၆-၈-၂၀၁၃
M-Media
ဗေဒါလမ်း
(၈-၈-၈၈ ) ၂၅ နှစ်ပြည့်ဒီမိုကရေစီအရေးတော
ဓါတ်ပုံများ ကြည့်၇န်။ Click Here
မန္တလေးမှာကျင်းပတဲ့ ရှစ်လေးလုံး ၂၅ နှစ်ပြည့် အခမ်းအနား သမိုင်းမှတ်တမ်းကဏ္ဍမှာ ခင်းကျင်းပြထားသော မှတ်တမ်းပုံများတွင် မန္တလေးမြို့မှ အစ္စလာမ်ဘာသာဝင်များ ပါဝင်ခဲ့သော ဓါတ်ပုံများပါဝင် ပြသထားသော ဘုတ်
သြဂုတ်လ- ၆ရက်၊ ၂-၂၀၁၃
M-Media
ရှစ်လေးလုံး ဒီမိုကရေစီအရေးတော်ပုံကြီး ငွေရတုအထိမ်းအမှတ် အခမ်းအနားသို့ မြန်မာမွတ်စလင် အစည်းအရုံး မှ သဝဏ်လွှာ တစောင်ပေးပို့ခဲ့ပါသည်။ သဝဏ်လွှာ အပြည့်အစုံမှာ အောက်ပါအတိုင်းဖြစ်သည်။
ရှစ်လေးလုံး ငွေရတု အခမ်းအနားသို့ ပေးပို့သော သဝဏ်လွှာ
၁။ လူမျိုး ဘာသာမရွေး တစ်နိုင်ငံလုံး အုံကြွပေးဆပ်ခဲ့ရသော သမိုင်းဝင် ရှစ်လေးလုံး မဟာအရေးတော်ပုံကြီး (၂၅)နှစ်ပြည့်ကာလသည် လက်ရှိအနေအထားကို သုံးသပ်ရန် အကောင်းဆုံး အချိန်အခါဖြစ်၏။
၂။ ရှစ်လေးလုံးအရေးတော်ပုံကြီးက တစ်ပါတီ စစ်အာဏာရှင်စနစ်ကို ဖြုတ်ချနိုင်ခဲ့သော်လည်း၊ စစ်အာဏာရှင်က မျက်နှာဖုံးပြောင်းပြီး နှစ်နှစ်ဆယ်ကျော် ပြင်းထန်တင်းကြပ်စွာ ဆက်လက် ဖိနှိပ်အုပ်ချုပ်နိုင်ခဲ့သည်။ ၄င်းစစ်အာဏာရှင်ကသည်ပင်လျှင် ၂၀၀၈ဖွဲ့စည်းပုံက ကျားကန်ပေးထားသော စစ်အာဏာရှင် အသွင်သစ်တစ်မျိုးဖြင့် နိုင်ငံတော် အာဏာသုံးရပ်လုံးကို ယနေ့တိုင် ခိုင်မြဲစွာ ချုပ်ကိုင်ထားဆဲဖြစ်၏။
၃။ အလုပ်သမား၊ လယ်သမားနှင့် ပြည်သူများ၏ အဖိနှိပ်ခံဘဝများ၊ ပြည်တွင်းစစ်၊ ဘာသာရေး လူမျိုးရေး အစွန်းရောက် အကြမ်းဖက်မှုများ၊ ဒီမိုကရေစီရေးနှင့် လူ့အခွင့်အရေး ချိုးဖေါက်မှုများအောက်တွင် လွှတ်တော်တွင်း လွှတ်တော်ပရှိ ဒီမိုကရေစီအင်အားစုများသည် အင်အားချိနဲ့နေဆဲဖြစ်သည့်အပြင် အဆိုးဝါးဆုံးမှာ ဒီမိုကရေစီရေးနှင့် စစ်အာဏာရှင်စနစ် ဆိတ်သုဉ်းရေးအတွက် လက်တွေ့ကျကျ အလုပ်ဖြစ်အောင် ပူးပေါင်းလုပ်ဆောင်နိုင်သော ဘုံလုပ်ငန်းစဉ်ဟူ၍ မရှိသလောက် ရှားပါးနေခြင်း ဖြစ်ပေ၏။
၎။ မြန်မာ့လူ့အဖွဲ့အစည်း၏ အရင်းခံ ပဋိပက္ခသည် ပြည်တွင်းစစ်၊ လူမျိုးရေး၊ ဘာသာရေး၊ ဆင်းရဲ ချမ်းသာ ပဋိပက္ခများ မဟုတ်။ ဖိနှိပ်သူ စစ်အာဏာရှင်နှင့် အဖိနှိပ်ခံ လူထု၏ ပဋိပက္ခသာဖြစ်သည်ကို ဒီမိုကရေစီ အင်အားစုတွေ မျက်ခြေပြတ်လာကြသည်။ လက်အောက်ခံ ပဋိပက္ခများတွင် နစ်မြောအချိန်ကုန် သဘောကွဲလာကြသည်။ ရန်ဖက်ကို မိတ်ဖက် ထင်လာသည်။ မိတ်ဖက်ကို ရန်ဖက် ထင်လာသည်။ လှည်းနေလှေအောင်း မြင်းဇောင်းမကျန် လူမျိုးစုံ ဘာသာစုံတို့ စည်းလုံးညီညွှတ်စွာ အတူလက်တွဲ တိုက်ပွဲဝင်ခဲ့ကြသော ရှစ်လေးလုံးစိတ်ဓါတ်များသည် ၂၅နှစ်ကြာလာသောအခါ ပိုမိုမြင့်တက်လာရမည့်အစား တစတစ ပြိုကွဲယိုင်နဲ့လာသည်ကို ကြေကွဲဖွယ်ရာ တွေ့မြင်လာရသည်။
၅။ သမိုင်းကို ပြန်ကြည့်သော် ဖက်ဒရယ်ကို လက်ညှိုးထိုးပြီး စစ်အာဏာရှင်က အာဏာသိမ်း သက်ဆိုးရှည်ခဲ့သည်။ ကွန်မြူနစ်ကို တရားခံလုပ်ပြီး စစ်အာဏာရှင်တွေ အသက်ဆက်ခဲ့သည်။ ယနေ့ကာလ ဖက်ဒရယ်နှင့် ကွန်မြူနစ်သုံး၍ ခြောက်ရန် မဖြစ်နိုင်တော့သောအခါ လူမျိုးရေး၊ ဘာသာရေးမှိုင်းများနှင့် လူထုကို အကြောက်တရား ဖိစီးစေသည်။ အကွဲအပြဲများကို ဖန်တီးသည်။ ဒီမိုကရေစီ အင်အားစုများကို ချိနဲ့စေသည်။
၆။ ဗိုလ်ချုပ်အောင်ဆန်းက အမျိုး၊ ဘာသာ၊ သာသနာကို ကိုင်စွဲ၍ ပြည်ထောင်စု တည်ဆောက်၍ မရဟု လွန်ခဲ့သောနှစ်ခြောက်ဆယ်ကျော် ပင်လုံ(ဖေဖေါ်ဝါရီ ၁၁၊ ၁၉၄၇)၌ ပြတ်ပြတ်သားသား ပယ်ချခဲ့သော်လည်း အမျှော်အမြင်နည်းပါးသော ယနေ့နိုင်ငံရေးသမားအချို့သည် စစ်အာဏာရှင်များ ခင်းပေးသော နှပ်ကြောင်းအတိုင်း အမျိုး ဘာသာ သာသနာကို ခုတုံးလုပ်၍ နိုင်ငံရေး ဖြတ်လမ်းလိုက်လိုကြသည်။ လူမျိုးစုံ၊ ဘာသာစုံတို့၏ သွေးချွေးဖြင့် တည်ဆောက်ခဲ့ရသော နိုင်ငံတော်ကို လူမျိုးရေးအရ၊ ဘာသာရေးအရ စိတ်ဝမ်းကွဲပြားမှုတွေ ဖန်တီးပြီး ကိုယ်ကျိုးရှာများ၏ အသုံးချခံ ဖြစ်မှန်းမသိ ဖြစ်လာကြသည်။
၇။ အစ္စလာမ်သာသနာသည် ၁၉၄၇ဖွဲ့စည်းပုံမှစ၍ ယနေ့ ၂၀၀၈ဖွဲ့စည်းပုံတိုင် မြန်မာပြည်၏ ဖွဲ့စည်းပုံ အခြေခံဥပဒေမှန်သမျှတွင် နိုင်ငံတော်၏ သာသနာတစ်ရပ်အဖြစ် ဂုဏ်ပေး အသိအမှတ်ပြုထားသော သာသနာဖြစ်၏။ အစ္စလာမ်သာသနာသည် မြန်မာမြေတွင် အစဉ်တင့်တယ်စွာ တည်ရှိနေမည်ဖြစ်၏။
၈။ မြန်မာမွတ်စလင်(ပသီ)နှင့် ရိုဟင်ဂျာအပါအဝင် အစ္စလာမ်သာသနာဝင် တိုင်းရင်းသားများသည်လည်း မူလဘူတ တိုင်းရင်းသား (၁၄၄)မျိုး စာရင်းဝင် တိုင်းရင်းသားများဖြစ်၏။ တိုင်းရင်းသားများကို တိုင်းရင်းသားစာရင်းမှ ပယ်ဖျက်နိုင်သော အခွင့်အာဏာ မည်သည့်အစိုးရတွင်မှ မရှိ။
၉။ နှစ်တစ်ထောင်ကျော် မြန်မာ့သမိုင်း၏ တိုင်းပြုပြည်ပြု လုပ်ငန်းများနှင့် လွတ်လပ်ရေး တိုက်ပွဲများတွင် လက်တွဲခေါ်စရာ မလိုဘဲ၊ တာဝန်သိသိ ဒိုးတူပေါင်ဖက် ပုခုံးချင်းယှဉ် ထမ်းဆောင်ခဲ့ကြသည့် မြန်မာမွတ်စလင်များသည် တိုင်းရင်းသားများဖြစ်သည်ဟု NLD နာယက ဦးတင်ဦးက အသိအမှတ်ပြု ပြောကြားခဲ့ပေသည်။ မြန်မာမွတ်စလင်များသည် စာပေ၊ ယဉ်ကျေးမှု၊ ဂီတ၊ အနုပညာ၊ အားကစား၊ ပညာရေး၊ စီးပွါး၊ လူမှု စသော ကဏ္ဍစုံတင်သာမက ရှစ်လေးလုံး၊ ရွှေဝါရောင် အပါအဝင် နိုင်ငံရေး၊ ဒီမိုကရေစီရေး တိုက်ပွဲမှန်သမျှတွင် ဦးပဲ့ ကျရာထမ်းနေကြသော အစမ်းသတ်ခံပြီး သေဖေါ်သေဖက်များလည်း ဖြစ်ကြသည်။ ပြည်ထောင်စု မြန်မာနိုင်ငံတော်ကို ကနဦး တည်ထောင်သူများလည်း ဖြစ်ကြ၏။
၉။ တိုင်းရင်းသားပေါင်းစုံ ပြည်သူလူထုကြီးသည် တစ်ချိန်က ဖက်ဒရယ်နဲ့ ဟောက်စား၊ ကွန်မြူနစ်နဲ့ ခြောက်စားခဲ့သော စစ်အာဏာရှင်၏ နောက်ဆုံးပေါ် လှည့်ကွက်ဖြစ်သည့် မြန်မာမွတ်စလင် ဆန့်ကျင်ရေးမှိုင်းမိပြီး မြန်မာ့ပြသနာများ၏ ရင်းမြစ် စစ်အာဏာရှင်စနစ် အမြစ်ပြုတ်ရေးကို မျက်ခြေပြတ်ကြပါက ဒီမိုကရေစီ ပြည်ထောင်စုကြီး တည်ဆောက်ရေး ထပ်မံ အလှမ်းဝေးကြပြီး စစ်အာဏာရှင်များ၏ အမျိုးမျိုးသော လှည့်ကွက်များဖြင့် ဖိနှိပ်အုပ်ချုပ်မှုများအောက်မှ လွတ်မြောက်ဖွယ် မရှိတော့သည်ကို အထူးသတိချပ်ရာ၏။
၁၀။ မြန်မာလူမျိုးစုပြီးလျှင် ဒုတိယလူဦးရေ အများဆုံးအုပ်စုဖြစ်သော တိုင်းရင်းသားမွတ်စလင်များကို ချန်လှပ်ပြီး မြန်မာပြည်တွင် ဒီမိုကရေစီစနစ် အမြစ်တွယ်ရန် မည်သို့မျှ မဖြစ်နိုင်ပါ။ ထို့ကြောင့် တာဝန်သိ၍ တာဝန်ရှိသော တိုင်းရင်းသားမွတ်စလင်များနှင့် ခိုင်ခိုင်မြဲမြဲ လက်တွဲ၍ ပြည်ပစွက်ဖက်မှုကင်းပြီး အချုပ်အခြာအာဏာပိုင် တန်းတူညီမျှ တည်ငြိမ်တိုးတက်သော ဒီမိုကရေစီ ပြည်ထောင်စု နိုင်ငံတော်သစ်ကြီးကို တည်ဆောက်ကြပါရန် တိုင်းရင်းသားပေါင်းစုံ ပြည်သူလူထုကြီးကို အလေးအနက်ထား ပန်ကြားသည်။
မြန်မာမွတ်စလင် အစည်းအရုံး
သြဂုတ်လ ၈၊ ၂၀၁၃
Media Contact; –
ကိုကျော်စွာ +44 782 842 6801(UK) [email protected];
ကိုမျိုးဝင်း 0950 70304 (မြန်မာ) [email protected];
ဒေါ်မော်လီ +1 416 516 7383 Canada [email protected];
Ma Yasmin +1 408 250 6227(USA) [email protected];
ကိုကျော်ဝင်း +44-740-345-2378(UK) [email protected]
သြဂုတ်လ-၆ရက်၊ ၂၀၁၃
M-Media
ဒီမိုကရေစီအရေးတော်ပုံကြီး ငွေရတုအထိမ်းအမှတ် တွေ့ဆုံဆွေးနွေးပွဲအခမ်းအနားကြီး ပထမနေ့ မြင်ကွင်းမှတ်တမ်းများကို စုစည်းတင်ပြလိုက်ပါတယ်။
ရှစ်လေးလုံး ဒီမိုကရေစီအရေးတော်ပုံကြီး ငွေရတုအထိမ်းအမှတ် တွေ့ဆုံဆွေးနွေးပွဲအခမ်းအနားကြီးကို မနက်(၈း၃၀)နာရီမှ စတင်၍ ရန်ကုန်မြို့ MCC တွင် ဆွေးနွေးခန်းမ ၄-ခု ခွဲ၍ ဆွေးနွေးမှုများ ပြုလုပ်ခဲ့ပြီး ညနေ(၆)နာရီမှာ အခမ်းအနား ပထမနေ့အစီအစဉ်ကို ရပ်နားခဲ့ကြပါတယ်။ —
ဓါတ်ပုံများး ကြည့်၇န်။ http://goo.gl/DJpJfA
“
သြဂုတ်လ-၆ရက်၊ ၂၀၁၃
M-Media
ရွန်နီအတွက် ချယ်ဆီး၏ နောက်ဆုံးကမ်းလှမ်းမှု ပယ်ချခံရ
တိုက်စစ်မှူး ရွန်နီအားခေါ်ယူရန် ချယ်ဆီးအသင်း၏ နောက်ဆုံးကမ်းလှမ်းမှုအား မန်ချက်စတာယူနိုက်တက်အသင်းမှ ပယ်ချလိုက်သည်ဟုသိရသည်။ ရွန်နီအားခေါ်ယူရန် ချယ်ဆီးအသင်းမှ ပေါင် သန်း ၃၀ ဖြင့် ယမန်နေ့က ကမ်းလှမ်းခဲ့သော်လည်း မိမိတို့ဘက်မှ ချက်ချင်းပယ်ချခဲ့ကြောင်း မိမိတို့၏ ရပ်တည်ချက်မှာ ပြောင်းလဲမည်မဟုတ်ကြောင်း မန်ချက်စတာယူနိုက်တက်အသင်း၏ ပြောရေးဆိုခွင့်ရှိသူတစ်ဦးက ပြောကြားခဲ့သည်။
________________________________________
ရီးယဲလ်တိုက်စစ်မှူး ရော်နယ်ဒို အသင်းနှင့် စာချုပ်သက်တမ်းတိုး
ရီးယဲလ်အသင်း၏တိုက်စစ်မှူး ခရစ္စတီယာနိုရော်နယ်ဒိုမှာ ရီးယဲလ်မက်ဒရစ်အသင်းနှင့် သက်တမ်းတိုးစာချုပ်ချုပ်ဆိုလိုက်ပြီဟု သိရသည်။ ၂၀၁၈ ခုနှစ်အထိ သက်တမ်းရှိမည့် အဆိုပါစာချုပ်ကြောင့် ရော်နယ်ဒိုမှာတစ်နှစ်လုပ်ခ ယူရို ၁၇ သန်းရရှိမည်ဖြစ်ပြီး စပိန်ဘောလုံးလောကတွင် လုပ်ခအမြင့်ဆုံးရသည့် ကစားသမားဖြစ်လာခဲ့သည်။
________________________________________
အပြောင်းအရွှေ့ဈေးကွက်တွင် နာမည်ကြီးနေသည့် ဂါရက်ဘေးလ် တော့တင်ဟမ်နှင့် လေ့ကျင့်ခန်းပြန်ဆင်းမည်
ကမ္ဘာ့စံချိန်တင်ပြောင်းရွှေ့ကြေးဖြင့် ရီးယဲလ်မက်ဒရစ်အသင်းမှ ကမ်းလှမ်းခံထားရသည့် တော့တင်ဟမ်အသင်း တိုက်စစ်မှူး ဂါရက်ဘေးလ်မှာ တော့တင်ဟမ်အသင်း၏ အင်္ဂါနေ့ပြုလုပ်မည့် လေ့ကျင့်ခန်းအစီအစဉ်တွင် ပြန်လည်ပါဝင်တော့မည်ဟု သိရသည်။ ဘေးလ်မှာ အသင်းမှ ထွက်ခွာချင်နေပြီး ၎င်းအားရောင်းမည်မဟုတ်ဟု နည်းပြဗီလာဘိုအားစ်၏ မှတ်ချက်ကြောင့် စိက်မသက်မသာဖြစ်နေည်ဟုလည်း သတင်းထွက်နေသည်။
________________________________________
ချယ်ဆီး၌သာပျော်ရွှင်သည်ဟု မာတာဆို
ချယ်ဆီးအသင်း၏ တောင်ပံတိုက်စစ်မှူးမာတာက ၎င်းအနေဖြင့် ချယ်ဆီးအသင်း၌သာ ပျော်ရွှင်သည်ဟု ပြောဆိုလိုက်သည်။ ယမန်နှစ်က ချယ်ဆီးအသင်း၏ တစ်နှစ်တာအကောင်းဆုံးဘောလုံးသမားဆုကို ရရှိခဲ့သည့် မာတာမှာ တစ်ကျော့ပြန်နည်းပြ မော်ရင်ဟိုလက်ထက်တွင် အသင်းမှရောင်းထုတ်ခံရနိုင်ကြောင်း သတင်းများထွက်ပေါ်ခဲ့သည်။ မာတာက ၎င်းမှာ အသင်းနှင့်ဆွေးနွေးခဲ့ကြောင်း အသင်းက ၎င်းအား အရေးပါသည့်ကစားသမားတစ်ဦးအဖြစ်သတ်မှတ်ထားသည့်အတွက် စိတ်သက်သာရာရခဲ့ကြောင်း ပြောကြားခဲ့သည်။
________________________________________
အရည်အချင်းရှိသည့်ကစားသမားအသစ်များရောက်ရှိရန် အာတီတာ မျှော်လင့်
အသင်းအားအကူအညီပေးနိုင်သည့် တိုးတက်စေနိုင်သည့် ကစားသမားများကိုခေါ်ယူရန်လိုအပ်နေကြောင်း အာဆင်နယ်အသင်း၏ ကွင်းလယ်လူ အာတီတာက ပြောကြားလိုက်သည်။ ယခုနှစ်အပြောင်းအရွှေ့ဈေးကွက်တွင် အာဆင်နယ်အသင်းမှာ အတွေ့အကြုံနည်းပါသည့် အသက် ၂၀ အရွယ်ကစားသမားတစ်ဦးသာခေါ်ယူထားပြီး လီဗာပူးလ်တိုက်စစ်မှူး ဆွာရက်ဇ်အားခေါ်ယူရန် ကြိုးပမ်းမှုမှာလည်း မအောင်မမြင်ဖြစ်ခဲ့ရသည်။
________________________________________
ကျူပီအာ တိုက်စစ်မှူးရမ်မီ နယူးကာဆယ်သို့ရောက်
ပရီးမီးယားလိဂ်မှတန်းဆင်းသွားရသည့် ကျူပီအာအသင်း၏တိုက်စစ်မှူး လိုအစ်ရမ်မီအား နယူးကာဆယ်အသင်းမှ တစ်ရာသီအငှားစာချုပ်ဖြင့် ခေါ်ယူလိုက်ပြီဟုသိရသည်။ အသက် ၂၆နှစ်အရွယ်ရှိ အဆိုပါတိုက်စစ်မှူးမှာ ဇန်န၀ါရီလကတည်းက နယူးကာဆယ်အသင်းသို့ပြောင်းရွှေ့ရန် နီးစပ်ခဲ့ဖူးသည်။ ရမ်မီ ကနယူးကာဆယ်ကစားသမားတစ်ယောက်ဖြစ်ရသည့်အတွက် အလွန်ပျော်ရွှင်မိကြောင်း နယူးကာဆယ်ကဲ့သို့ အသင်းမျိုးတွင် ကစားရသည်မှာ ဂုဏ်ယူဖွယ်ဖြစ်ကြောင်း ပြောဆိုခဲ့သည်။
________________________________________
အက်သလက်တီကို၌သာ ပျော်ရွှင်သည်ဟု ကော်စတာဆို
လ်ီဗာပူးလ်အသင်းမှ ပေါင် ၂၁.၈သန်းဖြင့် ခေါ်ယူရန်ကြိုးစားနေသည့် အက်သလက်တီကိုမက်ဒရစ်၏တိုက်စစ်မှူး ဒီရေဂိုကော်စတာက ၎င်းအနေဖြင့် အက်သလက်တီကိုတွင်သာပျော်ရွှင်ကြောင်းပြောဆိုလိုက်သည်။ ယမန်နှစ်က ၄၄ပွဲကစားပြီး ဂိုး၂၀သွင်းယူပေးခဲ့သည့် ကော်စတာက အက်သလက်တီကိုတွင်ကစားရသည်ကို ပျော်ရွှင်မိကြောင်း အသင်းက အလိုရှိပါက အက်သလက်တီကိုအသင်းတွက် ဆက်လက်ကစားသွားမည်ဖြစ်ကြောင်း ပြောဆိုခဲ့သည်။
________________________________________
ပေါင် ၅ သန်းရပါက ဒေါင်းနင်းအား လီဗာပူးလ်ရောင်းထုတ်မည်
လီဗာပူးလ်အသင်းသည် ပေါင် ၅ သန်းရရှိပါက ၎င်းတို့၏ တောင်ပံကစားသမား စတီးဝပ်ဒေါင်းနင်းအားရောင်းချဖွယ်ရှိနေသည်။ ဒေါင်းနင်းအား အပြောင်းအရွှေ့ဈေးကွက် မပိတ်မီ ပြောင်းရွှေ့ခွင့်ပြုမည်ဖြစ်ပြီး နယူးကာဆယ်အသင်းကလည်း ခေါ်ယူရန်စိတ်ဝင်စားနေသည်။
Guardian
…………………………………………………
ပိုစတီဂါအပြောင်းအရွှေ့အတွက် ဗလင်စီယာနှင့် ဇာရာဂိုဇာ သဘောတူညီမှုရရှိ
စပိန်လာလီဂါကလပ် ဇာရာဂိုဇာအသင်း၏ တိုက်စစ်မှူး ဟဲလ်ဒါ ပိုစတီဂါအားခေါ်ယူရန် ဗလင်စီယာ၏ ကမ်းလှမ်းထားမှုကို ဇာရာဂိုဇာအသင်းမှ လက်ခံလိုက်ပြီဟု သိရသည်။ အဆိုပါတိုက်စစ်မှူးအတွက် ပြောင်းရွှေ့ကြေးမှာ စုစုပေါင်း ယူရို ၃
သန်းရှိမည်ဖြစ်သည်။
________________________________________
Rogers Cup တင်းနစ်ပြိုင်ပွဲပထမအဆင့်တွင် မေယာအနိုင်ရ ၊အမျိုးသမီးပြိုင်ပွဲတွင် ရော်ဘက်တာ ဗင်ချီ အနိုင်ရရှိ
ကနေဒါနိုင်ငံ မွန်တီရီယဲလ်မြို့တွင် ကျင်းပပြုလုပ်လျက်ရှိသည့် Rogers Cup တင်းနစ်ပြိုင်ပွဲ အမျိုးသား ပထမအဆင့်ပြိုင်ပွဲတွင် ဂျာမနီတင်းနစ်သမား လော်ရီယန်မေယာက သြစတေးလျ လူငယ်တင်းနစ်သမား ဘားနဒ် တိုမစ်အား ၅-၇၊ ၆-၃၊ ၆-၃ ဖြင့် အနိုင်ရရှိခဲ့ပြီး တိုရွန်တိုမြို့တွင်ကျင်းပသည့်အမျိုးသမီး ပထမအဆင့်ပြိုင်ပွဲတွင် အီတလီ တင်းနစ်မယ်ရော်ဘက်တာ ဗင်ချီက ဂျာမနီတင်းနစ်မယ် ဂျူလီယာ ဂျော့ဂ်ျကို အနိုင်ရရှိသွားသည်ဟုသိရသည်။ နိုင်ခြေအဆင့် ၁၀ ရ ဗင်ချီမှာ ပထမပွဲငယ်တွင်ရှုံးနိမ့်ခဲ့သော်လည်း နှစ်ပွဲဆက်ပြန်လည်အနိုင်ရရှိအောင် စွမ်းဆောင်နိုင်ခဲ့သောကြောင့် ၂-၆၊ ၆-၄၊ ၆-၃ ဖြင့် ဂျော့ဂ်ျအား အနိုင်ရရှိခဲ့သည်။
________________________________________
အောင်မြင်မှုများကို အန်ဒီမာရေး ဆာလောင်မွတ်သိပ်
တင်းနစ်လောက၏ နာမည်အကြီးဆုံး ဂရန်းဆမ် ဖလားများကို ထပ်မံဆွတ်ခူးလိုသည်ဟု ၀င်ဘယ်လ်ဒန် တင်းနစ်ချန်ပီယံ အန်ဒီမာရေးကပြောကြားခဲ့သည်။ အသက် ၂၆ နှစ်အရွယ်ရှိပြီဖြစ်သည့်မာရေးက တင်းနစ်သမားတိုင်းမှာ ကမ္ဘာ့အဆင့် ၁
နေရာကို ရယူလိုကြကြောင်း၊ ၎င်း အနေဖြင့် ကမ္ဘာ့အဆင့် ၁ နေရာထက် ဂရန်းဆမ်ဖလားများကိုသာ ထပ်မံ၍ ဆွတ်ခူးချင်ကြောင်း ကနေဒါနိုင်ငံတွင် ကျင်းပမည့် Rogers Cup တင်းနစ်ပြိုင်ပွဲမကစားမီက ပြောကြားခဲ့သည်။
သြဂုတ် ၀၆၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်
ပန်းချီလား၊ Photoshop နဲ့ ပြင်ထားတဲ့ပုံလား? တစ်ခုမှ မဟုတ်ပါ၊ ဒါဟာ ကျွန်တော်တို့နေထိုင်တဲ့ ဒီကမ္ဘာမြေထဲက ပုံအစစ်ပါဆို ယုံကြမလား? တရုတ်နိုင်ငံ Danxia သဘာဝ ဘူမိဗေဒဇုန်က တောင်တန်းတွေဖြစ်ပါတယ်။
ဗြိတိန်သတင်းစာ Telegraph ရဲ့အဆိုအရ အရောင်ကွဲအလွှာတွေဖြစ်လာတာက သဲကျောက်လွှာတွေနဲ့ တွင်းထွက်တွေဟာ နှစ်ပေါင်း ၂၄ သန်းခန့်မျှ အတူတူဖိသိပ်ခြင်းခံရပြီး ကမ္ဘာမြေသားထုကြီးတွေ တွန်းတိုက်ရာကနေ တွန့်ထွက်လာကြတယ်လို့ ဆိုပါတယ်။ ဗြိတိန် ကိုလံဘီယာမှာလည်း မီးတောင်ကျောက်နဲ့ တခြားတွင်းထွက်တွေ ရောစပ်ပြီး Rainbow Range သက်တံတောင်တန်း လို့ခေါ်တဲ့ အလားတူ တောင်တန်းတွေရှိပါတယ်။
ဒီတောင်တန်းတွေကို နှစ်ထောင်ပေါင်းများစွာ မိုးရယ်လေရယ်တိုက်စားပြီး မြင်ရတဲ့အတိုင်း ချိုင့်ဝှမ်းတွေဖြစ်စေပါတယ်။ ဒီဒေသကို ၂၀၁၀ ခုနှစ်ကစပြီး UNESCO ရဲ့ ကမ္ဘာ့အမွေအနှစ်စာရင်းထဲ ထည့်သွင်းထားပါတယ်။
Saint Louis တက္ကသိုလ်မှ ဘူမိဗေဒပညာရှင် ဒေါက်တာ John Encarnacion က ကျောက်တွေ ၄၅ ဒီဂရီစောင်းနေတာဟာ အိန္ဒိယတိုက်ငယ်နှင့် အာရှတို့ တွန်းတိုက်မှုကြောင့် ဆက်စပ်နိုင်ကြောင်းဆိုပါတယ်။ မကြာသေးခင်ကမှ တွေ့ရှိထားချက်များအရ အဆိုပါတွန်းတိုက်မှုဟာ လွန်ခဲ့သော နှစ်ပေါင်း ၃၅ သန်းခန့် အလျင်ကဖြစ်ပေါ်ခဲ့ပြီး ကျောက်ပေါင်းများစွာ တရုတ်နိုင်ငံတဝှမ်း ပဲ့ထွက်ခဲ့ကြောင်းပြောပါတယ်။
သို့ပေမယ့် ကျောက်တွေကတော့ ဒီ့ထက်အတော်စောပြီး အနည်းဆုံး လွန်ခဲ့သောနှစ်သန်းပေါင်း ၆၅ (ဒိုင်နိုဆောများရှိသေးစဉ်) ကတည်းက ဖြစ်တည်ခဲ့ကြတာပါ။ ယခုမြင်ရသကဲ့သို့ပုံစံများ ဖြစ်ပေါ်လာစေရန် နှစ်ပေါင်း သန်း ၂၀ ခန့် ကြာခဲ့ပါတယ်။
ကိုးကား – Huffingtonpost, Wunderground