News @ M-Media

Blog

  • ရခိုင်အရေးအခင်း ရိုဟင်ဂျာမိသားစုများနှင့် အင်တာဗျူး

    ၄ ဇူလိုင် ၂၀၁၂၊ ၃း၀၀ မြန်မာစံတော်ချိန်
    MMSY News

    (ရန်ကုန်) – ဇွန်လ ၂၈ ရက်နေ့ မှာ ရခိုင်ပြည်နယ်မှာ မိသားစုကျန်ခဲ့တဲ့ ရိုဟင်ဂျာ ၃ ဦးနဲ့  အင်တာဗျူးဖြစ် ခဲ့ပါတယ်။ ရခိုင်တိုင်းရင်းသားများ ထိခိုက် နစ်နာသကဲ့သို့  ရိုဟင်ဂျာ များဖက်မှ ထိခိုက်နစ်နာမှုများ သေဆုံးမှုများရှိကြောင်း၊ ပညာတတ်များကို ရွေးချယ်ဖမ်းထားပြီး ဆက်သွယ်ရေးဖြတ်တောက်ထားမှုများဖြင့် ရိုဟင်ဂျာတို့ ဖက်မှ ထိခိုက်နစ်နာမှု သတင်းများကို သတင်းအမှောင်ချထားကြောင်း စုံစမ်းသိရှိရပါတယ်။

    အင်တာဗျူးဖြေဆိုသူများနဲ့  အင်တာဗျူးပါ အမည်အရင်းများကို လုံခြုံရေးအတွက် ချန်လှန်ထားပါတယ်။

    MMSY: အစ်ကို့ ညီမမိသားစုတွေကဘယ်မှာနေလဲ။

    Person A: တောမှာနေတယ်၊ တောမှာဆိုတော့စစ်တွေမြို့လယ်ခေါင်နဲ့ ကီလိုမီတာ ၅၀ လောက်ဝေးမယ်။ အဲလိုနေရာတွေမှာနေတယ်။

    MMSY: ဘယ်ရွာမှာလဲ။ ခုနကပြောတာ နာဇီရွာကိုပြောတာလား။

    Person A: ဟုတ်တယ်။ ကျွန်တော်ကနာဇီရွာက၊ ကျွန်တော့ညီမတွေအကုန်လုံးနာဇီရွာမှာပဲနေတယ်။

    MMSY အိမ်တွေဖျက်ဆီးခံရတယ်ဆိုတာသိရတယ်။ ဘယ်ရက်လောက်ကဖျက်ဆီးခံရတာလဲ။

    Person A: ဟိုဒင်းလေ၊ ၁၃ရက်နေ့ ၊ ၁၃ ရက် နဲ့  ၁၄ရက် ၂ရက်မီးရှို့တယ် ကျွန်တော်တို့ရပ်ကွက်ကို။

    MMSY: ဘယ်သူရှို့ တာလဲ။ နစက လား။

    Person A : စစ်တွေမှာနစက မရှိဘူး၊ နစက ကမောင်းတော်ရယ်၊ ဘူးသီးတောင်ရယ်။

    MMSY: ဪ ဟုတ်ကဲ့။

    Person A: စစ်တွေနဲ့မောင်းတောဆိုရင် ကီလိုမီတာ ၃၀၀၊ ၃၅၀ လောက်ဝေးမယ်။ ကားလမ်းမရှိဘူး ရေလမ်းနဲ့ဆို (၇)နာရီလောက်ကြာတယ်။

    MMSY: ဒါဆိုရှို့တာကဘယ်သူရှို့တာလဲ။

    Person A: ရှို့တာကရခိုင်တွေကရှို့တာ၊ ရခိုင်ဗုဒ္ဓဘာသာတွေနဲ့လုံထိန်းတွေနဲ့။

    MMSY: ညီမတွေပြောလား ဘယ်နှယောက်လောက်လာပြီး ဘယ်လိုရှို့တယ်ဆိုတာ။

    Person A: ပထမဗုဒ္ဓဘာသာတွေဝင်လာတယ်။ ဗလီ မရက်ကတ်စ်ဗလီကိုမီးရှို့ဖို့အတွက်၊ ကျွန်တော်တို့ရက်ကွက်သားတွေ သွားတိုက်တယ်။ တိုက်တယ် ဆိုတော့ နောက်မှာလုံထိန်းတွေ ဝင်လာတာပေါ့။ လုံထိန်းတွေလာပြီးသေနတ်ပစ်တယ်။ ကျွန်တော်တို့ရပ်ကွက်ကလူ  ၅ယောက်သေသွားတယ်။ အနောက်ဘက်ကနေ ဗုဒ္ဓဘာသာဝင်တွေဝင်လာပြီး ဗလီကိုမီးရှို့တယ်။

    MMSY: ဗလီမီးရှို့ပြီးတော့ ဘာဆက်ဖြစ်လဲ။

    Person A: ဗလီမီးရှိုတော့ ရက်ကွက်သားတွေက ဗလီကလူတွေကို ကယ်ဖို့သွားတာမှာ လုံထိန်းတွေကသေနတ်နဲ့ပစ်တယ်အဲဒီမှာ။ လူအနည်းဆုံး ၁၀ယောက်လောက်ထပ်သေတယ်။ ဗလီနားမှာပေါ့။

    MMSY: သေသွားတယ်လူတွေဘယ်သူတွေဆိုတာသိလား။

    Person A: အဲဒါတော့အတိအကျမသိဘူး။ ရခိုင်ဗုဒ္ဓဘာသာဝင်တွေကတော့ ဒေါက်တာအေးမောင်ရဲ့လူတွေလို့ကြားတယ် ၊ဒေါက်တာအေးမောင်ဆိုတာ ရခိုင်တိုင်းရင်းသားများ တိုးတက်ရေးပါတီ(RNDP) ဥက္ကဋ္ဌ၊ သူက ရခိုင်အစစ်မဟုတ်ဘူး၊ ဘင်ဂါလီ အနောက်သားပေါ့။ သူအဲဒီမှာနေတာကြာပြီ။ အနှစ်၅၀လောက်ရှိပြီ။ သူ့မိဘတွေကဘင်ဂါလီ ဗုဒ္ဓဘာသာတွေပေါ့။

    MMSY: သူ့ကိုလူချင်းသိလား။

    Person A: ကျွန်တော်တော့မသိဘူး၊ ကျွန်တော့အမျိုးတွေသိတယ်။ ကျွန်တော့ ညီလဲသူ့ကိုသိတယ်။

    MMSY : အမျိုးထဲကအသတ်ခံရတာတို့၊အဖမ်းခံရတာတို့ရှိလား။

    Person A: ကျွန်တော့အမျိုးထဲကတော့မရှိဘူး၊ဒါပေမဲ့ကျွန်တော့ရပ်ကွက်ကလူတော်တော်များတယ် အသတ်ခံရတာ၊ ကျွန်တော်တို့ရပ်ကွက်မှာပထမနေ့ ၁၃ယောက်သေသွားတယ်၊ ဒုတိယနေ့ကကျွန်တော်အတိအကျမသိဘူး၊

    MMSY:အဖမ်းခံရတာကျတော့ရော။

    Person A: အဖမ်းခံရတာမရှိဘူး ကျွန်တော်တို့ဆီမှာ လူပျောက်သွားတာရှိတယ်  ၁၂၅၀လောက်ပျောက်သွားတယ်။

    MMSY  နာဇီရွာကနေလား

    Person A: ဟုတ်တယ်နာဇီရွာကနေ၊

    MMSY ဒီသတင်းတွေကို ဘယ်က သိရတာလဲ။

    Person A: ကျွန်တော့အမျိုးတွေဆီကရတယ်၊ ကျွန်တော့ညီဆီကရတယ်၊ ကျနော့် ညီမဆီကရတယ်။

    MMSY အစ်ကို့  (Person B) အမျိုးထဲမှာကျတော့ရော။

    Person B: ကျွန်တော့အမျိုးထဲမှာကျတော့အဖမ်းခံရတာ ကျွန်တော့ရဲ့တဝမ်းကွဲ၊ ကျွန်တော့ဦးလေးရဲ့သမီးပေါ့၊ သူ့နာမည်က (xxx) လို့ခေါ်တယ်၊ ပြီးတော့ဒေါက်တာ (xxx) ဆိုတာ၊ သူလဲတော်တော်လေးနာမည်ကြီးတဲ့ဆရာဝန်တစ်ယောက်ပဲ။ သူက ကျွန်တော့အစ်ကိုနဲ့မယားညီအစ်ကို သူလဲအဖမ်းခံရတယ်။ ပြီးတော့ကျွန်တော့သူငယ်ချင်းတစ်ယောက် သူ့နာမည်က (xxx) လို့ခေါ်တယ်။ သူကအဲဒီမှာကျူရှင်ပြစားတာ သူလဲအဖမ်းခံရတယ်။ ရန်ကုန်မှာဖမ်းတာကတော့ဒေါ်မြနန္ဒာအောင်ရယ်၊ သူရဲ့အမျိုးသားရယ်။ သူ့အမျိုးသားက ကျွန်တော့ရဲ့ကျောင်းနေဘက်။

    ဒေါ်မြနန္ဒာအောင်ဆိုတာကလဲ အမှန်ဆိုတိုင်းရင်းသူ၊ သူ့အမေက ကရင်၊ သူ့အဖေကျတော့ရိုဟင်ဂျာပေါ့။ NGOမှာလုပ်တာ။ ကျွန်တော်ပထမပိုင်း မှတ်မိသလောက်တော့ သူမောင်းတောကနေပြီးတော့ ရန်ကုန်လာနေတဲ့အချိန်မှာ သူတို့ကိုလေဆိပ်မှာဖမ်းပြီးတော့တော်တော်လေးစစ်တယ်။ စစ်တယ်ဆိုတာက မသင်္ကာမှုတွေနဲ့ပေါ့၊

    ရန်ကုန်ရောက်ပြီးမှ ဟိုနေ့ကတွေ.တော့မင်္ဂလာတောင်ညွန့်ရဲစခန်းက အီလက်ထရောနစ်ပုဒ်မနဲ့ဖမ်းပြီးတော့ တရားစွဲပြီး ဖမ်းထားတယ်လို့ကြားတယ်။  ရှေ့  နေတစ်ယောက်ကပြောတော့  တကယ်လို့ပြစ်မှု ထင်ရှားမယ်ဆို ထောင်ဒဏ်က၁၅နှစ်ကျမယ်လို့ပြောတာပဲ။

    နောက်တခု ကျွန်တော်ပြီးခဲ့တဲ့တနေ့က ကျွန်တော့တူမနဲ့ကျွန်တော်ဖုန်းဆက်ပြီးပြောတော့ တော်တော်များများဖမ်းထားတယ်လို့ပြော တယ်။ ဒါကျွန်တော်သိ တဲ့ထဲကလူတွေရဲ့ နာမည်ပဲပြောထားနိုင်တာ။ ကျန်တဲ့မသိတဲ့လူတွေလဲ အများကြီးပဲ။ သူတို့ကိုကျတော့ထောင်ဝင်စာတွေ.ချင်တယ်၊ ထမင်း တစ်ထုတ်သွားပေးဖို့ကို ၅ထောင်လောက်ပေးရတယ်လို့ပြောတယ်။ ပိုက်ဆံမပေးရင်ထမင်းထုတ်ကိုသွင်းခွင့်မပေးဘူး။ သူတို့က အချုပ်ထဲ မှာလဲအဲဒီလူတွေကို ထမင်းပေးတာလဲမဟုတ် ဘူးလို့ကြားတယ်။  တချို့ချို့ပရောမီနန့်ဖြစ်တဲ့သူတွေကျတော့ စစ်တွေကိုခေါ်သွားတယ်လို့ကြားတယ်။

    Person C: အခုကဘူးသီးတောင်မှာတောင် ကွန်ပြူတာရှိတဲ့ အိမ်အကုန်လုံးဖမ်းတာ၊ အကုန်လုံးကို အီလက်ထရောနစ်ပုဒ်မနဲ့ဆိုတော့ ကွန်ပြူတာသမားတွေ ကိုဖမ်းမှ သူတို့ကသတင်းကို အမှောင်ချလို့ရမှာကိုး။

    MMSY: အခုဆိုရင်ဗျာ ရိုဟင်ဂျာဘက်ကခံနေရတယ်ဆိုတာကို သတင်းအချက်အလက်တွေပဲသိရတယ်၊ သက်သေပြပါဆို ဓာတ်ပုံလဲမရှိဘူး၊ဗီဒီယိုတောင် တစ်ခုပဲရှိတယ်၊ အဲဒီမှာအဲလိုဓာတ်ပုံရိုက်နိုင်တဲ့သူ၊ message ပို့နိုင်တဲ့သူမရှိဘူးလား။

    Person B: message ပို့နိုင်တဲ့သူမရှိဘူးဆိုတာက အဲဒီအပိုင်းက မြန်မာပြည်မှာ ကွန်မြူနီကေးရှင်းနဲ့ပတ်သတ်ပြီးအရမ်းခက်တယ်။ ဒေသခံတွေအတွက်။

    Person A: message ကစစ်တွေဘက်မှာလုံးဝမရှိဘူး။ စစ်တွေမှာ လက်ကိုင်ဖုန်းက အင်တာနက်မရဘူး။ မွတ်စလင်တွေ အင်တာနက်ကိုင်လို့လဲမရဘူး၊မောင်းတောနဲ့ဘူးသီးတောင်ဘက်မှာနဲနဲပါးပါးရှိတယ်။ message ကအဲဒီဘက်ကလာတာ။ ကျွန်တော်တို့စစ်တွေဘက်ကလုံးဝ messageမရဘူး  ။

    Person B :နောက်တစ်ခု obvious ဖြစ်တာဘာလဲဆိုတော့ ဥပမာဆိုပါတော့နိုင်ငံတကာအသိုင်းအဝိုင်းကပြောတဲ့ independent observer တို့ monitor တို့အထဲသွားခိုင်းတာက တကယ်.တကယ်သူတို့တွေကတိကျမှန်ကန်တဲ့သတင်းကိုရယူလိုတဲ့ဆန္ဒနဲ့ပြောတာ။ တကယ်လို့မြန်မာပြည်အစိုးရအနေနဲ့ တိကျ မှန်ကန်တဲ့သတင်းကိုပေးဖို့ဝန်မလေးဘူးဆိုရင် အဲဒီလူတွေကိုဝင်ခွင့်ပေးရမှာပေါ့။ ဝင်ခွင့်မပေးတဲ့အကြောင်းပြချက်ရဲ့နောက် ကွယ်မှာက သတင်းအမှောင်ချ ဖို့ပဲတခြားဘာမှမရှိဘူး။

    MMSY: စစ်တွေမှာ မွတ်စလင်တွေ အင်တာနက်သုံးလို့မရဘူးဆိုတာ ဘယ်လိုဖြစ်လို့လဲ။

    Person A:   မွတ်စလင်ကိုသုံးခွင့်မပေးဘူး။ အင်တာနက်ဆိုင်ရှိတာလဲ ၃ဆိုင်ပဲရှိတယ်။ အဲဒါလဲ ကုလားဝင်လို့မရဘူး။ တော်တော်ခက်တယ်။ နားလည်မှုရှိ မှ အဲဒီဆိုင်ကိုဝင်လို့ရတာ။ ကျွန်တော့အိမ်မှာကွန်ပြူတာရှိတယ် ကျွန်တော်ဝယ်ပေးထားတာ။  ဒါပေမဲ့အင်တာနက်မရှိဘူး။ ကွန်ပြူတာရှိတာကို ဘယ် သူမှမသိဘူး၊ သိလို့လဲမဖြစ်ဘူး။

    Person C: အင်တာနက်ဆိုင်ကနေသုံးတာ တခါတလေရတယ်၊ ဘယ်လိုပြောမလဲဗျာ စစ်တွေမှာရှိတဲ့ တချို့ရိုဟင်ဂျာတွေက ရခိုင်နဲ့ခွဲမရအောင်တူတယ်။ ရခိုင်စကားတတ် အဲလိုမျိုးဆိုတော့ အဲလိုလူတွေပဲ။ အခုအဲလိုလူတွေတောင် အိုးမဲ့အိမ်မဲ့ဖြစ်နေတော့ ထွက်လို့မရတာမဟုတ်ဘူး။ အိမ်ကအကုန်ကုန်သွားပြီ။ ကျွန်တော့အဒေါ် မိသားစုဆိုရင် တမိသားစုလုံးသားသမီးတွေအားလုံးကဘွဲ့ရတွေ၊ အကုန်လုံးစစ်တွေတက္ကသိုကနေဘွဲ့ရ ထားတာ၊ ရခိုင်စကားကိုလဲရခိုင်တွေလို တတ်တယ်။ သူတို့လဲ အခုနေရာမရှိတော့ဘူး။ အိမ်လဲမီးရှို့ခံလိုက်ရပြီ၊ (xxx) မှာသွားနေနေရတယ်။

    Person A: သူတို့အမျိုးတွေကျွန်တော်သိတယ်၊ သူတို့ (xxx) ရွာမှာနေတာမဟုတ်လား။

    Person C: အင်း။

    Person A: သူတို့ဘက်ကလူတွေ ကျွန်တော့တို့အမျိုးဆီရောက်လာတယ်။ အမျိုးမှာ ဂိုဒေါင်တလုံးရှိတယ်၊ အဲဒီဂိုဒေါင်မှာပဲနေတာ။ အယောက် ၅၀၀နေနေတယ်။

    MMSY:  ဂိုဒေါင်ကဘယ်လောက်ကြီးလဲ။

    Person A: ကြီးတယ်၊တော်တော်ကြီးတယ်။  ပေ၃၀၀လောက်ရှိမယ်။ ဟုတ်တယ်။ အယောက်၅၀၀လုံးအဲ့ဒီမှာနေတယ်။

    MMSY: စစ်တွေကအင်တာနက်ဆိုင်နာမည်တွေသိလားမသိဘူး၊

    Person A: ကျွန်တော်အတိအကျမသိဘူး၊

    Person C: အရင်တုန်းကသူတို့ဆိုရင်ဗျာ ရခိုင်လားရိုဟင်ဂျာလားဆိုတာခွဲလို့မရဘူး၊ရုပ်တွေဘာတွေကအစ။ တကယ့်တကယ်ဖြစ်လာတော့ သူတို့သက်သက် ကိုယ်သက်သက်ပဲ။

    MMSY: ဘင်ဂလားဒေ့ရ်ှဘက်ကနေဝင်လာပြီးရင် ရိုဟင်ဂျာ information ယူတဲ့လူမရှိဘူးလား။

    Person C: ဘယ်ရမလဲ၊ဘယ်ဝင်လို့ရမလဲ။

    Person B: နယ်စပ်ကအခုပိတ်ထားတယ်လို့ပြောတယ်။

    Person C: နယ်စပ်ကဝင်ရင်လဲ ၄မိုင်အထိ မောင်းတောတခွင်ပဲသွားလို့ရမယ်။ မောင်းတောတောင်မြို့ပေါ်ပဲနော်။ ရွာထဲသွားလို့မရဘူး။ မြို့ပေါ်မှာပဲနေရမယ်။သုံးရက်မဟုတ်ရင် တပတ်လားပဲ pass ပေးတာ။ ဝင်သွားတာနဲ့ဂိတ်ကနေထောက်လှမ်းရေးလိုက်မှာ။ ဘယ်အိမ်သွားလဲ၊ ဘယ်သူနဲ့စကားပြောလဲ အကုန်လုံး record လုပ်ထားပြီးသားပဲ၊ ဒါကျွန်တော်ကကိုယ်တွေ.ကြုံတာ။

    ဒီတက်ပ်နက်ပ်ကနေမောင်းတောဆိပ်ကမ်းကိုရောက်တယ်မဟုတ်လား၊ ဆိပ်ကမ်းက စက်လှေကနေ immigration pass ဖြစ်တာနဲ့ အဲဒီနောက်ကထောက် လှမ်းရေးကလိုက်ပြီးသားဆိုတော့ အဲဒီလူကစီးပွါးရေးအတွက်ပဲသွားသွား၊ ဘာအတွက်ပဲသွားသွား အဲဒီလူနောက်ကနေ လိုက်နေတယ်၊ ဆိုတော့ဝင်ပြီးတော့ အထဲမှာလှုပ်ရှားဖို့မဖြစ်နိုင်ဘူး၊ ပြီးတော့အိမ်တွေမှာနေလို့မရဘူး၊ အိမ်မှာတည်းလို့မရဘူး၊တည်းခိုခန်းက၂ခုပဲရှိတယ်၊ ယူနိုက်တက်နဲ့နောက်တခုက — ဘာလဲမေ့သွားပြီ။ ယူနိုက်တက်ကမီးရှို့လိုက်ပြီလားမသိဘူး။ အဲဒီတည်းခိုခန်းနှစ်ခုမှာပဲတည်းလို့ရတယ်။

    ပြီးတော့လူတွေက ကာဖျူးထုတ်ထားတဲ့အချိန်၊ ဒီလောက်ပြသနာတက်ထားတဲ့အချိန်ဘယ်သူကထွက်ပြီးတော့လုပ်မလဲ။

    MMSY  မေးကြည့်သေးလား၊ဘာဖြစ်လို့ဓာတ်ပုံတွေမတွေရလဲဆိုတာ။ အထဲကလူတွေကို ဓာတ်ပုံတွေပို့ပေးလို့မရဘူးလားလို့မေးကြည့်သေးလား။

    Person C: သူတို့ကသူတို့ကိုသူတို့ကာကွယ်နေရတဲ့အချိန်ဗျာ၊ ကိုယ်လွတ်ရုံးနေရတဲ့အချိန်မှာ ဒီလိုဟာတွေလုပ်ဖို့မရဘူး။ ဖုန်းဆက်ရင်ငိုသံက လွဲလို့ကျန်တဲ့အ သံကမလာဘူး၊ ဒါတောင်စိတ်ခိုင်တဲ့သူက ကျွန်တော့တို့ အမျိုးမှာဘယ်သူသေသွားလဲဘာညာပြောပြလို့၊ ပြောတာတောင် ငါတို့ပြောလို့ရပါ့မလားဆိုတာ အရင်မေးသေးတယ်။ ကြောက်နေကြတယ်။

    MMSYး  အပြင်ထွက်လို့မရဘူးဆိုတော့ တခြားဈေးဝယ်တာတို့ဘာတို့ကြတော့ဘယ်လိုလုပ်လဲ။ စားစရာသောက်စရာတွေက။

    Person C:  မရှိဘူး၊ဘာမှမရှိဘူး။ ကျွန်တော်ပြောပြမယ် ကျွန်တော့အမျိုးတွေဆိုလို့ရှိရင် ရခိုင်တွေနဲ့အပေါင်းအသင်းကောင်းကောင်းမွန်မွန်ရှိတယ်။အခုအချိန်မှာ ဆိုက်ကားသမားတယောက်ကို ဒါလေးဝယ်ပေးပါဆိုပြီး အကူအညီတောင်းတာတောင်အဲဒီဆိုက်ကားသမားကို RNDP ကမှာထားတယ် မွတ်စလင်ဆို ရင်လုံးဝမကူညီရဘူး။ ဆိုက်ကားသမားအသိနဲ့တောင် အစားအသောက်ဝယ်လို့မရဘူး။ အစားအသောက်ရတာက ရန်ကုန်ကနေစစ်တပ်နဲ့ လိုင်းရိုက်ပြီးပို့တဲ့ အစားအသောက်ပဲရတာ။

    MMSY  အိမ်ထဲမှာနေရင်လာပို့တယ်အဲလိုလား။

    Person A: သူတို့ကိုပိုက်ဆံပေးရတယ်၊ ပိုက်ဆံ ၂ ဆ အပိုပေးရတယ် အဲ့ဒီလိုပေါ့

    MMSY ကိုယ်ကိုတိုင်အပြင်ထွက်လို့မရဘူးပေါ့။

    Person A: မရဘူး၊မရဘူး။

    Person C: ခလေးထွက်တယ်၊ ခလေးကိုမလုပ်ဘူးဆိုပြီးတော့၊ ဒါပေမဲ့ ခလေးကိုသတ်ပစ်လိုက်တယ်လေ။

    Person A: ခလေးတယောက်ကိုသတ်ပစ်လိုက်တယ်၊ ပြီးခဲ့တဲ့စနေနေ့ကပေါ့။

    MMSY ဘယ်အရွယ်လဲ။

    Person C: ၁၂ နှစ်။

    MMSYး  ထမင်းထုတ်ကပိုက်ဆံဘယ်လိုပေးရတာလဲ။

    Person A: လူအများကြီးစုပြီးအသားတွေ၊ ငါးတွေဘာတွေမှာလိုက်တယ်။မှာတဲ့လူကို ၃၊ ၄ထောင်ပေးရတာပေါ့။

    MMSYး အဲဒီသွားပေးခ၊ လာပေးခ။

    Person B: ဟုတ်တယ်။ အဖမ်းခံရတဲ့လူဆိုရင် ၅ ထောင်ပေးမှ ထမင်းထုတ်ပေးသွင်းတယ်။

     

    <End>

  • နိုင်ငံတကာသတင်း ဌာနများမှ သိရတဲ့ နောက်ဆုံးရ ရခိုင်ပြည်အခြေအနေ

    နိုင်ငံတကာသတင်း ဌာနများမှ သိရတဲ့ နောက်ဆုံးရ ရခိုင်ပြည်အခြေအနေ

    Monday, 02 July 2012

    Source:http://www.asiasentinel.com/

    မီးရှို့မှု့ကြောင့် ပျက်စီးသွားသောအိမ်များ

    ရခိုင်ပြည်နယ်မှာ ရိုဟင်ဂျာမွတ်စလင်များကို ရခိုင်နဲ့ မြန်မာအာဏာပိုင်တွေက မြေယာများသိမ်းပိုက်ခြင်း၊ ပစ္စည်းဥစ္စာများ လုယက်ခြင်း၊ နေအိမ်များ မီးရှို့ဖျက်ဆီးခြင်း၊ အမျိုးသမီးများနဲ့ ကလေးသူငယ်များအား ရိုက်နှက်နှိပ်စက်ခြင်း၊ အမျိုးသားများအား ဖမ်းဆီးခြင်းထောင်ချခြင်း အစရှိသည်များကို အပြင်းအထန် ရက်ရက်စက်စက် ပြုလုပ်နေတယ်လို့ Asia Sentinel က သတင်းရရှိပေးပို့ထားပါတယ်။’ကုလသမဂ္ဂရဲ့ ကြားဝင်ကြိုးပမ်းမှုဟာ အရာရောက်ခြင်းမရှိဘူး’ လို့ ပြင်သစ်နိုင်ငံ ပါရီမြို့ အခြေစိုက် National Democratic Party for Human Rights က ပြောပါတယ်။

    မွတ်စလင်ဒုက္ခသည်များရှိရာကို ကူညီထောက်ပံ့မှုများပေးဖို့ အာဏာပိုင်တွေက သွားခွင့်မပြုတာကြောင့် အလွန်ခက်ခဲ ဒုက္ခရောက်လျက်ရှိပြီး စံဂဒေါင်းရွာမှာ အစာ ငတ်ပြတ်ခြင်းကြောင့် သေဆုံးသူ ၄-ဦးထက် မနည်းရှိပါပြီ။

    မကြာမီက မိုးပြင်းထန်စွာရွာသွန်:မှုနဲ့ ရေကြီးခြင်းတို့ကြောင့် အခြေအနေ ပိုမိုဆိုးရွားခဲ့ရပြီး ကုလားတန်မြစ် တလျောက် မြစ်ရေလျှံမှုကြောင့် သောကြာနေ့မှာ အိုးအိမ်မဲ့  မွတ်စလင်ရွာသား ၂-ဦး ရေနစ်သေဆုံးခဲ့ပါတယ်။

    ပြည်ပရောက်အဖွဲ့များ ပြောကြားချက်အရ သောကြာနေ့မှာ အရွယ်မရောက်သေးတဲ့ ရိုဟင်ဂျာမွတ်စလင် ၁၇၂-ဦးကို စစ်တပ်က သူ့တို့စခန်းမှာ ဖမ်းဆီးထားပြီး သူ့တို့ဟာ ရခိုင်များရဲ့ နှိပ်စက်တာခံထားရပြီး တစ်ဦးဟာ အသတ်ခံရပြီး သူ့နေရပ်မှာပဲ မြှုပ်နှံသဂြိုလ်ခဲ့ရပါတယ်။ ၄င်းတို့ထဲ က အယောက်-၃၀ ကို တခြားခေါ်ဆောင်သွားပြီး ပျောက်ဆုံးနေတယ်လို့ သိရပါတယ်။ ။ နေ့လည်ပိုင်းမှာ ရခိုင်များက အမ်ဘာလာရပ်ကွက်မှ ရိုဟင်ဂျာ မွတ်စလင်အကြီးအကဲတစ်ဦးရဲ့ အိမ်ကိုတိုက်ခိုက်ပြီး ငွေနဲ့အခြားပစ္စည်းများ လုယက်ယူဆောင်သွားကြတာကို ရဲများနဲ့ စစ်သားများက ဒီအတိုင်းကြည့်နေတယ်လို့ ဆိုပါတယ်။

    နိုင်ငံတကာ NGO အဖွဲ့များမှာ တာဝန်ထမ်းဆောင်နေတဲ့ မွတ်စလင် ၆-ဦး အဖမ်းခံထားရပြီး ကမ္ဘာ့ ကျန်းမားရေးဗဟိုအဖွဲ့အစည်း (World Health Organization) နဲ့ နယ်စီးမခြား ဆရာဝန်များအဖွဲ့ (Medicins Sans Frontiers) နယ်သာလန်အဖွဲ့ခွဲ (Artsen Zonder Grenzen) မှ ဝန်ထမ်းများ ပါဝင်နေကြောင်း သတင်းရရှိပါတယ်။

    သောကြာနေ့က ရခိုင်လူမျိုးများက နှစ်ပေါင်း-၇၀၀ ကျော်သက်တမ်းရှိ ‘မြို့မဂျာမေဗလီကြီး’ အား တိုက်ခိုက်ဖျက်စီးခဲ့ကြပြီး စစ်တပ် ရောက်လာသော်လည်း နံရံများနဲ့ ဝရံတာများ ပျက်စီးသွားပါတယ်။ ကျောက်တော်မြို့မှာ ဈေးဝယ်ထွက်လာတဲ့ မွတ်စလင်အချို့ကိုလည်း အာဏာပိုင်များက ဖမ်းဆီးခဲ့ကြောင်း သိရှိရပါတယ်။

    ကုလသမဂ္ဂ ကမ္ဘာ့စားနပ်ရိက္ခာအဖွဲ့ (United Nations World Food Program)က ဆန်၊ ဆီ၊ ဆား အပါအဝင် စားသောက်ကုန်နဲ့ အသုံးအဆောင် တန်ပေါင်း ၇၂၅-တန်ကို စစ်တွေ၊ ကျောက်တော်၊ မောင်တော၊ ဘူးသီးတောင် နဲ့ ရသေ့တောင်မြို့များရှိ ဒုက္ခသည် ၉၂၀၀၀-ကျော်ထံ ထောက်ပံ့ပေးအပ်ခဲ့ပါတယ်။ သို့သော် ဒုက္ခသည်များထံက သတင်းရရှိရာမှာ အာဏာပိုင်တွေက ရခိုင်လူမျိုးများကိုသာ ထောက်ပံ့ပေးပြီး အိုးမဲ့အိမ်မဲ့ဖြစ်နေတဲ့ မွတ်စလင်များကို ဘာမှမပေးဘူးလို့ သိရပါတယ်။

     

    လင်းယုန်နက် (ခြင်္သေ့မြို့တော်)

    http://www.asiasentinel.com (Burma Terrorizes the Rohingya) မှ ကောက်နှုတ်တင်ပြသည်။

  • Fareed Zakaria ဆိုတာ ဘယ်သူလဲ?

    Fareed Zakaria ဆိုတာ ဘယ်သူလဲ?

    Fareed Zakaria ဆိုတာ ဘယ်သူလဲ?

    Fareed Zakaria
    Photo-Wiki
    သူဟာ ဒီကနေ့ နိုင်ငံတကာမီဒီယာလောကမှာ ထိပ်တန်းစာရင်းဝင် ဂျာနယ်လစ်တစ်ဦးပါ။ သူဟာ လက်ရှိ အမေရိကန်နိုင်ငံသားပါ။သူဟာ  ‘တောင်အာရှနွယ်ဖွား’ (ယနေ့ မြန်မာအများစု အခေါ် ကုလား’) ဆိုရင် စာရှုသူ ပိုစိတ်ဝင်စားသွားမလား? အံ့အားသင့်သွားမလား?
    ထိပ်တန်းဂျာနယ်လစ်

    ၁၉၉၂-ခုနှစ်မှာ ကမ္ဘာကျော် Foreign Affairs မဂ္ဂဇင်းရဲ့ အယ်ဒီတာ၊ ၂၀၀၀ မှ ၂၀၁၀-ခုနှစ်အထိ ကမ္ဘာကျော်  Newsweek မဂ္ဂဇင်းရဲ့ ပင်တိုင်ဆောင်းပါရှင်နဲ့ အယ်ဒီတာတို့အပြင် Newsweek International  ရဲ့ အယ်ဒီတာရှင်ဖြစ်ခဲ့ပြီး ၂၀၁၀-ခုနှစ်မှာ ကမ္ဘာ့ထိပ်တန်း TIME  မဂ္ဂဇင်းရဲ့ စာရေးစာတည်း ကလောင်ရှင် ဖြစ်လာပါတယ်။ နောက်ထပ်ပြီး ကမ္ဘာသိ အမေရိကန်ရုပ်သံဌာန CNN မှာ ၂၀၀၈-ခုနှစ်ကစတင်၍ Fareed Zakaria GPS အမည်နဲ့လည်း ကဏ္ဍတစ်ခု တင်ဆက်ထုတ်လွှင့်နေပါတယ်။

    အခြားသော ကမ္ဘာကျော်သတင်းစာ၊ မဂ္ဂဇင်း၊ စာစောင်များဖြစ်တဲ့  New York Times ၊ Wall Street Journal ၊ The New Yorker ၊ Slate တို့မှာလည်း ဆောင်းပါးများ မကြာခဏပါဝင်ရေးသားလေ့ရှိပါတယ်။

    ဒီလောက် အောင်မြင်ထင်ရှားတဲ့ မွတ်စလင် တစ်ဦးအကြောင်း လေ့လာကြည့်ကြပါစို့။

    ငယ်စဉ်အခါ

    Fareed Zakaria ကို ၁၉၆၄-ခုနှစ် ဇန်နဝါရီလ ၂၀-ရက်မှာ အိန္ဓိယနိုင်ငံ ဘုံဘေမြို့၌ မွေးဖွားခဲ့ပါတယ်။ ဖခင် Rafiq Zakaria ဟာ Indian National Congress ပါတီ နိုင်ငံရေးသမားတစ်ဦးဖြစ်ပြီး မိခင် Fatima Zakaria ဟာ တစ်ချိန်က Sunday Times of India သတင်းစာရဲ့ အယ်ဒီတာပါ။ ဖခင်ဟာ အစ္စလာမ် သာသနာ့ပညာရှင် တစ်ဦးလည်း ဖြစ်ပါတယ်။

    ပညာအရည်အချင်း

    ငယ်စဉ်အခါ ဘုံဘေမြို့ Anglican Cathedral နဲ့ John Connon ပုဂ္ဂလိလကျောင်းများမှာ ပညာသင်ကြားခဲ့ပြီး Bachelor of Arts (B.A.) ဘွဲ့ကို အမေရိကန်နိုင်ငံရှိ ကမ္ဘာ့ထိပ်တန်း ‘ယေးလ်တက္ကသိုလ်’ (Yale University) မှ ရရှိခဲ့ပါတယ်။ တက္ကသိုလ်၌ရှိစဉ် ‘ယေးလ် နိုင်ငံရေးရာ ယူနီယံအဖွဲ့’ ဥက္ကဌအဖြစ်လည်းကောင်း၊ လစဉ်ထုတ် ‘ယေးလ် နိုင်ငံရေးရာ’ စာစောင် အယ်ဒီတာချုပ်အဖြစ် လည်းကောင်း ထူးချွန်စွာ တာဝန်ထမ်းဆောင်ခဲ့သူဖြစ်ပါတယ်။ ၁၉၉၃-ခုနှစ်မှာ အမေရိကန်နိုင်ငံရှိ ကမ္ဘာ့ထိပ်တန်း တက္ကသိုလ် နောက်တစ်ခုဖြစ်တဲ့ ‘ဟားဗတ်’ (Harvard University) မှ နိုင်ငံရေးသိပ္ပံပညာ (Political Science) အထူးပြုပါရဂူ (Doctor of Philosophy) ဘွဲ့ရရှိခဲ့ပါတယ်။ ဟားဗတ်မှာ ကမ္ဘာ့ထိတ်ထိတ်ကြဲ ပညာရှင်ကြီးများဖြစ်တဲ့ နိုင်ငံရေးသိပ္ပံပညာရှင် Samuel Paul Huntington နဲ့ ဥရောပရေးရာပညာရှင် Stanley Hoffmann တို့အပြင် နိုင်ငံတကာ ဆက်ဆံရေး ပညာရှင် (International Relations) Robert Keohane ထံမှာလည်း ပညာဆည်းပူးခဲ့ပါတယ်။

     ထင်ရှားစာအုပ်အရေးအသား

    သူရေးသားခဲ့တဲ့ လုံးချင်းစာအုပ်များကတော့ ၁၉၉၈-ခုနှစ် Princeton ထုတ် From Wealth to Power: The Unusual Origins of America’s World Role ၊ ၂၀၀၃-ခုနှစ် Norton ထုတ် The Future of Freedom ၊ ၂၀၀၈-ခုနှစ်မှာထုတ်ဝေခဲ့တဲ့ ကမ္ဘာတလွှား လျှမ်းလျှမ်းတောက် အောင်မြင်ခဲ့တဲ့ The Post-American World တို့ဖြစ်ပါတယ်။ The American Encounter: The United States and the Making of the Modern World ဆိုတဲ့စာအုပ်ရဲ့ တွဲဖက် အယ်ဒီတာလည်းဖြစ်ပါတယ်။

    The Post-American World စာအုပ်ကို စာရေးဆရာဦးကျော်ဝင်း မဂ္ဂဇင်းတစ်ချို့မှာ အခန်းဆက်ဘာသာပြန်ခဲ့ပြီး လုံးချင်းလည်းထုတ်ဝေထားပါတယ်။ The Future of Freedom စာအုပ်ဟာလည်း New York Times အရောင်းအသွက်ဆုံး ထိပ်တန်းဝင်ခဲ့ပြီး ဘာသာပေါင်း ၂၀-ကျော်သို့လည်း ပြန်ဆိုအောင်မြင်ခဲ့ပါတယ်။

    ‘၉/၁၁ အရေးအခင်း’ ပြီးနောက်ပိုင်း Newsweek ၌ ‘Why They Hate Us’ အက်ဆေး ရေးသားခဲ့ရာ ‘အကြမ်းဖက်ဝါဒ’ဟာ အခြေခံအားဖြင့် ‘အစ္စလာမ်သာသနာ’မှ ပေါက်ဖွားလာခြင်းမဟုတ်ကြောင်း ခုခံတင်ပြခဲ့ပြီး ‘အာရပ်’နိုင်ငံများအနေနှင့် ပိုမိုတိုးတက်သော လူ့အဖွဲ့အစည်းအတွက် တံခါးဖွင့်လှစ်ဖို့လိုကြောင်းနဲ့ မွတ်စလင်များကိုလည်း တိုးတက်ခေတ်မှီတဲ့ ကမ္ဘာစီသို့ခြေလှမ်းကြဖို့ အဆိုပြုခဲ့ပါတယ်။ ‘၂၀၀၃-ခုနှစ် အီရတ် စစ်ဆင်ရေး’ကို ကနဦးပိုင်းမှာ ထောက်ခံခဲ့ပေမယ့် နောက်ပိုင်းမှာ ‘အီရတ်သိမ်းပိုက်စိုးမိုးရေး’ လုပ်တယ်လို့ ‘ဘုရ်ှအစိုးရ’ကို မကြာခဏဝေဖန်ခဲ့ပါတယ်။ ၂၀၀၆-ခုနှစ်နောက်ပိုင်း အမေရိကန်အစိုးရဟာ ‘အကြမ်းဖက်မှုတိုက်ဖျက်ရေး’မှာ သာမက ‘လူဝင်မှုကြီးကြပ်ရေး’နဲ့ အခြားနေရာတွေမှာပါ ‘အကြောက်တရား အခြေခံတဲ့ ပေါ်လစီများ’ ကျင့်သုံးနေတာကိုလည်း ဝေဖန် ထောက်ပြခဲ့ပါတယ်။

    ၂၀၀၈-ခုနှစ် သမ္မတရွေးကောက်ပွဲမှာ ‘ဘာရက် အိုဘားမား’ကို ထောက်ခံခဲ့ပြီး ‘သမ္မတ ဘာရက် အိုဘားမား’ ကလည်း အရှေ့အလယ်ပိုင်းရေးရာများမှာ သူ့ထံက အကြံဉာဏ်ယူတာမျိုးရှိတယ်လို့လည်း The New York Times မှာ ရေးသားဖော်ပြခဲ့ပါတယ်။

    ကျော်ကြားရုပ်သံအစီအစဉ်

    ၂၀၀၂ မှ ၂၀၀၇-ခုနှစ်အထိ အမေရိကန် ABC ရုပ်သံဌာန This Week with George Stephanopoulos ကဏ္ဍရဲ့ သတင်းစိစစ်ဝေဖန်သူတစ်ဦးဖြစ်ခဲ့ပြီး ၂၀၀၅ မှ ၂၀၀၈-ခုနှစ်အတွင်း PBS ရုပ်သံဌာနမှာ Foreign Exchange with Fareed Zakaria အပတ်စဉ်ကဏ္ဍကို တင်ဆက်ခဲ့ပါတယ်။ ၂၀၀၈-ခုနှစ် ဇွန်လမှာ CNN မှာ Fareed Zakaria GPS (Global Public Square) ကို စတင်ခဲ့ပါတယ်။ သူရဲ့အင်တာဗျူး အစီအစဉ်များမှာ တိဘက်ငြိမ်းချမ်းရေးခေါင်းဆောင် ဒလိုင်းလားမား၊ အမေရိကန်သမ္မတ အိုဘားမား၊ အိန္ဓိယဝန်ကြီးချုပ် မန်မိုဟန်ဆင်း၊ ဂျော်ဒန်ဘုရင် အဗဒူလာ၊ ရုရှားသမ္မတဟောင်း လက်ရှိဝန်ကြီးချုပ် ဒီမီထရီ မက်ဒေဗက်၊ ဘရာဇီးသမ္မတကြီး လူလာဒါ စီလဝါ၊ စင်္ကာပူဖခင်ကြီး လီကွမ်ယူ အစရှိသော ခေါင်းဆောင် အများအပြားပါဝင်ခဲ့ပါတယ်။

    ဂုဏ်ထူးဆောင်ဘွဲ့များ

    ၂၀၀၇-ခုနှစ်မှာ ဩဇာတက္ကိမကြီးတဲ့ Foreign Policy နဲ့ Prospect မဂ္ဂဇင်းတို့က Fareed Zakaria အား ကမ္ဘာ့ထိပ်သီး ဥာဏ်ကြီးရှင် (leading public intellectuals) အယောက် ၁၀၀ စာရင်းထည့်သွင်းခဲ့ပါတယ်။ ၂၀၀၈-ခုနှစ် ပြည်ပရောက်အထူးချွန်ဆုံး အိန္ဒိယသားဆု (India Abroad Person of the Year 2008)ကို ရရှိခဲ့ပြီး ၂၀၁၀-ခုနှစ်မှာ  အိန္ဒိယအစိုးရက နိုင်ငံရဲ့ တတိယအမြင့်ဆုံး ဂုဏ်ထူးဆောင် Padma Bhushan ဆုကို ချီးမြှင့်ခဲ့ပါတယ်။ မိုင်ယာမီတက္ကသိုလ်(University of Miami)၊ အိုဘာလင်ကောလိပ်(Oberlin College)၊ ဘိတ်စ်ကောလိပ်(Bates College)၊ ဘရောင်းတက္ကသိုလ်(Brown University)၊ ဟားဗတ်တက္ကသိုလ်(Harvard University) နဲ့ ဂျွန်ဟော့ကင်းတက္ကသိုလ်(Johns Hopkins University) တို့မှလည်း ဂုဏ်ထူးဆောင်ဘွဲ့များ အသီးသီး ချီးမြှင့်ခဲ့ကြပါတယ်။

    Christopher Murray, Jens Stoltenberg, Bill Gates, Gordon Brown, Olusegun Obasanjo, Fareed Zakaria and Giulio Tremonti during the World Economic Forum 2006 Davos, Switzerland. (second from the right)
    Photo-wiki

    ၁၉၉၉-ခုနှစ်မှာ Esquire မဂ္ဂဇင်းက သူ့ကို ‘သူ့မျိုးဆက်ရဲ့ ဩဇာအကြီးဆုံး နိုင်ငံတကာရေးရာ ပေါ်လစီပညာရှင်ကြီး’ အဖြစ် ကင်ပွန်းတပ်ခဲ့ပြီးနောက် GPS ကဏ္ဍမှာ တရုတ်ပြည်ဝန်ကြီးချုပ် မစ္စတာဝမ်ကျားပေါင်နဲ့ အင်တာဗျူးဟာလည်း Emmy အကယ်ဒမီဆု လျာထားခြင်းခံရတဲ့အထိ အောင်မြင်ခဲ့ပါတယ်။ ၂၀၁၀-ခုနှစ်ရဲ့ နိုင်ငံလုံးဆိုင်ရာ မဂ္ဂဇင်းဆု ရရှိခဲ့တဲ့အပြင် သူ့ရဲ့အခြားဆောင်းပါးများ၊စာပေများဟာလည်း ဆုပေါင်းများစွာ ချီးမြှင့်ခြင်းခံရပါတယ်။

    ၂၀၁၂-ခုနှစ် ဟားဗတ်တက္ကသိုလ်(Harvard University) နဲ့ ဂျူခ်တက္ကသိုလ် (Duke University) တို့ရဲ့ ဘွဲ့နှင်းသဘင် အခမ်းအနားများမှာလည်း မိန့်ခွန်း (commencement addresses) ပြောကြားပေးခဲ့ပါတယ်။

    သမ္မတ အိုဘားမားရဲ့ အိမ်ဖြူတော် ညစာစားပွဲသို့လည်း ဖိတ်ကြားခြင်းခံခဲ့ရဖူးပါတယ်။

    ပုဂ္ဂိုလ်ရေးရာ

    လက်ရှိ အမေရိကန်နိုင်ငံ နယူးယောက်မြို့မှာ ဇနီး Paula Throckmorton Zakaria ၊ သားဖြစ်သူ Omar ၊ သမီး ၂-ဦး  Lila ၊ Sofia တို့နှင့်အတူ နေထိုင်လျက်ရှိပါတယ်။ သူ့မှာ ကိုယ်ပိုင် Web Site ရှိပြီး www.fareedzakaria.com ဖြစ်ပါတယ်။ လက်ရှိ ‘ဟားဗတ်တက္ကသိုလ် ဂေါပကအဖွဲ့ဝင်’ အဖြစ်လည်း အမှုထမ်းလျက်ရှိပါတယ်။ ဇနီးဖြစ်သူကလည်း ‘ဟားဗတ်တက္ကသိုလ်’မှ M.B.A ဘွဲ့ရရှိထားသူဖြစ်၍ ရတနာ ဒီဇိုင်းလုပ်ငန်း ပိုင်ဆိုင်လုပ်ကိုင်လျက်ရှိပါတယ်။ Wall Street Journal အပါအဝင် အခြားစာစောင်များတွင်လည်း မကြာခဏဆိုသလို ဆောင်းပါးများရေးသားလေ့ရှိပြီး နယူးယောက်မြို့အခြေစိုက် Black Book ဓာတ်ပုံ အနုပညာဂျာနယ် ထုတ်ဝေသူနဲ့ စာအုပ်တိုက် ပိုင်ရှင်လည်းဖြစ်ပါတယ်။

    လင်းယုန်နက် (ခြင်္သေ့မြို့တော်) စုဆောင်းပြုစုသည်။

    References:

    http://fareedzakaria.com/about/

    http://nymag.com/nymetro/news/politics/national/features/n_8621/

    http://www.conservapedia.com/Fareed_Zakaria

    http://washingtonscene.thehill.com

    http://www.dev.slate.com/authors.paula_throckmortonzakaria.html

    http://en.wikipedia.org/wiki/Fareed_Zakaria

  • ၁၉၇၃ ရွှေတိဂုံစေတီတော်ကြီး မွမ်းမံပြင်ဆင်ခဲ့စဉ်က

    ၁၉၇၃ ရွှေတိဂုံစေတီတော်ကြီး မွမ်းမံပြင်ဆင်ခဲ့စဉ်က

    လှကြည်

    ဗုဒ္ဓံ ပူဇေမိ
    ဓမ္မံ ပူဇေမိ
    သံဃံ ပူဇေမိ

    ၁၉၇၃ မှာ ရာသီဥတုဒဏ်ကြောင့် ပျက်စီးသွားတဲ့ ရွှေတိဂုံဘုရားကြီးရဲ့အစိတ်အပိုင်းတစ်ခုကို လှကြည်တို့တက်ပြီး ပြုပြင်မွမ်းမံတဲ့အချိန်မှာ ရွှေတိဂုံဘုရားကြီးကို အရိုအသေပြုတဲ့အနေနဲ့ ရွတ်ဆိုခဲ့တာဖြစ်ပါတယ်။
    လှကြည်ဆိုတဲ့ကောင်မလွယ်ဘူး။ သူနဲ့မဆိုင်တာတွေ လျှောက်လျှောက်ရွတ်နေတယ်လို့ အကြောင်းသိတွေက ပြောကြဦးမယ်။ တကယ်တော့ ရာသီဥတုဒဏ်ကြောင့် ရွှေတိဂုံစေတီတော်ကြီး ကိုယ်လုံးတော်မှာ ပျက်စီးချို့ယွင်းနေတာတွေကို စေတီတော်ပေါ်တက်ပြီး ဘူမိဗေဒအင်ဂျင်နီယာပညာနဲ့ (Grouting)တွေလုပ်၊ ပြုပြင်မွမ်းခံခွင့်ရခဲ့တာဖြစ်ပါတယ်။ အဲဒီအတွက် လှကြည် တော်တော်ပဲ ကုသိုလ်ရခဲ့ပါတယ်။ရွှေတိဂုံဘုရားကြီး တန်ခိုးကြီးလှပါပေတယ်။၁၉၇၃-နှစ်ဦးပိုင်းလောက်မှာ လေးဆူဓါတ်ပုံရွှေတိဂုံစေတီတော်ကြီးကို ထုံးစံအတိုင်း နှစ်နှစ်တစ်ကြိမ် ရွှေသင်္ကန်းကပ်နိုင်ဖို့ သန့်ရှင်းရေးလုပ်ခြင်း၊ ရေညှိများခွာခြင်းကိစ္စတွေကို ပန်းရန်ဆရာကြီးများအဖွဲ့က လုပ်ကိုင်ခဲ့ကြတယ်။ ပန်းရန်သမားတစ်ယောက်က စေတီတော်ကြီးရဲ့ ရှစ်မြှောင့်တစ်နေရာမှာ အဲဒီလိုရေညှိခွာရင်း သန်လျက်နဲ့ခေါက်ကြည့်လိုက်တော့ အတွင်းက လှိုဏ်သံကြားလိုက်ရတယ်။ အဲဒါနဲ့ ပိုပြီးသေချာအောင် ထပ်ပြီးပြင်းပြင်းလေးခေါက်လိုက်တော့ အဲဒီနေရာကအုတ်တွေက ဆွေးမြည့်နေလို့ သံလျက်က အတွင်းကို ကျွံဝင်နေပြီး အပေါက်ကြီးဖြစ်သွားတယ်။ အဲဒီအုတ်တွေကို ကိုင်ကြည့်လိုက်တဲ့အခါမှာ ပေါင်ဒါလိုအမှုန့်ဖြစ်သွားတယ်။ဒါနဲ့ ပန်းရန်သမားလေးလည်း သူ့ဆရာကိုခေါ်ပြီး စေတီတော်ကြီးရဲ့ ဂေါပကအဖွဲ့ဝင်များကို အကျိုးအကြောင်းသွားပြီး ပြောပြကြတယ်။ အဲဒီအပေါက်ကြီးက လူကြီးတစ်ယောက် ကောင်းကောင်းဝင်လို့ရအောင်ကျယ်နေတယ်။ အဲဒီအပေါက်ကြီးကနေ အားကောင်းတဲ့ လက်နှိပ်ဓါတ်မီးနဲ့ထိုးကြည့်တဲ့အခါ အောက်အနက် ဘယ်လောက်ရှိတယ်ဆိုတာ မမြင်နိုင်ဘူးဖြစ်နေတယ်။ ဒါနဲ့ ငြမ်းလုပ်ဖို့ထားတဲ့ ၁၂-ပေခန့်ရှည်တဲ့ ၀ါးလုံးနှစ်လုံးကိုဆက်ပြီး ထောက်ကြည့်ကြတယ်။ ဒါလည်းပဲ အောက်ကို လုံးဝ မထိမိဘူး။ စေတီတော်ကြီးအတွင်းက လှိုဏ်ခေါင်းက တော်တော်နက်ပြီးကျယ်နေတာကို သွားတွေ့ရတယ်။စေတီတော်ကြီးကို မိုးမကျမီမှာ ရွှေသင်္ကန်းအပြီးကပ်ရမှာမို့ ဂေါပကအဖွဲ့နဲ့ ပန်းရန်ဆရာများအဖွဲ့က ကြိုးစားပြီးမြန်မြန်ဆန်ဆန် လုပ်ကြရမှာဖြစ်တယ်။ ပန်းရန်ဆရာများအဖွဲ့က ဒီလှိုဏ်ခေါင်းကြီးကတော့ သူတို့အနေနဲ့ ဘယ်လိုမှ မလုပ်တတ်ကြောင်းကို ဂေါပကအဖွဲ့ကိုပြောတယ်။ ဂေါပကအဖွဲ့ဝင်များဖြစ်ကြတဲ့ ဦးလှမြင့်(BelAir)၊ ဦးသော်ဇင်(Handicap9)၊ ဦးထွန်းလွင်၊ ဦးအောင်သိန်းတို့က အဲဒီတုန်းက ဆောက်လုပ်ရေးဝန်ကြီးကိုတင်ပြတော့ အင်ဂျင်နီယာအကျော်အမော်တွေခေါ်ပြီး တိုင်ပင်ဆွေးနွေးကြတယ်။ ဘယ်သူမှ မလုပ်တတ်ကြဘူး။ မလုပ်ရဲကြဘူး။ အစိုးရအဖွဲ့အကြီးအကဲ ဗိုလ်ချုပ်ကြီးနေ၀င်းသိသွားတော့ “ဒီတန်ခိုးကြီးဘုရားကြီးကို ဂရုစိုက်ပြီးပြုပြင်ကြပါ။ ရှေးဟောင်းဘုရားကြီးလည်းဖြစ်တယ်။ ဒီလိုဘုရားကြီမျိုး တို့လည်းမတည်နိုင်ဘူး။ ငွေကုန်ချင်သလောက်ကုန်ပါစေ၊ ကောင်းအောင်လုပ်ကြပါ”ဆိုပြီး အမှာပါးလိုက်ပါတယ်။

    ဂေါပကအဖွဲ့က ဒီအင်ဂျင်နီယာအကျော်အမော်တွေ မလုပ်တတ်ဘူးဆိုရင် အင်ဂျင်နီယာတွေ မွေးထုတ်ပေးနေတဲ့ စက်မှုတက္ကသိုလ်က ဆရာကြီး ပါမောက္ခချုပ် ဒေါက်တာအောင်ကြီးကို မေးမှပဲဆိုပြီး သူ့ကိုခေါ်ပြီးပြပါတယ်။

    ဒေါက်တာအောင်ကြီးဟာ ကမ္ဘာကျော် မက်ဆာချူးဆက် စက်မှုတက္ကသိုလ်က ဒေါက်တာဘွဲ့(Ph.D) ရထားသူဖြစ်ပါတယ်။ ဒေါက်တာကြီးလည်း ဒီဧရာမလှိုဏ်ခေါင်းကြီးကိုကြည့်ပြီး ဘာမှမပြောနိုင်ပါ။

    ဒေါက်တာအောင်ကြီးက “ဒီကိစ္စနဲ့ပတ်သက်ပြီး ကျွန်တော်တို့ အင်ဂျင်နီယာများကတော့ မတတ်ကျွမ်းပါဘူး။ တစ်ခုတော့ရှိပါတယ်။ Engineering Geologist များကတော့ တတ်ကျွမ်းပါတယ်။ ဒီနည်းကတော့ ဘိလပ်မြေမှုတ်သွင်းခြင်းပညာဖြစ်ပါတယ်။ သတ္ထုတွင်းဝန်ကြီးဌာန ဘူမိဗေဒနှင့် ဓါတ်သတ္ထုရှာဖွေရေးဦးစီးဌာနက Engineering Geologist များဟာ ဆည်မြောင်းဌာနမှ ဆည်များ(Dams)များ အက်ကွဲတဲ့အခါ၊ ရေများယိုစိမ့်ထွက်တဲ့အခါများမှာ သွားရောက်ပြီး Grouting လုပ်ပေးကြပါတယ်။ ဒီနည်းနဲ့သာလျှင် လုပ်လို့ရပါမယ်”လို့ အကြံပြုခဲ့ပါတယ်။

    စေတီတော်ကြီးရဲ့ ဂေါပကအဖွဲ့ဝင်တွေဟာ အတော်ကြီးပေါက်ရောက်ပါတယ်။ ဒီကိစ္စကို သတ္ထုတွင်းဝန်ကြီးဌာနက ဒုတိယ၀န်ကြီး ဗိုလ်မှူးကြီး သူရအောင်ဖေကို ပြောပြလိုက်တယ်။ ချက်ချင်းပါပဲ။ ဘူမိဗေဒနှင့် ဓါတ်သတ္ထုရှာဖွေရေးဦးစီးဌာနက ညွှန်ချုပ်ဒေါက်တာတင်အေးကို တာဝန်ပေးလိုက်ပါတယ်။  ဒေါက်တာတင်အေးကလည်း Engeering Geology Section Head ဦးသိန်းလွင်ကို ချက်ချင်းအလုပ်စဖို့ အမိန့်ချလိုက်ပါတယ်။ အဲဒီအချိန် အဲဒီဌာနမှာက ဦးသိန်းလွင်နဲ့ ဦးလှကြည် နှစ်ဦးပဲရှိနေတဲ့အချိန်ဖြစ်ပါတယ်။ ဌာနက တစ်ခြားဝန်ထမ်းတွေဖြစ်တဲ့ ကိုမျိုးမြတ်၊ ကိုဥာဏ်စိုး၊ ကိုအောင်မြင့်စိုး၊ ကိုယောရှုတို့က အသက၊ အသက၊ နယ်အသီးသီးတာဝန်ကျရာဒေသတွေကိုသွားပြီး တာဝန်ထမ်းဆောင်နေကြရတယ်။ ဒီကိစ္စကို ၀န်ကြီးရုံးက အရေးကြီးလုပ်ငန်းအမှတ်စဉ်(၁)၊ ဦးစားပေးအဆင့်(၁) ချက်ချင်းဆောင်ရွက်ရန်လို့ သတ်မှတ်လိုက်တယ်။

    စနေထောင့်တွင်ဖြစ်ပေါ်နေသော အက်ကွဲကြောင်းကြီး၏ အတွင်းလှိုဏ်ခေါင်းပေါက်ထဲသို့ သေချာစွာမြင်နိုင်ရန် လွန်တူးအင်ဂျင်နီယာချုပ် ဦးစောထွန်းက လက်နှိပ်ဓါတ်မီးဖြင့် ထိုးကြည့်နေပုံ

    ညွှန်ချုပ်က ဦးသိန်းလွင်ကိုခေါ်ပြီး ‘ဘာလိုလဲ၊ လိုတာပြောပါ’လို့ပြောတယ်။ ဦးသိန်းလွင်က မုံရွာ ကြေးနီစီမံကိန်းမှာရှိတဲ့ Grouting Machine ကို ရန်ကုန်သို့ အမြန်သယ်ဆောင်ပေးဖို့၊ အရည်အချင်းရှိတဲ့ လွန်တူးသမား(Driller) နှစ်ယောက်ပေးဖို့ တောင်းဆိုလိုက်ပါတယ်။ (Driller မပါပဲ ဒီကိစ္စ လုံးဝလုပ်လို့ မရပါ။ ယခင့် ယခင်တုန်းကများ ဒီလိုတောင်းဆိုလိုက်ရင် ၃-၄ လနဲ့ ရောက်မလာဘူး။ ခုတော့လည်း မြန်လိုက်တာ။ ဒါတောင် နှစ်လတော့ ကြာသေးတယ်။

    Driller တွေ ရောက်လာရုံတင်မကဘူး Drilling Section Head ဦးစောထွန်း(Drilling CE)တောင် ပါလိုက်သေးတယ်။ ဦးစောထွန်းက အလွန်ဝပြီး ပေါင် ၂၂၀ ကျော်ပါတယ်။ အလွန် အသားမည်းပေမယ့် သူ့လုပ်ငန်းကို သူအလွန်ကျွမ်းကျင်ပြီး လူနဲ့မလိုက်အောင် လွန်စွာသွက်လက်ပေါ့ပါးတယ်။ Grouting Machine ကို Servicing လုပ်၊ သန့်စင်ဆေးကြောပြီး လုပ်ငန်းစလို့အချိန်ရောက်တော့ လုပ်ငန်းညှိနှိုင်းအစည်းအဝေးလုပ်ပါတယ်။

    ရွှေတိဂုံစေတီတော်ဂေါပကအဖွဲ့ရုံးမှာပြုလုပ်တဲ့ အဲဒီအစည်းအဝေးမှာ ၁။ ရွှေတိဂုံစေတီတော်ဂေါပကအဖွဲ့၊ ၂။ ဆိပ်ကမ်းကော်ပိုရေးရှင်းမှ ဦးဥာဏ ခေါင်းဆောင်သောအဖွဲ့၊ ၃။ ဘဓရမှ ညွှန်ကြားရေးမှူးချုပ် ဒေါက်တာတင်အေးခေါင်းဆောင်တဲ့ Engineering Geologist အဖွဲ့တစ်ဖွဲ့၊ Drilling အဖွဲ့တစ်ဖွဲ့တို့ ပါဝင်ပါတယ်။

    အဓိကဦးဆောင်ပြီးလုပ်ငန်းလုပ်ကိုင်မှာက ဘဓရ Engineering Geologist အဖွဲ့နဲ့ Drilling အဖွဲ့ပါပဲ။ ဆိပ်ကမ်းကော်ပိုရေးရှင်းကတော့ လိုအပ်တာတွေကို ကူညီပံ့ပိုးဖို့ပါပဲ။ ဂေါပကအဖွဲ့က “ကိုသိန်းလွင်တို့ ကိုလှကြည်တို့ ကောင်းအောင်ကြိုးစားပြီးလုပ်ကြပါ။ ငွေကိုတော့ အကန့်အသတ်မရှိ ကြိုက်သလောက်သုံးပါ”လို့ ပွင့်ပွင့်လင်းလင်းပြောပါတယ်။

    ဂေါပကအဖွဲ့ကို ဦးသိန်းလွင်က တိုးတိုးတိတ်တိတ်တင်ပြတာ တစ်ခုရှိပါတယ်။

    “ကိုလှကြည်ကို ကျွန်တော်တို့အားလုံး သိပြီးသားပါ။ သူက ဗုဒ္ဓဘာသာဝင်မဟုတ်ဘူး။ အဓိက ဒီလုပ်ငန်းကို သူပဲ အချိန်ပြည့်တာဝန်ယူပြီးလုပ်ရမှာ။ သူက မွတ်ဆလင်မို့ ကန့်ကွက်ချင်ရင် ခုကတည်းကပြောပါ။”

    ဂေါပကအဖွဲ့က “မကန့်ကွက်ပါဘူး၊ လုပ်စရာရှိတာ လုပ်သာလုပ်ပါ”တဲ့။

    ဒါကြောင့် မောင်လှကြည် မွတ်ဆလင်၊ ဘုရားပေါ် ရောက်လာတာပါ။

    ခုနတုန်းက ပန်းရံဆရာတွေ တွေ့ရှိခဲ့တဲ့ ဧရာမလှိုဏ်ခေါင်းကြီးဆိုတာကို ရှစ်မြှောင့်ပစ္စယာ စနေထောင့်မှာ တွေ့ရတာပါ။ စနေထောင့်ဆိုတာ အကြမ်းနားလည်အောင်ပြောရရင် ဦးဝိစာရကျောက်တိုင်ဘက် နည်းနည်းကျပါတယ်။ ဒီလို အက်ကြောင်းကြီးက စနေထောင့်မှာပဲ ဖြစ်ပါတယ်။ အရှေ့၊ အနောက်၊ တောင်၊ မြောက် စတဲ့ဘက်တွေမှာလည်းမဖြစ်ဘူး။ တနင်္ဂနွေ၊ တနင်္လာ၊ အင်္ဂါ၊ ဗုဒ္ဓဟူး၊ ကြာသပတေး၊ သောကြာ ထောင့်တွေမှာလည်းမဖြစ်ဘူး။ ဘာလို့ စနေထောင့်တစ်ခုတည်းမှာပဲဖြစ်ရသလဲဆိုတော့ စနေထောင့်ဟာ မုတ်သုံရာသီ (Moonsoon Weather)ကို တိုက်ရိုက်တည့်တည့်ခံရတဲ့ နေရာဖြစ်တယ်။ နှစ်ပေါင်းတစ်ထောင်ကျော်ကျော်လောက် ရာသီဥတုဒဏ်၊ ရေဒဏ်၊ မိုးဒဏ်နဲ့ ရေတိုက်စားမှုဒဏ်ခံခဲ့ရတယ်။ အဲဒီရေတွေထဲမှာလည်း ငှက်မျိုးစုံရဲ့ အညစ်အကြေးတွေ ပါလာပြီး အက်ဆစ်ပျော်ရည်အပျော့စားဖြစ်ပြီး စားသွားတာလည်းပါမှာပေါ့။ ဒီရာသီဥတုရဲ့ဒဏ်ကို နှစ်ပေါင်းများစွာခံခဲ့ရတဲ့အတွက် လှိုဏ်ခေါင်းဟာ ဖြည်းဖြည်းချင်းဖြစ်လာတာပါ။

    ဒီ ရွှေတိဂုံဘုရားကြီးကို ရွှေချတယ်၊ ရွှေသင်္ကန်းကပ်တယ်ဆိုတာ တကယ့်ရွှေအစစ်ကို ကပ်ရတာ။ အကြိမ်ပေါင်းများစွာ ရွှေချခံရလို့ အချို့နေရာတွေမှာ ရွှေအထူကြီးဖြစ်နေတယ်။ တချို့ အတုံးလိုက်၊ အခဲလေးတွေ၊ အဖတ်ဖတ်ကလေးတွေကို ဒီအတိုင်း ရှစ်မြှောင့်ပစ္စယာနဲ့ အခြားပစ္စယာပေါ်မှာ ကျနေတာတွေ တွေ့ခဲ့ရတယ်။ ဒီပစ္စယာအတွင်းပိုင်းကို လူတိုင်းမ၀င်ရဘူးလေ။ လူတကာဝင်ရင် ဒီရွှေအတုံးလေးတွေ ဘယ်တွေ့ရတော့မတုံး။ အထူးယုံကြည်ရတဲ့လူ တာဝန်ရှိသူနဲ့ ဂေါပကအဖွဲ့တွေသာ ၀င်ရတာကိုး။ မိုးရေတိုက်စားပြီးပါလာတဲ့ ဒီရွှေတွေကို နှစ်စဉ်နှစ်တိုင်း စနစ်တကျစစ်ပြီး ရွှေချောင်းပြန်လုပ်ထားတာ ဂေါပကအဖွဲ့မှာ တွေ့ရတယ်။

    လွန်တူးအတတ်ပညာရှင်များဖြစ်ကြသော ဦးရွှေနှင့် ဦးဇော်ဝင်းတို့ ခက်ခဲသောနေရာများတွင် ဂရောက်တွင်းတူးရန် လွန်တူးစက်အငယ်စားကို ကြိုတင်ပြင်ဆင်နေကြပုံ

    Groating လုပ်တယ်ဆိုတာ Grout ကို စက်နဲ့ ကိုယ်လိုချင်တဲ့နေရာကို မှုတ်သွင်းတာပဲ ဖြစ်ပါတယ်။ Grout ဆိုတာ ရွှံ့၊ သဲ၊ ဘိလပ်မြေနှင့် တခြားအမှုန့် စတာတွေကို လိုသလို အချိုးအစားအမျိုးမျိုး ရေနဲ့ရောစပ်ပြီး စက်ရဲ့မှုတ်အား၊ ဖိအား Pressure နဲ့ ကိုယ်ရောက်စေချင်တဲ့နေရာကို ပိုက်တပ်မှုတ်သွင်းတာပဲဖြစ်ပါတယ်။ Pressure အတက်အကျကို Pressure Gauge နဲ့ ထိန်းထားရပါတယ်။ ဘယ်လိုနေရာ၊ ဘယ်လိုအခြေအနေမှာ Pressure ဘယ်လောက်ပဲ ရှိနေရမယ်ဆိုတာကို Geologist အမြဲပြောပြရမယ်။ ဒါ သူ့တာဝန်ပဲဖြစ်ပါတယ်။ Pressure များသွားရင် DAM ကွဲထွက်သွားနိုင်တယ်။ ကြောက်စရာကောင်းတယ်။

    ၁၁-၁-၁၉၇၃ မှာ ရှစ်မြှောင့်ပစ္စယာ စနေထောင့်ကစပြီး Grouting လုပ်ပါတယ်။ လှကြည်ဆိုတဲ့ကောင်ကတော့ နံနက်အစောကြီး ၅-နာရီလောက်ကတည်းက ဘုရားပေါ်တက်၊ လူရှင်းတဲ့ ဇရပ်တစ်ခုကနေပြီး ဦးသုံးကြိမ်ချကာ ဘုရားရှိခိုးတော့တာပဲ။ ဒီကောင်က မြို့မကျောင်းသားဆိုတော့ ဗုဒ္ဓဘာသာ ဘုရားရှိခိုးနည်း ကောင်းကောင်းနားလည်တယ်။ သူပြောတာက “ဘာသာရေးဘေးဖယ်ထားပြီး သူ့အရပ်၊ သူ့ဒေသ၊ သူ့အရိပ် အာဝါသကို မှီခိုရတော့မယ်ဆိုရင် သူ့ကို အရိုအသေပေးရမယ်။ သူ့စည်းကမ်းအတိုင်း သူ့ကို ရိုသေလေးစားစွာ ရှိခိုးဦးချရမယ်”တဲ့။ သူ နေ့တိုင်းနေ့တိုင်း ဒီလိုလုပ်ပြီးမှ စိတ်အေးလက်အေးနဲ့ ဘုရားပေါ်တက် အလုပ်လုပ်တယ်။

    ဒီမှာတော့ Grout ကို ဘိလပ်မြေပဲသုံးပြီး ရေ ၂၂-ဂါလန်ကို ဘိလပ်မြေ ၄-အိပ် အချိုးနဲ့ ရောစပ်ပါတယ်။ Pressure ကို Zero P.S.I သုည၊ တစ်ခါတစ်ရံ One P.S.I လောက်ပဲ သုံးတယ်။ တစ်နေ့တာ အလုပ်ကို မနက်က စလိုက်တာ ည ၉-နာရီ ၁၀-နာရီလောက်မှာမှ လက်စသတ်ပါတယ်။ Grouting စလုပ်တဲ့ ပထမနေ့တွေမှာတော့ ဒေါက်တာအောင်ကြီးတို့ ဒေါက်တာတင်အေးတို့ လာကြတာပေါ့။ နောက် ရက်တွေကြာလာတော့လည်း ထပ်ပြီးမလာကြတော့ပါဘူး။ ဆရာဦးသိန်းလွင်ကတော့ သူ့တာဝန်မပြတ်သေးတဲ့ တခြားအရပ်ဒေသတွေ သွားလိုက်၊ ပြီးတော့ ပြန်လာလိုက်ပါပဲ။ လှကြည်ဆိုတဲ့ကောင်ကတော့ နေ့တိုင်းရှိပါတယ်။

    လုပ်ရကိုင်ရတာ အစပိုင်းမှာတော့ ရင်တုန်ရတယ်။ ကြောက်စရာကောင်းတယ်။ လုပ်ရတဲ့လုပ်ငန်းက စွန့်စားရတဲ့လုပ်ငန်းတစ်ခုပါပဲ။ စောစောကပြောသလို လိုအပ်တဲ့ Pressure ကို မထိန်းနိုင်ရင်၊ ထိန်းနေတဲ့ကြားထဲက တစ်ခုခုချွတ်ချော်သွားခဲ့ရင်၊ လုပ်ရင်းကိုင်ရင်း Pressure အလိုလို တက်သွားရင် ကိစ္စချောပြီ။ ပြီးပြီ။ ရွှေတိဂုံစေတီတော်ကြီး ပြိုကျသွားမှာပေါ့။ စေတီတော်ကြီးပြိုကျသွားရင် ‘ငလှကြည် နင်လည်းသေလိုက်တော့’။ ဒီဘုရားကြီးဟာ မြန်မာပြည်သာမဟုတ်၊ ဗုဒ္ဓဘာသာတစ်ခုတည်းသာမဟုတ်၊ တစ်ကမ္ဘာလုံးမှာရှိတဲ့ လူသားတွေရဲ့ မေတ္တာစုဝေးရာဖြစ်တယ်။ တစ်စုံတစ်ခုသာ လွဲမှားသွားလို့ကတော့ အဲဒီ မေတ္တာစူးတာနဲ့ သေသွားနိုင်တယ်။ ဘုရားကြီးရဲ့သက်တမ်းကလည်းကြည့်ဦး နှစ်ပေါင်း ၂၅၀၀ ကျော်ပြီ။

    အဲဒီလို စွန့်စားလုပ်ကိုင်ရတာကလွဲရင် ကျန်တာ လုပ်ရကိုင်ရတာ စိတ်ချမ်းသာစရာကောင်းပါတယ်။ Driller တွေကလည်း ဦးရွှေ၊ ဦးဇော်ဝင်းအပြင် Drilling CE ဦးစောထွန်းကြီးကိုယ်တိုင် ပါဝင်လေတော့ အစစအရာရာ အဆင်ပြေပါတယ်။ ဂေါပကအဖွဲ့က နံနက်စာ၊ နေ့လည်စာ၊ ညစာ ကောင်းကောင်းမွန်မွန်ကျွေးတဲ့အပြင် ပြန်ရင်လည်း ဒံပေါက်တစ်ထုတ်စီ ပေးလိုက်သေးတယ်။ ကောင်းလေစွ၊ ကောင်းလေစွ။

    လှကြည်ဆိုတဲ့ကောင်က ဦးသိန်းလွင်ရဲ့နောက်လိုက်သာဖြစ်ပေမယ့် ဒီကိစ္စကို သိပ်ကျေနပ်ပြီး ဂုဏ်ယူလို့မဆုံးဖြစ်နေတယ်။ Grouting စလုပ်တဲ့နေ့ နောက်တစ်ရက်နံနက် ကြေးမုံသတင်းစာထဲမှာ ရွှေတိဂုံဘုရားပေါ်မှာ လှကြည် အလုပ်လုပ်နေတဲ့ပုံကြီး မျက်နှာစာမှာ ပါလာပါလေရော။ တယ်လီဖုန်းလာပြီ အစ္စလာမ်သာသနာရေးရာကောင်စီ ဥက္ကဌကြီး မိုဟာမက် ဂါဇီဟာရှင်ထံမှ “မောင်လှကြည် အလွန်ကောင်းတဲ့ကိစ္စကို ဆောင်ရွက်တဲ့အတွက် တို့က ဂုဏ်ယူပါတယ်။ အေး တို့ဗလီတွေပျက်တဲ့အခါလည်း လာလုပ်ပေးပါဦး”တဲ့။

    ဟောက်ကဲ့ – ဟောက်ကဲ့ – ဟောက်ကဲ့ (ဆလမ္မာလေကွန်း)

    (၁၉၇၃၊ ရွှေတိဂုံစေတီတော်ကြီး Grouting ပြုလုပ် ပြင်ဆင် မွမ်းမံခြင်း အစီရင်ခံစာ၊ ရနံ့သစ်မဂ္ဂဇင်းပါ ရွှေတိဂုံစေတီတော်ပြုပြင်ခြင်း ဆောင်းပါးကို တည်းဖြတ်ဖော်ပြထားခြင်းဖြစ်ပါသည်။)

     

    FB ဒီနေရာမှာ စနေငပေ Scan ဖတ်ပေးပြီး မျှဝေထားသည်ကို Type ၇ိုက်ပြီးပြန်လည်ဖော်ပြခြင်းဖြစ်ပါသည်။

    မူရင်းထဲကအတိုင်း စာလုံးပေါင်း မပြင်ထားပါ။

  • မလေးရောက် မြန်မာများ စုပေါင်းသွေးလှူဒါန်းပြီး အာဇာနည်နေ့ အကြိုဂုဏ်ပြု

    မလေးရောက် မြန်မာများ စုပေါင်းသွေးလှူဒါန်းပြီး အာဇာနည်နေ့ အကြိုဂုဏ်ပြု

    July,2 2012 11:30 AM KL
    MMSY News
    Kuala Lumpur


    ၂၀၁၂  ဇူလိုင်လ (၁၉ ) ရက်နေ့မှာ ကျရောက်မယ့် (၆၅) နှစ်မြောက် အာဇာနည်နေ့ကို ဂုဏ်ပြုကြိုဆိုသောအားဖြင့်  တတိယကြိမ်  နှလုံးလှ ပရဟိတ လူငယ်များ သွေးလှူရှင်အဖွဲ့သွေးလှူပွဲနှင့် ဟောပြောပွဲက ဇူလိုင်လ ၁ ရက် ၂၀၁၂ တွင် မလေးရှားနိုင်ငံ ကွာလာလမ်ပူမြို့ SM ကုန်တိုက် ၆ လွှာမှာ  မနက် ၉ နာရီစ၍ ညနေ ၃ နာရီ အထိ ပြုလုပ်ခဲ့ကြောင်း သိရှိရပါတယ်။

    သွေးလှူဒါန်းပွဲတွင် သွေးပုလင်း ၃၀၀ ကျော်ရရှိပြီး  မလေးရှားနိုင်ငံ ယူနီဗါစီတီမာလာယာ UM ဆေးရုံမှ လာရောက်သွေးလက်ခံယူခဲ့ခြင်းဖြစ်ကြောင်းသတင်းရရှိပါတယ်။  လှူဒါန်းပွဲမှာ မလေးရှားနိုင်ငံရောက် Permit ရှိသူ၊ UNHCR ကဒ်ကိုင်ဆောင်ထားသူ မြန်မာနိုင်ငံသား မည်သူမဆို ပါဝင်လှူဒါန်းနိုင်အောင် စီစဉ်ခဲ့ကြကြောင်း သိရှိရပါတယ်။

    စုပေါင်းသွေးလှူဒါန်းပွဲတွင် ပါဝင်ခဲ့ကြသော မလေးရှားရောက်မြန်မာများ

     

    မြန်မာမွတ်စလင်မ်များ အသင်းလှူဒါန်းခဲ့သော  အလှူငွေ ဂုဏ်ပြုမှတ်တမ်းလွှာ

    သွေးလှူဒါန်းပွဲတွင် မလေးရှားရောက် မြန်မာနိုင်ငံသား လူမျိုးပေါင်းစုံ ၊ ဘာသာပေါင်းစုံပါဝင်လှူဒါန်းခဲ့ကြောင်း နှင့်  မြန်မာမွတ်စလင်မ်များအသင်း (မလေးရှား) ၊ မလေးရှားရောက်မြန်မာမွတ်စလင်မ် စီးပွားရေးလုပ်ငန်းရှင်များမှ အလှူငွေနှင့် သွေးလှူဒါန်းပွဲတွင် အစားအသောက် အစီအစဉ်များအတွက် ပါဝင်လှူဒါန်းခဲ့ကြကြောင်း သတင်းရရှိပါတယ်။

    သွေးလှူပွဲမှာ တာဝန်ယူလုပ်ဆောင်ပေးခဲ့ကြသူ မလေးရှား ဆေးရုံဝန်ထမ်း ဆရာဝန်၊ သူနာပြုများနှင့် တာဝန်ခံများ အမှတ်တရဓါတ်ပုံတွင် မလေး၊ မြန်မာ၊ တရုတ်၊ အိန္ဒိယ လူမျိုးစုံနှင့် အစ္စလာမ်၊ ဗုဒ္ဒ၊ ခရစ်ယာန် ဘာသာစုံတို. လူသားဆန်တဲ့ စိတ်ဓါတ်များဖြင့် သွေးတစ်ပုလင်းမှ အသက်တစ်ချောင်း လှူနိုင်ကောင်း၏မို့ ပါဝင်ကူညီခဲ့ကြကြောင်း မှတ်တမ်းတင်ပါ၏။
    စုပေါင်းသွေးလှူဒါန်းပွဲမှ သွေးအလှူရှင်တစ်ဦး

     

    ယခု စုပေါင်းသွေးလှူဒါန်းပွဲတွင် မလေးရှားရောက် မြန်မာမွတ်လင်မ်များ ပါဝင်လှူဒါန်းခဲ့ကြောင်း မလေးရှားမှာ စုပေါင်းသွေးလှူခြင်းတွင် သွေးလှူအကြိမ်အရေအတွက် ဒုတိယ အများဆုံးလှူဒါန်းထားသူ မြန်မာမွတ်စလင်မ် ကိုပေါက် (၄၄ကြိမ်သွေးလှူရှင်၊ အိဒ္ဒြာစတိုးနှင့် စားသောက်ဆိုင်ဝန်ထမ်း) ဖြစ်ပြီး အကြိမ်ရေအတွက် အများဆုံးသူတစ်ဦး ၄၅ ကြိမ် သွေးလှူရှင်မှာလည်း မြန်မာမွတ်စလင်မ်တစ်ဦးပင်ဖြစ်ကြောင်း သတင်းရရှိပါတယ်။

     

    သတင်းနှင့် ဓါတ်ပုံ

    ကိုမင်းမင်း