သြဂုတ် ၂၁ ၊ ၂၀၁၄
M-Media
ဂျိမ်းဖိုလေးနှင့် ပြန်ပေးဆွဲခံရသူများအား ကယ်တင်ရန် လျှို့ဝှက် စစ်ဆင်ရေးတစ်ခု ပြုလုပ်ခဲ့သော်လည်း မအောင်မြင်ခဲ့ဟု အမေရိကန်ထုတ်ပြန်၊ IS ၏ လုပ်ရပ်မှာ မည်သည့် ဘာသာတရားနှင့်မှ မသက်ဆိုင်ဟု အိုဘားမာဆို
အွန်လိုင်းတွင် ပြန့်နှံနေသည့် ဗီဒီယို အရ IS အဖွဲ့၏ သတ်ဖြတ်ခြင်းကိုခံခဲ့ရသော အမေရိကန် ဂျာနယ်လစ် ဂျိမ်းစ်ဖိုလေးအပါအ၀င် ဆီးရီးယားတွင် ပြန်ပေးဆွဲ ခံထားရသည့် အမေရိကန်နိုင်ငံသားများကို ကယ်တင်ရန် အတွက် လျှို့ဝှက်စစ်ဆင်ရေး တစ်ခုကို ပြုလုပ်ခဲ့သော်လည်း အောင်မြင်ခဲ့ခြင်းမရှိဟု အမေရိကန် အာဏာပိုင်များက ပြောကြားလိုက်သည်။
အမေရိကန်ထောက်လှမ်းရေး အေဂျင်စီများ၏ စုံစမ်းမှုအရ ပြန်ပေးဆွဲခံရသူများကို ထိန်းသိမ်းထားဖွယ်ရှိသည်ဟု ယုံကြရသည့် ဆီးရီးယားနိုင်ငံအတွင်းရှိ နေရာ တစ်ခုအား အမေရိကန် စစ်ဆင်ရေးအဖွဲ့ကို ပြီးခဲ့သည့် နွေရာသီတွင် လေယာဉ်ဖြင့် စေလွှတ်ခဲ့သော်လည်း ရှာဖွေတွေ့ရှိခဲ့ခြင်းမရှိဘဲ ထိုနေရာမှ ထွက်ခွာစဉ်အတွင်း IS (ထိုစဉ်က ISIL) အဖွဲ့သားများနှင့် တိုက်ပွဲများဖြစ်ခဲ့ကြောင်း ယမန်နေ့တွင် ပင်တဂွန်မှ ထုတ်ပြန်သော ကြေညာချက်၌ ဖော်ပြထားသည်။
ထိုတိုက်ပွဲတွင် IS တိုက်ခိုက်ရေးသမားများ သေဆုံးခဲ့ပြီး အမေရိကန်ဘက်မှ သေဆုံးခဲ့ခြင်း မရှိဟု အမေရိကန်တာဝန်ရှိသူများက AFP သတင်းဌာနသို့ ပြောကြား ခဲ့သည်။
ဂျိမ်းစ်ဖိုလေးအား သတ်ဖြတ်မှုမှာ အီရတ်ရှိ မိမိတို့၏ စခန်းများကို အမေရိကန်က လေကြောင်းမှ တိုက်ခိုက်မှုအတွက် လက်စားချေခြင်းဟု IS အဖွဲ့က ပြောကြား ခဲ့သော်လည်း အမေရိကန်သမ္မတ အိုဘားမားက မိမိတို့အနေဖြင့် တိုက်ခိုက်မှုများကို ဆက်လက်ပြုလုပ်သွားမည်ဟု ယမန်နေ့တွင် ပြောကြားခဲ့သည်။
ထို့ပြင် ၎င်းတို့၏လုပ်ရပ်မှာ မည်သည့်ဘာသာကိုမှ ကိုယ်စားမပြုဟု အိုဘားမားက ထည့်သွင်းပြောကြားခဲ့သည်။
“ISIL ဟာ ဘယ်ဘာသာတရားကိုမှ ကိုယ်စားမပြုပါဘူး။ မနေ့က သူတို့လုပ်ခဲ့တာတွေ၊ နေ့တိုင်း သူတို့လုပ်နေတာတွေအတွက် ဘယ်ဘုရားမှ ရပ်တည်ပေးမှာ မဟုတ်ပါဘူး။ အပြစ်မဲ့တဲ့သူတွေကို သတ်ဖြတ်ဖို့ ဘယ်အယူဝါဒကမှ သင်ကြားမပေးထားပါဘူး” ဟု အိုဘားမားကဆိုသည်။
IS အဖွဲ့၏ာ လုပ်ရပ်များအတွက် ကမ္ဘာတစ်ဝှမ်းရှိ အစ္စလာမ် ဘာသာရေးခေါင်းဆောင်များမှာ ပြင်းပြင်းထန်ထန် ရှုတ်ချခဲ့ကြပြီး ဆော်ဒီမှအကြီးဆုံး မွဖ်သီချူပ် ကလည်း IS နှင့် အလ်ကိုင်းဒါးအဖွဲ့မှာ အစ္စလာမ်သာသနာ၏ နံပါတ် ၁ ရန်သူဖြစ်သည်ဟု အင်္ဂါနေ့က ပြောကြားခဲ့သည်။
Al Jazeera and agencies
