂိုးဏ်၏ ဖြုတ်ထုတ်သတ်လမ်းစဉ်ကြောင့် လူ ၁၄ ဦး သေဆုံး
…………………………………..
အလ်ဆာဗေဒိုးနိုင်ငံ မြို့တာ် ဆန်ဆာဗေဒိုးရှိ အကျဉ်းထောင်တွင် နာမည်ကြီး Barrio 18 လူဆိုးဂိုဏ်းမှ ဂိုဏ်းသားများအချင်းချင်း တိုက်ခိုက်မှုများကြောင့် လူ ၁၄ ဦး သေဆုံးခဲ့သည်ဟု Reuters သတင်းဌာနက ဖော်ပြခဲ့သည်။ ထိုတိုက်ခိုက်မှုမှာ လူဆိုးဂိုဏ်းများဖြစ်သော Barrio 18 နှင့် Mara Salvatrucha တို့အကြား ငြိမ်းချမ်းရေး ပြိုကွဲပြီး ၁၈ လကြာ မငြိမ်မသက်ဖြစ်ခဲ့ပြီးနောက်တွင် ပေါ်ပေါက်လာခြင်းလည်းဖြစ်သည်။ သို့သော်လည်း သေဆုံးသွားသူများနှင့် အကျဉ်းထောင်တွင် ဖမ်းဆီးထားသော လူ ၁၀၀၀ ကျော်မှာ Barrio 18 ဂိုဏ်းမှ အဖွဲ့ဝင်များဖြစ်ပြီး အဖြစ်အပျက်မှာ ဖြုတ်ထုတ်သတ်လမ်းစဉ်ကြောင့် ဖြစ်သည်ဟု ဆိုသည်။
Ref: News Agencies
