News @ M-Media

Blog

  • ချန်ပီယံလိဂ်တွင် မန်စီးတီးအနေဖြင့် ဘာစီလိုနာအား ကျော်ဖြတ်ရန် အခွင့်အရေးရှိဟု မော်ရင်ဟိုဆို

    ဖေဖော်ဝါရီ ၁၈၊ ၂၀၁၄
    M-Media
    369752_heroa
    – နှစ်ပေါင်းများစွာအတွင်း အဆိုးဆုံးဖြစ်နေသည့် ဘာစီလိုနာအား ကျော်ဖြတ်ကာ နောက်တစ်ဆင့် တက်နိုင်မည် အခွင့်အရေး မန်စီးတီးအသင်းတွင် ရှိနေသည်ဟု ချယ်ဆီးအသင်း နည်းပြ မော်ရင်ဟိုက ပြောကြားလိုက်သည်။

    မန်စီးတီးနှင့် ဘာစီလိုနာအသင်းတို့မှာ ချန်ပီယံလိဂ် ကွာတားဖိုင်နယ် ပထမအကျော့ ပွဲစဉ်အဖြစ် ယနေ့ညတွင် အီတီဟတ်၌ ကစားရန် ရှိနေပြီး၊ မော်ရင်ဟိုက မာတီနို လက်ထက်တွင် ဘာစီလိုနာအသင်းမှာ အဆင့်နိမ့်နေပြီး၊ ထိုအချင်းအရာက မန်စီးတီးအသင်း အခွင့်အရေးကောင်းဖြစ်လိမ့်မည်ဟု ဆိုခဲ့သည်။

    “သူတို့(ဘာကာ)မှာ မက်ဆီရှိနေတာမှန်ပါတယ်။ သူဟာ ထူးခြားတဲ့ ကစားသမားဖြစ်ပြီး၊ အခြား ကစားသမားကောင်းတွေလည်း ရှိပါသေးတယ်၊ ဒါပေမယ့် အခု ဘာစီလိုနာဟာ နှစ်များစွာအတွင်းမှာ အဆိုးဝါးဆုံးပါ။ ဒ့ါကြောင့် မန်စီးတီးမှာ အခွင့်အရေး ရှိနေပါတယ်” ဟု မော်ရင်ဟိုက ဗြိတိန် ရုပ်သံတစ်ခုဖြစ်သည့် ITV သို့ ပြောကြားခဲ့သည်။ မန်စီးတီးမှာ အသင်း၏ သမိုင်း တစ်လျှောက် ပထမဆုံးအကြိမ် အဖြစ် ချန်ပီယံလိဂ် ဆီးမီးဖိုင်နယ်သို့ တက်ရောက်နိုင်ခြင်းလည်းဖြစ်သည်။

    မော်ရင်ဟိုမှာ ချယ်ဆီးနှင့် အင်တာအသင်းတို့ဖြင့် ဘာစီလိုနာအား နှစ်ကြိမ် တိုင်တိုင် အနိုင်ရရှိအောင် စွမ်းဆောင်နိုင်ခဲ့သူဖြစ်ပြီး၊ ပရီးမီးယားလိဂ်သို့ ပြန်လည်ရောက်ရှိ လာစဉ်ကတည်းက မန်စီးတီးနှင့် ပယ်လီဂရီနီတို့အား ဝေဖန်ခဲ့သူဖြစ်သည်။

    Ref: Goal

  • ထိုင်းတွင် သပိတ် စခန်းများ ရှင်းလင်းရာ ရဲနှင့် ဆန္ဒပြသူများ ထိပ်တိုက်တွေ့ ရဲအရာရှိတစ်ဦး ပစ်သတ်ခံရ

    ဖေဖော်ဝါရီ ၁၈၊ ၂၀၁၄
    M-Media
    140218135159-thai-protests-police-story-top
    – ထိုင်းနိုင်ငံ မြို့တော် ဘန်ကောက်၏ အဓိကနေရာများကို သိမ်းပိုက်ထားသော အစိုးရ ဆန့်ကျင် ဆန္ဒပြသူများ၏ စခန်းများကို စတင် ရှင်းလင်းခဲ့ပြီးနောက် ရဲများနှင့် ဆန္ဒပြသူများ အကြား တိုက်ခိုက်မှုများဖြစ်ပွားခဲ့ပြီး ရဲအရာရှိ တစ်ဦး သေဆုံးခဲ့ကာ လူအများအပြား ဒဏ်ရာရခဲ့သည်ဟု သိရသည်။

    ယနေ့နံနက်ပိုင်း အစိုးရ အိမ်တော်နားရှိ စခန်းများအား ဘူဒိုဇာများဖြင့် ရှင်းလင်းရာတွင် ဆန္ဒပြသူများက ပြန်လည် ခုခံခဲ့သောကြောင့် မျက်ရည်ယိုဗုံးများပါ အသုံးပြုခဲ့ရပြီး၊ “ဘန်ကောက်ငြိမ်းချမ်းရေး” ဟု အမည်တပ်ထားသည့် အဆိုပါ စစ်ဆင်ရေး အတွက် အဓိကရုန်းနှိမ်နင်းရေး တပ်ဖွဲ့ အပါအ၀င် ရဲတပ်ဖွဲ့ဝင် ထောင်ပေါင်း များစွာတို့အား မြို့တော်တစ်ဝှမ်းတွင် တပ်ဖြန့်ချထားသည်ဟု Reuters သတင်းဌာနက ဖော်ပြခဲ့သည်။

    “ရဲအရာရှိ တစ်ယောက်သေဆုံးပြီး အခြား ၁၄ ဦးဒဏ်ရာရပါတယ်။ ခေါင်းကို အပစ်ခံရတဲ့ အဲဒီ ရဲအရာရှိဟာ ဆေးရုံပို့နေစဉ် အတွင်းမှာပဲ သေဆုံးခဲ့တာပါ” ဟု ရဲချုပ် Adul Saengsingkaew က ပြောကြားခဲ့သည်။

    သို့သော်လည်း ဒဏ်ရာရသူများမှာ အနည်းဆုံး ၄၂ ဦးရှိပြီး ရဲ သို့မဟုတ် ဆန္ဒပြသူ မည်သူမည်ဝါဖြစ်သည်ကို ခွဲခြား၍ မရသေးဟု Erawan အရေးပေါ် ဌာန၏ ပြောကြားချက်ကိုကား၍ AP သတင်းဌာနက ဖော်ပြခဲ့သည်။

    ဆန္ဒပြသူများမှာ အိမ်စောင့်အစိုးရ ၀န်ကြီးချုပ် ယင်းလပ် ရုံးမတက်နိုင်ရန်အတွက် ဘန်ကောက်မြို့လယ်ရှိ အစိုးရ အိမ်တော်တစ်ဝိုက်ကို ၀ိုင်းထားပြီး၊ ၀န်ကြီးချုပ်နှုတ်ထွက်ရန်နှင့် ပြည်သူ့ကောင်စီဖွဲ့စည်းကာ ပြုပြင်ပြောင်းလဲရေး လုပ်ဆောင်ရန် တောင်းဆိုနေခြင်းဖြစ်သည်။

    ယမန်နှစ် နှစ်ကုန်ပိုင်း ကတည်းက ပြုလုပ်နေခဲ့သည့် အစိုးရဆန့်ကျင် ဆန္ဒပြမှုများအတွင်း ရဲတပ်ဖွဲ့က ခုခံခဲ့ခြင်းမရှိခဲ့ပေ။ သို့သော်လည်း မိမိတို့ အနေဖြင့် ဆန္ဒပြသူများ သိမ်းပိုက်ထားသည့် နေရာ ၅ ခုအား ပြန်လည် သိမ်းပိုက်မည်ဟု လုံခြုံရေး အထူးညွှန်ကြားမှု စင်တာက ယမန်နေ့တွင် ကြေညာခဲ့သည်။

    ဆန္ဒပြခေါင်းဆောင် Rawee Matchamadon ကမူ ရဲတပ်ဖွဲ့ဝင်များမှာ ဘန်ကောက်မြောက်ပိုင်း စွမ်းအင် ၀န်ကြီးဌာနရုံးရှိ ဆန္ဒပြသူများအား ၀န်းရံကာ လူ ၁၀၀ ခန့်ကို ထရပ်ကားများနှင့် တင်ဆောင်၍ စစ်မေးရန် အတွက် ရဲစခန်းသို့ ခေါ်ဆောင်သွားခဲ့သည်ဟု ပြောကြားခဲ့သည်။

    Ref: aljazeera

  • မြောက်ကိုရီးယား ခေါင်းဆောင်များ လူသားမျိုးနွယ်ပေါ် ရာဇဝတ်မှု ကျူးလွန်သည့်ဟု ကုလပြော

    ဖေဖော်ဝါရိ ၁၈၊ ၂၀၁၄
    M-Media

    မြောက်ကိုရီးယား ခေါင်းဆောင်များ လူသားမျိုးနွယ်ပေါ် ရာဇ၀တ်မှုများ ကျူးလွန်ခဲ့သည့် အထောက်အထားများ ပါဝင်သော အစီရင်ခံစာတစ်ခု ကုလထုတ်ပြန်

    cmc_aug13
    – ပြည်သူများအား သတ်ဖြတ်ခြင်း၊ ငတ်မွတ်အောင်ပြုလုပ်ခြင်းနှင့်  ကျွန်ပြုခြင်းစသည့် ရာဇ၀တ်မှုများအား မြောက်ကိုရီးယား ခေါင်းဆောင်များက ကျူးလွန်ခဲ့ကြပြီး၊ ၎င်းတို့အား နိုင်ငံတကာ ခုံရုံးရှေ့မှောက်သို့ ခေါ်ယူရမည်ဟု ကုလသမဂ္ဂ စုံစမ်းရေး ကော်မရှင်မှ ပြောကြားလိုက်သည်။

    မြောက်ကိုရီးယားလူ့အခွင့်အရေးဆိုင်ရာ ကုလသမဂ္ဂ စုံစမ်းရေး ကော်မရှင်မှ ၎င်းတို့၏ တွေ့ရှိချက်များကို ဖော်ပြထားသော အစီရင်ခံစာအား ယမန်နေ့က တရားဝင်ထုတ်ပြန်စဉ် ပြောကြားခဲ့ခြင်းဖြစ်သည်။ ထို့ပြင် နိုင်ငံရေးအကျဉ်းသားများအား ထိန်းသိမ်းထားသည့် ကမ့်အတွင်း နှိပ်စက်မှုများ၊ မုဒိမ်းကျင့်မှုများနှင့် လူသတ်မှုများကို ကျူးလွန်ခဲ့ကြောင်း အထောက်အထားများလည်း ပါဝင်ခဲ့သည်။

    ထိုအစီရင်ခံစာနှင့် ပက်သက်၍  အဆိုပါကော်မရှင်၏ ဥက္ကဌဖြစ်သူ မီခေးလ်ကီရ်ဘီက ရှင်းပြခဲ့ခြင်းဖြစ်ပြီး ထိုရာဇ၀တ်မှုများအား စီမံခန့်ခွဲခဲ့သည့် အထောက်အထားများနှင့် ပက်သက်၍ မြောက်ကိုရီးယားခေါင်းဆောင် ကင်ဂျုံအန် အပါအ၀င် နိုင်ငံ၏ ခေါင်းဆောင်များမှဖြေရှင်းသင့်သည်ဟု ပြောကြားခဲ့သည်။

    “ကော်မရှင်က အဆုံးအထိဆောင်ရွက်ခဲ့ပြီး ယခုလက်ရှိ အာဏာရှိနေတဲ့သူတွေမှာ တာဝန်ရှိနေတဲ့ အထောက်ထားတွေ အများကြီးရှိပါတယ်။ အာဏာပိုင်တွေရဲ့ လုပ်ရပ်တွေဟာ ခေါင်းဆောင်ကြီးဆီမှာ အဆုံးသတ်သွားတာပါ” ဟု ကီရ်ဘီက ပြောကြားခဲ့သည်။

    သို့သော်လည်း ကော်မရှင်မှာ ခုံအဖွဲ့မဟုတ်သကဲ့သို့၊ တရားသူကြီးလည်းမဟုတ်ဘဲ တရားစွဲဆိုမှုများအတွက် နိုင်ငံတကာခုံရုံးကသာ ဆုံးဖြတ်ရမည်ဟု ထည့်သွင်းပြောကြားခဲ့သည်။

    မြောက်ကိုရီးယား ခေါင်းဆောင်ပိုင်း ကျူးလွန်ဖွယ်ရှိသာ ရာဇ၀တ်မှုဆိုင်ရာ တရားစွဲဆိုခြင်းအတွက် အမှုတည်ဆောက်မှုကို ပြုလုပ်ရန် စုံစမ်းရေးကော်မရှင်အား ပြီးခဲ့သည့်နှစ် မတ်လက စတင်ဖွဲ့စည်းခဲ့ပြီး ကြားနာမှု ၈၀ ကျော်ပြုလုပ်ခဲ့ကာ၊  နိုင်ငံတကာလူ့အခွင့်အရေးအဖွဲ့ Amnesty International မှ ရရှိသော အထောက်အထားများကိုလည်း အသုံးပြုခဲ့သည်။

    ထိုအဖွဲ့၏ အစီရင်ခံစာကို လာမည့်လတွင်ပြုလုပ်မည့် ကုလ၏ လူ့အခွင့်အရေးကောင်စီတွင် တင်သွင်းမည်ဖြစ်သည်
    Ref: aljazeera

  • ထိပ်ဆုံး ၃ သင်းစလုံး ဂိုးမြူးခဲ့ပြီး အောက်ဆုံး ၃ သင်း အမှတ်မရခဲ့တဲ့ လာလီဂါ ပွဲစဉ် ၂၄

    ဖေဖော်ဝါရိ ၁၈၊ ၂၀၁၄
    M-Media

    369788_heroa
    – ပြိုင်ဆိုင်မှုပြင်းထန်လာတဲ့ လာလီဂါရဲ့ ဒီတစ်ပါတ် ပွဲစဉ်တွေမှာတော့ ထိပ်ဆုံး ၃ သင်းစလုံး ဂိုးမြူးခဲ့ပါတယ်။ ဥရောပ ၀င်ခွင့်မှန်းနေတဲ့ ဘီဘာအိုနဲ့ ဗီလာရီးယဲလ်တို့ကတော့ အိမ်ကွင်းမှာ ပြိုင်ဘက်တွေရဲ့ အလဲထိုးခြင်းကို ခံခဲ့ရပါတယ်။

    ထိပ်ဆုံးက ဘာကာက အိမ်ကွင်းမှာ တန်းဆင်းဇုန်က ဘယ်လက်ကာနိုကို မက်ဆီ၊ နေးမာ၊ ဆန်းချက်တို့ရဲ့ သွင်းဂိုးတွေနဲ့ ၆ ဂိုးပြတ်ခဲ့ပါတယ်။ ရီးယဲလ်ကလည်း အဆင့် ၁၃ က ဂီတာဖေးကို တစ်ပွဲလုံး အသာစီးကစားသွားပြီး ၃ ဂိုး ဂိုးမရှိနဲ့ နိုင်ခဲ့ပါတယ်။ ဒီပွဲအရှုံးဟာ ဂီတာဖေးအတွက် လာလီဂါ ၉ ပွဲဆက်တိုက် ရှုံးနိမ့်ခဲ့ခြင်းလည်းဖြစ်ပါတယ်။

    ဒီနှစ်မှာ အထူးခြေစွမ်းပြပြီး ချန်ပီယံဘွဲ့အတွက် စိန်ခေါ်လာနိုင်ခဲ့တဲ့ အက်သလက်တီကိုကတော့ ဗယ်လာဒိုလစ်ကို အမှားအယွင်းမရှိ အနိုင်ရခဲ့ပါတယ်။ စပိန်ဘုရင်ဖလားက ထွက်ခဲ့ရတဲ့ အက်သလက်တီကိုတို့ နောက်ပိုင်းပွဲတွေမှာ လာလီဂါဘက်ကို အပြည့်အ၀ အာရုံစိုက်လာမှာဖြစ်တဲ့အတွက် ဘာစီလိုနာနဲ့ ရီးယဲလ်တို့ အတိမ်းအစောင်းဖြစ်လို့ မရတော့ပါဘူး။

    ဗလင်စီယာနဲ့ ဆီးဗီးလားတို့ပွဲမှာတော့ နောက်ဆုံးသုံးပွဲဆက် ရှုံးထားတဲ့ ဆီးဗီးလား သရေတစ်မှတ်ယူနိုင်ခဲ့ပါတယ်။ ဂိုးမရှိသရေကျခဲ့တဲ့ အဲဒီပွဲမှာ နှစ်သင်းစလုံး ဂိုးသွင်းခွင့်တွေရခဲ့ပေမယ့် အသုံးမချနိုင်ခဲ့ပါဘူး။

    အဆင့် ၄ က ဘီဘာအိုကလည်း အိမ်ကွင်းမှာ အက်စပန်ညိုကို ၂ ဂိုး ၁ ဂိုးနဲ့ ရှုံးနိမ့်ခဲ့ပါတယ်။ အက်စပန်ညိုက ဂါစီယာရဲ့ ပွဲအစ ၆ မိနစ် ဦးဆောင်ဂိုးကို ဘီဘာအိုတို့ ဒုတိယပိုင်း ၅၆ မိနစ်မှာ ပြန်လည်ချေပနိုင်ခဲ့ပေမယ့် ၆၅ မိနစ် ကော်လော့တိုရဲ့ သွင်းဂိုးကြောင့် အိမ်ကွင်းမှာ အမှတ်ဗလာဖြစ်ခဲ့ရတာဖြစ်ပြီး၊ ဒီပွဲမှာ အက်စပန်ညိုရဲ့ ခံစစ်ကစားပုံကို ချီးကျူးရမှာပါ။ အဆင့် ၅ က ဗီလာရီးယဲလ်ကတော့ ဆဲလ်တာဗီဂိုကို နောက်ကျဂိုး ၂ ဂိုးနဲ့ အိမ်ကွင်းမှာ အရှုံးပေးခဲ့ရပါတယ်။

    နောက်ဆုံးသုံးပွဲဆက်ရှုံးထားတဲ့ အဆင့် ၁၇ က ဂရန်နာဒါက အိမ်ကွင်းမှာ ဇယားအောက်ခြေက ဘက်တစ်ကို ၁ ဂိုး ဂိုးမရှိနဲ့ နိုင်ခဲ့ပါတယ်။ အဖိုးတန် အနိုင်ဂိုးကိုတော့ ၃၁ မိနစ်မှာ ပီတီက သွင်းပေးခဲ့တာပါ။

    အမှတ်ပေးဇယားမှာတော့ အပြောင်းအလဲသိပ်မရှိခဲ့ဘဲ ဘာစီလိုနာက ရမှတ် ၆၀ ရရှိထားပြီး ရီးယဲလ်၊ အက်သလက်တီကိုတို့နဲ့ အမှတ်တူ ဂိုးကွားခြားချက်ကြောင့် ထိပ်ဆုံးမှာ ဦးဆောင်နေပါတယ်။

    လာလီဂါ ပွဲစဉ် ၂၄ ရလဒ်များကတော့ အောက်ပါအတိုင်းဖြစ်ပါတယ်။

    အယ်လ်ချီ ၀-၀ အိုဆာဆူနာ
    အက်သလက်တီကို ၃-၀ ဗယ်လာဒိုလစ်
    လီဗန်တေး ၁-၀ အလ်မာရီယာ
    ဘာစီလိုနာ ၆-၀ ဗယ်လက်ကာနို
    ဗီလာရီးယဲလ် ၀-၂ ဆယ်လ်တာဗီဂို
    ဂရန်နာဒါ ၁-၀ ဘက်တစ်
    ဂီတာဖေး ၀-၃ ရီးယဲလ်မက်ဒရစ်
    ဘီဘာအို ၁-၂ အက်စပန်ညို
    ဆီးဗီးလား ၀-၀ ဗလင်စီယာ
    မာလာဂါ ၀-၁ ရီးယဲလ်ဆိုစီဒက်

  • တစ်ပါတ်အတွင်း သိပ္ပံနှင့် နည်းပညာ သတင်းများ (M-Media Tech ကဏ္ဍ)

    ဖေဖော်ဝါရီ ၁၈၊ ၂၀၁၄
    M-Media
    စုစည်းတင်ဆက်သူ- daythanix

    Flappy Bird ရဲ့ အောင်မြင်မှု

    ဗီယက်နမ်နိုင်ငံကရေးသားသော   ပြီးခဲ့တဲ့လက ထူးထူးခြားခြား လက်ကိုင်ဖုန်း ဂိမ်းလောကမှာ ထိပ်ဆုံးကိုရောက်လာပြီး ရေးသားဖေါ်ပြကြတဲ့ Flappy Bird ကို ရေးသားသူ  Dong Nguyen ဟာ သတင်း မီဒီယာတွေရဲ့ အာရုံစိုက်မှုတွေ များလွန်းတာကြောင့်  ဖေဖေါ်ဝါရီ ၉ ရက်မှာတော့ App Store ကရော Google Playကရော ဂိမ်းကို ပြန်ပြီးဖြုတ်သွားပါတယ်။ Flappy Bird ဟာ အခမဲ့ ဖြစ်ပြီး ကြော်ငြာကနေ ဝင်ငွေရတဲ့ နည်းကိုသုံးထားတာ ဖြစ်ပါတယ်။ ဇန်နဝါရီ ၁၀ ရက်မှာ ထိပ်ဆုံးဂိမ်း ၁၀ စာရင်းကို ရောက်ရှိခဲ့ပြီး တစ်ရက် ဒေါ်လာ ငါးသောင်း ဝင်ငွေ ရရှိလာပါတယ်။ ဖေဖေါ်ဝါရီ ၈ရက်မှာတော့ Dong Nguyenက နောက် ၂၂ နာရီအကြာမှာ ဂိမ်းကို App Storeကရော Google Playကရော ဂိမ်းကို ပြန်ပြီးဖြုတ်တော့မယ်လို့ ကြေငြာခဲ့ပါတယ်။ Flappy Birdကို ကမ္ဘာတစ်လွှားက သန်း၅၀ကျော် ဒေါင်းလုတ်ချခဲ့ကြတယ်လို့ သိရပါတယ်။

     3

    ————————–————————–——-
    Ivanpah နေရောင်ခြည်စွမ်းအင်သုံး လျှပ်စစ်ဓါတ်အား

    ဂူးဂဲလ် ကုမ္ပဏီဟာ စွမ်းအင် ကုမ္ပဏီ နှစ်ခုဖြစ်တဲ့ NRG Energy Inc.နဲ့ BrightSource Energy တို့နဲ့ ပူးပေါင်းပြီး ကမ္ဘာ့အကြီးဆုံး နေရောင်ခြည် အပူစွမ်းအင်သုံး လျှပ်စစ်ဓါတ်အား ထုတ်လုပ်ငန်းကို ၁၅ရက်နေ့က ဖွင့်လှစ်ခဲ့ပါတယ်။ ဒေါ်လာ သန်း၂၂၀၀ရင်းနှီး မြှုပ်နှံတည်ဆောက်ခဲ့တဲ့ ဒီဓါတ်အား စက်ရုံဟာ မှန်ချပ်များစွာကနေ အလင်းပြန်တဲ့ အလင်းကို ဘွိုင်လာရှိရာ အမြဲ ဦးတည်နေအောင် ကွန်ပြူတာနဲ့ ထိန်းချုပ်ပေးထားပါတယ်။ ဧရီယာစတုရန်းမိုင် ၅မိုင် ကျယ်ဝန်းတဲ့ မြေမှာ မှန်ချပ်ဘွိုင်လာ အဖွဲ့အစည်း သုံးခု တည်ဆောက်ထားပြီး မှန်ချပ်ပေါင်း သုံးသိန်းခွဲကျော် ပါဝင်ပါတယ်။ ဒီIvanpah နေရောင်ခြည်စွမ်းအင်သုံး လျှပ်စစ်ဓါတ်အားပေး လုပ်ငန်းကို  Mojave ကန္တာရအတွင်း တည်နေရာ 35.5526438,-115.4725079 မှာရှိပြီး လျှပ်စစ် 400 megawatts ထုတ်လုပ်ပေးနိုင်မှာ ဖြစ်ပါတယ်။

    2

    ————————–————————–——-
    ခြကောင်စက်ရုပ်လေးများ

    အမေရိကန် တက္ကသိုလ်သုံးခုဖြစ်တဲ့University of Cambridge.၊ Wyss Institute နဲ့ Harvard School of Engineering တို့က သုတေသီတွေဟာ ခြကောင်လေးတွေရဲ့ အပြုအမူကို အတုယူထားတဲ့ စက်ရုပ်ငယ်လေးတွေကို ပြသခဲ့ပါတယ်။ ဒီစက်ရုပ်ငယ်လေးတွေကို အိမ်ငယ်လေးတစ်ခုကို လေးထောင့်တုံးလေးတွေဆင့်ပြီး တည်ဆောက်ခိုင်းတဲ့ အခါမှာ ဗဟိုထိန်းချု ညွှန်ကြားချက်လည်းမပါ စီစဉ်တကျ စက်ရုပ်များကြား ဆက်သွယ်ခြင်းလည်းမရှိပဲ သတ်မှတ်ထားတဲ့ လုပ်ငန်းများပြီးစီးအောင် စက်ရုပ်တစ်ခုချင်းက လိုအပ်သလို လွတ်လပ်စွာ လုပ်ဆောင်သွားတာ ဖြစ်တဲ့အတွက် အဖွဲ့ထဲက စက်ရုပ်တစ်ခုက သူ့တာဝန်ကို မလုပ်ဆောင်လိုက်နိုင်လို့ ကျန်လုပ်ငန်းစဉ်အားလုံး ရပ်တန့်သွားတယ်ဆိုတာမျိုးမရှိပဲ အားလုံးက လိုအပ်ချက်အရသာ လုပ်ဆောင်သွားတာ ဖြစ်ကြောင်း ဒီနည်းပညာကို စတင်ခဲ့တဲ့ Justin Werfel ကရှင်းပြခဲ့ပါတယ်။

    4 copy

    ————————–————————–——-
    sony ရဲ့ ပုလင်းသွင်းရောင်းချသော MP3 player

    New Zealandနိုင်ငံမှာ ဆိုနီကုမ္ပဏီဟာ ရေစိမ်ခံတဲ့ MP3 player တစ်မျိုးဖြစ်တဲ့ NWZ-W270 MP3 player ကို လူအများစိတ်ဝင်တစား ဖြစ်အောင် ကြော်ငြာတဲ့ အ​နေနဲ့ ရေဖြည့်ထားတဲ့ပုလင်းထဲမှာ ထည့်ပြီး ကိုလာအချိုရည်များ ကဲ့သို့ အရောင်းစက်ကနေ ​ရောင်းချခဲ့ပါတယ်။

    1

    ————————–————————–——-

    တရုတ်နိုင်ငံ၏ လပေါ်သွားယာဉ် ပြန်လည်နိုးထ

    ဖေဖေါဝါရီ ၁၂ ရက်နေဟာ လရဲ့ နေ့ဘက်ကာလ သုံးရက်မြောက်နေ့ဖြစ်ပြီး တရုတ်နိုင်ငံ၏ လပေါ်သွားယာဉ် Yutu ပြန်လည်နိုးထလာပြီဟု သိရသည်။

    တရုတ်ရဲ့ လသွားယာဉ်ငယ် ချွတ်ယွင်းမှု ဖြစ် ခဲ့တဲ့ သတင်းကို http://www.m-mediagroup.com/news/23514 မှာ ဖတ်ရှုနိုင်ပါတယ်။

    #MMediaTech #science #technology #tech

    ————————–————————–——-

    ** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
    စီးပွားဖြစ် ထုတ်ဝေသော Print Media များတွင် M-Media ခွင့်ပြုချက်မရှိဘဲ အသုံးပြုခွင့်မပြုပါ။
    ဆက်သွယ်ရန် [email protected]