ဇွန် ၁၂၊ ၂၀၁၉
M-Media
-ယီမင်က ဟူသီသူပုန်တွေ ပစ်လိုက်တဲ့ ဒုံးကျည်တစ်စင်းဟာ ဆော်ဒီအာရေဗျနိုင်ငံ အနောက်တောင်ပိုင်းက အဘ်ဟာလေဆိပ်ကို ကျရောက်ခဲ့ပြီး အနည်းဆုံး အရပ်သား ၂၆ ဦး ဒဏ်ရာရခဲ့တယ်လို့ ဆော်ဒီဦးဆောင်တဲ့ မဟာမိတ်အဖွဲ့က ဒီကနေ့မှာ သတင်းထုတ်ပြန်လိုက်ပါတယ်။
အဘ်ဟာလေဆိပ်ရဲ့ ဆိုက်ရောက်ခန်းမကို ဒုံးကျည်ကျရောက်ခဲ့တာဖြစ်ပြီး ထိခိုက်ဒဏ်ရာရသူတွေဟာ နိုင်ငံပေါင်းစုံက ဖြစ်တယ်လို့ ဆော်ဒီကထုတ်ပြန်တဲ့ ကြေငြာချက်မှာ ဖော်ပြထားပါတယ်။ ဒဏ်ရာရသူတွေထဲမှာ အမျိုးသမီးတွေနဲ့ ကလေးငယ်တွေလည်း ပါဝင်ပါတယ်။
ဘယ်ဒုံးကျည်အမျိုးအစားနဲ့ တိုက်ခိုက်ခဲ့တယ်ဆိုတာ ရှင်းရှင်းလင်းလင်း မသိရသေးဘဲ ဆော်ဒီဦးဆောင်တဲ့ မဟာမိတ်အဖွဲ့က ဒီတိုက်ခိုက်မှုကိုကြည့်ရင် ဟူသီတွေဟာ အီရန်ထံကနေ အဆင့်မြင့် လက်နက်တွေ ရနေတယ်ဆိုတာ ထင်ရှားတယ်လို့ ထည့်သွင်း ပြောကြားခဲ့ပါတယ်။
ဟူသီသူပုန်တွေရဲ့ Masirah TV က အဘ်ဟာလေဆိပ်ကို ခရုဇ်ဒုံးကျည်နဲ့ ပစ်ခတ်ခဲ့တာဖြစ်တယ်လို့ ဖော်ပြပါတယ်။
အီရန်က ကျောထောက်နောက်ခံပြုထားတဲ့ ဟူသီသူပုန်တွေဟာ သမ္မတ အဘ်ဒ် ရာဘူး မန်ဆူရ် အစိုးရကို တိုက်ခိုက်ကာ ယီမင်နိုင်ငံရဲ့ ဒေသတော်တော်များများကို သိမ်းပိုက်ထားနိုင်ပါတယ်။
ဆော်ဒီဦးနဲ့ ယူအေအီး ဦးဆောင်တဲ့ မဟာမိတ်အဖွဲ့က ၂၀၁၅ ခုနှစ် မတ်လကစလို့ ယီမင်ပြည်တွင်းစစ်ပွဲမှာ ပါဝင်ခဲ့ပြီး ယီမင်အစိုးရဖက်ကနေ တိုက်ခိုက်ပေးနေပါတယ်။
တနင်္လာနေ့ကလည်း ဟူသီတွေ လွှတ်လိုက်တဲ့ ဒရုန်းလေယာဉ်တွေကို ပစ်ချခဲ့ရတယ်လို့ ဆော်ဒီအာဏာပိုင်တွေက ထုတ်ပြန်ပါတယ်။ ဟူသီသူပုန်တွေဟာ ပြီးခဲ့တဲ့ နှစ်အနည်းငယ်ကစလို့ ဆော်ဒီက အရပ်ဖက်၊ စစ်ဖက် ပစ်မှတ်တွေကို ဒုံးကျည်တွေ၊ ဒရုန်းတွေနဲ့ မကြာခဏ တိုက်ခိုက်မှုတွေ လုပ်ဆောင်နေပြီး ယီမင်ကိစ္စကို ဆော်ဒီက ကြားဝင် စွက်ဖက်မှုကြောင့် ဖြစ်တယ်လို့ ပြောကြားထားပါတယ်။
Ref: Aljazeera
