ဇွန် ၁၃၊ ၂၀၁၉
M-Media
-မြန်မာနိုင်ငံမှာ အန္တရာယ်ရှိတဲ့လုပ်တွေ လုပ်နေရတဲ့ ကလေးငယ်အရေအတွက်ဟာ ၆ သိန်းကျော် ရှိတယ်လို့ နိုင်ငံတကာ အလုပ်သမားရေးရာအဖွဲ့ ILO က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။
မြန်မာနိုင်ငံက လုပ်သားအင်အားကို လေ့လာဆန်းစစ်မှုတွေ ပြုလုပ်ခဲ့ပြီးတဲ့နောက် ILO ဟာ အင်္ဂါနေ့က ရန်ကုန်မှာ အခမ်းအနားတစ်ခု ပြုလုပ်ပြီး ရလဒ်တွေကို ထုတ်ပြန်ခဲ့ပါတယ်။
လေ့လာမှုအရ မြန်မာနိုင်ငံမှာ အသက် ၅ နှစ်ကနေ ၁၇ နှစ်အကြား ကလေးငယ် ၁.၁၃ သန်းဟာ အလုပ်လုပ်ကိုင်နေရပြီး ဒါဟာ နိုင်ငံမှာရှိတဲ့ ကလေးငယ်ဦးရေရဲ့ ၉.၃ ရာခိုင်နှုန်း ဖြစ်ပါတယ်။ အလုပ်လုပ်ကိုင်နေရတဲ့ ကလေးအရေအတွက်ရဲ့ ထက်ဝက်ကျော် ၆၁၆၈၁၅ ဦးကတာ့ ရုပ်ပိုင်း၊ စိတ်ပိုင်းနဲ့ အကျင့်စာရိတ္တပိုင်းဆိုင်ရာ ထိခိုက်စေနိုင်တဲ့ အန္တရာယ်ရှိ လုပ်ငန်းတွေမှာ လုပ်ကိုင်နေရတယ်လို့ ILO က ပြောပါတယ်။
အန္တရာယ်ရှိတဲ့ အလုပ်တွေကို လုပ်ကိုင်နေရတဲ့ ကလေးငယ်တွေထဲက ၂၄.၁ ရာခိုင်နှုန်းဟာ အသက် ၁၂ နှစ်ကနေ ၁၄ နှစ်အရွယ်တွေ ဖြစ်ပြီး ၇၄.၆ ရာခိုင်နှုန်းက အသက် ၁၅ နှစ်ကနေ ၁၇ နှစ်အရွယ်ဖြစ်ပါတယ်။ အသက် ၁၂ နှစ်ကနေ ၁၄ နှစ်အကြား ကလေးတွေရဲ့ တစ်နေ့အလုပ်ချိန်ဟာ အလွန်ကြာညောင်းတယ်လို့ ILO ရဲ့ အစီရင်ခံစာမှာ ဖော်ပြထားပါတယ်။
ကလေးငယ်တွေ အလုပ်လုပ်နေရတဲ့ အဓိက လုပ်ငန်းက စိုက်ပျိုးရေးလုပ်ငန်း(၆၀ ရာခိုင်နှုန်း)၊ ကုန်ထုတ်လုပ်ငန်း (၁၂ ရာခိုင်နှုန်း) တို့ ဖြစ်ကြပြီး ကားဝပ်ရှော့၊ လက်လီလက်ကား အရောင်းဆိုင်တွေနဲ့ အခြားလုပ်ငန်းတွေမှာလည်း လုပ်ကိုင်နေရပါတယ်။
စက်မှုလက်မှုနှင့် အလုပ်အကိုင်ဥပဒေများ လိုက်နာမှု ကြီးကြပ်ရေးဦးစီးဌာန ညွှန်ကြားရေးမှူး ဦးညွန့်ဝင်းက ကလေးလုပ်သား ပပျောက်ရေး ဆောင်ရွက်မှုဟာ စီးပွားရေး၊ လူနေမှုအဆင့်အတန်းနဲ့ ပညာရေးကဏ္ဍ ဖွံ့ဖြိုးတိုးတက်မှုအပေါ်မှာ မူတည်နေတယ်လို့ ပြောကြားခဲ့ပါတယ်။
“ပြည်တွင်း ပဋိပက္ခတွေ၊ ဆင်းရဲမွဲတေမှု၊ ပြောင်းရွှေအခြေချမှု၊ သဘာဝဘေး၊ စားနပ်ရိက္ခာ ရှားပါးမှု၊ ရာသီဥတု ပြောင်းလဲမှုကနေ ဖြစ်တဲ့ လူမှုစီးပွား ခက်ခဲကြပ်တည်းမှုတွေကြောင့် ကလေးငယ်တွေဟာ ကျောင်းထွက်ပြီး ကာယလုပ်သားတွေအဖြစ် လုပ်ရတဲ့ဘ၀ကို ရောက်သွားကြပါတယ်”
မြန်မာနိုင်ငံက ကလေးလုပ်သား တော်တော်များများဟာ တစ်ပတ်ကို ၄၄ နာရီကျော် အလုပ်လုပ်ကိုင်နေရတယ်လို့လည်း ညွှန်ကြားရေးမှူးက ပြောပါတယ်။
ILO ရဲ့ မှတ်တမ်းအရ ကမ္ဘ္ဘာတစ်ဝှမ်းမှာ ကလေးလုပ်သား ၁၅၂ သန်းလောက် ရှိနေပြီး ၇၃ သန်းဟာ အန္တရာယ်များတဲ့ အလုပ်အကိုင်တွေမှာ လုပ်ကိုင်နေရတယ်လို့ သိရပါတယ်။
ပဋိပက္ခတွေ ဖြစ်ပွားနေတဲ့ဒေသမှာ ကလေးလုပ်သားတွေကို ပုံမှန် တွေ့နေရတယ်လို့ ညွှန်ကြားရေးမှူး ဦးညွန့်ဝင်းက ထည့်သွင်း ပြောဆိုခဲ့ပါတယ်။
“အချို့ဒေသတွေမှာ ကျောင်းတွေ ပိတ်ထားရတယ်။ ဖခင်တွေက စစ်ပွဲထဲ ပါဝင်ရတယ်။ မိသားစုတွေကလည်း ဟိုပြေးဒီပြေး ဖြစ်နေတော့ ကလေးတွေက မိသားစုစားဝတ်နေရေးအတွက် လယ်လုပ်တာ၊ ထင်းကောက်တာ၊ ငါးဖမ်းတာတွေ လုပ်ဆောင်နေရပါတယ်”
ကုလသမဂ္ဂရဲ့ ကလေးသူငယ်များ အခွင့်အရေးဆိုင်ရာ သဘောတူညီချက်ကို မြန်မာနိုင်ငံက ၁၉၉၁ ခုနှစ်မှာ လက်မှတ်ရေးထိုးခဲ့ပြီး၊ ကလေးရောင်းချမှု၊ ကလေးသူငယ်တွေကို လိင်လုပ်သားအဖြစ် ခိုင်းစေမှုတွေကို တားမြစ်တဲ့ သဘောတူညီချက်ကိုတော့ ၂၀၁၂ ခုနှစ်မှာ လက်မှတ်ရေးထိုးခဲ့ပါတယ်။
၂၀၁၃ ခုနှစ်မှာ မြန်မာနိုင်ငံဟာ ILO ရဲ့ သဘောတူညီချက် အမှတ် ၁၈၂ ကို လက်မှတ်ရေးထိုးခဲ့ပြီး ဒီသဘောတူညီချက်ဟာ ကလေးငယ်တွေ အဆိုးဝါးဆုံး အခြေအနေမှာ အလုပ်လုပ်ကိုင်နေရမှုကို တိုက်ဖျက်ရေး ရည်ရွယ်တာ ဖြစ်ပါတယ်။
Ref: Irrawaddy
(ဧရာဝတီသတင်းဌာန အင်္ဂလိပ်ပိုင်းမှသတင်းကို ကောက်နှုတ်ဘာသာပြန်ဆိုပါသည်)
