Blog

ပါလက်စတိုင်းပိုင်နက်တွင် အစ္စရေးက အိမ်ယာဆောက်လုပ်ရန် စီစဉ်မှု ကုလ ရှုတ်ချ

ဇူလိုင် ၃၀၊ ၂၀၁၅
M-Media

– ပါလက်စတိုင်းပိုင်နက်ဖြစ်ပြီး အစ္စရေးက ကျူးကျော်သိမ်းပိုက်ထားသော အနောက်ဘက်ကမ်းတွင် အခြေချအိမ်ယာ ၃၀၀ ဆောက်လုပ်ရန် အစ္စရေး၏ အတည်ပြုမှုကို ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်က ရှုတ်ချလိုက်ပြီး ထိုဆုံးဖြတ်ချက်အား
ပြန်ရုပ်သိမ်းရန်လည်း တိုက်တွန်းလိုက်သည်။

အနောက်ဘက်ကမ်း ဘီအစ် အဲလ်ဒေသတွင် အိမ်ယာ ၃၀၀ ချက်ခြင်းဆောက်လုပ်ရန်နှင့် အစ္စရေးက သိမ်းပိုက်ထားသည့် အရှေ့ဂျေရုစလင်တွင် နေအိမ် ၅၀၄ လုံး ဆောက်လုပ်ရန်အစီအစဉ်တို့ကို အစ္စရေးဝန်ကြီးချုပ် နေတန်ယာဟုက ယမန်နေ့တွင် အတည်ပြုခဲ့ခြင်းဖြစ်သည်။

ဘန်ကီမွန်ကမူ အဆိုပါ အခြေချအိမ်ယာများမှာ နိုင်ငံတကာဥပဒေနှင့် ညီညွတ်ခြင်းမရှိဘဲ၊ ငြိမ်းချမ်းရေးအတွက် အဟန့်အတားဖြစ်ကာ နှစ်နိုင်ငံအဖြေရရေး အစ္စရေးက ဖော်ပြထားသည့် သဘောထားနှင့်အတူ ပြန်လည်သင့်မြတ်ရေးကိုလည်း ဆောင်ရွက်နိုင်မည်မဟုတ်ဟု နယူးယောက်မှ ထုတ်ပြန်သော ကြေညာချက်တွင် ဖော်ပြထားသည်။

ထို့ပြင် ငြိမ်းချမ်းရေးကို ရှေးရှုသောအားဖြင့် ဆောက်လုပ်ရေးလုပ်ငန်းများကို ရပ်တန့်ရန်နှင့် ဆုံးဖြတ်ချက်ကို ပြန်လည်ရုတ်သိမ်းရန်လည်း ဘန်က တိုက်တွန်းခဲ့သည်ဟု ၎င်း၏ ပြောရေးဆိုခွင့်ရှိသူက ဆိုသည်။

အနောက်ဘက်ကမ်းတွင် ဘဒူအင်များနေထိုင်သော ဆူစီယာရွာအား ဖြိုချဖျက်ဆီးပစ်မည်ဟု အစ္စရေးက ခြိမ်းခြောက်မှုအတွက်လည်း စိုးရိမ်မိသည်ဟု ဘန်ကီမွန်က ထည့်သွင်းပြောကြားခဲ့သည်။

“ကျူးကျော်သိမ်းပိုက်ထားတဲ့ ပိုင်နက်မှာ ပြည်သူပိုင်ပစ္စည်းတွေကို ဖျက်ဆီးခြင်းဟာ နိုင်ငံကတကာဥပဒေအရ တားမြစ်ထားတဲ့ကိစ္စဖြစ်ပြီး အဲဒီလို အပြုအမူတွေအတွက် တာဝန်ယူရပါလိမ့်မယ်”

Ref: Alarabiya

July 30, 2015
ပျောက်ဆုံး မလေးလေယာဉ်မှ ဖြစ်မည်ဟု ယူဆရသည့် အစိတ်အပိုင်းတစ်ခု တွေ့ရှိ

ဇူလိုင် ၃၀၊ ၂၀၁၅
M-Media

– အိန္ဒိယသမုဒ္ဒရာအနောက်ပိုင်း ပြင်သစ်ပိုင် ရီယူနီယံကျွန်းတွင် တွေ့ရှိခဲ့သည့် လေယာဉ်အပျက်အစီး အစိတ်အပိုင်းမှာ လွန်ခဲ့သည့် ၁ နှစ်က ပျောက်ဆုံးသွားခဲ့သော MH370 လေယာဉ်မှ ဖြစ်မည်လားဆိုသည်ကို စုံစမ်းစစ်ဆေးမှုများပြုလုပ်ရန် အဖွဲ့တစ်ဖွဲ့ကို မလေးရှားက
စေလွှတ်လိုက်သည်ဟု သိရသည်။

ယမန်နေ့နှောင်းပိုင်းက စေလွှတ်လိုက်ခြင်းဖြစ်ပြီး မလေးရှား သယ်ယူပို့ဆောင်ရေးဝန်ကြီးကလည်း ထိုကဲ့သို့ စေလွှတ်ကြောင်း အတည်ပြုခဲ့သည်။

ပြင်သစ် လေယာဉ်ပျက်စုံစမ်းရေးအေဂျင်စီ BEA ကမူ ရီယူနီယံကျွန်းတွင် တွေ့ရှိခဲ့သည့် လေယာဉ်အပိုင်းအစ တစ်ခုကို လေ့လာမှုများ ပြုလုပ်နေသော်လည်း MH370 မှ ဖြစ်သည်ဆိုသည်ကိုမူ ပြောရန် စောလွန်းနေသောကြောင်း ယမန်နေ့အစောပိုင်းက ပြောကြားခဲ့သည်။

အေဂျင်စီမှ ပြောရေးဆိုခွင့်ရှိသူ တစ်ဦးက အဆိုပါအပျက်အစီးကို မစစ်ဆေးရသေးဟု ဆိုပြီး ကျွမ်းကျင်သူများကမူ ဓာတ်ပုံများအရ ထိုအစိတ်အပိုင်းမှာ လေယာဉ်တောင်ပံမှ အစိတ်အပိုင်းတစ်ခုဖြစ်မည်ဟု ယူဆရကြောင်း ပြောကြားခဲ့သည်။

ခရီးသည် ၂၃၉ ဦးနှင့် လေယာဉ်အမှုထမ်းများကို တင်ဆောင်ကာ ကွာလာလမ်ပူမှ ဘေဂျင်းသို့ ပျံသန်းလာသော အဆိုပါ MH370 လေယာဉ်မှာ ပြီးခဲ့သည့် မတ်လအတွင်းက အစရှာမရဘဲ ပျောက်ဆုံးသွားခဲ့ပြီး အရပ်ဘက်လေကြောင်းသမိုင်းတွင် ပဟေဠိဖြစ်စရာအကောင်းဆုံး ကိစ္စများမှ တစ်ခုလည်း ဖြစ်သည်။ ထိုလေယာဉ်တွင် လိုက်ပါသွားသူ ခရီးသည်အများစုမှာ တရုတ်နိုင်ငံသားများ ဖြစ်ကြသည်။

ဘိုးအင်း ၇၇၇ ဖြစ်သည့် အဆိုပါလေယာဉ်အား ရှာဖွေမှုကို သြစတေးလျနိုင်ငံက ဦးဆောင်ပြုလုပ်နေပြီး အိန္ဒိယသမုဒ္ဒရာ တောင်ဘက်ပိုင်းတစ်လျှောက်တွင် အာရုံစိုက်ရှာဖွေမှုများ ပြုလုပ်နေသည်။

AP သတင်းဌာနမှ ယမန်နေ့က ဖော်ပြရာတွင် အိန္ဒိယသမုဒ္ဒရာထဲ၌ တွေ့ရှိခဲ့သော အဆိုပါ အစိတ်အပိုင်းမှာ ဘိုးအင်း ၇၇၇ လေယာဉ်မှ ဖြစ်နိုင်ချေများသည်ဟု စုံစမ်းစစ်ဆေးသူများက ယုံကြည်နေကြောင်း အမေရိကန်အာဏာပိုင်များက ပြောကြားခဲ့သည်ဟု ဆိုသည်။

Ref: Aljazeera

July 30, 2015
နိုင်ငံတကာသတင်းတို (ဇူလိုင် ၂၉၊ ၂၀၁၅)

ဇူလိုင် ၂၉၊ ၂၀၁၅
M-Media

တာလီဘန်ခေါင်းဆောင် မွလ္လာအိုမာရ်သေဆုံးကြောင်း သတင်းထွက်ပေါ်လာ
…………………………………………
တာလီဘန်ခေါင်းဆောင် မွလ္လာအိုမာရ်မှာ လွန်ခဲ့သည့် ၂ နှစ်နှင့် ၄ လအရင်က အဆုတ်ရောဂါဖြင့် သေဆုံးခဲ့သည်ဟု ပါကစ္စတန်နှင့် အာဖဂန်အစိုးရတို့က အတည်ပြုပြောကြားခဲ့သည်ဟု Reuters သတင်းဌာနက ယနေ့တွင် ဖော်ပြခဲ့သည်။ အဆိုပါသတင်းကို ယခင်တာလီဘန်ဝန်ကြီဟောင်း တစ်ဦးက ထောက်ခံခဲ့ပြီး မွလ္လာအိုမာရ်ကို အာဖဂန်နယ်စပ်တွင် မြှုပ်နှံခဲ့သည်ဟု ဆိုသည်။
သို့သော်လည်း တာလီဘန်အဖွဲ့ကမူ အဆိုပါသတင်းအား ငြင်းဆိုခဲ့ပြီး မွလ္လာအိုမာရ်မှာ ကျန်းကျန်းမာမာရှိနေသည်ဟု ပြန်လည်တုံ့ပြန်ခဲ့သည်။

ပါလက်စတိုင်းပိုက်နက်တွင် ကျူးကျော်အိမ်ယာဆောက်လုပ်ရန် အစ္စရေးအတည်ပြု
……………………………………
ပါလက်စတိုင်းပိုင် အနောက်ဘက်ကမ်းတွင် ကျူးကျော်အိမ်ယာ ၃၀၀ ကို ချက်ခြင်းဆောက်လုပ်ရန်အတွက် အစ္စရေးဝန်ကြီးချုပ် နေတန်ယာဟုက ယနေ့တွင် အတည်ပြုခဲ့သည်။ ထို့ပြင် ၎င်းတို့ကျူးကျော်ထားသည့် အရှေ့ဂျေရုစလင်တွင်လည် နေအိမ် ၅၀၄ လုံး
ဆောက်လုပ်ရန်အစီအစဉ်ကိုလည်း အတည်ပြုခဲ့သည်။ ပါလက်စတိုင်းပိုင်နက်များတွင် ဂျူးအခြေချ ကျူးကျော်အိမ်ယာများ တည်ဆောက်ခြင်းကို နိုင်ငံတကာအသိုင်းအ၀ိုင်းက ကန့်ကွက်ရှုတ်ချကာ ဆောက်လုပ်ခြင်းမပြုရန် တားမြစ်ထားသော်လည်း အစ္စရေးက လိုက်နာခြင်း မရှိပေ။

အိန္ဒိယရေကြီးမှု လူ ၂၆ ဦးသေဆုံး
………………………..
မိုးသည်းထန်စွာရွာသွန်းပြီး ရေကြီးမှုကြောင့် အိန္ဒိယနိုင်ငံအနောက်ပိုင်းတွင် ပြီးခဲ့သည့် ၄၈ နာရီအတွင်း အနည်းဆုံး လူ ၂၆ ဦး သေဆုံးခဲ့သည်ဟု AFP သတင်းဌာနက ဖော်ပြခဲ့သည်။ မိုးကြီးပြီး လေထန်မှုကြောင့် ဂူဂျာရတ်ပြည်နယ်မြောက်ပိုင်းတစ်ဝှမ်းတွင် ဓာတ်အားလိုင်းနှင့် ဆက်သွယ်ရေးများ ပြတ်တောက်လျက်ရှိနေသည်။ ရေကြီးမှုဒဏ်ကို ရွာပေါင်း ၂၀၀၀ ကျော် ခံစားနေရပြီး အဆိုးရွားဆုံးနေရာများတွင် ကယ်ဆယ်ရေးလုပ်ငန်းများကို လုပ်ဆောင်နေသည်။

Ref: News Agencies

July 29, 2015
ဟောလီးဝုဒ်မင်းသမီး ဂျိုလီ မြန်မာနိုင်ငံ၏ အခြေအနေကို လေ့လာကာ ပဋိပက္ခဒဏ် ခံရသူများကိုလည်း သွားရောက်တွေ့ဆုံမည်

ဇူလိုင် ၂၉၊ ၂၀၁၅
M-Media

– ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ၏ အထူးကိုယ်စားလှယ်ဖြစ်သော ဟောလီးဝုဒ် ရုပ်ရှင်မင်းသမီး အိန်ဂျလီနာဂျိုလီမှာ ယနေ့တွင် မြန်မာနိုင်ငံသို့ ရောက်ရှိလာခဲ့သည်ဟု သိရသည်။

နေပြည်တော်လေဆိပ်သို့ ရောက်ရှိလာခဲ့ခြင်းဖြစ်ပြီး လွတ်တော်ဥက္ကဌ သူရဦးရွှေမန်း၊ သမ္မတဦးသိန်းစိန်တို့နှင့် ယခုလက်ရှိတွင် တွေ့ဆုံပြီးဖြစ်သည်။

မြန်မာနိုင်ငံရှိ ဗြိတိသျှသံရုံးမှ ထုတ်ပြန်သော ကြေညာချက်ကို DVB သတင်းဌာနက ဖော်ပြရာတွင် ဂျိုလီမှာ မြန်မာနိုင်ငံ၌ လေးရက်ကြာ နေထိုင်သွားမည်ဖြစ်ပြီး နိုင်ငံအတွင်းရှိ အခြေအနေများကို လေ့လာသွားမည်ဖြစ်ကာ ပြည်သူများအတွက် ငြိမ်းချမ်းပြီး ပြီးပြည့်စုံသည့်အနာဂတ် တည်ဆောက်ရေး ကြိုးပမ်းမှုများကို အားပေးသွားမည်ဟု ဆိုသည်။

လိင်အကြမ်းဖက်မှုတားဆီးရေး ရှေ့ဆောင်အဖွဲ့ကို ပူးပေါင်းတည်ထောင်သူဖြစ်ပြီး UNHCR ၏ အထူးကိုယ်စာလှယ်ဖြစ်သူ ဂျိုလီမှာ မြန်မာနိုင်ငံ၏ ပဋိပက္ခများ ဖြစ်ပွားရာဒေသရှိ အိုးအိမ်စွန့်ခွာ ထွက်ပြေးရသူများ နေထိုင်ရာဒေသများသို့လည်း သွားရောက် လည်ပတ်သွားမည်ဖြစ်သည်။

“လူ့အခွင့်အရေး၊ ဘာသာပေါင်းစုံဆက်ဆံရေးနဲ့ ပတ်သက်ပြီး ဆောင်ရွက်နေတဲ့ဒေသခံတွ၊ အမျိုးသမီးအခွင့်အရေး မြှင့်တင်ပေးဖို့ ဆောင်ရွက်နေသူတွေ၊ မကြာခင်ဖြစ်လာတော့မယ့် ရွေးကောက်ပွဲမတိုင်ခင် မဲဆန္ဒရှင်များ ပညာပေးခြင်းနဲ့ ပူးပေါင်းပါဝင်ခြင်းဆိုင်ရာ စီမံကိန်းတွေ ဆောင်ရွက်နေတဲ့အဖွဲ့တွေကိုလည်း သူမက တွေ့ဆုံပါလိမ့်မယ်” ဟု အဆိုပါ ကြေညာချက်တွင် ထည့်သွင်းဖော်ပြထားသည်။

သတင်းစာရှင်းလင်းပွဲတွင် ဂျိုလီက သူမအနေဖြင့် မြန်မာနိုင်ငံရှိ အဖွဲ့အများအပြားဖြင့် တွေ့ဆုံသွားမည်ဖြစ်ပြီး ၎င်းတို့၏ စိုးရိမ်မှုများနှင့် နိုင်ငံ၏ အနာဂတ်အတွက် ၎င်းတို့၏ မျှော်လင့်ချက်များကို လေ့လာသွားမည်ဟု ပြောကြားခဲ့သည်။

“နိုဝင်ဘာမှာ ရွေးကောက်ပွဲလာတော့မယ့်အချိန် သူတို့ရဲ့ ဒီမိုကရေစီအခွင့်အရေးကို ကျင့်သုံးဖို့၊ ငြိမ်းချမ်းတဲ့အနာဂတ်အတွက် အရေးပါတဲ့ အခြေခံပြဿနာတွေကို ဖြေရှင်းရေး အကူအညီပေးဖို့ ပြည်သူတွေအတွက် အခုအချိန်ဟာ အရေးပါတဲ့အချိန်ပါပဲ” ဟု ဂျိုလီက
ထပ်လောင်းပြောကြားခဲ့သည်။

ဂျိုလီမှာ မြန်မာနိုင်ငံသို့ မလာရောက်ခင် ကမ္ဘောဒီးယားသို့ သွားရောက်ခဲ့ပြီး Maddox Jolie-Pitt Foundation က ၂၀၀၃ ခုနှစ်မှစ၍ ရန်ပုံငွေထောက်ပံ့ခဲ့သော ကျန်းမာရေး၊ ပညာရေးနှင့် ပတ်ဝန်းကျင်ထိန်းရေး စီမံကိန်းများကို သွားရောက် ကြည့်ရှုခဲ့သည်။

ထို့ပြင် ကမ္ဘောဒီယား၌ မတည်မငြိမ်ဖြစ်နေသည့်အချိန်တွင် ကလေးငယ်တစ်ဦး ကြုံတွေ့ခဲ့ရသည့် ဖြစ်ရပ်မှန်ဇာတ်ကားကို အခြေပြု ရိုက်ကူးမည့် First They Killed My Father ရုပ်ရှင်အတွက်လည်း ပြင်ဆင်မှုများ ပြုလုပ်ခဲ့သည်။

ဂျိုလီမှာ မြန်မာနိုင်ငံသို့ ပထမဆုံး လာရောက်ခြင်းဖြစ်ပြီး ပြီးခဲ့သည့်နှစ်က ထိုင်း-မြန်မာ နယ်စပ် ဒုက္ခသည်စခန်းများသို့ UNHCR ၏ အထူးကိုယ်စားလှယ်အဖြစ် သွားရောက်ခဲ့ကာ ကရင်ဒုက္ခသည်များနှင့် တွေ့ဆုံခဲ့သည်။

Ref: Gangkokpost

July 29, 2015
ဖယ်လ်ကာအို မှာ ကြောက်စရာတိုက်စစ်မှူး ပြန်ဖြစ်လာမည်ဟု မော်ရင်ဟိုပြော

ဇူလိုင် ၂၉၊ ၂၀၁၅
M-Media

– တိုက်စစ်မှူးဖယ်လ်ကာအိုအနေဖြင့် ချယ်ဆီးအသင်းတွင် ဂိုးသွင်းခြေ ပြန်ရမည်ဖြစ်ပြီး ၎င်းအတွက် မိမိအနေဖြင့် မည်သည့်စိုးရိမ်မှုမှမရှိဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

အက်သလက်တီကိုမက်ဒရစ်အသင်း၌ ပွဲပေါင်း ၉၀ ကစားကာ ဂိုး ၇၀ သွင်းယူနိုင်ခဲ့သည့် ဖယ်လ်ကာအိုမှာ ယမန်နှစ်က မန်ယူသို့ အငှားလာရောက်ကစားသည့်အချိန်တွင် ၄ ဂိုးသာ သွင်းယူနိုင်ခဲ့သည်။

သို့သော်လည်း မော်ရင်ဟိုက ဇူလိုင်လအစောပိုင်းတွင် ခေါ်ယူခဲ့ပြီး မိမိ၏လက်အောက်တွင် ဖယ်လ်ကာအိုမှာ ကြောက်စရာကောင်းသည့်တိုက်စစ်မှူးတစ်ဦး ပြန်ဖြစ်လာနိုင်မည်ဟု ဆိုသည်။

ထို့ပြင် မန်ယူသို့ပြောင်းရွှေ့သွားကတည်းက မိမိတို့မှာ အဆိုးများနှင့် ရင်ဆိုင်ရတော့မည်ဟု တွေးထားခဲ့ကြောင်း ၎င်းက ၀န်ခံခဲ့သည်။

“သူ မန်ယူကို ရောက်သွားတဲ့အခါ ကျွန်တော်တို့ နည်းနည်းကြောက်ခဲ့တယ်လို့ ပြောရမယ်။ ဘာ့ကြောင့်လည်းဆိုတော့ သူက ပင်နယ်တီစည်းအတွင်းမှာ သားရဲတစ်ကောင်လိုပါပဲ။ ပြီးတော့ တစ်ချိန်လုံး ဂိုးတွေသွင်းတဲ့သူ တစ်ယောက်ပါ။ သူကစားခဲ့တဲ့ ကလပ်အသင်းတိုင်းရဲ့ လိဂ်ပြိုင်ပွဲတိုင်းမှာ သူ ဒီလို ဂိုးတွေသွင်းခဲ့တာကိုး။ ဒါ့ကြောင့် ကျွန်တော်တို့ အင်္ဂလန်မှာလည်း
သူဒီလိုပဲ ဂိုးသွင်းမယ်လို့ ယုံကြည်ခဲ့တယ်” ဟု မော်ရင်ဟိုက ESPN သို့ ပြောကြားခဲ့သည်။

ဖယ်လ်ကာအို မန်ယူ၌ ခြေစွမ်းမပြနိုင်ခြင်းမှာ ကြံ့ခိုင်မှုကြောင့်မဟုတ်ဘဲ မိမိအနေဖြင့် စိုးရိမ်မှုမရှိဟုလည်း ထပ်လောင်းပြောကြားခဲ့သည်။

“၀ယ်ဖို့ ဆုံးဖြတ်ချက်မချခင်မှာ ကျွန်တော်တို့ဟာ အသည်းအသန်ကို လေ့လာဆန်းစစ်မှုတွေ ပြုလုပ်ခဲ့ပါတယ်။ ကျွန်တော်တို့ရဲ့ ဆရာဝန်က ဒီကိစ္စတွေအားလုံးအတွက် စုံစမ်းမှုတွေ တကယ့်ကို လုပ်ခဲ့ပါတယ်။ သေချာတာက သူဟာ ရုပ်ပိုင်းဆိုင်ရာပြဿနာ မရှိပါဘူး။ ဒါ့ကြောင့် ရုပိုင်းဆိုင်ရာ ပြဿနာမရှိရင် ကျွန်တော်တို့ သူ့ကို ဂိုးတွေပြန်သွင်းအောင် လုပ်နိုင်ပါလိမ့်မယ်”

Ref: Goal

July 29, 2015