ဇူလိုင် ၁၈၊ ၂၀၁၅
M-Media
– နိုင်ငံ၏ ဌာနေ တောရိုင်းတိရစ္ဆာန် မျိုးစိတ်များကို ခြိမ်းခြောက်နေသော လေလွင့်ကြောင်ရိုင်း ၂ သန်းကို ၅ နှစ်အတွင်း သုတ်သင်ရန် စီစဉ်နေသည်ဟု သြစတေးလျအစိုးရက ကြေညာလိုက်သည်။
“လေလွင့်ကြောင်ရိုင်းတွေကို အန္တရာယ်ရှိတဲ့ အိမ်မွေးတိရစ္ဆာန်တွေအဖြစ် သတ်မှတ်သွားမှာဖြစ်ပြီး နည်းလမ်းပေါင်းစုံ၌ ရှာဖွေသွားမှာ ဖြစ်ပါတယ်။ သုတ်သင်တဲ့နည်းလမ်းတွေထဲမှာ အစာနဲ့ထောင်ခြင်း၊ ပစ်သတ်ခြင်း၊ ဒါမှမဟုတ် အဆိပ်ခတ်ခြင်းတို့ ပါဝင်ပါလိမ့်မယ်” ဟု သြစေတေးလျ သဘာပတ်ဝန်းကျင်ဆိုင်ရာ ဖက်ဒရယ်ဝန်ကြီး ဂရေ့ဂ်ျ ဟန့်က International Business Times သို့ ပြောကြားခဲ့သည်။ ဟန့်မှာ အဆိုပါအစီစဉ်ကို မဲလ်ဘုန်းရှိ တိရိစ္ဆာန်ရုံတွင် ပြည်သူများအား ချပြခဲ့သည်။
ခြိမ်းခြောက်ခံ တိရစ္ဆာန်မျိုးစိတ်များဆိုင်ရာ သြစတေးလျ၏ ပထမဆုံး ကော်မရှင်နာမင်းကြီး ဂရီဂေါ်ရီ အန်ဒရူးကမူ အစိုးရ၏ အနေအထားအား နိုင်ငံပိုင်ရေဒီယိုမှတစ်ဆင့် ရှင်းပြခဲ့သည်။
“ကျွန်တော်တို့ဟာ ကြောင်တွေကိုမမုန်းဘူးဆိုတာ အလေးအနက်ထားပြောဖို့ တော်တော်လေး အရေးကြီးပါတယ်။ ကျွန်တော်တို့ရဲ့ တောရိုင်းတိရစ္ဆာန်တွေအပေါ် သူတို့ ဖျက်ဆီးနေတာတွေကို ကျွန်တော်တို့ သည်းမခံနိုင်တော့ပါဘူး။ သြစတေးလျက တိရစ္ဆာန်မျိုးစိတ် ၁၂၀ လောက်ဟာ ဒီလေလွင့်ကြောင်ရိုင်းတွေကြောင့် မျိုးတုန်းမယ့်အန္တရာယ် ရှိနေပါတယ်။ ဒါ့ကြောင့် သူတို့ဟာ အကြီးဆုံး ခြိမ်းခြောက်မှုဖြစ်တယ်ဆိုတာ သိပ္ပံနည်းကျ အထောက်အထားတွေက ထင်ထင်ရှားရှားကို ပြသနေပါတယ်” ဟု အန်ဒရူးက ပြောကြားခဲ့သည်။
သြစတေးလျအစိုးရအနေဖြင့် ခြံစည်းရိုးခတ်ထားသည့် လေလွင့်ကြောင်ရိုင်း ကင်းလွတ်နယ်မြေ ၁၀ ခုကို တည်ဆောက်သွားမည်ဖြစ်ပြီး၊ ၎င်းတို့မှာ နိုင်ငံမြောက်ပိုင်း တိရိစ္ဆာန်များနှင့် အပင်များ သဘာဝအတိုင်းတည်ရှိကာ အကြီးဆုံး ခြံစည်းရိုးခတ် ဒေသများတွင် ပါဝင်မည်ဖြစ်သည်။ ကြောင်များကိုမူ အဆိုပါ ဧရိယာအနီးရှိ ဟက်တာ ၁၀ သန်း ကျယ်ဝန်းသောနေရာတွင် သုတ်သင်သွားမည်ဖြစ်သည်။
လေလွင့်ကြောင်ရိုင်းများကို သုတ်သင်ခြင်းနှင့်အတူ အဆိုပါဗျူဟာတွင် အဓိက အကြောင်းအရင်း ၃ ခု ထပ်မံပါဝင်မည်ဖြစ်ပြီး မျိုးစိတ်များအတွက် အာမခံချက်ရှိသည့် နေရာများ ဖန်တီးပေးခြင်းနှင့် မျိုးတုန်းပျောက်ကွယ်မှုမှ ကာကွယ်ရန် အရေးပေါ် ကြားဝင်ဆောင်ရွက်ခြင်းတို့ ဖြစ်သည်။
ထိုမဟာဗျူဟာကို အကောင်အထည်ဖော်ရန်အတွက် သြစတေးလျက ကန်ဒေါ်လာ ၆.၆ သန်းကို ခွဲဝေပေးထားပြီး ပုဂ္ဂလိက အလှူရှင်များမှလည်း အလှူငွေများရရှိရန် မျှော်လင့်ထားသည်။
ဥရောပသားများ ရောက်ရှိလာပြီးနောက်ပိုင်း သြစတေးလျတိုက်အတွင်း တောင်ရိုင်းတိရိစ္ဆာန်မျိုးစိတ် ၁၃၀ ခန့် ပျောက်ဆုံးခဲ့ရပြီး၊ ယခုအချိန်တွင်လည်း အခြားသော ဌာနေမျိုးစိတ် အများအပြားမှာအန္တရာယ်ရှိနေသည်။ နို့တိုက်သတ္တ၀ါ ၂၀ခန့်၊ ငှက်မျိုးစိတ် ၂၀ ခန့်နှင့်
အပင်မျိုးစိတ်များမှာလည်း လက်ရှိအချိန်တွင် နိုင်ငံတော်၏ ကာကွယ်မှုအောက်တွင် ရှိနေသည်။
Ref: RT
