News @ M-Media

Blog

  • အစ္စလာမ့် အေးရိပ်ဆာယာသို့(၅)- သာတူညီမျှ မုစ်လင်မ်တို့ဘ၀

    အစ္စလာမ့် အေးရိပ်ဆာယာသို့(၅)- သာတူညီမျှ မုစ်လင်မ်တို့ဘ၀

    တန်းတူညီမျှစံနစ်ကို အပြင်းစားယုံကြည်ရာမှ အစ္စလာမ့်ဘောင်သို့ရောက်ရှိလာသော အဆင့်မြင့် မိုဘိုင်းလ်ပညာရှင် အမေရိကန်သူ ကာရိုးလ် စတုန်း – Carol Stone
    The Muslim Reader ( TMR )  နှင့်  Carol Stone ( CS ) ၏  တွေ့ဆုံမေးမြန်းချက်များ

    ဂျူလိုင်ရဲရင့်

    ( TMR )   အစ္စလာမ်နဲ့ပတ်သက်တဲ့ ခင်ဗျားရဲ့စဦးအတွေ့အကြုံရယ် ၊ ပြီးတော့ နောက်ပိုင်းမှာ အစ္စလာမ်ကိုလက်ခံလာပုံလေးရယ် ပြောပြစေချင်ပါတယ်။
    ( CS )    ကောလိပ်မှာတုန်းက ကျွန်မ အစ္စလာမ်အကြောင်းကို လေ့လာခွင့်ကြုံခဲ့တယ်။ ကျွန်မ အင်္ဂလိပ်စာပြနေတချိန်ကပေါ့။ ကျောင်းသားတစ်ဦးက ကျွန်မကို လက်ဆောင်အနေနဲ့ ကုရ်အာန်တစ်စုံကိုပေးခဲ့တယ်။ ကျွန်မက စာအုပ်စင်ပေါ် အသာတင်ထားလိုက်တာ လပေါင်းများစွာကြာတဲ့အထိပါဘဲ။ ဒီလိုနဲ့ တစ်ညနေခင်းတော့ ကျွန်မရဲ့ စိတ်ပညာဆိုင်ရာမှတ်စုတွေဖတ်အပြီးမှာ ကုရ်အာန်ကို ကောက်ကိုင်လိုက်မိတယ်။
    ခါတိုင်းဆို အဲ့ဒီအချိန်မှာ အိပ်ငိုက်နေပါပြီ။ ဒါပေမယ့် မုက္ခပါဌ်တော်တစ်ရပ်က ကျွန်မကို နိုးကြားသွားစေ ပါလေရော။ အဲ့ဒါက ….. ”  စင်စစ်ဧကန် ယဟူဒီများသည်လည်းကောင်း၊ ဆွာဘီများသည်လည်းကောင်း၊ ခရစ်ယာန် များသည်လည်းကောင်း အလ္လာဟ်အရှင်မြတ်နှင့် နောက်ဆုံးနေ့တော်ကိုယုံကြည်ပြီး ဖြောင့်မတ်ကောင်းမြတ်စွာ ကျင့်မူကြပါလျှင် ထိုကဲ့သို့သောသူတို့အဖို့ စိုးရိမ်ဖွယ်ရာမရှိ၊ ပူဆွေးစရာလည်း ရှိအံ့မည်မဟုတ်ချေ “ တဲ့။ အဲ့ဒါ စူရဟ် မာအိဒဟ်ထဲက အာယသ်အမှတ် ၆၉ – ၅း၆၉ ဖြစ်ပါတယ်။ အစ္စလာမ်က ခြယ်မှုန်းပြသထားတဲ့ ဘုရားသခင်ဟာ – ကျွန်မရဲ့ ကိုယ်ပိုင်အယူအဆနဲ့ တစ်ထပ်တည်း ဖြစ်နေပါလားဆိုပြီး အမြင်ပွင့်သွားခဲ့တယ်လေ။
    လယ်ကွင်းတွေထဲငြိမ်းချမ်းစွာ ဘ၀ကိုကျောင်းပြီး သစ္စာသမာဓိရှိတဲ့ ဂျူးတွေကို ဘုရားသခင်က ပြစ်ဒဏ်ခတ်ခြင်းဟာ မမျှတဘူးရယ်လို့ ကျွန်မ အမြဲတမ်းတွေးနေခဲ့မိတာပေါ့။ အဲ့ဒီအချက်က ကျွန်မကို ကုရ်အာန်ပိုပြီးဖတ်ဖြစ်အောင် တွန်းပို့ခဲ့တာပါ။ ဖတ်ရှုလေလေ ကျွန်မယုံကြည်ထားမှုနဲ့သဘောမျှနေတဲ့ အကြောင်းအရာတွေကို တွေ့လာရလေလေ ဖြစ်နေပါတော့တယ်။ ဒီလိုနဲ့ ကျွန်မဟာ ကျောင်းမှာရှိတဲ့ မုစ်လင်မ် တစ်ဥိး တစ်ယောက်ကိုမှ လက်လွှတ်မခံဘဲ မေးမြန်းတယ်၊ ဆွေးနွေးတယ်၊ အပြန်အလှန်အချေအတင် ပြောဆိုကြည့်တယ်။ လ အနည်းငယ်အတွင်းမှာဘဲ ( ငါးလ၀န်းကျင်လောက် အကြာမှာ ထင်ပါတယ် ) အစ္စလာမ်က ကျွန်မအတွက်ဘဲဆိုပြီး သိသွားခဲ့ပါတယ်။

    ( TMR )   ကုရ်အာန်စာအုပ်ကို မရရှိခင်တုန်းက အစ္စလာမ်အကြောင်း တစ်စုံတစ်ရာ သိရှိခဲ့ပါသလား။
    ( CS )    အစ္စလာမ်အကြောင်းဆိုလို့ ဘာမှ မသိခဲ့ပါဘူးရှင်။ ကြားဖူးနားဝတောင် မရှိခဲ့ပါဘူးလို့ ဆိုရပါမယ်။
    တစ်စုံတစ်ယောက်က ကျွန်မကို မေးမြန်းလာယင်လည်း အဲ့ဒါဟာ အရှေ့ဖျားတိုင်းပြည်တွေမှာရှိတဲ့ ဘာသာရေး ယုံကြည်ချက်တစ်မျိုးလို့ ပြောမိပါလိမ့်မယ်။ ကျွန်မတို့ကျောင်းရဲ့ သင်ရိုးထဲမှာ အပိုင်းသုံးပိုင်းခွဲထားတယ် – ခရစ်ယာန်ဝါဒ၊ ဂျူးအယူဝါဒ နဲ့ အခြားဘာသာတရားများ ကဏ္ဍ ဆိုပြီးတော့ပေါ့။ နောက်ဆုံးအပိုင်းထဲမှာ ဗုဒ္ဒ၊ ဟိန္ဒူ နဲ့ အစ္စလာမ်ဘာသာတွေ ပါဝင်တယ်။ ဒါကြောင့်မို့လည်း အစ္စလာမ်ဆိုတာ အရှေ့ဖျားတိုင်းပြည်နိုင်ငံဆီက ဘာသာတရား တစ်ခုဖြစ်တယ်လို့သာ သိခဲ့ရတာလေ။

    ( TMR )   အစ္စလာမ်နဲ့ပတ်သက်ပြီး ခင်ဗျားရဲ့တွေ့ရှိချက်တွေကကို တစ်ယောက်ယောက်နဲ့ မျှဝေခံစားခဲ့တာမျိုးရှိခဲ့ဖူးပါသလား ၊ ရှိခဲ့ယင် သူတို့ရဲ့ လက်ငင်းတုန့်ပြန်မှုတွေက ဘယ်လိုပါလဲ။
    ( CS )    တကယ်တမ်းကျတော့ ကျွန်မက သီးသန့်ဆန်တဲ့လူတစ်ယောက်ပါ။ ကျွန်မရဲ့ယုံကြည်မှုကို သိုသိပ်ထားခဲ့ပါတယ်။ အကူးအပြောင်းလုပ်ပြီးတဲ့နောက် လူတွေကို ဒီအကြောင်းပြောပြတဲ့အခါမှာတော့ သူတို့တစ်တွေက စိတ်ဝင်တစားဆွေးနွေးကြပါတယ်။ ရန်ရှာမှုကို မကြုံရသလောက်ပါဘဲ။ ကျွန်မမိသားစုရဲ့တုန့်ပြန်မှုကသာ ကျွန်မကို စိတ်မချမ်းမြေ့စေခဲ့တာပါ။ ကျွန်မက ကိုယ်ဆုံးဖြတ်တာအမှန်လို့ အမြဲယူဆတတ်တဲ့လူစားမျိုးလေ။
    ဒီကိစ္စဖြစ်လာတာလောဘကြောင့်လည်းမဟုတ်၊ ငွေကြောင့်လည်း မဟုတ်ခဲ့ဘူး။ သူတို့ဘာကြောင့် လက်မခံနိုင်သလဲဆိုတာကို ကျွန်မ တော်တော်လေး နားမလည်နိုင်အောင် ဖြစ်ခဲ့ရပါတယ်။

    ( TMR )   အစ္စလာမ်ကိုလက်ခံပြီးနောက်မှာမှ ထူးထူးခြားခြား ခံစားမိတာမျိုးရှိပါသလား။ ငါ့ရဲ့ရွေးချယ်မှု မှန်မမှန်ဆိုတာမျိုးပေါ့လေ။
    ( CS )       အိုး – သိပ်ရှိတာပေါ့ရှင်။ ကျွန်မ အကူးအပြောင်းလုပ်ပြီး တစ်နှစ်လောက်အကြာမှာပေါ့။ အမျိုးသမီး Racket Ball ပြိုင်ပွဲကနေ ရပ်နားခံရတယ်။ ဆောင်းတွင်းကြီးဖြစ်လို့ ချမ်းစိမ့်လိုက်တာ လွန်ပါလေရော။ အဲ့ဒီအခါတုန်းက အိမ်အပြန် တစ်လမ်းလုံးငိုကြွေးယင်း လမ်းလျှောက်နေခဲ့မိတာကို အမှတ်ရပါတယ်။
    ကျွန်မရဲ့မိသားစုဝင်အားလုံးရော ကျွန်မရဲ့အရင်းနှီးဆုံးသူငယ်ချင်းတွေပါ ကျွန်မကို အရမ်းစိတ်ဆိုးနေခဲ့ကြ တယ်လေ။ ကျွန်မလည်း  –  အို၊ ဖန်ဆင်းရှင်။ ကျွန်မကို အစ္စလာမ်ဆိုတာကို သိသွားအောင် ဘာလို့ပြုတော်မူလိုက်တာလဲ လို့ မိမိဖာသာ ရေရွတ်မိပါတယ်။  ဘာကြောင့်လဲဆိုတော့ မသိနားမလည်တဲ့သူကို ပြစ်ဒဏ်မပေးဘူး  ဆိုတဲ့အာယသ်တော် တစ်ခုကို ကျွန်မသိထားလို့ဖြစ်ပါတယ်။ ဒါပေမယ့် ဘုရားသခင် ပေးကမ်းတော်မူတဲ့ အရာမှန်သမျှထဲမှာ ကောင်းမြတ်တဲ့ အကြောင်းရပ်တစ်ရပ်ရပ် ရှိကိုရှိတယ်၊ ပြီးတော့ အဲ့ဒီအရာနဲ့ ရှင်သန်နေထိုင်သွားရမယ်ဆိုတာကိုလည်း ကျွန်မ အသိဝင်ခဲ့ ပါတယ်။ အဲ့ဒီအချက်က ကျွန်မအဖို့ စိတ်ဖြေစရာ ရရှိစေပြီး ခိုင်မြဲသွားစေခဲ့တာပါ။

    ( TMR )   အစ္စလာမ်ကိုလက်ခံလိုက်တဲ့အခါ စွန့်လွှ့တ်လိုက်ရတဲ့ အရာတွေ ဒါမှမဟုတ် ပြင်ဆင်ညှိနှိုင်းရတဲ့ အရာတွေရှိခဲ့ပါသလား။
    ( CS )       ကျွန်မ အစ္စလာမ်ကို မကူးပြောင်းခင်ကတည်းက အစ္စလာမ့်နည်းကျအရာတွေ တော်တော်များများ ကျွန်မဆီမှာ ရှိနှင့်နေခဲ့ပါတယ်။ ကျွန်မက အရက်၊ ဆေးလိပ် မသောက်စားဘူး။ မူးယစ်ဆေးဝါး မသုံးဘူး။ အမြဲတစေ ချာ့ခ်ျဘုရားရှိခိုးကျောင်းတက်နေခဲ့သူဖြစ်တယ်။ ကျွန်မအဖို့ ပြောင်းလဲပြင်ဆင်လိုက်ရတာကတော့ ၀တ်စား ဆင်ယင်မှုပုံစံ တစ်ခုပါဘဲ။ အကူးအပြောင်းဖြစ်ကာစမှာ နေရောင်ခံဝတ်စုံ  Sun Dress ကို ၀တ်နေဖြစ်သေးတယ်။ နောက်ပိုင်းမှာတော့ အ၀တ်အစား ထူထူဝတ်ဆင်လာတယ်။ လက်မောင်းသားအနားစတွေ ခပ်ရှည်ရှည်ဖြစ်လာပါတယ်။ ဆံပင်ကိုဖုံးကွယ်ရတဲ့ကိစ္စကတော့ ကျွန်မအဖို့ အချိန်တော်တော်ယူခဲ့ရတယ်ရှင့်။

    ( TMR )   ခင်ဗျားရဲ့ စိတ်ဓါတ်ကြံ့ခိုင်မှုအတွက် လူတစ်ဦးဦးဆီက အကူအညီ ရယူခဲ့ပါသလား။
    ( CS )       မရှိသလောက်ပါဘဲရှင်။ ကိုယ့်ဖာသာ လုပ်ယူရတာပါ။ အုပ်စုဖွဲ့ဆွေးနွေးမှုတွေဖြစ်လာအောင် ကျွန်မစည်းရုံးတယ်။ အဖွဲ့ဝင်တွေကို ပံ့ပိုးမှုတွေလုပ်တယ်။ သူတို့ကိုကြည့်ယင်း စိတ်ဓါတ်ကျလိုက် ပြန်မြှင့်တင်လိုက် – ပြိုကွဲလိုက် ပြန်စုစည်းလိုက်နဲ့ပေါ့။ သူတို့ကို ကူညီဖို့အတွက် ကျွန်မကိုယ်တိုင်က မကြံ့ခိုင်လို့ ဘယ်ဖြစ်မလဲလေ။

    ( TMR )   စင်္ကာပူမှာဆိုယင် လူတစ်ဦးဟာ မုစ်လင်မ်သစ်လွင် ဖြစ်သွားတာနဲ့ အခြားသူတွေက သူ့ကို မလေးလူမျိုးဖြစ်သွားပြီလို့ ထင်မြင်တတ်ကြတယ်။ ခင်ဗျားအနေနဲ့ရော အလားတူအဖြစ်မျိုး ကြုံဖူးပါသလား။
    ( CS )       အဲ့ဒါ အသိနိမ့်ကျမှု သက်သက်ပါဘဲ။ တစ်ချို့ (မိရိုးဖလာ) မုစ်လင်မ်တွေက ရှင်တို့ကို ယဉ်ကျေးမှုနဲ့ဖိအားပေးနေတာပါ။ ရှင်တို့ (မုစ်လင်မ်သစ်လွင်)တွေဟာ ပတ်ဝန်းကျင်အသစ်မှာ အဆင်မပြေမှုတွေ ကြုံတွေ့နေရတဲ့ကြားက အဲ့ဒီဖိအားတွေကြောင့် ပိုပြီးတော့ မသက်မသာ ဖြစ်သွားရမှာ အမှန်ဘဲ။

    ( TMR )   အမေရိကမှာရှိနေတဲ့ မုစ်လင်မ်အများစုဟာ အာရပ်လူမျိုး နဲ့ အိန္ဒိယ-ပါကစ္စတန်အနွယ်ဝင်တွေလို့ ကျွန်တော်တို့သိထားပါတယ်။ ကျွန်တော်တို့ စင်္ကာပူမှာကြုံရတဲ့ မလေးယဉ်ကျေးမှုကိစ္စလို ”  အစ္စလာမ့်ယဉ်ကျေးမှု နဲ့ ကိုယ်ပိုင်ယဉ်ကျေးမှု မကွဲပြားတဲ့ ပြသနာတွေ ”  ခင်ဗျားတို့ဆီမှာ တွေ့ရပါသလား။
    ( CS )       ကျွန်မတို့ဆီမှာ အဲ့ဒီလိုပြသနာတွေ များမှများပါဘဲရှင်။ မိမိရဲ့ယဉ်ကျေးမှုကသာလျှင် အဟုတ်အမှန် လို့ပြောပြီး သူတို့ရဲ့ ကိုယ်ပိုင်ယဉ်ကျေးမှုတွေအပေါ် ကိုယ်စီကိုယ်ငှ တစ်ယူသန် အစွဲကြီးနေလိုက်ကြတာလေ။ အမေရိကန်မုစ်လင်မ်တွေက သူတို့ကြားထဲ ညှပ်နေရတယ်။ ဒီတော့ ကျွန်မတို့ကလည်း ဟိုတစ်စ သည်တစ်စ ကောင်းနိုးရာရာကောက်နှုတ်လို့ ကျွန်မတို့နဲ့ အံဝင်ကိုက်ညီနိုင်တာကို ကြည့်ပြီး ပုံဖော်ကြရတာပါဘဲ။

    ( TMR )   ခင်ဗျားတွေ့လိုက်ရတဲ့ အစ္စလာမ်သာသနာရဲ့ပသာဒ တစ်ရပ်ရပ်ကို အသိပေးဝေမျှပေးချင်တာရှိယင် …….
    ( CS )       ဟုတ်ကဲ့။ ကုရ်အာန်အာယသ်တော် ၅း၆၉ က အစ္စလာမ်ဟာ ဘယ်လောက်ထူးခြားတယ်ဆိုတာ ကျွန်မကိုပထမဦးဆုံးအမြင်ပွင့်စေခဲ့တယ်။ ဘယ်သူက ဘယ်ဘာသာတရားကို ကိုးကွယ်ယုံကြည်နေပါစေ – အလ္လာဟ်အရှင်မြတ်က လူတိုင်းအပေါ် မေတ္တာထားတော်မူတယ် ဆိုတဲ့အကြောင်းပါဘဲ။ ခရစ်ယာန်အယူဝါဒမှာ ခရစ်ယာန် များသာလျှင် ကောင်းကင်ဘုံကိုသွားကြရပြီး ကျန်သူအားလုံးကတော့ ငရဲလားရမယ်လို့ ဆိုတယ်။ အစ္စလာမ်မှာကတော့ ဘယ်မုစ်လင်မ်ကိုမှ တစ်ဖက်သတ် ပ,စားပေးမထားတာမျိုး မရှိဘူး။ မုစ်လင်မ်ဖြစ်ပါတယ်ဆိုယုံနဲ့ ငရဲဘုံက ကင်းလွတ်သွားမယ်လို့ ဆိုမထားဘူးလေ။ အစ္စလာမ်ဟာ တရားမျှတမှုအပေါ် တကယ့်ကို အလေးအနက်ပြုထားပါတယ်။

    ( TMR )   ဒါဖြင့် အခြားသော မုစ်လင်မ်သစ်လွင်တွေကို တစ်စုံတစ်ရာလမ်းညွှန်မှု ပေးနိုင်ပါမလား။
    ( CS )       ‘  ငါဟာ နေ့စဉ်နေ့တိုင်း ခြေတစ်လှမ်းကို ရှေ့ဆက်တိုးသွားမယ် ”  ဆိုတဲ့ ကျွန်မရဲ့ကိုယ်ပိုင် ဒဿနကိုဘဲ ပြောနိုင်ပါတယ်။ နေ့တစ်နေ့ကုန်လွန်လေတိုင်း ကျွန်မ ပြန်လှည့်ကြည့် (ဆင်ခြင်) ပါတယ်။ မိမိကိုယ်ကို တိုးတက်မြင့်မားလာအောင် ဆောင်ရွက်ထားတာရှိမရှိ ကိုယ့်ကိုယ်ကို မေးမြန်းပါတယ်။ ကျွန်မကိုကျွန်မ တိုးတက်မြင့်မား လာတာကိုဘဲ တွေ့မြင်ချင်လို့ပါ။ နေ့စဉ် ဆွလာသ်ငါးကြိမ်ဝတ်ပြုရေး၊ ရမ်ဒွန်တစ်လလုံး ဥပုသ်သီတင်းဆောက်တည်ရေး ဆိုပြီး ကိုယ့်ကိုယ်ကို စည်းကမ်းချမှတ်ဖို့ အများကြီး လိုအပ်ပါသေးတယ်။ မိမိကိုယ်ကို ခက်ခဲမှုဆီ တွန်းမပို့လိုက်ပါနဲ့၊ ဒါပေမယ့် ရှေ့ဆက်နိုင်အောင် ကိုယ့်ဖာသာ ကြပ်မတ်ဖို့လိုအပ်ပါတယ်  လို့  မုစ်လင်မ် သစ်လွင်များကို ကျွန်မ အကြံပြုလိုက်ပါတယ်။ ကျန်တဲ့ကိစ္စတွေကတော့ အလ္လာဟ်အရှင်မြတ် (SWT) ရဲ့ အလိုတော်ပေါ့ရှင်။

    Interview Section

    A Colllection of Stories on Why  They Embrace Islam TMR  ( The Muslim Reader ) 2010 – 2011 , Singapore
    From –  TMR : Vol 7 , No.4 , Pg 24-25
    TMR :   Following  Faith ( 2010 – 2011 ), Pg 27-28

  • နားမကြားသူများနှင့် သုံးစွဲနေသော ဘာသာစကား

    နားမကြားသူများနှင့် သုံးစွဲနေသော ဘာသာစကား

    မောင်လူငယ်

    မြန်မာနိုင်ငံ လူဦးရေ၏ ၅% မှာ မသန်စွမ်းသူများဖြစ်ကြပါသည်။ မသန်စွမ်းသူများဟု ဆိုရာတွင် မည်သို့သော အမျိုးအစားသည် မသန်စွမ်းဖြစ်ကြောင်းကို သိရှိသူနည်းပါးလှသည်။ မသန်စွမ်းအမျိုးအစား ၄ မျိုးရှိပါသည်။
    ၁) ကိုယ်အဂါင်္မသန်စွမ်းသူ
    ၂) အမြင်အာရုံ မသန်စွမ်းသူ
    ၃) အကြားအာရုံမသန်စွမ်းသူ
    ၄) ညဏ်ရည် မသန်စွမ်းသူ တို့ ဖြစ်ကြပါသည်။

    အကြားအာရုံမသန်စွမ်းသူများဆိုသည်မှာ နားမကြားသူများ၊ စကားမပြောတတ် နားလုံဝမကြားသူများကို ဆိုလိုသည်။ တချို့သော သူများသည် အမြင်ဟောင်းများဖြင့် ဆွံ့အ နားမကြားသူများ၊ အနေသူများ၊ နားပင်းနေသူများဟု ခေါ်ဝေါ်သုံးစွဲကြသည်မှာ အလွန်မှားသော အခေါ်အဝေါ်များပင်ဖြစ်ကြသည်။ ရိုင်းစိုင်းသော လေးစားမှုမရှိသောသူများက ကျီးကန်တွေ ဟု လှောင်ပြောင် ခေါ်ဝေါ်ကြလေသည်။ လူလူချင်း လေးစားတန်ဖိုးထားမှုအရ နားမကြားသူများသည်လည်း လူသားများပင်ဖြစ်သည်။ နှိမ့်ချခေါ်ဝေါ်ခြင်းသည် မရှိသင့်တော့ပါ။ နားမကြားသူများသုံးစွဲပြောဆိုနေသော ဘာသာစကားကိုလည်း အရူးစကား သို့မဟုတ် ကိုယ်အမူအရာစကား (Body Language) ဟု လွဲမှားစွာ ထင်မြင်နေကြသည်မှာ ကျနော်တို့ နေထိုင်သော မြန်မာလူအဖွဲ့အစည်းတွင် နေ့စဉ်တွေ့မြင်နေရပါသည်။ သည်အချက်ကို ရှင်းလင်းတင်ပြလိုပါသည်။

    ကမ္ဘာ့တွင် လူအဖွဲ့အစည်းဆိုလျှင် ၂ မျိုးသား တွေ့မြင်ရလေသည်။ အကြားအာရုံသန်စွမ်းသော လူအဖွဲ့အစည်းနှင့် အကြားအာရုံမသန်စွမ်းသော လူ့အဖွဲ့အစည်းပင် ဖြစ်သည်။ နားကြားသူများ၏ အဓိကပြောဆိုသုံးစွဲနေသောဘာသာစကားမှာ အသံထွက်ဘာသာစကား (Spoken Language) ပင်ဖြစ်သည်။ နားမကြားသူများ၏ နေ့စဉ်သုံးစွဲနေသော ဘာသာစကားမှာ လက်ဟန် သင်္ကေတပြ ဘာသာစကား (Sign Language) ပင်ဖြစ်သည်။နားကြားသော လူ့အဖွဲ့အစည်းမှာ လူများစု ဖြစ်ကာ နားမကြားလူ့အဖွဲ့အစည်းမှာ လူနည်းစုဖြစ်လေသည်။ ထို့တို့သော လူ ၂ဦးတွေ့ဆုံရာတွင် ကြီးမားသောအတားအဆီးမှာ ဘာသာစကား ဆက်သွယ်မှု ( Barrier Communicate) ပင်ဖြစ်သည်။ ထိုသို့သောအတားအဆီးများကြောင့် လူနည်းစုဖြစ်သော နားမကြားများမှာ အစစအရာရာ ကဏ္ဍအသီးသီးတွင် ခေတ်နောက်ကျ ကျန်ရစ်ခဲ့ရသည်မှာ အကြောင်းရင်းပင်ဖြစ်သည်။

    နားမကြားသူများ သုံးစွဲနေသော လက်ဟန်သင်္ကေတပြဘာသာစကားသည်။ အသံထွက် ဘာသာစကားမဟုတ်၊ အသံမဲ့ဘာသာစကားနှင့် အမြင်ဆိုင်ရာ (Visual Language) ဘာသာစကားဖြစ်ပါသည်။ အသံထွက်ဘာသာစကား၏ သဒ္ဒါ၊ ၀ါကျနှင့် ဖွဲ့စည်းတည်ဆောက်ပုံ များစွာ ကွဲပြားလေသည်။ မြန်မာ Sign Language ဘာသာစကားသည် မြန်မာ အသံထွက်ဘာသာစကားနှင့် လုံးဝကွဲပြားခြားနားလေသည်။ ဥပမာဆိုရသော – အသံထွက်ဘာသာစကားတွင် အင်္ဂလိပ်ဘာသာစကားတွင် နာမ်စား အသုံးများသလောက် မြန်မာစာတွင် အသုံးနည်းသည်နှင့် အတူတူပင်ဖြစ်သည်။ မြန်မာအသံထွက်ဘာသာစကားတွင် နာမ်စား အသုံးနည်းသလောက် မြန်မာ လက်ဟန်သင်္ကေတပြဘာသာစကားတွင် နာမ်စားအသုံးများလေသည်။ မြန်မာလက်ဟန်သင်္ကေတပြဘာသာစကားသည် စကားလုံးကြွယ်ဝသလို၊ ဗန်းစကားနှင့် ခေတ်အလိုက်ပြောင်းလဲလာသော စကားလုံးပေါင်း မြောက်များစွာ ရှိကြသည်ကို သိရှိသူ နည်းပါးလှသည်။ ဒေသန္ဒာရလက်ဟန်သင်္ကေတပြဘာသာစကားလုံးများလည်ရှိလေသည်။ အဘယ်ကြောင့်ဆိုသော် မြန်မာ့လူအဖွဲ့အစည်းတွင် မသန်စွမ်းသူကို နေရာပေး အသိအမှတ်ပြုမှုမရှိသော်ကြောင့်ဖြစ်လေသည်။

    ကမ္ဘာပေါ်တွင် Sign Language ဘာသာစကား ၁၂၀ ကျော်ရှိလေသည်။ အသုံးအများဆုံး Sign Language ဘာသာစကားမှာ အမေရိကန် Sign Language နှင့် ဗြိတိသျှ Sign Language ဘာသာစကားပင် ဖြစ်သည်။ သို့သော် ကွဲပြားမှုရှိသည်။ အသံထွက်ဘာသာစကားချင်း တူသလောက် Sign Language ဘာသာစကားတွင် လုံးဝမတူခြင်းကို အံ့သြစွာ တွေ့မြင်ရလေသည်။ အမေရိကန် Sign Language တွင် အင်္ဂလိပ် အက္ခရာ (၂၆) လုံးကို လက် တဖက်ဖြင့်သာအသုံးပြုပြီး ဗြိတိသျှ Sign Language တွင် အင်္ဂလိပ် အက္ခရာ (၂၆) လုံးကိ လက် နှစ်ဖက်ဖြင့်ု အသုံးပြုသောကြောင့် ကွဲပြားခြားနားလေသည်။ အမေရိကန် Sign Language ကို ကိုယ်ပိုင် Sign Language ဘာသာစကားမရှိသော တိုင်းပြည်များတွင် သင်ရိုးညွန်တမ်းဆွဲကာ စာအုပ်ပြုစုပြီး သုံးစွဲကြပြီး ဗြိတိသျှ Sign Language ကို ဗြိတိသျှ ကိုယ်ပိုင်အုပ်ချုပ်ခွင့်ရ ဓနသဟာယနိုင်ငံများတွင် အထူးအသုံးပြု သုံးစွဲကြသည်။ နားမကြားအဖွဲ့အစည်းများ၏ နိုင်ငံတကာ အစည်းအဝေး၊ အလုပ်ရုံဆွေးနွေးပွဲနှင့် United Nations ကွန့်ဖရင့် များတွင် အမေရိကန်နှင့် ဗြိတိသျှ Sign Language ဘာသာစကား မသုံးစွဲပါ။ အပြည်ပြည်ဆိုင်ရာ လက်ဟန်သင်္ကေတပြဘာသာစကား (International Sign Language) ကို အဓိက သုံးစွဲကြသည်။

    အာဆီယံနိုင်ငံဖြစ်သော မြန်မာနိုင်ငံသည် ကိုယ်ပိုင် လက်ဟန်သင်္ကေတပြဘာသာစကားကို ပိုင်ဆိုင်ထားသောနိုင်ငံဖြစ်သော်လည်း နှစ်ပေါင်း ၅၀ ကျော် ခေတ်နောက်ကျခဲ့ရသောကြောင့် မြန်မာလက်ဟန်သင်္ကေတပြဘာသာစကား ကို အသိအမှတ်မပြုသောကြောင့် တိမ်မြှုပ်နေခဲ့ရသလို မျက်နှာငယ်ခဲ့ရသည်။ မြန်မာနိုင်ငံတွင် မသန်စွမ်းသူဦးရေမှာ ၃ သန်းခန့်ရှိကာ မသန်စွမ်းကျောင်းများမှာ အလွန်နည်းပါးလှသည်ကို ၀မ်းနည်းဖွယ်ရာ တွေ့မြင်ရလေသည်။ နားမကြားသူ ဦးရေ သိန်းဂဏန်းရှိသော်လည်း အကြားအာရုံ မသန်စွမ်းသူများ၏ ကျောင်း ၂ ကျောင်းသာ ရှိလေသည်။ ရန်ကုန်နှင့် မန္တလေးတွင်သာ ရှိလေသည်။ ကျောင်းသားလက်ခံနိုင်မှုမှာ ၃၀၀ ခန့်သာရှိလေသည်။ ကျန်သူများမှာ မည်ကဲ့သို့ ဖြစ်နေကြသည်ကို တွေးကြည့်လျင် အလွန်မှပင် ရင်လေးမိပါသည်။ ဒေသတွင်းနိုင်ငံများနှင့် ယှဉ်ကြည်လျှင် အဘက်ဘက်မှာ ခေတ်နောက်ကျ ကျန်ရစ်ခဲ့ရသည်။ ကျနော်သည် မွေးစဉ်က အကြားအာရုံသန်စွမ်းသော်လည်း ၁၅ နှစ်သား အရွယ်တွင် ထိခိုက်မှုဖြစ်ကာ အကြားအာရုံမသန်စွမ်းသူတယောက်ဖြစ်ခဲ့ရသလို မိဘများမှာစကားမပြောတတ်နားမကြားသူများ ပင်ဖြစ်ပါသည်။ နှစ်ပေါင်း ၂၀ ကျော် နားမကြားအသိုင်းအ၀ိုင်းတွင် နေလာခဲ့သဖြင့် သူတို့၏ အခက်အခဲနှင့် ဘာသာစကားကို နားလည်သဘောပေါက်လာခဲ့သည်။ ထို့အတူ မြန်မာနိုင်ငံတွင်လည်း အကြားအာရုံမသန်စွမ်းသူများအတွက် လက်ဟန်သင်္ကေတသတင်းအစီအစဉ်ပြသမှုလည်းမရှိချေ။ ကျနော်သည် ရန်ကုန် အရှေ့ပိုင်းတက္ကသိုလ်မှာ မြန်မာစာအထူးပြု (အဝေးသင်) ဖြင့် ဘွဲ့ရရှိခဲ့သော်လည်း အကြားအာရုံမသန်စွမ်းသူမျာကိုလည်းမြန်မာနိုင်ငံတွင် နေရာပေး အလုပ်ပေးနိုင်ခြင်းမရှိခဲ့ပါ။ ကျနော်သည် နားမကြားသူများ၏ သတင်းငတ်နေသော ဆန္ဒနှင့် မြန်မာလက်ဟန်သင်္ကေတပြဘာသာစကားကို မြန်မာလူအဖွဲ့အစည်းက သိစေချင်လိုသောကြောင့် ဒီမိုကရက်တစ် မြန်မာ့အသံတွင် လုပ်ကိုင်ကာ လက်သင်္ကေတသတင်းများကို ကြေငြာလျှက်ရှိပါသည်။

    မောင်လူငယ် (DVB သတင်းဌာန လက်သင်္ကေတ သတင်းကြေငြာသူ)

    ကိုလူငယ် ရေးသည့် ပိုစ်ကို ခွင်ပြုချက်တောင်းခံပြီး ဖော်ပြခြင်းဖြစ်ပါသည်။

  • ပထမဆုံးသော ရှေးဟောင်း တရုတ်ဘာသာပြန် ကုရ်အာန် ရှာဖွေတွေ့ ရှိ

    ပထမဆုံးသော ရှေးဟောင်း တရုတ်ဘာသာပြန် ကုရ်အာန် ရှာဖွေတွေ့ ရှိ

    ပထမဆုံးသော ရှေးဟောင်း တရုတ်ဘာသာပြန် ကုရ်အာန်

    တရုတ်နိုင်ငံအနောက်မြောက်ပိုင်း Gansu နယ်မြေက မုစ်လင်ရှေးဟောင်းအမွေအနှစ် ရှာဖွေသူတို့ က ၁၉၁၂ခုနှစ်လောက်က တရုတ်လက်ရေးမူနဲ့ရေးသားထားတဲ့  ရှေးအကျဆုံး တရုတ်ဘာသာပြန် ကုရ်အာန်တစ်အုပ်ကို ရှာဖွေတွေ့ ရှိခဲ့တယ်လို့  ပြောကြားခဲ့ပါတယ်။ ဒီစာအုပ်ကို မတွေ့ ခင်က  ပညာရှင်တွေဟာ ၁၉၂၇ခုနှစ်က ဘေကျင်းမှာ ပုံနှိပ် ထုတ်ဝေခဲ့တဲ့ တရုတ် ဘာသာပြန်ကုရ်အာန်ကို အစောဆုံးလို့ ထင်မှတ်ထားခဲ့ကြတာပါ။

    အခုအသစ်တွေ့ ရှိခဲ့တဲ့လက်ရေးမူကို Lanzhou တက္ကသိုလ်က မုစ်လင်မ် ရှေးဟောင်း ယဉ်ကျေးမှု ရှာဖွေသူတွေက မော်ကွန်းတိုက်ဟောင်းက ရှာဖွေတွေ့ ရှိခဲ့တာဖြစ်ပြီး တရုတ် ဘာသာကို ပြန်ဆိုခဲ့သူတွေကတော့ အီမာမ်နှစ်ဦးဖြစ်တဲ့ Sha Zhong နဲ့  Ma Fulu ဆိုသူတို့ ဖြစ်ကြတယ်လို့ယုံကြည်ရပါတယ်။

    သူတို့နှစ်ဦးဟာ ၁၉၀၉ခုနှစ်လောက်က စတင်ဘာသာပြန်ခဲ့တာဖြစ်ပြီး ၁၉၁၂ခုနှစ်လောက်မှာ အပြီးသတ်ခဲ့တယ်လို့ သိရပါတယ်။ ဒီ့နောက်မှာ Sha Zhong ဟာ သူ့ရဲ့လက်ရေးမူနဲ့ ကော်ပီသုံးအုပ်ကူးခဲ့ပြီး Lanzhou တက္ကသိုလ်မှာ အသုံးပြုခဲ့တယ်လို့ သိရပါတယ်။

    နှစ်ဆယ်ရာစုအတွင်းမှာ တခြားတရုတ်ဘာသာပြန် နှစ်အုပ်လည်း Gansu နယ်မြေမှာရှိခဲ့မယ်လို့ ယူဆရပါတယ်။ Lanzhou တက္ကသိုလ်ရဲ့ကျောင်းအုပ် Ding Shiren နဲ့သူ့ရဲ့လုပ်ဖော်ကိုင်ဖက်တွေဟာ ခုချိန်ထိ ဒီဘာသာပြန် ကုရ်အာန်သုံးမျိုးကိုနှိုင်းယှဉ်လေ့လာနေဆဲဖြစ်ပါတယ်။ Sha Zhong နဲ့  Ma Fulu တို့ ရဲ့ဘာသာပြန်ဟာ Lanzhou ဒေသသုံးစကားတွေ ပါဝင်နေပေမယ့်လည်းမူရင်း အာရဗီဘာသာစကားကို လေးစားမှု အပြည့်ရှိတယ်လို့  Ding ကပြောကြားခဲ့ပါတယ်။

    အစ္စလာမ်ဘာသာဟာ တရုတ်နိုင်ငံအတွင်းကို Tang မင်းဆက် (၆၁၈-၉၀၇) က စပြီး စတင် ဝင်ရောက်ခဲ့တယ်လို့ ကျွမ်းကျင်သူတွေကပြောကြားခဲ့ပါတယ်။ သို့သော်လည်း ရှေးတရုတ် မုစ်လင်မ်တွေဟာ အဓိပ္ပာယ်လွဲမှားပြီး ရေးသားမိမှာ စိုးရိမ်လို့ ကုရ်အာန်ကျမ်းမြတ်ကို ဘာသာ မပြန်ခဲ့တာဖြစ်နိုင်တယ်လို့  Ding ကပြောကြားခဲ့ပါတယ်။

    (abna.ir)

    ဇူလိုင်လထုတ် အလ်မီဇားန် အမှတ်၁၁ မှ ကူးယူဖော်ပြသည်။

  • တူရကီကိုယ်စားလှယ်အဖွဲ့ မြန်မာပြည်ကို သွားရောက် အကူအညီပေး

    တူရကီကိုယ်စားလှယ်အဖွဲ့ မြန်မာပြည်ကို သွားရောက် အကူအညီပေး

    သြဂုတ်လ၊ ၉ ရက်၊ ၂၀၁၂

    DVB

    မြန်မာနိုင်ငံက ရခိုင်ပြည်နယ်ပဋိပက္ခမှာ ဒုက္ခရောက်သူတွေအတွက် အထောက်အပံ့ပစ္စည်းတွေ တူရကီနိုင်ငံခြားရေး ၀န်ကြီး Ahmet Davutoglu နဲ့ အတူ မြန်မာနိုင်ငံကို မနေ့က ဆိုက်ရောက်တယ်လို့ တူရကီသတင်းဌာန Hürriyet Daily News မှာ ရေးပါတယ်။

    လှုဒါန်းမည့် ပစ္စည်းများ လေယာဉ်ပေါ်တင်နေစဉ် (ဓာတ်ပုံ- Hürriyet Daily News)

    မွတ်ဆလင်နိုင်ငံတခုဖြစ်တဲ့ တူရကီရဲ့ အကူအညီဟာ မြန်မာအစိုးရဘက်က နိုင်ငံရပ်ခြားက ပေးအပ်တဲ့ လူသားချင်းစာနာတဲ့ အထောက်အပံ့ကို ပထမဆုံး လက်ခံတာ ဖြစ်ပါတယ်။

    တူရကီနိုင်ငံခြားရေးဝန်ကြီးဟာ ဆေးဝါးအထောက်အပံ့နဲ့ လှုဒါန်းငွေတွေကို ဒီပဋိပက္ခကြောင့် ပြောင်းရွှေ့ခိုလှုံနေကြတဲ့ မွတ်ဆလင် ၅ သောင်းကျော်နဲ့ ဗုဒ်ဓဘာသာဝင် ၂ သောင်းကျော်ကို လှုဒါန်းမှာလို့ သတင်းက ဆိုပါတယ်။

    မြန်မာနိုင်ငံက ရခိုင်ပြည်နယ်မှာ ဖြစ်ပွားနေတဲ့ အခြေအနေတွေကို လေ့လာဖို့ တူရကီနိုင်ငံခြားရေးဝန်ကြီး ဦးဆောင်တဲ့ ကိုယ်စားလှယ်အဖွဲ့ဟာ  မနေ့က ထွက်ခွာခဲ့တာ ဖြစ်ပါတယ်။ မထွက်ခွာခင်မှာ သူက တူရကီနိုင်ငံဟာ လူတွေ သေကြေပျက်စီးစေတဲ့ ဘာသာရေးအကြမ်းဖက်မှုနဲ့ ဆက်စပ်တဲ့ အငြင်းပွားဖွယ် သတင်းအချက်အလက်တွေကို ရရှိခဲ့တယ်လို့ ပြောဆိုပါတယ်။

    အစိုးရဘက်က လူ ၁၀၀ ၀န်းကျင်သေဆုံးတယ် လို့ ပြောပေမယ့် သူနဲ့ အဆက်သွယ်ရတဲ့ ရခိုင်ပြည်နယ်က မွတ်ဆလင်ခေါင်းဆောင်တွေ ပြောတာက ထောင်ချီ သေဆုံးနေ တယ်လို့ တူရကီနိုင်ငံ အင်ကာရာလေဆိပ်မှာ သတင်းထောက်တွေကို ၀န်ကြီးက ပြောပါတယ်။

    တူရကီနိုင်ငံခြားရေးဝန်ကြီးဟာ အခြေအနေကို အခင်းဖြစ်တဲ့ အောက်ခြေ နေရာတွေမှာ လွတ်လွတ်လပ်လပ် လေ့လာ စုံစမ်းမှာ ဖြစ်ပေမယ့် ခရီးစဉ်ရဲ့ အဓိက ရည်ရွယ်ချက်ကတော့ အကူအညီတွေ အချိန်မီရောက်ရှိရေး သေချာစေဖို့ ဖြစ်တယ်လို့ ဆိုပါတယ်။
    အာဆီယံကလည်း ရိုဟင်ဂျာ မွတ်ဆလင်တွေကို အထောက်အပံ့ပေးဖို့ကိစ္စ စဉ်းစားနေတယ်လို့ အာဆီယံ အထွေထွေ အတွင်းရေးမှူး  မစ္စတာ ဆူရင်ပစ်ဆူဝမ်က ပြောပါတယ်။

  • ကျောက်တော်တွင် အရေးပေါ်ပုဒ်မထုတ်

    ကျောက်တော်တွင် အရေးပေါ်ပုဒ်မထုတ်

    သြဂုတ်လ၊ ၈ ရက်၊ ၂၀၁၂

    BBC မြန်မာပိုင်း

    ရခိုင်ပြည်နယ်၊ ကျောက်တော်မြို့နယ်၊ အမ်ဘာရီရွာ အင်္ဂါနေ့ မနက်က မီးရှို့ခံရတာဖြစ်ပြီး အနီးအနားက ရွာသားတွေပြောပြချက်အရ အိမ်ခြေ ၃ဝဝ ကျော်လောက် လောင်ကျွမ်းတယ်လို့ ပြောပါတယ်။

    လူမျိုးရေး အဓိကရုဏ်းကြောင့် ပြာကျ သွားရတဲ့ အိမ်တွေ

    ရခိုင်ပြည်နယ်သတင်းထုတ်ပြန်ရေးအဖွဲ့ကတော့ အိမ် ၁ဝဝ ကျော်လောက်ရှိတယ်လို့ ပြောပါတယ်။

    မောင်းတောမှာ ဗုံးခွဲမှာကို စိုးရိမ်တဲ့ အတွက် လုံခြုံရေးတွေ ပိုချထားတယ်ဆိုတဲ့ သတင်းဟာ မမှန်ကန်ကြောင်း နဲ့ ဘတ်စ်ကားလိုင်းတွေလည်း ပုံမှန်ပြန်လည် ပြေးဆွဲပေးနေပြီလို့ ရခိုင်ပြည်နယ် သတင်းထုတ်ပြန်ရေးအဖွဲ့ဝင် ဦးဝင်းမြိုင်က ဘီဘီစီကို ပြောပါတယ်။

    ရခိုင်ပြည်နယ်မှာ ရခိုင်ဒေသခံတွေနဲ့ မွတ်ဆလင်မ်တွေ အခင်းဖြစ်ပွားနေတာက တော်ရုံနဲ့ ဖြေရှင်းနိုင်မှာ မဟုတ်သေးတဲ့အတွက် နိုင်ငံတကာ စိုးရိမ်မှု အသံတွေလည်း ထွက်နေပါတယ်။

    တူရကီနိုင်ငံခြားရေး ဝန်ကြီးနဲ့ အဖွဲ့ဟာ ရခိုင်ပြည်နယ်က အခြေအနေကို သိရှိနိုင်ဖို့ မြန်မာနိုင်ငံကို လာရောက်နေပြီးလို့သိရပါတယ်။

    အာဆီယံ အတွင်းရေးမှူးချုပ် ဒေါက်တာဆူရင် ပစ်ဆူဝမ်ကလည်း အာဆီယံအနေနဲ့ ရခိုင်ပြည်နယ်အတွင်းက ဒုက္ခရောက်နေသူတွေကို လူသားချင်းစာနာတဲ့ အကူအညီတွေပေးဖို့ စဉ်းစားနေတယ်လို့ပြောပါတယ်။

    ကျောက်တော် မှာ အရေးပေါ်ပုဒ်မ ထုတ်ပြန်

    လူမျိုးရေး အဓိကရုဏ်းတွေ ဖြစ်နေတဲ့ ကျောက်တော် မှာ အစိုးရ က အရေးပေါ် အခြေအနေ ကြေညာ ထားရပြီး နေဝင်မီးငြိမ်း ညမထွက်ရ ပုဒ်မ ၁၄၄ ထုတ်ပြန် ထားပါတယ်။
    အရေးပေါ်ပုဒ်မ ကို ဗုဒ္ဓဟူးနေ့ က စတင်ပြီး ထုတ်ပြန် ခဲ့တာ လို့ ကျောက်တော် ဒေသခံတွေ က ပြော ပါတယ်။

    ဇွန်လ ဆန်းပိုင်း က စတင်ခဲ့တဲ့ မငြိမ်သက်မှု တွေ ကြောင့် ရခိုင်ပြည်နယ် မှာ အရေးပေါ် အခြေ အနေ ကြေညာခဲ့ရပြီး မောင်တော၊ ဘူးသီးတောင်၊ စစ်တွေ၊ ရသေ့တောင် ၊ ကျောက်ဖြူ စတဲ့ မြို့နယ် တွေ မှာ ပုဒ်မ ၁၄၄ ထုတ်ပြန်ထား ပါတယ်။ အခုတော့ လူအုပ်စု လိုက် ဆူပူ အကြမ်းဖက် မှု တွေ ဖြစ်လာ တဲ့ ကျောက်တော်မြို့မှာ လည်း ပုဒ်မ ၁၄၄ ကြေညာ ခဲ့ရ ပါတယ်။

    ကျောက်တော် က ရခိုင်လူမျိုးတွေ နဲ့ မွတ်ဆလင် တွေကြား ဖြစ်နေတဲ့ အကြမ်းဖက် တိုက်ခိုက်မှု တွေ အတွင်း လူတွေ အသေအပျောက် ရှိတယ် ဆိုတဲ့ သတင်း တွေ လည်း ထွက်လာသလို အနည်းဆုံး မွတ်ဆလင် ကျေးရွာ ၅ ရွာ မီးရှို့ခံရပြီး တောင်ပေါက်ရွာ က ရခိုင် လူမျိုးပိုင် ဆန်စက် တလုံး လည်း မီးရှို့ခံရပါတယ်။

    ရခိုင်အမျိုးသား ဖွံ့ဖြိုးတိုးတက်ရေး ပါတီ ကိုယ်စား ဝင်ရောက်ယှဉ်ပြိုင်ပြီး ကျောက်တော် မြို့နယ် ကနေ ရွေးချယ် တင်မြှောက်ခံရတဲ့ ရခိုင်ပြည်နယ် လွှတ်တော် ကိုယ်စားလှယ် ဉီးစောငြိမ်းက မြို့ထဲမှာတော့ ငြိမ်သက်နေပြီး မြို့ပြင် တောနယ် တွေ မှာတော့ ၂ ဘက် အကြား တင်းမာမှုတွေ ရှိတယ် လို့ ဘီဘီစီ ကို ပြောပါတယ်။

    အရင်လပိုင်း က မောင်တော မှာ ဆူပူ အကြမ်းဖက်မှု ဖြစ်ပွားခဲ့ပြီးနောက် ကျောက်တော်မှာ လည်း အကြမ်းဖက်မှု တွေ ဖြစ်ခဲ့ပေမယ့် အခုတခေါက် ဖြစ်တာ ကတော့ အရင်ကထက် ပိုပြင်းထန် နေတယ် လို့ ဒေသခံတွေ က ပြောပါတယ်။