News @ M-Media

Blog

  • ကျွန်မရဲ့ သူရဲကောင်း (ရှစ်လေးလုံးနှစ်ပတ်လည် အမှတ်တရ)

    ပသီ ဝိုင်းဝတ်ရည်မြင့်

    ၈၊၈၊၂၀၁၂

        မိတ်ဆွေအပေါင်းအသင်းနဲ့ဆက်ဆံတဲ့အခါမှာ၊ ခေါင်းဆောင်ကောင်း တစ်ယောက် ဖြစ်လာတဲ့အခါမှာ စိတ်ရှည်ပါ၊ သည်းခံခွင့်လွှတ်ပါ၊ မတူညီရင် ညှိကြည့်ပါ၊ မရရင် ဥပက္ခာပြုလိုက်ပါ။ လူတွေကို မိတ်ဆွေမဖြစ်ချင်နေပါစေ ရန်သူမဖြစ်ပါစေနဲ့။ မနာလိုဝန်တိုစိတ်ဟာ ကိုယ့်ဘဝတစ်ခုလုံး ချောက်ထဲကျအောင် တွန်းပို့တတ်တယ်။ ဒါကြောင့် အဲဒီစိတ်နဲ့ဝေးအောင်ရှောင်ပါ။ မာနထား မလွဲမှားပါစေနဲ့။ မခံချင်စိတ် မလွဲမှားပါစေနဲ့။  (ပသီမာလာဆွေ)

    သမီးကျောင်းတက်တဲ့တလျှောက်လုံး အိမ်မှာဆိုရင်တော့ မေမေက သမီးရဲ့ဆရာမပဲပေါ့။ မှတ်မှတ်ရရ သမီး  ၄-တန်း (စတုတ္ထတန်း) ကျောင်းသူဘ၀တုန်းကလေ။ အဲဒီတုန်းက ၁၉၈၈-ခုနှစ်၊ မြန်မာနိုင်ငံမှာ စစ်အစိုးရရဲ့ ဖိနှိပ်အုပ်ချုပ်မှုကို တွန်းလှန်ကြတဲ့ ပြည်သူ့ဆန္ဒတွေ ထုတ်ဖော်ပြလာကြတဲ့ ၈၈-အရေးခင်းဆိုတာ ဖြစ်ပေါ်တဲ့အချိန်ပေါ့။ သမီးတို့ကျောင်းတွေ ဖွင့်ပြီး သိပ်မကြာဘူး။ အရေးအခင်းဖြစ်တာကြောင့် ကျောင်းတွေပိတ်လိုက်တယ်လေ။ အဲဒီအချိန်တွေဟာ သမီး ဘ၀အတွက် ပိုပြီးအမှတ်တရ ဖြစ်စေခဲ့တယ်။ မေမေရဲ့တိကျပြတ်သား ခိုင်မာမှုနဲ့ ရဲရင့်တဲ့သတ္တိအပြည့်ရှိတဲ့စိတ်ဓါတ် တွေကို သမီးမြင်တွေ့ခဲ့ရတဲ့အချိန် ဆိုလည်း မမှားပါဘူး။ အဲဒီအချိန်က သမီးတို့က အိမ်ငှားဘ၀နဲ့နေကြရတဲ့အချိန်လေ။ ဆန္ဒပြမှုတွေ စီတန်းလှည့်လည်မှုတွေ လုပ်ကြတော့ သမီးက လိုက်ကြည့်ရင်းနဲ့ အိမ်ကနေ မန္တလေးဘူတာကြီးရှေ့ ဆေးရုံကြီးနားအထိ ရောက်သွားခဲ့တယ်။ အဲဒီကနေမှ အိမ်ကိုပြန်လာတော့ မေမေက သမီးကို ဘာပြောခဲ့လဲ။ နောက်ကို အဲလိုအဝေးကြီးထိ လိုက်မသွားဖို့ကို သမီးနားလည်အောင်ပြောပြခဲ့ပြီး အဲလို သွားရကောင်းလားလို့ မဆူခဲ့ဘူးနော်။ နောက်ရက်တွေမှာ ဆန္ဒပြမှုတွေ ဆက်တိုက် ဖြစ်လာတဲ့အချိန် မေမေက သမီးတို့ကို အစ်မ၀မ်းကွဲနဲ့အိမ်မှာထားခဲ့ပြီး အဲဒီဆန္ဒပြမှုတွေမှာ ဂီတအစည်းအရုံး(မန္တလေး)ရဲ့ စစ်ကြောင်းဆိုတာကနေ ပါဝင်တာကိုသမီးသိလာရတယ်။

    မေမေက မြန်မာ့အသံမှာ တေးသံရှင် တစ်ယောက်ဖြစ်တော့ ဂီတအစည်းအရုံးအသင်းဝင်တစ်ယောက်လည်းဖြစ်တာပေါ့။ အဲဒီဆန္ဒပြပွဲတွေနောက်မှာ တရားဟောပွဲတွေပါရှိလာတယ်။ သမီးမှတ်မိတာက ညနေဘက်ဆို ဘုရားကြီး (၄၅-တာ)ကွင်းထဲမှာ တရားပွဲတွေလုပ်ကြတာလေ။ အရှေ့ (၄၅-တာ)၊ အနောက်(၄၅-တာ)မှာ လူတွေဆိုတာ ကွင်းအပြည့်ပဲ။ ညနေတိုင်း မေမေက သမီးကိုခေါ်သွားခဲ့တာ သမီးအမှတ်ရတယ်။ တစ်နေ့တော့ မေမေရယ် သမီးရယ် အရှေ့(၄၅-တာ)ကနေ အနောက်(၄၅-တာ)ကို ရောက်သွားတော့ မထင်မှတ်ပဲ ဖေဖေ့ကိုလည်း တွေ့လိုက်ကြရ တယ်။ အဲဒီတော့မှ ဖေဖေရောမေမေရောဆုံပြီး ရီလိုက်ကြတာ။ ဖေဖေကလည်း အလုပ်ကနေလာတာ။ မေမေကလည်း အိမ်ကနေလာတာ ဟိုမှာ သွားဆုံနေကြတာလေ။ နောက်ပိုင်း သမီးပိုသိလာတဲ့အချိန်မှာ မေမေဟာ စင်မြင့်ထက်ပေါ်မှာ တရားဟောသူနေရာရောက်နေပြီ။ အဲဒီအချိန်မှ သမီးသိလာရ တာက မေမေဟာ ဟိုးအရင်ကတည်းက နိုင်ငံအရေးတွေမှာ စိတ်ဝင်စားစွာပါဝင်နေခဲ့တယ်ဆိုတာကို သေချာသိရတော့တယ်။

    ပထမပိုင်းမှာတော့ တရားပွဲစီစဉ်သူတွေက ဂီတအစည်းအရုံးကိုဖိတ်တယ်။ ဂီတအစည်းအရုံးကမှ တစ်ယောက်တစ်လှည့်စီ လွှတ်တယ်။ နောက်ပိုင်းမှာတော့ တရားဟောပွဲစီစဉ်သူတွေက ‘တေးသံရှင် ဇာဇာမိုးမင်း’ဆိုတဲ့ မေမေ့နာမည် တပ်ပြီးဖိတ်ကြတော့ မေမေက ပင်တိုင်ပြောဟောရတော့တယ်ဆိုတာလည်း သမီးသိခဲ့ရတယ်။ ဒါတွေ အားလုံးမှာ မေမေရဲ့ လက်ဦး ဆရာကတော့ သမီးရဲ့ဖိုးဖိုး မေမေ့ရဲ့ချစ်ဖခင် ပသီဦးကိုကိုလေးပေါ့။ အဲဒီနောက်မှာတော့ ဖေဖေဟာလည်း မေမေရဲ့ ပါရမီဖြည့်ဖက်ပီသစွာ မေမေရဲ့တရားပွဲမှန်သမျှကို လိုက်ပါပြီးအားပေးကူညီခဲ့တယ်။ မေမေနယ်တွေထိ တရားဟော သွားရရင် အိမ်မှာက အစ်မ၀မ်းကွဲရယ်၊ သမီးတို့ ညီအစ်မ(၂)ယောက်ရယ်ပဲရှိကြတော့ အဖွားရယ်၊ အဒေါ်တွေရယ်က တစ်လှည့်စီ လာနေပေးကြတယ်။ အဲဒီအချိန်က လမ်းပန်းဆက်သွယ်ရေးက မလွယ်ကူသေးတော့ မေမေသွားရတဲ့ ခရီးတွေက ကြမ်းတမ်းတယ်။ ဒါပေမယ့် မေမေကတော့ အပြုံးမပျက် အပင်ပန်းခံပြီး သွားလာနေတယ်။ ဖေဖေကလည်း ပါရမီဖြည့်ဖက်ပီသစွာ အပြုံးမပျက် မေမေ့ဘေးကနေ အားပေးခဲ့တာတွေကိုလည်း သမီးမှတ်မိပါတယ် မေမေရယ်။

    မေမေဟောခဲ့တဲ့ တရားပွဲပေါင်း (၁၀၀)ကျော်မှာ သမီးလိုက်ခဲ့ဖူးတဲ့ ၃-ပွဲနဲ့ သွားကြည့် နားထောင်ခဲ့တာ ၁-ပွဲပဲ ရှိတယ်မေမေ။ မဟာမြတ်မုနိဘုရားကြီးရဲ့တောင်ဘက်  တမ္ပ၀တီရပ်နဲ့ ကျွန်းလုံးဥသျှောင် ရပ်ကွက်ရယ်၊ အ-ထ-က(၇)မှာ ဟောခဲ့တဲ့ မေမေ့ရဲ့ဟောပြောမှုတွေကိုတော့ သမီးလိုက်နားထောင် ကြည့်ခွင့်ရခဲ့ဖူး တယ်လေ။ နောက်တစ်ပွဲကတော့ သမီးတို့ရဲ့ ဘေးရပ်ကွက်မှာဟောတဲ့အခါ အစ်မ၀မ်းကွဲနဲ့သမီးရယ်၊ သမီးတို့အိမ်ရှင် အန်တီကြီးတို့မိသားစုရယ်နဲ့ လာကြည့် နားထောင်ဖူးခဲ့တာပါမေမေ။ စင်ပေါ်မှာ မာန်သတ္တိအပြည့်၊ ကြည်လင် ပြတ်သားတဲ့အသံ၊ မေမေ့ရဲ့ဟန်ပန်ကို သမီးအားကျခဲ့ပြီး ပရိသတ်ရဲ့အားပေးမှုလက်ခုတ်သံတွေကိုလည်း မေမေ့အတွက် သမီးဂုဏ်ယူခဲ့ဖူးတယ်မေမေ။

    အဲဒီထက် အမှတ်ရတာတွေလည်း ရှိသေးတယ်မေမေ။ မှတ်မှတ်ရရ စစ်အာဏာသိမ်းတယ်ဆိုတဲ့ညကပေါ့။ မေမေနဲ့ ဖေဖေက ခါတိုင်းလိုပဲ တရားဟောပွဲသွားတော့ အစ်မ၀မ်းကွဲရယ်၊ သမီးရယ်၊ ညီမလေးရယ်ပဲ အိမ်မှာရှိကြတာပေါ့။ အဲဒီအချိန်မှာ ၀ုန်းဒိုင်းနဲ့ ဆူညံတဲ့အသံတွေ ကြားရတယ်။ ပြီးတော့ တဒိုင်းဒိုင်းနဲ့ အသံတွေကြားရတယ်။ သမီးတို့လည်း ဘာတွေမှန်းမသိခဲ့ဘူး။ အဲဒီအချိန်မှာပဲ အိမ်ရှင်အန်အယ်လ်ကြီးနဲ့အန်တီကြီး(အားလုံးက အန်ကယ်လ်ကြီးနဲ့အန်တီကြီးပဲ ခေါ်ကြတယ်လေ)ရဲ့ သမီးက အိမ်ပေါ်ပြေးတက်လာပြီး သမီးတို့တွေကို ကလေးတွေ ကြမ်းပြင်ပေါ်မှာ ငြိမ်ငြိမ်လေး ၀ပ်နေကြ။ စစ်တပ်အာဏာသိမ်းလို့ သေနတ်တွေပစ်နေပြီဆိုပြီး အဲဒီအန်တီက သမီးတို့နဲ့အတူ လာနေပေးခဲ့တယ်။ အဲဒီတော့မှ သေနတ်သံဆိုတာသမီးကြားဖူးခဲ့တယ်။ ဘာမှန်းတော့မသိဘူး စစ်တပ်အာဏာသိမ်းတယ်ဆိုတာလည်း ကြားဖူးလိုက်တယ်။ နောက်တော့ အဲဒီညမှာပဲ လမ်းတွေလည်း အားလုံးပိတ်လိုက်ကြတယ်တဲ့။ လမ်းတိုင်းလမ်းတိုင်းမှာ သစ်တုံးတွေ၊ သစ်ပင်တွေ၊ ပစ္စည်းတွေပုံပြီး လမ်းတွေမှာ ကားတွေ သွားမရအောင်ပိတ်လိုက်ပြီလို့ ကြားရတော့ အိမ်ပြန်မလာသေးတဲ့ ဖေဖေနဲ့မေမေအတွက် သမီးစိတ်ပူမိတယ်။ မိုးလင်းခါနီးအချိန်မှာတော့ အိမ်ရှေ့က ဆူဆူညံညံ အသံတွေကြောင့် သမီးလည်း နိုးသွားခဲ့တယ်။ အိမ်ရှင်အန်တီကြီးတို့ကလည်း အိမ်ရှေ့မှာရပ်နေတာ တွေ့ရတယ်။ အဲဒီမှာ ဖေဖေနဲ့မေမေကိုလည်း အိမ်ပေါ်ကနေ သမီးလှမ်းမြင်လိုက်ရတယ်လေ။

    ဖေဖေ မေမေတို့နဲ့အတူ တစ်ခြားသူ ၄-၅ ယောက်လည်းတွေ့ရတယ်။ ဘာတွေပြောနေလည်းတော့ သမီးမကြားရဘူး။ ခဏနေတော့ အိမ်ရှင်အန်တီကြီးက အဲဒီသူတွေကို ကျေးဇူးတင်ပါတယ်လို့ပြောတာ ကြားလိုက်တယ်။ သူတို့တွေလည်း ပြန်သွားတယ်။ ဖေဖေမေမေတို့လည်း အိမ်ပေါ်တက်လာကြတယ်။ အိမ်ရှင် အန်အယ်လ်ကြီးတို့လင်မယားရော၊ သူတို့သမီးရော၊ အိမ်အောက်ထပ်က အိမ်ငှား မိသားစုရော အကုန်လုံး အိမ်ပေါ်ရောက်လာကြတယ်။ အိမ်ပေါ်ရောက်တော့ မေမေ့ကို ၀ိုင်းဝန်းပြီးမေးကြတော့တာပေါ့။ ဖေဖေက အားလုံးကို ပြောပြနေတယ်။ အိမ်ရှင်အန်တီကြီးက မာမာရယ် … စိတ်ပူလိုက်ရတာ လို့ပြောတာကိုတော့ မှတ်မိတယ်။ မာမာဆိုတာ မေမေ့နာမည်က (ပသီ)မာလာဆွေဆိုတော့ အားလုံးက မာမာလို့ခေါ်ကြတာလေ။ ဖေဖေပြောပြတာကိုလည်း သမီးနားထဲမှာ အခုထိစွဲနေတုန်းပဲ။ စစ်အာဏာသိမ်းလို့ သေနတ်စပစ်တဲ့အချိန်က မေမေက စင်ပေါ်မှာ တရားဟောနေတဲ့အချိန်။ သေနတ်လည်းပစ်ရော တရားပွဲနားထောင်သူတွေက ရုတ်ရုတ်သဲသဲဖြစ်ပြီး ထပြေးကြတော့မလို ဖြစ်ကုန်တဲ့။ မေမေကပြောတယ် ‘မပြေးကြပါနဲ့ မှန်စရာရှိရင် စင်ပေါ်က ကျွန်မကို အရင်မှန်မှာပါ’ လို့ ပြောလိုက်တယ်။ အဲဒီမှာ လူတွေလည်း ပြန်ထိုင်ကုန်ကြတယ်တဲ့။ အဲလိုပြောလိုက်တဲ့အချိန်မှာပဲ ဟောပြောပွဲက တာဝန်ရှိ လူငယ် ၂-ယောက် စင်ပေါ်တက်သွားပြီး မေမေ့ရဲ့ ဘေးတစ်ဘက်စီကနေ ရပ်ပေးနေကြတယ်။

    မေမေကလည်း တရားကို ပြီးဆုံးအောင် ဆက်ဟောခဲ့တယ်။ အဲဒီတရားပွဲပြီးတော့ လမ်းတွေ ပိတ်နေတော့ ခါတိုင်းလို စက်ဘီးနင်းပြီး ပြန်လာလို့မရတော့ဘူး။ လမ်းတိုင်းလမ်းတိုင်းမှာ ပိတ်ဆို့မှုတွေနဲ့ လူငယ်တွေ ကင်းစောင့်နေကြတယ်။ အဲဒါ ကင်းစခန်း အဆင့်ဆင့် တစ်ဆင့်ပြီးတစ်ဆင့် လိုက်ပို့တာကြောင့် စက်ဘီးတွန်းပြီး ခြေကျင်လျှောက်လာကြရတာကြောင့် အခုလို နောက်ကျသွားကြကြောင်း၊ သမီးတို့တွေကို စောင့်ရှောက်ထားလို့ ကျေးဇူးတင်ကြောင်းပြောတယ်။ အိမ်ရှင်တွေ အောက်ထပ်က အိမ်ငှားတွေကလည်း ကိုယ့်မိသားစုတွေပဲ ဒါတွေပြောစရာမလိုဘူး။ မာမာ နောက်လှည့်မကြည့်နဲ့ ကိုယ်လုပ်စရာရှိတာဆက်လုပ်လို့ပြောတာကိုလည်း သမီးမှတ်မိပါတယ်မေမေ။ အဲဒါတွေက သမီးမျက်စိနဲ့မြင်ပြီး နားနဲ့ကြားခဲ့ရတဲ့ သမီးဂုဏ်ယူခဲ့တဲ့ မေမေ့ရဲ့ အကြောင်းတွေပေါ့။

    နောက်ထပ် မှတ်မိတာတွေလည်း အများကြီးရှိသေးတယ်မေမေ။ မေမေ့ကို ဖမ်းဆီးဖို့ အိမ်မှာလာရှာကြတာ တွေလည်း အခုထိ မျက်စိထဲမှာ ပြန်လည်မြင်ယောင်နေတုန်းပါပဲ။ အဲဒါတွေကိုလည်း သမီးမှတ်မိသလောက်ပြောဦးမယ် မေမေရယ် ……။

    × × × × × × × × ×

    တစ်နေ့ …. ဖေဖေက အလုပ်သွားနေတဲအချိန် …. မေမေက အပြင်သွားနေတဲ့အချိန် …… သမီးနဲ့ ညီမလေးက အိမ်ရှေ့ဝရန်တာမှာ ကစားနေကြတဲ့အချိန်ပေါ့။ အိမ်ရှေ့မှာ ကားတစ်စီးရပ်လာတယ်။ ကားပေါ်ကနေ ယူနီဖောင်း ၀တ်ထားတဲ့လူတစ်စုဆင်းလားတယ်။ ယူနီဖောင်းကတော့ စစ်ယူနီဖောင်းလား ရဲယူနီဖောင်းလား သမီး မမှတ်မိဘူးမေမေ။ အဲဒါနဲ့ အိမ်ရှင်အန်တီကြီးက ဘာကိစ္စရှိလို့လဲလို့မေးတော့ ဒီအိမ်ကို ရှာချင်လို့တဲ့။ အိမ်ရှင်အန်တီကြီးက ဒီအိမ်က ကလေးတွေပဲရှိတယ် လူကြီးတွေ မရှိဘူးလို့ပြောတော့ သူတို့ကဘာမှ မပြောပဲ အိမ်ပေါ်ကို တက်လာကြတယ်။ အိမ်ရှင်အန်တီကြီးကလည်း နောက်ကနေလိုက်တာတယ်။ အဲဒီလူတွေက အိမ်ပေါ်တက်လာပြီး ဖိနပ်လည်းမချွတ်ကြပဲ အိမ်ထဲထိဝင်ပြီး သမီးတို့ အိပ်တဲ့နေရာတွေထိ ဖိနပ်တွေနဲ့တက်ကြတယ်။ အဲဒီမြင်ကွင်းကိုမြင်ရတော့ သမီးလေ အဲဒီလူတွေကို တစ်ခုခုလုပ်ပစ်ချင်စိတ်တွေဖြစ်ပေါ်လာတယ်။

    သူတို့က တစ်အိမ်လုံးလည်း လျှောက်ရှာဖွေမွှေနှောက် လိုက်ကြတာ အလွန်ပဲ။ အဲဒါနဲ့ အစ်မကို မေးမိတယ်။ သူတို့က ဘာလုပ်တာလဲဆိုတော့ အစ်မကပြောတယ် အန်တီမာ့ကို ဖမ်းဖို့လာတာတဲ့။  မေမေ့ကိုဖမ်းဖို့လာတာဆိုတော့ မေမေသာ ပြန်လာလိုက်ရင် ဖမ်းမိသွားမှာလည်းစိုးရိမ်နေမိတယ်။ သမီးလေ သူတို့ကို ကြောက်တာလား၊ နာကြည်းတာလား၊ စိတ်ထဲမှာ ဘယ်လိုဖြစ်လည်းတော့ မမှတ်မိဘူးမေမေ။ သူတို့ကိုပဲ သေချာလိုက်ကြည့်နေမိတယ်။ ပြီးတော့ အိမ်ရှေ့ကိုကြည့်လိုက်နဲ့ပေါ့။ အဲဒီအချိန်မှာပဲ အိမ်ရှင်အန်ကယ်ကြီးက အိမ်ရှေ့မှာရပ်ထားတဲ့ စက်ဘီးလေးကို ဖျတ်ခနဲဆွဲပြီးထွက်သွားတာတွေ့လိုက်တယ်။ သိပ်မကြာပါဘူး အိမ်ရှင် အန်ကယ်လ်ကြီး ပြန်ရောက်လာတယ်။ အိမ်ပေါ်မှလည်း ပစ္စည်းတွေက ပွလန်ကြဲနေတာပဲ။ ခဏနေတော့ ဟိုလူတစ်စုပြန်သွားကြတယ်။

    အန်တီကြီးကလည်း ကဲ … သမီးတို့ ဘာမှစိတ်မပူနေကြနဲ့။ ရှင်းစရာရှိတာ ရှင်းကြဆိုပြီး သူကိုယ်တိုင်လည်း ပစ္စည်းတွေကို စုစည်းရှင်းလင်းပေးတယ်လေ။ ဟိုလူတွေ ကားနဲ့ထွက်သွားမှ အန်ကယ်ကြီးလည်း အိမ်ပေါ်တက်လာတယ်။ ပြီးတော့ သူကပြောပြတယ်။ ခုနက မာမာ ပြန်လာတာ …. လမ်းထိပ်ကနေ ကွေ့ဝင်လာတာ။ ငါလည်း ချက်ချင်းလှမ်းမြင်လိုက်တာနဲ့ စက်ဘီးဆွဲပြီး ချက်ချင်းသွားပြောလိုက်တာ။ တော်သေးတယ်။ ‘မာမာ’ ချက်ချင်း ပြန်လှည့်ထွက်သွားတယ်။ သူတို့တွေ ဘယ်သူမှ မသိလိုက်ကြဘူးတဲ့။ အဲဒီနောက်ပိုင်းရက်တွေမှာလည်း သူတို့တွေ ခဏခဏလာကြတယ်။ ဒါပေမယ့် အမြဲတမ်း လိုလိုပဲ မေမေ ထွက်သွားတဲ့အချိန်၊ မေမေမရှိတဲ့အချိန်ပဲ ဖြစ်ဖြစ်နေတော့ မေမေ့ကို ဖမ်းမမိကြဘူး။ အဲဒီအချိန်က အဖမ်းအဆီးက တအားကြမ်းတယ်တဲ့။

    နိုင်ငံရေးလုပ်သူတွေကို ဖမ်းပြီးရင် နှိပ်စက်တာ တော်တော်ဆိုးဝါးတယ်တဲ့။ ကျင်းတူးပြီး ကျင်းထဲမှာရပ်ခိုင်းပြီး ခါးတစ်ဝက်လောက်ထိ အင်္ဂတေ ကိုင်ထားတာမျိုးထိ လုပ်တယ်တဲ့။ အဲဒီလို အခြေအနေမျိုးတွေကြောင့် အဝေးတစ်နေရာမှာသွားပြီးရှောင်နေဖို့ မေမေ့ကို အားလုံးက တိုက်တွန်းကြတယ်။ ဒါပေမယ့် မေမေက မရှောင်ချင်ဘူးဆိုပြီး နေ့ခင်းဘက်ဆို တရားဟောပြောပွဲ ကိစ္စတွေအတွက်သွား ညမိုးချုပ်မှအိမ်ပြန်အိပ်လုပ်ရတော့တယ်။ ဒီနေရာမှာ သမီးတစ်ခုမှတ်မိသေးတယ်မေမေ။ သမီးတို့ နေတဲ့အိမ်ရဲ့နောက်က ဘုန်းကြီးကျောင်းဝင်းကြီးလေ။ ဘုန်းကြီးကျောင်းက ဘုန်းတော်ကြီးတွေကလည်း ဖေဖေမေမေ တို့ကို တအားခင်တယ်။ ညပိုင်းဆို အိမ်အောက်ထပ်မှာ လူတွေအများကြီးပဲ ၀ိုင်းထိုင်ပြီးစကားတွေပြောကြတယ်။ ဘုန်းကြီးကျောင်းထဲက ဘုန်းတော်ကြီးတွေလည်းပါတယ်။ အဲဒီ စကားတွေ ထိုင်နားထောင်တဲ့အထဲမှာ သမီးလည်းပါတယ်နော်မေမေ။ ဘုန်းတော်ကြီးတွေပြောတာလည်း သမီး မှတ်မိတယ်။ ‘ဒကာကြီးနဲ့ ဒကာမကြီး … ညရေးညတာအတွက် ဘာမှ မစိုးရိမ်နဲ့။ ညအချိန်မတော် တံခါးလာခေါက်ရင် ချက်ချင်းဖွင့်မပေးနဲ့။ ဒကာမကြီး အိမ်နောက်ဖေးကနေ ကျုပ်တို့ ဘုန်းကြီးကျောင်းထဲ ခုန်ချလာခဲ့။ ဦးဇင်း ကျွန်မပါလို့သာပြောပြီး ကျုပ်တို့ဆီ တံခါးသာ ခေါက်လိုက် …။ ဒကာမကြီးတို့နောက်ဖေးအုတ်တံတိုင်း ကျုပ်တို့ ဘုန်းကြီးကျောင်းထဲမှာ လှေကားထောင်ထားပေးမယ်။ ခုန်သာချလာခဲ့လိုက်၊ ဒီကောင်တွေ တကယ်သတ္တိရှိရင် ကျုပ်တို့ ဘုန်းကြီးကျောင်းထဲ လာရဲ လာကြည့်ပါစေ’တဲ့ … တကယ်လည်း သူတို့ပြောသလို ဘုန်းကြီးကျောင်းဘက်မှာ လှေကားထောင်ထားပေးခဲ့တယ်။

    အဲဒီနောက်ပိုင်းတွေမှာ အိမ်ကိုလာပြီး ရှာဖွေမှုတွေများလာတော့ အားလုံးကလည်း မေမေ့ကို အဝေးတစ်နေရာမှာ သွားနေကြဖို့တိုက်တွန်းကြ တော့တယ်။ ဒါနဲ့ပဲ မေမေလည်း အိမ်ကနေ အဝေးကို ခဏသွားနေဖို့ လုပ်တော့တယ်နော်။ ဒီလိုနဲ့ တစ်နေ့ကျတော့ ဖေဖေရယ် သမီးရယ်က စက်ဘီးတစ်စီး၊ မေမေရယ် ညီမလေးရယ်က စက်ဘီးတစ်စီးစီနဲ့ သမီးတို့ထွက်ခဲ့ကြတယ်။ မှတ်မှတ်ရရ အဲဒီအချိန်က သမီးတအားပျော်ခဲ့တယ်။ ဘာလို့လဲသိလားမေမေ။ ဖေဖေနဲ့မေမေက စက်ဘီးတွေကိုယ်စီ နင်းပြီး သမီးတို့မိသားစုလေးယောက်လေ ပျော်ပွဲစား ထွက်လာသလိုပဲ မန္တလေးကနေ ပုလိပ်ထိ စက်ဘီးနဲ့ သွားခဲ့ကြတာလေ။ မြစ်ငယ်တံတားပေါ်စက်ဘီးဖြတ်နင်းကတော့ သမီးမှာပျော်လိုက်တာမေမေရယ်။ ပုလိပ်က ဦးလေးနဲ့ အဒေါ်ဝမ်းကွဲအိမ်ရောက်တော့ သမီးတို့တွေကို ထားခဲ့ပြီး ဖေဖေကတော့ နောက်တစ်ရက်မှာ မန္တလေးကိုပြန်သွား တယ်လေ။ သမီးတို့ညီအစ်မ ၂-ယောက်ရယ် မေမေရယ်က ပုလိပ်မှာပဲ လနဲ့ချီပြီးနေကြတယ်။ ဖေဖေကတော့ မန္တလေးနဲ့ ပုလိပ်ကို သွားလိုက်ပြန်လိုက်ပေါ့။

    အဲဒီအချိန်တွေမှာ သမီးတို့ညီအစ်မတွေကတော့ ဦးလေးနဲ့အဒေါ်ဝမ်းကွဲရဲ့ သမီးတွေနဲ့ ကစားလိုက်ဆော့လိုက်နဲ့ ပျော်လို့ကောင်းနေကြတာပေါ့။ အဲဒီမှာ တော်တော်ကြာကြာနေပြီးတဲ့နောက် သမီးတို့ မန္တလေးကိုပြန်လာကြတယ်။ သမီးတို့အိမ်ကို မပြန်ကြပဲ အဖိုးအဖွား(ဖေဖေ့ဘက်)အိမ်ကို သွားနေခဲ့ကြပြန်တယ်နော်။ ဖိုးဖိုးဖွားဖွားတို့အိမ်မှာလည်း သမီးမှတ်မိတယ်မေမေ။ မတော်တဆ အဲဒီနေရာအထိ မေမေ့ကို လာဖမ်းကြတယ်ဆိုရင် အိမ်ရှေ့ကလာနေတုန်း မေမေနောက်ဖေးကနေ ချက်ချင်းထွက်သွားလို့ရအောင်ဆိုပြီး အဖိုးတို့အိမ်နဲ့ ဘေးအိမ်ကို အပေါက်သေးသေးလေးဖောက်ထားပေးကြတယ်လေ။ အဲဒီမှာလည်း သမီးတို့က ဆော့လို့ကောင်းတုန်းပဲပေါ့။ နောက်တော့ မေမေလည်း အိမ်ကို ပြန်တော့မယ်ဆိုပြီး ဆုံးဖြတ်လိုက်တယ်။ အဲဒီနောက် သမီးတို့လည်း အိမ်မှာပဲ ပြန်လာနေကြတော့တယ်။ အိမ်ကတော့ အရင်အိမ်နေရာမဟုတ်တော့ပဲ အိမ်ပြောင်းလိုက်ကြတယ်လေ။ အဲဒီနောက်တော့ မေမေ့ကို လာရှာတာလည်း မရှိတော့ဘူး။ ရွေးကောက်ပွဲလုပ်မယ်ဘာညာဆိုတော့ လွတ်လပ်ခွင့်ပေးလိုက်တဲ့သဘောလို့ သိရတယ်လေ။

    နောက်ပိုင်း ရွေးကောက်ပွဲအတွက် မေမေတို့ ကြိုးစားခဲ့ရတာတွေကိုလည်း သမီးအမှတ်ရဆဲပါ မေမေ။ ဒါတွေအားလုံးက သမီးရဲ့မျက်စိထဲမှာ ရှင်းရှင်းလင်းလင်းကို ပြန်မြင်မိနေတာတွေပါမေမေ။ ဘယ်လိုပဲဖြစ်ဖြစ် ကိုယ့်တိုင်းပြည်အတွက် တစ်ထောင့်တစ်နေရာကနေ အုတ်တစ်ချပ် သဲတစ်ပွင့်အဖြစ် ရွပ်ရွပ်ချွံချွံ ပါဝင်ခဲ့တဲ့မေမေဟာ သမီးအတွက်တော့ သမီးရဲ့ သူရဲကောင်းတစ်ယောက်ပါပဲ မေမေရယ် …………. ။

    နိဗ္ဗာန်သုခဘုံမှာ ထာဝရ နေနိုင်ပါစေ …. မေမေ ။

     

    ပသီဝိုင်းဝတ်ရည် ၏ FB မှာ ခွင့်ပြုချက်တောင်းခံပြီး ဖော်ပြခြင်းဖြစ်ပါသည်။

  • စာရေးဆရာ ကဗျာ ဆရာ မောင်သော်က (ခေါ်) ဗိုလ်မှူး ဘသော် (၁၉၂၈ – ၁၉၉၁)

    စာရေးဆရာ ကဗျာ ဆရာ မောင်သော်က (ခေါ်) ဗိုလ်မှူး ဘသော် (၁၉၂၈ – ၁၉၉၁)

    ၁၉၂၈ ခုနှစ်၊ ရွှေဘိုမြို့တွင် အဖ ဦးမှန်ကြီး၊ အမိ ဒေါ်မြိုင်တို့မှ ဖွားမြင်သည်။ သားသမီး ၄ ယောက် အနက် အကြီးဆုံးသား ဖြစ်သည်။ ၁၉၄၇ ခုနှစ်တွင် တက္ကသိုလ်ဝင်တန်း အောင်ခဲ့သည်။ ယင်းနှစ်တွင်ပင် ဗမာ့ ရေတပ်မတော်သို့ တပ်သား အဖြစ် ဝင်ရောက် အမှုထမ်းခဲ့သည်။ တပ်မတော် (ရေတပ်) တွင် ဗိုလ်မှူး ရာထူး အထိ ထမ်းဆောင်ခဲ့သည်။

    ၁၉၅၆ ခုနှစ်၊ နိုဝင်ဘာလတွင် မိမိ စစ်ရေယာဉ်မှူး အဖြစ် တာဝန် ထမ်းဆောင်နေသော တိုက်ရေယာဉ် ၁၀၃ သည် မဟာမိတ် ကျွန်းစုများ တဝိုက် ငါးဖမ်း သင်္ဘောများကို လိုက်လံ နိုမ်နင်းရေး တာဝန် ထမ်းဆောင်နေစဉ် မုန်တိုင်းမိကာ ပင်လယ်ပြင်တွင် မျောနေခဲ့သည်။ ဗိုလ်ကြီး ဘသော် (မောင်သော်က) နှင့် ရဲဘော် ၁၀ ဦးတို့သည် အသက်ကယ်ဖောင်ဖြင့် ၁၃ ရက်ကြာမျှ ပင်လယ်ပြင်တွင် မျောနေရာမှ ဂျပန် ကုန်တင် သင်္ဘောတစီးက တွေ့ရှိ ဆယ်ယူခဲ့၍ အသက်မသေ ကျန်ရစ်သူ ၁၀ ဦးတွင် ပါဝင်သည်။စာပေ ရေးသားခြင်းကို ကျောင်းသားဘဝမှ စတင်၍ စစ်ပြန်၊ ပဒေသာ မဂ္ဂဇင်း၊ စစ်နှလုံး ဂျာနယ်၊ မြဝတီ၊ ငွေတာရီတို့၌ ဆောင်းပါးများ၊ ဝတ္ထုများ များစွာ ရေးသား ဖော်ပြခဲ့သည်။

    ရေကြောင်း စွန့်စားခန်း ဝတ္ထုများ များစွာ ရေးသားရာတွင် ဗိုလ်ဘသော် (ရေတပ်) ဟု ကလောင် အမည်သုံးသည်။တပ်မတော် (ရေ) တွင် ဗိုလ်မှူး အဆင့်ထိ တာဝန် ထမ်းဆောင်ခဲ့ကာ ၁၉၆၉ ခုနှစ်တွင် တပ်မှ အငြိမ်းစားယူကာ ရှေ့သို့၊ ဖော်ဝပ်၊ အင်္ဂလိပ် မြန်မာ နှစ်စောင်စလုံးတွင် စာတည်းချုပ် အဖြစ် တိုင်းပြည် တာဝန်များကို ဆက်လက် ဆောင်ရွက်ခဲ့သည်။ မောင်သော်ကသည် အင်္ဂလိပ် မြန်မာ နှစ်ဘာသာလုံးဖြင့် ဝတ္ထု၊ ဆောင်းပါးများကို ပိုင်နိုင်စွာ ရေးသားနိုင်သူ ဖြစ်ကာ နေ့စဉ် သတင်းစာများ၌ အချိန်အားလျော်စွာ ရေးသားခဲ့သော မောင်သော်က၏ ဆောင်းပါးများမှာ သတင်းစာဖတ် ပရိသတ်ကို အထူးနှစ်ချိုက်စွာဖြင့် စောင့်မျှော် ဖတ်ကြရသည့် ဆောင်းပါးများ ဖြစ်သည်။နောက်ပိုင်းတွင် အင်္ဂလိပ်စာ၊ စကား သင်ကြားပို့ချခြင်း၊ ရေကြောင်း သိပ္ပံ အတတ်ပညာများကို နိုင်ငံခြားသွား သင်္ဘောသားများအား သင်ကြား ပို့ချပေးခြင်း၊ စာပေ ကဗျာ ရေးသားခြင်း စသည့် လုပ်ငန်းကို လုပ်ကိုင်ခဲ့သည်။

    ရန်ကုန်ဆေးရုံကြီး အမှတ် ၁၉/၂ဝ ဆေးကုသဆောင်ရှေ့၌ ပထမဦးဆုံး စင်မြင့် တရားပွဲအဖြစ် ဒေါ်အောင်ဆန်း စုကြည် ဟောပြောခဲ့စဉ်က ဦးဆန်နီညိမ်း ရိုက်ကူးခဲ့သော မှတ်တမ်း ဗီဒီယိုမှ ဤဓာတ်ပုံကို ရယူဖော်ပြပါသည်။ ဟောပြောပွဲတွင် ဒေါ်အောင်ဆန်း စုကြည်နှင့်အတူ ဆရာမောင်သော်က၊ ရုပ်ရှင်မင်းသမီး ခင်သီတာထွန်း

    နိုင်ငံရေး နောက်ခံ။
    မြန်မာ့ တပ်မတော် (ရေ) တွင် ဗိုလ်မှူး အဆင့်ထိ တာဝန် ထမ်းဆောင် ခဲ့သည်။ ထို့ကြောင့် ဗိုလ်မှူး ဘသော်ဟု လူသိ များသည်။ မေယုတိုက် သင်္ဘောကို အင်္ဂလိပ် အစိုးရ ထံမှ ဗိုလ်ချုပ် အောင်ဆန်း ကိုယ်တိုင် လွှဲယူခဲ့စဉ်က ဦးဘသော်သည် သင်္ဘောပေါ်တွင် အလံတင်သည့် ဂုဏ်ပြု တပ်ဖွဲ့ကို ဦးဆောင်ခဲ့သူ ဖြစ်သည်။
    မောင်သော်က အမည်ဖြင့် စာပေနယ်သို့ ဝင်ရောက် ခဲ့သည်။ အထူးသဖြင့် သရော်စာ ရေးရာတွင် နာမည်ကြီးသူ တဦး ဖြစ်သည်။ မဆလခေတ် တလျှောက် ခေတ်စနစ်နှင့် လူထု ဘဝကို ထင်ဟပ်၍ ထိထိမိမိ ဖွင့်ချ ရေးသားခဲ့သူ ဖြစ်သည်။ နိုင်ငံတကာ စာပေ တချို့ကို ဘာသာ ပြန်ခဲ့သည်။ ၁၉၈၈ ခုနှစ် မတိုင်မီက ရေးသားခဲ့သည့် “တိုက်ရေယာဉ် ၁ဝ၃” အမည်ရှိ ဝတ္ထုဟန် ကိုယ်တွေ့  မှတ်တမ်းမှာ လူကြိုက်များ ထင်ရှားသည်။
    ၈၈၈၈ ဒီမိုကရေစီ အရေးတော်ပုံတွင် ရှေ့တန်း မှ ပါဝင် ခဲ့သည်။ ၁၉၈၈ ခုနှစ်၊ သြဂုတ်လ ၁၇ ရက်နေ့တွင် စာပေ အနုပညာရှင် များက မြန်မာ့ တပ်မတော်ကို လူထုအား ရက်ရက်စက်စက် ပစ်ခတ် နေမှု များအား ရပ်ဆိုင်းရန် ကန့်ကွက် တောင်းဆိုသည့် အခါက ပါဝင် လက်မှတ် ရေးထိုး ခဲ့သည်။ ထို့နောက် စာနယ်ဇင်း သမဂ္ဂတွင် ဥက္ကဌ အဖြစ် ရွေးချယ် ခံရသည်။ စစ်တပ် အာဏာ သိမ်းပြီး နိုင်ငံရေး ပါတီများ ဖွဲ့စည်းချိန်တွင် အမျိုးသား ဒီမိုကရေစီ အဖွဲ့ချုပ်၌ ဆက်လက် ပါဝင်သည်။ ဗဟို ဦးစီး အဖွဲ့ဝင်နှင့် စစ်ကိုင်းတိုင်း စည်းရုံးရေး တာဝန်ခံ အဖြစ် ဆောင်ရွက် ခဲ့သည်။
    ၁၉၈၈ ဒီမိုကရေစီ အရေးတော်ပုံ ကာလတွင် တပ်မတော် (ရေ) ကို ပြည်သူ့ဘက်က ရပ်တည်ရန် ရေတပ် အရာရှိ များထံ အရာရှိဟောင်း တဦး အနေဖြင့် စာများ ရေးသား ပို့ပေး ခဲ့သည်။ ထို့အတွက် ၁၉၈၉ ခုနှစ် တွင် ဖမ်းဆီး ခံရသော အခါ တပ်မတော် ဖြိုခွဲမှုဖြင့် စွဲချက် တင်ခံရသည်။ ၁၉၈၉ ခုနှစ် အောက်တိုဘာလ ၅ ရက်နေ့တွင် ၁၉၅ဝ ပြည့်နှစ်၊ အရေးပေါ် စီမံမှု အက်ဥပဒေ ပုဒ်မ ၅ (က)၊ ၅ (ခ) တို့ ဖြင့် ထောင်ဒဏ် အနှစ် ၂ဝ ချမှတ် ခံရသည်။
    ဦးဘသော်၏ လှောင်ပြောင် သရော်သော မိန့်ခွန်းများ ကဗျာ များနှင့် ဆောင်းပါး များမှာ မြန်မာ နိုင်ငံတွင် နာမည်ကြီး လူကြိုက် များလှသည်။ “သူ့ စာပေက ပြည်သူ တွေကို ရယ်စေတယ်။ တချိန်တည်းမှာ ဒေါသနဲ့နာကြည်းမှုတွေ ကိုလည်း လှုံ့ဆော် ပေးတယ်” ဟု သူ့မိတ်ဆွေ တဦးက ပြောပြသည်။ သူသည် ကမ္ဘာ့စာပေ ထဲမှ အမြောက်အများကို မြန်မာ ဘာသာသို့ ပြန်ဆို ပေးခဲ့သည်။ နဝတက သူ့အား ဖမ်းဆီး ထောင်ချ ထားစဉ် ကာလမှာ ပင်လျှင် သူသည် ကဗျာများကို လျှို့ဝှက် ရေးခဲ့ သေးသည်။

     

    ကန်တော်ကလေး မွတ်စလင် သုဿာန်ရှိ မောင်သော်က(ခ) ဗိုလ်မှုးဘသော်၏ မြှုပ်နှံခဲ့သည့်နေရာ

    သေဆုံးပုံ။

    အဖမ်း မခံရခင် ကတည်းက ဆရာ မောင်သော်ကတွင် ကုသ၍ မရသော အကြောသေ ရောဂါ ရှိသည်။ ၁၉၉၀ ပြည့်နှစ်၊ စက်တင်ဘာ ၂၅ ရက်နေ့ အင်းစိန် ထောင်တွင်း အစာငတ်ခံ ဆန္ဒပြစဉ် ရိုက်နှက် ခံရပြီးနောက် သမံတလင်းပေါ်တွင် မည်သည့် အခင်းမှ မပါဘဲ အိပ်ခဲ့ရသဖြင့် လေဖြတ် သွားသည်။ ထောင်ဆရာဝန်၏ သာမန် ကုသမှုကို အနည်းငယ် ရရှိခဲ့သည်။ အထူးကု ဆရာဝန်များဖြင့် ကုသရန် တင်ပြသော်လည်း အာဏာပိုင်များက ခွင့်မပြုခဲ့ပါ။ ၁၉၉၁ ခုနှစ်၊ ဇွန်လ ၈ ရက်နေ့တွင် နှလုံး ရောဂါ ဖောက်လာသဖြင့် အာဏာပိုင်များက ဦးဘသော်အား ရန်ကုန် ဆေးရုံကြီးသို့ ပို့ခဲ့သည်။ ထို့နောက် သုံးရက် အကြာ၊ ဇွန်လ ၁၁ ရက်နေ့တွင် ရန်ကုန် ဆေးရုံကြီး အချုပ်ခန်း အတွင်း၌ ကွယ်လွန်ခဲ့သည်။ ကွယ်လွန်ချိန်တွင် အသက် ၆၅ နှစ်ရှိပြီ ဖြစ်သည်။

    မောင်သော်က၏ ညနေခင်းများ စာအုပ်မျက်နှာဖုံးပါ ဆရာ မောင်သော်က (ဗိုလ်မှူးဘသော်)၏ sketch ပုံတူ

    ဆရာ မောင်သော်က ရေးသား ထုတ်ဝေခဲ့သည့် ထင်ရှားသော စာအုပ်များမှာ –

    – ပို့သခဲ့သော မေတ္တာများ … ၁၉၄၇ ခုနှစ်၊ ဇူလိုင်လ။

    – နှစ်သစ်ဦး ချစ်ဦးလက်ဆောင် … ၁၉၈၂ ခုနှစ်၊ ဇန်နဝါရီလ။

    – ရှိတ်စပီးယား၏ လက်ရွေးစင် ဆွန်းနက်ကဗျာများ … ၁၉၇၄ ခုနှစ်၊ ဒီဇင်ဘာလ။

    – နှစ်သုံးရာမှ ပဲ့တင်သံ အသံလှိူင်း ကဗျာများ … ၁၉၈၀ ခုနှစ်၊ နိုဝင်ဘာလ။

    – တိုက်ရေယာဉ် ၁၀၃ (အခန်းဆက် အဖြစ် မဂ္ဂဇင်းတွင် ရေးသားဖော်ပြခဲ့ပြီး စာအုပ်အဖြစ် ၁၉၈၅ ခန့်တွင် ထုတ်ခဲ့သည်ဟု ခန့်မှန်းမိပါသည်)။


    ရေတပ်ဗိုလ်မှူးဟောင်း တဦးလည်းဖြစ်၊ အမျိုးသားဒီမိုကရေစီအဖွဲ့ချုပ် ဗဟိုကော်မတီဝင်တစ်ဦးလည်းဖြစ်၊ သရော်စာအရေးကောင်းသူ စာရေးဆရာတဦးလည်းဖြစ်တဲ့ မောင်သော်က (အမည်ရင်း ဦးဘသော်)
    ၁၉၈၉ အောက်တိုဘာတွင် တပ်မတော်အတွင်း ပုန်ကန်မှုဖြစ်အောင် ပြုလုပ်သည်ဟူသော စွပ်စွဲချက်ဖြင့် စစ်ခုံရုံးမှ ထောင်ဒဏ်အနှစ် ၂၀ ချမှတ်ခံရပြီး ၁၉၉၁ ဇွန်လ ၁၁ ရက်နေ့တွင် ရန်ကုန်ဆေးရုံကြီး အချုပ်ခန်းအတွင်း၌ ကျဆုံးခဲ့ပြီး ကန်တော်ကလေး စွန္နီ မွတ်စလင်မ် သုသာန်တွင် မြှပ်နှံသဂြိုလ်ခဲ့သည်။

     

     

    မီးခြစ်တဆံ

    (မောင်သော်က)

     

    photo- မိုးမခ

    (၁)

    အနှစ်၂၀ ဆိုပါလားဟေ့ …။

    အမြင်ကပ်လောက်အောင်

    ကိုယ့်ကိုယ်ကိုယ် တပ်မက်စိတ်ရှိသူများက

    ကြောင်သူတော်သောကနဲ့လေ…။

     

    အနှစ်၂၀ ဆိုပါလားဟေ့ …။

    ကောက်ကျစ်သော အမြင်တိုသော

    ကိုယ်ကျိုးငဲ့ ရန်လိုစိတ်နဲ့ 

    လူလားမြောက်လာတဲ့ အာဏာပါးကွက်သားတို့က

    ကိုယ့်ကိုယ်ကိုယ် လေးစားခြင်းငှာ မတတ်စွမ်းနိုင်တဲ့

    ကောက်ရိုးမျှင် ဥပဒေနဲ့လေ…။

     

    အနှစ်၂၀ ဆိုပါလားဟေ့ …။

    အကောင်းအဆိုးအပေါ်မှာ

    ရှက်ဖွယ်လိလိ ဥပက္ခာပြုနိုင်သူများက

    ယုတ်ညံ့သိမ်ဖျင်းမှုနဲ့

    မသန့်စင်သောအရာမှန်သမျှ မုသားပုဒ်မနဲ့လေ…။

     

    အနှစ်၂၀ ဆိုပါလားဟေ့ …။

    ရုပ်မှာ အာဏာနဲ့ ကျည်ဆန်

    နာမ်မှာ ဖက်ဆစ်

    မအောင်မြင်တဲ့ သူရဲကောင်းများရဲ့

    အာဃာတထက် အဆိပ်အတောက်ပြင်းတဲ့ ခုံရုံးအမိန့်နဲ့လေ…။

     

    (၂)

    “မီးပွားကလေးကနေပြီး မီးတောက်ကြီးဖြစ်လာတဲ့အခါမှာ

    ကမ္ဘာမြေပေါ်မှာရှိတဲ့ အညစ်အကြေးဟူသမျှနဲ့

    လူလေလူလွင့် ဂျပိုးတေလေတွေကို လောင်စားသွားလိမ့်မယ်…” (ဂေါ်ကီ)

    မောင်သော်ကရဲ့ ‘မီးခြစ်တဆံ’ ဟာ

    နောင် … အနှစ် ၂၀ ကြာတဲ့အခါမှာ

    လောင်စာများရဲ့ ပြာနဲ့ထုဆစ်

    သမိုင်းဝင်ကျောက်တိုင် ဖြစ်လာလိမ့်မယ် ။ ။

  • Muslim houses destroyed in Rakhine Myae Pone township during night curfew

    August 7, 2012
    Yangon

    We got the reports by the victims that the Muslim houses were destroyed in Myae Pone Township on the 6/8/12 night. Illegal underground group called “Rakhine’s Power Comrade” had leaded and committed those crimes of destruction.

    “Destruction of U San Thein’s house was started at 6:30 PM. Once after the town-lights were switched off at 10 PM, started to destroy U Kyar Aye, Ma Aye Nu, U Kar Lu, Daw Khin Hla May and Ma Khin Htwe’s houses.
    One of the destruction victims, Daw Hla May was the Education Ministry staff, former Head Mistress of Katdown village Primary School, now serving at Taung Paw quarters Primary School.

    “We heard the noises of destruction of Muslim houses but dare not go and look as the onlookers could be arrested with the false accusation of destroying or burning their own houses” said the experienced local Myae Pone township residence.

    The local residents revealed that the illegal underground “Rakhine’s Power Comrade” group has connections with the Rakhine National Development Party. Currently that illegal gang is headed by Myae Pone Southern Town Monastry’s Abbot Sayar Daw A Shin Thirumani and controlled by U Maung Yae Chan, UK Photostat Shop owner U Kyaw Than and U Aung Tharzan from Rakhine National Development Party are controlling its activities.
    “Just a few days ago, U Aung Tharzan, threatened the Rakhine Bama who bought 30 sacks of rice for the Muslims and they confiscated those supplies meant for us” revealed one Muslim from the group of Muslims with difficulty in getting food supply.

    Authorities responsible failed to act or stop or prevent those illegal terrorist acts.

    Source: Myanmar Muslim Net

  • ပါကစ္စတန် သမ္မတ မြန်မာသမ္မတထံ ရိုဟင်ဂျာအရေး စာပို့

    ပါကစ္စတန် သမ္မတ မြန်မာသမ္မတထံ ရိုဟင်ဂျာအရေး စာပို့

    (ကြားဖြတ်နှင့် သတင်းကျဉ်း)
    မဇ္ဈိမသတင်းဌာန |
    အင်္ဂါနေ့၊ သြဂုတ်လ ၀၇ ရက် ၂၀၁၂ ခုနှစ် ၁၉ နာရီ ၃၆ မိနစ်

    နယူးဒေလီ (မဇ္ဈိမ) ။       ။ ရခိုင်ပြည်နယ်မှ လူမျိုးရေး ပဋိပက္ခများအတွင်း ရိုဟင်ဂျာ မူဆလင်များ သေဆုံးခဲ့ရမှုနှင့် ပတ်သက်၍ လေးနက်စွာ စိုးရိမ်ပူပန်ကြောင်း ပါကစ္စတန်သမ္မတ Asif Ali Zardari က မြန်မာသမ္မတ ဦးသိန်းစိန်ထံ အင်္ဂါနေ့က စာရေးသား ပေးပို့လိုက်သည်။

    ပါကစ္စတန် သမ္မတ Zardari

    သမ္မတ Zardari ၏ စာထဲတွင် ပြန်လည်နေရာချထားရေး လုပ်ငန်းစဉ်အား မြန်မြန်ထက်ထက် ဆောင်ရွက်ရန် တောင်းဆိုထားပြီး သို့မှသာ ရိုဟင်ဂျာများ ၎င်းတို့နေအိမ်များသို့ ပြန်သွားကာ လုံခြုံစိတ်ချရသည့်ဘဝသို့ ရောက်ရှိစေ မည်ဟု ပါရှိကြောင်း ပါကစ္စတန် အေပီ သတင်းတပုဒ်တွင် ဖော်ပြထားသည်။

    ပါကစ္စတန် အစိုးရနှင့် ပြည်သူများအနေဖြင့် မူဆလင်များ သေဆုံးကြရမှုအပေါ် များစွာ ကြေကွဲရပြီး အတိဒုက္ခရောက်မှု များ အတွက်လည်း နက်ရှိုင်းစွာ စိုးရိမ်ပူပန်လျက် ရှိကြကြောင်းလည်း Zardari က ဆိုသည်။

    ထို့အပြင် လူမှုအသိုက်အဝန်းများ ငြိမ်းချမ်းစွာ အတူနေထိုင်ခြင်းကသာလျှင် ဒီမိုကရေစီ ပြုပြင်ပြောင်းလဲရေး နောက်ကြောင်းမပြန်ရန် အာမခံပေးနိုင်မည်ဖြစ်ကြောင်းလည်း ပါကစ္စတန် သမ္မတက ဦးသိန်းစိန်ထံ စာရေးသားပေးပို့ လိုက်သည်။

    ရခိုင်ပြည်နယ်မှ လူမျိုးရေးပဋိပက္ခများအတွင်း မူဆလင် အများအပြား သေဆုံးသွားရကြောင်း သတင်းများကြောင့် ပါကစ္စတန်ရှိ လက်ျာ နိုင်ငံရေးပါတီများ၊ ဘာသာရေး အခြေခံအဖွဲ့များက ၎င်းတို့အစိုးရအား အရေးတယူ ဆောင်ရွက် ပါရန် တောင်းဆိုမှုများ ရှိနေသည်။ ထို့အပြင် ပါကစ္စတန်အခြေစိုက် တာလီဘန် အကြမ်းဖက်အဖွဲ့တခုဖြစ်သည့် (TTP)ကလည်း မြို့တော် အစ္စလာမ်မာဘတ်ရှိ မြန်မာသံရုံးအား ပိတ်ရန်နှင့် နှစ်နိုင်ငံ အဆက်အသွယ်များ
    ဖြတ်တောက်ရန် Zardari အစိုးရအား တောင်းဆိုထားပြီး သို့မဟုတ်ပါက လက်တုန့်ပြန် အကြမ်းဖက်တိုက်ခိုက်မှုများ လုပ်ဆောင်သွားမည်ဟု မြန်မာအစိုးရအား ခြိမ်းခြောက်မှုများ ရှိနေသည်။

  • ရိုဟင်ဂျာတွေကို သတ်ဖြတ်နေဟု မြန်မာကို ဆော်ဒီအာရေးဗီးယားက စွပ်စွဲ

    သြဂုတ်၊ ၇ ရက်၊ ၂၀၁၂

    RFA

    ရခိုင်ပြည်နယ်က မူဆလင် ရိုဟင်ဂျာတွေကို မြန်မာအစိုးရက လူမျိုးတုန်း သတ်ဖြတ်မှုတွေ ကျူးလွန်နေတယ်လို့ ဆော်ဒီအာရေးဗီးယား အစိုးရက မနေ့က စွပ်စွဲပြောဆိုလိုက်ပါတယ်။ ဆော်ဒီအစိုးရအဖွဲ့ရဲ့ သဘောထားကို အစိုးရသတင်းဌာန SPA က ပြောဆိုရာမှာ မြန်မာနိုင်ငံက မူဆလင် ရိုဟင်ဂျာတွေကို မြန်မာအစိုးရက ရက်စက်စွာ တိုက်ခိုက်မှုတွေ ရှိနေပြီး၊ လူမျိုးတုန်း သတ်ဖြတ်မှုတွေ ကျူးလွန်နေကြောင်း ၊ ဆော်ဒီအစိုးရ အနေနဲ့ ပြင်းထန်စွာ ရှုံ့ချကြောင်း ပြောဆိုတယ်လို့ သိရပါတယ်။

    ဒါ့အပြင် နိုင်ငံတကာ အသိုင်းအ၀ိုင်း အနေနဲ့ မြန်မာနိုင်ငံက မူဆလင် ရိုဟင်ဂျာတွေရဲ့ လူနေမှုဘ၀တွေ ကောင်းမွန်လာရေး၊ သူတို့တွေရဲ့ အသက်အန္တရာယ်ကို အကာအကွယ်ပေးနိုင်ဖို့ ၊ နောက်ထပ် အသက်ဆုံးရှုံးမှုတွေ မဖြစ်အောင် ကာကွယ်စောင့်ရှောက်ပေးဖို့ လိုအပ်ကြောင်း ဆော်ဒီအာရေးဗီးယား အစိုးရက တိုက်တွန်းလိုက်ပါတယ်။

    တစ်ချိန်တည်းမှာပဲ ရခိုင်ပြည်နယ်က ဘင်္ဂါလီ ရိုဟင်ဂျာတွေအရေးနဲ့ ပတ်သက်ပြီး အီဂျစ်နိုင်ငံသား တစ်ချို့က အီဂျစ်နိုင်ငံ ကိုင်ရိုမြို့တော်မှာရှိတဲ့ မြန်မာသံရုံးရှေ့မှာ ပြီးခဲ့တဲ့ တနင်္ဂနွေနေ့က ဆန္ဒပြခဲ့ကြပါတယ်။ အီဂျစ်အစိုးရ အနေနဲ့ မြန်မာအစိုးရ နဲ့ သံတမန် ဆက်ဆံရေး ဖြတ်တောက်ဖို့ ဒါဇင်လောက်ရှိတဲ့ ဆန္ဒပြသူတွေက တောင်းဆိုခဲ့ကြတယ်လို့ ဆိုပါတယ်။ အလားတူ ဆန္ဒပြပွဲကိုလည်း လာမယ့် သြဂုတ်လ ၁၀ ရက်နေ့မှာ မြန်မာသံရုံးရှေ့မှာ ထပ်မံကျင်းပသွားမယ်လို့ သိရပါတယ်။

    ကမ္ဘာမှာ အစ္စလမ်ဘာသာဝင် အများစု နေထိုင်တဲ့ အင်ဒိုနီးရှားနိုင်ငံ သမ္မတ ဆူဆီလို ယုဟိုရိုနိုကတော့ မြန်မာနိုင်ငံက ရခိုင်တိုင်းရင်းသားတွေ နဲ့ ဘင်္ဂါလီ ရိုဟင်ဂျာ ပဋိပက္ခဟာ ဘာသာရေး ပဋိပက္ခ မဟုတ်ကြောင်း၊ ဒေသတွင်း လူအုပ်စုကြား ဖြစ်ပွားတဲ့ ပဋိပက္ခသာ ဖြစ်ပြီး မြန်မာအစိုးရဟာ အကောင်းဆုံးဖြစ်အောင် ကိုင်တွယ်ဖြေရှင်းနေကြောင်း ပြောပါတယ်။