၁၈ ဇူလိုင် ၂၀၁၄
M-Media
သတင်း/ဓါတ်ပုံ- ပျံလွှား
ဇူလိုင် ၁၈ရက်နေ့တွင် ဘန်ကောက်ရှိ ထိုင်းနိုင်ငံအစ္စလာမ့်စင်တာတွင် ထိုင်းမွတ်စလင်မ် မီဒီယာကွန်ရက်မှ ဦးစီးပြီး ‘အစ္စရေးက ပါလက်စတိုင်းတို့အား လူမျိုးတုန်းသတ်ဖြတ်မှုများ’ ဆိုသည့် ခေါင်းစဉ်ဖြင့် အစ္စရေးကို ဆန့်ကျင်ရှုံ့ချသည့် indoor လှုပ်ရှားမှုတစ်ခုကို ပြုလုပ်ခဲ့ပါသည်။
ထိုလှုပ်ရှားမှုကို ဆွေးနွေးဟောပြောပွဲပုံစံအဖြစ် ကျင်းပခဲ့ပြီး နိုင်ငံရေး သိပ္ပံပညာရှင်များဖြစ်ကြသော ဒေါက်တာ ဂျာရမ်မာလူလင်းမ်၊ ဒေါက်တာ စရာဝသ်အရီးနှင့် ဒေါက်တာဖာရွက်တို့မှ ဥိးဆောင် ဆွေးနွေးခဲ့ကြသည်။ သုံးဦးစလုံးမှာ ထိုင်း ထိပ်တန်း တက္ကသိုလ်များမှ ကထိကများ ပညာရှင်များ ဖြစ်ကြသည်။ ကျင်းပရခြင်း၏ အဓိကရည်ရွယ်ချက်ကတော့ လက်ရှိ ဖြစ်ပွားနေသော ဂါဇာအရေးနှင့်ပတ်သက်ပြီး မျက်ခြေမပြတ်စောင့်ကြည့် သုံးသပ်ရန်ဖြစ်ကြောင်း သိရှိရပါသည်။
ဂါဇာကို အစ္စရေး၏ လေကြောင်းတိုက်ခိုက်မှုကြောင့် သေဆုံးသူဦးရေမှာ ၂၃၀ခန့်ရှိပြီ ဖြစ်ပြီး အများစုမှာ ကလေးနှင့် အမျိုးသမီးများဖြစ်ကြသည်။
ထိုပွဲသို့ ချာတာစောင်ဒေသ ကစ်သလစ်ခရစ်ယာန် အသင်းတော်မှ မယ်သီလရှင်များလည်း ပါဝင်ခဲ့ကြသည်။ နေ့လည် ၂နာရီမှ ၄နာရီအထိကျင်းပခဲ့သော ထိုပွဲတွင် စုစုပေါင်း ပါဝင်သူ ၈၀ ကျော်ရှိသည်။
ပါလက်စတိုင်း အစ္စရေး ပဋိပက္ခ သမိုင်းမှာ ရှည်လျားလှသော်လည်း အစ္စရေး၏ လုပ်ရပ်မှာ ပါလက်စတိုင်းပြည်သူများနှင့် ဟားမတ်စ်အဖွဲ့ကို အပြတ်ရှင်းရန်နှင့် ပါလက်စတိုင်းမြေမှ ဖယ်ရှားပစ်ရန်သာ ဖြစ်ကြောင်း ပညာရှင်များက ဆွေးနွေး သုံးသပ်ခဲ့သည်။
ထိုလှုပ်ရှားမှုနှင့်အတူ ထိုင်းမွတ်စလင်မ်မီဒီယာကွန်ရက်မှ ဒုတိယအကြိမ် သဘောထား ထုတ်ပြန်ချက်ကို ထုတ်ပြန်ခဲ့ပြီး ထို ထုတ်ပြန်ချက်တွင်
(၁) အစ္စရေးနိုင်ငံကို အကြမ်းဖက် နိုင်ငံအဖြစ် သတ်မှတ် ရှုံ့ချကြောင်း
(၂) အစ္စရေး၏ ဂါဇာဒေသကို တိုက်ခိုက်မှုမှာ လူအများအပြားကို သတ်ဖြတ်သည့် စစ်ရာဇဝတ်မှုဖြစ်ကြောင်း
(၃) ကမ္ဘာ့မွတ်စလင်မ်နိုင်ငံများနှင့် ကမ္ဘာပေါ်ရှိ ငြိမ်းချမ်းရေးကို ချစ်မြတ်နိုးသူတိုင်းအား အစ္စရေးအား ကန့်ကွက်ရှုံ့ချရန် မေတ္တာရပ်ခံကြောင်း
(၄) ပါလက်စတိုင်းပြည်သူများအတွက် ဆုတောင်းမေတ္တာ တောင်းခံပေးရန် စသည့်အချက်များ ပါဝင်သည်။
ပြီးခဲ့သည့် အင်္ဂါနေ့ ဇူလိုင် ၁၅ ရက်နေ့ကလည်း အစ္စရေး၏ ဂါဇာအား ကျူးကျော်ကာ အပြစ်မဲ့ကလေးငယ်များအား ရက်ရက်စက်စက် ပစ်မှတ်ထားတိုက်ခိုက်မှုအပေါ်ဘန်ကောက်ရှိ အစ္စရေးသံရုံးကို လူငါးရာခန့်မှ မနက် ၉နာရီမှ နေ့လည် ၁၂အထိ ငြိမ်းချမ်းစွာ ဆန္ဒပြခဲ့ကြသေးသည်။
ထိုင်းနိုင်ငံတွင်သာမက ဂျူးလူမျိုးများ ကိုယ်တိုင် အပါအဝင် ကမ္ဘာတစ်ဝှမ်းလုံးမှ ဇီယွန်ဝါဒီ အစ္စရေးအစိုးရကို ဂါဇာအား ကျူးကျော်မှုနှင့် ကလေးငယ်များအား ပစ်မှတ်ထားတိုက်ခိုက်မှုအပေါ် ရှုံ့ချ ဝေဖန်လျက်ရှိနေသည်။
