ဇွန် ၂၁ ၊ ၂၀၁၅
M-Media
– တောင်ကယ်ရိုလိုင်းနားပြည်နယ် ချာလ်စတန်မြို့က Emanuel AME ဘုရားကျောင်းမှာ အာဖရိကန်-အမေရိကန် ၉ ဦးကို ပစ်ခတ်သတ်ဖြတ်မှုမှာ လူဖြူတစ်ယောက်က ကျူးလွန်တဲ့ အမုန်းတရားအခြေခံ ရာဇ၀တ်မှုအဖြစ် ရဲတပ်ဖွဲ့က စုံစမ်း စစ်ဆေးမှု ပြုလုပ်နေပါတယ်။ လူမည်းတွေရဲ့ ခရစ်ယာန်ဘုရားကျောင်းတွေဟာ အချိန်တော်တော် ကြာကြာကတည်းက လူဖြူ လူမျိုးကြီး ၀ါဒီတွေရဲ့ ပစ်မှတ်ထားမှုကို ခံခဲ့ရပြီး ဒီဘုရားကျောင်းတွေနဲ့ ချိတ်ဆက်နေတဲ့ လူမည်းလူ့အဖွဲအစည်းအတွေကို အကြမ်းဖက်ဖို့ ကြိုးစားမှုအတွင်းမှာ လူဖြူတွေရဲ့ မီးရှို့မှု၊ ဗုံးခွဲမှုတွေကိုလည်း ခံခဲ့ရပါတယ်။ အမေရိကန်သမိုင်းမှာ ကမ်းအကုန်ဆုံး အကြမ်းဖက်တိုက်ခိုက်မှုတွေထဲက တစ်ခုကတော့ အလာစကာပြည်နယ် ဘာမင်ဂမ်မြို့မှာရှိတဲ့ လူမည်းခရစ်ယာန် ဘုရားကျောင်း တစ်ခုကို ၁၉၆၃ ခုနှစ်မှာ တိုက်ခိုက်ခဲ့တဲ့ အမှုပါပဲ။ 16th Street Baptist Church လို့အမည်တွင်တဲ့ အဲဒီဘုရားကျောင်းကို Ku Klux Klan လူဖြူလူဆိုးဂိုဏ်း အဖွဲ့ဝင်တွေက ဗုံးခွဲတိုက်ခိုက်ရာမှာ မိန်းကလေးငယ် ၄ ဦး သေဆုံးခဲ့ပြီး ပြည်သူများ ရပိုင်ခွင့် လှုပ်ရှားမှုကို သန္ဓေတည်ခဲ့တဲ့ ဖြစ်ရပ်ဆိုးကြီး တစ်ခုလည်း ဖြစ်ပါတယ်။
ဒါပေမယ့် အဓိက မီဒီယာဌာန အများစုကို နားထောင်ကြည့်ရာမှာတော့ ဗုဒ္ဓဟူးနေ့က ဖြစ်ခဲ့တဲ့ ဘုရားကျောင်း သေနတ် ပစ်မှုကို ဖော်ပြရာမှာ “အကြမ်းဖက်ဝါဒ” ဆိုတဲ့စကားလုံး အသုံးပြုတာကို ကြားရမှာ မဟုတ်ပါဘူး။ သံသယရှိသူ အသက် ၂၁ နှစ်အရွယ်၊ လူဖြူအမျိုးသား ဒိုင်လန်ရုဖ်ကို “ဖြစ်နိုင်ဖွယ်ရှိသော အကြမ်းဖက်သမား” အဖြစ် အဓိက သတင်းအေဂျင်စီတွေမှာ ဖော်ပြတာမျိုးကိုလည်း မကြားခဲ့ရပါဘူး။ (ဒါပေမယ့် ၀ါရှင်တန်ပို့စ်အပါအ၀င် အချို့သော သတင်းမီဒီယာတွေက ဒီကွာဟချက်အတွက် ငြင်းခုံမှုတွေ တိုးလာနေတယ်လို့တော့ ဖော်ပြခဲ့ပါတယ်။) မကြာခင်က ဖြစ်ပွားခဲ့တဲ့ လူဖြူအမျိုးသားတွေရဲ့ သေနတ်ပစ်မှုမှာ ဒီလိုဖော်ပြမှုမျိုးကို မတွေ့ခဲ့ရသလို ရုဖ်ကိုလည်း ဘယ်တော့မှ အဲဒီလို ဖော်ပြမှာမဟုတ်ပါဘူး။ အဲဒီအစား သူ့ရဲ့လုပ်ရပ်ဟာ စိတ်ပိုင်းဆိုင်ရာ ကျန်းမာရေး ချို့တဲ့နေတာကြောင့် ဖြစ်တယ်လို့ ရှင်းပြကြပါလိမ့်မယ်။ သူ့ကို လူသားချင်း စာနာခိုင်းကြပြီး သူဟာ စိတ်ပိုင်းဆိုင်ရာ နှိပ်စက် ခံရသူ ဒါမှမဟုတ် စိတ်ကျန်းမာရေး ကုသမှု လုံလုံလောက်လောက် မရတဲ့ နေထိုင်မကောင်းသူ ဖြစ်လာပါလိမ့်မယ်။
ရုဖ်နဲ့ပတ်သက်လို့ ဒီလိုပြောကြားမှုဟာလည်း မြန်မြန်ဆန်ဆန်ပဲ ထွက်လာခဲ့ပါတယ်။ ကြာသာပတေးနေ့က သူ့ကိုဖမ်းဆီးပြီး သိပ်မကြာခင်မှာ FBI အထူးအေးဂျင့်ဟောင်း ဂျိုနသန် ဂီလီယန်က ရုဖ်ဟာ “စိတ်ပိုင်းဆိုင်ရာပြဿနာအချို့” ရှိတာ ဖြစ်ကောင်းဖြစ်နိုင်ပြီး သူ အမှားလုပ်ခဲ့တယ်ဆိုတာ သိမှာမဟုတ်ဘူးလို့ CNN ကို ပြောခဲ့ပါတယ်။ ဒါက အမေရိကန်မှာ လူဖြူဖြစ်ခြင်းရဲ့ စွမ်းအားပါပဲ။
အမေရိကန် မီဒီယာဌာနတွေက အာဖရိကန်-အမေရိကန်တွေ ဒါမှမဟုတ် မွတ်စလင်တွေပါဝင်တဲ့ ရာဇ၀တ်မှုတွေကို ဖော်ပြရမှာ ခြားနားတဲ့ပေါ်လစီကို ကျင့်သုံးကြပါတယ်။ သူတို့တွေဟာ သံသယရှိသူတွေ ဖြစ်ပြီဆိုရင် ပြင်ပက မတရားမှုတွေ အစား ဆိုးဝါးတဲ့အကြံနဲ့ ကျူးလွန်တဲ့ အကြမ်းဖက်တွေအဖြစ်၊ လူရမ်းကားတွေအဖြစ် လျင်လျင်မြန်ပဲ တံဆိပ်ကပ် ခံကြရပါတယ်။ လူဖြူသံသယရှိသူတွေကတော့ တစ်ကိုယ်တော် ကျူးလွန်သူတွေပါတဲ့။ ချာလ်စတန် မြို့တော်ဝန် ဂျိုးဆက်ပ် ရီလေးက ဒီပစ်ခတ်မှုဟာ “မုန်းတီးသူတစ်ယောက်ရဲ့” ကျူးလွန်မှုသာ ဖြစ်တယ်ဆိုပြီး အလေးထားပြောခဲ့ပါတယ်။ လူမည်းတွေ၊ မွတ်စလင်တွေ ကျူးလွန်တဲ့ အကြမ်းဖက်မှုက စနစ်တကျ ကျူးလွန်တာဖြစ်ပြီး ကျူးလွန်သူတွေနဲ့ လူမျိုးတူ ဒါမှမဟုတ် ဘာသာသူတွေကထံကနေ တုံ့ပြန်မှု၊ အရေးယူမှုကို တောင်းဆိုကြတော့တာပါပဲ။ အတိုက်ခိုက်ခံရသူ လူမည်းတွေတောင်မှ သွားပုပ်လေလွင့် အပြောခံကြရပါတယ်။ သူတို့မှာ မှားယွင်းမှု တစ်ခုခုများ ရှိမလားဆိုပြီး ပြူးပြဲရှာကြတယ်။ ဒါမှမဟုတ် သူတို့ကို သတ်ဖြတ်မှု၊ တိုက်ခိုက်မှုအတွက် အကြောင်းပြချက် ကောင်းကောင်း ကို ချပြကြပါတယ် – “ခေါင်းစွပ်ပါတဲ့ အင်္ကျီဝတ်သွားတဲ့ ထရေဗွန်မာတင် (၂၀၁၂ ခုနှစ်က မိုင်ယာမီတွင် သေနတ်ဖြင့် ပစ်ခံရသည့် အသက် ၁၇ နှစ်အရွယ် လူမည်းလူငယ်) ကို (ရပ်ကွက်လုံခြုံရေးအဖွဲ့ဝင် လူဖြူ) ဂျော့ဂ်ျ ဇင်မာမန်က ပစ်သတ်မှုမှာ အဲဒီ အင်္ကျီက တာဝန်ရှိတယ်” လို့ Fox News က ဂျီရာလ်ဒို ရိုင်ဗီရာက ကောက်ချက်ချခဲ့ပါတယ်။ မိုက်ကယ်ဘရောင်းကျတော့ ဆေးပြင်းလိပ် ခိုးတယ်၊ အဲရစ်ဂါနာက စီးကရက်ကို တစ်လိပ်ချင်းရောင်းတယ် – ဒါတွေဟာ တော်တော်လေး ဆိုးဝါးတဲ့ ဆုံးဖြတ်ချက်တွေပါပဲလို့ နယူးယောက်ပို့စ်က ပင်တိုင်ဆောင်းပါးရှင်း ဘော့ဘ် မက်မန်နက်စ်နဲ့ အခြား သူတွေတော်တော် များများက ပြောကြပြီး လူမည်းတွေရဲ့သေဆုံးမှုတွေကို တစ်နည်းနည်းနဲ့ အကြောင်းပြချက် ပေးလေ့ ရှိပါတယ်။ ဘယ်လိုပြစ်မှုမျိုးမှ မကျူးလွန်ခဲ့ဘဲ တက္ကဆက်ပြည်နယ် မက်ကင်နီမြို့က ရေကန်ပါတီတစ်ခုမှာ ရဲတပ်ဖွဲ့ဝင်တစ်ဦးရဲ့ ရိုက်နှက်လှဲချ ဖမ်းဆီးခံခဲ့ရတဲ့ လူမည်းလူငယ် အမျိုးသမီး ဒါဂျီရီယာ ဘက်ခ်တန်ရဲ့ အဖြစ်အပျက်မှာတော့ Fox News အစီအစဉ်တင်ဆက်သူ မီဂျန် ကီလီက သူမဟာ “ခြောက်ပြစ်ကင်း သဲလဲစင်” တစ်ယောက် မဟုတ်ဘူးလို့ ဆိုပြန်ပါတယ်။
တိုက်ခိုက်မှုတွေရဲ့ သားကောင်ဖြစ်ခဲ့ရတဲ့ လူမည်းကလေးတွေဟာ နောက်ပိုင်း လူသိရှင်ကြား ဖော်ပြမှုတွေမှာ အရွယ်ရောက်သူတွေ အဖြစ် ပုံပြောင်းခံရပြီး လူဖြူသေနတ်သမားတွေကတော့ အသက် ၂၀ ကျော်နေတာတောင်မှ အရွယ် မရောက်သူအဖြစ် ဖော်ပြ ခံရပါတယ်။ အရုပ်သေနတ် တစ်လက်နဲ့ ကစားနေတဲ့ အသက် ၁၂ နှစ်အရွယ် လူမည်းကလေးတစ်ဦးကို ကလီဗ်လန်း ရဲတပ်ဖွဲ့က ပစ်သတ်ခဲ့တဲ့ မနှစ်က အဖြစ်အပျက်မှာ မီဒီယာဖော်ပြမှုတွေနဲ့ ရဲတပ်ဖွဲ့ကြေညာချက်တွေက ဒီကလေးကို “လူငယ်” တစ်ယောက် အဖြစ် ဖော်ပြထား ပါတယ်။ ဒါပေမယ့် ကော်လိုရာဒိုပြည်နယ် အူရိုရာမြို့က ရုပ်ရှင်ရုံတစ်ခုမှာ လူတစ်ဒါဇင်လောက်ကို ပစ်သတ်ခဲ့တဲ့ အသက် ၂၅ နှစ်အရွယ် လူဖြူသေနတ်သမား ဂျိမ်းစ်ဟုမ်းစ်ကိုတော့ မီဒီယာတွေက သူ့ရဲ့ ပျိုမြစ်မှုကိုသာ မကြာခဏ ဇောင်းပေးကြပြီး “သာမန်ချာတိတ် တစ်ယောက်” “သာမန်အမေရိကန် လူငယ်တစ်ယောက်” “လူဖြောင့် ချာတိတ်တစ်ယောက်” လို့သာ ဖော်ပြကြပါတယ်။
ရုဖ်လည်း ဒီလိုမျက်နှာသာပေးမှုမျိုး ခံရပါတယ်။ ကြာသာပတေးနေ့ကပြုလုပ်တဲ့ CNN နဲ့ အင်တာဗျူးမှာ ရီပက်ဘလစ်ကန် လွှတ်တော် အမတ် လင်ဆေး ဂရေဟမ်က အသက် ၂၁ နှစ်အရွယ် ရုဖ်ဟာ “အရက် ဒါမှမဟုတ် မူးယစ်ဆေးစွဲနေတဲ့ ကလေးတွေထဲက တစ်ယောက်သာ” ဖြစ်တယ်လို့ ပြောခဲ့ပါတယ်။ လူသတ်မှု ၉ ခုနဲ့ ရုဖ် အဖမ်းခံရပြီကတည်းက Wall Street ဂျာနယ်နဲ့ အခြားသော အဓိက သတင်းဌာနတွေဟာ သူ့ကို “တစ်ကိုယ်တော် သေနတ်သမား” ဆိုပြီး ခေါင်းကြီးပိုင်းမှာ ဖော်ပြကြတော့တာပါပဲ။
ဒီလိုမျိုး အပျက်ဖက်ကနေ ရှုမြင်ဖို့ ခက်ခဲတယ်လို့ လူမျိုးရေးခွဲခြားတဲ့ မီဒီယာတွေက ချာလ်စတန် ပစ်ခတ်မှုကို ဖော်ပြတဲ့ အခါမှာ ပြောကြပါတယ်။
အသတ်ခံရသူတွေဟာ ဗုဒ္ဓဟူးနေ့ညက ပြုလုပ်တဲ့ ကျမ်းစာလေ့လာမှုအတန်းမှာ သာမန်ပါဝင်ကြသူတွေပါ။ ပြီးတော့ ဘုရားကျောင်းရဲ့သမိုင်းကြောင့် သေနတ်သမားက Emanuel AME ဘုရားကျောင်းကို ရွေးချယ်ခဲ့တာဟာ တမင်သက်သက်ရွေးချယ်ခဲ့တယ် ဆိုတာ အဖြစ်နိုင်ဆုံးပါပဲ။ ဒီဘုရားကျောင်းဟာ တောင်းပိုင်းမှာ လူမည်းတွေရဲ့ ပထမဆုံး African Methodist Episcopal ဘုရားကျောင်းဖြစ်ပြီး ၁၈၁၈ ခုနှစ်မှာ ထင်ရှားတဲ့ သင်းအုပ်ဆရာ မောရစ်ဘရောင်း၊ ချာလ်စတန်မှာ မအောင်မြင်ခဲ့တဲ့ ကျွန်လူတန်းစား ပုန်ကန်ထကြွမှုကို ကျယ်ကျယ်ပြန်ပြန့် ဦးဆောင်ခဲ့တဲ့ ဒိန်းမတ်ဗီဆေးတို့ ပါဝင်တဲ့ အမျိုးသားတစ်စုက တည်ဆောက်ခဲ့တာ ဖြစ်ပါတယ်။ အဲဒီအချိန်ကတည်းကပဲ ဒီဘုရားကျောင်းဟာ ကြောက်ရွံ့နေတဲ့ လူဖြူတွေရဲ့ ပစ်မှတ်ထားခြင်းကို ခံခဲ့ရပါတယ်။ ဘာ့ကြောင့်လည်းဆိုတော့ ဒီဘုရားကျောင်းဟာ မြောက်ပိုင်း ကျွန်စနစ် ဆန့်ကျင်ရေး အသိုင်းအ၀ိုင်းက ရတဲ့ ငွေတွေနဲ့ ဆောက်ထားတားကြောင့်ပါပဲ။ ၁၈၂၂ ခုနှစ်မှာ ဒီဘုရားကျောင်းတာဝန်ရှိသူတွေဟာ ဗီဆေးရဲ့ ကျွန် လူတန်းစားတော်လှန်ရေး စီမံကိန်းမှာ ပါဝင်မှုအတွက် စုံစမ်းစစ်ဆေးခံခဲ့ရပြီး ဒီကိစ္စကို ဒဏ်ခတ်တဲ့အနေနဲ့ ဘုရားကျောင်းဟာလည်း ပြာပုံဘ၀ရောက်တဲ့ အထိ မီးရှို့ခံခဲ့ရပါတယ်။
အခုကိစ္စမှာလည်း သင်းအုပ်ဆရာနဲ့ ဘုရားကျောင်းလာတဲ့သူတွေကို ပစ်သတ်တာမျိုးဟာ အမုန်းအကြောင့် တမင်တကာလုပ်တဲ့ လုပ်ရပ်ဆိုတာ ထင်ရှားပါတယ်။ မြို့တော်ဝန် ရီလေးက “လူတစ်ယောက်ဟာ ဘုရားကျောင်းထဲဝင်သွားပြီး ဆုတောင်းတဲ့သူတွေကို ပစ်ခတ်တဲ့ တစ်ခုတည်းသော အကြောင်းအရင်းဟာ အမုန်းတရားကြောင့်ပါပဲ” လို့ ပြောခဲ့ပါတယ်။ ဒါပေမယ့် ဒီကိစ္စနဲ့ပတ်သက်ပြီး ကျွန်တ်ာတို့ နောက်တစ်ဆင့် တက်ကြည့်ဖို့လိုပါတယ်။ ပြည်သူတွေရဲ့ ရပိုင်ခွင့်တွေ၊ လူ့အခွင့်အရေးတွေကို ရရှိဖို့ လှုံ့ဆော်မှုမှာ ပါဝင်ခဲ့တဲ့ လူမည်းအသင်းအဖွဲ့တွေအပေါ် သမိုင်းနဲ့ချီရှိခဲ့တဲ့ အကြမ်းဖက်ဝါဒကို ရောင်ပြန်ဟပ်စေတဲ့ ဒီ သေနတ်ပစ်မှု နောက်ကွယ်မှာ ခြောက်လှန့်မှု သတင်း စကားတစ်ခု ရှိပါတယ်။ မီဒီယာမှာ အချို့က သေနတ်သမားဟာ လူဖြူအမျိုးသား၊ အကြမ်းဖက်သမားလို့ ပြောရမှာကို ရှက်ရွံနေခြင်းဟာ ဒီခြောက်လှန့်မှုကို ပြသနေတာပါပဲ။
မြန်မြန်ဆန်ဆန်ထွက်လာတဲ့ သတင်းဖော်ပြချက်တွေမှာ လူမည်းတွေရဲ့ ဘုရားကျောင်းတွေနဲ့ ဗလီတွေဟာ အမေရိကန်ရဲ့ လူမျိုးရေး အကြမ်းဖက်မှုမှာ သမိုင်းနဲ့ချီ ပစ်မှတ်ထားခံရတယ်ဆိုတာ ထိန်ချန်ထားဖို့ မသင့်ပါဘူး။ ၁၉၆၃ ခုနှစ် ဘာမင်ဂမ်ဘုရားကျောင်း ဗုံးခွဲမှုဟာ သမိုင်းအ၀င်ဆုံး ဖြစ်ရပ်ဖြစ်ပြီး ၁၉၉၀ ပြည့်နှစ်များမှာလည်း ခရစ်ယာန်ဘုရားကျောင်းတွေ တစ်ခုပြီးတစ်ခု မီးရှို့ခံခဲ့ရပါတယ်။ အကြမ်းဖက်မှုလို့ အသိအမှတ်ပြုခဲ့ခြင်းနဲ့အတူ လူ့အဖွဲ့အစည်းအပေါ်မှာ ရှိလာခဲ့တဲ့ ဒီလိုလုပ်ရပ်တွေနဲ့ ပုံစံတူလုပ်ရပ်တွေကို ၂၀၀၁ ခုနှစ် စက်တင်တာ ၁၁ တိုက်ခိုက်မှုနောက်ပိုင်းမှာ မေ့လျော့လာပုံရပါတယ်။ နောက်ပိုင်းထွက်လာတဲ့ အစ္စလာမ်ကြောက်ရောဂါဟာ မီဒီယာကဏ္ဍနဲ့ နိုင်ငံရေးတွေမှာ နေရာယူသွားခဲ့ပြီး “အကြမ်းဖက်ဝါဒ” ဆိုတာကို အသားပိုညိုတဲ့ သံသယရှိသူတွေပါတဲ့ အမှုတွေမှာသာ သုံးကြ၊ ဖော်ပြကြပါတော့တယ်။
ဒီတစ်ကြိမ်မှာတော့ အမေရိကမှာ လူမျိုးရေးခွဲခြားမှုက လှုံ့ဆော်တဲ့ အကြမ်းဖက်တိုက်ခိုက်မှုတွေ အမြစ်တွယ်နေပြီလားဆိုတာကို ဂျာနယ်လစ်တွေက မေးမယ်လို့ ကျွန်တော် မျှော်လင့်ပါတယ်။ လူမည်းတွေကို အလွန်အမင်းမုန်းတီးဖို့ ဒီလူက ဘယ်ကနေ သင်လာတာလဲ? တောင်ကယ်ရိုလိုင်းနား လွှတ်တော်မှာ ဆက်လက်လွှင့်ထူထားမယ့် (ပြည်တွင်းစစ်မတိုင်ခင်သုံးတဲ့ လူမျိုးရေး၊ နိုင်ငံရေး၊ ယဉ်ကျေးမှုဆိုင်ရာ အငြင်းပွားမှုရှိတဲ့) ကွန်ဖက်ဒရိတ်အလံတော်ကို သူသစ္စာခံခဲ့လား? လူမည်းအမေရိကန်တွေကို အပြင်းထူသူတွေ၊ အကြမ်းဖက်သူတွေအဖြစ် တစ်စိုက်မတ်မတ်ဖော်ပြကြတဲ့ လက်ယာစွန်းရောက် မီဒီယာတွေက သူ့အပေါ်မှာ လွှမ်းမိုးခဲ့လား? စတဲ့ မေးခွန်းတွေပါပဲ။
ကျူးလွန်သူဟာ တစ်ကိုယ်တော်ဖြစ်တယ် ဒါမှမဟုတ် ပတ်ဝန်းကျင်ကြောင့် စိတ်ပိုင်းဆိုင်ရာ နာမကျန်းဖြစ်နေတဲ့ လူငယ်တွေ ဖြစ်ကြတယ်ဆိုတဲ့ လူဖြူအမျိုးသား သေနတ်သမားတွေ အတွက် ပုံသေလိုလို မှတ်ယူဖော်ပြကြတဲ့ပုံစံမျိုး မီဒီယာတွေမှာ မဖြစ်သွားဖို့ ကျွန်တော်မျှော်လင့်ပါတယ်။ ဒါဟာ “အမုန်းတရားကိန်းဝပ်နေတဲ့ လူတစ်ယောက်” ရဲ့ ကျူးလွန်မှုတစ်ခုသာ မဟုတ်ပါဘူး။ လူမျိုးရေးမုန်းတီးမှု၊ ပြည်သူများရပိုင်ခွင့်လှုပ်ရှားမှုကြီးကို လှုံ့ဆော်ပေးခဲ့တဲ့ ဘာမင်ဂမ် ဗုံးခွဲမှုအပြီး နှစ်ပေါင်း ၅၀ အကြာမှာ ကျွန်တော်တို့ရဲ့ လူ့အဖွဲ့အစည်းတွင်း စူးဝင်ပြန့်နှံ့နေတဲ့ လူဖြူကြီးစိုးရေးဝါရဲ့ သရုပ်သကန်လည်းဖြစ်ပါတယ်။
စနစ်တကျဖြစ်လာတဲ့ မလိုမုန်းထားစိတ်ဟာ ပြည်နယ်လွှတ်တော်မှာ ကွန်ဖက်ဒရိတ် အလံတော်ရှိနေခြင်းက ထင်ရှားနေပြီး ဘာ့ကြောင့်လဲဆိုတော့ လူဖြူတွေရဲ့ ဓလေ့ထုံးတမ်းက လူမည်းတွေအပေါ် သမိုင်းနဲ့ချီခဲ့တဲ့ လူမျိုးရေး အကြမ်းဖက်ဝါဒထက် ပိုပြီး အရေးပါနေလို့ပါပဲ။ တိုက်ပွဲဝင် ရိုင်ဖယ်တွေကိုင်ထားတဲ့ လူဖြူမျိုးချစ်တွေဟာ အရီဇိုးနား ဗလီတစ်ဝိုက်မှာ ချီတက် ဆန္ဒပြခွင့်ရနေတဲ့အချိန် အိုဟိုင်းယိုး Wal-Mart မှာ ရောင်းဖို့အတွက် ရိုင်ဖယ် တစ်လက်ကိုင်ထားတဲ့ လူမည်းတစ်ယောက်ကို ရဲတပ်ဖွဲ့က ရိုင်ဖယ်ကိုင်တဲ့ အတွက် ပစ်သတ်လိုက်တာက ထင်ရှားတဲ့ သက်သေပါပဲ။ လက်ဖက်ရည် ပါတီပွဲ ချီတက်မှုမှာ “ငါတို့တိုင်းပြည်ကို ပြန်ယူကြ” ဆိုတဲ့ တိုက်တွန်းဆော်သြမှုဟာ လူမည်း ၉ ယောက်ကို သတ်ခဲ့တဲ့ ချာလ်စတန်က လူသတ်သမားကို ရောင်ပြန်ဟပ်ခဲ့ပါတယ်။
ချာလ်စတန်ပစ်ခတ်မှုဟာ အရိုးစွဲနေတဲ့ အမေရိက,က လူမျိုးရေးခွဲခြားခြင်း ယဉ်ကျေးမှုနဲ့ သမိုင်းနဲ့ချီတဲ့ အကြမ်းဖက်မှုရဲ့ ရလဒ်လည်းဖြစ်ပါတယ်။ မီဒီယာမှာ ဒီလိုပဲ ဖော်ပြသင့်ပါတယ်။ သောကြာနေ့မှာတော့ တရားရေးဌာနက ပြောရေးဆိုခွင့်ရှိသူ အမျိုးသမီး အီမီလီ ပီယာစီက ချာလ်စတန် သေနတ်ပစ်မှုဟာ “ဒီ (လူမည်း) လူ့အဖွဲ့အစည်း အတွင်းမှာ ကြောက်ရွံ့စိုးထိတ်မှုတွေ ၀င်ရောက်စေဖို့ ဖော်ဆောင်ခဲ့တယ် ဆိုတာ သံသယရှိစရာမလိုပါဘူး” လို့ ၀န်ခံပြောကြားခဲ့ပါတယ်။ (ဒါပေမယ့် အခုအချိန်အထိ ရုဖ်ကိုစွဲတဲ့ လူသတ်မှုစွဲချက် ၉ ခုထဲမှာ အကြမ်းဖက်ဝါဒ စွဲချက်တော့ မပါဝင်ပါဘူး) ပြီးတော့ အခု ရုဖ်က သူဟာ “လူမျိုးရေးစစ်ပွဲ” စတင်ဖို့ ဒီလူတွေကို သတ်ရတာပါလို့ ၀န်ခံခဲ့ပြီးတဲ့နောက်မှာတော့ ကျွန်တော်တို့ဟာ သူ့ကို “အကြမ်းဖက်သမား” လို့ ခေါ်သင့်နေပါပြီ။
**Washington Post မီဒီယာရဲ့ PostEverything ကဏ္ဍမှာရေးသား ဖော်ပြထားတဲ့ ဆောင်းပါးရှင် Anthea Butler (associate professor of religion and Africana studies at the University of Pennsylvania) ရဲ့ Shooters of color are called ‘terrorists’ and ‘thugs.’ Why are white shooters called ‘mentally ill’?” ခေါင်းစဉ်ဖြင့် ဆောင်းပါးကို လေးမောင် မှ ဆီလျော်အောင် ဘာသာပြန်ဆိုပါသည်။
