News @ M-Media

Blog

  • ပဲဂိုထောင် မီးရှို့မှုဖြင့် အဖမ်းခံ သံဃာများ စွဲချက် မတင်မီပြန်လွှတ်

    ပုသိမ်၊ ဇူလိုင် ၁၉၊ ၂၀၁၂ YPIယခင်လလယ်က ဧရာဝတီတိုင်း ရေကြည်မြို့နယ်၊ တစောင်းရိုးကျေးရွာရှိ အစ္စလာမ် ဘာသာဝင်တစ်ဦးပိုင် ပဲဂိုထောင်အား မီးရှို့ခဲ့မှုဖြင့် ဖမ်းဆီးခြင်းခံထားရသည့် သံဃာတော်၁၂ဦးအား ယခုလ ၁၀ ရက်နေ့က အမှုစွဲချက်မတင်မီ ရုပ်သိမ်းကာ တရားသေ ပြန်လွှတ်ပေးလိုက်ကြောင်း  သိရသည်။

    ဇွန်လ ၁၉ရက်နေ့နံနက် ၁ နာရီခွဲခန့်ကဖြစ်ပွားခဲ့သည့် ပဲဂိုထောင် မီးရှို့မှုတွင် ပါဝင်ခဲ့သည်ဟု သံသယရှိသူ သံဃာ၁၁ပါးအား ပုသိမ်ခရိုင်တရားရုံးမှ ပြစ်မှုကြီးအမှတ် ၅၅/၂၀၁၂ဖြင့်၎င်း၊ အသက်(၁၇) နှစ်အရွယ် ကိုရင်တပါးကို ရေကြည်မြို့နယ် တရားရုံးတွင် ပြစ်မှုကြီးအမှတ် ၄/၂၀၁၂ ဖြင့်၎င်း၊ စုစုပေါင်း သံဃာ၁၂ ပါးလုံးအား စုပေါင်းကာ ပြစ်မှုပုဒ်မ ၄၅၄/၄၃၆/၃၄ ဖြင့် တရားလိုမှ တရားစွဲရန် စီစဉ်ခဲ့သော်လည်း သက်ဆိုင်ရာ ဘာသာရေးအကြီးအကဲများ ညှိုနှိုင်း၍  အမှုအား ပိတ်သိမ်းလိုက်ခြင်း ဖြစ်သည်။

    တစောင်းရိုးရွာတွင်နေထိုင်သူတချို့၏ ပြောဆိုချက်အရ ဇွန် ၁၉ရက် နေ့ နံနက် ၁ နာရီခွဲခန့်တွင် သံဃာများ စီးနင်းလာသည့် ကားပျက်သဖြင့် အခင်းဖြစ်ပွားရာခြံမှ ဂွငှားရာတွင် ခြံစောင့်၏ မချေမငံပြောဆိုခဲ့ရာမှ ယင်းမီးရှို့မှုဖြစ်ပွားခဲ့သည်ဟု ဆိုသည်။

    ယခုအမှုတွင် သံဃာများဘက်မှ အကျိုးဆောင်ရွက်ပေးနေသူ ရှေ့နေ ဒေါ်မြင့်သိန်းက “အခုလိုညှိနှိုင်း ဆောင်ရွက်လိုက်တော့ ပြဿနာ အားလုံး အေးအေးချမ်းချမ်းဖြစ်သွားတာပေါ့၊ သံဃာတွေလည်း တက်နေတဲ့ အတန်းပြန်ပြီး စာသင်လို့ရတာပေါ့” ဟုYPI သို့ ပြောသည်။

    ဥပဒေအရဆိုလျှင် အဆိုပါအမှုမှာ ပုဒ်မတခုခြင်းစီအလိုက် တသက်တစ်ကျွန်းနှင့် ထောင်ဒဏ်၁၀နှစ်၊ ထောင်ဒဏ် ၅နှစ် အထိ အသီးသီးကျခံရနိုင်ကြောင်း ၎င်းက ရှင်းပြသည်။

    ပုသိမ်ခရိုင်တွင် ဇွန်လအတွင်း အစ္စလာမ်ဘာသာဝင်တို့၏ အဆောက်အအုံမီးရှို့ခံရမှုများ ဖြစ်ပွားခဲ့ရာ ယခုအမှုသည် ဒုတိယမြောက်ဖြစ်သည်။

    ဇွန်လ ၁၀ ရက်နေ့ကလည်း တကုန်းကြီး ကျေးရွာရှိ အစ္စလာမ် စာသင်ကျောင်းအား မီးရှိုမှုဖြစ်ပွားခဲ့ရာ လက်သည်ကို ယခုထိ မဖေါ်ထုတ်နိုင်သေးကြောင်း ၎င်းစာသင်ကျောင်းအတွင်းရေးမှူး ဦးဘီစကွတ် ၏ ပြောဆိုချက်အရ သိရသည်။       ။

    YPI သတင်းမှ ကူးယူဖော်ပြပါသည်။

    ဆက်စပ်သတင်း — အသုတ်မြို့အနီး တဇောင်းရိုးကျေးရွာရှိ အစ္စလာမ်ဘာသာဝင်များ ပိုင်ဆိုင်သည့် ပဲဂိုဒေါင် မီးရှို့ခံရ
  • မမေးလည်းဖြေ (၆)- ကျိန်ဆဲခြင်းလော?

    မမေးလည်းဖြေ (၆)- ကျိန်ဆဲခြင်းလော?

    ကျော်မိုးအောင်

    Photo Link – http://goo.gl/sxDvq

    အထက်ပါပုံကို လွန်ခဲ့သည့် နှစ်ပေါင်းများစွာကပင် မြန်မာနိုင်ငံတွင် အစ္စလာမ်သာသနာဝင်များအပေါ် အထင်အမြင်လွဲနေရစေသည့် အဓိကလက်သည်တရားခံ မုသာဝါဒဖြန့်ဝေရာ၊ အမုန်းတရားကြီးထွားစရာတို့၏ ဇစ်မြစ် အမျိုးပြောက်မှာ စိုးကြောက်စရာ အပါအဝင် (တရားဝင်ထုတ်ဝေခြင်းမဟုတ်သော်လည်း အလွန်တွင်ကျယ်စွာ ပြန့်နှံ့သည့်) ဝါဒမှိုင်းတိုက် စာစဉ်များတွင် ဖတ်ခဲ့ရဖူးပါသည်။ ယခုအခါ Facebook နှင့် အခြား အင်တာနက်စာမျက်နှာများတွင် တွေ့လာရပြီ။ တစ်ဆင့် ပြန် share လုပ်သူဦးရေလည်း မနည်းမနော။

    အစ္စလာမ်ဘာသာဝင် မဟုတ်သူ သာမန် စာဖတ်သူတစ်ဦး ဖတ်မိပါက ကြက်သီးမွေးညင်းထောင်ထစရာ၊ မွတ်စလင်မ်ဆိုသူတွေက အလွန်ကြောက်စရာ သတ္တဝါများဟုပင် တထစ်ချ ယူမှတ်လိုက်ဖွယ်ရာ အနေအထားဖြစ်သည်။

    ဟစ်တလာက ပြောခဲ့ဖူးပါသည်။ အမှားတစ်ခုကို လူထုကြားမှာ ရဲရဲပြော၊ အကြိမ်ကြိမ်ပြော၊ စကာစက မယုံသူတွေတောင် တစ်ဖြည်းဖြည်း အမှန်ဟု ထင်လာလိမ့်မည်တဲ့။ အဆိုပါ စာအုပ် ထုတ်ဝေဖြန့်ချိသူတို့၏ လုပ်ရပ် အတော်ပင် အောင်မြင်ပါသည်။ မွတ်စလင်မ်ဆိုတာ ရွံစရာ၊ မုန်းစရာ၊ ကြောက်စရာအဖြစ် မြင်နေကြသူတွေ မနည်းလှကြောင်း facebook နှင့် internet သုံးသူများမှတစ်ဆင့် တွေ့နေရပါသည်။ ကမ္ဘာ့နားလည်မှု လွဲမှားမှု အခံရဆုံး နံပါတ်(၁)သာသနာအဖြစ် အစ္စလာမ် ရှိနေရပါပြီ။

    အစ္စလာမ်ကတော့ သတင်းစကားတစ်ခုကို စာရိတ္တဖောက်ပြန်သူ မသူတော်တစ်ဦးဦးက သယ်ဆောင်လာလျင် မသိဘဲနှင့်  လူ့အစုအဝေးတစ်ရပ်ကို အန္တရာယ်မပြုမိစေရန် သင်တို့ဆန်းစစ်ကြဖို့၊ သို့မဟုတ်လျင် သင်တို့ ပြုမူမိခဲ့သည်အတွက် ကြေကွဲ နောင်တရရမည် ဟူ၍ ဆုံမသွန်သင်ထားသည်။

    (ကျမ်းမြတ်ကုရ်အာန် ၄၉း၆)

    အခြားအကြောင်းအရာတွေ မဆွေးနွေးမီ ပထမဆုံး အစ္စလာမ်ကို မည်သည်က အစစ်အမှန် ကိုယ်စားပြုသည်ဆိုသည်ကို ပြောလိုပါသည်။ အစ္စလာမ်၏ စစ်မှန်သော အဆုံးအမများကို (၁)ကျမ်းတော်မြတ်ကုရ်အာန်နှင့် (၂)ထိုကျမ်းမြတ်ကို လက်တွေ့အကောင်အထည်ဖော် သွန်သင်လမ်းညွှန်ထားသော မဟာတမန်တော်မြတ်၏ ပုံဖော်သွန်သင်ချက်များကသာလျင် ကိုယ်စားပြုပါသည်။ ထိုနှစ်ချက်ကို ဆန့်ကျင်သည့် အကြောင်းခြင်းရာတစ်ရပ်ကို မွတ်စလင်မ်အမည်ခံသူ တစ်သန်းက လက်မှတ်ထိုး ထုတ်ဝေပါစေ ထိုအကြောင်းအရာသည် အစ္စလာမ်ကို ကိုယ်စားမပြုပါ၊ ထိုလူတစ်သန်းနှင့်သာ ဆိုင်ပါမည်။

    ထို့အတွက်ကြောင့် အစ္စလာမ်၏ စစ်မှန်သော သွန်သင်ချက်များတွင် မွတ်စလင်မ်မဟုတ်သူ ဘာသာခြားများနှင့် ပတ်သက်၍ မည်သို့ ဆိုထားကြောင်း ဦးစွာ တင်ပြပါမည်။

    ဘာသာတရားများ တစ်ခုနှင့်တစ်ခု ယုံကြည်ချက်၊ ကျင့်သုံးဆောက်တည်မှုများ မတူညီ ကွဲပြားကြပါသည်။ မတူညီမှုကို တန်းညှိနေရန် မလိုပါ။ မိမိတို့လုပ်ရပ်အတိုင်း ကိုယ့်ပြုသည့်ကံ ကိုယ်နှင့်ဆိုင်ပါမည်။ အစ္စလာမ့်သွန်သင်ချက်အရ ကိုယ့်သာသနာနှင့်ကိုယ်ပါ။ ကိုယ့်လမ်းကိုယ် လျှောက်ကြရမှာပါ။

    “ အသင် ပြောကြားပါလေ။

    အို (အစ္စလာမ်ကို) မယုံကြည်သူအပေါင်းတို့…

    ကျွန်ုပ်သည် သင်တို့ကိုးကွယ်လျက်ရှိကြသော ကိုးကွယ်ရာများကို ကိုးကွယ် ဆည်းကပ်သည်မဟုတ်ပေ။

    ထို့ပြင် သင်တို့်သည်လည်း ကျွန်ုပ်ကိုးကွယ်လျက်ရှိကြသော ကိုးကွယ်ရာကို ကိုးကွယ် ဆည်းကပ်ကြသူများ မဟုတ်ပေ။

    ထို့ပြင် ကျွန်ုပ်သည် သင်တို့ကိုးကွယ်ကြကုန်သော ကိုးကွယ်ရာများကို ကိုးကွယ် ဆည်းကပ်မည့်သူ မဟုတ်ပေ။

    ထိုနည်းတုစွာ သင်တို့်သည်လည်း ကျွန်ုပ်ကိုးကွယ်လျက်ရှိကြသော ကိုးကွယ်ရာကို ကိုးကွယ် ဆည်းကပ်ကြမည့်သူများ မဟုတ်ပေ။

    စင်စစ်သော်ကား သင်တို့အဖို့ သင်တို့၏ အကျိုး၊ လမ်းစဉ်၊ သာသနာဖြစ်၍ ကျွန်ုပ်အဖို့ ကျွန်ုပ်၏ အကျိုး၊ လမ်းစဉ်၊ သာသနာပင် ဖြစ်ပေသည်။”

    (ကျမ်းမြတ်ကုရ်အာန် ၁၀၉း၁-၆)

     ထိုသို့ ကိုယ့်ခရီးကိုယ်သွားနေကြသူ အချင်းချင်း မည်သို့မည်ပုံ ဆက်ဆံရမည်ကိုလည်း ရှင်းလင်းပြတ်သားစွာ သွန်သင်ထားပြီး ဖြစ်ပါသည်။

     “အလ္လာဟ်အရှင်မြတ်သည် အသင်တို့အား အကြင်သို့သောသူတို့ကို ကျေးဇူးပြုခြင်းမှလည်းကောင်း၊ တရားမျှတစွာ ဆက်ဆံခြင်းမှလည်းကောင်း တားမြစတော်မူသည်မဟုတ်ပေ။ ထိုသူတို့သည် အသင်တို့အား သာသနာနှင့်စပ်လျဉ်း၍ တိုက်ခိုက်ခဲ့ကြသည်လည်းမဟုတ်ပေ၊ အသင်တို့အား အသင်တို့၏ နေအိမ်များမှ နှင်ထုတ်ခဲ့ကြသည်လည်းမဟုတ်ပေ။ ဧကန်စင်စစ် အလ္လာဟ်အရှင်မြတ်သည် တရားမျှတသူတို့အား နှစ်သက်ချစ်ခင်တော်မူ၏။

    အလ္လာဟ်အရှင်မြတ်သည် အသင်တို့အား အကြင်သို့သောသူတို့ကို အဆွေခင်ပွန်း ပြုလုပ်ခြင်းမှသာ တားမြစ်တော်မူ၏။ ထိုသူတို့သည် အသင်တို့အား သာသနာနှင့်စပ်လျဉ်း၍ တိုက်ခိုက်ခဲ့ကြသည့်အပြင် အသင်တို့အား အသင်တို့၏ နေအိမ်များမှ နှင်ထုတ်ခဲ့ကြ၏။ အသင်တို့ကို နှင်ထုတ်ရေးနှင့် စပ်လျဉ်း၍ (သူတစ်ပါးတို့အား) ရိုင်းပင်းကူညီခဲ့ကြ၏။ စင်စစ်သော်ကား မည်သူမဆို ၄င်းတို့အား အဆွေခင်ပွန်း ပြုလုပ်သည်ရှိသော် ထိုကဲ့သို့သော သူတို့သည်သာလျင် မတရားသောသူများ  ဖြစ်ကြကုန်သတည်း။” 

    (ကျမ်းမြတ်ကုရ်အာန် ၆၀း၈-၉)

    အစ္စလာမ့် အနှစ်ချုပ်တရားသည် တရားမျှတရန်၊ ကောင်းမွန်စွာ ပြုမူဆက်ဆံရန်၊ ပေးကမ်းလျူဒါန်းရန်၊ မကောင်းမှုမတရားမှုတို့မှ ရှောင်ကျဉ်ရန်ဖြစ်သည်။

    (ကျမ်းမြတ်ကုရ်အာန် ၁၆း၆၀)

    ဘာသာ မတူသူများနှင့် လူသားချင်းအတူ လက်တွဲကာ ပူးပေါင်းဆောင်ရွက်ရမည်တို့ တစ်ပုံတစ်ပင် ရှိပါသည်။

    အစ္စလာမ်က မိမိ တစ်ကိုယ်ရည်အတွက် မေတ္တာထားကာ ငုံ့ခံခိုင်းထားသလို အများအတွက်၊ လူ့အစုဝေးအကျိုးနှင့် ယှဉ်လာပါမူ သစ္စာတရားအတွက် တုန့်ပြန်ခိုင်းထားသည်။

    အစ္စလာမ်၏ လမ်းပြပုဂ္ဂိုလ် မဟာတမန်တော်မြတ်၏ အတ္ထုပ္ပတ္တိကို လေ့လာကြည့်လျင် မိမိတစ်ကိုယ်ရည်အား ရန်ပြုသူ၊ စော်ကားသူ၊ မတရားပြုမူသူ၊ စွပ်စွဲသူမှန်သမျှအား မေတ္တာထား ခွင့်လွှတ်ခဲ့သည်။ အများလူထု ၁၃နှစ်ကျော် နှိပ်စက်ညှင်းပမ်းသတ်ဖြတ်မှုများ ခံရပြီးနောက်ဆုံးတွင် ခုခံစစ်အဖြစ် ပြန်လည် တိုက်ခိုက်ခဲ့ရသည်။ နောက်ဆုံ ရန်သူတို့ အရေးနိမ့်သွားချိန်တွင် အားလုံးတို့အား ခြွင်းချက်မရှိ လွတ်ငြိမ်းချမ်းသာခွင့်ပေးသည်။ မိမိအားကိုးချစ်ခင်ရသော ဦးရီးတော်ကို သတ်သူကိုပင် ခွင့်လွှတ်ပေးခဲ့သူ ဖြစ်ပါသည်။

    မတရားပြုမူခံနေရစဉ် မတရားမှုကို တွန်းလှန်ရာနိုင်စေဖို့ အင်အား လိုပါသည်။ ရုပ်ပိုင်းဆိုင်ရာ အင်အားများကို ဖြည့်ဆည်းရသလို စိတ်ပိုင်းဆိုင်ရာ အင်အားကလည်း အင်မတန် အရေးကြီးလှသည်။ ရုပ်ကို စိတ်က ဦးဆောင်သည် မဟုတ်ပါလော။ ထိုသို့သော စိတ်ပိုင်းဆိုင်ရာ စွမ်းအင်အတွက် မိမိတို့ ယုံကြည် ကိုးကွယ်အားထားရာ အလ္လာဟ်အရှင်မြတ်ထံမှ ဆုပန်ကြရပါသည်။ အစ္စလာမ့် ဝတ်ပြုဆုတောင်းမှုတိုင်း၏ အဆုံးသတ်သည် မိမိဝဲယာရှိ အရာခပ်သိမ်း ငြိမ်းချမ်းပါစေကြောင်း ဆုတောင်းပေးခြင်းဖြစ်သည်။ မိမိတို့ အကြပ်အတည်း ကြုံတွေ့နေရပါက၊ မတရား ပြုမူခံနေရပါကလည်း မိမိတို့ကိုးကွယ်အားထားရာ ဘုရားသခင်ထံ တိုင်တည်ကာ ဆုပန်ကြသည်။ ထိုဆုတောင်း အပြည့်အစုံ အမှန်မှာ အောက်ပါအတိုင်းဖြစ်သည်။

    ဆုတောင်း အပြည့်အစုံ နှင့် အဓိပ္ပါယ်အမှန်

    နောက်တစ်ချက်က ထိုစာအုပ်တွင် ဖော်ပြထားသလို သောကြာနေ့ ဝတ်ပြုရာ၌ တောင်းသည့် ဆုတောင်းလည်း မဟုတ်ပါ။ သာမန်အားဖြင့် တောင်းဆိုလေ့ မရှိဘဲ မွတ်စလင်မ်ညီနောင်များ အတိဒုက္ခရောက်နေခိုက် အန္တရာယ်ပြုမည့် ရန်သူ ပြုသမျှ မနုရစေရန် အခိုက်အတန့် တောင်းသည့် ဆုမွန်သာဖြစ်ပါသည်။ သာမန် အများမွတ်စလင်မ်တို့ အလွတ်တောင်မရကြပါ။

    အေးချမ်းစွာ အတူလက်တွဲနေထိုင်ကာ ကိုယ့်အလုပ်ကိုယ်လုပ်နေကြသူ ဘာသာတူသူများအား ညီနောင်အဖြစ်လည်းကောင်း၊ ဘာသာမတူသူများအား ဝမ်းကွဲဆွေမျိုးရင်းချာအဖြစ်လည်းကောင်း၊ ဘာသာမဲ့တို့အား မိတ်ဆွေအဖြစ်လည်းကောင်း သဘောထားပါသည်။ ထိုသူတို့အားလုံးတို့အပေါ် ငြိမ်းချမ်းသာယာမှု အဖြာဖြာ ကြရောက်ပါစေ။ ဘာသာပေါင်းစုံ ချစ်ကြည်ငြိမ်းချမ်းရေး အဓွန့်ရှည်ပါစေသား။

    ဘာသာမတူခြင်းကို ခုတုံးလုပ်လျက် လူ့ဘောင်အသိုင်းအဝိုင်း ပျက်စီးရာပျက်စီးကြောင်း၊ အမှောင့်ပယောဂလုပ် နှောက်ယှက်ဖျက်ဆီးနေသူများ၊ မတရားပြုမူကြသူများ၊ အဖျက်သမားများ၊ အကြောင်းမဲ့ အငြိုးထားနေကြသူများ၊ မကောင်းကြံနေကြသူများ၊ ဝါဒဖြန့်အမုန်းပွား ပဋိပက္ခဖြစ်စေကြသူများ (လူမျိုးဘာသာမရွေး) ပျက်သုဉ်းပါစေသား။

     

    ကိုကျော်မိုးအောင် FB စာမျက်နှာမှ ကူးယူဖော်ပြပါသည်။

  • အာဂလူသား ဇာနည်ဖွားများသို့ ……..ကျေးဇူးအမှန် ဆပ်တတ်ရန်

    အာဂလူသား ဇာနည်ဖွားများသို့ ……..ကျေးဇူးအမှန် ဆပ်တတ်ရန်

    9 Martyr of Myanmar

    ၆၅ နှစ် တိုင်ခဲ့ပြီ……..။

    ဗိုလ်ချုပ် နဲ့ တကွ

    ကရင်လည်း မျှ လို့

    မွတ်စလင်မ် တွေလဲလာ

    ရှမ်းစော်ဘွားလဲ ပါ

    တို့ပြည်ထောင်စုသား အားလုံးရဲ့ ရင်နှစ်သည်းချာ

    တိုင်းပြည်အတွက်လာလို့

    ပန်းတိုင် တခုတည်း အတွက်

    စည်းဝိုင်း တခုတည်း ထိုင်ကာ

    တိုင်းပြည် အရေး ညီညွတ်စွာ တိုင်ပင်

    ငြိမ်းချမ်းစွာ လက်တွဲ ခဲ့လို့သာ

    တစ်ရက်တည်း တစ်ချိန်တည်း တစ်နေရာမှာ

    တပြိုင်တည်း ကြွေလွင့်ခဲ့ရရှာခဲ့ပြီ………။

     

    ၆၅ နှစ်တိုင်ခဲ့ပြီ……။

    ၁၉ ဂျူလိုင် မှာ စိတ်တူ ကိုယ်တူ

    တိုင်းပြည် အတွက် ညီညွတ် တိုင်ပင်

    အားကြိုး မာန်တက် ဆောင်ရွက် ခဲ့တဲ့

    မြင့်မြတ် လှတဲ့ ရည်ရွယ်ချက် ကား

    ပြည်ထောင်စု ဥယျာဉ်လေးထဲ

    လွတ်လပ်ခြင်း ပန်းတွေ ပျိုးစိုက်ကာ

    ပြည်ထောင်စု သားချင်းများကြား

    ငြိမ်းချမ်းရေး ရနံ့တွေ သင်းပျံ့စေဖို့တဲ့လား……။

     

    ၆၅ နှစ်တိုင်ခဲ့ပြီ…။

    အာဂ လူသား ဇာနည်ဖွား တွေခမျာ

    ပြည်ထောင်စုကြီး ပန်းရနံ့မွှေးပျံစေဖို့

    စွမ်းဆောင်ခဲ့ခြင်းကပဲ

    သူတို့ ဗိမာန်ရှေ့

    နှစ်စဉ် ဇူလိုင် ၁၉ ရောက်တိုင်း

    အစဉ်အလာ မပျက်

    လွမ်းသူ့ပန်းခွေ ချဖို့ ဖြစ်လာခဲ့ရသလား……။

     

    * * * * * * * * * * * * * * * * * *
    ကြွေလွင့်ခံ မျိုးကောင်းဇာနည်
    သူတို့ခမျာ ထင်ရှာမှာပဲ
    * * * * * * * * * * * * * * * * * *

     

    ၆၅ နှစ် တိုင်ခဲ့ပြီမို့…..။

    ခုလောက်ဆိုလျှင်ဖြင့်

    ပြည်ထောင်စု ပန်းတွေ ဝေဆာ ပွင့်ဖူးလို့

    ငြိမ်းချမ်းရေး ရနံ့တွေ ထုံသင်းပျံ့ ကာ

    တရားမျှတမှုတွေ ပွင့်လန်း နေပြီရယ်လို့

    သူတို့ခမျာ ထင် နေ ရှာ ရော့ မယ်

    မြင့်မြတ်တဲ့ နှလုံးသားပိုင်ရှင်

    အာဇာနည် ညီနောင် ၉ဖော်

    လက်ရှိ အနေအထားကို မြင်ရင်

    ရင်ထုမနာများ ဖြစ်လေမလား……..။

     

    ဘာပဲပြောပြော ၆၅ နှစ် တိုင်ခဲ့ပြီ……..။

    သွေး၊ ချွေး စတေးရုံတင် အားမရ

    သေမင်းနဲ့ လက်တကမ်း အကွာမှ

    တိုင်းပြည်အတွက် ပေးဆပ်ခဲ့ကာ

    အသက်ကိုပင် စတေးခဲ့ရရှာတဲ့

    အိုဘယ့်လူသား ဇာနည်ဖွားများ

    တိုင်းပြည်တာဝန် ကျရာနေရာ

    သေသည့်တိုင် ထမ်းသွားခဲ့ရရှာတာမို့

    ၁၉ ဂျူလိုင် မမေ့နိုင် ရုံနဲ့ မပြီးဘဲ

    ကျေးဇူးတရား စဉ်လေးထားစွာ

    ဦးညွတ် ရိုကျိုး ကြလျှင်

    ညီညာ လက်တွဲ မြဲကြလျှင်

    ငြိမ်းချမ်းမှုကို စဉ်ရှေးရှု ကြလျှင်

    လူမျိုးပေါင်းစုံ စည်းလုံး ကြလျှင်

    တိုင်းပြည် အကျိုး ဆထက်တပိုး ထမ်းရွက်နိုင်ကြ လျှင်ဖြင့်

    ထို သူများကို ကျေးဇူးဆပ်ရာ ရောက်ပါ၏ လော…..

    …………………………………..

    ၆၅ နှစ် တိုင်လင့်ကစား

    ဖြူစင် စိတ်ထား မြင့်မြတ်မှုဖြင့်

    တိုင်းပြည်အတွက် စတေးခဲ့ရ

    အာဂလူသား ဇာနည်ဖွားများ

    ဂျန္နတ်နိဗ္ဗာန် စံစားရ ပါစေသား………..။

    ကောင်းရာ သုဂတိလား ပါစေသား……..။

    65th Anniversary of Burma’s Martyr Day July 19 2012

     

    noble

    19 July 2012

    2:02 am

  • ဗမာတွေ ဘယ်မှာ စည်းကမ်း မဲ့လို့လဲ

    ဗမာတွေ ဘယ်မှာ စည်းကမ်း မဲ့လို့လဲ

    (၁၉၂၀၊ ဒီဇင်ဘာ ၂၀တွင် စတင်ခဲ့သော ပထမကျောင်းသားသပိတ် သပိတ်မှောက်ကျောင်းသား တစ်ဦးဖြစ်သူအမျိုးသားအာဇာနည် ခေါင်းဆောင်ကြီး ဆရာကြီး ဦးရာဇတ်၏ ကျောင်းသားသပိတ် ကိုယ်တွေ့မှတ်တမ်း)

     

    လွန်ခဲ့သည့် ၉နှစ်ခန့်က ဖြစ်ပါသည်။ ရန်ကုန်ကောလိပ် ခရစ်ကက် အသင်းသည် မြန်မာပြည် မီးရထားအသင်းနှင့် ချိန်း၍ ကစားခဲ့သည်။ ကစားပွဲပြီးသော် ကျွန်တော်သည် စားသောက်အပြီးနောက် ကောလိပ်ကျောင်းဝင်းထဲသို့ အေးအေးဆေးဆေး ပြန်လာပါသည်။

    ဘာဖြစ်ပါလိမ့်

    ထမင်းစားခန်းအနီးမှ လှမ်းကြည့်လိုက်ရာ တင်းနစ်ကစားကွင်း အမှတ်(၁)မှာ လူသူကင်းမဲ့နေသည်ကို တွေ့ရ၏။ ဤကား အခွင့်အရေးကောင်း တစ်ခုပင်ဖြစ်၍ ကျွန်တော်သည် ရက်ကက်တစ်ချောင်း သွားယူပြီး တင်းနစ် ကစားရန် အကြံဖြစ်သည်။

    သို့သော် ကျွန်တော်နှင့်အတူ ကစားမည့်အဖော် တစ်ဦးမျှ ကျောင်းထဲမှာ မတွေ့ရပေ။ ကျောင်းသားတွေ ဘယ်ရောက်ကုန်ပါလိမ့်။ ဘာဖြစ်တာပါလိမ့်၊ ကျွန်တော် သိချင်လာသည်။

    သပိတ်မှောက်ပြီတဲ့

    ထို့ကြောင့်ပင် ထမင်းစားချိန်တွင် မိတ်ဆွေ ကိုဘလှိုင်ကို မေးရသည်။ သူကား ကောလိပ်ဘောလုံးသမား ဖြစ်သည်။ သူကပင် ကျွန်တော့်ကို ပြန်မေး၏။ “ကျွန်တော်တို့ ကောလိပ်နှစ်ခုပေါင်းပြီး သပတ်မှောက်ကြတာ ခင်ဗျား မသိဘူးလား” တဲ့။

     

     

    သပိတ်စခန်းသို့

    နောက်တစ်နေ့ နံနက်တွင် ကိုညွန့်နှင့်အတူ ကျွန်တော်သည် ဗဟန်းသို့ လာခဲ့၏။ ကိုညွန့်မှာ ဆင်းဒဝစ်လမ်း၌ နေ၏။ သူ့အိမ်မှာ သပိတ်မှောက်ကျောင်းသားများ၏ နားနေရာ စည်းဝေးရာ စားသောက်ရာ ဌာနတစ်ခု ဖြစ်သည်။ ကျွန်တော် ဗဟန်းသို့ ရောက်သောအခါတွင် ကောလိပ်နှစ်ခုမှ ကျောင်းသားထုကြီးကို ရွှေတိဂုံဘုရား အရိပ်အာဝါသ၌ တစ်စုတစ်စည်းတည်း တွေ့ရလေ၏။ အနာဂတ်မြန်မာနိုင်ငံ၏ ခေါင်းဆောင်ဖြစ်မည့်သူတို့မှာ တင်းကျပ်သော စည်းကမ်းများ ဝန်းရံထားသောနေရာ၌ စနစ်တကျ ရှိနေကြသည်ကို တွေ့ရ၏။

     

    ၁၉-၁၂-၁၉၂၃က ဖွင့်လှစ်ခဲ့သော ဗဟန်းတောရလမ်း ဦးအရိယတိုက်ကျောင်းမှ အမျိုးသားကောလိပ်၊ ဆရာကြီး ဦးရာဇတ်သည် ထိုကောလိပ်မှ ပထမဆုံးသော BA ဘွဲ့ရသူဖြစ်သည်။

    ဝင်ခွင့် စစ်ဆေး

    သပိတ်စခန်းဝတွင် တာဝန်ကျနေသော ကျောင်းသား အစောင့်တစ်ဦးက စခန်းအဝသို့ ရောက်လာသော ကျွန်တော်တို့ကို တားဆီးစစ်ဆေး မေးမြန်းခြင်းပြုသည်။ ကျွန်တော်တို့မည်သူဖြစ်ကြောင်း ပြောပြရှင်းလင်းမပြနိုင်လျင် သပိတ်စခန်းအတွင်း ဝင်ခွင့်ပြုမည်မဟုတ်ပေ။ သို့သော် ကျွန်တော်တို့ကို သိပြီးသူများဖြစ်သောကြောင့် ဝင်သွားရန် အစောင့်က ခွင့်ပြုလိုက်၏။

     

    သပိတ်မှောက်ကျောင်းသားများ တည်းခိုခဲ့သော ဗဟန်းကြားတောရလမ်း ဦးအရိယကျောင်းတိုက်အတွင်းရှိ ဇရပ်များ
     ကျောင်းသားမြို့တော်

    ကျွန်တော်သည် ဤသို့ဖြင့် သပိတ်စခန်းအတွင်းသို့ ရောက်ခဲ့နေသည်မှာ ကျွန်တော့်ကို မန္တလေးတွင် ကျောင်းဆရာအဖြစ်အမှုထမ်းရန် ကောင်စီက အသိအမှတ်ပြု ခန့်ထားသည်အထိ ဖြစ်၏။ နေ့တွေရက်တွေ ကုန်လာသည်နှင့် သပိတ်စခန်းအတွင်းသို့ ရန်ကုန်မြို့တွင်းရှိ အခြားကျောင်းများမှ ကျောင်းသားများ လာရောက်ပူးပေါင်းကြသည်မှာ ဗဟန်းရပ်ကွက်၌ ကျောင်းသားမြို့တော်ကြီး ဖြစ်သွားပါတော့သည်။

     

    ဆရာကြီးဦးရာဇတ်၏ အမျိုးသားအထက်တန်းကျောင်း (ယခု အထက၂၊ မန္တလေး)

     

    ရိက္ခာ ပြဿနာ

    ဗဟန်းရှိ ရွှေတိဂုံစေတီဝန်းကျင်တွင် ဇရပ်ပေါင်းများစွာ ရှိနေပါသောကြောင့် တည်းခိုနေရန် အိုးအိမ် ပြဿနာ တစ်စုံတစ်ရာ မပေါ်ပေါက်တော့ချေ။ သို့သော် စားရေးရိက္ခာ ပြဿနာကား ရှိသည်။ ယင်းပြဿနာသည် သပိတ်မှောက်ကောင်စီကို ခေါင်းခဲစေသော ကိစ္စဖြစ်ခဲ့သည်။

     

    စည်းနှင့်ကမ်းနှင့်

    စည်းကမ်းတင်းကြပ်သည့်ဘက်ကမူ စံပြဖြစ်ခဲ့၏။ ဗမာတွေ စည်းကမ်းမရှိဘူးဟု အပြစ်တင်လေ့ ရှိကြသည်။ သို့သော် ဗဟန်းရှိ သပိတ်စခန်းတွင်ကား စည်းကမ်းကို ဂရုတစိုက် သတ်မှတ်လိုက်နာကြသည်။ တစ်ချိန်က အဆောင်မှူးများ၏ သြဇာကို မနာယူခဲ့သော ကောလိပ်ကျောင်းသားတို့သည် ယခု သပိတ်စခန်းမှူးများ၏ စည်းကမ်းကို တစ်သဝေမတိမ်း လိုက်နာကြ၍ ရုပ်ရှင်ကားတစ်ခု မည်မျှ မိုးပျံအောင်ကောင်းနေပါစေ  သပိတ်မှောက်ကောင်စီ လူကြီးတွေထံမှ ခွင့်မရလျင် သပိတ်စခန်းမှ မထွက်ရဲကြပေ။

     

    ဆီပုံးထမ်း

    တစ်ကြိမ်တွင် စေတနာရှင်တစ်ဦးက သပိတ်စခန်းသို့ ဆီပုံးများ လှည်းဖြင့်တင်ပို့၍ လှူဒါန်းလိုက်၏။ လှည်းမှာ သပိတ်စခန်းအတွင်း ဝင်၍မရချေ။ ကူလီထမ်းမည့်သူလည်းမရှိ။ အခက်တွေ့နေပါပြီ။ ကောင်စီလူကြီးတွေက သန်သန်မာမာ ကျောင်းသားတွေကို လိုက်ရှာ၏။ နောက်ဆုံးတွင် ကျောင်းမှ ဘောလုံးသမားတစ်ဦးက ကူလီလုပ်လိုက်၍ ဆီပုံးတွေမှာ သပိတ်စခန်းထဲသို့ ရောက်ရှိသွားလေ၏။

     

    သတင်းစာသယ်

    တစ်ကြိမ်တွင် သပိတ်စခန်း၌ဖတ်ရန် သတင်းစာများ သွားယူရေးပြဿနာ ရှိနေသည်။ ဤပြဿနာကို ကောလိပ်ဘောလုံးအသင်းမှ အဖွဲ့ဝင်တစ်ဦးလည်းဖြစ်၍ ဘီအေအေ ဘောလုံးလက်ရွေးစင်တစ်ဦးလည်းဖြစ်သူ ကျောင်းသားတစ်ဦးက ရှင်းပေး၏။ အဆိုပါကျောင်းသားသည် နံနက်၅နာရီ၌ ဘိုင်စကယ်တစ်စီးဖြင့် သပိတ်စခန်းမှ ထွက်သွားပြီးလျင် ရန်ကုန်မြို့တွင်းရှိ သတင်းစာတိုက်ပေါင်းစုံသို့သွားပြီး သပိတ်စခန်းအတွက် သတင်းစာများသွားယူ၍ နံနက်၇နာရီဆိုလျင် သူ့ထံ၌ ရန်ကုန်ဂေဇက်၊ သူရိယ၊ မြန်မာ့အလင်း၊ နယူးဘားမား အစရှိသောသတင်းစာများ သယ်ဆောင်ပြီး သပိတ်စခန်းသို့ ပြန်ရောက်လာတော့၏။

     

    ဂုဏ်ယူဝင့်ကြွား

    ဤကား အမျိုးသားအောင်ပွဲနေ့၏ ၉ကြိမ်မြောက်နှစ်ပတ်လည်အခမ်းအနားတွင် ကျွန်တော် မှတ်မိသမျှ တင်ပြခြင်းဖြစ်၏။ အဖြစ်အပျက်အားလုံးကိုကား သေချာကျန မမှတ်မိတော့ပေ။ အမှန်ဆိုသော် သပိတ်မှောက်ခဲ့သောနေ့များကို ကျွန်တော်တို့သည် အစဉ်သတိရနေလျက် အောင်မြင်မှုများအတွက် ဂုဏ်ယူဝင့်ကြွားနေရဦးမည်ဖြစ်၏။ ဤ ၉ကြိမ်မြောက် အမျိုးသားအောင်ပွဲနေ့တွင် ကျွန်တော်တို့ သပိတ်မှောက်ရဲဘော် ကျောင်းသားများအားလုံး ရွှင်ပြုံးချမ်းသာရှိကြစေရန် ဆုတောင်းမေတ္တာ ပို့သလိုက်ပါသည်။

    တာဝန်

    အမျိုးသားအထက်တန်းကျောင်း၏ ကျောင်းအုပ်ဆရာကြီးတစ်ဦးအနေဖြင့် ကျွန်တော့်ကျောင်းမှ ကျောင်းသားကျောင်းသူများသည် အမိနိုင်ငံနှင့် အမျိုးသားတို့၏ တိုးတက်မြင့်မားရေး တာဝန်များကို ထမ်းဆောင်လိုသောစိတ်ဓာတ်မြင့်မားလာစေရန် အတတ်နိုင်ဆုံး ကြိုးပမ်းတာဝန်ယူ ဆောင်ရွက်မည်ဖြစ်ပါသည်။

    (အိုးဝေရွှေရတုသဘင် လက်ရွေးစင်ဆောင်းပါးများ၊ ဒုတိယအကြိမ်၊ ၂၀၁၂ ဇူလိုင်လထုတ်၊ ဘဦးခေတ်(၁၉၂၀-၁၉၃၀)၊ စာမျက်နှာ ၂၃/၂၄)

    ကိုကျော်မိုးအောင် FB စာမျက်နှာမှ ကူးယူမျှဝေပါသည်။

  • ပြင်သစ်နိုင်ငံ ပဲရစ်မြို့ဆင်ခြေဖုံးတွင် ခေတ်မီ လှပသော ဗလီဝတ်ကျောင်းတော် အသစ်ဖွင့်လှစ်

    ပြင်သစ်နိုင်ငံ ပဲရစ်မြို့ဆင်ခြေဖုံးတွင် ခေတ်မီ လှပသော ဗလီဝတ်ကျောင်းတော် အသစ်ဖွင့်လှစ်

    Green-domed Mosque

    ပဲရစ်မြို့၏ ဆင်ခြေဖုံးရပ်ကွက် တစ်ခုဖြစ်သော ဆျာဂျီ(Cergy)အရပ်တွင် ခေတ်မီလှပ၍ အနုပညာလက်ရာမြောက်သော အစိမ်းရောင် ဗလီဝတ်ကျောင်းတော် အသစ်ကို ၂၀၁၂ခုနှစ် ဇူလိုင်လ (၆) ရက်နေ့တွင် ဖွင့်လှစ်ခဲ့ပါသည်။

    စတုရန်းမီတာ (၂၀၀၀) ကျယ်ဝန်းကာ လူပေါင်း ၁၅၀၀ ကျော် ၀တ်ပြုနိုင်သော ၀တ်ကျောင်းတော်အသစ်ကို ယူရိုငွေ သန်း ၃.၇၅ အကုန်အကျခံကာ တည်ဆောက်ခဲ့ ခြင်းဖြစ်သည်။ ဆျာဂျီမွတ်စလင်မ် အဖွဲ့အစည်းမှ ချေးငွေ ၂.၂ သန်း ၏ တစ်ဝက်မျှကို အာမခံပေးခြင်းဖြင့်လည်းကောင်း၊ ၀တ်ကျောင်းတော်အတွက် မြေနေရာကိုလည်း နှစ်ပေါင်း ၉၉ နှစ်ကြာအတွက် အနည်းငယ်သော ပမာဏဖြင့် ငှားရမ်းခြင်း ဖြင့်လည်းကောင်း၊ ဆျာဂျီမြို့ရှိ ဒေသခံများသည် အားသွန်ခွန်စိုက် ကူညီ ကြိုးပမ်းခဲ့ပါသည်။

    “ပြင်သစ် အစ္စလာမ်လူမှု အဖွဲ့အစည်းတစ်ရပ်ကို တဖြည်းဖြည်း ဖွံ့ဖြိုးစည်ပင်လာအောင် တည်ဆောက် ဖို့က ကျွန်တော်တို့ အားလုံးရဲ့တာဝန်ပါပဲ။ ကျွန်တော်တို့ တိုင်းပြည်အတွက် အခြေခံ အုတ်မြစ်တစ်ခုလည်း ဖြစ်ပါတယ်။ ” ဟု ၀တ်ကျောင်းတော် ဖွင့်လှစ်ပွဲ အခမ်းအနားသို့ တက်ရောက်ခဲ့သူ ပြည်ထဲရေး ၀န်ကြီး မန်နျူရယ် ဗားလ်(စ)(Manuel Valls) က ပြောကြားခဲ့ပါသည်။

    ၎င်းအနေနှင့် မွတ်စလင်မ် များ အတွက် လူဝင်မှု ကြီးကြပ်ရေး ကိစ္စ နှင့် ပတ်သက်၍ တင်းကြပ်သော အနေအထားမျိုးရှိ သော်လည်း သူသည် မွတ်စလင်မ်များ၏ ရန်သူမဟုတ်ကြောင်းကို သက်သေပြလိုသည် ဟု လေ့လာဆန်းစစ်သူများက ဆိုကြပါသည်။ “ယခုကဲ့သို့ ဖွင့်လှစ်နိုင်ခဲ့ခြင်းသည် မွတ်စလင်မ် ထုအတွင်း စည်းလုံးညီညွတ်မှု နှင့် လူထုစိတ်ဓာတ်၊ နိုင်ငံရေး စိတ်ဓာတ် တို့ကို လှုံ့ဆော်ဖြစ်ပေါ်စေခဲ့သည်” ဟု ၀တ်ကျောင်းတော် ဖွင့်ပွဲသို့ တက်ရောက်ခဲ့သော ဆျာဂျီ ဒေသ၏ မြို့တော်ဝန် ဖြစ်သူ ဒိုမီနစ် လာ့ဖဲ(ဗ)(Dominique Lefebvre)က ပြောကြားခဲ့ပါသည်။

    “လူအများ၏ အလှူဒါနတွေကနေ ယခုလို တည်ဆောက် နိုင်ခဲ့တယ် ဆိုတာကို ကျွန်တော်တို့ လူအများကို ရှင်းရှင်း လင်းလင်း သိစေလိုပါတယ်” ဟု အေမာမ် တာဟာ့ မဟ်ဒီ(Tahar Mahdi)က ဆိုခဲ့ပါသည်။ တိုင်းရင်းသား မျိုးနွယ်စု အသီးသီးမှ ပြင်သစ်မွတ်စလင်မ်များ၏ စုစည်းမှု အင်အားဖြင့် ၀တ်ကျောင်းတော်ကို လက်တွေ့ အကောင်အထည် ဖော်နိုင်ခဲ့ခြင်း ဖြစ်ပါသည်။

    ဆျာဂျီတွင် ၀တ်ကျောင်းတော် တည်ဆောက်နိုင်ရေး စီမံကိန်းကို ၁၉၈၀ ကာလများ ကတည်းကပင် ရေးဆွဲချမှတ်နေ ခြင်း ဖြစ်ပါသည်။
    ၁၉၉၆ ခုနှစ်တွင် မြို့တော်ဝန်အဖြစ် ရွေးချယ်ခံရသော မြို့တော်ဝန် လာ့ဖယ်(ဗ)သည် ဘာသာရေးနှင့်သက်ဆိုင်သောကိစ္စရပ်များအတွက် ပြည်သူလူထုထံမှရံပုံငွေရှာဖွေခြင်းအား ကန့်သတ်တားဆီးထားသော ပြင်သစ်နိုင်ငံ၏ ဥပဒေကို မျှတကောင်းမွန်သော အက်ဥပဒေဖြစ်အောင် လှုပ်ရှားဆောင်ရွက်ခဲ့သူလည်းဖြစ်သည်။ ၀တ်ကျောင်းတော် အသစ်တွင် ယဉ်ကျေးမှု စင်တာ၊ လက်ဖက်ရည်သောက် ကာ နားနေရန်နေရာ၊ အသုဘအခမ်းအနားများ အတွက် ပြင်ဆင်ရန်နေရာ နှင့် စာသင်ဆောင်များလည်း ပါဝင်သည်။

    ကိုးကား-http://en.islamtoday.net/artshow-229-4487.htm