Blog

ကျောင်းသူတစ်ဦးကို လိင်အမြတ်ထုတ်မီးရှို့သတ်ခဲ့သည့် ဘာသာရေးဆရာကို အရေးယူရန် ဘင်္ဂလားဒေ့ရ်ှပြည်သူများ တောင်းဆို

ဧပြီ ၁၉၊ ၂၀၁၉
M-Media

ဘင်္ဂလားဒေ့ရ်ှပြည်သူများ ဆန္ဒပြမှု

– မွတ်စလင်ဘာသာရေးဆရာတစ်ယောက်က ကျောင်းသူတစ်ဦးကို လိင်အမြတ်ထုတ်ခဲ့ပြီး ရဲတိုင်မှုအတွက် ရေနံဆီလောင်း မီးရှို့ခဲ့တဲ့ အဖြစ်အပျက်ကြောင့် ဘင်္ဂလားဒေ့ရ်ှပြည်သူတွေဟာ ပြင်းပြင်းထန်ထန် ကန့်ကွက်ဆန္ဒပြနေကြပြီး ၀န်ကြီးချုပ် ရှိခ်ဟာဆီနာကလည်း ဒီအမှုမှာ ပါဝင်သူအားလုံးကို အရေးယူသွားမယ်လို့ ကတိပြုခဲ့ပါတယ်။

အသက် ၁၉ နှစ်အရွယ် နူဆရတ် ဂျာဟန် ရာဖီဆိုသူ ကျောင်းသူလေးဟာ ပြီးခဲ့တဲ့တစ်ပတ်မှာ မီးရှို့ အသတ်ခံလိုက်ရတာ ဖြစ်ပါတယ်။ သူ့ကို အဓမ္မပြုကျင့်တဲ့ ဘာသာရေးဆရာက ရဲစခန်းမှာ အမှုဖွင့်ထားတာကို ရုပ်သိမ်းဖို့ ပြောတာကို သူမက လက်မခံတဲ့အတွက် ရေနံဆီလောင်းပြီး မီးရှို့ခံလိုက်ရတာ ဖြစ်ပါတယ်။ ဂျာဟန်ဟာ ခန္ဓာကိုယ်ရဲ့ ၈၀ ရာခိုင်နှုန်းလောက် မီးလောင်ခဲ့ပြီး အဲဒီဒဏ်ရာနဲ့ပဲ သေဆုံးသွားခဲ့ပါတယ်။

ဒီအဖြစ်အပျက်ဖြစ်ပွားပြီးနောက် ဘင်္ဂလားဒေ့ရ်ှနိုင်ငံတစ်ဝှမ်းက ပြည်သူတွေဟာ ကျူးလွန်တဲ့ ဘာသာရေးဆရာကို ထိထိရောက်ရောက် အရေးယူပေးဖို့ အကြီးအကျယ် ဆန္ဒပြ တောင်းဆိုခဲ့ပါတယ်။ ရဲတပ်ဖွဲ့က ဒီကိစ္စအတွက် လူ ၁၇ ဦးကို ဖမ်းဆီးထားပြီး အဲဒီထဲက တစ်ဦးက လိင်အမြတ်ထုတ်ခဲ့တဲ့ ကျောင်းအုပ်ဆရာက သူတို့ကို ခိုင်းတဲ့အတွက် ဂျာဟန်ကို မီးရှို့ခဲ့တာဖြစ်ကြောင်း ထွက်ဆိုခဲ့တယ်လို့ ဒီကနေ့မှာ သတင်းထုတ်ပြန်ပါတယ်။

ဘာသာရေးကျောင်းရဲ့ ကျောင်းအုပ်ဆရာက သူမကို လိင်အမြတ်ထုတ်ခဲ့မှုကို ဂျာဟန်က မတ်လနှောင်းပိုင်းမှာ ရဲစခန်းကို သွားတိုင်ခဲ့ပေမယ့် ရဲတွေက ဒါဟာ အသေးအဖွဲ့ကိစ္စလို့ ပြောကြားခဲ့ကြောင်း တိုင်ကြားမှုကို မှတ်တမ်းတင်ထားတဲ့ ဗီဒီယိုမှာ တွေ့ရပါတယ်။

ဘင်္ဂလားဒေ့ရ်ှရဲတပ်ဖွဲ့ တာဝန်ရှိသူ မိုဟာမက် အစ်က္ကဘားလ်က ဖမ်းဆီးထားသူ ၁၇ ဦးထဲမှာ ၅ ဦးဟာ ဂျာဟန်ကို တိုင်မှာ ပုဝါနဲ့ချည်နှောင်ကာ ရေနံဆီလောင်း မီးရှို့ခဲ့သူတွေဖြစ်တယ်လို့ ပြောကြားခဲ့ပါတယ်။

“ကိုယ့်ကိုယ်ကိုယ် မီးရှို့သတ်သေတယ်ဆိုတာမျိုးဖြစ်အောင် ဖန်တီးတာပါ။ ဒါပေမယ့် ချည်ထားတဲ့ပုဝါတွေ မီးလောင်ပြီး ဂျာဟန်က အပေါ်ထပ်ကနေ အောက်ထပ်ကို ထွက်ပြေးလာတာကြောင့် လူသိရှင်ကြား ဖြစ်ခဲ့တာဖြစ်ပါတယ်”

သေမှာကိုသိနေတဲ့ ဂျာဟန်ဟာ လူနာတင်ယာဉ်ပေါ်မှာ အဖြစ်အပျက်တွေကို အစ်ကိုဖြစ်သူရဲ့ ဖုန်းထဲမှာ အသံသွင်းပေးခဲ့ပါတယ်။

“ဆရာက ကျွန်မကို စော်ကားတယ်။ ဒီရာဇ၀တ်မှုကို သေတဲ့အချိန်အထိ ရင်ဆိုင်သွားမယ်” လို့ ဂျာဟန်က ပြောကြားခဲ့ပြီး ဒီကိစ္စမှာ ပါဝင်သူတစ်ချို့ရဲ့ အမည်တွေကိုလည်း ထုတ်ဖော်ပြောဆိုခဲ့ပါတယ်။

ဘာသာရေးဆရာက သူမကို ဘယ်လို လိင်ပိုင်းဆိုင်ရာ အမြတ်ထုတ်ခဲ့သလဲဆိုတာနဲ့ပတ်သက်ပြီး အသေးစိတ်ကိုလည်း ဂျာဟန်က သူမသူငယ်ချင်းရဲ့ မှတ်စုစာအုပ်မှာ ရေးသားခဲ့ပါတယ်။ ဂျာဟန်ရဲ့ မိသားစုက ဒီကိစ္စကို တိုင်ကြားခဲ့တဲ့ မတ်လနှောင်းပိုင်းကစလို့ သူတို့ဟာ ဘာသာရေးဆရာကို ထောက်ခံသူတွေရဲ့ ခြိမ်းခြောက်မှုကို ခံနေရတယ်လို့ ဖွင့်ဟ ပြောကြားခဲ့ပါတယ်။

ဆန့်ကျင်ဆန္ဒပြ

ဒီကိစ္စဟာ ဘင်္ဂလားဒေ့ရ်ှနိုင်ငံအတွင်းမှာသာ မကဘဲ ကမ္ဘာတစ်ဝှမ်းမှာလည်း အုပ်အော်သောင်းနင်း ဖြစ်ခဲ့ပါတယ်။ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက ကျူးလွန်သူတွေ တစ်ယောက်ကိုမှ အလွတ်မပေးဘူးလို့ ပြောကြားခဲ့ပါတယ။်

လူ့အခွင့်အရေးအဖွဲ့တွေက ဘင်္ဂလားဒေ့ရ်ှအာဏာပိုင်တွေဟာ ကျူးလွန်သူတွေကို အရေးယူဖို့ ပျက်ကွက်တာကြောင့် နိုင်ငံတစ်ဝှမ်း လိင်ပိုင်းဆိုင်ရာ စော်ကားမှုကိစ္စတွေ မြင့်တက်လာတယ်လို့ ပြောကြားထားပါတယ်။

ဘင်္ဂလားဒေ့ရ်ှပြည်သူတွေဟာ ဒီကိစ္စအတွက် ဆိုရှယ်မီဒီယာမှာရော၊ ပြင်ပမှာပါ ဆန့်ကျင်ကန့်ကွက်မှုတွေ၊ ဆန္ဒပြမှုတွေ ပြုလုပ်ခဲ့ကြပါတယ်။

Ref: Aljazeera

April 19, 2019
ရည်မှန်းချက်ကြီးသည့် အာကာသစီမံကိန်းတွင် ပူးပေါင်းပါဝင်ရင် တရုတ်က ကမ္ဘာကို ဖိတ်ခေါ်

ဧပြီ ၁၉၊ ၂၀၁၉
M-Media

တရုတ် အာကာသလွှတ်တင်မှုတစ်ခု

– ကမ္ဘာဂြိုဟ်ရှိရာ နေအဖွဲ့အစည်းအတွင်းမှာရှိတဲ့ ဂြိုဟ်သိမ်ဂြိုဟ်မွှားတွေကို စူးစမ်းလေ့လာမယ့် ရည်မှန်းချက်ကြီးမားတဲ့ အာကာသစီမံကိန်းတစ်ခုကို တရုတ်က ထုတ်ပြန်ကြေငြာလိုက်ပြီး စီမံကိန်းမှာ ပူးပေါင်းပါဝင်ဖို့ တရုတ်အာကာသအေဂျင်စီက မနေ့မှာ ကမ္ဘာ့နိုင်ငံတွေကို ဖိတ်ခေါ်လိုက်ပါတယ်။

စီမံကိန်းရဲ့ အချိန်သတ်မှတ်ချက်ဟာ ၁၀ နှစ်ဖြစ်ပြီး ကမ္ဘာနဲ့နီးတဲ့ ဂြိုဟ်သိမ် 2016 HO3 ကို သွားရောက်စူးစမ်းမယ့် ခရီးစဉ် ဖြစ်တယ်လို့ တရုတ်အာကာသအေဂျင်စီ Exploration and Space Engineering Centre ရဲ့ အကြီးအကဲ လျူဇီကျုံးက ပြောပါတယ်။ စူးစမ်းလေ့လာမှု ပြုလုပ်ပြီးတဲ့နောက် အာကာသယာဉ်ရဲ့တစ်ပိုင်းဟာ ကမ္ဘာမြေကို နမူနာတွေနဲ့အတူ ပြန်လာမှာဖြစ်ပြီး နောက်တစ်ပိုင်းကတော့ ကြယ်တံခွန် 133P ကို သွားရောက် စူစမ်းမှာ ဖြစ်ပါတယ်။ ကြယ်တံခွန်လေ့လာရေးအတွက် အချိန်သတ်မှတ်ထားခြင်း မရှိပါဘူး။

တရုတ်ဟာ Chang’e-6 အာကာသယာဉ်နဲ့ လကို စူးစမ်းလေ့လာမယ့် စီမံကိန်းကိုလည်း ထုတ်ပြန်ကြေငြာခဲ့ပြီး အခုနှစ် နှောင်းပိုင်းမှာ လွှတင်မယ့် Chang’e-5 ဂြိုဟ်တုရဲ့ အောင်မြင်မှုကို အခြေခံကာ Chang’e-6 အာကာယာဉ် လွှတ်တင်မယ့် ရက်အတိအကျကို ကြေငြာမှာ ဖြစ်ပါတယ်။ ပြင်သစ် အာကာသအေဂျင်စီဖြစ်တဲ့ National Centre for Space Studies က Chang’e-6 အာကာသယာဉ်မှာ ပြင်သစ် အာကာသယာဉ်မှူးတွေ လိုက်ပါမယ်လို့ ပြီးခဲ့တဲ့လမှာ ပြောကြားခဲ့ပါတယ်။ Chang’e-5 အာကာသယာဉ်ကို ၂၀၁၇ ခုနှစ်ကတည်းက လွှတ်တင်ဖို့ စီစဉ်ထားခဲ့ပေမယ့် မအောင်မြင်ခဲ့ပါဘူး။

တရုတ်ဟာ လပေါ်မှာ စူးစမ်းလေ့လာမယ့် အခြားစီမံကိန်းနှစ်ခုလည်း ရှိနေပြီး ရည်ရွယ်ချက်က လမှာ စူးစမ်းလေ့လာရေးစင်တာတစ်ခု တည်ဆောက်ဖို့ ဖြစ်ပါတယ်။ စစ်ဖက်၊ အရပ်ဖက် အာကာသစီမံကိန်းတွေမှာ တရုတ်ဟာ ရုရှားနဲ့ ဂျပန်တို့ထက် ငွေကြေးပိုမိုသုံးစွဲနေပြီး အမေရိကန်ပြီးတဲ့နောက် အာကာသစီမံကိန်းမှာ ရင်းနှီးမြှုပ်နှံမှုအများဆုံးနိုင်ငံ ဖြစ်လာပါတယ်။

အခုနှစ် ဇန်န၀ါရီ ၄ ရက်နေ့မှာ တရုတ်ဟာ အာကာသသမိုင်းမှာ မှတ်တိုင်တစ်ခု စိုက်ထူနိုင်ခဲ့ပြီး လရဲ့အမှောက်ဖက်ခြမ်းကို စူးစမ်းလေ့လာရေးယာဉ် ပထမဆုံး ပို့ဆောင်နိုင်တဲ့နိုင်ငံ ဖြစ်လာပါတယ်။

Ref: CNA

April 19, 2019
ရေဘေးသင့် အီရန်ပြည်သူများအတွက် ဆော်ဒီနှင့် ယူအေအီးတို့က အကူအညီများ ပေးပို့

ဧပြီ ၁၉၊ ၂၀၁၉
M-Media

အီရန်တွင် ရေကြီးမှုမြင်ကွင်း

– ပြီးခဲ့တဲ့သီတင်းပတ်တွေအတွင်း အီရန်နိုင်ငံမှာ အကြီးအကျယ် ရေကြီးရေလျှံမှုကြောင့် အတိဒုက္ခရောက်နေတဲ့ ပြည်သူတွေအတွက် ဆော်ဒီနဲ့ ယူအေအီးနိုင်ငံတွေက အကူအညီတွေ ပေးပို့တယ်လို့ သိရပါတယ်။

ဆော်ဒီကပို့တဲ့ အကူအညီ ၉၅ တန်မှာ အစားအသောက်နဲ့ နေထိုင်စရာ ပစ္စည်းတွေ ပါဝင်ပြီး ဆော်ဒီဘုရင် ဆလ်မန်၊ အိမ်ရှေ့မင်းသား မိုဟာမက် ဘင် ဆလ်မန်တို့ရဲ့ ညွှန်ကြားချက်နဲ့ ဆော်ဒီလခြမ်းနီအဖွဲ့က ပေးပို့ခဲ့တာဖြစ်ပါတယ်။

ယူအေအီး အာဏာပိုင်တွေကလည်း အီရန်က ရေကြီးရေလျှံတဲ့ဒေသတွေက ကူညီကယ်ဆယ်ရေးလုပ်ငန်းမှာ ယူအေအီး လခြမ်းနီအဖွဲ့ ပါဝင်ဆောင်ရွက်နေတယ်လို့ သတင်းထုတ်ပြန်ထားပါတယ်။ အီရန်ကတော့ ဒီသတင်းတွေအတွက် ထုတ်ပြန်ပြောကြားခြင်း မရှိသေးပါဘူး။

အီရန်နိုင်ငံတစ်ဝှမ်းမှာ မတ်လ ၁၉ ရက်နေ့ကစလို့ မိုးသည်းထန်စွာရွာသွန်းပြီး ရေကြီးရေလျှံမှုတွေ ဖြစ်ပေါ်ခဲ့တာကြောင့် အနည်းဆုံး ၇၆ ဦးသေဆုံးကာ ထောင်သောင်းချီ အိုးမဲ့အိမ်မဲ့ ဖြစ်ခဲ့ရပါတယ်။ လက်ရှိအချိန်အထိ ရေကြီးမှုကြောင့် ဆုံးရှုံးမှုတန်ဖိုးဟာ ကန်ဒေါ်လာ ၂.၅ ဘီလီယံ ရှိလာခဲ့ပြီဖြစ်ပါတယ်။

အီရန်အစိုးရက အမေရိကန်ရဲ့ ပိတ်ဆို့မှုတွေကြောင့် ကူညီကယ်ဆယ်ရေးလုပ်ငန်းမှာ အခက်အခဲတွေ ရှိနေတယ်လို့ ပြောကြားထားပြီး အီရန်အဓိပတိ ရူဟာနီက နိုင်ငံပြင်ပက အလှူငွေတွေကို လက်ခံနိုင်ရေး အမေရိကန်အနေနဲ့ ဘဏ်လုပ်ငန်းဆိုင်ရာ ပိတ်ဆို့မှုတွေကို တစ်နှစ်လောက် ရပ်ဆိုင်းပေးသင့်တယ်လို့ ဗုဒ္ဓဟူးနေ့မှာ ပြောကြားခဲ့ပါတယ်။

လက်ရှိမှာ အီရန်ဟာ ပါကစ္စတန်၊ ကူဝိတ်၊ ဂျာမနီ၊ ပြင်သစ်နဲ့ ဂျပန်တို့အပါအ၀င် နိုင်ငံတော်တော်များများက အကူအညီတွေကို လက်ခံရရှိထားပါတယ်။ ဆော်ဒီနဲ့ ယူအေအီးတို့ဟာ အီရန်ရဲ့ အဓိက ရန်ဖက်တွေဖြစ်ပြီး အရှေ့အလယ်ပိုင်း ဒေသတွင်း ပဋိပက္ခတွေမှာလည်း ဆန့်ကျင်ဖက်အုပ်စုတွေဖက်ကနေ ပါဝင်နေကြတာ ဖြစ်ပါတယ်။

ဆော်ဒီမှာ ထိပ်တန်း ရှီအာဘာသာရေးခေါင်းဆောင်တစ်ဦးကို ကွပ်မျက်ခဲ့တာကို မကျေနပ်တဲ့အတွက် အီရန်ပြည်သူတွေ ဆန္ဒပြခဲ့ပြီး ဆော်ဒီသံရုံးကို မီးရှို့ခဲ့တာကြောင့် ၂၀၁၆ ခုနှစ်မှာ ဆော်ဒီဟာ အီရန်နဲ့ သံအဆက်အသွယ် ဖြတ်တောက်ခဲ့ပါတယ်။

Ref: Aljazeera

April 19, 2019
အကြမ်းဖက်ဝါဒကြောင့် ပျက်စီးခဲ့ရသည့် မြို့များအကြောင်း ဆော်ဒီတွင် ပြသ

ဧပြီ ၁၉၊ ၂၀၁၉
M-Media

ပြပွဲမှ ပြခန်းတစ်ခု

– အကြမ်းဖက်ဝါဒ၊ အစွန်းရောက်ဝါဒတွေကြောင့် ပျက်ဆီးသွားတဲ့ မြို့တွေရဲ့ လက်ရှိပုံရိပ်တွေ၊ ဖျက်ဆီးမခံရခင် မူရင်းပုံစံတွေကို နည်းပညာအသုံးပြု ပြသတဲ့ ပြပွဲတစ်ခုကို ဆော်ဒီအာရေဗျနိုင်ငံမြို့တော် ရီယာ့ဒ်နိုင်ငံမှာ ဖွင့်လှစ်ခဲ့ပြီး သမိုင်းကို သင်ခန်းစာယူနိုင်ဖို့ ဖြစ်ပါတယ်။

Cities Destroyed by Terrorism (အကြမ်းဖက်ဝါဒကြောင့် ပျက်ဆီးသွားသည့် မြို့ကြီးများ) ဆိုတဲ့ အဲဒီပြပွဲကို ဗုဒ္ဓဟူးနေ့က ဆော်ဒီအမျိုးသားပြတိုက်မှာ
ပြသခဲ့တာဖြစ်ပြီး ဆော်ဒီယဉ်ကျေးမှုဝန်ကြီးဌာနနဲ့ ပြင်သစ်က Arab World Institute အဖွဲ့တို့က ပူးပေါင်းစီစဉ်တာ ဖြစ်ပါတယ်။ ပြပွဲကို မေလ ၁၈ ရက်နေ့အထိ ပြသသွားမှာဖြစ်ပြီး ညနေ ၄ နာရီကနေ ည ၁၀ နာရီအတွင်း ၀င်ရောက်ကြည့်ရှုနိုင်မှာ ဖြစ်ပါတယ်။

ပြပွဲမှာ အကြမ်းဖက်အဖွဲ့တွေ၊ အစွန်းရောက်အဖွဲ့တွေကြောင့် ပျက်ဆီးသွားတဲ့မြို့တွေ၊ ဒီအဖွဲ့တွေရဲ့ ခြိမ်းခြောက်မှုကို ခံနေရတဲ့မြို့တွေ၊ သမိုင်းဝင်နေရာတွေ၊ ယဉ်ကျေးမှုနေရာတွေကို virtual reality နည်းပညာနဲ့ ပြသထားပါတယ်။ ဒါဟာ အာရပ်ဒေသရဲ့ သမိုင်းဝင်နေရာတွေကို ထိန်းသိမ်းဖို့၊ ခြိမ်းခြောက်မှုတွေကို ကာကွယ်ဖို့ ပြည်သူလူထုကို သတင်းစကားပေးဖို့ ဖြစ်တယ်လို့ ပွဲစီစဉ်သူတွေက ပြောကြားခဲ့ပါတယ်။

ပြပွဲကို အီရန်ဝန်ကြီးချုပ် အဘ်ဒူလ် မဟ်ဒီအပါအ၀င် နိုင်ငံခြားတိုင်းပြည်တွေက သံတမန်တွေ၊ တတ်သိပညာရှင်တွေ၊ ဆော်ဒီအစိုးရ တာဝန်ရှိသူတွေ တက်ရောက်ခဲ့ပါတယ်။

IS အကြမ်းဖက်အဖွဲ့လက်အောက် ကျရောက်ခဲ့ပြီး ဖျက်ဆီးခံခဲ့ရ အီရတ်နိုင်ငံက မူဆိုးလ်မြို့နဲ့ နိုင်နီဗာဟ်ဒေသ၊ ဆီးရီးယားက အဲလစ်ပိုနဲ့ ပါလ်မိုင်ရာ ဒေသတွေရဲ့ ဓာတ်ပုံတွေ၊ ဗီဒီယိုတွေကိုလည်း ပြသထားပါတယ်။ ဒါ့အပြင် အဲဒီမြို့တွေ ဖျက်ဆီးမခံရခင်က အခြေအနေတွေကိုလည်း နောက်ဆုံးပေါ် ဒစ်ဂျစ်တယ်နည်းပညာကို အသုံးပြုပြီး ပြသထားပါတယ်။

“ဒီလိုအခြေအနေမျိုးဟာ သူတို့အတွက် အန္တရာယ်များတဲ့ အခြေအနေမျိုးပါ။ ဒါပေမယ့် ဒီနေရာတွေ ဖျက်ဆီးမခံရခင်နဲ့ ဖျက်ဆီးခံရပြီး နောက်ပိုင်းက အခြေအနေတွေကို သိရှိဖို့တော့ အရေးကြီးပါတယ်။ မူဆိုးလ်လို့ မြို့က ဗိသုကာလက်ရာတွေ၊ သမိုင်းအမွေအနှစ်တွေလို အမှတ်တရတွေကို ကမ္ဘာကြီးကို ပြသတာလည်း ဖြစ်ပါတယ်။ ဒါတွေဟာ အာရပ်ဒေသတစ်ခုတည်းရဲ့ အမွေအနှစ်မဟုတ်ဘဲ ကမ္ဘာ့လူသားတိုင်းရဲ့ အမွေအနှစ်ပါ။ ဒါကိုနားလည်ဖို့ အရေးကြီးပါတယ်” လို့ ပြပွဲကို စီစဉ်သူ အော်ရယ်လီ ကလီမန်တီ ရူအစ်ဇ်က ပြောကြားခဲ့ပါတယ်။

Ref: Arab News

April 19, 2019
မဲဝယ်မည့်ငွေများတွေ့၍ အိန္ဒိယတောင်ပိုင်း ဒေသတစ်ခုတွင် ရွေးကောက်ပွဲ ဖျက်သိမ်း

ဧပြီ ၁၇၊ ၂၀၁၉
M-Media

– မဲဝယ်ရာမှာ အသုံးပြုတယ်လို့ ယူဆရတဲ့ ရူပီး သန်း ၁၁၀ ကျော်ကို သိမ်းဆည်းရမိခဲ့ပြီးတဲ့နောက် အိန္ဒိယနိုင်ငံတောင်ပိုင်း ဒေသတစ်ခုမှာ စီစဉ်ထားတဲ့ ရွေးကောက်ပွဲကို အာဏာပိုင်တွေက ဒီကနေ့မှာ ဖျက်သိမ်းလိုက်ပါတယ်။

တမီလ်နာဒူးပြည်နယ်က ဗဲလ်လိုရီဆိုတဲ့ မဲဆန္ဒနယ်မှာ ၀င်ရောက်ယှဉ်ပြိုင်မယ့် ကိုယ်စားလှယ်လောင်းတစ်ဦးရဲ့အိမ်မှာ ဒီငွေတွေကို တွေ့ရှိခဲ့တာ ဖြစ်ပါတယ်။ အာဏာပိုင်တွေက မဲဆန္ဒရှင်တွေအပေါ် လွှမ်းမိုးဖို့ အသုံးပြုမယ့်ငွေတွေကို ပြောကြားခဲ့ကြပါတယ်။ မဲဝယ်ဖို့ကြိုးစားမှုနဲ့ ဆက်စပ်ပြီး အထွေထွေရွေးကောက်ပွဲကို ဖျက်သိမ်းရတာဟာ အိန္ဒိယနိုင်ငံသမိုင်းမှာ ဒီတစ်ကြိမ် ပထမဆုံး ဖြစ်ပါတယ်။

အိန္ဒိယဟာ အထွေထွေရွေးကောက်ပွဲကို ဧပြီလ ၁၁ ရက်နေ့က စတင်ကျင်းပခဲ့ပြီး မေလ ၂၃ နေ့မှာ ပြီးဆုံးမှာ ဖြစ်ပါတယ်။ မဲပေးသူ သန်း ၉၀၀ လောက်ရှိတာကြောင့် ရွေးကောက်ပွဲကို ၇ ကြိမ်ခွဲကာ ကျင်းပတာဖြစ်ပါတယ်။

အိန္ဒိယ ရွေးကောက်ပွဲ ကော်မရှင်က ဗဲလ်လိုရီမဲဆန္ဒနယ်က အခြေအနေဟာ လွတ်လပ်ပြီး မျှတတဲ့ ရွေးကောက်ပွဲဖြစ်စေမယ့် အနေအထားမျိုး မဟုတ်တော့ဘူးလို့ ယူဆကြောင်း မနေ့က ညနေ့ပိုင်းမှာ သတင်းထုတ်ပြန်ခဲ့ပါတယ်။ ဒါပေမယ့် လက်ရှိ ရပ်ဆိုင်းခဲ့တဲ့ ရွေးကောက်ပွဲကို ဘယ်တော့ ပြန်လည်ကျင်းပမယ်ဆိုတာကို ကော်မရှင်က ပြောကြားခဲ့ခြင်း မရှိပါဘူး။

ရွေးကောက်ပွဲမှာ မဲထည့်ရင် ငွေသား၊ အရက်၊ လျှပ်စစ်ပစ္စည်းတွေ၊ ဆိတ်တွေပေးမယ်လို့ မဲဆွယ်မှုတွေ တမီလ်နာဒူးပြည်နယ်မှာရှိနေတယ်လို့ သတင်းထွက်နေတာပါ။ ရွေးကောက်ပွဲ ကျင်းပမယ့်ရက်ကို မတ်လ ၁၀ ရက်နေ့က ကြေငြာပြီးနောက်ပိုင်း တမီလ်နာဒူးပြည်နယ်အတွင်း မဲဝယ်ဖို့ အသုံးပြုမယ့် ရူပီး ၃ ဘီလီယံတန် ရွှေတစ်တန်၊ ငွေသား ရူပီး ၁.၃ ဘီလီယံကို အာဏာပိုင်တွေက သိမ်းဆည်းခဲ့ပါတယ်။

နိုင်ငံအရှေ့မြောက်ပိုင်း ထရီပူရာပြည်နယ်မှာလည်း လုံခြုံရေးစိုးရိမ်ရမှုကြောင့် ရွေးကောက်ပွဲ ကျင်းပမယ့်ရက်ကို ၅ ရက် နောက်ရွှေ့ခဲ့ပါတယ်။

Ref : CNA

April 17, 2019