Blog

Microsoft မှ ထုတ်ကုန်ပစ္စည်း အသစ် HoloLens မိတ်ဆက်

ဇန်နဝါရီ ၂၇၊ ၂၀၁၅
M-Media

Microsoft ရဲ့ ပြီးခဲ့တဲ့ ကြာသပတေးနေ့က Windows 10 မိတ်ဆက်ပြသပွဲမှာ ထုတ်ကုန်အသစ်တစ်မျိုးကိုလည်း ပွဲထုတ်ပြသခဲ့ပါတယ်။

အဲ့ဒီပစ္စည်းကတော့ သိပ္ပံ ရုပ်ရှင်တွေ မှာ မြင်ရလေ့ရှိတဲ့ Hologram ပုံရိပ်မျိုးကို တွေ့မြင်နိုင်အောင် တပ်ဆင်ရမယ့် မျက်မှန်တစ်မျိုး ဖြစ်ပါတယ်။

ဒါဟာ ပုံရိပ်ယောင်မြင်ကွင်းစစ် ကိရိယာ Oculus Rift နဲ့မတူပါဘူး။ Oculus Rift ကတော့ တပ်ဆင်သူက ပြင်ပလောကကို မမြင်ရတော့ဘဲ ကွန်ပြူတာ မြင်ကွင်းကိုပဲ မြင်ရပါတယ်။

ဒီ Microsoft ရဲ့ HoloLens ကတော့ အဝေးကနေ ဗွီဒီယို ဆွေးနွေးပွဲနည်းပညာနဲ့ ဆွေးနွေးမယ့်သူ တစ်ယောက်ဟာ ပုံမှန်ဆွေးနွေးပွဲ မှာ တက်ရောက်သလို မြင်ရမှာ ဖြစ်ပါတယ်။

ပထမဆုံး အသုံးချ သရုပ်ပြပွဲ အဖြစ် NASA ရဲ့ အင်္ဂါဂြိုဟ်ပေါ်က Curiosity Roverရဲ မြင်ကွင်းတွေကို အသုံးပြုပြီး အင်္ဂါဂြိုဟ်ပေါ်ကိုယ်တိုင် ရောက်ရှိသွားသလို စမ်းသပ်ပြခဲ့ပါတယ်။

ကြည့်ရှုနိုင်တဲ့အပြင် Curiosity Rover ကို လက်ဟန် အမူအရာ ပြသနည်းတွေနဲ့ အမိန့်ပေးခိုင်းစေနိုင်မှာ ဖြစ်တဲ့အတွက် မြင်ကွင်းထဲက အရာဝထ္ထုတွေနဲ့ ထိတွေ့တုန့်ပြန် နိုင်တဲ့ သဘောကို ဆောင်ပါတယ်။

ဒီ HoloLens မျက်မှန်မှာ အသံ၊ အရုပ်၊ အနီးအဝေး၊ လှုပ်ရှားမှု အာရုံခံကိရိယာတွေ တပ်ဆင်ထားပါတယ်။ ကွန်ပြုတာနဲ့ ဆက်သွယ်မှုကတော့ ကြိုးမဲ့ ဖြစ်ပါတယ်။

HoloLens ကို Windows 10 ရောင်းချတဲ့ အခါမှ ရောင်းချမှာ ဖြစ်ပါတယ်။ ဈေးနှုန်းကိုတော့ မကြေငြာသေးပါဘူး။

– daythanix တင်ဆက်သည်။

January 27, 2015
ဂျာမနီဘောလုံးသမား တစ်ဦး အစ္စလာမ်ကို ပြောင်းလဲ လက်ခံ

ဇန်န၀ါရီ ၂၇၊၂၀၁၅

ဂျာမနီနိုင်ငံရှိ ဘွန်ဒက်လီဂါ ဒုတိယတန်း အသင်း တစ်သင်း ဖြစ်တဲ့ 1.FC နုရင်ဘတ်အသင်း ကစားသမား ဒန်နီဘလမ်း ဟာ အစ္စလာမ်သာသနာကို ပြောင်းလဲလက်ခံယုံကြည်လာခဲ့ကြောင်း သိရပါတယ်။

“အစ္စလာမ်က ကျွန်တော်ကို မျှော်လင့်ချက်နဲ့ စိတ်ဓာတ်ခွန်အားတွေ ပေးစွမ်းပါတယ်။ ၀တ်ပြုမှုတွေက ကျွန်တော့် စိတ်ဝိညာဉ်ကို ငြိမ်းချမ်းစေပါတယ်။” လို့ ဇန်န၀ါရီ ၂၆ ရက်နေ့က Bild သတင်းစာကို အသက် ၂၄ နှစ်အရွယ် ဘလမ်းက ထုတ်ဖော်ပြောကြားခဲ့ပါတယ်။

1.FC နုရင်ဘတ်အသင်းမှာ ကျောနံပတ် ၇ ကို ၀တ်ဆင်တဲ့ ရှေ့တန်းနဲ့ အလယ်တန်းကစားသမား ဘလမ်းဟာ ဘာဗေးရီးယား အခြေစိုက်အသင်းကို ပြီးခဲ့တဲ့ ဇူလိုင်လက စတင်ပြောင်းရွှေ့ကစားခဲ့ပါတယ်။ မကြာမီမှာပဲ ဒူးဒဏ်ရာကြောင့် ၆ လ အနားယူခဲ့ရပါတယ်။

သူဟာ ရခဲ့တဲ့ ဒဏ်ရာကြောင့် စိတ်တိုလွယ်ပြီးတော့ စိတ်လည်း ပုံမှန်မထားနိုင်ခဲ့ပါဘူး။ စည်းစိမ်အပုံလိုက်ပေါ်မှာ ထိုင်နေရပေမယ့် ဘယ်အရာအတွက်မဆို ဘာတာဝန်ယူရမှုမျိုးမှ မရှိခဲ့ရပါဘူး။ ကစားသမားဘ၀က အနားယူပြီးချိန်မှာ ဘာတွေဖြစ်လာမလဲ ဆိုတဲ့မေးခွန်းက ဘလမ်းကို အချက်ပေးခေါင်းလောင်းထိုးနေသလို ဖြစ်နေစေပါတယ်။ သူထိုင်တွေးခဲ့ပါတယ်။ သူငယ်ချင်းတွေနဲ့ ဘာသာတရားအကြောင်းတွေကို ဆွေးနွေးခဲ့ကြပါတယ်။ ပြီးနောက်မှာ ဗလီဝတ်ကျောင်းတစ်ခုကို သွားရောက်လည်ပတ်ခဲ့ချိန်မှာတော့ သူ့ဆုံးဖြတ်ချက်တွေဟာ လုံးဝ ခိုင်မာသွားခဲ့ပါတယ်။

“ဒီနေရာမှာ ကျွန်တော့်နှလုံးသားတွေ နိုးထခဲ့ရပါတယ်။ ဒီနေရာဟာ ကျွန်တော့်နေရာပါပဲ။ အစ္စလာမ်ကိုလည်း ပိုပြီးသိလိုစိတ် ပြင်းပြလာခဲ့ပါတယ်။” လို့ ဘလမ်းက ထုတ်ဖော်ပြောဆိုခဲ့ပါတယ်။

ဒဏ်ရာရပြီး ရက်သတ္တပတ်အနည်းငယ်မှာပဲ သူဟာ အစ္စလာမ်ကို လက်ခံခဲ့ပါတယ်။ နေ့စဉ်ဝတ်ပြုကာ ဟာလာလ် သန့်ပြန့်တဲ့ အစားအအစာတွေကို စတင်ရွေးချယ်ခဲ့ပါတော့တယ်။ ခရစ်ယာန်ဘာသာဝင် မိဘနှစ်ပါးကိုလည်း သူ့ရဲ့ဆုံးဖြတ်ချက်နဲ့ ပတ်သက်ပြီး သူဖွင့်ပြောပြခဲ့ပါတယ်။

“အစ္စလာမ်ဟာ ငြိမ်းချမ်းလှတဲ့ သာသနာတစ်ခုပါ။ ကျွန်တော့်သာသနာက – လူတစ်ယောက်မလုပ်ချင်တာကို အတင်းအဓမ္မ မလုပ်စေဖို့ သွန်သင်ထားပါတယ်။ ထပ်ပြီးစဉ်းစားကြည့်ရင် ယုံကြည်ကိုးကွယ်မှုဆိုတာက နှလုံးသားထဲက သူ့အလိုလို ဖြစ်ပေါ်လာတတ်တဲ့ အရာဖြစ်ပါတယ်။ ဘယ်အရာကိုမှ အတင်းအဓမ္မ ယုံကြည်စေလို့ မရပါဘူး” လို့ အသက် ၂၄နှစ်သား ဂျာမန်ဘောလုံးသမားလေး ဘလမ်းက ပြောပြသွားတာကို ဘာသာပြန် တင်ပြလိုက်ပါတယ်။

ဆွေမွန်
၂၇ ဇန်န၀ါရီ ၂၀၁၅

REF: onislam and wiki

January 27, 2015
ဆီးရီးယားရှိ ကိုဘိန်းမြို့အား IS လက်မှ ကာ့ဒ်တပ်ဖွဲ့များ ပြန်လည်သိမ်းပိုက်နိုင်ပြီ

ဇန်န၀ါရီ ၂၇၊ ၂၀၁၅
M-Media

– ဆီးရီးယား-တူရကီနယ်စပ်ရှိ IS တပ်များ သိမ်းပိုက်ထားသော ကိုဘိန်မြို့အား ကာ့ဒ်တပ်ဖွဲ့များက ပြန်လည်သိမ်းယူနိုင်ခဲ့ကာ နိုင်ငံမြောက်ပိုင်းရှိ ၄ လတာ ကြာမြင့်ခဲ့သော တိုက်ပွဲကို အဆုံးသတ်နိုင်ခဲ့သည်ဟု သိရသည်။

ကာ့ဒ်တပ်ဖွဲ့ YPG မှ တပ်ဖွဲ့ဝင်များကမူ မိမိတို့၏ ယမန်နေ့တိုက်ခိုက်မှုကြောင့် IS တပ်ဖွဲ့များ နောက်ဆုတ်သွားခဲ့ပြီးနောက် မြို့အရှေ့ပိုင်းဒေသများကို သိမ်းယူနိုင်ခဲ့ကြောင်း ပြောကြားခဲ့သည်။

အမေရိကန်ကမူ IS ဆန့်ကျင်ရေး ကာ့ဒ်တပ်ဖွဲ့ဝင်များမှာ ကိုဘိန်းမြို့၏ ၉၀ ရာခိုင်နှုန်းကို သိမ်းယူနိုင်ခဲ့သည်ဟု ဆိုသည်။ ကိုဘိန်းမြို့မှာ IS အား လေကြောင်းမှတိုက်ခိုက်မှုနှင့် ပတ်သက်၍ အမေရိကန်ဦးဆောင်သည့် မဟာမိတ်တပ်များ၏ မဟာဗျူဟာအတွက် အဓိက စမ်းသပ်ရသည့် နေရာလည်းဖြစ်ခဲ့သည်။

ကိုဘိန်းမြို့အား ပြီးခဲ့သည့်နှစ် စက်တင်ဘာလအတွင်း IS တပ်များက သိမ်းပိုက်ခဲ့ခြင်းဖြစ်ပြီး ပြည်သူထောင်ပေါင်းများစွာမှာ တူရကီနိုင်ငံသို့ ထွက်ပြေးခဲ့ကြရသည်။ အဆိုပါမြို့ရှိ IS တပ်ဖွဲ့များကို တိုက်ခိုက်ခဲ့ရာတွင် အနည်းဆုံး လူ ၁၆၀၀ ခန့် သေကြေပျက်ဆီးပြီး ထိုအထဲမှ ၁၁၉၆ ဦးမှာ IS တပ်ဖွဲ့ဝင်များ ဖြစ်ကြသည်ဟု ယူကေအခြေစိုက် ဆီးရီးယား လူ့အခွင့်အရေး စောင့်ကြည့်အဖွဲ့က ပြောကြားခဲ့သည်။

အစ္စလာမ်ဘာသာဝင်မျိုးနွယ်စုဖြစ်သော ကာ့ဒ်တပ်ဖွဲ့ဝင်များမှာ ဆီးရီးယားနှင့် အီရတ်နိုင်ငံများတွင် IS တပ်ဖွဲ့များအား အဓိကတွန်းလှန်နေသော အဖွဲ့ဖြစ်ပြီး အီရတ်နိုင်ငံတွင်လည်း IS လက်ထဲမှ နယ်မြေအချို့ကို ပြန်လည်သိမ်းပိုက်နိုင်ခဲ့ကာ
ရာဇီဒီလူမျိုးများကို ကယ်တင်နိုင်ခဲ့သည်။

Ref: BBC

January 27, 2015
မလေးရှားလေကြောင်းလိုင်း ၀ဘ်ဆိုက်ကို IS ထောက်ခံသူ ဟက်ကာအဖွဲ့မှ တိုက်ခိုက်

ဇန်န၀ါရီ ၂၆၊ ၂၀၁၅
M-Media

– မလေးရှားလေကြောင်းလိုင်း၏ ၀ဘ်ဆိုက်မှာ ယနေ့နံနက်ပိုင်းက Lizard Squad ဟက်ကာအဖွဲ့၏ တိုက်ခိုက်ခြင်းကို ခံခဲ့ရပြီး၊ ထိုအဖွဲ့က တိုက်ခိုက်မှုမှ ရရှိခဲ့သည့် ဒေတာအချက်အလက်များကိုလည်း ဖော်ထုတ်သွားမည်ဟု နောက်ပိုင်းတွင် ခြိမ်းခြောက် ခဲ့သည်။

အဆိုပါဝဘ်ဆိုက်၏ မူလစာမျက်နှာတွင် ဦးထုပ်ဆောင်းပြီး ဆေးတံခဲထားသော ဖွတ်တစ်ကောင်၏ပုံကို ဟက်ကာများက တင်ထားပြီး ထိုပုံ၏အပေါ်တွင် ”404- Plane Not Found” ဟု ရေးသားခဲ့သည်။ ထိုဝဘ်ဆိုက်မှာ ၇ နာရီကြာ ကျသွားခဲ့ကာ နေ့လည်ပိုင်းတွင် ပြန်လည်ရရှိခဲ့သည်။

တိုက်ခိုက်မှုအစပိုင်းတွင် ဟက်ကာအဖွဲ့မှာ မလေးရှားလေကြောင်းလိုင်းမှ လေယာဉ်တစ်စီးဖြစ်သော Airbus A380 ဆူပါဂျမ်ဘို၏ ပုံကို တင်ခဲ့ပြီး ”404- Plane Not Found” စာတန်းအပြင် “Hacked by Cyber Caliphate” ဟူသည့် စာတန်းကို ရေးသားခဲ့သည်။

ထို့ပြင် အဆိုပါဝဘ်ဆိုက်၏ Tab တစ်ခုတွင်လည်း “ISIS will prevail” (ISIS လွှမ်းမိုးမည်) ဟူသည့် စာတန်းကိုလည်း ရေးသားခဲ့သည်။

နောက်ပိုင်းတွင် လေယာဉ်ပုံ၏နေရာတွင် ဖွတ်ပုံတင်ထားခဲ့ပြီး “Hacked by Cyber Caliphate” စာတန်းအား “Hacked by Lizard Squad – Official Cyber Caliphate” ဟူသည့် စာတမ်းဖြင့် အစားထိုးခဲ့ကာ ဟက်ကာအဖွဲ့၏ Twitter အကောင့်လင့်ကိုလည်း ထည့်သွင်းခဲ့သည်။

Lizard Squad ဟက်ကာအဖွဲ့မှာ လူသိများစေရန် မျှော်လင့်ချက်ဖြင့် ဆိုက်ဘာတိုက်ခိုက်မှုကို ပြုလုပ်နေသည့်အဖွဲ့ဟု ပြောကြားမှုများရှိပြီး ပြီးခဲ့သည့်နှစ်ကလည်း လောင်းကစားနှင့် မီဒီယာကုမ္ပဏီများအား ပစ်မှတ်ထားကာ ဆိုက်ဘာတိုက်ခိုက်မှုအများအပြားကို ပြုလုပ်ခဲ့သည်။ ထို့ပြင် IS အဖွဲ့အား ထောက်ခံသည်ဟု ထုတ်ဖော်ပြောဆိုလေ့ရှိသည်။ သို့သော်လည်း IS နှင့် အမှန်တစ်ကယ် ဆက်သွယ်မှုရှိ၊ မရှိကိုမူ သိရှိရခြင်းမရှိချေ။

မလေးရှားလေကြောင်းလိုင်းကမူ ထိုဆိုက်ဘာတိုက်ခိုက်မှုကြောင့် ခရီးသည်များ၏ ဘွတ်ကင်လုပ်ထားမှုများကို ထိခိုက်ခြင်းမရှိဘဲ ထိုအဖြစ်အပျက်အတွက် မလေးရှား ပို့ဆောင်ရေးဝန်ကြီးဌာနနှင့် အင်တာနက်လုံခြုံရေး အေဂျင်ဆီတို့သို့ အကြောင်းကြားခဲ့သည်ဟု ပြောကြားခဲ့သည်။

Lizard Squad ၏ Twitter စာမျက်နှာတွင်မူ ၎င်းတို့၏ မလေးရှားလေကြောင်းလိုင်း ၀ဘ်ဆိုက်အား တိုက်ခိုက်မှုမှ ရရှိသည့် အချက်အလက်များကို မကြာခင်တွင် ထုတ်ဖော်သွားမည်ဟု ရေးသားခဲ့ပြီး လေကြောင်လိုင်း၏ ကိုယ်ပိုင် အီးမေးလ်ဖြင့်
ခရီးသွားတစ်ဦးက လတ်မှတ်ဘိုကင်လုပ်ထားသည့် screenshot ဓာတ်ပုံကိုလည်း လွှင့်တင်ခဲ့သည်။

ထိုအဖွဲ့မှာ ပြီးခဲ့သည့်နှစ်ကလည်း ဆိုနီပလေးစတေရှင်၏ အွန်လိုင်းကွန်ယက်နှင့် XBox ၏ ၀ဘ်ဆိုက်များကိုလည်း တိုက်ခိုက်ခဲ့သည်ဟု ကြေညာခဲ့ဖူးသည်။

Ref:ctvnews

January 26, 2015
ကြောင်တောင်နှိုက် လောင်မြှိုက်ခံရာ ပြည်မြန်မာ

ဇန်နဝါရီ ၂၆ ၊ ၂၀၁၅
M-Media

မြန်မာ့အဖိုးတန် သဘာဝသယံဇာတများအပေါ် မောင်ပိုင်စီးလိုသည့် တရုတ်၏ မဟာ အတ္တတရား ခပ်ကြမ်းကြမ်း ပွင့်အံလာလေပြီ။ ပြောင်စင်အောင် ကြောင်တောင်နှိုက်မည့် ပုံစံဖြင့် တစ်မျိုး၊ လက်ဝါးကြီးအုပ် ခရိုနီပုံသွင်ဖြင့်တစ်ဖုံ တွေ့နေရသည်။ သဘာ၀၀န်းကျင် သို့မဟုတ် လူထုအရေး သောက မထားသလောက် မြေယာများကို ကိုယ်ကျိုးရှာအသုံးချရန် အားသန်လှစွာသော တရုတ်ကုမ္ပဏီတို့နှင့် မြန်မာစစ်တပ်အခွင့်ထူးခံအုပ်စုသည် သဘောတူစာချုပ်များ ရှိနေကြ၏။ မြန်မာနိုင်ငံအရှေ့မြောက်ပိုင်း တစ်စိပ်တစ်ဒေသကို ထိန်းချုပ်ထားသော လက်နက်ကိုင်အုပ်စု ကချင်လွတ်မြောက်ရေးတပ်မတော် KIA သည်လည်း တရုတ်နှင့် ကုန်သွယ်ရေးအချို့၌ လက်ဝင်လျှိုထားသေး၏။ အထူးသဖြင့် ချွတ်ခြုံကျ ဘိန်းစွဲလုပ်သားတို့ကို အသုံးပြုနေသော ကျောက်စိမ်း တူးဖော်ရေး လုပ်ငန်းတွင် ဖြစ်သည်။

ယခုရက်သတ္တပတ်အတွင်း တရုတ်အစိုးရ အာဏာပိုင်များသည် တရားမ၀င်သစ် ထုတ်မှု သံသယဖြင့် ထိန်းသိမ်းခံထားရသည့် တရုတ်နိုင်ငံသားများ အရေး စုံစမ်းစစ်ဆေးရန် မြန်မာနိုင်ငံထဲ ရှိနေခဲ့ကြသည်။ တရုတ်ပြည်သို့ တရားမ၀င်သစ် (အထူးသဖြင့် မြန်မာ့ ရှားပါးသစ်နက်ပင်များ) ခိုးထုတ်ရောင်းချမှုတို့က ပြဿနာကြီးထွားနေသည်။ ထိုအပင်များမှာ သုံးနှစ်အတွင်း မျိုးပြုန်းတော့မည်ဖြစ်ကြောင်း အစိုးရ အဖွဲ့အစည်းမဟုတ်သော ပတ်ဝန်းကျင်ထိန်းသိမ်းစောင့်ကြည့်ရေးအေဂျင်စီ Environmental Investigation Agency မှ သတိပေးထားသည်။

ကျားနှင့်ကျားသစ်ခန္ဓာ အစိတ်အပိုင်း၊ ၀က်ဝံသည်းခြေနှင့် သင်းခွေချပ်များကို တရုတ်နိုင်ငံ၏ အာသာငမ်းငမ်း ၀ယ်ယူနေမှုကြောင့် တရုတ်နယ်စပ်အနီးရှိ Mong La မုံလ/မိုင်းလား မြို့မှာ တိရစ္ဆာန် ကုန်ကူးဈေးကွက်၊ ပြည့်တန်ဆာနှင့် လောင်း ကစား ဖြန့်ကျက်ရာဌာန တစ်ရပ် အသွင်သို့ ကူးပြောင်းသွားစေသည်။ မြန်မာ့ကျား အရေအတွက်မှာ အကောင် ၇၀ အောက်သာ အများဆုံး ကျန်ရှိတော့မည်ဟု ခန့်မှန်းထားကြသည်။

အဖိုးတန်ကြေးနီသတ္ထုများ ရှာဖွေငွေဖော်နေခြင်းက သဘာဝပတ်ဝန်းကျင်နှင့် လူသားတန်ဖိုးအား အရေးမစိုက်တတ်ကြသည့် ဗမာလူမျိုးတို့ အပေါ် ဆန့်ကျင်အကြမ်းဖက်မှုဆီ ဦးတည်သွားလေသည်။ ၂၀၁၂ ခုနှစ်၌ တရုတ်နိုင်ငံ ၀မ်ပေါင်သတ္ထုတူးဖော်ရေး ကုမ္ပဏီနှင့် မြန်မာစစ်တပ်ပိုင် စီးပွားရေး အင်အားစုအကြား ဖက်စပ်လုပ်ကိုင်နေသော မြန်မာ့အလယ်ပိုင်း လက်ပံတောင်းကြေးနီ သတ္ထုတွင်းအတွက် အဓမ္မ အိုးအိမ်ဖယ်ရှားရွှေ့ပြောင်းချက်များ အပေါ် ဒေသခံတို့က ကန့်ကွက်ဆန္ဒပြခဲ့ကြသည်။ ယင်းဆန္ဒပြ သူတို့အား မြန်မာရဲတပ်ဖွဲ့က စစ်မက်ရေး၌သာ အသုံးပြုသည့် ဖော့စ်ဖရပ်စ်ဖြူ မီးလောင်ဗုံးကို ပြောင်ပြောင်တင်းတင်း အသုံးပြု၍ ဖြိုခွင်းခဲ့ကြသည်။ ပြီးခဲ့သည့်လကလည်း ထိုဒေသတွင်း ထပ်မံနယ်ချဲ့လာမှုကို ဆန္ဒပြကြသူဒေသခံတို့အား ရဲအရာရှိများက သေနတ် ပစ်ဖောက်ခဲ့ရာ အမျိုးသမီးတစ်ဦး ဦးခေါင်းထိမှန် သေဆုံးရပြန်သည်။

ကန့်ကွက်ဆန္ဒပြမှုများမှ မီးမောင်းထိုးပြနေသည်မှာ မြန်မာပြည်သူလူထုသည် ဤသို့ မောင်ပိုင်စီးနယ်ချဲ့လုယက်နေခြင်းကို ရပ်တန့်စေ လိုကြောင်း ထင်ရှားနေပေသည်။ မြန်မာနိုင်ငံသည် လူ့အခွင့်အရေးနှင့် သဘာဝ ၀န်းကျင်ကို တန်ဖိုးထားလေးစား သည့် နိုင်ငံခြား ရင်းနှီးမြှုပ်နှံမှုများကို လိုအပ်နေပါသည်။ သယံဇာတများ ခွာထုတ်ဖဲ့ယူနေသော – နိုင်ငံရေးတည်ငြိမ်မှု ပျက်ယွင်းစေသော အကျင့်ပျက်ခြစားခြင်းနှင့် ခရိုနီစာချုပ်များအား ဇက်ထိန်းပဲ့ကိုင်ခြင်း၌ သမ္မတဦးသိန်းစိန်အပေါ် မူတည်လျက်ရှိပါသတည်း။

xxxxxxxxxxxxxxx

New York Times မှ အယ်ဒီတာ့အာဘော်ကို မြင့်မိုရ်မောင်မောင်မှ ဆီလျော်အောင် ပြန်ဆိုသည်။

သရုပ်ဖော်ရုပ်ပုံ- Copy

January 26, 2015