News @ M-Media

Blog

  • ဘယ်လ်ဂျီယံ မွတ်စလင် အမျိုးသမီးတစ်ဦး လူ ၁၀၀၀ ကျော်အား အစ္စလာမ်ဘက်သို့ ဖိတ်ခေါ်နိုင်ခဲ့

    ဇူလိုင် ၁၄ ၊ ၂၀၁၄
    M-Media

    WomanHelps-1000-People-to-Find-Islam

    – ငယ်ရွယ်စဉ်အချိန်ကတည်းက အစ္စလာမ်သာသနာသို့ ပြောင်းလဲသက်ဝင်ခဲ့သည့် ဘယ်လ်ဂျီယံ မွတ်စလင်အမျိုးအသမီးတစ်ဦးမှာ ၎င်း၏ အိမ်အား အစ္စလာမ့်စင်တာအဖြစ် အသွင်ပြောင်း၍ လူပေါင်း တစ်ထောင်ကျော်ကို အစ္စလာမ့်အေးရိပ်ဆာယာအောက်သို့ ဖိတ်ခေါ်နိုင်ခဲ့သည်ဟု သိရသည်။

    ဗီရွန်နစ် ကူးလ်၏ အမည်ရသည့် အမျိုးသမီးငယ်ဖြစ်ပြီး သူငယ်ချင်းများ၏ ဖိတ်ခေါ်မှုကြောင့် ဆယ်ကျော်သက်အရွယ်ကပင် အစ္စလာမ်သို့ ပြောင်းလဲ သက်ဝင်လာခဲ့ခြင်းဖြစ်သည်။

    ထို့နောက် ဗီရွန်နစ်မှာ ၎င်း၏ အိမ်အား အစ္စလာမ့်စင်တာအဖြစ် အသုံးပြုခဲ့ပြီး ဘယ်လ်ဂျီယံပြည်သူများ အစ္စလာမ်ကို လေ့လာနိုင်ရန်အတွက် စီစဉ်ပေးခဲ့သည်။

    အဆိုပါစင်တာက ဘယ်လ်ဂျီယံပြည်သူများအကြား ရှိနေသည့် အစ္စလာမ်နှင့် ပတ်သက်သော  တင်ကူးမှန်းဆချက်များကို ရှင်းလင်းနိုင်ခဲ့သည်။

    “တင်ကူးမှန်းချက်တွေက အစ္စလာမ်ကို နည်းလမ်းကျကျ မိတ်ဆက်မပေးတာကြောင့်ပါ။ မွတ်စလင်တွေဖြစ်တဲ့ ကျွန်မတို့ဟာ ပတ်ဝန်းကျင်ကို အစ္စလာမ်နဲ့ပတ်သက်ပြီး ပိုမိုရှင်းပြဖို့ လိုအပ်ပါတယ်” ဟု သူမ၏ ပြောကြားချက်ကို World Bulletin သတင်းဝဘ်ဆိုဒ်တွင် ဖော်ပြထားသည်။

    အဆိုပါ အစ္စလာမ့်စင်တာဖွင့်လှစ်ခဲ့သည့် ၈ နှစ်ကျော်ကာလအတွင်း ထိုစင်တာသို့ လာရောက်ဆက်သွယ်ကာ အစ္စလာမ်သို့ သက်ဝင်လာကြသူများမှာ ၁၀၀၀ ကျော်ရှိပြီး အများစုမှာ ဘယ်လ်ဂျီယံ အမျိုးသမီးများဖြစ်ကြသည်။

    ဘယ်လ်ဂျီယံ၏ ၁၀ သန်းသော လူဦးရေတွင် အစ္စလာမ်ဘာသာဝင်ဦးမှာ ၅ သိန်းနီးပါးရှိပြီး မြို့တော် ဘရပ်ဆဲလ်တွင်ပင် အစ္စလာမ်ဘာသာဝင် ၂၀ ရာခိုင်နှုန်းရှိသည်။ ဘရပ်ဆဲလ်တွင် ဗလီဝတ်ကျောင်းတော်နှင့် ၀တ်ပြုဆောင်ပေါင်း ၇၇ ခုရှိပြီး ဘယ်လ်ဂျီယံ နိုင်ငံတစ်ဝှမ်း ဗလီဝတ်ကျောင်းတော် ၃၀၀ ကျော်ရှိသည်။

    Ref: OnIslam & News Agencies

  • ဂါဇာအား အစ္စရေးက ကျူးကျော် တိုက်ခိုက်မှု ၇ ရက်မြောက်လာ၊ သေဆုံးသူ ၁၇၀ ကျော်

    ဇူလိုင် ၁၄ ၊ ၂၀၁၄
    M-Media
    israeli_air_strike_afp-600x276
    – ဂါဇာအား အစ္စရေးက ယနေ့တွင်လည်း တိုက်ခိုက်မှုများ ဆက်လက်ပြုလုပ်နေပြီး သေဆုံးသူမှာ ၁၇၂ ဦးရှိလာပြီဖြစ်သည်။

    ယနေ့နံနက်စောစောပိုင်းက ဂါဇာကမ်းရိုးတန်းဝန်းကျင် ဟားမက်၏ အဖွဲ့ခွဲ ကာစမ်ဘရီဂိတ်၏ လေ့ကျင့်ရေးစခန်း သုံးခုကို လေကြောင်းမှ တိုက်ခိုက်ခဲ့ပြီး သေဆုံးဒဏ်ရာရမှုမရှိဟု ဆေးဘက်ဆိုင်ရာ တာဝန်ရှိသူများနှင့် မျက်မြင်သက်သေများက ပြောကြားခဲ့သည်။

    ထို့ပြင် ဂါဇာမြောက်ပိုင်း ဂျာဘာလီယာမြို့၊ တောင်ပိုင်း ဒီယာ အလ်-ဘာလာမြို့နှင့် ဂါဇာစီးတီးရှိဆောက်အဦးများကိုလည်း တိုက်ခိုက်ခဲ့ကြပြီး လူအနည်းငယ်ဒဏ်ရာရရှိခဲ့ကြသည်။

    666x405
    အစ္စရေး၏တိုက်ခိုက်မှုကြောင့် သေဆုံသူ ၁၇၂ ဦးအပြင် ဒဏ်ရာရရှိသူမှာ ၁၂၃၀ ရှိနေသည်။ သေဆုံးသူအများစုမှာ အရပ်သားများဖြစ်ကြပြီး ပါလက်စတိုင်းများအတွက် ကုလမှပြုလုပ်ပေးထားသော ဒုက္ခသည်စခန်းများတွင် လာရောက်လိုလှုံသူမှာ ၁၇၀၀၀ ခန့်ရှိလာခဲ့သည်ဟု ကုလ၏ ထုတ်ပြန်ချက်တွင်ဖော်ပြထားသည်။

    ထိုပြဿနာအားဖြေရှင်းရန်အတွက် ကမ္ဘာ့ခေါင်းဆောင်များက ဆွေးနွေးရန်စီစဉ်နေသည်။ နိုင်ငံတကာတွင်လည်း အစ္စရေး၏ အဆိုပါကျူးကျော်တိုက်ခိုက်မှုအား ဆန့်ကျင် ရှုတ်ချနေပြီး ငြိမ်းချမ်းရေးအတွက် ကြားဝင်စေ့စပ်ပေးမည်ဟု အမေရိကန်နိုင်ငံခြားရေးဝန်ကြီး ဂျွန်ကယ်ရီက တယ်လီဖုန်းဆက် ပြောကြားခဲ့သော်လည်း  အစ္စရေးဝန်ကြီးချုပ် နေတန်ယာဟုကမူ ထိုတိုက်ခိုက်မှုအား မည်သည့်အချိန်တွင် အဆုံးသတ်မည်ကို မသိကြောင်း တုံ့ပြန်ပြောဆိုခဲ့သည်။

    AFP

  • မန္တလေး အဓိကရုဏ်းတွင် ပါဝင်ပတ်သက်မှု သံသယရှိသူများကို ဆက်လက်စုံစမ်း ဖမ်းဆီးဦးမည်

    မန္တလေး အဓိကရုဏ်းတွင် ပါဝင်ပတ်သက်မှု သံသယရှိသူများကို ဆက်လက်စုံစမ်း ဖမ်းဆီးဦးမည်

    ဇူလိုင် ၁၄၊ ၂၀၁၄
    M-Media

    ယခုလအစောပိုင်း မန္တလေးမြို့မှာ ဖြစ်ပွားတဲ့ ဘာသာရေးအသွင်ဆောင် အဓိကရုဏ်းမှာ ပါဝင်ပတ်သက်တယ်ဆိုပြီး သံသယရှိသူ (၃၄)ဦးကို မြန်မာအာဏာပိုင်များက ဖမ်းဆီးထားပါတယ်။

    သူတို့တစ်တွေကို လူသတ်မှု၊ မီးရှို့မှု၊ ထိခိုက်နာကြင်စေမှု၊ သွေးထိုးလှုံ့ဆော်မှု၊ တရားမ၀င် လက်နက်ကိုင်ဆောင်မှုတွေနဲ့ အရေးယူမယ်လို့ ဆိုပါတယ်။

    ရုန်းရင်းဆန်ခတ်မှုထဲ ပါဝင်ပြီး ခြေရာဖျောက်ကျန်ရှိနေသေးသူများကို ဖမ်းဆီးနိုင်ဖို့ ရဲတပ်ဖွဲ့ဝင်များက စုံစမ်းနေကြပါတယ်။

    မုဒိန်းမှုခေါင်းစဉ်တပ်ပြီး ဇူလိုင်(၁)ရက်က စတင်ဖြစ်ပွားတဲ့အဓိကရုဏ်းမှာ သေဆုံးသူ (၂)ဦး၊ ထိခိုက်ဒဏ်ရာရသူ (၁၇)ဦး ရှိခဲ့ပါတယ်။

    အကြမ်းဖက်တိုက်ခိုက်မှုပြီးတဲ့နောက် မန္တလေးက မြို့နယ်(၇)ခုမှာ ဇူလိုင်(၃)ရက်ကစ ကာဖျူးအမိန့်ထုတ်ပြန်ခဲ့တယ်။

    လက်ရှိအခြေအနေမှာ ကာဖျူးအမိန့်ချိုးဖောက်မှုနဲ့ လူ(၃၄၆)ဦးကို ဖမ်းဆီးခဲ့ပြီး ၎င်းတို့အနက် (၁၄၅)ဦးကို ပြန်လွှတ်ပေးလိုက်ကြောင်း၊ (၂၀၁)ဦးကို ထိန်းသိမ်းထားဆဲဖြစ်ကြောင်း သိရပါတယ်။

    ဆင်ဟွာ

  • ဘရာဇီးလ်မြေမှာ ကမ္ဘာ့ဖလားကို လေးကြိမ်မြောက် ကိုင်မြှောက်ခွင့်ရခဲ့တဲ့ ဂျာမနီ၊

    ဇူလိုင် ၁၄၊ ၂၀၁၄
    M-Media
    10514706_948385008510680_1734825876835669892_n
    – ဒီနေ့မနက်က ယှဉ်ပြိုင်ကစားခဲ့တဲ့ ကမ္ဘာ့ဖလားနောက်ဆုံးဗိုလ်လုပွဲမှာတော့ ဂျာမနီအသင်းက အာဂျင်တီးနားကို ဂေ့ါဇီရဲ့ အချိန်ပိုသွင်းဂိုးနဲ့ အနိုင်ရရှိခဲ့ပြီး ကမ္ဘာ့ဖလားကို ၄ ကြိမ်မြောက် ကိုက်မြှောက်ခွင့်ရခဲ့ပါတယ်။

    အရင်က ဗိုလ်လုပွဲမှာပဲ ၂ ကြိမ်တွေ့ဆုံခဲ့ပြီး တစ်ကြိမ်စီအနိုင်ရရှိထားတဲ့ ဒီနှစ်သင်း ဒီနေ့ပွဲမှာတော့ အကြိတ်အနယ်ယှဉ်ပြိုင်ကစားခဲ့ရပါတယ်။ ဂျာမနီရဲ့ တိုက်စစ်ကို အာဂျင်တီးနားနောက်တန်း အကောင်းဆုံး ပိတ်ဆို့ထားနိုင်ခဲ့ပြီး မက်ဆီ၊ ဟီဂူအင်တို့ရဲ့ တိုက်စစ်ကလည်း ဂျာမနီဂိုးပေါက်ကို ခြိမ်းခြောက်နိုင်ခဲ့ပါတယ်။

    ပထမပိုင်းမှာ ၂ သင်းစလုံး ဂိုးရနိုင်တဲ့အနေအထားတွေရှိခဲ့ပြီး ဟီဂူအင်ရဲ့ဂိုး လူကျွံဘောအဖြစ် သတ်မှတ်ခံခဲ့ရသလို ဂျာမနီဘက်က ဂိုးသွင်းခွင့်အချို့ကိုလည်း အာဂျင်တီးနားဂိုးသမား ရိုမီရို အစွမ်းပြ ကာကွယ်သွားနိုင်ခဲ့ပါတယ်။ ဒုတိယပိုင်းအစမှာ အာဂျင်တီးနားတို့ အကောင်းဆုံး ကစားနိုင်ခဲ့ပြီး မက်ဆီရဲ့အပိုင်ကန်သွင်းချက် ဂိုးတိုင်ဘေး ကပ်ထွက်သွားတာကြောင့် အာဂျင်တီးနားတို့ ဦးဆောင် ဂိုးမရခဲ့တာပါ။ ပွဲပြီးကာနီးမှာ ဂျာမနီက ပိုဖိခဲ့ပေမယ့် လိုအပ်တဲ့အနိုင်ဂိုးကို မသွင်းနိုင်ခဲ့တာကြောင့် အချိန်ပိုဆက်ကစားခဲ့ရပါတယ်။

    article-2690694-1F9F5A1600000578-869_634x379

    အချိန်ပို ၁၁၃ မိနစ်မှာတော့ ဂျာမနီတို့ အဖိုးတန်အနိုင်ဂိုးရခဲ့ပြီး ဘရာဇီးလ်နဲ့ပွဲမှာ ၂ ဂိုးသွင်းပေးခဲ့တဲ့ ရှရဲလ်ရဲ့ဖြတ်တင်ဘောကို ကလိုဆေးအစားလူစားဝင်လာတဲ့ တိုက်စစ်မှူး ဂေါ့ဇီက လှလှပပ အဆုံးသတ်နိုင်ခဲ့တာပါ။ အချိန်ပိုနောက်ဆုံးမိနစ်မှာ အာဂျင်တီးနားတို့ ဧရီယာထိပ်ခပ်လှမ်းလှမ်းမှာ ပြစ်ဒဏ်ဘောရပေမယ့် မက်ဆီရဲ့ကန်သွင်းချက် အပေါ်ကို လျှံထွက်သွားခဲ့တဲ့အတွက်ကြောင့် ချေပဂိုးမရခဲ့ဘဲ ဒုတိယနေရာနဲ့သာ ကျေနပ်ခဲ့ရပါတယ်။

    10552405_948237245192123_5177976774189590178_n

    10488030_948332461849268_928212581810386148_n

    10389282_948332488515932_6805218228459222101_n
    ဂျာမနီဟာ ဒီပြိုင်ပွဲမှာ တောင်အမေရိက ထိပ်သီး ၂ သင်းစလုံးကို အနိုင်ကစားနိုင်ခဲ့ပြီး၊ တောင်အမေရိကမြေမှာ ကမ္ဘာ့ဖလားကို ပထမဆုံး ဗိုလ်စွဲနိုင်ခဲ့တဲ့ ဥရောပ အသင်း ဖြစ်လာခဲ့ပါတယ်။ ပွဲအပြီးမှာ ပွဲစဉ်တစ်လျှောက် အကောင်းဆုံးဆုတွေကို ပေးအပ်ခဲ့ပြီး ဂျာမနီဂိုးသမား နျူအာက ရွှေလက်အိတ်ဆုနဲ့ အာဂျင်တိုင်းတိုက်စစ်မှူး မက်ဆီက ရွှေဘောလုံးဆုရရှိခဲ့ပါတယ်။ ရွှေဖိနပ်ဆုကိုတော့ ပြိုင်ပွဲတစ်လျှောက် ၆ ဂိုးသွင်းယူခဲ့တဲ့ ကိုလံဘီယာတိုက်စစ်မှူး ရော်ဒရီဂက်ဇ်က ရရှိခဲ့ပါတယ်။

  • ဂါဇာအား မြေပြင်မှ အစ္စရေးတို့ ၀င်ရောက်ကျူးကျော်ပြီ

    ဇူလိုင် ၁၃ ၊ ၂၀၁၄
    M-Media
    gaza
    – ဟားမက်စ်တို့၏ ဒုံးကျည်ပစ်ခတ်မှုများကို လက်တုံ့ပြန်တိုက်ခိုက်သည်ဟုဆိုကာ ဂါဇာအား အစ္စရေးတို့က လေကြောင်းမှ တိုက်ခိုက်နေခြင်းမှာ ၆ ရက်မြောက်ရှိလာခဲ့ပြီး ယမန်နေ့ညတွင် အစ္စရေး မရိန်းတပ်များမှ ဂါဇာသို့ကျူးကျော်ဝင်ရောက် တိုက်ခိုက်ခဲ့သည်ဟု သိရသည်။

    ဂါဇာမြောက်ပိုင်းဒေသသို့ ၀င်ရောက်ခဲ့ခြင်းဖြစ်ပြီး ဟားမက်စ် အဖွဲ့ဝင်များနှင့် ထိပ်တိုက်ရင်ဆိုင်ခဲ့ရကာ အစ္စရေးစစ်သားလေးဦးမှာ ဒဏ်ရာအနည်းငယ်ရခဲ့သည်ဟု အစ္စရေးက သတင်းထုတ်ပြန်ခဲ့သည်။ ဟားမက်စ်ကလည်း အစ္စရေးစစ်တပ်နှင့် ရင်ဆိုင်ခဲ့ကြောင်း အတည်ပြုခဲ့ပြီး အစ္စရေးတို့ ဂါဇာနယ်မြေထဲသို့ ကျူးကျော်ခွင့်မရရန် တိုက်ခိုက်ခဲ့ခြင်းဟု ပြောကြားခဲ့သည်။

    ထိုဒေသရှိ ပါလက်စတိုင်းများ မိမိတို့၏နေအိမ်များကို စွန့်ခွာရန် အစ္စရေးက သတိပေးစာများ ကြဲချခဲ့ပြီး မြေပြင်တပ်ဖွဲ့မှ တိုက်ခိုက်မှုများ ပိုမိုပြုလုပ်သွားရန် အလားအလာရှိနေသည်။

    ယမန်နေ့ညက အစ္စရေးရဲတပ်ဖွဲကအကြီးအကဲ တေဆီယာ အလ်-ဘတ်ရှ်၏ အိမ်ကို အစ္စရေးမှ ဗုံးကြဲခဲ့ရာ ကလေးငယ်များ အပါအ၀င် မိသားစုဝင် ၁၈ ဦးသေဆုံးခဲ့သည်။ ယမန်နေ့ည လေကြောင်းမှတိုက်ခိုက်မှုတွင်ပင် စုစုပေါင်း ၅၆ ဦးသေဆုံးခဲ့ပြီး အစ္စရေးတို့၏ ၆ ရက်တာတိုက်ခိုက်မှုအတွင်း သေဆုံးသူ ၁၆၆ ဦးရှိလာခဲ့ပြီဖြစ်သည်။

    သေဆုံးသူများ၏ လေးပုံသုံးပုံမှာ အရပ်သားများဖြစ်ကြသည်ဟု ကုလသမဂ္ဂက ပြောကြားထားသည်။ ဘေးကင်းရာသို့ ရွှေ့ပြောင်းခဲ့ရသည့် ပါလက်စတိုင်း ၄၀၀၀ ခန့်မှာ ဒုက္ခသည်များအတွက် ကုလက စီစဉ်ပေးထားသော ကျောင်း ၈ ခုတွင် ယာယီနေထိုင်နေရပြီး၊ ထိုနေရာများသို့ လာရောက်ခိုလှုံသူများမှာ အချိန်နှင့်အမျှ တိုးပွားလာနေသည်။

    Al Jazeera and agencies