အောက်တိုဘာ ၂၈ ၊ ၂၀၁၄
M-Media
– ၂၀၁၃-၂၀၁၄ ဘောလုံရာသီအတွက် လာလီဂါအကောင်းဆုံး ဆုများကို ယမန်နေ့က ပေးအပ်ချီးမြှင့်ခဲ့ရာ ရီးယဲလ်မက်ဒရစ် တိုက်စစ်မှူး ရော်နယ်ဒိုက အကောင်းဆုံး ကစားသမားဆု အပါအ၀င် ဆု ၃ ဆုကို ဆွတ်ခူး ရရှိခဲ့သည်ဟု သိရသည်။
ရော်နယ်ဒိုမှာ ပြီးခဲ့သည့်နှစ် လာလီဂါတွင် ရီးယဲလ် အတွက် ပွဲပေါင်း ၃၀ ကစားပေးခဲ့ပြီး ၃၁ ဂိုး သွင်းယူပေးနိုင်ခဲ့သည်။ ယခုကဲ့သို့ လာလီဂါ အကောင်းဆုံးကစားသမားဆု ရရှိခဲ့ခြင်းမှာ ၂၀၀၈-၀၉ ဘောလုံးရာသီ လာလီဂါသို့ စရောက်ပြီးနောက်ပိုင်း ပထဆုံးအကြိမ် အဖြစ် ဆွတ်ခူးနိုင်ခဲ့ခြင်းလည်း ဖြစ်သည်။
“ကျွန်တော့်ရဲ့ အသင်းဖော်တွေ၊ ရီးယဲလ်မက်ဒရစ်အသင်းနဲ့ မိသားစုအားလုံးကို ကျွန်တော် ကျေးဇူးတင်ရပါမယ်။ ကျွန်တော့်ရဲ့ ကစားသမား သက်တမ်းတစ်လျှောက်မှာ ဒါဟာ သိပ်ကို ကောင်းမွန်တဲ့ ကာလပါပဲ။ ကျွန်တော့်အတွက် အရေးကြီးတာက အသင်းလိုက် ဆုရချင်တာပါ။ ဒါပေမယ့် တစ်ယောက်ချင်းစီအတွက် ရတဲ့ဆုကိုလည်း ကျွန်တော်ကြိုက်ပါတယ်။ ဒီလိုအရည်အချင်းတွေကို ဆက်လက်တိုးတက်အောင်လုပ်ဖို့ ကျွန်တော် နေ့တိုင်းကြိုးစားပါတယ်” ဟု ယမန်နေ့ညက မက်ဒရစ်တွင်ပြုလုပ်သော ဆုပေးပွဲအခမ်းအနားတွင် ရော်နယ်ဒိုက ပြောကြားခဲ့သည်။
ရော်နယ်ဒိုမှာ လာလီဂါ အကောင်းဆုံး ကစားသမားဆုအပြင်၊ အကောင်းဆုံး တိုက်စစ်မှူးဆုနှင့် ပွဲစဉ် ၃၆ ဗလင်စီယာနှင့်ပွဲတွင် သွင်းယူခဲ့သောဂိုးအတွက် အကောင်းဆုံး ဂိုးသွင်းနိုင်မှုဆုကိုလည်း ဆွတ်ခူးရရှိခဲ့သည်။
အက်သလက်တီကိုမက်ဒရစ်အသင်း၏ နည်းပြဖြစ်သူ ဆီမြွန်နီမှာ အကောင်းဆုံး နည်းပြဆုကို ဆွတ်ခူးရရှိခဲ့ပြီး၊ ဘာစီလိုနာ ကွင်းလယ်လူ အင်နီယေစတာက အကောင်းဆုံး ကွယ်လယ်ကစားသမားဆုကို ရရှိခဲ့ပြီး အကောင်းဆုံးဆု ၁၂ ဆုကို ရွေးချယ်ချီးမြှင့်ခဲ့ခြင်း ဖြစ်သည်။
Leave a Reply
You must be logged in to post a comment.