News @ M-Media

ဒရုန်းလေယာဉ်ဖြင့် ပစ္စည်းများပေးပို့နိုင်မည့် ပရောဂျက်တစ်ခုကို ဂူးဂဲလ် ကြေညာ

သြဂုတ် ၃၀ ၊ ၂၀၁၄
M-Media
20140829_014355_Google-Drone
– အမေရိကန်ပြည်ထောင်စုအတွင်း ယာဉ်လမ်းကြော ပိတ်ဆို့မှုများကို ရှောင်ရှားကာ ပစ္စည်းများပေးပို့ရာတွင် အသုံးပြုနိုင်မည့် ဒရုန်းလေယာဉ်များကို တည်ဆောက်နေသည်ဟု ဂူးဂဲလ်က ကြေညာလိုက်သည်။

Project Wing ဟု အမည်ပေးထားသည့် အဆိုပါ ပရောဂျက်ကို ယမန်နေ့က ထုတ်ဖော် ပြသခဲ့ခြင်းဖြစ်သည်။ အွန်လိုင်း စတိုးတစ်ခုဖြစ်သည့် Amazon ကလည်း ဈေးဝယ်သူများသို့ ဒရုန်းလေယာဉ်များဖြင့် ပစ္စည်းများပေးပို့နိုင်ရန် စီစဉ်နေသောကြောင့် ဂူးဂဲလ်၏ထိုပရောဂျက်မှာ Amazon အား ယှဉ်ပြိုင်ရဖွယ်ရှိနေသည်။

ထိုပရောဂျက် အတွက် စမ်းသပ် ပျံသန်းမှုများပြုလုပ်ခဲ့သော်လည်း အပြည့်အ၀ လုပ်ငန်းဆောင်ရွက်နိုင်ရန် အတွက် နှစ်အနည်းငယ် ကြာမြင့်ဖွယ်ရှိနေသည်ဟု ဂူးဂဲလ်မှ ပြောကြားခဲ့ကြောင်း AP သတင်းဌာနက ဖော်ပြခဲ့သည်။

အဆိုပါ ဒရုန်းများကို မြေပြင်မှ ထိန်းချုပ်ရန် မလိုအပ်ဘဲ ဂူးလ်ဂဲလ်မှ ထုတ်လုပ်ထားသည့် အလိုအလျောက်မောင်းနှင့်သည့် ကားများ၏ ပုံစံအတိုင်းဖြစ်သည်ဟု ဆိုသည်။

“ဒီလေယာဉ်တွေဟာ မြေပြင်က ထိန်းချုပ်တဲ့ လေယာဉ်တွေထက် ဂူးဂဲလ်ရဲ့ အလိုအလျောက် မောင်းနှင်နိုင်တဲ့ကားနဲ့ ပိုတူပါတယ်။ အလိုအလျောက် ပျံသန်းနိုင်တဲ့ လေယာဉ်တွေဟာ ယနေ့လုပ်နိုင်တာထက်ပိုပြီး အကုန်အကျသက်သာကာ လျင်လျင်မြန်မြန်နဲ့ အလေ့အလွင့်နည်းပါးပြီး ပတ်ဝန်းကျင်နဲ့ သဟဇာတဖြစ်ရမယ်ဆိုတဲ့ ရွေးချယ်မှုတွေအပါအ၀င် ကုန်ပစ္စည်းတွေပေးပို့ဖို့အတွက် ချဉ်းကပ်မှု အသစ်ပါပဲ” ဟု ဂူးလ်ဂဲလ်က ၎င်း၏ ၀ဘ်စာမျက်နှာတွင် ဖော်ပြခဲ့သည်။

ထိုပရောဂျက်ကို အလိုအလျောက်မောင်းနှင်သည့်ကားများ၊ ဂူးလ်ဂဲလ် မျက်မှန်များ စသည့် အထူးအဆန်း ပစ္စည်းများကို တီထွင်ထုတ်လုပ်သည့် ဂူးလ်ဂဲလ်၏ X သုတေသနဌာနမှ နောက်ဆုံးပေါ်ထွက်လာသည့် ဆောင်ရွက်ချက်တစ်ခုလည်းဖြစ်သည်။

အရပ်ဘက်တွင် ဒရုန်းလေယာဉ်များကို အသုံပြုရန် ထိုကဲ့သို့ ပေရာဂျက်များဆောင်ရွက်ရန်အတွက် အမေရိကန် ဥပဒေက ခွင့်ပြုထားပြီး Amazon ကလည်း ၎င်းတို့အနေဖြင့် စမ်းသပ်မှုများကို ပိုမိုပြုလုပ်နိုင်ရန် အမေရိကန်အစိုးရသို့ ပြီးခဲ့သည့်လက လျှောက်ထားခဲ့သည်။

ref_Al Jazeera and agencies

Comments

Leave a Reply