Blog

သာသနာရေး ဝန်ကြီး ဦးဆန်းဆင့် အစ္စလာမ် ဘာသာရေးအဖွဲ့ တာဝန်ရှိသူများနှင့် တွေ့ဆုံဆွေးနွေး
ဖေဖော်ဝါရီ ၂၇ ၊ ၂၀၁၃
M-Media

သာသနာရေးဝန်ကြီးဦးဆန်းဆင့် အစ္စလာမ်အဖွဲ့အစည်းရုံးခန်းသို့ လာရောက်ပြီး အစ္စလာမ်ဘာသာရေးအဖွဲ့မှ တာဝန်ရှိသူများနှင့် တွေ့ဆုံဆွေးနွေး

ရန်ကုန်။ ။ (၂၇-၂-၂၀၁၃) ရက်နေ့ နေ့လယ်(၂)နာရီတွင် သာသနာရေးဝန်ကြီးဌာန ပြည်ထောင်စု ၀န်ကြီး သရေစည်သူ ဦးဆန်းဆင့်နှင့် ဌာနဆိုင်ရာ တာဝန်ရှိသူများသည် ရန်ကုန်မြို့၊ ဗိုလ်ဆွန်ပက်လမ်း၊ အမှတ်(၁၈၃)ရှိ အစ္စလာမ် သာသနာရေးရာ ကောင်စီ ဌာနချုပ်ရုံးသို့ လာရောက်၍ မြန်မာနိုင်ငံလုံးဆိုင်ရာ အစ္စလာမ် ဘာသာရေးအဖွဲ့ ကြီး၏ တာဝန်ရှိသူများနှင့် တွေ့ဆုံ ဆွေးနွေးခဲ့ပါသည်။

၎င်းတွေ့ဆုံပွဲသို့ အိုလမာ-အစ္စလာမ်သာသနာ့ပညာရှင်များအဖွဲ့ချုပ်
- ဒု-ဥက္ကဋ္ဌ အလ်ဟာဂ်ျ မောင်လာနာ ဦးသိန်းမြင့်၊
- ဗဟိုအမှုဆောင် အလ်ဟာဂ်ျ ဦးကျော်ငြိမ်း၊
အစ္စလာမ်သာသနာရေးရာကောင်စီဌာနချုပ်
- ဒု-ဥက္ကဋ္ဌ (အန်ဆွာရီနှင့် လူငယ်ရေးရာ) ဦးစိုးလွင်၊
- အတွင်းရေးမှူးချုပ် အလ်ဟာဂ်ျဦးတင်မောင်သန်း၊
- တွဲဖက်အတွင်းရေးမှူးချုပ် ဦးဝဏ္ဏရွှေ၊
မြန်မာနိုင်ငံလုံးဆိုင်ရာ မော်လ၀ီ အဖွဲ့ဌာနချုပ်
- ဥက္ကဋ္ဌ အလ်ဟာဂ်ျ မုဖ်သီ စအီဒွလ္လာဟ်(ခ)ဆရာကြီး ဦးစိန်လှ ၊
- ဒု-ဥက္ကဋ္ဌ အလ်ဟာဂ်ျ ဦးခင်မောင်မြင့်၊
- အထွေထွေအတွင်းရေးမှူးချုပ် အလ်ဟာဂ်ျ ဦးကျော်စိုး၊
မြန်မာမွတ်စလင်မ်လူငယ်များ(ဘာသာရေး)အဖွဲ့ မ-မ-လဌာနချုပ်
- ဥက္ကဋ္ဌ အလ်ဟာဂ်ျ ဦးမြင့်ထွန်း၊
- အတွင်းရေးမှူးချုပ် အလ်ဟာဂ်ျ ဦးလှဝင်း၊
- ဗဟိုအလုပ်အမှုဆောင် ဦးခင်မောင်ကြူး၊
မြန်မာမွတ်စလင်အမျိုးသားရေးရာအဖွဲ့ချုပ်(မ-အ-ဖ)ဌာနချုပ်
- ဥက္ကဋ္ဌ ဟာဂျီ ဦးလှဝင်း၊
- တွဲဖက်အထွေထွေအတွင်းရေးမှူး ဦးတင်မောင်မောင်၊
- စည်းရုံးရေးမှူး ဦးခင်မောင်လွင်တို့တက်ရောက်ကြပါသည်။
တွေ့ဆုံဆွေးနွေးပွဲတွင် အခမ်းအနားမှူးအဖြစ် ရန်ကုန်တိုင်းဒေသကြီး သာသနာရေးမှူး ဦးအောင်ကြည်က ဆောင်ရွက်ခဲ့ပြီး ဦးစွာ တက်ရောက်လာသူများက တစ်ဦးချင်း မိတ်ဆက်ခဲ့ကြပါသည်။

၎င်းနောက် သာသနာရေးဦးစီးဌာန ညွှန်ကြားရေးမှူးချုပ် ဦးဇော်မိုးရွှေက အစ္စလာမ်အဖွဲ့ ကြီး (၅)ဖွဲ့ ၏ ရည်ရွယ်ချက်၊ရည်မှန်းချက်နှင့် လုပ်ငန်းစဉ်များအား ပြည်ထောင်စုဝန်ကြီးအား ရှင်လင်းတင်ပြပါသည်။

၎င်းနောက် အိုလမာအဖွဲ့ ချုပ် ဒု-ဥက္ကဋ္ဌ အလ်ဟာဂ်ျ မောင်လာနာ ဦးသိန်းမြင့် ၊ အစ္စလာမ်ကောင်စီဌာနချုပ် တွဲဖက်အတွင်းရေးမှူးချုပ် ဦးဝဏ္ဏရွှေ၊ မော်လ၀ီအဖွဲ့ချုပ် အထွေထွေအတွင်းရေးမှူးချုပ် အလ်ဟာဂ်ျ ဦးကျော်စိုး၊ မ-မ-လဌာနချုပ်ဥက္ကဋ္ဌ အလ်ဟာဂ်ျ ဦးမြင့်ထွန်း၊ မ-အ-ဖဌာနချုပ် ဥက္ကဋ္ဌဟာဂျီ ဦးလှဝင်းနှင့် အငြိမ်းစား သံအမတ်ကြီး ဦးလှမောင်တို့က နိုင်ငံသား စိစစ်ရေးကတ်ပြားကိစ္စ၊ နိုင်ငံသားအခွင့်အရေးကိစ္စ၊ ဗလီဝတ်ကျောင်းတော်များ ဘာသာရေးစာသင်ကျောင်းများ သာသနိကအဆောက်အအုံများနှင့် သာသနာမြေများကိစ္စ၊ အစ္စလာမ်ဘာသာနှင့် အစ္စလာမ်ဘာသာဝင်များအပေါ် အထင်အမြင်လွဲမှားနေသည့်ကိစ္စ၊ တရားဥပဒေစိုးမိုးရေးကိစ္စ၊ ဘာသာပေါင်းစုံချစ်ကြည်စည်းလုံးရေးကိစ္စ ၊ ၀ါဒတစ်ခုနှင့်တစ်ခု၊ တစ်ဖွဲ့နှင့်တစ်ဖွဲ့ အနိုင်ကျင့်နေကြသည်များကို ဖွဲ့စည်းပုံအခြေခံ ဥပဒေတွင်ပါဝင်သည့် အတိုင်း ဥပဒေပြုပေးဖို့ များကို တင်ပြဆွေးနွေးခဲ့ပါသည်။ သာသနာရေး ၀န်ကြီးမှလည်း ယခုအချိန်သည် ကြိုးစားဆဲကာလဖြစ်၍ အချိန်ခဏစောင့်ဆိုင်းကြရန်နှင့် အစ္စလာမ် ဘာသာရေးအဖွဲ့များတွင် ကိစ္စကြီးငယ်ရှိခဲ့လျှင် ၀န်ကြီးထံသို့ တိုက်ရိုက် ဆက်သွယ်လို့ရနိုင်ပြီး အစ္စလာမ် ဘာသာဝင်အများရဲ့ ကိစ္စရပ်များဆောင်ရွက်ရန် သီးသန့်တာဝန်ခံ တယောက်ထားရှိမည်ဖြစ်ကြောင်းလည်း ပြောကြားခဲ့ကြောင်း သိရပါသည်။

၎င်းနောက် သာသနာရေးဝန်ကြီးဌာန ပြည်ထောင်စု ၀န်ကြီး သရေစည်သူ ဦးဆန်းဆင့်က နိုင်ငံတော်အစိုးရ၏ တရားဥပဒေစိုးမိုးရေးအလေးထားဆောင်ရွက်နေမှုများနှင့် သာသနာရေး ၀န်ကြီးဌာန၏ ရည်ရွယ်ချက်၊လုပ်ငန်းစဉ်များကို အကျယ်တ၀င့် ရှင်းလင်းတင်ပြခဲ့ပြီး ပြည်ထောင်စုဝန်ကြီးနှင့် ဌာနဆိုင်ရာ တာဝန်ရှိသူများသည် ညနေ(၅)နာရီတွင် အစ္စလာမ်ကောင်စီ ဌာနချုပ်ရုံးမှ ပြန်လည် ထွက်ခွာသွားပါသည်။

“မနေ့က တွေ့ဆုံဆွေးနွေးပွဲမှာ တစ်ခြားတော့ ထွေထွေထူးထူး မပြောဖြစ်ကြပါဘူး။ သာသနာရေးဝန်ကြီးက အသစ်ဆိုတော့ ဘာသာရေးအဖွဲ့အစည်းတွေကို မိတ်ဆက်တဲ့အနေနဲ့ လာရောက်တာဖြစ်ပါတယ်။ ၀န်ကြီးဌာနဘက်က စီစဉ်တဲ့ တွေ့ဆုံဆွေးနွေးမှုလေးပါပဲ။”လို့ တွေ့ဆုံဆွေးနွေးပွဲတွင် တက်ရောက်ခဲ့သူ ဦးလှဝင်းမှ ပြောပြလာပါတယ်။

ယခုကဲ့သို့ အစ္စလာမ်အဖွဲ့အစည်းတခုသို့ ပြည်ထောင်စုဝန်ကြီးအဆင့်ကိုယ်တိုင် လာရောက်ပြီး အစ္စလာမ်ဘာသာရေးအဖွဲ့များနှင့် တွေ့ဆုံသည်မှာ ၁၉၆၂-ခု ဗိုလ်ချူပ်ကြီးနေဝင်း မှ အာဏာသိမ်းယူပြီးနောက်ပိုင်းတွင် ဤသည်မှာ ပထမအဆုံးအကြိမ်ဖြစ်ကြောင်းသိရပါသည်။

သရေစည်သူဦးဆန်းဆင့် သည် ၂၀၁၀ ရွေးကောက်ပွဲအပြီး ဧရာဝတီတိုင်းဒေသကြီး လွှတ်တော်ဥက္ကဌအဖြစ် ၂-နှစ်ကျော် တာဝန်ထမ်းဆောင်ခဲ့ပြီး ယခုနှစ် ဇန်နဝါရီ ကုန်ပိုင်းတွင် နိုင်ငံတော် သမ္မတ ဦးသိန်းစိန်မှ သာသနာရေးဝန်ကြီးဌာန ပြည်ထောင်စုဝန်ကြီးအဖြစ် ပြောင်းလဲတာဝန်ပေးအပ်ခဲ့ခြင်းဖြစ်သည်။ ဦးဆန်းဆင့်သည် ယခင် နအဖ အစိုးရ လက်ထက်တွင် စစ်ရာထူးခန့်ချုပ် တာဝန်ထမ်းဆောင်ခဲ့ပြီး ၂၀၁၀ ရွေးကောက်ပွဲ ကျင်းပချိန်တွင် ဒုတိယဗိုလ်ချုပ်ကြီး ရာထူးဖြင့် အငြိမ်းစားယူခဲ့သူဖြစ်ပါသည်။
February 28, 2013
မြန်မာ ဒုက္ခသည်များ ကယ်ဆယ်ရေး လုပ်ဆောင်ချက်များ အတွက် သီရိလင်္ကာရေတပ်ကို UNHCR ချီးကျူး

ဖေဖော်ဝါရီ ၂၈ ၊ ၂၀၁၃
M-Media

မြန်မာ ဒုက္ခသည်များ ကယ်ဆယ်ရေး လုပ်ဆောင်ချက်များ အတွက် သီရိလင်္ကာရေတပ်ကို UNHCR မှ အသိအမှတ်ပြု ချီးကျူး

လွန်ခဲ့သည့်သီတင်းပတ်က အပယ်ခံမြန်မာတိုင်းရင်းသားလူစုကို ကယ်ဆယ်ရေးလုပ်ငန်းများ ဆောင်ရွက်ပေးခဲ့သည့် သီရိလင်္ကာရေတပ်အား ဒုက္ခသည်များဆိုင်ရာ ကမ္ဘာ့ကုလသမဂ္ဂမဟာမင်းကြီးရုံး – The United Nations High Commissioner for Refugees (UNHCR) ရုံးမှ သောကြာနေ့တွင် အသိအမှတ်ပြုချီးကျူးလိုက်သည်။

“ အခုနောက်ဆုံးအဖြစ်ဆိုးအပေါ် UNHCR အနေနဲ့ အထူးကြေကွဲ ၀မ်းနည်းရပါတယ်။ ဒီအုပ်စုကို မြန်မြန်ဆန်ဆန်ကယ်တင်ပြီး အရေးပေါ်ဆေးဝါးကုသထောက်ပံ့နိုင်ခဲ့တဲ့ သီရိလင်္ကာရေတပ်ရဲ့ လုပ်ရပ်ဟာ တကယ် ချီးကျူးလောက်ပါပေတယ် ” ဟူ၍ UNHCR အေဂျင်စီ၏ပြောခွင့်ရ ပုဂ္ဂိုလ် Andrej Mahecic က ဂျနီဗာရှိ စာနယ်ဇင်းသမားတို့ထံ ပြောကြားသည်။

နိုင်ငံတကာ၏အကာအကွယ်လိုအပ်နေသော ထိုသူတို့အနက် မည်သည့်ဒုက္ခသည်များအတွက်ကိုမဆို ကူညီမှုလုပ်ငန်းများ၌ UNHCR မှ လက်တွဲပံ့ပိုးသွားရန် အဆင်သင့်ရှိကြောင်းလည်း သူက ဆိုသည်။ မှောင်ခိုလှေများဖြင့် အိန္ဒိယသမုဒ္ဒရာအား ဖြတ်ထွက်ရန်ကြိုးစားယင်း သေဆုံးရသူများပြားလာသည့်အဖြစ်အား တားဆီးကာကွယ်ရေးကို အမြန်ဆုံးစီစဉ်ဆောင်ရွက်သွားကြဖို့ UNHCR အေဂျင်စီက ဆော်သြလိုက်သည်။

အိန္ဒိယသမုဒ္ဒရာကို ကျော်ဖြတ်ရန်အားထုတ်နေသော နောက်ဆုံးလူစုသည် မြန်မာနိုင်ငံမှ ရိုဟင်ဂျာလူ့အဖွဲ့အစည်းဝင်များဖြစ်ကြပြီး ၊ ယင်းသို့ ဖြတ်ကျော်ကြခြင်းမှာ ၄င်းတို့နိုင်ငံတွင်း (၏ ညှင်းပန်းနှိပ်စက်မှုများ) မှ လွတ်မြောက်အောင် ထွက်ပြေးလာကြခြင်းဖြစ်သည်။

“ မိမိတိုင်းပြည်ကနေ ကိုယ်လွတ်ရုန်းထွက်ပြေးလာကြသူတွေအဖို့ အိန္ဒိယသမုဒ္ဒရာဟာ ကမ္ဘာ့အကြီးမားဆုံး သေမင်းခံတွင်းရေပြင်ကြီး တစ်ခု အပါအ၀င် ဖြစ်လာရပါပြီ ” ဟု ယင်းပုဂ္ဂိုလ်မှပင် ထပ်မံပြောကြားသည်။ ၂၀၁၂ ခုနှစ်အတွင်း မှောင်ခိုလှေများဖြင့် ထွက်ပြေး တိမ်းရှောင်လာကြ သူများမှာ လူပေါင်း တစ်သောင်းသုံးထောင်ခန့်ရှိပြီး ၄င်းတို့အနက် လူပေါင်းငါးရာနီးပါးမှာ စက်လှေပျက်စီးခြင်း သို့မဟုတ် ဘင်္ဂလားပင်လယ်ကွေ့တွင် နစ်မြုပ်ရခြင်းကြောင့် သေဆုံးခဲ့ရသည်ဟု အေဂျင်စီမှ ခန့်မှန်းထားသည်။

UNHCR ၏ သုံးသပ်ချက်အရ ယင်းသို့ မျှော်လင့်ချက်ကင်းမဲ့၍ အရဲစွန့်လာကြသော မှောင်ခိုလှေစီးဒုက္ခသည်အများစုတို့မှာ အမျိုးသားများ ဖြစ်ခဲ့သော်လည်း၊ ယခုသီတင်းပတ်များ အတွင်း အမျိုးသမီးများ၊ ကလေးငယ်များပါ တိုးပွားလာပြီဟု သိရသည်။

မြန်မာလှေသင်္ဘောပေါ်၌ အသက်ရှင်ကျန်ရစ်နေသူ အယောက် ၃၀ ကျော်ကို သီရိလင်္ကာရေတပ်မှ ကယ်ဆယ်နိုင်ခဲ့သည်။ လူ ၉၀ ဦးခန့်မှာ ပင်လယ်ပြင်၌ သေဆုံးသွားခဲ့သည်ဟု ယူဆရသည်။

Karapitiya ဆေးရုံတွင် ဆေးဝါးကုသမှုခံယူပြီးသော ရှင်သန်ကျန်ရစ်သူအားလုံးကို သီရိလင်္ကာနိုင်ငံ၏ ထိန်းသိမ်းရေးဌာနတစ်ခုတွင် စောင့်ရှောက်ထားလျက်ရှိသည်။

Ref:http://www.navy.lk/index.php?id=3984

February 28, 2013
ကာတာလခြမ်းနီ အဖွဲ့မှ ရခိုင်မှ ဒုက္ခသည်များ အတွက် အိမ်ယာ စီမံကိန်းများ တည်ဆောက်ပေးမည်

ဖေဖော်ဝါရီ ၂၆ ၊ ၂၀၁၃

M-Media

ဒိုဟာ။ ။ ကာတာအခြေစိုက် လခြမ်းနီအဖွဲ့မှ အိမ်ထောင်စုပေါင်း ၄၈၀ (လူပေါင်း ၃၀၀၀ခန့်) ကို ပြန်လည်နေရာချထားပေးရန် အခန်းပေါင်း စုစုပေါင်း ၄၈၀ ပါဝင်သည့် အိမ်ယာဝင်း ၆၀ ကို မြန်မာနိုင်ငံ ရခိုင်ပြည်နယ်အတွင်း ဆောက်လုပ်သွားမည် ဖြစ်ကြောင်း ကာတာသတင်းအေဂျင်စီမှ သတင်း ထုတ်ပြန်ခဲ့ပါသည်။

မြန်မာနိုင်ငံရှိ QRC လုပ်ငန်းဌာနမှ လုပ်ဆောင်မည့် ဤပရောဂျက်တွင် အိမ်ယာဝင်းပေါင်း (၆၀)ကျော် ပါဝင်မည် ဖြစ်ပြီး ၀င်းတစ်ခုစီတွင် အိမ်ပေါင်း (၈)ခန်းပါဝင်ကာ ရေတုံကင်တစ်ခု စီပါဝင်မည် ဖြစ်သည်။ တည်ဆောက်ရေးလုပ်ငန်းသည် ပြီးခဲ့သော ဇန်န၀ါရီလက စတင်ခဲ့ခြင်းဖြစ်ကာ ပတ်ဝန်းကျင် အနီးတ၀ိုက်ရှိ စခန်းများမှ အလုပ်သမား နှင့် လုပ်ငန်းကျွမ်းဝင်သူပေါင်း ၂၅၀၀ကျော်လည်း လုပ်ငန်းတွင် ပါဝင်ခဲ့ပါသည်။

ပုံမှန်အားဖြင့် ဧပြီလအစောပိုင်းတွင် ကျရောက်လေ့ရှိသော မိုးရာသီကာလ မတိုင်မီ မတ်လဆန်းတွင် အိမ်ယာများကို အကျိုးခံစားခွင့်ရှိသူများထံ လွှဲပြောင်းပေးသွားမည်ဟု မျှော်မှန်းထားပါသည်။

မြန်မာနိုင်ငံရှိ QRC ၏ လက်တွေ့လုပ်ငန်းခွင် ရုံးခန်းသည် လက်တွေ့လုပ်ငန်းဆိုင်ရာ အရည်အသွေး ပြည့်မီမှုများနှင့် စပ်လျဉ်းပြီး စဉ်ဆက်မပြတ် ညွှန်ကြားစီမံနေပြီး ပရောဂျက် ပြီးမြောက်အောင်မြင်မှုများ ၊လိုအပ်ချက်ရှိသော လူများအား ထောက်ပံ့ကူညီမှုများ ပေးအပ်ခြင်းတို့အား စောင့်ကြည့်ကွပ်ကဲလျက်ရှိသည်။

QRC သည် ရခိုင်ဒေသအတွင်း ဖြစ်ပေါ်ခဲ့သော အကြမ်းဖက်မှုများကြောင့် ပြောင်းရွှေ့ခြင်းခံရသူများ ပြန်လည် လွတ်ငြိမ်းချမ်းသာရေး ကိစ္စရပ်များ လုပ်ဆောင်ရန် မြန်မာ့ကြက်ခြေနီ အဖွဲ့အစည်းနှင့် နှစ်နှစ်ကြာ ပူးပေါင်းဆောင်ရွက်ရေး သဘောတူညီမှု တစ်ရပ်အား စက်တင်ဘာလအတွင်း လက်မှတ်ရေးထိုးခဲ့ပြီး ဖြစ်ပါသည်။

–BERNAMA

February 27, 2013
အစ္စလာမ် အထက်တန်းကျောင်းများသည် ဗြိတိန်၌ အကောင်းဆုံး ထိပ်တန်းစာရင်းဝင် ကျောင်းများဖြစ်လာ

ဖေဖော်ဝါရီ ၊ ၂၃၊၂၀၁၃
M-Media

ကိုင်ရို။   ။ကျောင်းသားများ၏ အံ့ဖွယ် အမှတ်ကောင်းမွန်မှုကြောင့် အစ္စလာမ့် စာသင်ကျောင်းများသည် ဗြိတိန်နိုင်ငံတစ်ဝှမ်း အောင်ချက် အကောင်းဆုံး တက္ကသိုလ် ၀င်တန်း ကျောင်းများဖြစ်လာသည်။

“တစ်ချို့ကျောင်းသူတွေက မူလတန်းတုန်းက စာညံ့ခဲ့ကြတယ် ၊ တစ်ချို့က မိဘမရှိသူတွေ၊ တစ်ချို့ ကတော့ နွမ်းပါးဆင်းရဲတဲ့ မိသားစုက ပေါက်ဖွားလာတဲ့ ကလေးတွေပါ။ ဒီလို အားနည်းချက် နောက်ခံတွေရှိတဲ့ ကလေးတွေ အတွက် တကယ်ကို မယုံနိုင်ဖွယ် အောင်မြင်မှုပါပဲ ” ဟု အင်္ဂလန်အနောက်မြောက်ပိုင်း Blackburn မြို့၊ စက်မှုဇုန်ရှိ အောင်ချက် အကောင်းဆုံးကျောင်း – Tauheedul Islam Girls’ High School ၏ ကျောင်းအုပ် Hamid Patel က The Muslim News သတင်းသို့ ပြောကြားခဲ့ပါသည်။

ကျောင်းသား ၉၅ % သည် အင်္ဂလိပ်စာနှင့်သင်္ချာ အပါအ၀င် grade A* အဆင့်ဝင်ခဲ့ပြီး ၊ ဘာသာရပ် အသစ်ဖြစ်သော English Baccalaureate ၌လည်း စုစုပေါင်းအောင်ချက် ၇၆ % ဖြင့် ယခုကဲ့သို့ အောင်မြင်မှု ရရှိခဲ့ကြောင်း ရလဒ်များက ဖော်ပြနေသည်။

လွန်ခဲ့သော မတ်လ အတွင်းတွင် The Times Educational Supplement ၏ နှစ်စဉ်ဆုပေးပွဲ၌       ” Secondary School of the Year ” အဖြစ် ဆန်ကာတင်စာရင်းဝင်ခဲ့ပါသည်။

ကျောင်းပညာရေး စစ်ဆေးမှုစံနစ်ဖြစ်သော Ofsted inspection ၏အစီရင်ခံစာအရ ပထမဆုံးသော ဒေသတွင်း ထူးချွန်ကျောင်းအဖြစ်သတ်မှတ်ခြင်းခံရပြီး၊ စစ်ဆေးရေး အရာရှိများက သင်ကြားရေး ၊ ယဉ်ကျေးမှု နှင့် အသိကြွယ်ဝခြင်းကဏ္ဍများတွင် ထိပ်တန်းကျောင်း ဖြစ်သည်ဟု ဖော်ပြထားသည်။

Tayyibah Girls’ School သည်လည်း ၄င်း၏ ၂၀၁၁ ခုနှစ် ရလဒ်ထက် ၁၇% ကျော်လွန်ကာ GCSEs ( General Certificate of Secondary Education ) ဖြေဆိုမှု၌ အင်္ဂလိပ်စာနှင့် သင်္ချာ အပါအ၀င် တစ်ကျောင်းလုံး Grade A* ဖြင့် အောင်ချက် ၁၀၀ % ရရှိခဲ့သောကြောင့် လန်ဒန်၊ Hackey ရှိ အထက်တန်းကျောင်း ၂၂ ကျောင်းအနက် ထိပ်ဆုံးအဆင့်သို့ ရောက်လာခဲ့သည်။

ထိုမိန်းကလေး အထက်တန်းကျောင်းများ အပြင် မူလတန်းနှင့် အထက်တန်း တွဲဖက်ကျောင်းတစ်ခုဖြစ်သော Shirley ရှိ Al-Khair Secondary School သည်လည်း GCSE ဖြေဆိုမှု၌ အင်္ဂလိပ်စာနှင့် သင်္ချာ အပါအ၀င် တစ်ကျောင်းလုံး Grade A* ဖြင့် အောင်ချက် ၁၀၀ % ရရှိကာ Trinity School နှင့်အပြိုင် ထိပ်ဆုံးမှ ရပ်တည်လျက်ရှိကြောင်း Croydon Guardian သတင်းစာတွင် ဖော်ပြထားသည်။

” ကျွန်မတို့ ကျောင်းသား၊ ကျောင်းသူများဟာ အထက်တန်းကျောင်းသား ဘ၀ကနေ ထက်မြက်တဲ့အရည်အသွေးနဲ့တစ်ကွ အလားအလာကောင်းစွာနဲ့ ထွက်ခွာသွားနိုင်မယ်လို့ ယုံကြည်ပါတယ် ၊ ကျွန်မ ဘာလို့ ဒီလိုယုံကြည်ရသလဲဆိုရင် ဒီကလေးတွေက ကျောင်းသင်ခန်းစာတွေမှာ အကောင်းဆုံးနားလည်ခဲ့ကြယုံတင် မကသေးဘူး – သူတို့အားလုံး လူ့အဖွဲ့အစည်းနဲ့လူသားကောင်းကျိုးတွေမှာ ကောင်းစွာအသုံးဝင်မယ့် သူတွေ ဖြစ်လာလို့ပါဘဲ ” ဟု Al Khair ကျောင်း၏ ကျောင်းအုပ် Aisha Chaudhry က ပြောခဲ့ပါသည်။

ဗြိတိန်မွတ်စလင်ကောင်စီ – Muslim Council of Britain (MCB) ၏အဆိုအရ ဗြိတိန်နိုင်ငံတွင် မွတ်စလင်လူဦးရေ စုစုပေါင်း ၂.၅ သန်းနေထိုင်လျက်ရှိပြီး ၊ မွတ်စလင်ကျောင်းသားဦးရေ လေးသိန်း ရှိပါသည်။

ကိုးကွယ်ယုံကြည်မှုဆိုင်ရာ ဘာသာတရားအလိုက် ဖွင့်လှစ်ထားသည့် အထက်တန်းကျောင်း (၅၉၀) အနက် မွတ်စလင် Secondary School နှစ်ကျောင်း ရှိပါသည်။

ဖြည့်စွက်ချက်။          ။ ဗြိတိန်နိုင်ငံ၏ ပညာရေးစနစ်အရ GCSE စာမေးပွဲသည် အရေးအကြီးဆုံး တက္ကသိုလ်ဝင်တန်း စာမေးပွဲဖြစ်ပြီး ၊ ၄င်းစာမေးပွဲ Grade အရ A-level ရရှိမှသာ University များသို့ ဆက်လက်တက်ရောက် ပညာဆည်းပူးနိုင်မည်ဖြစ်သည်။

February 27, 2013
ပါကစ္စတန်ှနိုင်ငံ ဆိုင်ရာ သြစတေးလျ သံအမတ် တစ်ဦး အစ္စလာမ်ဘာသာ သို့ ကူးပြောင်း

ဖေဖော်ဝါရီ ၂၁၊ ၂၀၁၃
M-Media

ပါကစ္စတန်မှ သြစတေးလျ သံအမတ်တစ်ဦး အစ္စလာမ်ဘာသာသို့ကူးပြောင်းပြီး၊ ပါကစ္စတန်ရုပ်သံဌာန အစီအစဉ် တင်ဆက်သူ Sadia Afzaal နှင့် အိမ်ထောင်ထူခြင်း

အစ္စလာမ္မဘတ် ။ Axel Wech အမည်ရှိ ပါကစ္စတန်မှ သြစတေးလျသံအမတ်သည် အစ္စလာမ်သာသနာကို သက်ဝင် လက်ခံလိုက်ပြီး ပါကစ္စတန်နိုင်ငံပိုင် ရုပ်မြင်သံကြား၏ နာမည်ကြီး ‘ News Night ’ အစီအစဉ်တင်ဆက်သူ Sadia Afzaal နှင့် အိမ်ထောင်ထူခဲ့ကြောင်း ကြာသပတေးနေ့ facebook စာမျက်နှာတစ်ခုမှ ရေးသားလိုက်သည်။

သြစတေးလျသံအမတ်သည် Sadia Afzaal နှင့် လက်ထပ်ထိမ်းမြားမှုမပြုမီ အစ္စလာမ်သာသနာသို့ ပြောင်းလဲသက်ဝင်ရန် ဆုံးဖြတ်ပြီးသည့်နောက်မှ အိမ်ထောင်ထူခြင်းဖြစ်ကြောင်း ပါကစ္စတန်မီဒီယာစောင့်ကြည့်ရေး အဖွဲ့ထံမှ သတင်းရရှိသည်။

သတင်းများအရ သူတို့နှစ်ဦးသည် မိမိတို့၏ နိကဟ် (ထိမ်းမြားလက်ထပ်မှုအခမ်းအနား) နှင့် ကူးပြောင်း သက်ဝင်မှုဆိုင်ရာ အသေးစိပ် အချက်အလက်များကို ဖုံးကွယ်ထားသည်ဟု ဆိုသည်။

Sadia Afzaal သည် အစ္စလာမ္မဘတ်၌ အခြေစိုက်သူ သတင်းထောက်တစ်ဦးဖြစ်ကာ နိုင်ငံခြားရေးဌာန၊ ပါလီမန်အထိ ပေါက်ရောက်သူဖြစ်သည်။ သမ္မတများဖြစ်သော President Asif Ali Zardar နှင့် President Pervez Musharraf PM Yousaf Raza Gillani, PM Shaukat Aziz တို့အပါအ၀င် နိုင်ငံခေါင်းဆောင် အများအပြားကို အင်တာဗျူး ပြုလုပ်နိုင်ခဲ့သူလည်း ဖြစ်သည်။

သူမသည် အခြားလုပ်ငန်းများတွင်လည်း ထိထိရောက်ရောက်ပါဝင်ဆောင်ရွက်မှု ရှိသည်။ ISPR နှင့် လက်တွဲပြုလုပ်သည့် Swat အစီအစဉ်၌ ပထမဆုံးသော အမျိုးသမီး anchor ဖြစ်သည့်အပြင် ၂၀၀၅ ခုနှစ် မြေငလျင်၊ ၂၀၁၀ ခုနှစ် ရေဘေး၊ VOA နှင့်လက်တွဲ၍ ၂၀၀၈ ခုနှစ် သမ္မတ အိုဘားမားရွေးကောက်ပွဲ ယှဉ်ပြိုင်မှုကိစ္စ စသည့် အရေးအရာအများအပြားတွင် ပါဝင်လှုပ်ရှားခဲ့သည်။

ဤသည်မှာ Sadia Afzaal အဖို့ ဒုတိယမြောက် အိမ်ထောင်ထူခြင်း ဖြစ်သည်။ ယခင်က သူမအား Sadia Zafar ဟု လူသိများကြပြီး ပထမခင်ပွန်းနှင့် သားတစ်ဦး ရရှိထားသည်။

ယခုဖြစ်ပေါ်နေသည့် သတင်းနှင့်စပ်လျဉ်း၍ မြို့တော်တွင်ရှိနေသော သြစတေးလျသံအမတ်ကြီးက တရားဝင်ငြင်းပယ် ပြောဆိုမှု မပြုဟု အစ္စလာမ္မဘတ်မှ The News Tribe သတင်းဌာနမှ ပြောကြားသည်။

Read more: http://www.themuslimtimes.org/2013/02/countries/pakistan/austrian-ambassador-accepts-islam-marries-ptv-host-sadia-afzaal#ixzz2M0u1CTW8

http://www.thenewstribe.com/2013/02/21/austrian-ambassador-in-pakistan-converts-to-islam-ties-knot-with-ptv-anchor-sadia-afzaal/

February 27, 2013