မတ်လ ၅ ၊ ၂၀၁၃
M-Media
Ref: Press TV
၂၀၁၂ ခုနှစ်၊ အောက်တိုဘာလအတွင်း တာလီဘန်တို့တိုက်ခိုက်မှုကြောင့် ဦးခေါင်း၌ ပြင်းထန်စွာဒဏ်ရာရရှိခဲ့သော အသက် ၁၅ နှစ်အရွယ်ရှိ အမျိုးသမီးအခွင့်အရေး လှုပ်ရှားသူ ပါကစ္စတန်မိန်းကလေး မာလာလာ ယူဆွဖ်ဇာအီအား ဤနှစ်၏ ငြိမ်းချမ်းရေး နိုဗဲလ်ဆုရှင်အဖြစ် ပဏာမ ရွေးချယ်လိုက်ပြီဖြစ်သည်။
ဤနှစ်အတွက် ဆုစာရင်းတင်သွင်းမှုကို ၂၅၉ ဦးအထိ လက်ခံရရှိခဲ့ကြောင်း၊ မိမိတို့၏ ဆုံးဖြတ် အတည်ပြုချက်ကို အောက်တိုဘာလ ၁၂ ရက်နေ့တွင် ထုတ်ပြန်ကြေငြာ သွားမည်ဖြစ်ကြောင်း နော်ဝေနိုင်ငံမှ နိုဗဲလ်ဆု ရွေးချယ်ရေးကော်မတီမှ တနင်္လာနေ့တွင် ပြောကြားလိုက်သည်။
“ ဒီတစ်နှစ် ဆုစာရင်းအတွက် ကမ္ဘာတစ်ဝှမ်းမှာ ထင်ရှားကျော်ကြားကြတဲ့ ပုဂ္ဂိုလ်တွေ၊ သမ္မတနဲ့ဝန်ကြီးချုပ်တွေ အပြင် လူသိမများလွန်းလှတဲ့ လူသားချင်း စာနာထောက်ထားရေး လုပ်ငန်း ဆောင်ရွက်နေသူတွေ၊ လူ့အခွင့်အရေးလှုပ်ရှားသူတွေလည်း တင်သွင်းပေးပို့ချက်မှာ ပါဝင်နေပါတယ် ” ဟု ကော်မတီ၏ဒါရိုက်တာဖြစ်သူ Geir Lundestad မှ ကြေငြာပြောဆိုသည်။
လက်ရှိနှစ်များအတွင်း နိုဗဲလ်ဆုအချို့ကတော့ အငြင်းပွားဖွယ်ရာ ဖြစ်ကောင်းဖြစ်နေပါလိမ့်မယ်။ သို့သော်လည်း သူတို့ဟာ ဆုအတွက် စာရင်း တင်သွင်းခံရသူတွေပါ။ နိုဗဲလ်ဆုရွေးချယ်မှုနဲ့ပတ်သက်ပြီး အထူးသတိထား ဆောင်ရွက်မှာဖြစ်ပါတယ် ” ဟုလည်း ထပ်မံပြောကြားသည်။
နိုဗဲလ်ငြိမ်းချမ်းရေးဆုကိုချီးမြှင့်ပေးအပ်သည့် လျှို့ဝှက်ကော်မတီသည် လျာထားစာရင်းတင်သွင်းခံရသူများကို ဖော်ပြလေ့ မရှိချေ။ သို့ရာတွင် အဆိုတင်သွင်းသူများသည် မိမိတို့၏ အခွင့်အရေးအရ မိမိတို့အနှစ်သက်ဆုံးသူများကိုမူ ထုတ်ဖော်တတ်ကြ၏။
ယခုနှစ်တွင် အမေရိကန်သမ္မတဟောင်း ဘီလ်ကလင်တန်၊ ကိုလံဘီယာသမ္မတ ဂျူယန် မင်နျူရယ် စန်းတို့စ် နှင့် မြန်မာနိုင်ငံသမ္မတ ဦးသိန်းစိန်တို့သည်လည်း တင်သွင်းခံရသူများ စာရင်း၌ ပါဝင်သည်။
The Peace Research Institute Oslo ၏ ဒါရိုက်တာ Kristian Berg Harpviken က ၄င်းဆုနှင့်အထိုက်တန်ဆုံးသူမှာ မာလာလာ ယူဆွဖ်ဇာအီ ဖြစ်သည်ဟု ယုံကြည်ကြောင်း ပြောဆိုသည်။
ယူဆွဖ်ဇာအီသည် မိမိ၏ဇာတိဒေသ Khyber Pakhtunkhwa ပြည်နယ်၊ Swat Valley ရှိ အမျိုးသမီးကြီးငယ်တို့၏ ပညာမြှင့်တင်ရေး နှင့် အယူသည်းမှုများအကြောင်းကို ၂၀၁၂ ခုနှစ်၊ အောက်တိုဘာ ၉ ရက်၊ မင်ဂိုရာမြို့၌ ဟောပြောနေစဉ် Tehrik-i-Taliban Pakistan (TTP)- ပါကစ္စတန်ရှိ တာလီဘန် စစ်သွေးကြွများ၏ ပစ်ခတ် တိုက်ခိုက်ခြင်း ခံခဲ့ရသည်။
ယင်းသို့ပစ်ခတ်ခံရပြီးနောက်တစ်နေ့တွင် ပက်ရှဝါရ်ရှိ ခွဲစိပ်ကုဆရာဝန်များက သူမ၏ဦးခေါင်းခွံထဲမှ ကျည်တစ်တောင့်ကို ဖယ်ရှားနိုင်ခဲ့သည်။ ၄င်းနောက် အတွင်းလူနာအဖြစ် ထပ်ဆင့်အထူးကုသမှု ပြုရန်အတွက် ရ၀ါလ်ပင်ဒီရှိ တပ်မတော်ဆေးရုံသို့ လွှဲပြောင်းပေးခဲ့သည်။
ပါကစ္စတန်ဆရာဝန်များက သူမ၏ပျက်စီးသွားသော ဦးခေါင်းခွံနှင့် ဆိုးဆိုးဝါးဝါးအာရုံကြောချွတ်ယွင်းမှုအတွက် အမြန်ကုသရန်လိုအပ်သည်ဟု ပြောကြားလိုက်သည့်နောက် အင်္ဂလန်နိုင်ငံ၊ ဘာမင်ဟန်ရှိ အလစ်ဇဘက် ဘုရင်မဆေးရုံသို့ အထူးကုသမှုခံယူရန် အောက်တိုဘာ ၁၅ ရက်၌ လွှဲပြောင်းပေးပို့ခဲ့သည်။ ဖေဖော်ဝါရီလ ၂ ရက်နေ့တွင် ထိုဆေးရုံ၌ သူမ၏ခေါင်းခွံနှင့် နားအစိတ်အပိုင်းအား ၅ နာရီကြာခွဲစိပ်ကုသမှုကို အောင်မြင်စွာဆောင်ရွက်နိုင်ခဲ့သည်။ ကျန်းမာရေးအခြေအနေ စိတ်ချရသော အနေအထားရောက်ပြီဟု ကုသမှုအဖွဲ့မှ ဆုံးဖြတ်ပြီးသည့်နောက် ဖေဖော်ဝါရီလ ၇ ရက်နေ့တွင် ဆေးရုံမှ ဆင်းလာသည်။ ယူဆွဖ်ဇာအီ၏ ဦးခေါင်းခွံကို တိုက်တေနီယံချပ်ပြား တစ်ခုနှင့်အစားထိုးခဲ့ပြီး၊ အကြား အာရုံပြန်လည်ရရှိရန် ၀ဲဖက်နားရွက်အတွင်း အာရုံခံကိရိယာ တစ်ခုကို ထည့်သွင်းတပ်ဆင်ခဲ့ရသည်ဟု ခွဲစိပ်ဆရာဝန်များက ဆိုသည်။
ခွဲစိပ်ကုသမှုမခံယူမီ အင်တာဗျူးတစ်ခုတွင် ယင်းဆယ်ကျော်သက်မိန်းကလေးငယ်မှ အောက်ပါအတိုင်း ပြောဆိုခဲ့သည်။
“ ဒီကနေ့ ကျွန်မအသက်ရှင်နေသေးတာကို ရှင်တို့ မြင်နေရပါတယ်။ ကျွန်မ စကားပြောဆိုနိုင်တယ်။ ရှင်တို့ကိုရော လူတိုင်းကိုပါ ကျွန်မ မြင်တွေ့နေတယ်။ ကျွန်မ တစ်နေ့တစ်ခြား သက်သာလာပါပြီ။ ဒါဟာ လူတွေရဲ့ ဆုမွန်ကောင်း တောင်းဆိုပေးမှုကြောင့်ပါဘဲ။ အမျိုးသား၊ အမျိုးသမီးနဲ့ ကလေးငယ်တွေပါမကျန် လူသားအားလုံးက ကျွန်မအတွက် ဆုပန်ပေးကြလို့ပါဘဲ။ ဒီဆုပန်ပေးမှုကြောင့် ဘုရားသခင်က ကျွန်မကို ဒုတိယအသက်တစ်ချောင်းနဲ့ ဘ၀သစ်တစ်ခုကို ပေးတော်မူလိုက်ခြင်း ဖြစ်ပါတယ်။ ကျွန်မမှာ လုပ်စရာတွေရှိသေးတယ်။ လူသားတွေအတွက် ကျွန်မ အကျိုးပြုလုပ်ငန်းတွေ လုပ်ချင်သေးတယ်။ မိန်းကလေးတိုင်း၊ ကလေးငယ်တိုင်းကို ပညာသင်ယူမှု ဖြစ်လာစေချင်တယ်။ ဒါ့အတွက် ကျွန်မတို့က မာလာလာ ရန်ပုံငွေ ထူထောင်ရေး လုပ်ထားကြပါတယ် ”။
၂၀၁၂ ခုနှစ်၊ ဒီဇင်ဘာလတွင် ပါကစ္စတန်နိုင်ငံနှင့် ယူနက်စ်ကိုတို့ပူးပေါင်း၍ “ မာလာလာ စီမံကိန်း ” အား ဖွင့်လှစ်စတင်ခဲ့သည်။ ထိုအစီအစဉ်ကြီးသည် ကမ္ဘာပေါ်ရှိ မိန်းကလေးငယ်များ အားလုံး ၂၀၁၅ ခုနှစ်မကျော်လွန်မီ ကျောင်းစာသင်ခန်း အတွင်းရောက်ရှိလာရေးကို ရည်ရွယ်ဦးတည်ထားပါသည်။
ပဲရစ်မြို့၊ ယူနက်စ်ကို – The United Nations Educational, Scientific and Cultural Organization (UNESCO) ဌာနချုပ်မှ ဤအစီအစဉ်ကိုကြေငြာသည့် အခမ်းအနားတွင် ပါကစ္စတန် သမ္မတ အစစ်ဖ် အလီ ဗာဒါရီ နှင့်အတူ မာလာလာ၏ ဖခင် ဇိုင်အွတ်ဒီးန် ယူဆွဖ်ဇာအီလည်း တက်ရောက်ခဲ့သည်။
ဆက်လက်၍ ကုလသမဂ္ဂအဖွဲ့ကြီး၏ ကမ္ဘာ့ပညာရေးဆိုင်ရာ အထူးအရာရှိဖြစ်သူ ဗြိတန်ဝန်ကြီးချုပ်ဟောင်း ဂေါ်ဒွင် ဘရောင်းမှ မာလာလာ၏ဖခင်ကို ကုလသမဂ္ဂ၏ ကမ္ဘာ့ပညာရေး ဆိုင်ရာ အထူးအကြံပေးအဖြစ် ခန့်အပ်လိုက်ပါသည်။
GJH/HGL
