Blog

မဒီနာရှိ ပရဟိတအဖွဲ့တစ်ခု မိဘမဲ့ကလေးများအား လူနေမှုအဆင့် မြှင့်တင်ပေးမည်

ဇူလိုင် ၁၀၊ ၂၀၁၅
M-Media

– မြို့တွင်းရှိ မိဘမဲ့ကလေးများ၏ လူနေမှုအဆင့်အတန်းကို မြှင့်တင်ပေးရန်အတွက် ဆော်ဒီအာရေဗျနိုင်ငံ မဒီနာမြို့ရှိ ပရဟိတအဖွဲ့အစည်းတစ်ခုက မိဘမဲ့ဂေဟာများ ဆောက်လုပ်မည့် စီမံကိန်းအသစ်ကို ကြေညာလိုက်သည်။

“တော်ဝင်မင်းသား ဖိုက်ဆဲလ်ဟာ နယ်ပယ်အားလုံးမှာ လူမှုဖူလှုံရေး လုပ်ငန်းတွေကို အမြဲတမ်း အဓိက ထောက်ပံ့အားပေးနေသူ ဖြစ်ပါတယ်” ဟု မဒီနာရှိ မိဘမဲ့ကလေး စောင့်ရှောက်ရေးအဖွဲ့ဖြစ်သော Takaful Welfare Society မှ အထွေထွေ အတွင်းရေးမှူး အလ်-
ဟာဘီးက Arab News ၀ဘ်ဆိုက်သို့ ဇူလိုင် ၈ ရက် ဗုဒ္ဓဟူးနေ့တွင် ပြောကြားခဲ့သည်။

မဒီနာမြို့၏ အုပ်ချုပ်ရေးမှူးဖြစ်သူ မင်းသား ဖိုက်ဆဲလ်မှာ Takaful Welfare Society ၏ ဒါရိုက်တာဘုတ်အဖွဲ့ ဥက္ကဌလည်းဖြစ်သည်။

အဆိုပါ Takaful အဖွဲ့၏ အစီအစဉ်ရ မိဘမဲ့ကလေးများအတွက် မဒီနာမြို့နှင့် အနီးတစ်ဝိုက်ရှိ ရွာများတွင် ၃ နှစ်အတွင်း ဂေဟာ ၁၉၅ ခုကို ဆောက်လုပ်သွားမည်ဖြစ်ပြီး ရှိပြီးသား ဂေဟာ ၃၀၀ ကိုလည်း ပြုပြင်သွားမည်ဖြစ်သည်။

ထိုအတွက် ကုန်ကျစားရိတ်ကို စုစုပေါင်း ဆော်ဒီရီယဲလ် သန်း ၄၀ သတ်မှတ်ထားပြီး ဂေဟာအသစ်ဆောက်လုပ်မှုအတွက် တစ်လုံးလျှင် ရီယဲလ် ၁၈၀၀၀၀ ကုန်ကျမည်ဖြစ်ကာ ပြုပြင်မှုအတွက်မူ ရီယဲလ် ၂၀၀၀၀ ကုန်ကျမည်ဖြစ်သည်။

မိဘမဲ့ကလေးများအား အလုပ်အကျွေးပြုရေး လူမှုအသင်းအဖွဲ့များနှင့် ပြည်သူများကို တိုက်တွန်းအားပေးသည့်အနေဖြင့် Takaful Welfare Society မှာ မင်းသား ဖိုက်ဆဲလ် ဘင် ဆလ်မာန်၏ ကြီးကြပ်မှုအောက်တွင် လူမှု တာဝန်သိမှုဆုဖြစ်သော Madinah Al Munawwara Award ကို ချီးမြှင့်မည်ဟုလည်း ကြေညာခဲ့သည်။

အဆိုပါ ဆုမှာ မိဘမဲ့ကလေးများအတွက် လူမှုဖူလှုံရေးလုပ်ငန်းများ ဆောင်ရွက်ပေးသော အသင်းအဖွဲ့များနှင့် ပြည်သူများအား ဂုဏ်ပြုသည့်ဆုလည်း ဖြစ်သည်။

Welfare Society မှာ ယောက်ျားလေးနှင့် မိန်းကလေးများအပါအ၀င် မိဘမဲ့ကလေး ၈၀၀၀ ကျော်နှင့် ၎င်းတို့၏ မိခင်များကိုပါ စောင့်ရှောက်ပေးထားကာ နေရေးထိုင်ရေး၊ ကျန်းမာရေးနှင့် ပညာရေးတို့အတွက် စီစဉ်ပေးထားသည်။

Ref: Onislam

July 10, 2015
အရေးပေါ်အကူအညီအတွက် ယီမင်အပစ်ရပ်ရေး ယနေ့စမည်

ဇူလိုင် ၁၀၊ ၂၀၁၅
M-Media

– စုစုပေါင်းလူဦးရေ၏ ၈၀ ရာခိုင်နှုန်းကျော် အကူအညီများ လိုအပ်နေသည့် ယီမင်နိုင်ငံတွင် လူသားချင်းစာနာထောက်ထားသည့် အကူအညီများ ပေးအပ်ရန်အတွက် တစ်ပတ်တာ ခြွင်းချက်မဲ့ အပစ်ရပ်ရေး အစီအစဉ်ကို ကုလက ကြေညာလိုက်သည်။

အဆိုပါ အပစ်ရပ်ရေးမှာ ဇူလိုင်လ ၁၀ ရက် သောကြာနေ့ ဒေသစံတော်ချိန် ၂၃ နာရီ ၅၉ မိနစ်မှ စတင်ကာ ရမ်ဇာန်ဥပုသ်လအဆုံး ဇူလိုင် ၁၇ ရက်နေ့တွင် အဆုံးသတ်မည်ဟု ကုလ ပြောရေးဆိုခွင့်ရှိသူ စတီဖိန်း ဒူဂျာရစ်က ယမန်နေ့တွင် ပြောကြားခဲ့သည်။

“လူသားချင်းစာနာထောက်ထားမှုဆိုင်ရာ ခြွင်းချက်မဲ့ ဒီအပစ်ရပ်ရေးအတွက် ယီမင်ပဋိပက္ခမှာ ပါဝင်တဲ့သူတွေအားလုံးရဲ့ ကတိက၀တ်ကို အထွေထွေအတွင်းရေးမှူးချုပ်က စောင့်ကြည့်နေပါတယ်။ သောကြာနေ့ အပစ်ရပ်ရေးစမယ်ဆိုတာ ကြေညာဖို့ လိုအပ်တဲ့သဘောထား
ပါဝင်သူတွေအားလုံးမှာရှိတယ်လို့ ကျွန်တော်တို့ ခံစားရပါတယ်” ဟု ဒူဂျာရစ်က ဆိုသည်။

အဆိုပါ အပစ်ရပ်ရေးနှင့်ပတ်သက်၍ ယီမင်စစ်ပွဲတွင် ပါဝင်နေသည့် နှစ်ဘက်စလုံးက မည်သည့်မှတ်ချက်မှ မပေးသေးပေ။

ယီမင်နိုင်ငံဆိုင်ရာ ကုလသမဂ္ဂ အထူးကိုယ်စားလှယ် အစ္စမေးလ် အွလ်ဒ် ချိခ် အဟ်မဒ် ပြီးခဲ့သည့် ရက်ပိုင်းအတွင်း ယီမင်သို့သွားရောက်ကာ ဟူသီသူပုန်များနှင့် သမ္မတဟာဒီ၏ အဝေးရောက်အစိုးရမှ တာဝန်ရှိသူများအကြား ဆွေးနွေးညှိနှိုင်းမှုများ ပြုလုပ်ပြီးနောက် ယခုကဲ့သို့ အပစ်ရပ်ရေးကိစ္စ ပေါ်ထွက်လာခြင်းဖြစ်သည်။

စစ်ပွဲကြောင့် နိုင်ငံ၏ ၂၅ သန်းသော လူဦးရေတွင် ၈၀ ရာခိုင်နှုန်းကျော်မှာ လူသားချင်း စာနာထောက်ထားမှုဆိုင်ရာ ပြဿနာများကို ရင်ဆိုင်နေရပြီး အရေးပေါ်အကူအညီများ လိုအပ်နေသည်။

Ref: Aljazeera

July 10, 2015
စင်ကာပူ Doodle 4 Google ပြိုင်ပွဲတွင် အသက် ၈ နှစ်အရွယ် ကျောင်းသားလေး အနိုင်ရရှိ

ဇူလိုင် ၁၀၊ ၂၀၁၅
M-Media

– ၂၀၁၅ စင်ကာပူ Doodle 4 Google ပြိုင်ပွဲတွင် အသက် ၈ နှစ်အရွယ် မူလတန်းကျောင်းသားတစ်ဦးမှာ အနိုင်ရရှိခဲ့ပြီး ယမန်နေ့က Asia Square 1 ရှိ ဂူးဂဲလ်၏ ရုံးခန်းတွင် ဆုချီးမြှင့်ခဲ့သည်ဟု သိရသည်။

Doodle 4 Google ပြိုင်ပွဲမှာ Google ၏ မူလစာမျက်နှာတွင် လိုဂိုနှင့်ပေါင်းစပ်၍ ဖော်ပြမည့် အနုပညာလက်ရာ ပြိုင်ပွဲဖြစ်ပြီး အသက်ကန့်သတ်ချက်ဖြင့် ခွဲထားသည့် အုပ်စု ၅ ခုမှ နောက်ဆုံး ဇကာတင် ၅ ဦး၏ လက်ရာများတွင် အသက် ၈ နှစ်အရွယ် မိုဟ် ဂျော်န် ဟေဒန်၏ လက်ရာက အကောင်းဆုံးအဖြစ် ရွေးချယ်ခံခဲ့ရခြင်းဖြစ်သည်။

ထိုကဲ့သို့ ရွေးချယ်ခံရခြင်းကြောင့် ဆုဖလားအပြင် အမေရိကန်ပြည်ထောင်စု ကယ်လီဖိုးနီးယားပြည်နယ် မောင်တိန်ဗျူးရှိ ဂူးဂဲလ်အဆောက်အုံဖြစ်သော Googleplex သို့ မိခင်နှင့်အတူ သွားရောက်လည်ပတ်ခွင့်လည်း ရရှိမည်ဖြစ်သည်။ ၎င်း၏ အနုပညာလက်ရာကို စင်ကာပူ၏ အမျိုးသားနေ့တွင် Google ၏ မူလစာမျက်နှာ၌ ၂၄ နာရီ လွှင့်တင်ထားပေးမည်ဖြစ်သည်။

“ကျွန်တော် ပျော်ရွင်ပြီး စိတ်လည်း လှုပ်ရှားပါတယ်” ဟု ဟေဒန်က ဆုရရှိပြီးနောက် ပြောကြားခဲ့သည်။ အသက် ၄-၆၊ ၁၀-၁၂၊ ၁၃-၁၅ နှင့် ၁၆-၁၈ အုပ်စုများတွင် မူလတန်းကျောင်းသားဖြစ်သူ ဟေဒန် အနိုင်ရရှိခဲ့ခြင်းမှာ အံ့သြစရာလည်း ဖြစ်သည်။

ဟေဒန်၏ Doodle ဖန်တီးမှုမှာ လာမည့်နှစ် ၅၀ အတွင်း ဖြစ်လာမည့် စင်ကာပူနိုင်ငံ၏ ပုံရိပ်ကို ဖော်ပြထားခြင်းဖြစ်သည်။

“ကျွန်တော်တို့ရဲ့ အဆောက်အဦးတွေကို နေစွမ်းအင်နဲ့ ပါဝါပေးထားမယ်။ ဒါဆိုရင် ကျွန်တော်တို့မှာ အကန့်အသတ်မရှိတဲ့စွမ်းအင် ရှိမှာဖြစ်ပြီး၊ ညစ်ငြမ်းမှုလည်း ဖြစ်တော့မှာ မဟုတ်ပါဘူး” ဟု ၎င်းက ပြောကြားခဲ့သည်။

အသက် ၃၉ နှစ်အရွယ် မိခင်ဖြစ်သူ ဂျက်လင် အွန်ကလည်း သားဖြစ်သူမှာ Angry Birds ကာတွန်းရုပ်များ၊ Despicable Me ရုပ်ရှင်မှ Minions ကာတွန်းရုပ်များ ဆွဲရသည်ကို နှစ်သက်သည်ဟု ပြောကြားခဲ့သည်။

“သူ့အတွက် ကျွန်မ အရမ်း စိတ်လှုပ်ရှားပါတယ်။ ပြီးတော့ ပျော်လည်းပျော်ပါတယ်။ သူအသက် ၄ နှစ်လောက်ကတည်းက ကာတွန်းတွေ ဆွဲနေတာပါ” ဟု အွန်က ပြောကြားခဲ့သည်။

ယခု Doodle 4 Google ပြိုင်ပွဲမှာ စင်ကာပူတွင် ဒုတိယအကြိမ်မြောက် ကျင်းပခြင်းဖြစ်ပြီး ပထမအကြိမ်ကျင်းပပြီး ၁၀ နှစ်အကြာမှ ကျင်းပနိုင်ခဲ့ခြင်း ဖြစ်သည်။ ယခုပြိုင်ပွဲ၏ ခေါင်းစဉ်မှာ “Singapore: The Next 50 Years” ဖြစ်ပြီး ဧပြီ ၂၃ ရက်ကတည်းက စတင်ခဲ့ကာ နိုင်ငံတစ်ဝှမ်းမှ ကျောင်းသားအများအပြား ပါဝင်ယှဉ်ပြိုင်ခဲ့ကြသည်။

ဟေဒန်နှင့်အတူ အသက်အလိုက် အုပ်စုများတွင် အနိုင်ရရှိခဲ့သည့် ကျောင်းသားများ၏ လက်ရာများမှာ Sana Gallery တွင် ကျင်းပမည့် Google Shophouse တွင် ထည့်သွင်းပြသခြင်း ခံရမည်ဖြစ်သည်။ အဆိုပါ ပြခန်းကို သြဂုတ်လ ၁-၂ နှင့် အမျိုးသားနေ့ သီတင်းပတ်ဖြစ်သော သြဂုတ်လ ၇-၁၀ တို့တွင် ပြသသွားမည်ဖြစ်သည်။

Ref: Channelnewsasia

July 10, 2015
အနားမယူခင် ဘိုင်ယန်၌ ကစားချင်သည်ဟု အီဗရာဟီမိုဗစ် ပြော

ဇူလိုင် ၁၀၊ ၂၀၁၅
M-Media

– မိမိ၏ လက်ရှိစွမ်းဆောင်ရည်ကြောင့် ဘွန်ဒစ်လီဂါကလပ်အသင်းများက ခေါ်ယူရန် ကမ်းလှမ်းမှုများ ရှိနေပြီး ဘောလုံးလောကမှ အနားမယူမီအချိန်တွင် ဘိုင်ယန်မြူးနစ်အသင်း၌ ကစားသွားချင်သည်ဟု ပီအက်စ်ဂျီတိုက်စစ်မှူး အီဗရာဟီမိုဗစ်က ပြောကြားလိုက်သည်။

အီဗရာဟီမိုဗစ်မှာ အေစီမီလန်အသင်းသို့ ယခုနှစ်နွေရာသီတွင် ပြန်လည်ရောက်ရှိရန် အခြေအနေရှိနေပြီး အသင်းဥက္ကဌ ဘာလူစကိုနီကလည်း အသင်း၌ လူးဝစ် အက်ဒရီယာနိုနှင့် ကားလို့စ် ဘက်ကာတို့ ရှိနေသော်လည်း တိုက်စစ်မှူး တစ်ဦးကို ခေါ်ယူချင်သည်ဟု ၀န်ခံပြောကြားထားသည်။

သို့သော်လည်း အီဗရာဟီမိုဗစ်ကမူ ၎င်းမှာ ဘောလုံးလောကမှ အနားမယူခင် အခြားသော လိဂ်တစ်ခုသို့ ပြောင်းရွှေ့ရန် ကြိုးစားကောင်းကြိုးစားမည်ဟု အရိပ်အမြွက်ပြောကြားခဲ့ပြီး ဘိုင်ယန်မှာ ဆွဲဆောင်မှုရှိသည့် အသင်းကြီးတစ်သင်းဟုလည်း ဆိုသည်။

“ဒါ (ဘွန်ဒစ်လီဂါ) ဟာ ကျွန်တော့်ကို စွဲဆောင်တဲ့ လိဂ်တစ်ခုဆိုတာ သေချာပါတယ်။ တစ်နေ့မှာ ကျွန်တော် အဲဒီသွားပြီး ကစားကောင်း ကစားနိုင်ပါတယ်။ ကျွန်တော့်မှာ အချိန်ရှိပါသေးတယ်။ တကယ်လို့ ဂျာမနီသွားဖြစ်ရင် ဘိုင်ယန်မှာကစားမှာပါ။ သူတို့ဟာ ကမ္ဘာ့အကောင်းဆုံး ၅ သင်းထဲက တစ်သင်းပါပဲ” ဟု အသက် ၃၃ နှစ်အရွယ် အီဗရာဟီမိုဗစ်က 11Freunde သို့ ပြောကြားခဲ့သည်။

သို့သော်လည်း ဘာစီလိုနာတွင် ရှိစဉ်က ဆက်ဆံရေးမကောင်းခဲ့သည့် ဂွာဒီယိုလာနှင့် အီဗရာဟီမိုဗစ်တို့အကြား အခြေအနေကြောင့် ဘိုင်ယန်တွင် ဂွာဒီယိုလာ နည်းပြအဖြစ် ရှိနေစဉ်အတွင်း အီဗရာဟီမိုဗစ်အား ခေါ်ယူရန် ဖြစ်နိုင်ချေရှိမည် မဟုတ်ချေ။

မိုဗစ်မှာ ပီအက်စ်ဂျီအသင်းနှင့် လာမည့် ၂၀၁၆ ခုနှစ်အထိ စာချုပ်သက်တမ်းရှိနေသည်။

Ref: Goal

July 10, 2015
အရက်သောက်သည့် ထိုင်းဘုန်းကြီးများကို ကျောင်းတိုက်မှ ဒေသခံများက နှင်ထုတ်

ဇူလိုင် ၁၀၊ ၂၀၁၅
M-Media

ကျေင်းထိုင်ဆရာတော်အား အရက်သောက်ထားခြင်း ရှိ၊ မရှိ ရဲတပ်ဖွဲ့က စစ်ဆေးနေစဉ်

– ထိုင်းနိုင်ငံရှိ ဘုန်းကြီးကျောင်းတစ်ခုမှ အသက် ၆၅ နှစ်အရွယ် ကျောင်းထိုင်ဆရာတော်တစ်ပါးနှင့် အခြားဘုန်းကြီး ၄ ပါးတို့မှာ ကျောင်းဝင်းအတွင်း အရက်သောက်သုံးသည်ကို တွေ့ရှိခဲ့ရပြီးနောက် ဒေသခံများ၏ ဆန္ဒအရ အာဏာပိုင်များက ၎င်းတို့အား နှင်ထုတ်ခဲ့သည်ဟု သိရသည်။

ထိုင်းနိုင်ငံ အရှေ့မြောက်ဘက် Nakhon Ratchasima ပြည်နယ် Kham Thale So ခရိုင် Wat Nong Krathumthammaram ရွာရှိ ဘုန်းကြီးကျောင်းတစ်ကျောင်း၏ ဘုန်းကြီးများ ကျိန်းစက်ရာ အဆောင်အား ဒေါသထွက်နေသော ရွာသားများက ဗုဒ္ဓဟူးနေ့ညပိုင်းတွင် ၀န်းရံကာ ဘုန်းကြီးများကို ထွက်သွားရန် တောင်းဆိုနေသောကြောင့် ရဲတပ်ဖွဲ့ဝင်များက အလျင်အမြန် သွားရောက်ခဲ့ရသည်ဟု
ခရိုင်ရဲစခန်းမှ ရာဇ၀တ်မှုနှိနှင်းရေး ဒုတိယအရာရှိ Pol apt Prawat က ပြောကြားခဲ့သည်။

ရွာသားများကမူ ဘုန်းကြီးများမှာ ကျောင်းတိုက်အား Pub ပုံစံ ပြုလုပ်နေသည်ဟု စွပ်စွဲခဲ့ပြီး ကျောင်းထိုင်ဆရာတော် Luang Phor Perm Khantipalor နှင့် အခြားသော ဘုန်းကြီးများမှာ ၎င်းတို့၏ ကျိန်းစက်ရာအဆောင်ကို သော့ခတ်ထားကာ အပြင်သို့ထွက်ရန် ငြင်းဆိုခဲ့ကြသည်။ နောက်ဆုံးတွင် ဆွေးနွေးမှုပြုလုပ်ရန် ရဲတပ်ဖွဲ့က ဖြောင်းဖျခဲ့သောကြောင့် နာရီဝက်အကြာတွင် ထွက်လာခဲ့သည်။

ရဲတပ်ဖွဲ့ကမူ ကျောင်းထိုင်ဆရာတော်နှင့် အခြား ဘုန်းကြီး ၄ ပါးအား အရက်မူးနေသည်ကို တွေ့ခဲ့ရပြီး ၎င်းတို့၏ အနီးတွင် အရက်ပုလင်း ၂ လုံးကိုလည်းတွေ့ခဲ့ရကာ ကျောင်းဆောင်ထဲသို့ခေါ်၍ အရက်သောက်ထားခြင်း ရှိ၊ မရှိ အသက်ရှုလေဖြင့်တိုင်းသော
ကိရိယာဖြင့် တိုင်းကြည့်ရာတွင်လည်း အရက်သောက်ထားသည်ဟု အဖြေထွက်ခဲ့သည်။

ကျောင်းထိုင် Luang Phor Perm ကလည်း ၎င်းအနေဖြင့် ထိုင်း ဆန်အရက်ကို သောက်ထားသည်ဟု ၀န်ခံခဲ့ပြီး အခြားသော သံဃာငယ်များကို အရက်သောက်ရန် ဆွဲဆောင်ခဲ့ခြင်းမရှိဟု ထွက်ဆိုခဲ့သည်။ ထို့ပြင် မိမိမှာ တစ်ခွက်သာသောက်သည်ဟု ပြောကြားခဲ့သည်။

သို့သော်လည်း ယခုကဲ့သို့ သံဃာငယ်များနှင့်အတူ သောက်သုံးခြင်းမှာ ပထမဆုံးအကြိမ်မဟုတ်ဘဲ ဒေခံများကလည်း မိမိအား နှင်ထုတ်မည်ဟု မထင်ကြောင်း ၀န်ခံခဲ့ကာ၊ မိမိအား ကျောင်းထိုင်ရာထူးမှ မထုတ်ပယ်ရန် ဒေသခံများအား တောင်းပန်ကြောင်း၊ ၎င်းတို့ အလိုရှိပါက အခြားကျောင်းတိုက်တစ်ခုသို့ ပြောင်းရွှေ့ သီတင်းသုံးမည်ဖြစ်ကြောင်း အသနားခံခဲ့သည်။

အဆိုပါဘုန်းကြီးများ အရက်သောက်လေ့ရှိသည်ကို ရွာသူရွာသားများ သိရှိနေသည်မှာ နှစ်အတော်ကြာပြီဖြစ်သည်ဟု ရွာသူကြီး Saichon Kisantia က ပြောကြားခဲ့ကာ မိမိတို့အနေဖြင့် ထိုအကျင့်ကို ရပ်တန့်ရန် ကြိုးစားခဲ့သော်လည်း ကျောင်းထိုင်ဆရာတော်မှာ မိမိတို့အား ဂရုမစိုက်ဘဲ ထိုအကျင့်အား စွန့်လွှတ်ရန်လည်း ငြင်းဆိုခဲ့သည်ဟု ဆိုသည်။

အဆိုပါဘုန်းကြီးများ ကျောင်းတိုက်မှ ချက်ချင်းထွက်သွားပါက တရားစွဲဆိုခြင်းမပြုဟု ဒေသခံများက သဘောတူခဲ့ကြသည်။ ထို့နောက် ဘုန်းကြီးများမှာ အထုတ်အပိုးများကို ပြင်ဆင်ကာ ဗုဒ္ဓဟူးနေ့ ညဉ့်နက်ပိုင်းတွင် ကျောင်းတိုက်မှ ထွက်ခွာသွားခဲ့ကြသည်။

Ref: Bangkokpost

July 10, 2015