Blog

ဇွန် ၄၊ ၂၀၁၅
M-Media

– ကမ္ဘာ့ဖလားပြိုင်ပွဲတွင် ခြေစွမ်းကောင်းများ ပြသနိုင်ခဲ့သည့် ဘယ်လ်ဂျီယံအသင်းမှာ ဖီဖာ၏ နောက်ဆုံးထုတ်ပြန်သော ကမ္ဘာ့အဆင့်သတ်မှတ်ချက်တွင် အဆင့် ၂ ရောသို့ ရောက်ရှိလာခဲ့ပြီဟု သိရသည်။

လက်တလောတွင် ပွဲများ ယှဉ်ပြိုင်ကစားရခြင်း မရှိသေသေးသော်လည်း ယခင်ရလဒ်များကြောင့် ယခုနေရာသို့ ရောက်ရှိခဲ့ခြင်းဖြစ်ပြီး ဘယ်လ်ဂျီယံဘောလုံးအသင်း သမိုင်းတစ်လျှောက် အမြင့်ဆုံးအဆင့်လည်း ဖြစ်သည်။

အဆင့် ၁ တွင်မူ ကမ္ဘာ့ဖလား လက်ရှိချန်ပီယံ ဂျာမနီအသင်းက ဦးဆောင်ထားပြီး ဒုတိယဆုရ အာဂျင်တီးနားမှာ ဘယ်လ်ဂျီယံကို နေရာဖယ်ပေးခဲ့ရသည့်အတွက် အဆင့် ၃ နေရာတွင် ရှိနေသည်။

ဘယ်လ်ဂျီယံအသင်းမှာ လာမည့်တနင်္ဂနွေနေ့၌ ကမ္ဘာ့အဆင့် ၉ တွင် ရှိနေသည့် ပြင်သစ်အသင်းနှင့် ခြေစမ်းပွဲ ကစားရမည်ဖြစ်သည်။ ထို့နောက် လာမည့်သီတင်းပတ် သောကြာနေ့တွင် ဝေးလ်အသင်းနှင့် ယူရို ၂၀၁၆ ခြေစစ်ပွဲ ကစားရမည်ဖြစ်သည်။

ကမ္ဘာ့ဖလားပွဲတွင် ဘယ်လ်ဂျီယံအသင်းကဲ့သို့ပင် ခြေစွမ်းကောင်းများ ပြသနိုင်ခဲ့သည့် ကိုလံဘီယာအသင်းကမူ ဘရာဇီးလ်အသင်း၏ အပေါ် အဆင့် ၄ နေရာတွင် ရှိနေပြီး၊ နယ်သာလန်၊ ပေါ်တူဂီ၊ ဥရုဂွေး၊ ပြင်သစ်နှင့် စပိန်တို့က အဆင့် ၆ မှ အဆင့် ၁၀ နေရာအထိ
အသီးသီးရှိနေကြသည်။

အီတလီကမူ အဆင့် ၁၃ နေရာတွင် ရှိနေကာ ဘောလုံးဘိုးအေကြီး အင်္ဂလန်အသင်းက အဆင့် ၁၅ သို့ ကျဆင်းခဲ့သည်။

Ref: Goal

ဇွန် ၄၊ ၂၀၁၅
M-Media

– မိမိနှင့်အတူ အခြားအမှုဆောင် ကော်မတီဝင်များမှာလည်း ၁၉၉၈ နှင့် ၂၀၁၀ ကမ္ဘာ့ဖလားများအတွက် လာဘ်ငွေ လက်ခံခဲ့သည်ဟု ဖီဖာအမှုဆောင်ကော်မတီဝင်ဟောင်း ချက်ဘလေဇာက ၀န်ခံပြောကြားလိုက်သည်။

ဘလေဇာမှာ ၂၀၁၃ ခုနှစ်က နယူးယောက်မြို့ တရားရုံးတွင် အက်ဖ်ဘီအိုင်သို့ ၀န်ခံခဲ့ခြင်းဖြစ်ပြီး ယမန်နေ့က ပထမဆုံးအကြိမ်အဖြစ် အမေရိကန် အာဏာပိုင်များက လူသိရှင်ကြား ထုတ်ပြန်ခဲ့သည်။ ဘလေဇာမှာ ၎င်းကိုယ်တိုင်လည်း လာဘ်စားမှုနှင့် အခြားစွဲချက်များအတွက် အပြစ်ရှိသည်ဟု ထိုစဉ်က တစ်ပါတည်း ၀န်ခံခဲ့သည်။

“ကျွန်တော်နဲ့ ဖီဖာအမှုဆောင်ကော်မတီဟာ ၂၀၁၀ ကမ္ဘာ့ဖလားအတွက် တောင်အာဖရိကကို အိမ်ရှင်အဖြစ် ရွေးချယ်မှုနဲ့ ဆက်စပ်ပြီး လာဘ်ငွေတွေယူဖို့ သဘောတူခဲ့ကြပါတယ်” ဟု ဘလေဇာက တရားရုံးတွင် ပြောကြားခဲ့သည်။

ထို့ပြင် မြောက်အမေရိက၊ အလယ်အမေရိကနှင့် ကာရစ်ဘီယံဒေသ ဘောလုံးအဖွဲ့ချုပ်များ၏ ဒုတိယ အကြီးအကဲဟောင်းဖြစ်ခဲ့သူ ဘလေဇာက ၁၉၉၈ ကမ္ဘာ့ဖလားပြိုင်ပွဲ ကျင်းပခွင့်အတွက် မည်သည့်နိုင်ငံအား မဲပေးရမည်ဆိုခြင်းနှင့် ပတ်သက်၍လည်း လာဘ်ငွေယူရန် မိမိမှာ ၁၉၉၂ ခုနှစ် ၀န်းကျင်က စီစဉ်ခဲ့သည်ဟု ဆိုသည်။

အမေရိကန်နိုင်ငံသားဖြစ်သူ ဘလေဇာမှာ တရားသူကြီးများနှင့် သဘောတူညီချက်ယူကာ နယူးယောက် ဖက်ဒရယ်တရားရုံးတွင် ရာဇ၀တ်မှုစွဲချက် ၁၀ ခုအတွက် အပြစ်ရှိကြောင်း လျှို့ဝှက်ဝန်ခံခဲ့သည်ဟု ယမန်နေ့က ဖွင့်ချမှုတွင် ဖော်ပြထားသည်။

ဘလေဇာ၏ ပူးပေါင်းဆောင်ရွက်မှုက ဖီဖာ၏ ထိပ်တန်းအကြီးအကဲများအား တရားစွဲဆိုမှုကို ဦးတည်စေခဲ့သည့် ချစားသည့်အမှု တည်ဆောက်ရာတွင် အထောက်အကူဖြစ်စေခဲ့သည်။

နောက်ဆုံးထွက်ပေါ်လာသည့် သတင်းများအရ ဖီဖာ၏ ချစားမှုနှင့်ပတ်သက်သည့် စုံစမ်းစစ်ဆေးမှုများတွင် ၂၀၁၈နှင့် ၂၀၂၂ ကမ္ဘာဖလားပြိုင်ပွဲ အိမ်ရှင်အဖြစ် ရုရှားနှင့် ကာတာတို့အား ရွေးချယ်ခဲ့မှု ကိစ္စအထိ ကျယ်ပြန့်လာခဲ့သည်ဟု သိရသည်။

Ref: Aljazeera