အောက်တိုဘာ ၂၂၊ ၂၀၁၃
M-Media
မိမိ၏နိုင်ငံသာများကို စုံးစမ်းထောက်လှမ်းခဲ့သည့် အမေရိကန်သူလျှိုလုပ်ငန်းအား ပြင်သစ် ရှုတ်ချ
ပြင်သစ်နိုင်ငံသားများအပေါ် လျှို့ဝှက်စောင့်ကြည့်နေသည့် အမေရိကန်၏ သူလျှိုလုပ်ငန်းအား ရှုတ်ချကြောင်း အမေရိကန်သမ္မတ အိုဘားမားနှင့် ဖုန်းခေါ်ဆိုမှုအတွင်း ပြင်သစ်သမ္မတ ဖရန်ကိုအစ် ဟော်လန်ဒီက ပြောကြားခဲ့သည်ဟု သိရသည်။
ပြင်သစ်သမ္မတရုံးက ထုန်ပြန်သောအစီရင်ခံစာတွင် ‘အိမ်နီးချင်းနှင့် မဟာမိတ်နိုင်ငံများအကြား လက်ခံနိုင်ဖွယ်မရှိသည့် ထိုလုပ်ရပ်အား လုံးဝ သဘောမတူကြောင်း၊ ထို့ပြင် ထိုလုပ်ရပ်မှာ ပြင်သစ်နိုင်ငံသားများ၏ ကိုယ်ပိုင် လုံခြုံရေးအား ချိုးဖောက်ခြင်းဖြစ်သည်’ ဟု ရေးသားဖော်ပြထားသည်။
ထို့ပြင် ပြင်သစ်နှင့် အမေရိကန် နှစ်နိုင်ငံခေါင်းဆောင်များမှာ ထိုသူလျှိုလုပ်ငန်း၏ အချက်အလက်များနှင့် တိကျသော ရလဒ်များကို ဆုံးဖြတ်ရန်အတွက် အတူတကွ လုပ်ဆောင်သွားမည်ဟု သဘောတူထားကြောင်း ထိုကြေညာချက်တွင် ထည့်သွင်းဖော်ပြထားသည်။
Ref : aljazeera
_______________________
အမေရိကန်အလယ်တန်းကျောင်းသားတစ်ဦး သေနတ်ဖြင့် ပစ်ခတ်မှုတွင် ဆရာတစ်ဦးသေဆုံး
အမေရိကန်ပြည်ထောင်စု နာဗာဒါပြည်နယ်ရှိစာသင်ကျောင်းတစ်ကျောင်းတွင် ယမန်နေ့က သေနတ်ပစ်မှုတစ်ခုဖြစ်ပွားခဲ့ပြီး သင်္ချာသင်သည့် ကျောင်းဆရာတစ်ဦး သေဆုံးခဲ့ကာ အခြားကျောင်းသား ၂-ဦး ဒဏ်ရာရရှိခဲ့သည်ဟု သိရသည်။
Sparks အလယ်တန်းကျောင်းတွင် ကျောင်းခေါ်ခေါင်းလောင်း မထိုးမီ ၁၅-မိနစ်အလိုတွင် ဖြစ်ပွားခဲ့ခြင်းဖြစ်ပြီး၊ တရားခံကျောင်းသားမှာ ၎င်းကိုယ်ကို အဆုံးစီရင်သွား ခဲ့ကာ၊ သေဆုံးသွားသည့် ကျောင်းဆရာမှာ မိုက်ကယ် လန့်စ်မှာ ကျောင်းသားများအား ကာကွယ်ရင်း သေနစ်ဖြင့်ပစ်သတ်ခံခဲ့ရခြင်းဖြစ်သည်။
အခင်းဖြစ်ပွားနေစဉ်တွင် ကျောင်းသား ၃၀ ခန့်ရှိနေပြီး ကျောင်းသားတစ်ဦးက သေနတ်ထုတ်ကာ မြင်ရာကျောင်းသားများအား ပစ်ခတ်ခဲ့ခြင်းဖြစ်သည်ဟု မျက်မြင် သက်သေများက ထွက်ဆိုခဲ့ကြသည်။
သေနတ်ဖြင့်ပစ်ခဲ့သည့် အဆိုပါ တရားခံ၏အမည်အား ရဲတပ်ဖွဲ့က ထုတ်ဖော်ပြောဆိုခြင်း မပြုခဲ့ပေ။
Ref : aljazeera
_______________________
အင်ဒိုနီးရှားတွင် ငလျင်ငယ်တစ်ခုလှုပ်ခတ်
အင်ဒိုနီးရှားနိုင်ငံ ဆူးမားတြားကျွန်း မြောက်ဘက်အစွန်ရှိ အာချေး ပြည်နယ်တွင် ပြင်းအား ၅.၆ မဂ္ဂနီကျုရှိ ငလျင်တစ်ခု ယနေ့နေ့လည်ပိုင်းတွင် လှုပ်ခတ်သွားခဲ့ပြီး သေဆုံးမှု၊ ပျက်ဆီးဆုံးရှုံးမှုသတင်းများ မကြားရသေးဟု အင်ဒိုနီးရှားအာဏာပိုင်များက ပြောကြားခဲ့သည်။
ဒေသစံတော်ချိန် ယနေ့နေလည် ၁၂-နာရီ ၁၃-မိနစ်တွင် အာချေးဘဆာရ် ခရိုင် အနောက်တောင်ဘက် ၁၆ ကီလိုမီတာကို ဗဟိုပြု၍ လှုပ်ခတ်ခဲ့ခြင်းဖြစ်သည်ဟု အင်ဒိုနီးရှား မိုးလေ၀သနှင့် ဘူမိဗေဒအေဂျင်စီက ပြောကြားခဲ့သည်။
အင်ဒိုနီးရှားနိုင်ငံမှာ ကျွန်းများစွာဖြင့်ဖွဲ့စည်းထားသောနိုင်ငံတစ်ခုဖြစ်ပြီး “the Pacific Ring of Fire ဟု ခေါ်သည့် အန္တရာယ်ရှိသော ငလျင်ဇုံအတွင်း တည်ရှိနေသော နိုင်ငံဖြစ်သည်။
Ref : xinhua
_______________________
ဂျပန်ယဉ်ကျေးမှုပြပွဲ တီဟီရန်တွင်ပြုလုပ်
ဂျပန်နိုင်ငံ၏ ယဉ်ကျေးမှုအနုပညာအမွေအနှစ်များအား မိတ်ဆက်ပြသသည့် ယဉ်ကျေးမှုပြပွဲတစ်ခုအား အီရန်နိုင်ငံမြို့တော် တီဟီရန်တွင် ပြုလုပ်ခဲ့သည်ဟု သိရသည်။
ထိုပြပွဲအား တီဟီရန်ရှိဂျပန်သံရုံးမှ စီစဉ်ကျင်းပခဲ့ခြင်းဖြစ်ပြီး ဂျပန်စက္ကူဒီဇိုင်းပညာရှင် ရှူကူဘိုနှင့် အီရန်အနုပညာရှင်များ၏ ဆွေးနွေးပွဲဖြင့် ပြပွဲအား ယမန်နေ့ နံနက်ပိုင်းက စတင်ခဲ့ပြီး ညနေပိုင်းဖွင့်ပွဲအစီစဉ်အား ဂျပန်သံအမတ် ကိုဂျီ ဟန်နီဒါနှင့် တာဝန်ရှိသူများ တက်ရောက်ခဲ့ကြသည်။
ထိုပြပွဲအတွင်း စက္ကူခေါက်၍ပြုလုပ်သည့် လက်မှုပညာရပ်များ၊ လက်ရေးလှအတတ်ပညာများ၊ ကာတွန်းနှင့် ကလေးငယ်များ၏ ဓာတ်ပုံစွမ်းရည်များကို ထည့်သွင်းပြသ ခဲ့သည်။
Ref : presstv
_______________________
ဒရုန်းများဖြင့် တိုက်ခိုက်မှုများမှာ စစ်ရာဇ၀တ်မှုမြောက်ကြောင်း လူ့အခွင့်အရေးအဖွဲ့များဆို
မောင်းသူမဲ့လေယာဉ်မှ ဒရုန်းးနှင့် တိုက်ခိုက်မှုများကြောင့် ယီမင်နှင့် ပါကစ္စတန်နိုင်ငံများတွင် အရပ်သားများ သေကြမှုများမှာ စစ်ရာဇ၀တ်မှုဖြစ်ကြောင်း လူ့အခွင့်အရေး စောင့်ကြည့်လေ့လာသည့် အဖွဲ့များဖြစ်သည့် Amnesty International နှင့် Human Rights Watch အဖွဲ့များက ထုတ်ပြန်ခဲ့သည့် အစီရင်ခံစာတွင် ဖေါ်ပြခဲ့သည်။
ဒရုန်းဖြင့် တိုက်ခိုက်မှုများကြောင့် အရပ်သားများ မည်ကဲ့သို့ သေကြေခဲ့ရသည်ကို Amnesty International လူ့အခွင့်အရေး အဖွဲ့မှ အသေးစိတ်ကောက်ယူ ထားပြီး၊ ထိုအထဲတွင် အသီးအနှံများ ကောက်နေသည့် အဖွားအို သေဆုံးမှုနှင့် ထိုအဖွားအိုအား သွားရောက်သ ယ်ဆောင်သည့် မိသားစုများမှာ ဒုတိယအကြိမ် တိုက်ခိုက် ခံရမှုကြောင့် ဒဏ်ရရှိခဲ့သည့် အမှုများပါဝင်သည်။
ထိုအစီရင်ခံစာတွင် ယီမင်နိုင်ငံအတွင်း တိုက်ခိုက်ခဲ့မှုများကို လည်း ဖေါ်ပြထားပြီး အမေရိကန်မှာလူ့အခွင့်အရေးကို ချိုးဖောက်ကြောင်း ရေးသားဖော်ပြထားသည်။
Amnesty အဖွဲ့မှာ လွန်ခဲ့သည့် တစ်နှစ်ခွဲ ကာလအတွင်း အမေရိကန်က ပါကစ္စတန်တွင်ပြုလုပ်ခဲ့သည့် တိုက်ခိုက်မှု ၉-ခုအား စုံစမ်းထောက်လှမ်ခဲ့ခြင်းဖြစ်ပြီး ညစာ စားသုံးရန်ပြင်ဆင်နေကြသည့် အလုပ်သမား ၁၉-ဦးမှာ ဒရုန်းလေယာဉ်များဖြင့် တိုက်ခိုက်မှုကြောင့် သေဆုံးခဲ့သည့် ဖြစ်စဉ်လည်း ပါဝင်သည်။
Ref : presstv
______________
ရေနံထုတ်လုပ်ရန် အစိုးရက လေလံချပေးမှုကို မကျေနပ်သည့်အတွက် ဘရာဇီးတွင် ဆန္ဒပြမှုဖြစ်ပွား
ဘရာဇီးနိုင်ငံရှိ ရေနံလုပ်ကွက်တစ်ခုအား နိုင်ငံပိုင် ရေနံကုမ္ပဏီတစ်ခုဖြစ်သည့် Petrobras ကုမ္ပဏီမှ လေလံရရှိသွားသည်ကို မကျေနပ်သည့် အလုပ်သမားများက Petrobras ကုမ္ပဏီသို့ ချီတက်ကာ ယမန်နေ့က ဆန္ဒပြခဲ့ကြသည်ဟုသိရသည်။
ရေနံစည်ပေါင်း ၁၂ ဘီလီယံရှိသည့် ထိုလုပ်ကွက် လုပ်ပိုင်ခွင့်အား Petrobras၊ Shell၊ Total နှင့် တရုတ် ကုမ္ပဏီနှစ်ခုတို့အား ပူးပေါင်းလုပ်ဆောင်ရန် အစိုးရက ယမန်နေ့တွင်သတ်မှတ်ပေးခဲ့ပြီးနောက် ယခုကဲ့သို့ ဆန္ဒပြမှုများ ဖြစ်ပွားခဲ့ခြင်းဖြစ်သည်။
နိုင်ငံပိုင်သယံဇာတများအား နိုင်ငံခြားကုမ္ပဏီများ လုပ်ခွင့်ရသွားခြင်းကို မကျေနပ်၍ ဆန္ဒပြခြင်းဖြစ်ပြီး ရဲတပ်ဖွဲ့ဝင်များက မျက်ရည်ယိုဗုံးများ၊ ရာဘာကျည်ဆံများဖြင့် ပတ်ခတ်နှိမ်နင်းခဲ့သောကြောင့် လူ ၅-ဦး ဒဏ်ရာရရှိခဲ့သည်။
Ref : aljazeera
_______________________
မျက်စိအလင်းကွယ်နေသည့် တူနီးရှား အဖွားအို တစ်ဦး ဟဂ်ျခရီးစဉ်တွင် အလင်းပြန်ရ
၁၈ လကြာ မျက်စိအလင်းကွယ်နေသည့် တူနီးရှားအမျိုးသမီးတစ်ဦးမှာ ဟဂ်ျခရီးစဉ်အတွင်း သွားရောက်ရသောနေရာတစ်ခုဖြစ်သည့် အာရာဖတ်ကွင်းပြင်တွင် မျက်စိ အလင်းပြန်ရခဲ့သည်ဟုသိရသည်။
ထိုအမျိုးသမီးမှာ ကလေးငါးယောက်၏ မိခင် အသက် ၇၀-အရွယ်ရှိ နဖီဆာ အလ်-ကွာမာဇီဖြစ်ပြီး မက္ကာမြို့သို့ မျက်စိအလင်းကွယ်သူအဖြစ် လာရောက်ခဲ့သည့် သူမမှာ ယခုအခါ မျက်စိအလင်းပြန်ရသူဖြစ် တူနီးရှားသို့ ပြန်ရတော့မည်ဖြစ်သည်။
သူမမှာ လွန်ခဲသည့် ၁-နှစ်ခွဲကျော်က ပြင်းထန်စွာထိခိုက်မိသောကြောင့် မျက်စိအလင်းကွယ်ခဲ့ရခြင်းဖြစ်ပြီး၊ ဆိုးရွားစွာထိခိုက်ခဲ့ခြင်းနှင့် သူမ၏အသက်အရွယ်တို့ကြောင့် ကုသရန်မဖြစ်နိုင်ဟု ဆရာဝန်များက ပြောကြားခဲ့သည်။
“အလ္လာဟ်အရှင်မြတ်ရဲ့ စောင်မမှုရှိနေတဲ့အတွက် ကျွန်မဘယ်တုန်းကမှ မျှော်လင့်ချက်မပျောက်ခဲ့ပါဘူး။ မျက်စိအလင်းပြန်ရဖို့ အလ္လာဟ်အရှင်မြတ်ထံတော်ပါးမှာ တစ်ချိန်လုံး ကျွန်မ ဆုတောင်းနေခဲ့ပါတယ်” ဟု သူမက ပြောကြားခဲ့သည်။
အာရဖသ်ကွင်းပြင်မှာ တောင်းဆုဒိုအာကို ပိုလုပ်ဖို့ ဆုံးဖြတ်ခဲ့ပါတယ်။ အလ္လာဟ်အရှင်မြတ်က ကျွန်မကို စိတ်ပျက်အားလျော့စေမှာ မဟုတ်ဘူးဆိုတာကို ကျွန်မ ယုံကြည်ထားတယ်။ အာရဖသ်ကွင်းပြင်မှာ ဆုမွန်ဒိုအာ တောင်းခံနေတုန်း ရုတ်တရက် ကျွန်မ ပြန်မြင်ရတော့တာပဲ။
အလင်းပြရန်ခဲ့တဲ့အတွက် ပျော်လွန်းလို့ တဲထဲမှာ ငိုကြွေးနေတဲ့ကျွန်မကို အခြား ဟဂ်ျဘုရားဖူးဧည့်သည်တွေ မြင်တဲ့အခါ အားလုံးက ‘အလ္လာဟု အက္ကဘရ်’ (အလ္လာဟ် အရှင်မြတ်သာလျှင် အမြင့်မြတ်ဆုံးဖြစ်တော်မူ၏) လို့ ဟစ်အော် ကြွေးကြော်ခဲ့ကြပါတယ်” ဟု သူမ၏ မျက်စိအလင်းပြန်ရခဲ့ပုံကို ပြောကြားခဲ့သည်။
ထို့နောက် တူနီးရှားမှ မက္ကာမြို့သို့လာရောက်စဉ် မက္ကာနှင့် မဒီနာမြို့များရှိ ထွဋ်မြတ်သော နေရာများကို မြင်တွေ့ချင်သည့် အိပ်မက်တစ်ခုအား ရင်ဝယ်ပိုက်၍ လာရောက် ခဲ့ခြင်းဖြစ်ကြောင်း သူမကပြောကြားခဲ့သည်။
“အလ္လာဟ်အရှင်မြတ်ကို ကျွန်မကျေးဇူးတင်ပါတယ်။ အခုတော့ ဘယ်သူ့အကူအညီမှမပါဘဲ ကျွန်မလျှောက်ကြည့်နိုင်ပါပြီ” ဟု သူမကဆိုခဲ့ပြီး၊ အာရာဖတ်ကွင်းပြင်တွင် မြောက်များစွာသော ဘုရားဖူးဧည့်သည်များကို တွေ့မြင်ရသည့်အတွက် ပျော်ရွှင်မိကြောင်း၊ ထိုကဲ့သို့မြင်ကွင်းမျိုးကို သူမအနေဖြင့် တွေ့မြင်လိမ့်မည်ဟု မမျှော်လင့် ထားကြောင်း သူမက ထပ်လောင်းပြောကြားခဲ့သည်။
“ကမ္ဘာ့ပေါ်က အမြင့်မြတ်ဆုံးနေရာမှာ အလ္လာဟ်အရှင်မြတ်ရဲ့ ကောင်းချီးမင်္ဂလာနဲ့ ကျွန်မမျက်စိ အလင်းပြန်ရခဲ့ပါတယ်ရှင်”
Ref: Saudi Gazette
_______________________
