မေ ၂၊ ၂၀၁၉
M-Media
– ပြည်ထောင်စု တရားသူကြီး ဒါတွတ် တန်ကူ မိုင်မွန် တူအန် မတ်ကို တရားသူကြီးချုပ်အဖြစ် မလေးရှားက ဒီကနေ့မှာ ခန့်အပ်လိုက်ပြီး မိုင်မွန်ဟာ မလေးရှားရဲ့ ပထမဆုံး အမျိုးသမီးတရားသူကြီးချုပ်အဖြစ် မှတ်တမ်းဝင်သွားခဲ့ပါတယ်။
ဝန်ကြီးချုပ်၊ စော်ဘွားများအဖွဲ့တို့ရဲ့ အကြံပြုချက်နဲ့ ဘုရင်မင်းမြတ်က မိုင်မွန်ကို ဒီရာထူး ပေးအပ်လိုက်တာဖြစ်တယ်လို့ ၀န်ကြီးချုပ်ရုံးကထုတ်ပြန်တဲ့ ကြေငြာချက်မှာ ဖော်ပြထားပြီး မေလ ၂ ရက် (ယနေ့) ကနေစတင် တာဝန်ထမ်းဆောင်ရမယ်လို့ ဆိုပါတယ်။
တရားသူကြီးချုပ်ဟောင်းဖြစ်တဲ့ တန်ဆရီ ရစ်ချက် မာလန်ဂျွန်ရဲ့ စွမ်းစွမ်းတမံ တာဝန်ထမ်းဆောင်မှုအတွက် ကျေးဇူးအထူးတင်ရှိတယ်လို့လည်း ၀န်ကြီးချုပ်ရုံးက ထုတ်ပြန်တဲ့ ကြေငြာချက်မှာ ဖော်ပြထားပါတယ်။ မာလန်ဂျွန်ဟာ တရားရေးနယ်ပယ်မှာ ၂၇ နှစ်တာ ကျင်လည်ခဲ့ပြီးနောက် အငြိမ်းစားယူသွားပြီ ဖြစပါတယ်။
မာလန်ဂျွန်ဟာ နိုင်ငံရဲ့ တရားသူကြီးချုပ်ရာထူးကို ရရှိခဲ့တဲ့ ပထမဆုံး ဆာဘားတိုင်းရင်းသား ဖြစ်ပါတယ်။ ပြီးခဲ့တဲ့နှစ် အောက်တိုဘာလက အသက် ၆၆ နှစ်ပြည့်တဲ့အချိန် သက်ပြည့်ပင်စင်ယူဖို့ စီစဉ်ခဲ့ပေမယ့် အခုနှစ် မေလအထိ နောက်ထပ် ၆ လ တာဝန်ပေးအပ်ခြင်း ခံခဲ့ရပါတယ်။
အသက် ၆၀ ရှိပြီဖြစ်တဲ့ မိုင်မွန်ဟာ ၂၀၀၆ ခုနှစ်က ကွာလာလမ်ပူ အထက်တရားရုံးမှာ ကော်မရှင်နာအဖြစ် စတင်တာဝန်ထမ်းဆောင်ခဲ့ပြီး ၂၀၀၇ ခုနှစ်မှာ အထက်တရားရုံး တရားသူကြီး၊ ၂၀၁၃ ခုနှစ်မှာ အယူခံတရားရုံး တရားသူကြီး၊ ၂၀၁၈ ခုနှစ်မှာ တရားရုံးချုပ် တရားသူကြီးအဖြစ် အဆင့်ဆင့် တာဝန်ထမ်းဆောင်ခဲ့သူ ဖြစ်ပါတယ်။
Ref: The Star
