အောက်တိုဘာ ၂၈ ၊ ၂၀၁၄
M-Media
– စစ်တပ်အတွင်း အမျိုးသမီးများမှာ အဓမ္မကျင့်မှု၏ သားကောင်ဖြစ်ရန် ရာခိုင်နှုန်း ပိုများသော်လည်း အမေရိကန်စစ်တပ်တွင်တော့ အမျိုးသားအချင်းချင်း အဓမ္မ ပြုကျင့်မှုမှာ ဆိုးရွားသည့်ပြဿနာတစ်ရပ်အဖြစ် လွှမ်းမိုးလာလေသည်။
မကြာသေးမီက ကျော်ကြားသည့် အမျိုးသားမဂ္ဂဇင်း GQ တွင် ဖော်ပြခဲ့သော ဆောင်းပါး၌ အမေရိကန်စစ်တပ်မှ စစ်မှူထမ်းဟောင်းများနှင့် လက်ရှိတာဝန်ထမ်းဆောင်နေသူ တစ်ဒါဇင်ကျော်မှာ ၎င်းတို့၏ လိင်ပိုင်းဆိုင်ရာ အနိုင်ကျင့်ခံရမှုကို လည်းကောင်း၊ ပြစ်မှုကျူးလွန်သူများအား တရားဥပေဒရှေ့မှောက်သို့ ရောက်ရှိလာစေရန်နှင့် မိမိတို့အတွက် လိုအပ်သော စိတ်ကျန်းမာရေး အကူအညီများ ပေးအပ်ရန်တို့အတွက် စစ်တပ်ဘက်မှ ပျက်ကွက်ခဲ့မှုများကိုလည်းကောင်း ဖွင့်ဟပြောဆိုခဲ့လေသည်။
အမျိုးသားတစ်ဦး အမေရိကန်စစ်တပ်ထဲဝင်ရောက်ပါက လိင်ပိုင်းဆိုင်ရာ စော်ကားခံရမှု အလားအလာမှာ အပြင်လောကထက် ၁၀ ဆကျော်ရှိနေ၏။ ၂၀၁၂ တစ်ခုတည်းတွင်ပင် အမေရိကန်စစ်တပ်အတွင်း အမျိုးသားအချင်းချင်း အဓမ္မ ကျင့်မှုမှာ ခန့်မှန်းချေ ၁၄၂၀၀ မှုအထိ ရှိနေသည်။
ထို့ပြင် ကျူးလွန်သူများ၏ ရာထူးကြောင့်၊ အခြားသော ဆက်ဆံရေးများတွင် ထိခိုက်မည်ဆိုးသောကြောင့် အဓမ္မ ကျင့်ခံရသူ စစ်သားများမှာ ၎င်းတို့စော်ကားခံရမှုများကို ဖွင့်ပြောရန် အလားအလာနည်းခြင်းက ပြဿနာတစ်ရပ်ဖြစ်နေသည်။ စစ်တပ်အတွင်း လုပ်ပိုင်ခွင့်ပေးထားမှုကလည်း ထိုကဲ့သို့ ကျူးလွန်မှုကို ပိုမိုပြန့်နှံစေ၏။ အဘယ့်ကြောင့်ဆိုသော် မိမိတို့အား ကျူးလွန်သူများမှာ မိမိတို့ထက်ရာထူးကြီးပါက ကျူးလွန်ခံရသူ ရာထူးနိမ့်များအနေဖြင့် တိုင်ကြားရန် ခက်ခဲသောကြောင့်ပင် ဖြစ်လေ၏။
“အမြောက်တပ်ကြပ်တစ်ဦးက ခင်ဗျားကို “အ၀တ်တွေချွတ်လိုက်” လို့ပြောရင် ခင်ဗျားအနေနဲ့ ခိုင်းတဲ့ အတိုင်းလုပ်တာ ပိုကောင်းပါတယ်။ မေးခွန်းတွေ သွားမမေးမိပါစေနဲ့” ဟု မရိန်းတပ်သားဟောင်း ဆမ်မက်ဒရစ်(အမည်လွှဲ) က ပြောကြားခဲ့သည်။
ကိုလီ ဝေါ့လ်ရ်ှတစ်ယောက် ၂၀၀၇ ခုနှစ်က စစ်တပ်အတွင်း လိင်ပိုင်းဆိုင်ရာ အနိုင်ကျင့်မှုကို ခံခဲ့ရသည်။ သို့သော်လည်း မိမိ၏ ရည်ရွယ်ချက် ပျက်ဆီးသွားနိုင်သည်ကို ကြောက်ရွံ့မိသည့်အတွက် ထိုအဖြစ်အပျက်အား တိုင်ကြားခြင်းမပြုခဲ့။
“ဒီအနိုင်ကျင့်မှုကို ကျွန်တော်လစ်လျူရှုလိုက်ပါတယ်။ ဘာ့ကြောင့်လည်းဆိုတော့ ကျွန်တော့် စစ်သားဘ၀ တစ်လျှောက် အနှောက်အယှက် မဖြစ်ချင်လို့ပါပဲ။ ကျွန်တော်အရာရှိတစ်ယောက် ဖြစ်ချင်တယ်။ ဒါ့ကြောင့် “မကောင်းတဲ့အတွေ့အကြုံပေါ့လေ။ နောက်ထပ် အဖြစ်မခံတော့ဘူး” လို့ပဲ ဖြေသိမ့်ခဲ့ပါတယ်။ ဒါပေမယ့် အဲဒါရဲ့ အကျိုးဆက်က ထပ်ဖြစ်လာပါတယ်။ တစ်လခွဲလောက်ကြာတော့ အရာရှိ ၉ ရောက်လောက်က အခန်းတစ်ခုထဲမှာ ကျွန်တော့်ကို ခေါ်တွေတယ်။ ပြီးတော့ “မင်းမှာ HIV ရှိနေပြီ” လို့ ပြောပါတယ်။ တစ်ရက်အတွင်းမှာပဲ ကျွန်တော့်ကို တပ်ထဲက ထုတ်ပစ်လိုက်ပါတယ်။ သိပ်ကို တုန်လှုပ်စရာပါပဲ” ဟု ဝေ့ါလ်ရ်ှက GQ မဂ္ဂဇင်းသို့ ပြောကြားခဲ့သည်။
လိင်ပိုင်းဆိုင်ရာ အနိုင်ကျင့်ခံရသူစစ်သားများမှာ ၎င်းတို့အဖြစ်အပျက်အတွက် တိတ်တိတ်မနေပါကလည်း ကျန်းမာရေးမကောင်းဟူသော အကြောင်းပြချက်ဖြင့် ၎င်းတို့မှာ စစ်တပ်မှထုတ်ခံရပြီး အနိုင်ကျင့်သူများကိုတော့ ဆက်လက် တာဝန်ထမ်းဆောင်စေလေသည်။
၂၀၀၁ ခုနှစ်မှ ၂၀၁၀ ခုနှစ်အတွင်း ကျန်းမာရေးမကောင်းဟုဆိုကာ တပ်မှ အတင်း အဓမ္မ ထုတ်ပစ်ခဲ့သော စစ်သားပေါင်း ၃၁၀၀၀ နီးပါးရှိလေသည်။ ၎င်းတို့ထဲမှ အများစု၏ ကျန်းမာရေးမှာ ရောဂါဖြစ်စအခြေအနေတွင် ရှိနေသော်လည်း စစ်မှုထမ်းဟောင်းရေးရာ VA ဌာန၏ အခမဲ့ဆေးကုသပေးမှုစနစ်တွင် သွားရောက်ကုသခွင့်မရခဲ့။ ကုသခွင့်ရသူများမှာလည်း ၎င်းတို့လိုအပ်သည့် အကူအညီများကို မရခဲ့ကြ။
“ကျွန်တော်အပြင်ကို စရောက်တဲ့အချိန်မှာ VA မှာ ကုသဖို့ ကျွန်တော် ကြိုးစားခဲ့ပါတယ်။ အဲဒီကို ကျွန်တော်ပြန်လာတဲ့အချိန်တိုင်းမှာ လူတွေက ပြောင်းပြောင်းသွားပါတယ်။ သူတို့က ဖောင်တွေထပ်ထပ်ဖြည့်ခိုင်းပြီး ကျွန်တော့်အကြောင်းကိုလည်း ပြန်ပြန်ပြောရပါတယ်။ တော်တော်လေးဆိုးပြီး ရယ်စရာလည်း ကောင်းပါတယ်” ဟု တပ်သားဟောင်း တစ်ဦးဖြစ်သူ တက်ဒ် စကိုရာနက်က ဆိုလေသည်။
ထို့ပြင် ရေတပ်သားဟောင်း တယ်ရီနေးလ်ကလည်း ဆရာဝန်တစ်ယောက်က ၎င်းအား “သားရယ် ယောကျေ်ားအချင်းချင်း မုဒိမ်းမကျင့်ပါဘူး” ဟု တုံ့ပြန်ခဲ့ကြောင်း ဆိုလေသည်။
အခြားအကြောင်းရာတစ်ခုကတော့ တရားရုံးသို့ရောက်သော ထိုအမှုများမှ ၇ ရာခိုင်နှုန်းကိုသာ ပြစ်ဒဏ်စီရင်နိုင်ခဲ့သည့် စစ်တပ်၏ တရားရေးစနစ် ဖြစ်လေသည်။ ထို့ပြင် အနိုင်ကျင့်ခံရသူ ၈၁ ရာခိုင်နှုန်းက တိုင်ကြားခြင်းမရှိကြ။
နယူးယောက် ဆီးနိတ်အမတ် ကရစ္စတင် ဂီလီဘရန်းကမူ စစ်တပ်၏ တရားရေးစနစ်အား ပြုပြင်ပြောင်းလဲရန်အတွက် “စစ်ဘက်တရားမျှတမှု တိုးတက်ရေး အက်ဥပဒေ” ကို အဆိုပြုခဲ့သည်။ အဆိုပါဥပဒေကြမ်းတွင် လိင်ပိုင်းဆိုင်ရာ အနိုင်ကျင့်မှုများအတွက် တပ်မှုများရရှိထားသည့် တရားစီရင်ခွင့်အာဏာကို ရုပ်သိမ်းထားပြီး လွပ်လပ်သော စစ်ဘက်အရာရှိများပါဝင်သော တရားသူကြီးအဖွဲ့အား ထိုအာဏာကို ပြန်လည်အပ်နှင်းထားသည်။
အဆိုပါ မူကြမ်းကို ဆီးနိတ်လွှတ်တော်တွင် ထောက်ခံမှုရခဲ့သော်လည်း ဥပဒေအဖြစ် မဖြစ်လာစေရန် ကဖျက်ယဖျက်လုပ်သူများ၏ နှောက်ယှက်မှုကိုတော့ မတွန်းလှန်နိုင်ခဲ့။ ကျူးလွန်ခံရသူများကတော့ ဆက်လက်နှုတ်ဆိတ်လျက်ပင် ရှိနေလေ၏။
“ကျွန်တော်ယောက်ျားတွေကို ကြောက်ပါတယ်။ ကျွန်တော်လိင်တူစိတ်ဝင်စားသူတစ်ဦးပါ။ ယောက်ျားတွေကို ကြောက်ပါတယ်။ ကျွန်တော်သီးသန့်နေပါတယ်။ ရုပ်ရှင်တွေ၊ ဂီတပွဲတွေ မသွားပါဘူး။ ကျွန်တော့်မှာ အိပ်မက်ဆိုးတွေ ရှိပါတယ်။ ပြီးခဲ့တဲ့ ခရစ္စမတ်က သူငယ်ချင်းတစ်ချို့နဲ့ ညစာစားပွဲတစ်ခုသွားပါတယ်။ အဲဒီမှာ ကျွန်တော်စိတ်ခြောက်ခြားပြီးစားသောက်ဆိုင်အပြင်ဘက်ကို ထွက်ပြေးခဲ့ပါတယ်။ တကိုယ်လုံးလည်း တုန်နေပြီးဒီအကြောင်းကို ပြီးခဲ့တဲ့ ဇူလိုင်လအထိ ဘယ်သူကိုမှ မပြောခဲ့ပါဘူး။ ဒီလိုပုံစံမျိုးနဲ့ နှစ် ၃၀ လောက်နေခဲ့ရတာ ဘာနဲ့တူသလဲဆိုတာ ခင်ဗျားသိသလား” ဟု အမေရိကန်စစ်တပ်တွင် အဓမ္မ ပြုကျင့်ခံခဲ့ရသည့် စစ်သားဟောင်း ဂရေးဂျုန်းစ် (အမည်လွှဲ) က ပြောကြားခဲ့လေ၏။
ref_ Daily Mail
