Blog

ဇန်န၀ါရီ ၁၄၊ ၂၀၂၄

M-Media 

-အောက်တိုဘာ ၇ ရက်နေ့ကတည်းက ဂါဇာမှာ စတင်ခဲ့တဲ့ အစ္စရေးရဲ့ လူသတ်ပွဲကြောင့် သေဆုံးသူ ပါလက်စတိုင်းအရေအတွက်ဟာ အနည်ဆုံး ၂၃၇၀၀ ရှိလာပြီ ဖြစ်ပါတယ်။

ဟားမက်စ်ရဲ့ တိုက်ခိုက်မှုကို လက်တုန့်ပြန်တယ်လို့ ပြောပေမယ့် ပါလက်စတိုင်းပြည်သူတွေကို အဓိက ပစ်မှတ်ထား တိုက်ခိုက်တာဖြစ်ပါတယ်။ 

အသတ်ခံရသူတွေထဲမှာ ကလေးငယ် အနည်းဆုံး ၉၆၀၀၊ အမျိုးသမီး အနည်းဆုံး ၆၇၅၀ ပါ၀င်ပါတယ်။ ဂါဇာမှာ လူဦးရေ ၂ ဒဿမ ၂ သန်းရှိပြီး ပျမ်းမျှ ၁၀၀ မှာ ၁ ဦး အသတ်ခံနေရတာဖြစ်ပါတယ်။ 

ဂါဇာကမ်းမြှောင်တစ်ခုလုံးက အဆောက်အဦးတွေရဲ့ ၈၅ ရာခိုင်နှုန်းလောက်ကိုလည်း အစ္စရေးက ဖျက်ဆီးထားပါတယ်။ 

ဒဏ်ရာရသူ အရေအတွက်က ၆ သောင်းကျော်ရှိနေပြီး ကလေးငယ် ၈၆၆၃ ဦး၊ အမျိုးသမီး ၆၃၂၇ ဦး ပါ၀င်ပါတယ်။ အောက်တိုဘာ ၇ ရက်နေ့နောက်ပိုင်း အစ္စရေးရဲ့ လူသတ်ပွဲကြောင့် ခြေထောက်တစ်ဖက်၊ ဒါမှမဟုတ် ၂ ဖက်စလုံး ဆုံးရှုံးတဲ့ ကလေးငယ်ပေါင်း တစ်ထောင်ကျော် ရှိပါတယ်။ 

အကူအညီပေးရေးအဖွဲ့တွေကို အစ္စရေးက ကန့်သတ်ထားတာကြောင့် ဂါဇာမှာ အစာရေစာ၊ လောင်စာနဲ့ ဆေး၀ါးပစ္စည်းတွေ ပြတ်တောက်နေပြီး ၂ ဒဿမ ၂ သန်းသော ပါလက်စတိုင်းပြည်သူတွေဟာ စားနပ်ရိက္ခာ ရှားပါးမှုနဲ့ ကြုံတွေ့နေရပါတယ်။ 

ဂါဇာပြည်သူတွေရဲ့ ၉၀ ရာခိုင်နှုန်းနီးပါးဖြစ်တဲ့ ၁ ဒဿမ ၉ သန်းလောက်ဟာ အိုးအိမ်စွန့်ခွာထွက်ပြေးနေရပါတယ်။ 

Ref : Aljazeera 

ဇန်န၀ါရီ ၁၃၊ ၂၀၂၃

M-Media 

-ပါလက်စတိုင်းတွေကို လူမျိုးတုန်းသတ်ဖြတ်တယ်ဆိုတဲ့ စွဲချက်နဲ့ အစ္စရေးဟာ နိုင်ငံတကာခုံသမာဓိရုံး (ICJ) မှာ ကြာသာပတေးနေ့က စတင်စစ်ဆေးခံခဲ့ရပါတယ်။ 

ပါလက်စတိုင်းလွတ်မြောက်ရေးအဖွဲ့ ဟားမက်စ်ကို လက်တုန့်ပြန်တယ်ဆိုတဲ့ ခေါင်းစဥ်နဲ့ ဂါဇာမှာ အစ္စရေးက ပါလက်စတိုင်းတွေကို သတ်ဖြတ်နေတာဟာ ရက်ပေါင်း ၁၀၀ ရှိလာပြီဖြစ်ပြီး အသတ်ခံရသူ ၂၃၀၀၀ ကျော်ပြီ ဖြစ်ပါတယ်။ 

ဂါဇာကမ်းမြှောင်က လူနေအိမ်၊ ဒုက္ခသည်စခန်း၊ ဆေးရုံ၊ စာသင်ကျောင်း၊ အခြေခံအဆောက်အဦးတွေရဲ့ ၈၀ ရာခိုင်နှုန်းကျော်ကိုလည်း အစ္စရေးက တိုက်ခိုက်ဖျက်ဆီးထားပါတယ်။ 

ဂါဇာမှာ လူဦးရေ ၂ သန်းကျော်ရှိပြီး ၁ ဒဿ ၉ သန်းဟာ အစ္စရေးလက်ချက်ကြောင့် အိုးအိမ်စွန့်ခွာ ထွက်ပြေးရကာ ဂါဇာတောင်ပိုင်းမှာ လာရောက်ခိုလှုံနေရပါတယ်။ လက်ရှိ အစ္စရေးဟာ ဂါဇာတောင်ပိုင်းကို အဓိကထားပြီး တိုက်ခိုက်သတ်ဖြတ်နေပါတယ်။ 

အစ္စရေးရဲ့ ဒီအကြမ်းဖက်လုပ်ရပ်တွေဟာ လူမျိုးတုန်းသတ်ဖြတ်မှုမြောက်တယ်လို့ တောင်အာဖရိကနိုင်ငံက သတ်မှတ်ပြီး ဒါကို စစ်ဆေးဖို့ ICJ ကို တိုင်ကြားခဲ့တာဖြစ်ပါတယ်။ 

ဂါဇာက အစ္စရေးရဲ့ တိုက်ခိုက်သတ်ဖြတ်မှုဟာ ၁၉၄၈ ခုနှစ် ဂျီနီဗာ သဘောတူညီချက်ကို ချိုးဖောက်ပြီး လေကြောင်းကနေ ဗုံးကြဲမှု၊ မြေပြင်တပ်တွေ၀င်ရောက်မှု စတာတွေကို ရပ်တန့်ရေး အရေးပေါ်အစီမံ ဆောင်ရွက်မိန့် ထုတ်ပေးဖို့ တောင်အာဖရိက ရှေ့နေအဖွဲ့က တောင်းဆိုခဲ့ပါတယ်။ 

အစ္စရေးရှေ့နေအဖွဲ့ကတော့ တောင်အာဖရိကရဲ့ စွပ်စွဲမှုကို ပယ်ချခဲ့ပြီး ဂါဇာက အစ္စရေးရဲ့ စစ်ဆင်ရေးကို ပုံဖျက်ပြောဆိုတာလို့ ပြန်လည်ချေပခဲ့ပါတယ်။ 

ICJ တရားသူကြီးတွေက ဆုံးဖြတ်ချက်ကို မကြာခင် ထုတ်ပြန်သွားမယ်လို့ ပြောကြားခဲ့ပြီး ရက်အတိအကျ မသိရပါဘူး။ 

ဂါဇာမှာ အစ္စရေးက လူသတ်ပွဲလုပ်နေသလို ပါလက်စတိုင်းပိုင်နက် နောက်တစ်ခုဖြစ်တဲ့ အနောက်ဖက်ကမ်းမှာလည်း အစ္စရေးတပ်တွေနဲ့ တရားမ၀င်အခြေချဂျူးတွေက ပါလက်စတိုင်းတွေအပေါ် အကြမ်းဖက်သတ်ဖြတ်မှုတွေ ယခင်ကထက် ပိုမိုပြုလုပ်လာပြီး အောက်တိုဘာ ၇ ရက်နေ့နောက်ပိုင်း အသတ်ခံရသူအရေအတွက် ၄၀၀ နီးပါး ရှိလာပြီဖြစ်ပါတယ်။ 

Ref: Aljazeera

ဇန်န၀ါရီ ၀၉၊ ၂၀၂၄

M-Media 

-ပါလက်စတိုင်း ပိုင်နက် တစ်ခုဖြစ်တဲ့ အနောက်ဖက်ကမ်းမှာ အစ္စရေးရဲတပ်ဖွဲ့က အသက် ၄ နှစ်အရွယ် ပါလက်စတိုင်း သမီးငယ်တစ်ဦးကို မနေ့က ပစ်သတ်လိုက်ပါတယ်။ 

ဟားမက်စ်ကို တုန့်ပြန်တယ်ဆိုတဲ့ ခေါင်းစဥ်နဲ့ ဂါဇာကမ်းမြှောင်မှာ အောက်တိုဘာ ၇ ရက်နေ့ကစတင်ပြီး လူသတ်ပွဲဆင်နွှဲနေတဲ့ အစ္စရေးဟာ အနောက်ဖက်ကမ်းမှာလည်း ပါလက်စတိုင်းတွေအပေါ် တိုးမြှင့်သတ်ဖြတ်မှုတွေ ပြုလုပ်လာပါတယ်။ 

ပါလက်စတိုင်းပိုင်နက်အတွင်းက အစ္စရေးရဲ့ စစ်ဆေးရေးဂိတ်တစ်ခုမှာ မနေ့က ကားတစ်စီးဟာ အစ္စရေးရဲတွေကို တိုက်သတ်ဖို့ ကြိုးစားခဲ့တာပါ။ 

ဒါကို တုန့်ပြန်တယ်ဆိုပြီး အစ္စရေးရဲတွေက မြင်မြင်သမျှ ကားတွေကို ပစ်ခတ်ခဲ့တဲ့အတွက် အခြားကားတစ်စီးမှာ ရှိနေတဲ့ အသက် ၄ နှစ်အရွယ် သမီးငယ် ရိုကိုင်ယာဟာ သေနတ်မှန်ပြီး သေးဆုံးခဲ့ပါတယ်။ 

ပါလက်စတိုင်းပိုင်နက် အနောက်ဖက်ကမ်းမှာ အစ္စရေးဟာ တရားမ၀င် ဂျူးအခြေချအိမ်ယာတွေ ကျူးကျော် တည်ဆောက်ထားသလို၊ စစ်ရေးဂိတ်တွေ ချထားကာ ပါလက်စတိုင်းတွေကို ဖိနှိပ်ညှင်းပမ်းမှုတွေ နှစ်ပေါင်းများစွာ လုပ်ဆောင်နေတာ ဖြစ်ပါတယ်။ 

Ref: Aljazeera