ဧပြီ ၂၀၊ ၂၀၁၅
M-Media
– United Overseas Bank (UOB) ဘဏ်က ၎င်းတို့မှာ မြန်မာနိုင်ငံ၏ မြင့်တက်လာသော စွမ်းအင်လိုအပ်ချက်ကို ကူညီဖြည့်ဆည်းပေးရေး တာဝန်ယူထားသည့် စင်ကာပူအခြေစိုက် Royal GK နှင့် ဘဏ္ဍာရေးသဘောတူညီချက်တစ်ခု ရရှိခဲ့သည်ဟု ယနေ့တွင် ကြေညာခဲ့သည်။
အင်ဂျင်နီယာနှင့် ဆောက်လုပ်ရေးကုမ္ပဏီတစ်ခုဖြစ်သော Royal GK မှာ ရန်ကုန်မြို့ လှော်ကားရှိ သဘာဝဓာတ်ငွေ့သုံး လျှပ်စစ်ဓာတ်အားပေးစက်ရုံ တည်ဆောက်ရေးအတွက် ဓာတ်ငွေ့သုံး အင်ဂျင်များ ရှာဖွေတင်သွင်းပေးရန် Myanmar Central Power ကုမ္ပဏီနှင့် စာချုပ် ချုပ်ဆိုထားသည်။
UOB ဘဏ်၏ မဟာဗျူဟာ ဒါရိုက်တာနှင့် နိုင်ငံတကာစီမံခန့်ခွဲရေး အကြီးအကဲဖြစ်သူ မစ္စတာ အီယန်ဝွန်ကမူ မြန်မာနိုင်ငံတွင် စီပွားရေးပြုလုပ်ရေး မိမိတို့ဘဏ်၏ ချဉ်းကပ်မှုမှာ မြန်မာနိုင်ငံ၏ ရေရှည် စီးပွားရေးဖွံ့ဖြိုးမှုအား အထောက်အကူဖြစ်ရန် လိုအပ်သည်ဟု ယူဆရသော စက်ရုံအလုပ်ရုံများတွင် ရင်းနှီးမြှုပ်နှံထားသည့် မိမိတို့၏ မိတ်ဖက်များနှင့် ပူးတွဲဆောင်ရွက်ရေးဖြစ်သည်ဟု ပြောကြားခဲ့သည်။
“စက်ရုံအလုပ်ရုံအသစ်တွေနဲ့ နိုင်ငံအတွက် အလုပ်အကိုင်အခွင့်အလမ်းသစ်တွေကို ဖန်တီးရာမှာ စွမ်းအင်ထောက်ပံ့ပေးဖို့ မြန်မာနိုင်ငံက ဦးစားပေး ဆောင်ရွက်နေတာကြောင့် နိုင်ငံရဲ့ စီးပွားရေးပြုပြင်ပြောင်းလဲမှုမှာ အခြေခံအဆောက်အဦးပိုင်းဆိုင်ရာ လိုအပ်ချက်တွေကို
ကူညီဖော်ဆောင်ပေးနေတဲ့ Royal GK တို့လို ကုမ္ပဏီမျိုးတွေကို ဘဏ္ဍာရေးအရ ထောက်ပံ့ဖို့ ကျွန်တော်တို့ စိတ်အားထက်သန်ပါတယ်” ဟု ဂွန်က ပြောကြားခဲ့သည်။
အဆိုပါ ဓာတ်အားပေးစက်ရုံမှာ ယခုနှစ် ဇွန်လတွင် ပြီးစီးမည်ဖြစ်ပြီး တစ်နှစ်လျှင် မီဂါဝပ်နာရီပေါင်း ၁၇၅၀၀၀ ထုတ်လုပ်နိုင်မည်ဖြစ်သည်။
Royal GK မှ ဒါရိုက်တာဖြစ်သူ မစ္စတာ ဇေယျမွန်က မိမိတို့၏လုပ်ငန်းများကို မြန်မာနိုင်ငံတွင် ချဲ့ထွင်လုပ်ကိုင်ရခြင်းနှင့် နိုင်ငံ၏ လျှပ်စစ်ဓာတ်အား တောင်းဆိုမှု မြင့်တက်လာခြင်းအား ကူညီပေးဆောင်ရွက်ပေးရခြင်းတို့အတွက် ၀မ်းမြောက်မိကြောင်း ပြောကြားခဲ့သည်။
“ဒါဟာကျွန်တော်တို့ရဲ့ အရေးပါတဲ့ သမိုင်းမှတ်တိုင်တစ်ခု ဖြစ်ပါတယ်။ ပြီးတော့ UOB ဟာ စင်ကာပူကနေ ရန်ပုံငွေထောက်ပံ့ ကူညီပေးခြင်းဖြင့် ဒီစီမံကိန်းအတွက် အရေးပါလာပါတယ်” ဟု ၎င်းက ထပ်လောင်းပြောကြားခဲ့သည်။
UOB မှာ မြန်မာနိုင်ငံအတွင်း လုပ်ဆောင်နေသော စွမ်းအင်ဆိုင်ရာ စီမံကိန်းများကို ယခင်ကလည်း ဘဏ္ဍာရေးအထောက်အပံ့များ ပေးဖူးပြီး မွန်ပြည်နယ်တွင် သဘာဝဓာတ်ငွေ့သုံး ဓာတ်အားပေးစက်ရုံ တည်ဆောက်နေသည့် စင်ကာပူအခြေစိုက် Asiatech Energy ကုမ္ပဏီကိုလည်း ပြီးခဲ့သည့်နှစ်က ဘဏ္ဍာရေးအထောက်အပံ့များ ပေးခဲ့သည်။
ထို့ပြင် မန္တလေးတွင် ၁၀၀ မီဂါဝပ် ထွက်သော ဓာတ်အားပေးစက်ရုံ တည်ဆောက်နေသည့် အမေရိကန် အခြေစိုက် APR Energy ကုမ္ပဏီနှင့်လည်း မိတ်ဖက်အဖြစ် ဆောင်ရွက်နေသည်။ UOB မှာ ပြီးခဲ့သည့်နှစ် အောက်တိုဘာလက မြန်မာနိုင်ငံ ဗဟိုဘဏ်မှ လုပ်ငန်းလိုင်စင် ချပေးခဲ့သည့် နိုင်ငံခြားဘဏ် ၉ ခုတွင်လည်း ပါဝင်သည်။
Ref: Channelnewsasia
