သြဂုတ် ၂၅ ၊ ၂၀၁၄
M-Media
သူရိန်
Community Learning Center မှ လူငယ်များ၏ ဂါဇာရှိ စစ်ဘေးဒုက္ခသည် ပါလက်စတိုင်း ကလေးငယ်များအတွက် လူသားချင်းဆိုင်ရာ စာနာထောက်ထားမှု အကူအညီအဖြစ် အလှူငွေပေးအပ်ပွဲကို သြဂုတ်လ ၂၃ ရက်နေ့က ရန်ကုန်မြို့ နယူးဧရာဟိုတယ်တွင် ကျင်းပပြုလုပ်ခဲ့ကြောင်း သိရှိရပါတယ်
အကူအညီပေးရေး လှုပ်ရှားမှုကို Community Learning Center မှ လူငယ်များက ဂါဇာကလေးငယ်များ သေဆုံးနေရမှုနဲ့ပတ်သက်ပြီး ဝမ်းနည်းခြင်း အထိမ်းအမှတ်အဖြစ် ဝါကျွတ် အီးဒ်နေ့ပွဲတော်တွင် အင်္ကျီဆင်တူများ နေတစ်ပိုင်း ဝတ်ဖို့ တိုင်ပင်ရာမှ စတင်ခဲ့ခြင်းဖြစ်ကြောင်း အဆိုပါအဖွဲ့မှ ဦးဆောင်လှုပ်ရှားသူ တဦးကပြောပါတယ်။
အဆိုပါအဖွဲ့ရဲ့ လူငယ်များမှ အင်္ကျီများကို တန်ဖိုးတစ်ခု သတ်မှတ်ပြီး ရောင်းချကာ ဂါဇာ ကလေးငယ်များအတွက် လူသားချင်းစာနာထောက်ထားမှု အလှူငွေ ရန်ပုံငွေ မတည်ခဲ့ခြင်းဖြစ်ကြောင်း၊ ရန်ပုံငွေ အဖြစ်ရောင်းချခဲ့တဲ့ အင်္ကျီဒီဇိုင်းကို နိုင်ငံရေး၊ ဘာသာရေးနဲ့ လူမျိုးရေးအစွဲကင်းပြီး အားလုံးကို ကိုယ်စားပြုတဲ့ စာသားဖြစ်တဲ့ “We stand with the oppressed” ဖိနှိပ်ခံအားလုံးနဲ့ ကျွန်တော်တို့ အတူတကွရှိနေပါတယ်၊ ရပ်တည်ပါတယ် ဆိုတဲ့ စာသားကို ရွေးချယ်ခဲ့ခြင်းဖြစ်ကြောင်း အဖွဲ့ရဲ့ Facebook စာမျက်နှာမှာ ဖော်ပြထားပါတယ်။ အဖိနှိပ်ခံဆိုရာမှာ ပဋိပက္ခတွေမှာ မြေဇာပင်ဖြစ်ကြရပြီး ဒုက္ခသည်ဘဝကို ခါးစီးခံနေရတဲ့ ကမ္ဘာပေါ်က အဖိနှိပ်ခံ အားလုံးကို ဆိုလိုကြောင်းလည်း ရှင်းပြထားတာကို တွေ့ရပါတယ်။
အင်္ကျီ တစ်ထည်ကို ၂၀၀၀ ကျပ်ဖြင့် ပထမဦးစွာ online campaign လုပ်ပြီး ဦးစွာရောင်းချခဲ့ပြီး၊ နိုင်ငံတကာ လူငယ်အထိမ်းအမှတ်နေ့ကျင်းပရာ စိန်ရတု ခန်းမမှာလည်း ရောင်းချခဲ့ကြောင်း ။ မွတ်စလင်မ်များသာမက ဗုဒ္ဓဘာသာဝင်၊ ခရစ်ယာန် နဲ့ ဟိန္ဒူဘာသာဝင် စသည့်ဘာသာပေါင်းစုံမှ စေတနာရှင်များမှ ဝယ်ယူအားပေးခဲ့ပြီး အားပေးစကားများ ပြောခဲ့ကြောင်း သိရပါတယ်။
စုစုပေါင်း ရံပုံငွေ မြန်မာကျပ်ငွေ ၁၅ သိန်းခန့် (USD 1540)ရရှိခဲ့ကြောင်း ထိုအလှူငွေများကို ဂါဇာတွင် လူသားချင်းစာနာမှု အကူအညီများ ပေးနေသော လန်ဒန်အခြေစိုက် MAUK ဌာနချုပ်သို့ ပေးအပ်လှူဒါန်းခဲ့ပြီး MAUK မြန်မာရုံးခွဲမှ တဆင့်လက်ခံပေးခဲ့ကြောင်း။ ထိုသို့လှူဒါန်းရာတွင် တစ်ဦးတစ်ဖွဲ့အနေနှင့် မဟုတ်ဘဲ မြန်မာနိုင်ငံသားများမှ ဂါဇာ ကလေးငယ်များအတွက် အလှူဆိုသည့် လှူဒါန်းခဲ့ခြင်းဖြစ်ကြောင်းကို သိရှိရပါတယ်။
အလှူငွေပေးအပ်ပွဲအခမ်းအနားကို ဘာသာတရားပေါင်းစုံမှ ခေါင်းဆောင်များဖြစ်ကြသည့် အစ္စလာမ့်ဓမ္မဗိမာန်ဆော်ဩရေးမှူး အလ်ဟဂ်ျ ဦးအေးလွင်၊ ခရစ်ယာန်ဆရာတော် ပရော်ဖက်ဆာ ဒေါက်တာစောလှိုင်ဘွား၊ ဟိန္ဒူ ဓမ္မဆရာကြီး ဆရာဦးစန်းမင်းနိုင် နှင့် လူငယ်အရေးတက်ကြွလှုပ်ရှားသူတစ်ဦးဖြစ်သူ ကိုမိုဃ်းသွေး တို့တက်ရောက်ချီးမြှင့်ပေးခဲ့ကြပြီး လူသားချင်းဆိုင်ရာစာနာထောက်ထားမူနဲ့ပတ်သက်၍ အမှာစကားများနှင့် အားပေးစကားများ ပြောကြားပေးခဲ့ကြောင်းသိရပါတယ်။
အလှူငွေကို MAUK(HQ) ကိုယ်စား ရန်ကုန်ရုံးခွဲ ဌာနေကိုယ်စားလှယ် ကိုယ်တိုင်တက်ရောက် မှ တက်ရောက်လက်ခံပေးခဲ့ကြောင်းလည်း သိရပါတယ်။
ဂါဇာတွင် အပြစ်မဲ့ကလေးငယ်နှင့် အမျိုးသမီးများအပါအဝင် အရပ်ဖက်ပစ်မှတ်များကို အစ္စရေး၏ ရက်ရက်စက်စက် ပစ်ခတ်တိုက်ခိုက်မှုအပေါ် ဂျူးများ အပါအဝင် လူမှုရေးလှုပ်ရှားသူများ နိုင်ငံတကာပြည်သူများမှ တစ်ကမ္ဘာလုံးအတိုင်းအတာနှင့် ဆန့်ကျင်လျက်ရှိပါတယ်။
Community Learning Center မှ ပရဟိတလူငယ်မောင်မယ်များမှာ လတ်တလောတွင် ပဲခူးရေဘေးအတွက် ဒေသခံ ဗလီဝတ်ကျောင်းတော်မှ တာဝန်ရှိသူများ၊ ရဟန်းသံဃာများ၊ လူမှုရေးတက်ကြွကူညီသူများနှင့် ပူးပေါင်းကာ လူမျိုးဘာသာမခွဲခြားဘဲ စာနာမှုအကူအညီများကို ရေဘေးနေရာများအထိ ကွင်းဆင်း ကူညီပေးလျက်ရှိသည်။
Ref: Stand With the Oppressed Facebook Page
ဓါတ်ပုံ- သန့်ဇင်ထွေး
