News @ M-Media

ကမ္ဘာ့ဘေးအကင်းဆုံးမြို့ ၅၀ တွင် ရီယာ့ဒ်ပါဝင်

ဖေဖော်ဝါရီ ၁၊ ၂၀၁၅
M-Media

ryd

– The Economist မဂ္ဂဇင်းမှ ထုတ်ပြန်သော ၂၀၁၅ ခုနှစ် အလုံခြုံဆုံးနှင့် ဘေးအန္တရာယ်အကင်းဆုံး မြို့ ၅၀ စာရင်းတွင် ဆော်ဒီအာရေဗျနိုင်ငံ ရီယာ့ဒ်မြို့က အဆင့် ၄၆ နေရာတွင် ရပ်တည်ခဲ့သည်ဟု သိရသည်။

ဘေးအကင်းဆုံးမြို့အား သတ်မှတ်ရာတွင် ဒစ်ဂျစ်တယ်လုံခြုံရေးနှင့် ခိုးဝှက်မှုနှုန်းအပါအ၀င် စံ ၄ ခု ဖြင့် အဆိုပါမဂ္ဂဇင်းက သတ်မှတ်ခဲ့ခြင်းဖြစ်ပြီး ရီယာ့ဒ်မှာ ထိုကဏ္ဍများတွင် ၅၃.၂၆ ရာခိုင်နှုန်းရခဲ့ကာ အဆင့် ၄၃ နေရာတွင်ရှိနေသည်။

မြို့အတွင်းရှိ ပြည်သူများ၏ အသက်ရှည်ရှည်နေထိုင်မှုအတွက် အရေးပါသည့် ကျန်းမာရေးလုံခြုံမှု၊ လူဦးရေနှင့်ကာမိသည့် ဆေးရုံများတည်ရှိမှုတို့တွင် ရီယာ့ဒ်မှာ ၅၃.၃၃ ရာခိုင်နှုန်းရရှိခဲ့ပြီး လမ်းများအရေအသွေး ကောင်းမွန်မှုအပါအ၀င် မြို့အတွင်းရှိ အခြေခံအဆောက်အဦးများ ပြည့်စုံကောင်းမွန်မှု လုံခြုံဘေကင်းမှုတို့တွင် ၆၁.၅၃ ရာခိုင်နှုန်း ရရှိခဲ့သည်။

ရဲတပ်ဖွဲ့က ကြားဝင်ဆောင်ရွက်ပေးမှု၊ ရာဇ၀တ်မှု၏ သားကောင်ဖြစ်ခြင်းမှ ကာကွယ်ပေးခြင်း စသည့် လူတစ်ဦးချင်းစီ၏ လုံခြုံရေးအတွက် ဆောက်ရွက်ပေးမှုတွင်မူ ၆၀.၂၆ ရာခိုင်နှုန်း ရရှိခဲ့သည်။

The Economist မဂ္ဂဇင်း၏ ၂၀၁၅ ခုနှစ် ဘေးအကင်းဆုံး မြို့များစာရင်းတွင် ဂျပန်နိုင်ငံ၏ မြို့တော် တိုကျိုက ထိပ်ဆုံးတွင်ရှိနေပြီး ယူအေအီးနိုင်ငံ အဘူဒါဘီက အဆင့် ၂၅၊ ကူဝိတ်က အဆင့် ၃၆၊ အီရန်နိုင်ငံ တီဟီရန်က အဆင့် ၄၉နှင့် အင်ဒိုနီးရှားနိုင်ငံ ဂျကာတာမြို့က အဆင့် ၅၀ စသဖြင့် အသီးသီးရှိနေကြသည်။

အမေရိကန်ပြည်ထောင်စု နယူးယောက်နှင့် လော့စ်အိန်ဂျလိစ်မြို့များမှာ ဒစ်ဂျစ်တယ်လုံခြုံမှုတွင် ထိပ်ဆုံး၌ရှိနေပြီး ဇူးရစ်ခ်ျမြို့ကမူ ကျန်မာရေးစောင့်ရှောက်မှုနှင့် အခြေခံအဆောက်အဦး ဘေးကင်းလုံခြုံမှုတို့တွင် အဆင့် ၁ နေရာရရှိခဲ့သည်။

Ref:arabnews

Comments

Leave a Reply