သြဂုတ် ၁၄၊ ၂၀၁၄
M-Media
– နိုင်ငံတကာတွင် ခေါင်းထောင်ထလာသည့် အကြမ်းဖက်ဝါဒအား တွန်းလှန်ရေးအတွက် ကုလသမဂ္ဂ အကြမ်းဖက်ဝါဒ တန်ပြန်တိုက်ဖျက်ရေး စင်တာသို့ ဆော်ဒီအာရေဗျက ကန်ဒေါ်လာ သန်း ၁၀၀ ပေးအပ်လှူဒါန်းခဲ့သည်ဟု သိရသည်။
ကုလ ရုံးချုပ်ရှိ ဘန်ကီမွန်၏ ရုံးခန်းတွင် ကုလသမဂ္ဂဆိုင်ရာ ဆော်ဒီသံအမတ်ကြီးက ယမန်နေ့တွင် ပေးအပ်ခဲ့ခြင်းဖြစ်ပြီး ဘန်ကီမွန်က ဆော်ဒီ၏ ကူညီမှုကို ကြိုဆိုကြောင်း၊ ဆီးရီးယားနှင့် အီရတ်နိုင်ငံတို့အပါအ၀င် အရှေ့အလယ်ပိုင်းနှင့် နိုင်ငံအများအပြားရှိ အကြမ်းဖက်ဝါဒက မိမိတို့အတွက် စိန်ခေါ်မှုများပင်ဖြစ်ကြောင်း ပြောကြားခဲ့သည်။
အလှူငွေ ပေးအပ်ပွဲတွင် ပါဝင်ခဲ့သည့် အမေရိကန်ဆိုင်ရာ ဆော်ဒီသံအမတ်ကြီး အဒဲလ် အလ်ဂျူဘီရ်ကမူ အကြမ်းဖက်ဝါဒမှာ မိမိတို့အားလုံးကို ထိခိုက်စေသော အန္တရာယ် တစ်ခုပင်ဖြစ်ကြောင်း ပြောကြားခဲ့သည်။
“အကြမ်းဖက်ဝါဒမှာ ဘာသာတရားမရှိပါဘူး။ လူမျိုးဆိုတာ မရှိပါဘူး။ နိုင်ငံသားဆိုတာ မရှိပါဘူး။ လူသားဆန်မှုဆိုတာလည်း မရှိပါဘူး။ မေတ္တာတရား၊ တရားမျှတမှု ဘာဆိုဘာမှမရှိပါဘူး။ အကြမ်းဖက်ဝါဒဆိုတာ ကမ္ဘာပေါ်မှာရှိတဲ့ ဘာသာတရားအားလုံးကို ချိုးဖောက်ဆောင်ရွက်နေခြင်းပဲဖြစ်ပါတယ်။ ကမ္ဘာတစ်ဝှမ်းလုံးက ပြင်းထန် ထိရောက်တဲ့ ဆောင်ရွက်မှုတွေလုပ်ပြီး ဒီအန္တရာယ်ကို သုတ်သင်ပစ်ရပါမယ်” ဟု အလ်ဂျူဘီရ်က ဆိုသည်။
ဆော်ဒီဘုရင်ကြီး အဘ်ဒူလာကလည်း လွန်ခဲ့သည့် ၁၀ နှစ်အရင်ကပင် အကြမ်းဖက်ဝါဒ တိုက်ဖျက်ရေး နိုင်ငံတကာနှင့်ဆိုင်သော စင်တာတစ်ခု တည်ထောင်ရန် တိုက်တွန်းခဲ့သည်။ ထိုတိုက်တွန်းချက်အား ၂၀၀၅ ခုနှစ်တွင် ဆော်ဒီနိုင်ငံ ရီယာ့ဒ်မြို့၌ ပြုလုပ်ခဲ့သော အကြမ်းဖက်တန်ပြန်တိုက်ဖျက်ရေး ညီလာခံကြီးတွင် နိုင်ငံပေါင်း ၅၅ နိုင်ငံက သဘောတူ ထောက်ခံခဲ့သည်။
ထို့နောက် ၂၀၁၁ ခုနှစ်တွင် နယူးယောက်မြို့ရှိ ကုလရုံးချုပ်တွင် ကုလသမဂ္ဂ အကြမ်းဖက်ဝါဒ တန်ပြန်တိုက်ဖျက်ရေး စင်တာကို ထူထောင်နိုင်ခဲ့ပြီး ထိုစဉ်ကလည်း ဆော်ဒီဘုရင်က ဒေါ်လာ ၁၀ သန်းလှူးဒါန်းခဲ့သည်။
အီရတ်နိုင်ငံတွင် ISIS ကြောင့် ဒုက္ခရောက်နေကြသည့် လူမျိုးစုများနှင့် အီရတ်နိုင်ငံသားများအား လူသားချင်းစာနာထောက်ထားမှုဆိုင်ရာ အကူအညီများ ပေးအပ်ရန်အတွက် မကြာသေးမီကပင် ဆော်ဒီက ကန်ဒေါ်လာ သန်း ၅၀၀ လှူဒါန်းခဲ့သေးသည်။
AP
– ပြင်သစ်အသင်း၏ အဓိက ကွင်းလယ်လူ ရီဘာရီက ၎င်းမှာ နိုင်ငံတကာ ကစားသမားဘ၀မှ အနားယူခဲ့ပြီဟု ကြေညာခဲ့သည်။
