သြဂုတ် ၁၅ ၊ ၂၀၁၄
M-Media
.လေးမောင် ဘာသာပြန်ဆိုသည်။
– ဆီးရီးယားနဲ့ အီရတ်နိုင်ငံ နယ်မြေအချို့ကို သိမ်းပိုက်ထားပြီး အစ္စလာမ့်မစ်နိုင်ငံတော် ကြေညာကာ တိုက်ခိုက်မှုတွေ ဆောင်ရွက်နေတဲ့ ISIS အဖွဲ့ကို လူတွေ တော်တော်များများ သတိထားမိကြပါတယ်။
ဒါပေမယ့် ဒီအဖွဲ့ရဲ့ ရိုင်းစိုင်းတဲ့ လုပ်ရပ်တွေအဖြစ် အင်တာနက်စာမျက်နှာတွေပေါ်မှာ ပြန့်နှံ့နေတဲ့ ဓာတ်ပုံတွေဟာ တကယ်တော့ လုပ်ကြံ ဖန်တီး ထားချက်တွေသာ ဖြစ်တယ်လို့ ဒီဓာတ်ပုံတွေကို လေ့လာ ဆန်းစစ်မှုတွေ ပြုလုပ်ခဲ့တဲ့ FRANCE 24 အဖွဲ့ လေ့လာသူ ဂျာနစ်လစ်တွေက ထုတ်ဖော်လိုက်ပါတယ်။
ISIS ခေါင်းစဉ်အောက်က ဂျီဟတ်ဝါဒီတွေဟာ ဆီးရီးယားနဲ့ အီရတ်တို့မှာ တိုက်ခိုက်မှုတွေ ပြုလုပ်နေပါတယ်။ သူတို့ထိန်းချုပ်ထားတဲ့ ဒေသတွေမှာ အကျဉ်းသားတွေကို သတ်ဖြတ်တာမျိုးတွေ၊ အမျိုးသမီးတွေကို ကျောက်တုံးနဲ့ ပေါက်သတ်တာမျိုးတွေကိုလည်း သူတို့က ပြုလုပ်ကြပါတယ်။ မကြာသေးခင်ကပဲ အီရတ်မြောက်ပိုင်း မူဆိုးလ်နဲ့ ဆင်ဂျာကို သိမ်းပိုင်နိုင်ခဲ့တဲ့ ဒီအဖွဲ့ဟာ ယာဇီဒစ်လူမျိုးတွေနဲ့ ခရစ်ယာန် ဘာသာဝင်တွေကိုလည်း မောင်းထုတ်ခဲ့ကြပြန်ပါတယ်။
ကြောက်မက်ဖွယ်ကောင်းတဲ့ ရက်စက်ကြမ်းကြုတ်မှုတွေအတွက်လည်း ဒီ ISIS က သူတို့မှာ တာဝန်ရှိကြောင်း ၀န်ခံခဲ့ပါတယ်။ ဒီအဖွဲ့က လုပ်တယ်လို့ မှတ်ယူလို့ရတဲ့ တုန်လှုပ်စရာပုံရိပ်တော်တော်များများကို အွန်လိုင်းနဲ့ မီဒီယာတွေမှာ တွေ့နိုင်ပါတယ်။ ဒါပေမယ့် အများစုဟာ လုပ်ကြံဖန်တီးထားတာတွေပါပဲ။
ယာဇီဒစ်တွေကို သုတ်သင်တဲ့ ဓာတ်ပုံဟာ အစစ်မဟုတ်
ပြီးခဲ့တဲ့ တနင်္လာနေ့မှာ အီရတ်က လူနည်းစု ယာဇီဒီဘာသာဝင် အရပ်သားတွေကို အစုလိုက်အပြုံလိုက် သတ်နေတဲ့ ဓာတ်ပုံတစ်ပုံကို မီဒီယာတွေနဲ့ အွန်လိုင်း စာမျက်နှာတွေမှာ ဖော်ပြခဲ့ကြပါတယ်။ ဒါပေမယ့် ဒီပုံကို ISIS နဲ့ ပတ်သက်တဲ့ ဆိုရှယ် စာမျက်နှာတွေက ပြီးခဲ့တဲ့ စနေနေ့ကတည်းက လွှင့်တင်ထားခဲ့တာဖြစ်ပြီး ဆီးရီးယားမှာ ရိုက်လာတာလို့လည်း ဖော်ပြခဲ့ပါတယ်။ Deir-Ezzor ဒေသမှာ ISIS ကို ပြန်တိုက်တဲ့ Chouitat မျိုးနွယ်စုက အမျိုးသားတွေရဲ့ ပုံပါပဲ။
အမျိုးသမီးများကို ကျွန်အဖြစ် ရောင်းချသည်ဆိုသော ဓာတ်ပုံလုပ်ကြံထားခြင်းဖြစ်
ISIS ဟာ စင်ဂျာဒေသကို သြဂုတ်လ အစပိုင်းက သိမ်းပိုက်ပြီးနောက်ပိုင်း ယာဇီဒီဘာသာဝင် အမျိုးသမီးတွေကို ကျွန်အဖြစ် ရောင်းစားကြတယ်လို့ အီရတ်ပါလီမန် အမတ်တစ်ဦးရဲ့ ပြောကြားချက်ကို ကိုးကားပြီး ၀ဘ်ဆိုက်တော်တော် များများက ဖော်ပြခဲ့ကြပါတယ်။ ဒီခေါင်းစဉ်နဲ့ အတူ အမျိုးသမီးတွေကို သံကြိုးတွေတုတ်ပြီး မျက်နှာဖုံးကာ တန်းစီ လမ်းလျှောက်နေတဲ့ ဓာတ်ပုံတစ်ပုံလည်း အင်တာနက် စာမျက်နှာမှာ ပြန့်နှံ့ခဲ့ပါတယ်။ ဒါပေမယ့် ဒါဟာ သူတို့ပြောသလို ISIS က လုပ်တဲ့ ဓာတ်ပုံမဟုတ်ဘဲ လက်ဘနွန်တောင်ပိုင်း နာဘာတိုင်းမြို့မှာ ၂၀၁၃ ခုနှစ်က ရှီအာ အမျိုးသမီးတွေ ဘာသာရေးပွဲ အဖြစ် စီတန်း လမ်းလျှောက်တဲ့ပုံ ဖြစ်နေပါတယ်။
နောက်ပြီး ဆီးရီးယားက အမျိုးသမီးတွေကို ဂျီဟတ်ဝါဒီတွေ ဒီလို ဆက်ဆံပါတယ်ဆိုတဲ့ စာသားနဲ့ ဒီပုံကိုပဲ ဆိုရှယ် စာမျက်နှာမှာ ဖြန့်ချီတာမျိုးလည်း ရှိခဲ့ပါတယ်။
မူဆိုးလ်မြို့မှ စုပေါင်း လက်ထပ်ပွဲ ဗီဒီယို
နောက်တစ်ခုကတော့ အီရတ်နိုင်ငံ မူဆိုးလ်မြို့မှာ ဇူလိုင်လအတွင်း စုပေါင်း လက်ထပ်ပွဲဆိုတဲ့ ဗီဒီယိုတစ်ခုကို မီဒီယာတွေက ဖော်ပြခဲ့တာပါ။ ISIS အဖွဲ့ဟာ အမျိုးသမီးတွေကို ဂျီဟတ်ဝါဒီတွေနဲ့ လက်ထပ်ဖို့ အတင်းအဓမ္မဆောင်ရွက်ခဲ့တယ်ဆိုပြီး ဒီ မီယာတွေက ဆိုပါတယ်။
ဒါပေမယ့် ဒါဟာ ဆီးရီးယားက အစိုးရ ဆန့်ကျင်ရေး သူပုန်တစ်ဦးရဲ့ လက်ထပ်ပွဲ ဗီဒီယိုဖြစ်ပြီး ၂၀၁၃ ခုနှစ် ဇွန်လကတည်းက ထွက်ခဲ့တာပါ။ ဒီဗီဒီယိုရဲ့ စက္ကန့် ၂၀ မှာ မင်္ဂလာပွဲကို ဦးဆောင်ပေးသူက “ငါတို့ရဲ့ ညီအကိုနဲ့ မိတ်ဆွေဖြစ်တဲ့ သတို့သားကို ဂုဏ်ပြုပါတယ်” လို့ ပြောထားတာကို ကြည့်ခြင်းအား ဒီမင်္ဂလာပွဲဟာ စုပေါင်း လက်ထပ်ပွဲ မဟုတ်ဘူးဆိုတာ သိနိုင်ပါတယ်။
http://youtu.be/sB47jF3cZdE
၂၀၁၃ ခုနှစ်ကတည်းက ထွက်ရှိခဲ့သည့် မူရင်း ဗီဒီယို ကလစ်
http://youtu.be/AuYj1dHZ0qQ
အမျိုးသမီး လိင်အင်္ဂါ ဖြတ်တောက်ရမယ်ဆိုတဲ့ ဖသ်ဝါ အတု
နောက်တစ်ခုကတော့ ISIS ဟာ မူဆိုးလ်ဒေသက အမျိုးသမီးတွေနဲ့ အမျိုးသမီးငယ်တွေ လိင် အင်္ဂါဖြတ်တောက်ရမယ်လို့ အမိန့်ပေးထားတယ်ဆိုပြီး ဇူလိုင်လနှောင်းပိုင်းလောက်မှာ အီရတ်နိုင်ငံမှာရှိတဲ့ ကုလ ကိုယ်စားလှယ် တစ်ဦးက ပြောကြားခဲ့ပါတယ်။ ဖသ်ဝါ (ဓမ္မသတ်) တစ်ခုကို အခြေခံပြီ ဒီသတင်းဟာ ထွက်လာတာပါ။ ဒါပေမယ့် ဒီဖသ်ဝါ အတုဟာ ဆီးရီးယားက အလစ်ပို၊ အဇ်အဇ်မြို့ အမည်တွေနဲ့ ထွက်ခဲ့တာဖြစ်ပြီး အွန်လိုင်းမှာ လပေါင်းများစွာ အရင်ကတည်းက ပြန့်နှံ့နေ ခဲ့တာဖြစ်ပါတယ်။
ဒါတင်မကသေးဘဲ ISIS နဲ့ ပတ်သက်ပြီး အခြားသော ချဲ့ကားပြောဆိုမှုတွေလည်း အင်တာနက် စာမျက်နှာတွေမှာ ပြန့်နှံ့လို့နေပါတယ်။ ဥပမာအားဖြင့် နွားမ၊ ဆိတ်မတွေရဲ့ နို့အုံတွေဟာ မနှစ်မြို့စရာကောင်းတာကြောင့် ဒါတွေကို ဖုံးအုပ် ထားရမယ်ဆိုပြီး ISIS က လယ်သမားတွေကို အမိန့်ပေးခဲ့တယ် ဆိုတာမျိုးတွေပါ။ ဒီသတင်းဟာ မှန်ကန်ခြင်း မရှိဘဲ နို့အုံကို ဖုံးထားတဲ့ ဘယ်နွားမရဲ့ ဓာတ်ပုံမှလည်း ဆိုရှယ်မီဒီယာတွေပေါ် တက်လာခြင်း မရှိပါဘူး။ ကောလဟာလတွေကြောင့် ပြုပြင်ထားတဲ့ ဓာတ်ပုံပေါင်း များစွာဟာ ဆိုရှယ်မီဒီယာတွေပေါ်မှာ ပြန့်နှံ့ နေကြပါတယ်။
သူတို့ ထိန်းချုပ်ထားတဲ့ နယ်မြေဒေသတွေမှာ ISIS အဖွဲ့ဝင်ဟာ သူတို့နားလည်တဲ့ ပြင်းထန်တဲ့ ရှရီအာ ဥပဒေတွေကို ပြဌာန်းသတ်မှတ်ကြပါတယ်။ အရက်သောက်သူတွေ၊ ဆေးလိပ်သောက်သူတွေကို ကြိမ်ဒဏ်ရိုက်တာ၊ မူးယစ်ဆေးဝါး သုံးစွဲသူတွေကို သေဒဏ်ပေးတာမျိုးတွေပါ။ နောက်ပြီး သတ်ဖြတ်မှုတော်တော် များများအတွက်လည်း မိမိတို့မှာ တာဝန်ရှိကြောင်း ISIS က ၀န်ခံပါတယ်။ အီရတ် စစ်တပ်က ဖမ်းဆီးရမိတဲ့ ရှီယာစစ်သား ၁၇၀၀ ကို ဇွန် ၁၃ ရက်နေ့က တစ်ကရစ်မြို့မှာ သတ်ပစ်လိုက်တာမျိုးပါ။
ISIS က သူတို့ရဲ့ မြို့တော်လို့ ကြေညာထားတဲ့ ရက်ကွာမြို့မှာ ဆီးရီးယား စစ်သားတွေကို ခေါင်းဖြတ်သတ်ပြီး သူတို့ရဲ့ ခေါင်းတွေကို စာတိုက် တစ်ဆင့်ပို့ခဲ့ကြတယ်လို့ အမေရိကန် မီဒီယာတစ်ခု ဖော်ပြခဲ့ပါတယ်။ အဲဒီမြို့မှာပဲ အိမ်ထောင်ရေးဖောက်ပြန်တဲ့ အမျိုးသမီးနှစ်ဦးကို ISIS တွေက ဇူလိုင် လလယ်လောက်မှာ ခဲနဲ့ပေါက်သတ်ခဲ့တယ်လို့ သတင်းတွေ ထွက်လာပါသေးတယ်။
၂၀၁၃ စက်တင်ဘာလောက်မှာလည်း ခရစ်ယာန် ဘုရားကျောင်းက ဘဲလ်သံတွေဟာ သူတို့ ဘုရားဝတ်ပြုတာကို နှောက်ယှက်နေတဲ့အတွက် ISIS အဖွဲ့ဝင်တွေက ခရစ်ယာန် ဘုရားကျောင်းနှစ်ခုကို ၀င်ရောက်ဖျက်ဆီးခဲ့တယ်လို့ ဆိုပါတယ်။
ISIS အဖွဲ့ဝင်တွေဟာ သူတို့ရဲ့လုပ်ရပ်တွေကို ဆိုရှယ်မီဒီယာတွေမှာ ဓာတ်ပုံတွေတင်ပြီး ကြွားတတ်တဲ့ အလေ့အထ ရှိပါတယ်။ မကြသေးခင်ကပဲ သြစတေးလျက ဂျီဟတ်ဝါဒီ ခါလစ် ရှရူးဖ်ဟာ သူ့ရဲ့ Twitter စာမျက်နှာမှာ ၇ နှစ်အရွယ် သားဖြစ်သူ ခေါင်းပြတ်ကြီး ကိုင်ထားတဲ့ပုံကို တင်ခဲ့ပြီး “ဒါမှငါ့သားကွ” လို့ စာတန်းကိုလည်း ရေးသားခဲ့ပါတယ်။
ပြင်သစ် မဟာဗျူဟာဆိုင်ရာ လေ့လာ စူးစမ်းရေး အင်စတီကျုက အစ္စလာမ့်မစ်ဆိုင်ရာတွေကို အဓိကထား လေ့လာနေတဲ့ သုတေသနပညာရှင် ဒေးဗစ် ရီဂေါ့ရို့ဇ်ကတော့ ISIS ဟာ သူတို့ရဲ့ လုပ်ရပ်တွေကို ဖုံးကွယ်ဖို့ မကြိုးစားဘူးလို့ ဆိုပါတယ်။ သူရဲ့ ပြောကြားမှုကတော့ အောက်ပါအတိုင်း ဖြစ်ပါတယ်။
“ISIS က တိုက်ခိုက်ရေးသမားတွေဟာ တစ်ခုခုလုပ်တဲ့အခါ ယေဘုယျအားဖြင့်တော့ မဖုံးကွယ်ပါဘူး။ ဆန့်ကျင်ဘက်အနေနဲ့ သူတို့လုပ်သမျှကို တာဝန်ယူပါတယ်။ ဘာ့ကြောင့်လည်းဆိုတော့ သူတို့ရဲ့ ဆက်သွယ်ရေး မဟာဗျူဟာကြောင့်ပါပဲ။ ဆိုရှယ်မီဒီယာတွေမှာ ကျွန်တော်တို့ကြည့်နေရတဲ့ ခေါင်းဖြတ်တဲ့ ဗီဒီယိုတွေ၊ ခေါင်းတွေကို စာတိုက် ကနေပို့တဲ့ ဗီဒီယိုတွေကို တင်ဖို့ သူတို့ဟာ မရှက်ကြပါဘူး။ ဒီလိုအသတ်ခံရသူတွေဟာ သူတို့ဆီ ဘက် မပြောင်းတဲ့ ဆီးရီးယားနဲ့ အီရတ်က စစ်သားတွေပါ။ သူတို့ဟာ ဒီလုပ်ရပ်တွေကို ထိတ်လန့်ကြောက်ရွံ့စေဖို့ ရန်သူကို စိတ်ဓာတ်တွေ ပျက်ပြားသွားစေဖို့ ရည်ရွယ် လုပ်ဆောင် တာသာဖြစ်ပါတယ်။
သူတို့အဖွဲ့ရဲ့ ပြည်သူ့ဆက်ဆံရေး ပုဂ္ဂိုလ်တွေဟာ ပရော်ဖက်ရှင်နယ်တွေဖြစ်ပါတယ်။ ရုပ်ပုံတွေကို ဖန်တီး ထုတ်လုပ်ရာမှာ ကျွမ်းကျင်ကြတယ်။ ဥပမာအားဖြင့် ဆာလာအက်ဒင်ဒေသမှာ အီရတ်စစ်သား ရာချီကို မြေပြင်ပေါ်မှာ မတ်တပ် ရပ်ခိုင်းပြီး သတ်ဖြတ်တဲ့ပုံကို ကျွန်တော်တို့ သတိပြုမိမှာပါ။ ဒါဟာ ဒုတိယ ကမ္ဘာစစ် အတွင်းက Holocaust လို့ခေါ်တဲ့ အစုလိုက် အပြုံလိုက် သတ်ဖြတ်မှုကို ပြန်အမှတ်ရလာအောင် ဆောင်ရွက်တာပါပဲ။
ဒီအဖွဲ့ဟာ ဆက်သွယ်ရေး ဗျူဟာနဲ့ ပတ်သက်ပြီး အသေးစိတ်ဆောင်ရွက်ထားတာပါ။ ဆိုရှယ်မီဒီယာ ကွန်ရက်တွေမှာ လုပ်တာကိုင်တာတွေ ကျွမ်းကျင်ပြီး မဂ္ဂဇင်းတွေတောင် ထုတ်ကြပါတယ်။ ဒီမဂ္ဂဇင်းတွေမှာ ကာမီကာဇီ စစ်ဆင်ရေးတွေကို သူတို့ ဘယ်လို ဆောင်ရွက်တယ်ဆိုတာကို ဖော်ပြထားတပါတယ်။
ခရစ်ယာန်နဲ့ ရှီယိုက်တွေကိုတော့ သူတို့က မိတ်ဆွေတွေလို့ သတ်မှတ်ပါတယ်။ ဒေသတစ်ခုကို သူတို့ သိမ်းပြီးပြီးချင်း ခရစ်ယာန်နဲ့ ရှီယိုက်တွေကို ဂျစ်ဇယာ အခွန်ပေးဖို့ အမိန့်ပေးပါတယ်။ ရုပ်ထု ဆင်းတု ကိုးကွယ်သူလို့ သူတို့ မှတ်ယူထားတဲ့ ယာဇီဒစ်တွေကိုတော့ မကောင်းဆိုးဝါးလို့ သတ် မှတ်ပြီး သတ်ပစ်ကြတာပါပဲ။ ဘာ့ကြောင့်လဲဆိုတော့ ဒီလူတွေကို သတ်ခြင်းဟာ လုပ်ပိုင်ခွင့်ရှိတယ်လို့ သူတို့က ယူဆထားတာကြောင့်ပါ”
OIC ၊ နိုင်ငံတကာ မွတ်စလင်မ် ပညာရှင်များ သမဂ္ဂ (IUMS) ကဲ့ သို့ မွတ်စလင် ကမ္ဘာမှ ပညာရှင်နှင့် ခေါင်းဆောင်များကတော့ ISIS ရဲ့ လုပ်ရပ်တွေကို ရှုတ်ချ ဆန်ကျင်ထားကြပါတယ်။
ပြင်သစ် သတင်းဌာန france24 တွင် ဖော်ပြသည့် သတင်းဆောင်းပါးကို လေးမောင် ဆီလျော်အောင် မြန်မာဘာသာ သို့ပြန်ဆိုပါသည်။
