ဖေဖော်ဝါရီ ၁၉၊ ၂၀၁၅
M-Media
– အမေရိကန်နိုင်ငံတစ်ဝှမ်း မွတ်စလင်များအား ပစ်မှတ်ထားတိုက်ခိုက်မှုများ ပိုမိုမြင့်တက်လာချိန်တွင် မိမိတို့၏ ပတ်ဝန်းကျင်နှင့် အတန်းဖော်များ အစ္စလာမ်၏ စစ်မှန်သော သွန်သင်မှုများကို သိရှိစေရန်ရည်ရွယ်၍ အိုင်အိုဝါ တက္ကသိုလ်ရှိ မွတ်စလင်ကျောင်းသာများအသင်းက အစ္စလာမ့်အသိပညာပေး သီတင်းပတ်တစ်ခုကို ဖော်ဆောင်ခဲ့သည်ဟု သိရသည်။
“သတင်းတွေမှာ မြင်တွေ့ရတဲ့ ပြဿနာတွေအားလုံး၊ မွတ်စလင်တွေနဲ့ အစ္စလာမ်ရဲ့ ယေဘုယျသဘော ဒါတွေအားလုံးနဲ့ ပတ်သက်လို့ သူတို့သိတယ်လို့ထင်နေတာနဲ့ လက်တွေ့မှာ တကယ်ဖြစ်ပျက်နေတာတွေရဲ့ကြားက ကွာဟချက်ကို ကျဉ်းမြောင်းအောင်လုပ်ဖို့ ကျွန်တော်တို့ ကြိုးစားချင်ပါတယ်။ ပြီးတော့ တက္ကသိုလ်ထဲက လူတွေထဲမှာ ရှိကောင်းရှိနိုင်တဲ့ မဖြေရသေးတဲ့ မေးခွန်းအချို့အတွက် နီးစပ်မှုကိုလည်း ဆောင်ကျဉ်းပေးချင်ပါတယ်” ဟု အိုင်အိုဝါတက္ကသိုလ် မွတ်စလင်ကျောင်းသားများအသင်း ဥက္ကဌ မွတ်စ်တာဖာ အီဗရာဟင်က ဖေဖော်ဝါရီ ၁၇ ရက်နေ့တွင် The Daily Iowan သတင်းစာသို့ ပြောကြားခဲ့သည်။
အဆိုပါ အသိပညာပေးရေး သီတင်းပတ်ကို တနင်္လာနေ့က စတင်ခဲ့ခြင်းဖြစ်ပြီး တက္ကသိုလ်ပရ၀ုဏ်အတွင်း အစ္စလာမ်နှင့်ပတ်သက်သည့် အသိပညာပေးခြင်းနှင့် အစ္စလာမ်အပေါ် ပိုမိုနားလည်လာစေမည့် လှုပ်ရှားမှုများ ပါဝင်မည်ြဖစ်သည်။
ထို့ပြင် အိုင်အိုဝါတက္ကသိုလ်၏ အဓိကစာကြည့်တိုက်တွင် Islam Expo ခေါင်းစဉ်ဖြင့် အခမ်းအနားတစ်ခုကိုလည်း တနင်္လာနေ့မှစတင်ကာ ကျင်းပခဲ့ပြီး အစ္စလာမ်နှင့်ပတ်သက်သည့် မေးခွန်းများကို ဖြေကြားမည့် အစီအစဉ်လည်း ပါဝင်သည်။
မေးခွန်းများတွင် အစ္စလာမ့်အခြေအမြစ်တရား ၅ ပါးမှစတင်ကာ အစ္စလာမ်ကပြောသည့် သိပ္ပံ၊ အိမ်ထောင်မှု စသည့်
ကဏ္ဍများလည်း ပါဝင်ခဲ့သည်။
“ကျွန်တော့်မှာ မွတ်စလင်မဟုတ်တဲ့ သူငယ်ချင်းတွေအများကြီးရှိပြီး သူတို့ကြားခဲ့တာတွေ၊ ဒါမှမဟုတ် သူတို့ နားမလည်တာတွေကို ဆက်တိုက်ဆိုသလို မေးတော့တာပါပဲ။ ကျွန်တော်တို့ရဲ့ အမြင်တွေကဘယ်လိုလဲ။ ပြီးတော့ ဘာ့ကြောင့် ကျွန်တော်တို့မှာ ဒါတွေရှိနေရသလဲဆိုတာ လူတွေကို နားလည်စေချင်ပါတယ်” ဟု မွတ်စလင်အသင်း၏ ဒုတိယ ဥက္ကဌဖြစ်သူ နိုဟာ ကရင်မ်က ပြောကြားခဲ့သည်။
အဆိုပါ အသိပညာပေးရေးသီတင်းပတ်တွင် “ဟီဂျဘ်ဝတ်ကြရအောင်” အစီအစဉ်တစ်ခုလည်း ပါဝင်ပြီး အင်္ဂါနေ့က ပြုလုပ်ခဲ့သည်။ ထိုအစီအစဉ်အတွင်း မွတ်စလင်မဟုတ်သူ အမျိုးသမီးများအား ဖိတ်ခေါ်ကာ ဟီဂျဘ်ကို တစ်နေ့တာ ၀တ်ဆင်စေခဲ့ပြီး နောက်ပိုင်းတွင် ပြုလုပ်သည့် ဟီဂျဘ်အကြောင်း ဆွေးနွေးပွဲတွင် ၎င်းတို့ကို ပင်တိုင်ဆွေးနွေးသူများအဖြစ် ပါဝင်စေခဲ့သည်။
အဆိုပါ အစ္စလာမ့်အသိပညာပေး သီတင်းပတ်၏ အဓိကရည်ရွယ်ချက်မှာ အသိပညာပေးရန်ဖြစ်သော်လည်း လူအများလာရောက်ရန် ဆောင်ရွက်ရခြင်းမှာ အလွန်အရေးကြီးသည်ဟု ကရင်မ်က ဆိုသည်။
“မွတ်စလင်လူ့အဖွဲ့အစည်းကို ပိုမိုပါဝင်စေချင်ပါတယ်။ လူတိုင်းက တစ်ခုမဟုတ်တစ်ခုနဲ့ အလုပ်ရှုပ်နေကြတာပါ။ အဲတော့ မွတ်စလင်တွေရဲ့ မျက်နှာတွေကို ပိုမိုမြင်ရတဲ့ ဒီလိုပွဲတွေကို မကြာမကြာကျင်းပပေးတာဟာ ကောင်းမွန်ပါတယ်”
လေးစားအားကျခြင်း
တစ်ပတ်တာကြာမြင့်မည့် အဆိုပါ လှုပ်ရှားမှုက လူအများအပြားကို ဆွဲဆောင်နိုင်ခဲ့ပြီး ၎င်းတို့မှာလည်း အတွေ့အကြုံအသစ်များကို ရရှိခဲ့သည်။
“သိပ်ကောင်းပါတယ်။ သူတို့ရဲ့ဘာသာတရားဟာ ဘယ်လိုလဲဆိုတာကို လူငယ်တစ်သိုက်က အခြားသူတွေကို လိုက်ရှင်းပြကြတယ်။ ‘ဒါကတော့ ဒီလိုမျိုးပါပဲ’ လို့ အွန်လိုင်းမှာတင်တာတွေကို ဖတ်တာထက် တစ်ကယ့် နေ့စဉ်ဘ၀မှာ လူတွေဟာ ဘယ်လိုယုံကြည်နေလဲဆိုတာကို သိဖို့ ပိုပြီးတော့ လွယ်ကူသွားစေပါတယ်” ဟု အိုင်အိုဝါတွင်နေထိုင်သူ ဘာသာမဲ့ လေဒန် ကာဗန်တက်စ်က ပြောကြားခဲ့သည်။
အိုင်အိုဝါတက္ကသိုလ်မှ မွတ်စလင်ကျောင်းသားများမှာ ဧပြီလ ၉ က်နေ့တွင် “ကမ္ဘာတစ်ဝှမ်းမှ အီဗရာဟီမိုက် သာသနာများ” ခေါင်းစဉ်ဖြင့် ဆွေးနွေးပွဲတစ်ခုကို ပြုလုပ်ရန်ရှိနေပြီး ကာဗန်တက်စ်ကမူ ၎င်းအနေဖြင့် ထိုပွဲကိုလည်း တက်ရောက်မည်ဟု ပြောကြားခဲ့သည်။
ထိုကဲ့သို့ အသိပညာပေးလှုပ်ရှားမှုများ ပြုလုပ်ခြင်းကြောင့် မွတ်စလင်ကျောင်းသားများကလည်း ၎င်းတို့၏ အယူဝါဒနှင့် ပတ်သက်၍ လူ့အဖွဲ့အစည်းအား မျှဝေရန် လွယ်ကူစေခဲ့သည်။
“မွတ်စလင်အတန်းဖော်တစ်ဦး ရလိမ့်မယ်။ ဒါမှမဟုတ် ခင်ဗျားကို နားလည်မယ့်လူတစ်ယောက် ရလိမ့်မယ်လို့ အာမခံချက်တော့ မရှိပါဘူး။ ကိုယ်ပိုင်အမြင်အရဆိုရရင် ကျွန်တော့်အတွက်တော့ လူပေါင်းစုံကို မြင်တွေ့ရဖို့ဖြစ်စေပါတယ်” ဟု သစ်လွင်မွတ်စလင်တစ်ဦးဖြစ်သူ ဝေါလ်ကာက ပြောကြားခဲ့သည်။
ပထမဦးဆုံးဆောင်ရွက်ခဲ့သည့် အဆိုပါလှုပ်ရှားမှုမှာ အောင်မြင်ခဲ့ပြီး မွတ်စလင်ကျောင်းသားများက ၎င်းတို့မှာ အစ္စလာမ့်နှင့်ပတ်သက်သည့် အထင်မှားအမြင်မှားများကို တိုက်ထုတ်ရန် အထူးသဖြင့် မြင့်တက်လာသော မွတ်စလင်ဆန့်ကျင်ရေး တိုက်ခိုက်မှုများကို တွန်းလှန်ရန်အတွက် ဆောင်ရွက်ရမည့်ကိစ္စများ အမြောက်အများရှိနေသးသည်ဟု ၀န်ခံခဲ့သည်။
“ကျွန်တော်တို့အားလုံးက လူသားတွေဖြစ်ပြီး၊ ဘယ်အယူဝါဒကိုပဲယုံကြည်သည်ဖြစ်စေ၊ ဒါမှမဟုတ် မယုံကြည်သည်ဖြစ်စေ အားလုံး အတူတူပါပဲ” ဟု ကရင်မ်က ထည့်သွင်းပြောကြားခဲ့သည်။
Ref: onislam
