ဒီဇင်ဘာ ၁၇၊ ၂၀၁၃
M-Media
၂၀၁၄ တွင် ဗြိတိန်တပ်များ အာဖဂန်မှ ထွက်ခွာတော့မည်
– အာဖဂန်တွင် ဘိန်းစိုက်ပျိုးမှုများ၊ လူ့အခွင့်အရေးချိုးဖောက်မှုများနှင့် တာလီဘန်တို့၏ တိုက်ခိုင်းမှုများ၊ ဆက်လက်ဖြစ်ပွားနေသောကြောင့် စိုးရိမ်မှုများ ဖြစ်ပေါ်နေသော်လည်း ဗြိတိသျှတပ်များ၏ တာဝန်များမှာ ပြီးမြောက်ခဲ့ပြီဖြစ်ပြီး လာမည့်နှစ်တွင် အာဖဂန်မှာ ထွက်ခွာတော့မည်ဟု ဗြိတိန်ဝန်ကြီးချုပ် ဒေးဗစ်ကင်မရွန်းက ယမန်နေ့တွင် ပြောကြားခဲ့သည်။
အာဖဂန်တောင်ပိုင်းရှိ ဗြိတိသျှ တပ်ဖွဲ့များထံသို့ ခရစ္စမတ်အကြိုအဖြစ် သွားရောက်လည်ပတ်စဉ်အတွင်း ၁၂ နှစ်ကြာ တိုက်ခိုက်ခဲ့ပြီးနောက် တာဝန်များ ပြီးဆုံးခဲ့ပြီဖြစ်၍ စစ်သားများ အိမ်ပြန်နိုင်မည်လားဟု ကင်မရွန်းအား မေးမြန်းခဲ့ရာ ကင်မရွန်းက ပြန်နိုင်မည်ဟု ထင်မြင်မိကြောင်း ဖြေကြားသွားခဲ့သည်။
Ref:aljazeera
——————————————————————
ဆီးရီးယား ဒုက္ခသည်များသို့ ကုလမှ ဒေါ်လာ ၆.၅ ဘီလီယံတန်ဖိုးရှိ ကူညီမှုများ ပေးအပ်သွားမည်
– ဆီးရီးယားနိုင်ငံတွင် ၃၃ လကြာဖြစ်ပွားနေသည့် ပြည်တွင်း စစ်ပွဲများအတွင်း အိုးအိမ်မဲ့ဖြစ်ခဲ့ပြီး နိုင်ငံအတွင်းရှိ ဒုက္ခသည်စခန်းများနှင့် အိမ်နီးချင်းနိုင်ငံများတွင် ခိုလှုံနေရသည့် ဆီးရီးယားနိုင်ငံသား ၁၆ သန်းအတွက် ကန်ဒေါ်လာ ၆.၅ ဘီလီယံ တန်ဖိုးရှိ အကူအညီများကို ပေးအပ် သွားရန် ကုလသမဂ္ဂမှ အခြားနိုင်ငံများအား မေတ္တာ ရပ်ခံခဲ့သည်ဟု သိရသည်။
ထိုပမာဏမှာ ၂၀၁၄ ခုနှစ်အတွက် နိုင်ငံပေါင်း ၁၇ နိုင်ငံရှိ ပြည်သူ ၅၂ သန်းအား ကူညီရန် စီစဉ်ထားသည့် ငွေပမာဏ ၁၂.၉ ဘီလီယံ၏ ထက်ဝက်လည်းဖြစ်ပြီး ကုလ၏ စံချိန်တင် ကူညီမှုလည်း ဖြစ်လာမည်ဟု ကုလသမဂ္ဂ အရေးပေါ် ကယ်ဆယ်ရေးအဖွဲ့၏ အကြီးအကဲဖြစ်သူ ဗလာရီ အေမို့စ်က ဂျနီဗာတွင် ယမန်နေ့က ပြုလုပ်ခဲ့သည့် အလှူရှင်နိုင်ငံများ အစည်းအဝေးတွင် ပြောကြားခဲ့သည်။
Ref:aljazeera
——————————————————————
ရေကြောင်း လုံခြုံရေးအတွက် အာဆီယံနိုင်ငံများသို့ ဒေါ်လာ ၃၂.၅ သန်း အမေရိကန် ထောက်ပံ့
– ရေကြောင်းဆိုင်ရာ လုံခြုံရေးလုပ်ငန်းများကို တိုးမြှင့်ရန်အတွက် အရှေ့တောင်အာရှနိုင်ငံများသို့ အမေရိကန်နိုင်ငံက ကန်ဒေါ်လာ ၃၂.၅ သန်းတန်ဖိုးရှိမည့် အကူအညီများကို ယမန်နေ့က ပေးအပ်ခဲ့သည်ဟု သိရသည်။
ထို့အကူအညီ၏ ထက်ဝက်ကျော်မှာ ဗီယက်နမ်နိုင်ငံအား ပေးအပ်ခဲ့ခြင်းဖြစ်ပြီး တောင်တရုတ် ပင်လယ်အတွင်း တရုတ်နှင့် အခြားနိုင်ငံများ ပိုင်ဆိုင်မှုဆိုင်ရာ တင်းမာမှုများ တိုးပွားလာချိန်နှင့်လည်း တိုက်ဆိုင်နေသည်။
သို့သော်လည်း နိုင်ငံခြားရေးဝန်ကြီးအဖြစ် ဗီယက်နမ်နိုင်ငံသို့ ပထမဆုံးရောက်ရှိခဲ့သည့် ဂျွန်ကယ်ရီက ထိုအကူအညီများမှာ တရုတ်နိုင်ငံနှင့် ပက်သက်ခြင်းမရှိဟု ပြောဆိုခဲ့သည်။
Ref:aljazeera
——————————————————————
– မိမိတို့၏ ဆက်သွယ်ရေးလိုင်းအား သုံးစွဲသူများအချို့အနေဖြင့် SMS ပေးပို့မှု၊ လက်ခံမှုများတွင် အခက်အခဲများနှင့် ရင်ဆိုင်ရနိုင်သည်ဟု စင်ကာပူဆက်သွယ်ရေး ကုမ္ပဏီတစ်ခုဖြစ်သည့် SingTel က ၎င်း၏ Facebook စာမျက်နှာတွင် သုံးစွဲသူများအား အသိပေး အကြောင်းကြားခဲ့သည်။ ကုမ္ပဏီ၏ SMS ဆားဗစ်မှာ ပြဿနာအနည်းငယ်နှင့် ရင်ဆိုင်နေရပြီး အင်ဂျင်နီယာများက စစ်ဆေးလျက်ရှိကာ ပုံမှန်အတိုင်းဖြစ်အောင် အမြန်ဆုံး ဆောင်ရွက်သွားမည်ဟု ထည့်သွင်းရေးသားထားသည်။
