နိုဝင်ဘာ- ၂၁ ၂၀၁၃
M-Media
ဥက္ကံမြို့တွင် လွန်ခဲ့သော ခုနစ်လခန့်က ဖြစ်ပွားခဲ့သည့် ပဋိပက္ခတွင် ပါဝင်သည်ဟုဆိုကာ တိုက်ကြီးမြို့နယ် သစ်ထုတ်လုပ်ရေး လုပ်ငန်းမှ အသက် ၃၃ နှစ်အရွယ် ဝန်ထမ်း ကိုဆန်းလင်းထွန်းကို နိုဝင်ဘာလ ၁၉ ရက်နေ့ မွန်းလွဲ ၁ နာရီခန့်က တိုက်ကြီးမြို့နယ် တရားရုံးက အလုပ်ကြမ်းနှင့် ထောင်ဒဏ်ငါးနှစ် ချမှတ်ခဲ့ကြောင်း ၎င်း၏ မိသားစုဝင် တစ်ဦးကြောင်း The Voice Weekly တွင် ဖော်ပြထားပါသည်။
ချင်းအမျိုးသား ပါတီနှင့် ချင်းတိုးတက်ရေး ပါတီတို့သည် ချင်းအမျိုးသား တိုးတက်ရေးပါတီ (Chin National Progressive Party – CNPP) အဖြစ် အမည်ပြောင်း မှတ်ပုံတင်ရန် နိုဝင်ဘာလ ၁၅ ရက်နေ့က ဟားခါးမြို့တွင် ကျင်းပသော ပူးပေါင်းရေး ဆိုင်ရာ တွေ့ဆုံ ဆွေးနွေးပွဲတွင် ဆုံးဖြတ်ခဲ့ကြောင်း သိရသည်။
ပြီးခဲ့တဲ့နှစ် ဒီဇင်ဘာလက ရန်ကုန်မြို့ တရုတ်သံရုံးရှေ့ကို လက်ပံတောင်းတောင် သပိတ်စခန်းက ဆန္ဒပြသံဃာတော်တွေကို အကြမ်းဖက်ဖြိုခွင်းခဲ့မှုနဲ့ ပတ်သက်ပြီး လမ်းလျှောက်ချီတက် ဆန္ဒပြရာမှာ ဦးဆောင်ပါဝင်သူ ၆ ဦးဖြစ်တဲ့ ကိုဒီငြိမ်းလင်း၊ ကိုမိုးသွေး၊ ကိုအောင်မျိုးဦး၊ ကိုစိုးမိုးထွန်း၊ ကိုမြင့်ကျော်နဲ့ မသန္တာ တို့ ကို ကြည့်မြင်တိုင်မြို့နယ် တရားရုံးက ဒီကနေ့ ထောင်ဒဏ် ၁ လ အမိန့်ချမှတ်ခဲ့ပါတယ်။
ရခိုင်ပြည်နယ် မှာ ကလေး(၂) အသတ်ခံရမှုနှင့် ပတ်သက်ပြီး ပေါက်တော ဖြစ်စဉ်တွင် မသင်္ကာသူ ခမီအမျိုးသား ရေလုပ်သား ၆ ဦးကို ခေါ်ယူ စစ်ဆေးလျက် ရှိကြောင်း၊ ကျောက်တော် ဖြစ်စဉ်တွင် ရခိုင် တိုင်းရင်းသား ၅ ဦး၊ မွတ်စလင် နှစ်ဦးတို့အား ခေါ်ယူစစ်ဆေးခဲ့ပြီး မွတ်စလင် နှစ်ဦးမှာ အပြစ်မရှိကြောင်း သက်သေ ပြနိုင်သောကြောင့် ပြန်လွှတ်ပေး လိုက်ကြောင်း ဧရာဝတီရဲ့ သတင်းမှာ ဖော်ပြထားတာကိုတွေ့ရှိရပါသည်။
———————————————————————————–
အမေရိကန်-အာဖဂန် လုံခြုံရေးဆိုင်ရာ ကိစ္စရပ်များအတွက် မျိုးနွယ်စုခေါင်းဆောင်များ ဆွေးနွေးမည်
လာမည့်နှစ်တွင် နိုင်ငံအတွင်းမှ အမေရိကန်တပ်ဖွဲ့ဝင်များအားလုံးထွက်ခွာသွားပြီးနောက် အမေရိကန်စစ်တပ်၏ အခန်းကဏ္ဍနှင့်ပက်သက်၍ ဆုံးဖြတ်ရန် အာဖဂန်နိုင်ငံရှိ ထောင်ချီသော မျိုးနွယ်စုခေါင်းဆောင်များက ကဘူးလ်မြို့တွင် ဆွေးနွေးပွဲတစ်ခု ကျင်းပတော့မည်ဟု သိရသည်။
၃ ရက်တာကြာမြင့်မည့် ထိုဆွေးနွေးပွဲသို့ ကိုယ်စားလှယ်ပေါင်း ၂၅၀၀ ကျော်တက်ရောက်ကြမည်ဖြစ်ပြီး၊ အမေရိကန်တပ်ဖွဲ့များ တိုင်းပြည်မှ ထွက်သွားပြီးနောက် အမေရိကန်စစ်သား မည်မျှချန်ထားမည်ဆိုသည်နှင့် နိုင်ငံခြားတပ်များမှ ဆောင်ရွက်သွားခဲ့သော စစ်ဆင်ရေးများ၏ တရားစီရင်ပိုင်ခွင့်နှင့် ကင်းလွတ်ခွင့် မေးခွန်းများအပေါ် အများသဘောတူညီမှုရရန် ဆွေးနွေးသွားမည်ဖြစ်သည်။
နိုင်ငံ၏ လုံခြုံရေးဆိုင်ရာကိစ္စအတွက် အာဖဂန်စိုးရနှင့် အမေရိကန်တို့ သဘောတူညီခဲ့သည်ဟု ကြေညာချက်ထွက်ပေါ်လာပြီးနောက်ပိုင်း အာဖဂန်နစ္စတန်နိုင်ငံတွင် ရာစုနှစ်များစွာ ရှိနေခဲ့သည့် ဓလေ့ထုံးတမ်းဆိုင်ရာ အဖွဲ့တစ်ခုဖြစ်သည့် Loya Jirga အဖွဲ့မှ ထိုအစည်းအဝေးအား စီစဉ်ကျင်းပခြင်းဖြစ်သည်။
အဆိုပါ လုံခြုံရေးဆိုင်ရာနှစ်နိုင်ငံသဘောတူညီချက်(BSA) ကို Loya Jirga အဖွဲ့၏ ကိုယ်စားလှယ်များနှင့် အာဖဂန်ပါလီမန်တို့က သဘောတူ လက်မှတ်ရေးထိုးပြီးမှသာ အာဖဂန်သမ္မတ ဟာမစ်ကာဇိုင်းက လက်မှတ်ရေးထိုးနိုင်မည်ဖြစ်သည်။
လုံခြုံရေးဆိုင်ရာ သဘောတူညီချက် မူကြမ်းအား အာဖဂန်နိုင်ငံခြားရေးဝန်ကြီးဌာနမှ ယမန်နေ့တွင် ထုတ်ပြန်ခဲ့ခြင်းဖြစ်ပြီး ထိုမူကြမ်းအရ အမေရိကန် စစ်သားများမှာ အာဖဂန်နိုင်ငံအတွင်း ပြစ်မှုဆိုင်ရာ စွပ်စွဲချက်များ အတွက် အထူး အခွင့်အရေးရှိမည်ဖြစ်ပြီး၊ နိုင်ငံအတွင်း အခြေစိုက် စခန်းများကို ထိန်းသိမ်းနိုင်မည်ဖြစ်သည်။
………………………………………..
ဟူစတန်မြို့တွင် သေနတ် ပစ်မှုဖြစ်ပွား ၃ ဦးသေဆုံး
အမေရိကန်ပြည်ထောင်စု တက္ကဆက်ပြည်နယ် ဟူစတန်မြို့အနောက်မြောက်ပိုင်းရှိ အိမ်ယာ တစ်ခုတွင် ယမန်နေ့က သေနစ်ပစ်ခတ်မှု တစ်ခုဖြစ်ပွားခဲ့ပြီး ၃ ဦးသေဆုံးခဲ့ကာ ၂ ဦးဒဏ်ရာရရှိခဲ့သည်ဟု သိရသည်။
ယမန်နေ့ ညနေ ၄ နာရီခွဲက Sunbury Downs Apartment အိမ်ရာတွင် ဖြစ်ပွားခဲ့ခြင်းဖြစ်ပြီး တရားခံမှာ လွတ်မြောက်နေဆဲဖြစ်သည်ဟု ရဲတပ်ဖွဲ့က ပြောကြားခဲ့သည်။ သေဆုံးသူများမှာ အမျိုးသားနှစ်ဦးနှင့် အမျိုးသမီးတစ်ဦးတို့ဖြစ်ကြပြီး ဒဏ်ရာရသူများမှာ အမျိုးသမီးတစ်ဦးနှင့် အမျိုးသားတစ်ဦးတို့ဖြစ်ကြသည်။
တရားခံမှာ တိုက်ခန်းအတွင်းသို့ ၀င်ရောက်ခဲ့ပြီးနောက် ပစ်ခတ်ခဲ့ခြင်းဖြစ်သည်ဟု မျက်မြင်သက်သေတစ်ဦးက ပြောကြားခဲ့သည်။ လွန်ခဲ့သည့် ၁၁ ရက်ခန့်ကလည်း ထိုအနီးအနားတစ်ဝိုက်တွင် ပစ်ခတ်မှု တစ်ခုဖြစ်ပွားခဲ့ပြီး လူ ၂ ဦးသေဆုံးခဲ့ကာ ၂၀ နီးပါး ဒဏ်ရာရရှိခဲ့သည်။
ပြီးခဲ့သည့်နှစ် ဒီဇင်ဘာလက ကွန်နက်တီကတ်ပြည်နယ် နယူးတောင်းမြို့ မူလတန်းကျောင်းတွင်ဖြစ်ပွားခဲ့သည့် မူလတန်းကျောင်းသား ၂၀ ကျော်သေဆုံးခဲ့သော သေနတ် ပစ်ခတ်မှုနောက်ပိုင်း အမေရိကန်နိုင်ငံ တစ်ဝှမ်းတွင် ယခုအချိန်အထိ သေနတ် ပစ်ခတ်မှုများကြောင့် သေဆုံးသူဦးရေ ၃ သောင်းကျော်ရှိပြီဖြစ်သည်။
……………………………………
Presidential Medal of Freedom ဆု အိုဘာမားချီးမြှင့်
အမေရိကန်အစိုးရက အရပ်သားများအား ချီးမြှင့်သည့် ဆုတွင် အမြင့်ဆုံး ဆုတံဆိပ်တစ်ခုဖြစ်သည့် Presidential Medal of Freedom ဆုကို ယမန်နေ့က အိမ်ဖြူတော်တွင် အမေရိကန် သမ္မတ အိုဘားမားက ချီးမြှင့်ခဲ့သည်ဟု သိရသည်။
သမ္မတဟောင်း ဂျွန် အက်ဖ်ကနေဒီ လုပ်ကြံခံရသည့် နှစ် ၅၀ ပြည့်မြောက်သည့်နေ့တွင် ဂုဏ်ပြုချီးမြှင့်ခဲ့ခြင်းလည်းဖြစ်သည်။ ထိုဆုရရှိသူများတွင် ကန်းထရီး ဂီတအကျော်အမော် လိုရက်တာ လင်း၊ ရုပ်သံလုပ်ငန်းဖြင့်အောင်မြင်ခဲ့သူ အော်ပရာ ၀င်ဖရေးနှင့် အမေရိကန်သမ္မတဟောင်း ဘီလ်ကလင်တန်တို့ ပါဝင်ခဲ့ပြီး နိုင်ငံရေး၊ ဖျော်ဖြေရေး၊ အားကစား၊ ဂျာနယ်လစ်၊ ဥပဒေ နယ်ပယ်၊ လူ့အခွင့်အရေးနှင့် အမျိုးသမီး တန်းတူ ညီမျှရေးဆောင်ရွက်သူများနှင့် အာကာသဆိုင်ရာ စူးစမ်းရှာဖွေသူ စသဖြင့် စုစုပေါင်း ၁၆ ဦးအား ပေးအပ်ချီးမြှင့်ခဲ့သည်။
Presidential Medal of Freedom ဆုအား ၁၉၆၃ ခုနှစ်တွင် အမေရိကန် သမ္မတဟောင်း ဂျွန်အက်ဖ်ကနေဒီက စတင်ပေးအပ်ချီးမြှင့်ခဲ့ခြင်းဖြစ်သည်။ စတင်ပေးအပ်ခဲ့သည့် အချိန်မှစ၍ ယခုအချိန်အထိ အမေရိကန်နိုင်ငံ၏ အမျိုးသား အကျိုးစီးပွားနှင့် လုံခြုံရေးကို ကူညီဆောင်ရွက်ပေးသူများ၊ ကမ္ဘာကြီး၏ ငြိမ်းချမ်းရေး၊ ယဉ်ကျေးမှုနှင့် အများအကျိုးကို ကြိုးပမ်းဆောင်ရွက်ခဲ့သူ ၅၀၀ ကျော်ကို ပေးအပ်ချီးမြှင့်ခဲ့ပြီးဖြစ်သည်။
…………………………………..
ဟောင်ကောင်ရှိ အိမ်အကူလုပ်သားများမှာ ကျွန်များကဲ့သို့ ဆက်ဆံခြင်းခံနေရဟု လူ့အခွင့်အရေးအဖွဲ့ဆို
ကမ္ဘာ့လုံးဆိုင်ရာ လူ့အခွင့်အရေးစောင့်ကြည့်သည့် အဖွဲ့တစ်ခုဖြစ်သည့် Amnesty International အဖွဲ့က ဟောင်ကောင်တွင် အိမ်အကူအဖြစ် အလုပ်လုပ်ကိုင်လျက်ရှိသည့် အင်ဒိုနီးရှား အမျိုးသမီးများ၏ ကျွန်များကဲ့သို့ နေထိုင်လုပ်ကိုင်နေရသည့်အခြေအနေကို ရှုတ်ချလိုက်ပြီး၊ အာဏာပိုင်များ၏ အရေးမယူ လစ်လျူရှုမှုမှာ ဆင်ခြေပေး၍ပင်မရဟု ယနေ့တွင် ထုတ်ပြန်သော အစီရင်ခံစာတွင် ဖော်ပြထားသည်။
ထိုအစီအရင်ခံစာအား Exploited for Profit Failed by Governments ဟု မည်ပေးထားပြီး အင်ဒိုနီးရှားအိမ်အကူတစ်ဦးအား မီးပူဖြင့်ကပ်ခြင်း၊ ဆိုင်ကယ်ချိန်းကြိုးဖြင့် ရိုက်ခြင်းများအပါအ၀င် လူမဆန်သော နှိပ်စက်မှုများကြောင့် ဟောင်ကောင်ဇနီးမောင်နှံနှစ်ဦးအား ထောင်ချခဲ့ပြီးနောက် သီတင်းပတ်အနည်းငယ်အကြာတွင် ထွက်ပေါ်လာခြင်းဖြစ်သည်။
အင်ဒိုနီးရှားအိမ်အကူ လုပ်သားများမှာ လိုအပ်သောစာရွက်စာတမ်းများအား ဈေတင်ခြင်း၊ မြင့်မားသောလစာနှင့် ကောင်းမွန်သော အလုပ်အကိုင်အခြေအနေများ ရမည်ဟူသည့် မှားယွင်းသော ကတိများပေးခြင်း စသဖြင့် အလုပ်ရှာဖွေရေးအေဂျင်စီများ၏ ခေါင်းပုံဖြတ်မှုကို ခံနေရကြောင်း Amnesty အဖွဲ့၏ လေ့လာချက်များအရတွေ့ ရှိရသည်ဟု ထိုအစီရင်ခံစာတွင် ထည့်သွင်းဖော်ပြထားသည်။
ထိုပြင် ထိုကဲ့သို့သောအခြေအနေများအား ကိုင်တွယ်ခြင်းမရှိသည့် ဟောင်ကောင်နှင့် အင်ဒိုနီးရှားအစိုးရတို့၏ လစ်လျူရှုမှုမှာ ဆင်ခြေပေး၍ပင် မရနိုင်ဟု ဖော်ပြထားသည်။ ဟောင်ကောင်နိုင်ငံတွင် အရှေ့တောင် အာရှနိုင်ငံများ၊ အထူးသဖြင့် အင်ဒိုနီးရှားနှင့် ဖိလစ်ပိုင်နိုင်ငံများမှ အိမ်အကူလုပ်သား ၃ သိန်းနီးပါး သွားရောက်အလုပ်လုပ်ကိုင်နေကြပြီး ထိုအလုပ်သမားများပေါ် ဆက်ဆံမှုများနှင့် ပက်သက်ပြီး လူအခွင့်အရေး အဖွဲ့အစည်းများ၏ ဝေဖန်မှုများမှာ တစ်ထက်တစ်စ တိုးပွားလာနေသည်။
………………………..
ဒရုန်းလေယာဉ်ဖြင့်တိုက်ခိုက်မှုကြောင့် ပါကစ္စတန်တွင် ၆ ဦးသေဆုံး
ပါကစ္စတန်အနောက်မြောက်ပိုင်းဒေသရှိ မျိုးနွယ်စုများနေထိုင်သည့် ဒေသအား ပစ်မှတ်ထားသော အမေရိကန် ဒရုန်းလေယာဉ်များဖြင့် တိုက်ခိုက်မှုကြောင့် လူ ၆ ဦးသေဆုံးခဲ့သည်ဟု သိရသည်။
ထိုတိုက်ခိုက်မှုအား Khyber Pakhtunkhwa ပြည်နယ်၊ Hangu ခရိုင်တွင် ယနေ့နံနက် အစောပိုင်းက ပြုလုပ်ခဲ့ခြင်းဖြစ်သည်။ အမေရိကန်မှာ ပါကစ္စတန်အပါအ၀င်၊ အာဖဂန်၊ ယီမင်နှင့် ဆိုမာလီယာတို့တွင် ဒရုန်းလေယာဉ်များဖြင့် တိုက်ခိုက်မှုမြောက်များစွာကို ပြုလုပ်ခဲ့သည်။
အဆိုပါတိုက်ခိုက်မှုများမှာ စစ်သွေးကြွများအား ရည်ရွယ်တိုက်ခိုက်ခြင်းဖြစ်သည်ဟု ၀ါရှင်တန်က ပြောဆိုသော်လည်း၊ သေဆုံးသူအများစုမှာ အရပ်သားများ သာဖြစ်ကြသည်။ ဂျာနယ်လစ်ဆိုင်ရာ စုံစမ်း စစ်ဆေးမှုဗျူရို၏ အဆိုအရ ပါကစ္စတန်တွင် ဒရုန်းလေယာဉ်များဖြင့် တိုက်ခိုက်ခံရ၍ သေဆုံးခဲ့သူ အရပ်သားအရေအတွက်မှာ ၂၀၀၈ ခုနှစ်မှ ယခုအချိန်အထိ ၃၀၈ ဦးမှ ၇၈၉ ဦးအကြားတွင်ရှိသည်ဟု သိရသည်။
…………………………………
လိင်ပိုင်းဆိုင်ရာ ကျူးလွန်သည်ဟု သတင်းများ ထွက်ပေါ်လာပြီးနောက် အိန္ဒိယ နာမည်ကြီး မဂ္ဂဇင်း အယ်ဒီတာ တစ်ဦးနှုတ်ထွက်
နိုင်ငံအနောက်ပိုင်း ဂိုအာပြည်နယ်တွင် မကြာသေးမီက ပြုလုပ်ခဲ့သည့် နှစ်ပတ်လည် မီဒီယာအစည်းအဝေးတစ်ခုတွင် ကောလိပ်ကျောင်းသူတစ်ဦးအား လိင်ပိုင်းဆိုင်ရာ စော်ကားမှုများ ပြုလုပ်ခဲ့သည်ဟူသော စွပ်စွဲချက်များ ထွက်ပေါ်လာပြီးနောက် အိန္ဒိယနိုင်ငံ၏ နာမည်ကြီး ဂျာနယ်လစ်တစ်ဦးဖြစ်ပြီး ထိပ်တန်းနိုင်ငံရေး သတင်း မဂ္ဂဇင်း၏ အယ်ဒီတာလည်းဖြစ်သူ Tarun Tejpal မှာ ရာထူးမှ ယာယီနှုတ်ထွက်သွားသည်ဟု သိရသည်။
လုပ်ဖော်ကိုင်ဖက်များအား ပေးပို့ခဲ့သော အီးမေးတွင် Tehelka အပတ်စဉ်မဂ္ဂဇင်း၏ အယ်ဒီတာဖြစ်သူ Tejpal က ထိုကဲ့သို့သော အဖြစ်အပျက်များအတွက် ပြေရာပြေကြောင်းဆောင်ရွက်ရန် တာဝန်မှ ၆ လ အနားယူမည်ဟု ရေးသားထားသည်။
ထိုမဂ္ဂဇင်း အယ်ဒီတာချုပ်ဖြစ်သူ Shoma Choudhary က ထိုကိစ္စရပ်မှာ အတွင်းရေးကိစ္စသာဖြစ်ကြောင်း၊ Tejpal ၏ တာဝန်ယူမှုမှာ ကျေနပ်ဖွယ်ကောင်းကြောင်းပြောကြားခဲ့သည်။
လိင်ပိုင်းဆိုင်ရာအစော်ကားခံရသည့် ကောလိပ်ကျောင်းသူက ထိုကိစ္စရပ်မှာ စိုးရိမ်ဖွယ်ဖြစ်သော လိင်ပိုင်းဆိုင်ရာ စော်ကားမှုဖြစ်ပြီး၊ အလွန်စိတ်လှုပ်ရှား ကြောက်ရွံ့ မိသည်ဟု ဖွင့်ဟခဲ့ကြောင်း ထိုအမျိုးသမီး၏ လူယုံတော်ဖြစ်က ပြောကြားခဲ့သည်။
ထိုကဲ့သို့ စွပ်စွဲချက်များထွက်ပေါ်လာပြီးနောက် အမျိုးသမီးအခွင့်အရေး လှုပ်ရှားသူများနှင့် ဂျာနယ်လစ်မြောက်များစွာတို့က ဆိုရှယ်မီဒီယာများမှ တစ်ဆင့် ထိုအမှုအား ချက်ချင်း အရေးယူဆောင်ရွက်ပေးရန် တောင်းဆိုခဲ့ကြသည်။
