မတ် ၁၉ ၊ ၂၀၁၄
ရေးသူ- အောင်တင်
နှစ်တစ်ထောင်ကျော် မြန်မာနိုင်ငံသမိုင်းနဲ့ ထပ်တူ သက်တမ်းရှိတဲ့ မွတ်စလင် လူ့အဖွဲ့အစည်းရဲ့ သမိုင်းတစ်လျှောက်လုံး ကျနော်တို့ ဘယ်တုန်းကမှ မြန်မာဖြစ်ခဲ့ဖူးသောသမိုင်း မရှိပါ။
လူမျိုးပေါင်းစုံတွေနဲ့ ဒေသခံ တိုင်းရင်းသားပေါင်းစုံတို့မှ ပေါင်းဖက်ဆင်းသက်လာတဲ့ ကျနော်တို့ လူ့အဖွဲ့အစည်းကြီးကို သမိုင်းတစ်လျှောက် ပသီ၊ ကုလား၊ ပသီကုလား၊ မိုဟာမေဒင်၊ ဇေတဘာဒီ၊ မြန်မာမွတ်စလင်၊ ဗမာမွတ်စလင်လို့ အမည်အမျိုးမျိုးတပ် အခေါ်ခံရပေမဲ့ ဘယ်တုန်းကမှ မြန်မာ သို့မဟုတ် ဗမာလို့ ခေါ်တွင်ခဲ့တဲ့ သမိုင်း မရှိဘူးပါ။
မြန်မာမွတ်စလင်လူမျိုး၊ ဗမာမွတ်စလင်လူမျိုးကိုလည်း ဘယ်တုန်းကမှ မြန်မာလူမျိုး၊ ဗမာလူမျိုး အစ္စလာမ်သာသနာဝင်ဟူ၍ မမြင်ကြပါ။ သီးခြားလူမျိုးအဖြစ်နှင့်သာ မြင်ကြသည်။
အစ္စလာမ်သာသနာကို ကူးပြောင်းလာသော မြန်မာလူမျိုးများလည်း အများအပြားရှိပါသည်။ သို့သော် ထိုသူများကိုပင် မြန်မာများက ဘာသာမတူမှုပေါ်ကို အခြေခံပြီး မြန်မာမဟုတ်တော့ဘူး။ ကုလားဖြစ်သွားပြီဟု ဆိုကြပြန်ပါသည်။
ဗမာကို ဗမာကသိရေးဆိုပြီး ကျနော်တို့ မွတ်စလင်များ ကြိုးပမ်းဖူးသည့် နှစ်ကာလတိုလေး ရှိခဲ့ဖူးသော်လည်း လုံးဝ မအောင်မြင်ခဲ့ပါ။ ရုပ်ပျက်ဆင်းပျက် ကျရှုံးခဲ့ရသည်။
ဆရာကြီးဦးရာဇတ်က သီးခြားတိုင်းရင်းသား အဖြစ် ရပ်တည်မည့်အစား၊ ဗမာ(မြန်မာ)အဖြစ် ရပ်တည်ဖို့ ဦးဆောင်ဆုံးဖြတ်ခဲ့သော ကာလတစ်ရပ်ရှိခဲ့သော်လည်း ကျနော်တို့ကို ဘယ်မြန်မာကမှ ဘယ်တုန်းကမှ မြန်မာအဖြစ် အသိအမှတ်ပြုခြင်းကို မခံရဖူးပါ။
အစ္စလာမ်သာသနာဝင် မြန်မာများ ဟုတ် မဟုတ်ကို စဉ်းစားဖို့ အချိန်နှစ်မီနစ်တောင် မလိုဘူးဆိုတဲ့စကားစုကို ဦးနုက နှစ်စက္ကန့်ကျော်လောက်နဲ့ ပြောခဲ့ဖူးသော်လည်း မြန်မာ့လူ့အဖွဲ့အစည်းတွင် ကျနော်တို့ ဘယ်တုန်းကမှ မြန်မာတစ်ကယ် မဖြစ်ခဲ့ဖူးခြင်းသည် သမိုင်းမှန်ဖြစ်သည်။
လူမျိုးတစ်မျိုးဆိုတာ လူ့အဖွဲ့အစည်းတစ်ခုမှာ ဓလေ့ထုံးတမ်းတူ၊ အမူအကျင့်တူ၊ ယဉ်ကျေးမှုတူ၊ သားပေးခြင်း သမီးယူခြင်းဟူသော လက်ထပ်ထိမ်းမြားခြင်းကို စိတ်အနှောင့်အယှက်ကင်းကင်း ပြုလုပ်နိုင်သော လူ့အဖွဲ့အစည်းဝင် အချင်းချင်းကို လူမျိုးတူလို့ သတ်မှတ်ပါတယ်။ သွေးနဲ့ လူမျိုးကို သတ်မှတ်တယ်ဆိုတာ အသိဥာဏ်နည်းသော စကား၊ လက်တွေ့မဖြစ်နိုင်သော စကား ဖြစ်ပါတယ်။
မတူတာကို တူချင်ယောင် မဆောင်ကြပါနဲ့။ အတင်း မတူချင်ကြပါနဲ့။
ကရင်တစ်ယောက်သည် ကရင်လူမျိုးဖြစ်လျှက်၊ ကရင်ကို ချစ်လျှက် တိုင်းပြည်အကျိုးးကို ဆောင်နိုင်လျှင် ကျနော်တို့ မွတ်စလင်လူ့အဖွဲ့အစည်းသည်လည်း ပသီဖြစ်လျှက်၊ ပသီကို ချစ်လျှက်နှင့် တိုင်းပြည်ကို ချစ်နိုင်၊ အကျိုးဆောင်နိုင်ကြရပါမယ်။
** စာရေးသူ၏ အမြင်နှင့် အာဘော်သာဖြစ်ပါသည်။
