အောက်တိုဘာ ၂၂ ၊ ၂၀၁၄
M-Media
– ချန်ပီယံလိဂ်အုပ်စု ၄ ခုရဲ့ အုပ်စုပွဲစဉ် ၃ ကို ဒီနေ့မနက်မှာ ကစားခဲ့ပြီး မထင်မှတ်ထားတဲ့ ရလဒ်တွေထွက်ပေါ်ခဲ့ကာ နှစ်သင်းပေါင်း ၆ လုံးနဲ့အထက် ဂိုးသွင်းခဲ့တဲ့ ပွဲ ၄ ပွဲတောင် ရှိခဲ့ပါတယ်။
အုပ်စု E
ရိုးမား ၁-၇ ဘိုင်ယန်ုမြူးနစ်
စီအက်စ်ကေအေ ၂-၂ မန်စီးတီး
ရောမမှာကစားခဲ့တဲ့ ရိုးမားနဲ့ ဘိုင်ယန်တို့ပွဲမှာတော့ နှစ်သစ်စလုံး တိုက်စစ်အသားပေးပုံစံနဲ့ ကစားခဲ့ပြီး ဂွာဒီယိုလာရဲ့ဘိုင်ယန်က ဂိုးပြတ်သွင်းနိုင်ခဲ့ပါတယ်။ တစ်ပွဲလုံး ကစားကွက် အသာနဲ့ ကစားနိုင်ခဲ့တဲ့ ဘိုင်ယန်တို့ ရိုးမားနောက်တန်းကို ကောင်းကောင်း ဒုက္ခပေးနိုင်ခဲ့ပြီး ပထမပိုင်း နာရီဝက်အတွင်းမှာပဲ ၅ ဂိုး ပြတ် သွင်းနိုင်ခဲ့ပါတယ်။ ၆၆ မိနစ်မှာ ဂါဗင်ဟိုက အိမ်ရှင်အတွက် သိက္ခာဆယ်ဂိုးတစ်ဂိုး သွင်းယူပေးနိုင်ခဲ့ပေမယ့် ဘိုင်ယန်တို့ နောက်ထပ် ၂ ဂိုး ပြန်သွင်းခဲ့တာကြောင့် ရောမမြေမှာ ပြတ်ပြတ်သားသား အောင်ပွဲခံနိုင်ခဲ့ပါတယ်။ ဘိုင်ယန်အတွက် ဂိုးတွေကိုတော့ ရော်ဘင်က ၂ ဂိုး၊ ဂေါ့ဇီ၊ လီဝန်ဒေ့ါစကီး၊ မူလာ၊ ရီဘာရီနဲ့ ရှာကီရီတို့က ၁ ဂိုးစီ သွင်းပေးခဲ့တာပါ။ ရိုးမားတို့ဟာ ၂၀၀၇ ခုနှစ် အဝေးကွင်းမှာ မန်ယူကို ၇ ဂိုး ၁ ဂိုးနဲ့ ရှုံးနိမ့်ခဲ့ပြီးနောက် ပထမဆုံးအကြိမ် ရလဒ်ဆိုးနဲ့ ရှုံးနိမ့်ခဲ့ရတာလည်း ဖြစ်ပါတယ်။
မန်စီးတီးတို့ကတော့ အဝေးကွင်းမှာ ပထမပိုင်းမိနစ် ၄၀ အတွင်း ဦးဆောင်ဂိုး ၂ ဂိုး အရင်သွင်းထားနိုင်ပေမယ့် ထိန်းမထားနိုင်ခဲ့တာကြောင့် အိမ်ရှင်ကို ချေပဂိုးတွေ ပြန်ပေးခဲ့ရပြီး သရေတစ်မှတ်နဲ့သာ ကျေနပ်ခဲ့ရပါတယ်။ ၃ ပွဲစားပြီးချိန်မှာ ဘိုင်ယန်က ၉ မှတ်နဲ့ အုပ်စုကို ဦးဆောင်နေပြီး ရိုးမားက ၄ မှတ်၊ မန်စီးတီးက ၂ မှတ်၊ စီအက်စ်ကေအေက ၁ မှတ်နဲ့ အစဉ်လိုက် ရှိနေကြပါတယ်။
အုပ်စု F
ဘာစီလိုနာ ၃-၁ အေဂျက်
APOEL ၀-၁ ပီအက်စ်ဂျီ
ဘစီလိုနာကတော့ အိမ်ကွင်းမှာ သက်တောင့်သက်သာကစားပြီး မက်ဆီ၊ နေးမာ၊ ရာမီးရက်ဇ်တို့ရဲ့ ဂိုးတွေနဲ့ အနိုင်ရခဲ့ပါတယ်။ ဒီပွဲအနိုင်ဟာ ဘာစီလိုနာအသင်းရဲ့ ယခုနှစ် အိမ်ကွင်း ရာနှုန်းပြည့်အနိုင်ဖြစ်ပြီး၊ ဂိုးသွင်းနိုင်တဲ့ မက်ဆီဟာလည်း ချန်ပီယံလိဂ်သမိုင်းတစ်လျှောက် ဂိုးသွင်းအများဆုံးဆိုတဲ့ စံချိန်ရဖို့ နီးစပ်လာခဲ့ပြီ ဖြစ်ပါတယ်။
အဝေးကွင်းမှာ သွားကစားရတဲ့ ပီအက်စ်ဂျီတို့ ခြေအသာနဲ့ ကစားနိုင်ခဲ့ပြီး ဂိုးသွင်းခွင့် ၆ ကြိမ်လောက်ရခဲ့ပေမယ့် လိုအပ်နေတဲ့အနိုင်ဂိုးကိုတော့ ၈၇ မိနစ်ကျမှ ကာဗာနီက သွင်းယူပေး နိုင်ခဲ့တာပါ။ APOEL ရဲ့ အပိုင်ကန်သွင်းမှု ၂ လုံးကို ဒေးဗစ်လူးဝစ်ဇ် ဂိုးစည်းပေါ်က ရှင်းထုတ်နိုင်ခဲ့တာကြောင့် ပီအက်ဂျီတို့ ကံကောင်းခဲ့ပါတယ်။ ဒီပွဲအနိုင်ကြောင့် ပီအက်စ်ဂျီတို့ ၇ မှတ်နဲ့ အုပ်စုကို ဦးဆောင်ထားပြီး ဘာစီလိုနာကတော့ ၆ မှတ်နဲ့ ဒုတိယနေရာမှာ ရှိနေပါတယ်။
အုပ်စု G
ချယ်ဆီး ၆-၀ မာရီဘိုးရ်
ရှော်လ်ကာ ၄-၃ စပို့တင်းလစ္စဘွန်း
စတမ်းဖို့ဒ်ဘရစ်ခ်ျမှာ ကစားခဲ့တဲ့ ချယ်ဆီးနဲ့ မာရီဘိုးရ်တို့ရဲ့ပွဲမှာတော့ အိမ်ရှင်တို့ ဒရော့ဘာရဲ့ ၂၀၁၂ နောက်ပိုင်း ပထမဆုံးသွင်းဂိုးနဲ့အတူ ၆ ဂိုး ပြတ်နဲ့ အနိုင်ရခဲ့ပါတယ်။ အိမ်ရှင်တို့ သက်တောင့် သက်သာနဲ့ ကစားနိုင်ခဲ့ပြီး ဂိုးသွင်းခွင့်လည်း ၁၀ ကြိမ်လောက်ရခဲ့တာပါ။ ဒီပွဲအနိုင်ဟာ အသင်းရဲ့ ချန်ပီယံလိဂ်သမိုင်းတစ်လျှောက် အကြီးမားဆုံး နိုင်ပွဲလည်း ဖြစ်ပါတယ်။
ဂျာမန်မြေက ပွဲမှာတော့ ရှော်လ်ကာနဲ့ စပို့တင်းတို့ ဂိုးတွေအပြန်အလှန်သွင်းပြီး ဒုတိယပိုင်း နာကျင်အချိန်ပို ပင်နယ်တီကြောင့် အိမ်ရှင်တို့ အဖိုးတန်အနိုင်သုံးမှတ် ရခဲ့ပါတယ်။ မန်ယူကစားသမားဟောင်း နာနီဦးဆောင်တဲ့ စပို့တင်းတို့ ၃ ဂိုး ၁ ဂိုး အရှုံးကနေ သရေရအောင် ကစားနိုင်ခဲ့ပေမယ့် ကံတရားရဲ့ ဖေးမှုမရခဲ့တာကြောင့် နောက်ဆုံးမိနစ်ရောက်မှ အရှုံးပေးခဲ့ရတာပါ။ ဒါ့ကြောင့် ချယ်ဆီးက ၇ မှတ်နဲ့ အုပ်စုကို ဦးဆောင်ပြီး ရှော်လ်ကာက ၅ မှတ်နဲ့ ဒုတိယနေရာရှိတဲ့ ဒီအုပ်စုမှာ ၁ မှတ်နဲ့ အောက်ဆုံးရောက်နေတဲ့ စပို့တင်းတို့ နောက်တစ်ဆင့်တက်ရေးအိပ်မက်ဟာ မသေမချာဖြစ်နေပါတယ်။
အုပ်စု H
BATE ၀-၇ ရှက်တာဒိုးနက်
ပေါ်တို ၂-၁ ဘီဘာအို
ဘရာဇီးလ်တိုက်စစ်မှူး လူးဝစ်ဇ် အက်ဒရီယာနိုရဲ့ စံချိန်တင် သွင်းဂိုး ၅ ဂိုးနဲ့အတူ ရှက်တာဒိုးနက်တို့ အဝေးကွင်းမှာ ၇ ဂိုး ပြတ်နဲ့ အောင်ပွဲခံနိုင်ခဲ့ပါတယ်။ ပထမပိုင်းမှာပဲ ၆ ဂိုး ပြတ်ခဲ့ပြီး ချယ်ပီယံလိဂ်သမိုင်းတစ်လျှောက် ပထမပိုင်း ဂိုးအများဆုံးသွင်းတဲ့ပွဲအဖြစ် မှတ်တမ်းဝင်ခဲ့ပါတယ်။ ဒီပွဲမှာ သွင်းတဲ့ဂိုးတွေအပါအ၀င် အက်ဒရီယာနို ရှက်တာဒိုးနက်အတွက် စုစုပေါင်းသွင်းဂိုးဟာ ၁၁၇ ဂိုး ရှိလာပြီဖြစ်ပြီး အသင်းသမိုင်းတစ်လျှောက် ဂိုးသွင်းအများဆုံး သွင်းသူအဖြစ် စံချိန်တင်ခဲ့ပါတယ်။
ပေါ်တိုကတော့ ဘီဘာအိုကို အကြိတ်အနယ် ကစားခဲ့ရပြီး နောက်ကျဂိုးနဲ့ အနိုင်ရခဲ့တာပါ။ ပထမပိုင်း ပွဲပြီးကာနီးမှာ မန်ယူက စိတ်ဝင်စားနေတဲ့ တိုက်စစ်မှူး ဟာရဲရားက ပေါ်တိုအတွက် ဦးဆောင်ဂိုး သွင်းပေးခဲ့ပေမယ့် ၅၈ မိနစ်မှာ ဂူလီယာမို ဖာနန်ဒက်ဇ်က ဧည့်သည်အသင်းအတွက် ချေပဂိုးပြန်သွင်းခဲ့ပါတယ်။ တစ်ပွဲလုံး ခြုံကြည့်ရင် ဘီဘာအိုက အသာရခဲ့ပြီး ဂိုးသွင်းခွင့်လည်း ပိုရခဲ့တာပါ။ ဒါပေမယ့် အသုံးမချနိုင်ခဲ့တာကြောင့် ကွာရက်စ်မာရဲ့ ၇၅ မိနစ်သွင်းဂိုးနဲ့ အရှုံးပေးခဲ့ရပါတယ်။ ဒီအုပ်စုမှာ ပေါ်တိုက ၇ မှတ်နဲ့ ဦးဆောင်နေပြီး ရှက်တာဒိုးနက်က ၅ မှတ်နဲ့ ဒုတိယ၊ BATE က ၃ မှတ်နဲ့ တတိယ အသီးသီး ရှိနေကြကာ ဘီဘာအိုကတော့ လေးပွဲကစား ၁ မှတ်သာ ရရှိထားတာကြောင့် အောက်ဆုံးမှာ ရှိနေပါတယ်။
