M-Media
August 25, 2012 11:00 pm MST
သတင်း/ဓါတ်ပုံ- ပြည့်ပြည့်
မန္တလေး – အစ္စလာမ်ဘာသာဝင်များ၏ ၀ါကျွတ်အီးဒ်အထိမ်းအမှတ် မ်ိတ်ဆုံစားပွဲကို အစ္စလာမ်ဘာသာရေးအဖွဲ့မှ ဦးစီး၍ ဘာသာပေါင်းစုံပါဝင်သော မိတ်ဆုံစားပွဲကို ဒီနေ့ ၂၅.၈.၂၀၁၂ ရက် မနက် ၁၀-နာရီတွင် ဘုရားကြီး အလယ်တိုက်၌ ပြုလုပ်ကျင်းပခဲ့ကြောင်း သတင်းရရှိပါတယ်။
ယင်းမိတ်ဆုံအခမ်းအနားတွင် ဘာသာပေါင်းစုံမှ ပါဝင်ခဲ့ကြပါသည်။ မန္တလေးမြို့ လေးပြင်လေးရပ် ဘုန်းတော်ကြီးကျောင်းတိုက်များမှ နာယကတိုက်အုပ်ဆရာတော်များကို ဆွမ်းဆက်ကပ်ပြီး တက်ရောက်လာသော ဘာသာပေါင်းစုံမှ မိတ်ဆွေများကို ဧည့်ခံကျွေးမွေးခဲ့ပါသည်။
အခမ်းအနားစစခြင်းတွင် … ဘာသာပေါင်းစုံမှ မိမိဘာသာတရားအလိုက် ငြိမ်းချမ်းစွာဖြင့် ၁-မိနစ်ခန့် ဆုတောင်းခဲ့ကြပြီး၊ အခမ်းအနားဦးဆောင်ကျင်းပသူ ဦးအောင်ဇော်ဝင်းမှ အီးဒ်မိတ်ဆုံအခမ်းအနားကျင်းပရခြင်းအကြောင်းကိုပြောပြပါသည်။ မူလ ကျင်းပရန်နေရာ Oriental House တွင် စီစဉ်ထားသော်လည်း ကျင်းပခွင့်မရခဲ့သည့် အတွက် နေရာရွှေ့လိုက်ရကြောင်း၊ ယခင်နှစ်များက ဘာသာဝင်များအချင်းချင်းသာ မိတ်ဆုံစားပွဲကျင်းပခဲ့သော်လည်း ယခုနှစ်တွင် ဘာသာပေါင်းစုံမှပါဝင်ရန် စီစဉ်လိုက်ရကြောင်း၊ ဘာသာကွဲသော်လည်း နားလည်မှုရှိကြရင် ပြည်ထောင်စုမြန်မာနိုင်ငံ ငြိမ်းချမ်းသာယာဝပြောရန်အတွက် ရည်ရွယ်၍ ယနေ့အခမ်းအနား အစီအစဉ်ကို ပြုလုပ်ရကြောင်းပြောကြားခဲ့သည်။ ထို့နောက် ကမ္ဘာ့ငြိမ်းချမ်းရေး၊ မြန်မာ့ငြိမ်းချမ်းရေး၊ မန္တလေးမြို့တော်ငြိမ်းချမ်းရေးအနေဖြင့် ဘာသာပေါင်းစုံမှ ငြိမ်းချမ်းရေးစကား၊ ဆုတောင်းများ ရွတ်ကြပါသည်။
ဗုဒ္ဓဘာသာကိုယ်စား တောင်ထီးလင်းတိုက်ဆရာတော်မှ ငြိမ်းချမ်းရေးသြ၀ါဒမြွက်ကြားပြီး၊ ရှေးယခင်ကတည်းက မန္တလေးမြို့တွင် ဘာသာဝင်များညီညွတ်စွာနေခဲ့ကြပုံကိုပြောကြား၍ သူ့လူငါ့လူခွဲရန်မလို၊ ခွဲခြားနေကြလို့သာ ယခုကဲ့သို့ ကိစ္စရပ်များဖြစ်နေတာကြောင့်၊ ဆရာကြီးဦးရာဇတ်အား ပမာထား၍ ငြိမ်းချမ်းရေးသြ၀ါဒမြွက်ကြားခဲ့ပါသည်။
ခရစ်ယာန်ဘာသာဝင်များကိုယ်စား အထက်ဗမာပြည် မက်သရစ်ဂိုဏ်းချုပ်ဆရာတော် ဦးဇော်ဝင်းအောင်မှ ငြိမ်းချမ်းရေးဒေသနာပြောကြားပြီး၊
အစ္စလာမ်သာသနာဝင်များကိုယ်စား အစ္စလာမ်ပရမတ္တအဖွဲ့မှ ခလီဖွှဟ် ဦးသိန်းဝင်းအောင်မှ ယခုကဲ့သို့ အားလုံးစည်းလုံးကြတာဝမ်းသာမိကြောင်း၊ ဘုန်းတော်ကြီးများမှလည်း ယခုလို ဆွမ်းဘုန်းပေးကြသည်မှာ တစ်ဦးနှင့်တစ်ဦး ရင်းနှီးချစ်ခင်မှုရှိကြလို့သာ ဆွမ်းဘုန်းပေးကြောင်း၊ မေတ္တာရှိပြီး အသိပညာရှိဖို့ အားလုံး ၀ိုင်းဝန်းကြရန်လိုကြောင်း၊ မြန်မာပြည်ကို ချစ်ပြီး နိုင်ငံအေးချမ်းဖို့အဓိကလိုအပ်ကြောင်းပြောကြားပြီး ရခိုင်ဒေသ၊ ကချင်ဒေသ၊ မြန်မာပြည်အေးချမ်းတည်ငြိမ်စွာနဲ့ အေးချမ်းသာယာဝပြောစေဖို့ ဆုတောင်းခဲ့ပါသည်။
ဘဟာအီသာသနာကိုယ်စား ကိုအောင်ဆက်ဖြိုးမှ ငြိမ်းချမ်းရေးတရားဒေသနာကို ဖတ်ရွတ်ပေးခဲ့ပါသည်။
“ဘယ်လောက်အခက်အခဲရှိရှိ ၀ိုင်းဝန်းလုပ်ဆောင်ကြပါ” ဟူ၍ ဘုရားကြီးအလယ်တိုက်၌ အခမ်းအနားဖြစ်မြောက်အောင် စီစဉ်ခဲ့သူ ဦးဇာနည်အောင်မှပြောကြားခဲ့ပြီး၊ အခမ်းအနားဖြစ်မြောက်ရေးတွင်ပါဝင်ခဲ့သူ ကိုသိန်းထိုက်အောင်မှလည်း “အစဉ်အလာဆိုတာ ရှိအောင်စဖို့လိုပါတယ်။ အရင်နှစ်က မရှိသေးတာကို ယခုနှစ်စတင်ပါပြီ။ နှစ်စဉ်လည်း ဆက်လုပ်ပါမည်”ဟု ပြောကြားခဲ့ကြပြီး အခမ်းအနားကို ရပ်နားခဲ့ကြကြောင်း သိရပါတယ်။
အခမ်းအနားကို မန္တလေးမြို့ လေးပြင်လေးရပ်က ထေကြီးဝါကြီး သံဃာတော် ၄၂-ပါးကို ဆွမ်းဆက်ကပ်၍ လှူဖွယ်ဝတ္ထုများလှူဒါန်းပြီး၊ တက်ရောက်ခဲ့သူ လူ ၂၀၀-၀န်းကျင်ခန့် ရှိတယ်လို့ သတင်းရရှိပါတယ်။
မူလက Oriental House တွင် ကျင်းပရန်စီစဉ်ခဲ့ပြီးမှ ယခု ဘုရားကြီးအလယ်တိုက်သို့ပြောင်းရွေှ့ ပြုလုပ်လိုက်ရခြင်းနှင့်ပတ်သက်ပြီး အစီအစဉ်ကို ဦးဆောင်ခဲ့သူ ဦးအောင်ဇော်ဝင်းကို အခမ်းအနားအပြီးတွင် မေးမြန်းရာ ဦးအောင်ဇော်ဝင်းမှ ပြန်လည်ဖြေကြားပေးခဲ့ပါသည်။
“ရခိုင်ဒေသမှာ ပြဿနာတွေစဖြစ်ပြီးတော့ ဘာသာပေါင်းစုံ ငြိမ်းချမ်းရေးဆုတောင်းပွဲလုပ်မယ်ဆိုပြီးစီစဉ်ခဲ့တယ်။ Oriental House မှာပါပဲ။ အဲဒီတုန်းကလည်း တော်တော်များများကိုဖိတ်ပြီးစီစဉ်ပြီးခါမှ ကျွန်တော်တို့ကို မလုပ်ပါနဲ့ဆိုပြီး တားခံရတယ်။ အဲဒါက ပထမအကြိမ်က။ ဒါကတော့ ဒုတိယအကြိမ်ပါ။ ဒီတစ်ကြိမ်မှာတော့ ကျွန်တော်တို့က ကြိုတင်ပြီး စီစဉ်မယ်ဆိုပြီး တစ်ပတ်ကြိုပြီးတော့ စာတင်ပါတယ်။ ပုံမှန်ထုံးစံအရ စာတိုက်က တင်ရတယ်လို့ပြောပါတယ်။ ဒါပေမယ့် ဒီတစ်ခါက ဆက်သွယ်မိတဲ့ အဆက်အသွယ်ရှိတော့ ပြည်ခိုင်ဖြိုးပြည်သူ့ ဆက်ဆံရေးရုံးကနေတဆင့် သာသနာရေးဝန်ကြီးဆီတင်ခဲ့တယ်။ ကျွန်တော်တို့ကလည်း တစ်ပတ်ကြိုပြီးတင်တာရယ်၊ သူတို့ကိုယ်တိုင်က ပင့်သံဃာစာရင်း လျာထားပေးတဲ့အတိုင်း ပင့်သံဃာတွေ ပင့်ခဲ့ပါတယ်။ သံဃာတွေပင့်ပြီးခါမှ မနေ့ကနေ့လည်ပိုင်းမှာမှ ကျွန်တော်တို့ကို ပါမစ်ချမပေးဘူးလို့ပြောပါတယ်။ ဒီတော့ ကျွန်တော်တို့မှာ အခက်အခဲရှိနေပြီ သူတို့လျာထားပေးတဲ့ ပင့်သံဃာများလည်း ပင့်ထားပြီးပြီ၊ နောက်ပြီး လေးပြင်လေးရပ်မှ ထေကြီးဝါကြီးများကိုလည်း ပင့်ထားပြီးပြီတဲ့အတွက် အခက်အခဲဖြစ်လို့ တတ်နိုင်သမျှစီစဉ်လိုက်တာပါ။ ကျွန်တော်တို့ပုံမှန်တော့ လူ ၆၀၀ ဖိတ်ပါတယ်။ အခု ဒီမှာကတော့ အဲဒီ ဖိတ်ထားတဲ့ လူ ၆၀၀ လုံးကိုတော့ မခေါ်တော့ပဲ ခရစ်ယာန် သာသနာကဘုန်းတော်ကြီး၊ ဗုဒ္ဓဘာသာ သံဃာတော်များနဲ့ တစ်ခြားသော ဂုဏ်သရေရှိ လူကြီးလူကောင်းတွေကို အကျဉ်းရုံးပြီးတော့လုပ်လိုက်ရပါတယ်။ Oriental မှာကျင်းပခွင့်မရတာကြောင့် ကျွန်တော်တို့ အကြပ်ရိုက်ပြီး မိတ်ဆွေများနဲ့တိုင်ပင်ပြီး နောက်ဆုံးကျတော့ အဆင်ပြေတဲ့ဘုန်းတော်ကြီးကျောင်းမှာပဲ ဆွမ်းကပ်ရင်အဆင်ပြေမယ်ဆိုပြီးတော့ မိတ်ဆွေများနဲ့အတူ ဒီမှာ လာလျှောက်ပါတယ်။ ဆရာတော်ဦးခေမာစာရက အကူအညီပေး ခွင့်ပြုတဲ့အတွက် ဒီမှာပဲ အကျဉ်းရုံးသွားတာပါ။ ပင့်သံဃာများရယ်၊ ခရစ်ယာန်သာသနာများရယ်၊ အစ္စလာမ်ဘာသာဝင်အချို့ရယ်ပဲ ပါဝင်နိုင်ကြပါတယ်။ လူ ၆၀၀ စာ စီစဉ်ထားတာတော့ အားလုံးဖျက်လိုက်ရပါတယ်။”
“စာတင်တာကတော့ ဒီနေ့မတိုင်ခင် တစ်ပတ်ကျော်က စာတင်ခဲ့ပါတယ်။ စာတင်တော့ သာသနာရေးဝန်ကြီးဆီ တိုက်ရိုက်တင်ပါတယ်။ ပြည်ခိုင်ဖြိုးပြည်သူ့ ဆက်ဆံရေးရုံးက အကြံပေးပါတယ်။ မနေ့က အဓိက ငြင်းပယ်တဲ့အကြောင်းပြချက်က ကျွန်တော်တို့တင်တဲ့စာမှာ မိတ်ဆုံစားပွဲလို့ တင်ထားတဲ့အတွက် သံဃာတော်များနဲ့ မအပ်စပ်ဘူးလို့ အကြောင်းပြပါတယ်။ ကျွန်တော်တို့ကလည်း သံဃာတော်တွေကို ဆွမ်းကပ်ရန်ကိစ္စအတွက်ကတော့ ပါမစ်လိုမယ်လို့ မထင်ဘူးပေါ့နော်။ ဒီတော့ လူ ၆၀၀ လောက်ပဲ မိတ်ဆုံစားတာအတွက်ပဲ ပါမစ်တင်လိုက်တယ်။ ဆွမ်းကပ်ဖို့ကတော့ ဆွမ်းပင့်ဖိတ်လွှာသီးခြားနဲ့လုပ်ထားတယ်။ နောက် Oriental House မှာလည်း သံဃာတော်များကို အပေါ်ထပ်မှာ သီးခြားဆွမ်းကပ်ဖို့ စီစဉ်ထားပါတယ်။ အ-ဂါရ၀မဖြစ်အောင် ၀ိဝါဒတရားနဲ့အညီအညွတ်ဖြစ်အောင် စီစဉ်ထားပါတယ်။ သို့သော်လည်း ဘယ်လိုနားလည်မှုလွဲမှားလဲမသိဘူး။ သံဃာတော်တွေ Oriental မှာ လူတွေနဲ့ ရောပြီးတော့ မိတ်ဆုံစားမယ်ဆိုတာ မဖြစ်ဘူးဆိုတဲ့အကြောင်းပြချက်နဲ့ ငြင်းပါတယ်။ ဒါပေမယ့် မတားပါဘူး။ ပထမအကြိမ် ငြိမ်းချမ်းရေးဆုတောင်းပွဲလုပ်မယ်ဆိုတုန်းက မလုပ်ဖို့တားပါတယ်။ အခုတစ်ကြိမ်မှာတော့ မတားပါဘူး။ လုပ်ခွင့်မပေးတာပဲရှိတယ်၊ မလုပ်နဲ့လို့ မတားပါဘူး။”
“ပထမအကြိမ်ဆိုတာ ရခိုင်ဒေသ စပြီး မတည်မငြိမ်ဖြစ်တုန်းက။ ဒီပြဿနာတွေ ပြည်မမှာ မကူးစက်အောင် ဘာသာပေါင်းစုံခေါင်းဆောင်တွေ တွေ့ပြီး ငြိမ်းချမ်းရေးဆုတောင်းမယ်၊ ဘာသာပေါင်းစုံ အပြန်အလှန်နားလည်မှုရှိအောင်လို့ လုပ်ကြမယ်ဆိုပြီး လုပ်ခဲ့တာပါ။ အဲဒါလည်း Oriental မှာပါပဲ။ အားလုံးလူတော်တော်များများ ဖိတ်ပြီးခါမှ ခ.ယ.က က ခေါ်ပြီးတော့ မေတ္တာရပ်တယ်။ သူတို့ ခွင့်မပြုနိုင်ဘူး၊ ဇွတ်လုပ်ရင်တော့ ကျွန်တော်တို့ တာဝန်ယူရမယ်ဆိုပြီးတော့။ မနေ့ကတော့ ဘာမှ လုပ်ပါ မလုပ်ပါနဲ့မပြောဘူး။ လုပ်ပါလို့ ခွင့်ပြုချက်မပေးဘူး။ မလုပ်ပါနဲ့လို့လည်း ကျွန်တော်တို့ကို မတားခဲ့ဘူး။ ခွင့်ပြုမိန့်မပေးဘူးဆိုတာကလည်း မနေ့ကမှပါ။ မနေ့က နေ့လည်ကမှပါ။ အစကတည်းက ပင့်သံဃာစာရင်းကို သူတို့ဘက်ကပဲ ပေးခဲ့ပါတယ်။ ဘယ်သံဃာတွေ ပင့်သင့်ပါတယ်ဆိုတာကိုပါ။”
“အခုလို စီစဉ်တာက ဘယ်လိုအကျိုးတရားဖြစ်ထွန်းမလဲဆိုတာက အဓိက ကတော့ ပြည်ထောင်စုမြန်မာနိုင်ငံထဲမှာ ဘာသာပေါင်းစုံ ချစ်ခင်ညီညွတ်ပြီးတော့ ငြိမ်းချမ်းရေးဖြစ်ထွန်းအောင်ပါပဲ။ အဓိကက နိုင်ငံတော်တစ်ဝန်းမှာ ငြိမ်းချမ်းသာယာပြီး အေးချမ်းသာယာအောင်ပါ။ ဘာသာအသီးသီးရဲ့ ဘာသာဝင်တွေကြားထဲမှာ အမုန်းတရားဆိုတာ ဖြစ်မလာပဲနဲ့ ချစ်ခင်ညီညွတ်မှု ငြိမ်းချမ်းသာယာမှု ဖွံ့ဖြိုးတိုးတက်ဖို့ကို ရည်မှန်းတာပါ”
“လေးပြင်လေးရပ်က ထေကြီးဝါကြီးသံဃာတော် ၄၂-ပါး ပါပါတယ်။ အခုလို ခွင့်ပြုမိန့်မပေးတာနဲ့ ပတ်သက်ပြီး သုံးသပ်ချက်ဆိုတာကတော့ အစိုးရိမ်ကြီးတယ်လို့ပဲ ထင်ပါတယ်။ ဘာလို့လဲဆိုတော့ မှတ်ချက်က တရားဝင်တော့ မဟုတ်ဘူး။ ပြန်ကြားရတာက ပြုလုပ်ခွင့်ပေးလို့ ထူးထူးခြားခြား အကျိုးဖြစ်ထွန်းဖွယ် မရှိဘူး။ ပြုလုပ်ခွင့်ပေးလိုက်လို့ ပြဿနာတစ်စုံတစ်ရာဖြစ်ရင် ဆုံးရှုံးမှုရှိတယ်လို့ ကြားရတယ်။ ပြောရရင်တော့ အစိုးရမ်ကြီးလွန်းတယ်လို့တော့ပြေချင်တယ်။ တကယ်တမ်းကျတော့ နိုင်ငံတော်သမ္မတကြီးကိုယ်တိုင် လမ်းညွှန်ထားတာက ဘာသာရေး၊ လူမှုရေးအဖွဲ့အစည်းတွေကြားထဲမှာ ရင်းနှီးချစ်ခင်မှု ညီညွတ်မှုလေးတွေ တည်ဆောက်စေချင်တယ်။ ဒါကို ကျွန်တော်တို့က ပြောရရင် နိုင်ငံတော်သမ္မတကြီးရဲ့ဆန္ဒကို ထင်ဟပ်ဖို့ ကျွန်တော်တို့ကြိုးစားခြင်းပဲဖြစ်ပါတယ်။”
