ဇန်န၀ါရီ ၆၊ ၂၀၁၄
M-Media
ကွဲကွာနေသော မိသားစုများ ပေါင်းစည်းမှု ပြန်လည် စတင်ရန် ပတ်ဂျုံဟေး တောင်းဆို
၁၉၅၀-၅၃ ကိုရီးယားစစ်ပွဲအတွင်း ကွဲကွာနေကြသည့် မိသားစုများအား ပြန်လည်ပေါင်းစည်းရေးကို လာမည့်နှစ်ကူးတွင် ပြန်လည်ပြုလုပ်ရန် တောင်ကိုရီးယားသမ္မတ ပတ်ဂျုံဟေးက ယနေ့တွင် တောင်းဆိုခဲ့သည်။ သမ္မတအဖြစ် ကျမ်းသစ္စာကျိန်ဆိုပြီးနောက် ပထမဦးဆုံးအဖြစ် ပြုလုပ်ခဲ့သည့် သတင်းစာရှင်းလင်းပွဲတွင် ပြောကြားလိုက်ခြင်းဖြစ်ပြီး ကိုရီးယားကျွန်းဆွယ်အတွင်း ပြန်လည်ပေါင်းစည်းရေး ခေတ်သစ်ထူထောင်ရန်နှင့် လူသားချင်းစာနာသည့် အကူအညီများပေးအပ်ရန်တို့ကို လုပ်ဆောင်သွားမည်ဟု ကတိပြုခဲ့သည်။ မြောက်ကိုရီးယား၏ အကြောင်းပြချက်မရှိဘဲ တားမြစ်ထားမှုကြောင့် ယခုလက်ရှိတွင် နှစ်နိုင်ငံမိသာစု ပြန်လည်ပေါင်းစည်းရေး အစီအစဉ်အား ရပ်ဆိုင်းထားရသည်။
………………………………
ရုရှားရှိ နိုင်ငံရေးအကျဉ်းသားများအရေး ဆောင်ရွက်သွားမည်ဟု ခိုဒိုကော့ဗ်စကီးဆို
၁၀ စုနှစ်တစ်ခုကြာ အကျဉ်းကျခံရပြီးနောက် ပြီးခဲ့သည့်လကမှ ပြန်လည် လွတ်မြောက်လာသည့် ရုရှားရေနံသူဌေး မီခေးလ် ခိုဒိုကော့ဗ်စကီးက လက်ရှိနေထိုင်နေသည့် နယူးဇီလန်နိုင်ငံမှနေ၍ ရုရှားရှိနိုင်ငံရေးအကျဉ်းသားများအရေးကို လုပ်ဆောင်သွားမည်ဟု ယမန်နေ့တွင် ပြောကြားခဲ့သည်။ ခိုဒိုကော့ဗ်စကီးမှာ သမ္မတပူတင်၏ အတိုက်အခံနိုင်ငံရေးသမားတစ်ဦဖြစ်ပြီး ယခင်ကတည်းက ပူတင်အစိုးရ၏ လူ့အခွင့်အရေးချိုးဖောက်မှုများကို ဝေဖန်ခဲ့သူဖြစ်သည်။
………………………………
ပထမဆုံး ဆေးလိပ်မသောက်ရ ဒေသတစ်ခု စင်ကာပူထူထောင်
စင်ကာပူနိုင်ငံ၏ ပထ၀ီနယ်နမိတ်အတွင်း ပထမဦးဆုံး ဆေးလိပ်မသောက်ရဒေသတ်မှတ်မှုအား အစမ်းသဘောအနေဖြင့် ယမန်နေ့က စတင်ခဲ့သည် ဟု သိရသည်။ ဆေးလိပ်မသောက်ရ ဒေသအဖြစ် Nee Soon South မဲဆန္ဒနယ်အား သတ်မှတ်ခဲ့ခြင်းဖြစ်ပြီး ထိုဒေသတွင် ဆေးလိပ်သောက်ရန် သီးသန့်နေရာ ၆ ခု ပြုလုပ်ပေးထားသည်။ ထိုအစီအစဉ်မှာ လေထုအရည်အသွေး တိုးတက်စေရန် ရည်ရွယ်ဆောင်ရွက်ခြင်ဖြစ်ပြီး အစမ်းကာလမှာ ၁- နှစ်ကြာမြင့်မည်ဖြစ်သည်။
………………………………
ရုရှားမှ စစ်သုံးရဟတ်ယာဉ် ၁၃-စီး အီရတ်သို့ပို့
နှစ်နိုင်ငံချုပ်ဆိုထားသည့် ကန်ဒေါ်လာ ၄.၂ သန်းတန်ဖိုးရှိ ကာကွယ်ရေး စာချုပ်အရ Mil Mi -28NE အမျိုးအစား ရဟတ်ယာဉ် ၁၃-စင်းအား ရုရှားနိုင်ငံမှ အီရတ်နိုင်ငံသို့ ယမန်နေ့က ပေးပို့ခဲ့သည်ဟု သိရသည်။ ညဘက်ပြုလုပ်နိုင်သည့် စွမ်းဆောင်ရည်များကြောင့် ထိုရဟတ်ယာဉ်များအား ‘ညမုဆိုး’ ဟု အမည်ပေးထားသည်။ ၂၀၁၂ ခုနှစ်တွင်ချုပ်ဆိုခဲ့သည့် ထိုကာကွယ်ရေးစာချုပ်အရ အီရတ်နိုင်ငံမှာ ပြီးခဲ့သည့် နှစ်ကလည်း ထိုရဟတ်ယာဉ် ၁၅-စင်းအားရရှိခဲ့ပြီး Pantsir-S1 အမည်ရသည့် လေကြောင်းကာကွယ်ရေး စနစ် ၂၄ ခုနှင့် Mi -28NE အမျိုးအစား ရဟတ်ယာဉ် ၁၂ စီး ထပ်မံရရှိရန် ရှိနေသည်။
………………………………
ဂျကာတာရှိ မြန်မာသံရုံအား ဗုံးခွဲရန်ကြံစည်သူအား ထောင်ဒဏ် ၇ နှစ်ခွဲ အင်ဒိုနီးရှားချမှတ်
ရိုဟင်ဂျာများအား သတ်ဖြတ်မှုများကို လက်စားချေရန်အတွက် မြန်မာသံရုံးအား ဗုံးခွဲတိုက်ခိုက်ရန် ကြံစည်ခဲ့သည့် စစ်သွေးကြွတစ်ဦးအား အင်ဒိုနီးရှား တရားရုံးမှ ယနေ့တွင် ထောင်ဒဏ် ၇ နှစ်ခွဲချမှတ်ခဲ့သည်ဟု သိရသည်။
အသက် ၂၂ အရွယ်ရှိ Achmad Taufiq အမည်ရသည့် ထိုတရားခံမှာ မေလအတွင်းက မြန်မာသံရုံအား ဗုံးခွဲရန်ကြံစည်သူများတွင် ပါဝင်ခဲ့ပြီး၊ ဗုံးခွဲရန်အတွက် လက်လုပ်ဗုံးများအား ဆိုင်ကယ်ဖြင့် သယ်ဆောင်လာစဉ် ရဲတပ်ဖွဲ့က ဖမ်းဆီးလိုက်ခြင်းဖြစ်ပြီး ထိုစဉ်ကတည်းက တရားရင်ဆိုင်နေခဲ့ရသူဖြစ်သည်။
၎င်းမှာ အင်ဒိုနီးရှားရှိ Negara Islam Indonesia အစွန်းရောက်အဖွဲ့ဝင်တစ်ဦးဟု သိရပြီး၊ ရိုဟင်ဂျာများအား တိုက်ခိုက်မှုများကို ရပ်တန့်အောင် ဆောင်ရွက်ရန်အတွက် မြန်မာအစိုးရအား ဖိအားပေးလိုသော ရည်ရွယ်ချက်ဖြင့် ထိုကဲ့သို့ဖောက်ကွဲရန် ကြံစည်ခဲ့ခြင်းဖြစ်သည်ဟု ထွက်ဆိုခဲ့သည်။
………………………………
အစ္စရေး၏ ပြုမူဆက်ဆံပုံများနှင့် ပက်သက်၍ အာဖရိက ဒုက္ခသည်များ ဆန္ဒပြ
ဒုက္ခသည်များဖြစ်သည့် ၎င်းတို့၏အခြေအနေအား အသိအမှတ်ပြုပေးရေး အတွက် တောင်းဆိုသော ဆန္ဒပြမှုတစ်ခုအား အစ္စရေးရှိ အာဖရိက ဒုက္ခသည်များက ယမန်နေ့တွင် တယ်လ်အဗီးမြို့၌ ပြုလုပ်ခဲ့ကြသည်ဟု သိရသည်။ ထိုဆန္ဒပြပွဲတွင် အာဖရိကမှ ဒုက္ခသည် ၃၀၀၀ ကျော်ပါဝင်ခဲ့ကြပြီး “ကျွန်ုပ်တို့အားလုံးမှာ ဒုက္ခသည်များဖြစ်ကြသည်” “လွတ်လပ်စွာနေခွင့်ပေး၊ ထောင်ထဲသို့မထည့်နှင့်” စသည့် ကြွေးကျော်သံများကို ကြွေးကြော်ခဲ့ကြ သည်။
ထို့ပြင် မိမိတို့အနေဖြင့် ညှင်းပန်းနှိပ်စက်မှု၊ အာဏာရှင်စနစ်၊ ပြည်တွင်းစစ်နှင့် လူမျိုးတုန်းသက်ဖြတ်မှု စသည့်ဒဏ်များကို ခံစားရပြီးကြောင့် အစ္စရေးတွင် လာရောက်ခိုလှုံရသူများဖြစ်ပြီး အစ္စရေးအစိုးရအနေဖြင့် မိမိတို့၏ တောင်းဆိုချက် များအား လေ့လာကာ လူသားတစ်ဦးအနေဖြင့် ဆက်ဆံ သင့်ကြောင်း ဆန္ဒပြသူတစ်ဦးက ပြောကြားခဲ့သည်။
အစ္စရေး၏ လက်ရှိ ဥပဒေအရ နိုင်ငံအတွင်းသို့ဝင်ရောက်လာသည့် ဒုက္ခသည် များအား စစ်ဆေးမေးမြန်းခြင်းမရှိဘဲ ထောင်ဒဏ်တစ်နှစ် ချမှတ်နိုင်ပြီး၊ ဒုက္ခသည်များကို ဖမ်ဆီးထားရန်အတွက် Negev သဲကန္တာရအတွင်း ထိန်းသိမ်းရေး စင်တာတစ်ခုကိုလည်း တည်ဆောက်ထားသည်။
………………………………
နယူးဇီလန်ရှိ ကျွန်းတစ်ခုတွင် ဝေလငါး ၃၉-ကောင် သောင်တင် သေဆုံး
နယူးဇီလန်နိုင်ငံရှိ ကျွန်းတစ်ကျွန်းတွင် ဝေလငါး (pilot whale) ၃၉-ကောင်မှာ ယမန်နေ့က သောင်တင်ခဲ့ပြီးနောက် ယနေ့နံနက်တွင် သေဆုံးသွား ခဲ့သည်ဟု သိရသည်။ ထိုဝေလငါးများမှာ နိုင်ငံတောင်ဘက် Golden Bay ပင်လယ်အော်နားရှိ ကျွန်းတစ်ကျွန်းပေါ်တွင် သောင်တင်ခဲ့ခြင်းဖြစ်ပြီး၊ မိမိတို့ တပ်ဖွဲ့များမှာ ဝေလငါးများသောင်တင်မှုများအား စောင့်ကြည့်နေခဲ့သော်လည်း ရပ်တန့်သွားရန်အတွက် လုပ်ဆောင်နိုင်မှုမရှိကြောင်း သဘာဝပတ်ဝန်းကျင် ထိန်းသိမ်းရေးဌာနမှ သတင်းထုတ်ပြန်ခဲ့သည်။
သောင်တင်လာသည့် ၃၉-ကောင်အနက် ၁၂-ကောင်မှာ သဘာဝအတိုင်း သေဆုံးခဲ့ခြင်းဖြစ်ပြီး ကျန်ဝေလငါးများအား ပင်လယ်ပြင်သို့ ပြန်လည် ရောက်ရှိအောင် ပြုလုပ်နိုင်ခြင်းမရှိသောကြောင့် ပတ်ဝန်းကျင်ထိန်းသိမ်းရေးတပ်ဖွဲ့များမှ ဆေးထိုးသတ်ခဲ့သည်။ နယူးဇီလန် နိုင်ငံ တွင် အဆိုပါ pilot whale ဝေလငါးများ အုပ်စုလိုက်သောင်တင်ခြင်းမှာ မကြာခဏ ဖြစ်လေ့ရှိသော်လည်း မည်သည့် အတွက် ကြောင့် ရေနေနို့တိုက်သတ္တ၀ါများမှာ အဖွဲ့ လိုက် ကမ်းခြေသို့ လာရောက်ကြသည်ကို သိပ္ပံပညာရှင်များက အဖြေထုတ်နိုင်ခြင်း မရှိသေးပေ။
………………………………
ငြိမ်းချမ်းရေးဆွေးနွေးရန်အတွက် သဘောတူညီခဲ့သော်လည်း တောင်ဆူဒန်အတွင်း တိုက်ပွဲများ ဆက်လက်ဖြစ်ပေါ်နေ
– အစိုးရနှင့် သူပုန်များက အီသီယိုးပီးယားနိုင်ငံတွင် ငြိမ်းချမ်းရေးဆွေးနွေးမှုများ စတင်ပြုလုပ်ရန် စီစဉ်ခဲ့သော်လည်း တောင်ဆူဒန်နိုင်ငံအတွင်း ယမန်နေ့က အထိ တိုက်ခိုက်မှုများ ဆက်လက်ဖြစ်ပွားနေသည်ဟု သိရသည်။ နိုင်ငံမြောက်ပိုင်းရှိ ရေနံအရင်းအမြစ်များကြွယ်ဝသည့် Unity နှင့် Nile ပြည်နယ်များတွင် ဖြစ်ပွားနေခြင်းဖြစ်ပြီး၊ သူပုန်များ ထိန်းချုပ်ထားသည့် Bentiu နှင့် Malakal မြို့များအား ပြန်လည်သိမ်းပိုက်နိုင်ရန် အစိုးရတပ်များက ထိုးစစ်များ ပြုလုပ်နေသည်ဟု စစ်တပ်အကြီးအကဲ ဖိလစ် အာဂဲက ပြောကြားခဲ့သည်။
တောင်ဆူဒန်နိုင်ငံအတွင်း သမ္မတအား ထောက်ခံအားပေးသည့် အဖွဲ့နှင့် ဇူလိုင်လအတွင်းက အထုတ်ခံခဲ့ရသည့် ဒုတိယသမ္မတအား ထောက်ခံ အားပေးသည့် အဖွဲ့တို့ နိုင်ငံရေးအရ မကျေမလည် ဖြစ်ခဲ့ရာမှာ ဒီဇင်ဘာ ၁၅ ရက်နေ့တွင် အပြန်အလှန်တိုက်ပွဲများ စတင်ဖြစ်ပွားခဲ့ပြီး ယခုအချိန်အထိ လူပေါင်း ၁၀၀၀ ကျော်သေဆုံးခဲ့ရသည်။
