ဇွန် ၂၅၊ ၂၀၁၅
M-Media
– ရမ်ဇာန်ဥပုသ်လအတွင်း ညီရင်းအစ်ကို မောင်ရင်းနှမ စိတ်ဓာတ်အား မြှင့်တင်ပေးရန် ရည်ရွယ်၍ နိုက်ဂျီးရီးယားရှိ အစ္စလာမ့်ပရဟိတအဖွဲ့များမှာ အရှေ့တောင်ပိုင်း ပြည်နယ်များရှိ ချို့တဲ့သူများ ကြုံတွေ့နေရသည့် ငတ်မွတ်ခေါင်းပါးမှုကို တိုက်ဖျက်ရန် စီစဉ်ခဲ့ကြသည်။
“အလွှာပေါင်းစုံမှာ ကျင်လည်နေကြတဲ့ မွတ်စလင်တွေကြားထဲမှာ အစ္စလာမ်ကပြောတဲ့ စစ်မှန်တဲ့ မေတ္တာတရားနဲ့ ညီရင်းအစ်ကို မောင်ရင်းနှမစိတ်ဓာတ်ကို ဖော်ပြဖို့၊ ရမ်ဇာန်မှာ ဥပုသ်သီလဆောက်တည်ခြင်းရဲ့ အရေးပါမှုကနေတစ်ဆင့် စည်းလုံးညီညွတ်ခြင်းကို
တိုက်တွန်းအားပေးဖို့ စီစဉ်ရခြင်း ဖြစ်ပါတယ်” ဟု ဇကားသ်နှင့် ဆွဒကာ ဖောင်ဒေးရှင်း ZSF မှ အမှုဆောင်ဒါရိုက်တာဖြစ်သူ အီမာမ် အဘ်ဒူလာဟီ ရှူအိုက်ဗ်က The National သတင်းစာသို့ ပြောကြားခဲ့သည်။
လူ့အဖွဲ့အစည်းအတွင်း စည်းလုံးညီညွတ်မှုကို အားပေးရန် ရည်ရွယ်သော ထို လှုပ်ရှားမှုတွင် အများပြည်သူများအား ဟောပြောပို့ချမှုများ၊ အစားအသောက်နှင့် လူမှုအသုံးအဆောင်ပစ္စည်း ဝေငှမှုများ ပါဝင်မည်ဟု အီမာမ် ရှူအိုက်ဗ်က ပြောကြားခဲ့သည်။
ထိုကဲ့သို့ ထောက်ပံ့မှုများကို တစ်ဦးတစ်ယောက်ချင်းစီလည်းကောင်း၊ မိဘမဲ့ကလေး ဂေဟာများသို့လည်းကောင်း၊ ရုပ်ပိုင်းဆိုင်ရာ ချို့တဲ့နေသောသူများအား လည်းကောင်း၊ ထောင်အတွင်း အတိဒုက္ခရောက်နေကြသော သူများအားလည်းကောင်း ပေးအပ်သွားမည်ဖြစ်သည်။
မြို့တော်လာဂို့စ်အခြေစိုက် ZSF ဖောင်ဒေးရှင်းမှာ ယခုနှစ်အတွင်း အစ်ဖ်သာရ် (၀ါဖြေ) ကျွေးမွေးမှုကို မွတ်စလင်မဟုတ်သူများအပါအ၀င် နိုက်ဂျီးရီးယားပြည်သူ ၃၅၀၀၀ အထိ ရောက်ရှိအောင် ဆောင်ရွက်သွားမည် ဖြစ်သည်။
ချို့တဲ့သူများအား ကူညီခြင်းနှင့်အတူ ZSF မှာ ချမ်းသာကြွယ်ဝသူ မွတ်စလင်များအနေဖြင့် ၎င်းတို့၏ ပိုင်ဆိုင်မှုများမှ တစ်ချို့တစ်ဝက်ကို လိုအပ်နေသူများအတွက် လှူဒါန်းသုံးစွဲနိုင်ရေး အခွင့်အလမ်းဖန်းတီးပေးရန် ရည်ရွယ်လုပ်ဆောင်ခြင်းလည်း ဖြစ်သည်။
ရမ်ဇာန်လအတွင်း ချို့တဲ့သူများအား ကူညီထောက်ပံ့သည့် Iftar Saim အစီအစဉ်ကို ပြည်ထောင်စုဒေသ အပါအ၀င် အက်ဒို၊ ဒဲလ်တာ၊ ကွာရာနှင့် နိုက်ဂျာ ပြည်နယ်များတွင်လည်း တိုးချဲ့ဆောင်ရွက်သွားမည်ဖြစ်သည်။
ရမ်ဇာန်ဥပုသ်လမှာ အစ္စလာမ့်ပြက္ခဒိန်တွင် န၀မမြောက်လဖြစ်ပြီး အမြင့်မြတ်ဆုံးလအဖြစ် သတ်မှတ်ထားသည်။ ထို့ပြင် ထိုလတွင် အရွယ်ရောက်ပြီးသော အစ္စလာမ်ဘာသာဝင် အမျိုးသား၊ အမျိုးသမီးတိုင်းမှာ ဥပုသ်သီလဆောက်တည်ရန် မလုပ်မနေရဟုလည်း သတ်မှတ်ထားသည်။
သို့သော်လည်း ကျန်းမာရေးချို့တဲ့သူများ၊ ခရီးသွားသူများနှင့် ဥပုသ်သီလဆောက်တည်ခြင်းကြောင့် ကျန်းမာရေးချို့ယွင်းမည်ကို စိုးရိမ်ရသူများမှာ ပလပ်ခွင့်ရှိသည်။
ရမ်ဇာန်လမှာ မွတ်စလင်များအတွက် ကိုယ်ကျင့်တရားပိုင်းဆိုင်ရာနှင့် အကျင့်သီလပိုင်းဆိုင်ရာ သင်တန်းပေးသည့်လ ဖြစ်ပြီး ဤလအတွင်း မကောင်းမှုရှောင်၊ ကောင်မှုဆောင်စိတ်ဓာတ်အား ကျန်ရှိသည့် ၁၁ လတွင်လည်း အကောင်အထည်ဖော်ဆောင်သွားရန် ကုန်အာန်ကျမ်းတော်မြတ်နှင့် တမန်တော်မုဟမ္မဒ်သခင်၏ သြ၀ါဒတော်များတွင် သွန်သင်ဆုံးမထားသည်။
Ref: Onislam
Leave a Reply
You must be logged in to post a comment.