သြဂုတ် ၂၃ ၊ ၂၀၁၄
M-Media
ရေးသူ- ဘရန်ဆိုင်း
အစ္စလာမ်ဘာသာဝင်တွေဟာ ကြောက်စရာကောင်းသူတွေ ဖြစ်လာနေပြီလား …။
ဒီမေးခွန်းတွေကို ဖြေဖို့ဆိုရင် … ကျနော်တို့ အစ္စလာမ်သာသနာရဲ့ ကျမ်းစာတွေ အဆုံးအမတွေ တရားတော်တွေကို အရင်လေ့လာကြရပါမယ် …။
အစ္စလာမ့်သမိုင်း နဲ့ ဒီကနေ့ အစ္စလာမ်ဘာသာဝင်အစွန်းရောက်များကို လေ့လာကြည့်ဖို့ လိုပါလိမ့်မယ်။ အစ္စလာမ်သာသနာရဲ့ရင်းမြစ် ဆုံးမစကားတွေ သြ၀ါဒတော်တွေမှာ လူသားတို့ ကြောက်ဖွယ်ကောင်းတဲ့အချက် တခုတလေမှ မပါဝင်ပါဘူး …။ လူသားဆန်ပြီး အင်မတန် ရိုးရှင်းသလို … လူသားကောင်းကျိုးကို အထူးပြု လုပ်ဆောင်ကြဖို့ တိုက်တွန်းချက်များသာလျှင် ပါဝင်နေတာကိုတွေ့ရပါလိမ့်မယ် …။
ဥပမာ အနည်းငယ်ကို ထုတ်နုတ်တင်ပြပါရစေ …။
သီလပိုင်းမှာ အစ္စလာမ်ဟာ တင်းကြပ်လွန်းတယ်လို့ ထင်ရလောက်အောင်ပဲ စောင့်ထိန်းခိုင်းထားတာကို တွေ့ရပါတယ်။ အစ္စလာမ်ဘာသာဝင်ကောင်း တယောက်ဟာ အမြဲအားဖြင့်စိတ်နှလုံးသား ဖြောင့်မတ်တည်ကြည် သန့်စင်နေဖို့ လိုပါတယ် …။
သူတပါး မကောင်းလုပ်ဖို့မဆိုထားနဲ့ … စိတ်နဲ့ပင် မပြစ်မှားရပါ … ပြစ်မှားမိပါက အပြစ်ရောက်စေပါတယ် …။
စိတ်နှလုံးသား ဖြူစင်သန့်ရှင်းနေလျှက် ဗလီဝတ်ကျောင်းတော်သို့ နေ့စဉ် တနေ့ ငါးကြိမ်ဘုရားသခင်အား ကျေးဇူးတော်တင် ၀တ်ပြုဆုတောင်းကြရပါတယ် …။ ဒါဟာ ဆိုရင် လူသားတို့မကောင်းမှုကို တွေးတောချိန်ပင် မရလောက်အောင် ကာလအပိုင်းအခြား ကန့်သတ်၍ ဖော်ဆောင်ထားသော ဆုံးမသွန်သင်ချက် တခုပင် ဖြစ်ပါသည်။
ကရုဏာတရားထားရှိဖို့အတွက် အဆိုအမိန့်တခု ရှိပါတယ် ။
“ အို – အာအေရှာဟ် ၊ အသင်မသည်မိမိတံခါးမှမည်သည့်ဆင်းရဲသားတဦးတယောက်ကိုမျှ ( ဘာသာကိုးကွယ်မှု မခွဲခြားရ )၊ တစုံတရာ မပေးကမ်းဘဲ မလွှတ်ပါနှင့်။ စွန်ပလွံသီးတခြမ်းပင်ဖြစ်စေ၊ ပေးကမ်းလိုက်ပါ၊ ဆင်းရဲသားတို့ကို ချစ်ခင်သနားပါ၊” ဟု တမန်တော်မြတ်က ၎င်း၏ ဇနီးအား ဆုံးမ သွန်သင်ခဲ့ပါတယ်။ ကိုယ်ချင်းစာစိတ် ၊ သနားကြင်နာစိတ်ကို အမြဲထားဖို့ ဆုံးမသွန်သင်ထားပါတယ်။
မေတ္တာတရားနှင့် ပတ်သက်၍ …
“ ငါသည် ကမ္ဘာသူ ကမ္ဘာသားတို့အား ကျိန်ဆဲရန် စေလွှတ်တော်မူခြင်း ခံခဲ့ရသည် မဟုတ်ပေ။ မေတ္တာပွားရန် စေလွှတ်တော်မူခြင်း ခံရသော တမန်တော်သာ ဖြစ်သည်။ ” ဒါကလည်းတမန်တော်ရဲ့ မိန့်ဆိုချက်တခွန်းပါ …။
ရန်သူကိုပင် အပြစ်မယူဘဲ ခွင့်လွှတ်ခဲ့သည် အပြင် ဆုမွန်ကောင်းပါ တောင်းပေးနိုင်သောတမန်တော် ပင် ဖြစ်ပါတယ်။ ကျမ်းကြီးကျမ်းငယ် များစွာ တင်ပြရမည် ဖြစ်၍ စာသိပ်ရှည်မည်စိုးရိမ်ပါတယ် … ဒါကြောင့် လေ့လာကြည့်ဖို့ကိုသာ တိုက်တွန်းလိုပါတယ် …။
ပြောလိုတာက အစ္စလာမ်ဟာ သီလ၊ မေတ္တာနဲ့ ကရုဏာ ကို အခြေခံပါတယ်လို့ ဆိုလိုတာပါ … တိရစ္ဆာန်တွေကို အကြောင်းမဲ့ သတ်ဖြတ်ခွင့် မရှိပါဘူး …။ ဒီနေရာမှာ ထောက်ပြနိုင်တာကနွားတွေကို လည်လှီးသတ်နေတာ ဘာလဲ ဆိုတာပေါ့ ….။
ဒါကလည်း သမိုင်းကြောင်း အရပြောရရင် သိပ်ရှည်ပါတယ် …။ အနီးစပ်ဆုံး ပြောရရင် စွန့်လှူခြင်း ဆိုတဲ့ အဓိပ္ပါယ်ပါ။ သာသနာအတွက်ဆိုရင် အသက်ကိုပင် စွန့်လှူနိုင်ပါတယ် ဆိုတဲ့ ဘုရားသခင်အပေါ် ယုံကြည်ကိုးစားမှုကို ပြခြင်းပဲ ဖြစ်ပါတယ်။ ကိုယ့်အသက်ကိုယ်စား အဲဒီ ဖန်ဆင်းခံ သတ္တ၀ါကိုဘုရားသခင်ဆီမှာ စွန့်လှူလိုက်တဲ့သဘောပါ ။ ဒီနေရာမှာ စွန့်လှူလိုက်တယ် ဆိုလို့ အဲဒီ သတ္တ၀ါရဲ့အသွေးအသားကို ဘုရားသခင် ရတာမဟုတ်ပါဘူး ။ ဖန်ဆင်းခံ သတ္တ၀ါကို ဖန်ဆင်းသူထံ ပြန်အပ်ခြင်း မျိုးပါပဲ ။
အဲဒီမှာ တိရစ္ဆာန်တွေကိုတော့ သတ်လို့ရသလား ဆိုရင် ဟုတ်ကဲ့ ( အကြောင်းမဲ့ မဟုတ်ရင် ) သတ်လို့ရပါတယ်။ ( ညှင်းပန်း နှိပ်စက်ခြင်းတော့ လုံးဝမပြုရပါ ) ဒါကြောင့်လဲ အလျင်အမြန် အသက်ထွက်နိုင်တဲ့ နည်းလမ်းနဲ့ လည်ပင်း သွေးကြောကိုဖြတ်တောက်ရခြင်းပဲ ဖြစ်ပါတယ်။ နောက်တချက်က အစ္စလာမ် ဘာသာဝင်တွေ အတွက် သွေးဆိုတာအညစ်အကြေးပါ။ ဒါကြောင့် သတ္တ၀ါရဲ့ ခန္ဓာကိုယ်ထဲက သွေးစင်အောင် သွေးကြော မကြီးကို ဖြတ်တောက် ကြရခြင်း ဖြစ်ပါတယ် …။ အသားစားဖို့ လိုအပ်ရင် သတ်လို့ရပါတယ်။ ဘာသာတိုင်းကော သတ်နေကြတာပဲ မဟုတ်လား ။ သူသတ်ကိုယ်သတ်ပဲကွာပါတယ် …။ တခုက အစ္စလာမ်မှာ အလိုအလျောက်သေတဲ့ အသားကို မစားဖို့တားမြစ်ထားပါတယ်။ ရောဂါကြောင့်သေသလား ဘာလား မသိတဲ့ တိရစ္ဆာန်ရဲ့ အသားကို မစားစေခြင်းဟာ ကျန်းမာရေးရှုထောင့်က ကြည့်ရင်လည်း သိပ်မှန်ပါတယ်။ နောက်တချက် အန္တရာယ်ပြု လာမယ်ဆိုရင် သတ်လို့ရပါတယ်။ မြွေဆိုးကို ကျားရဲကိုမေတ္တာထားပါ ( အဖန်ဆင်းခံတွေမို့ ) သို့သော် ရန်မူလာမယ် အသက်ချင်းလုရမယ် ဆိုရင် အရင်သတ်ရပါမယ် …။ ခုပြောနေတာတွေက အထက်ကပြောခဲ့တဲ့ ခုခံစစ် သဘောထားတွေပါ ။
အစ္စလာမ်သာသနာဟာ သမိုင်းကြောင်းအရ အလွန်ပဲ ဖြောင့်မတ် မျှတခဲ့ပါတယ် …။ အာရပ်ကမ္ဘာမှာ တမန်တော် ပွင့်တော်မူခဲ့တဲ့အခါ … အဲဒီခေတ်က ရဟူဒီ ဘာသာဝင်တွေ ခရစ်ယာန် ဘာသာဝင်တွေရဲ့ ဖိနှိပ်တိုက်ခိုက်မှုကို များစွာ တွန်းလှန်ကျော်လွှားခဲ့ရပါတယ် …။
စစ်ပွဲတွေ ဆင်နွဲရခြင်း မှန်သမျှ တို့ဟာ ခုခံစစ်များသာ ဖြစ်ပါတယ် ။ အစ္စလာမ်တရားမှာကိုက ခုခံတိုက်ခိုက်ခွင့်ရှိသည်။ ကျူးကျော် စော်ကားခွင့်မရှိ ဆိုတဲ့ မိန့်ဆိုချက်ရှိပါတယ်။ ဒါပေမဲ့ ကျူးကျော်ခြင်းတွေ မရှိဘူးလား ဆိုတော့ နိုင်ငံပေါင်းစုံကို ပျံ့နှံ့လာတဲ့အခါ အလေ့အထအရ ရှိနေနိုင်ပါတယ် ။ ဒါကတော့ ဘာသာတရားရဲ့အဆုံးအမကို ကျော်လွန်လုပ်ဆောင်တာမျိုးပါပဲ …။ သူတို့တွေဟာ အစ္စလာမ့်အဆိုအမိန့်နဲ့တရားကို မသိသူတွေလို ဆိုရမှာပါ ။
ဒါကြောင့် အစ္စလာမ်စစ်တပ်ကြီးက ပါလနိုင်ငံကို တိုက်ခိုက်ပါတယ် ဆိုတာမျိုးဟာ ပဒေသရာဇ် နိုင်ငံငယ်တွေ ၊ ကိုလိုနီပြုကြတဲ့ ခေတ်ကာလမှာ မထူးဆန်းတဲ့ ကိစ္စပါ ။ အတင်းအကျပ် သာသနာပြုခဲ့တယ် ဆိုတဲ့ သမိုင်းအထောက်အထားကိုတော့ ရှာမတွေ့ပါ။ လူတို့မှန်းဆ ရေးသားခြင်းမျိုးသာ ဖြစ်ပါတယ် …။ မြန်မာကိုယ်တိုင် တိုင်းရင်းသားပေါင်းစုံ ပဒေသရာဇ် နိုင်ငံငယ်လေးတွေကို တိုက်ခိုက် သိမ်းယူခဲ့တာပါပဲ …။ ဒီကနေ့အထိ မြန်မာပြည်က ခရစ်ယာန်ဘာသာဝင်တွေဟာ အရာရာမှာ ဖိနှိပ်ခံနေရတာဟာလည်း ခရစ်ယာန် ဘာသာဝင် အားလုံးသိပြီးသား ဖြစ်တဲ့ အမှန်တရားတခုပါပဲ ။ ခရစ်ယာန်ဖြစ်တာနဲ့ ရာထူးတက်မပေးတော့တာ၊ စစ်တပ်နဲ့ အုပ်ချုပ်ရေးမှာ ရာထူးကြီးမပေးတော့တာတွေ အားလုံးသိမြင်နေရပါတယ် …။ အင်္ဂလန် ဆိုရင် တကမ္ဘာလုံးကိုတောင် ပတ်သိမ်းခဲ့သေးတာပဲ မဟုတ်လား ။
ဒါပေမယ့် အဲဒီအချိန်ကတည်းက အင်္ဂလိပ်တွေဟာ အင်မတန် လစ်ဘရယ် ဆန်ခဲ့ကြပါတယ်။ အတင်းအကျပ်သဘောနဲ့ မဟုတ်ဘဲ ရိုးရှင်းစွာ သာသနာပြုခဲ့ကြတဲ့ အတွက် တိုင်းရင်းသားများစွာ ခရစ်ယာန်ဘာသာဝင် ဖြစ်ခဲ့ရပါတယ် ….။
အစ္စလာမ်ဟာ သမိုင်းတလျှောက်မှာ ဓားမိုးပြီး သာသနာပြုခဲ့ပါတယ် ဆိုရင် … ဒီနေ့ခေတ်မှာ အဲသလို မမှန်မကန်တဲ့သာသနာတခုဟာ ရုတ်ချည်း လျှင်မြန်စွာ တိုးတက်များပြားလာစရာ မရှိသလို တည်မြဲ နေနိုင်မှာလည်း မဟုတ်ပါဘူး … ပြန်လည်သုံးသပ်စေချင်တယ်။ ဘာလို့လည်း ဆိုတော့ လူ ဆိုတာ ဖိနှိပ်ကွပ်ညှပ်မှု မှန်သမျှကို တွန်းလှန်ဖယ်ရှားလိုတဲ့ အမျိုးမို့ပါ။
နောက်တချက်က လက်ရှိခေတ် အစ္စလာမ် သာသနာကို ကိုးကွယ်တဲ့ လူတချို့မကောင်းတာ ရှိနိုင်ပါတယ် …။ ဒါဟာလည်း သဘာဝပါပဲ ။ လူတိုင်း ဘာသာတရားတွေရဲ့ အဆုံးအမကို တသွေမတိမ်းသာ လိုက်နာခဲ့ကြရင် ဒီနေ့ စစ်ပွဲတွေလည်း ရှိတော့မှာ မဟုတ်ပါဘူး ။ အင်မတန် သာတောင့်သာယာ ငြိမ်းချမ်းတဲ့ ကမ္ဘာမြေကြီး ဖြစ်နေမှာပါ ။ အဓိက ပြောချင်တာက သာသနာကြောင့် မဟုတ်ဘဲ လူတွေကြောင့် ဖြစ်ပျက်ခဲ့သမျှကို သာသနာအပေါ်အမြင်မမှားစေချင်လို့ ရှင်းပြနေခြင်းပဲ ဖြစ်ပါတယ်။
ဒီကနေ့ လက်ရှိဖြစ်ပွားနေတဲ့ ….
အီရတ်ကိစ္စလို IS ကို မွတ်စလင်နိုင်ငံများ နဲ့ မွတ်စလင်အများစု လုံးဝ ထောက်ခံအားပေးခြင်းမရှိပါ။ ဆော်ဒီဘုရင်ဆိုရင် ကြေငြာချက်တောင် ထုတ်ပြီးပါပြီ ….။ အာဖရိကလို ကိစ္စမျိုးဟာလည်း အဖြစ်အပျက်များစွာထဲက တခုပါ …။ တကမ္ဘာလုံး အဲသလို ဖြစ်နေပြီလို့ ပြောရင် ဒါဟာ မှားယွင်းနေပါတယ် …။ အစွန်းရောက်ကို အစွန်းရောက်လို့သာ မြင်သင့်ပါတယ် …။ လက်ရှိ ကာတာ၊ ကူဝိတ်နဲ့ ဆော်ဒီ လို နိုင်ငံမျိုးတွေကို အလုပ်သွားလုပ်နေသူတွေ ပိုသိနိုင်ပါတယ်။ အတင်းအဓမ္မ သာသနာ သွတ်သွင်းခြင်း ရှိမရှိပေါ့ …။
ဒီနေ့ကမ္ဘာမှာ မွတ်စလင်နိုင်ငံတချို့မှ လွဲလို့ ပြန့်ကျဲနေတဲ့ လူနည်းစုမွတ်စလင်မ်တွေဟာ အဖိနှိပ်ခံနေရပါတယ်။ နိုင်ငံရေးအရ၊ စီးပွားရေးအရ၊ ပညာရေးအရ အစစမှာ ဖိနှိပ်ခံနေရတာတွေ ရှိနေပါတယ် …။ ဒီလိုတွန်းအားပေးတဲ့ အချက်တွေကြောင့်လည်း အစ္စလာမ်တွေ ပြည်နယ်ခွဲထွက်ဖို့ တောင်းဆိုခဲ့ကြတာပါ။
မြန်မာ့သမိုင်းကို ပြန်ကြည့်ရင် အစ္စလာမ်တွေဟာ အင်္ဂလိပ်လက်အောက်ရောက်မှ မြန်မာပြည်ကို ရောက်လာကြတာ မဟုတ်ပါဘူး ။ ဗျတ်ဝိ ၊ ဗျတ္တ ခေတ်က စလို့ မြန်မာ့ရေမြေ ထိတွေ့ခဲ့ကြတာ ၊ နောက် ပါရှန်း ကုန်သည်တွေ ကသည်းတွေ ကမန်တွေ အများကြီးပါ ။ မြန်မာ ဘုရင်တိုင်းရဲ့ အားကိုးအားထား ကိုယ်ရံတော်တွေ၊ စာတော်ဖတ်တွေ၊ ကုန်သွယ်ရေးဝန်တွေ အဖြစ်အထိ သစ္စာရှိစွာ တာဝန်ထမ်းခဲ့ကြသူတွေပါ ။ ဒါကြောင့် မြန်မာဘုရင် အဆက်ဆက် ချီးမြှင့် မြောက်စားခဲ့တဲ့ သမိုင်းအဖြစ် ဆောက်လုပ်ပေးထားခဲ့တဲ့ ဗလီဝတ်ကျောင်းတော်များကို လေ့လာနိုင်ပါတယ်။ အဲဒီအချိန်ကတည်း ဒီကနေ့ ဘာပြသနာမှ မပေါ်ဘဲ အေးတူပူအမျှ အတူယှဉ်တွဲနေထိုင်ခဲ့ကြတာပါ။
မူဂျာဟစ် သူပုန်တခုတည်းကိုဟိုက်လိုက် လုပ်လို့ မရပါဘူး …။ အဲဒီ အချိန် မူဂျာဟစ်သူပုန်ဘက်က တပြည်လုံး မွတ်စလင်မ်တွေမပါဝင်ခဲ့ဘူး ဆိုတာလည်း သေချာတဲ့ သမိုင်းအထောက်အထားတွေ ရှိခဲ့ပါတယ် …။ လက်ရှိ နိုင်ငံအတွင်းနေထိုင်ကြတဲ့ ပြည်ပေါက် မွတ်စလင်မ်တွေဟာ အကြမ်းဖက်မှု လုပ်ဆောင်နေသူတွေလား အကြမ်းဖက်ခံတွေလား ဆိုတာကိုလည်း သုံးသပ်ကြည့်ပေးပါ ….။
အစ္စလာမ့် မီဒီယာတွေကြောင့် မြန်မာနိုင်ငံ ပုံရိပ်ကျဆင်းခြင်း ဆိုတာတော့ ဘယ်လိုမှ မဖြစ်နိုင်တဲ့ အထောက်အထားတွေ မြန်မာပြည်သူအများစု သိထားကြပါတယ်။ နောက်တခု ရခိုင်ပြည်နယ်က ဘင်္ဂလီပဲ ခေါ်ခေါ် ၊ ရိုဟင်ဂျာ ခေါ် ရွာဟောင်းစား လို့ပဲ ခေါ်ခေါ် ( ဘဘဦးတင်ဦး၏ အဆို ) တွေ ကိုယ့်အိမ်ကိုယ် မီးရှို့ပြီး ပြသနာရှာနေပါတယ် ဆိုတာကတော့ အမှန်တရားနဲ့အတော် ဝေးကွာလှပါတယ်။ စစ်ဆေးရေးအဖွဲ့ကိုယ်တိုင် ထုတ်ပြန်ထားတဲ့ အစီရင်ခံစာတွေမှာ သက်သေတွေ အများကြီးတွေ့ရပါတယ်။
မုဒိမ်းမှုတမှုလောက် ခိုက်ရန်ဖြစ်ပွားမှု တခုလောက်ကို တပြည်လုံးစာ ပြောလို့ မရပါ။ လူသားဖြစ်တဲ့ အတွက် အကောင်းရှိသလို အဆိုးလည်း အနည်းအကျဉ်း ရှိနေတာပါ။ တကယ်တမ်း စစ်တမ်းကောက်ယူရင်လည်း ပြစ်မှုမြောက်များစွာထဲမှာ အင်မတန်နည်းတဲ့ရာခိုင်နှုန်းပဲ ဖြစ်ပါတယ်။ တရားဥပဒေ စိုးမိုးမှု ရှိရင် ဒါကလည်း ပြီးသွားမယ့် ကိစ္စပါ။ နောက်တချက်က ကမ္ဘာတ၀ှမ်းလုံးမှာ အစွန်းရောက်တွေကို မကြိုက်လို့ လက်မခံလို့ ပြန်လည်တွန်းလှန် တိုက်ခိုက်နေတာလည်း မွတ်စလင်မ်တွေ အချင်းချင်းပဲ မဟုတ်လား ဗျာ …။
နောက်ဆုံး နိဂုံးချုပ်ပြောလိုတာကတော့ အစ္စလာမ်နဲ့ ဘယ်ဘာသာနဲ့မဆို အတူယှဉ်တွဲနေလို့သိပ်ကို ဖြစ်နိုင်ပါတယ်။ တခုကိုပဲ ကိုးကားပြပါ့မယ်။
“ နဂ်ျရာန် မှ ခရစ်ယာန် ကိုယ်စားလှယ်အဖွဲ့ မဒီနာမြို့သို့ ရောက်ရှိလာသည့်အခါ တမန်တော်မြတ်သည်ယင်း ကိုယ်စားလှယ်အဖွဲ့ဝင်များအား မိမိကိုယ်တော်တိုင် ဧည့်ခံတော်မူ၏။ ဗလီဝတ်ကျောင်းတော်တွင် တည်းခိုစေတော်မူ၏။ ထိုမျှမက ယင်းကိုယ်စားလှယ်အဖွဲ့ဝင်များအား ဗလီတော်တွင် ၎င်းတို့ဘာသာအယူဝါဒ အလျောက် ကျင့်စဉ်များကို ၀တ်ပြုခွင့် ပေးခဲ့လေသည်။ ”
ဒါအပြင် အစ္စလာမ့်တိုင်းနိုင်ငံအတွင်း၌ ရှိသော ဘာသာခြားများ၏ ၀တ်ကျောင်းများကို စောင့်ရှောက်ဖို့အမိန့်ပေးခဲ့သည်။ အယူဝါဒ မတူသူများအား အစ္စလာမ်ဥပဒေဖြင့် တရားစီရင်ခြင်း မပြုဘဲ သီးခြားဥပဒေ ပြဌာန်းပေးတော်မူခဲ့သည်။ …
ဒါတွေဟာ အကျဉ်းမျှ ထုတ်နှုတ်တင်ပြခြင်းဖြစ်ပါတယ်။
သမိုင်းကြောင်းအရကော လက်ရှိမြန်မာပြည်မွတ်စလင်မ်အများစုရဲ့ အကြောင်းကိုကော ထဲထဲဝင်ဝင်လေ့လာလိုက်ရင်သိနိုင်ပါတယ်။
အစ္စလာမ်ဘာသာဝင် ဖြစ်တာကလွဲလို့ ဒီမြန်မာနိုင်ငံမှာမွေး ၊ ဒီမြေမှနေ၊ ဒီရေသောက်လာတာ မျိုးဆက် ၇ ဆက်ကျော်ပြီဖြစ်တဲ့ မွတ်စလင်မ်တွေဟာ ဒီနိုင်ငံကလွဲပြီး သစ္စာရှိစရာလည်း မရှိပါဘူး ။ အတူတကွ ယှဉ်တွဲနေထိုင်ရေး မဖြစ်နိုင်ဘူး လို့ သုံးသပ်လိုက်တာနဲ့ ဒါဟာ ပဋိပက္ခ ကို ဦးတည်သွားစေပါလိမ့်မယ် ။
မြန်မာပြည်သား မွတ်စလင်မ်များကတော့ ငြိမ်းချမ်းစွာ အတူ ယှဉ်တွဲနေထိုင်ရေး နဲ့ တရားဥပဒေစိုးမိုးရေး ကိုသာ အစဉ်တစိုက် တောင်းဆိုသွားမှာပဲ ဖြစ်ပါတယ်။ အစွန်းရောက်များကို လက်တွဲပူးပေါင်း ဆန့်ကျင်သွားမှာပါ။ လက်ရှိကမ္ဘာမှာ အစ္စလာမ် တွေ အစွန်းရောက်မှု ရှိနေတာကို မငြင်းလိုပါ …။ အမေရိကန်တို့ အစ္စရေး တို့ရဲ့ဖိနှိပ်မှုကို တုံ့ပြန်လာတဲ့ အချက်တခု အဖြစ်လည်း သုံးသပ်မိပါတယ် ။ လုံးဝ အမှန်တရားတခုလို့တော့ မဆိုနိုင်ပါဘူး…..။ အကြောင်းတရား တခုတော့ ဖြစ်ကောင်းဖြစ်ပါလိမ့်မယ်။ ဘာပဲပြောပြော အစ္စလာမ်တိုင်း အစွန်းရောက်နေတယ်ဆိုတဲ့ အမြင်ကိုတော့ လူထုကို မြင်မသွားစေချင်ပါ။ ဟုတ်လည်း မဟုတ်ပါ။
ဒီစာကိုရေးမိခြင်းဟာ အစ္စလာမ် အပေါ်မှာ လူထု ပိုပြီး အမြင်စောင်းမသွားစေရန်နဲ့ ငြိမ်းချမ်းစွာ အတူယှဉ်တွဲနေထိုင်ရေးကို လိုလားမှုကြောင့်ပဲ ဖြစ်ပါတယ်။ အကြမ်းမဖက်တဲ့ နည်းနဲ့ ပြသနာအားလုံးကို ဖြေရှင်းဖို့ အတွက်တော့ ပြည်သူအားလုံးက လက်ကမ်းကြိုနေမယ်လို့ ယုံကြည်ပါတယ် ခင်ဗျား ။
ငြိမ်းချမ်းပါစေ မြန်မာပြည်။
ဘရန်ဆိုင်း ။
*စာရေးသူ ဘရန်ဆိုင်း ခွင့်ပြုချက်ဖြင့် ၄င်း ၏ FB စာမျက်နှာမှ ကူးယူဖော်ပြခြင်းဖြစ်ပါသည်။
