စက်တင်ဘာ၊ ၁၆ ၊
M-Media
ရှာဖွေ တင်ဆက်သူ – မျိုးမင်း
၁။ အသစ်ထွက်လာတော့မယ် Apple ရဲ့  iPhone 5c တို့ 5s အကြောင်း
ဒီတစ်ပါတ် နည်းပညာ သတင်းတွေထဲ့မှာ အရင်ဆုံးအနေနဲ့ iPhone 5c တို့ 5s တို့ အကြောင်းက စပြောရမယ်ထင်ပါတယ်။ ဘာလို့လဲဆိုတော့ Apple က တစ်ခုခု ထုတ်လိုက်ပြီဆိုရင် လူတွေက သဲသဲလှုတ် ကြိုက်ကြတာကိုးခင်ဗျ။ ဒီ စက်တင်ဘာလ ၁၀ ရက်ညမှ 5c နဲ့ 5s ကို ထုတ်ဖေါ် ပြသခဲ့ပါတယ်။ 5c အကတော့ အရင်က iphone 5 နဲ့ hardware အားဖြင့် တော်တော်လေး ဆင်ပါတယ်။ A6 chip ကိုပဲ သုံးထားပါတယ်။ ဈေးနှုန်းကို သက်သာအောင် ဖုန်းအိမ်ကို ပလပ်စတစ်သားနဲ့ လုပ်ထားပါတယ်တဲ့။ iphone 5 ထက် feature အသစ်လေးတွေ နဲနဲ ပိုပါတာကလွဲလို့ အတူတူ နီးပါးပါပဲတဲ့။ ဈေးကတော့ သက်သာတယ် လို့တော့ ပြောတာပါပဲခင်ဗျ။ 5c ဆိုတာတောင် “cheap” ဆိုတဲ့ အဓိပ္ပါယ်နဲ့ သုံးထားတာဆိုတော့။ ဒါပေမယ် သူတို့ပြောတဲ့ ဈေးသက်သာတယ် ဆိုတာ 16GB ဗားရှင်းကို $550 နဲ့ရမယ်လို့ ဆိုလိုတာပါ။ ဝါ၊ စိမ်း၊ ပြာ၊ ပန်းရောင်၊ အဖြူ ဆိုပြီး အရောင် ၅ မျိုး နဲ့ ဝယ်ယူနိုင်ပါတော့မယ် ခင်ဗျား။
ရွှေအဆင်းနဲ့ 5s ကတော့ A7 chip နဲ့ ဖုန်းအသစ် ဖြစ်ပါတယ်။ A7 ဟာ 64-bit processor ဖြစ်ပြီး M7 ဆိုတဲ့ “motion coprocessor” လည်း ထပ်ပြီး ပါဝင်ပါသေးတယ်။ အထူးခြားဆုံးကတော့ လက်ဗွေရာနဲ့ ဖုန်းဖွင့်ရတာပါပဲ။ ကင်မရာကတော့ ၈ megapixel ပဲ ဖြစ်ပေမယ့် မှန်ဘီလူးတွေ image sensor တွေ ပိုကောင်းတယ်လို့ ဆိုပါတယ်။ ရွှေရောင် အပြင် မီးခိုးရောင်၊ ငွေရောင် နဲ့လည်း ရနိုင်ပြီး ဈေးနှုန်းကတော့ 16GB ဗားရှင်းကို $၆၅၀ ဖြစ်ပါတယ်။
၂။ နေအဖွဲ့အစည်းပြင်ပကို ပထမဆုံးရောက်သော အာကာသယာဉ်ဖြစ်လာတော့မည့် Voyager-1
ဒီတစ်ပါတ် အာကာသ သိပ္ပံလောကမှာ မှတ်တမ်းတင်ရမယ့် ဖြစ်ရပ်ကတော့ Voyager-1 အာကာသယာဉ်ပါပဲ။ 5 September 1977 ကလွှတ်တင်လိုက်တဲ့ ဒီအာကာသယာဉ်ဟာ အခုဆိုနေအဖွဲ့အစည်းရဲ့ နယ်စွန် နယ်ဖျားကနေ တွက်ခွာပြီး ပြင်ပ စင်္ကြာဝဠာထဲကို ခရီးဆက်သွားနေပြီ ဆိုတာကို ဒီယာဉ်က ကိရီယာတွေက ပို့လွှတ်တဲ့ ပါတ်ဝန်းကျင် အာကာသရဲ့ ရာသီဥတု အချက်အလက်တွေက ပြဆိုနေပါတယ်။ သူရဲ့ ခရီးသွားနှုန်း အရလည်းအစကတည်းက ဩဂုတ်လ ၂၅ရက်လောက်မှာ ဒီလိုနေရာကို ဖြတ်ကျော်မယ်ဆိုတာကြိုတင်တွက်ဆထားပြီးသားပါ။ ဒီမှာ နေအဖွဲ့အစည်းရဲ့ နယ်နိမိတ် ဆိုတာဘာလဲဆိုတာ ရှင်းပြချင်ပါတယ်။ အလင်းမှုန်တွေ တိုက်ခတ်တဲ့ နေရဲ့ Solarwind ပျံ့နှံ့မှု ဟာ စက်လုံးပုံသဏ္ဌာန် ရှိပါတယ်။ ဒီအစွန်အဖျားဒေသဟာ Solarwind အားပျော့ရာနေရာ ဖြစ်သလို နေရဲ့ ဒြပ်ဆွဲအား ရဲ့ အဆုံးလည်း ဖြစ်ပါတယ်။ ဒီနေအဖွဲ့အစည်းတစ်ခုလုံးကလည်း စင်္ကြာဝဠာထဲမှာ အရှိန်အဟုန်နဲ့ interstellar wind ထဲမှာ တိုးဝင် ရွေ့လျားနေတဲ့အခါမှာ Heliopause လို့ခေါ်တဲ့ shock wave ဖြစ်လာပါတယ်။ Voyager-1 ဟာ အခုဒီနေရာကို ဖြတ်ကျော်သွားပြီဖြစ်လို့ Voyager-1 ဟာဆိုရင်နေ အဖွဲ့အစည်းပြင်ပကို ထွက်ခွာ ခရီးနှင်နိုင်တဲ့ လူသားတွေ တည်ဆောက်ထားတဲ့ ပထမဆုံး အာကာသယာဉ်ပဲ ဖြစ်ပါတယ်။
၃။ အာကာသစခန်းမှ အောင်မြင်စွာ ပြန်လည်ရောက်ရှိလာတဲ့ Soyuz
နိုင်ငံတကာ အာကာသစခန်းက ပြန်လည်ထွက်ခွာလာတဲ့ Soyuz capsule ဟာ Kazakhstan နိုင်ငံထဲကို ၁၁ ရက် မနက် 8:58 a.m မှာ ဆင်းသက်ခဲ့ပါတယ်။ ယာဉ်ပေါ်မှာ ရုရှနှစ်ဦးနဲ့ အမေရိကန် တစ်ဦး ပြန်လည် လိုက်ပါလာပါတယ်။ ပြန်လာတဲ့ ခရီးမှာ လမ်းကြောင်း အချက်အလက်ပြ ကိရိယာများ ချို့ယွင်းမှုကြောင့် “blind landing” ပုံစံဖြင့် ဆင်းသက်ခဲ့ရသည်ဟု Pavel Vinogradov က သတင်းစာရှင်းလင်းပွဲတွင် ပြောကြားခဲ့သည်။
၎။ တမူထားခြားမယ့် ကားကုမ္ပဏီ Nissan ကထုတ်တဲ့ Nismo Watch
အခုရက်ပိုင်းမှာတော့ smart watch တွေကို အပြိုင်အဆိုင် ထုတ်နေကြပါတယ်။ ထူးထူးဆန်းဆန်း မမျှော်လင့်ပဲ ထွက်ပေါ်လာတာကတော့ ကားကုမ္ပဏီ Nissan က ဖြစ်ပါတယ်။ Nissan Nismo ကားတွေနဲ့ တွဲဖက် သုံးစွဲဖို့ ရောင်းချသွားမယ်လို့ ဆိုပါတယ်။ နာရီမှာတော့ ကားရဲ့ မိုင်နှုန်း၊ ဓါတ်ဆီလက်ကျန်၊ စတဲ့ ကားရဲ့ အချက်အလက်တွေ အပြင် ကားမောင်းသူရဲ့ သွေးခုန်နှုံးကဲ့သို့ ကျန်းမာရေးဆိုင်ရာ အချက်အလက်တွေလည်း ဖေါ်ပြသွားနိုင်မှာပါ။ Twitter၊ Facebook၊ Pinterest နဲ့ Instagram ကဲ့သို ဆိုက်များနဲ့လည်း ချိတ်ဆက်ထားနိုင်မှာ ဖြစ်ပါတယ်။
၅။ ကိုယ်ပျောက် မိုးမျှော်အဆောက်အဦး တစ်ခု တည်ဆောက်မည်
တောင်ကိုးရီးယားနိုင်ငံ ဆိုးလ်မြို့ နိုင်ငံတကာ လေဆိပ်အနီးမှာ ကိုယ်ပျောက် မိုးမျှော်အဆောက်အဦး တစ်ခု တည်ဆောက် တော့မယ် ဆိုပါတယ်။ Tower Infinity လို့ အမည် ပေးထားပြီး အမြင့်ပေ 1,476 မှာ နံရံကို LED မျက်နှာပြင်ကြီးတွေ တပ်ဆင်ထားပြီး အဆောက်အဦးရဲ့ အခြား တစ်ဘက်က မြင်ကွင်းကို ပြသခြင်းဖြင့် ဖေါက်ထွင်းမြင် ရသလို ထင်မြင်ရမှာ ဖြစ်ပါတယ်။ ဘယ်တော့လောက် စတင်ဆောက်လုပ်မယ်ဆိုတာတော့ မကြေငြာသေးပါဘူး။
၆။ ၁၅နှစ်အရွယ် ကျောင်းသူ၏ စွမ်းအင်ဆိုင်ရာ တီထွင်မှု
British Columbia က ၁၅နှစ်အရွယ် အထက်တန်း ကျောင်းသူ Ann Makosinski ရဲ့ဟာ ဂူးဂဲလ် ကကျင်းပမယ့် သိပ္ပံ ပညာ ပြိုင်ပွဲမှာ လူရဲ့ ခန္ဓာကိုယ် အပူကနေ စွမ်းအင် ထုတ်ယူပြီး ဓါတ်မီး ထွန်းနိုင်မယ့် နည်းကို တီထွင် ထားပါတယ်။ နည်းပညာကတော့ Peltier tiles ကိုသုံးထားပါတယ်။ Peltier tiles လေးတွေဆိုတာ တစ်ဘက်မျက်နှာပြင်က အေးပြီး တစ်ဘက် မျက်နှာပြင်က ပူရင် လျှပ်စစ် ထုတ်ပေးနိုင်ပါတယ်။ အပူချိန်ကွာခြားမှု များလေလေ လျှပ်စစ် ပိုထွက်လေ ဖြစ်ပါတယ်။ လူတစ်ယောက်ရဲ့ ခန္ဓာကိုယ်ကနေ အပူစုစုပေါင်း 100 watts အား ထုတ်လုပ်ပေးနိုင်တယ်လို့ ဆိုပါတယ်။
၇။ ဂီယာပါသော ပိုးနှံကောင်
ဂီယာတွေ ဆိုတာ လူတွေ တီထွင်ထားတာ ဖြစ်ပြီး သဘာဝကနေ တုပ ဖန်တီးထားတဲ့ ပစ္စည်း မဟုတ်ခဲ့ပေမယ့် သိပ္ပံပညာရှင်တွေ ဒီတစ်ပါတ် ရှာဖွေ တွေ့ရှိသွားတာ ကတော့ အရမ်း အံ့ဩဖို့ ကောင်းပါတယ်။ Issus လို့ ခေါ်တဲ့ ပိုးနှံကောင် တစ်မျိုး ရဲ့ ခန္ဓာကိုယ်မှာ ဂီယာ နဲ့ တည်ဆောက်ထားတာ တွေ့ ခဲ့ကြပါတယ်။ နှံကောင်ခုန်တဲ့ အခါမှာ ခြေထောက်တွေ ချိန်ကိုက် လှုပ်ရှားနိုင်ဖို့ ဒီ ဂီယာက လုပ်ဆောင်ပေးပါတယ်။
၈။ Intel 3D Motion Control
3D Motion Control နဲ့ သုံးနိုင်မယ့် mouse တစ်မျိုးကို Intel ကုမ္ပဏီက ထုတ်လုပ်လိုက်ပါတယ်။ လက်ရဲ့ လှုပ်ရှားဟန်တွေနဲ့ ကွန်ပြူတာကို ထိန်းချုပ်နိုင် မှာဖြစ်လို့ အနာဂါတ်မှာ လူသုံးများလာလိမ့်မယ်လို့ သုံးသပ်ကြပါတယ်။
၉။ Intel ရဲ့ အသေးငယ်ဆုံး Quark system chip
smartwatch တွေမှာ ထည့်သွင်းအသုံးပြုနိုင်ဖို့ အဓိကထားတဲ့ Quark chip လေးကို Intelက ထုတ်လုပ်လိုက်ပါတယ်။ အရွယ် အားဖြင့် ယခင် အသေးစား atom စီးရီးchip ဆွေရဲ့ ၅ ပုံ တစ်ပုံပဲ ရှိပါတယ်။ ၎င်းကို နာရီတွေ အပြင် အခြား အီလက်ထရွန်းနစ် ပစ္စည်းတွေထဲမှာ ထည့်သွင်း တည်ဆောက်နိုင် ဖို့ ရည်ရွယ် တယ်လို့ ကြေငြာထားပါတယ်။
၁၀။ ရေခဲပြင် ဧရိယာပြန်တိုးလာတဲ့ အာတိတ်စက်ဝိုင်းဒေသ
နောက်ဆုံးအနေနဲ့ သတင်းကောင်းလေး တစ်ခု ပြောပြချင်ပါတယ်။ ကမ္ဘာကြီး ပူနွေးလာလို့ အာတိပ် ရေခဲပြင်တွေ နှစ်စဉ် နှစ်တိုင်း အရည်ပျော်လာခဲ့ပေမယ့် ဒီနှစ်တော့ ပြန်လည် တိုးပွားလာပါတယ်တဲ့။ မနှစ်ကတော့ ရေခဲပြင် ဧရိယာ ၁.၈၂ စတုရန်းပေ ရှိခဲ့ရာကနေ ဒီနှစ်မှာတော့ ၂.၃၅ စတုရန်းပေ ထိ တိုးပွားလာပါတယ် လို့ National Snow and Ice Data Center ကထုတ်ပြန်ပါတယ်။
_________________________
_________________________
_________________________
