ဖေဖော်ဝါရီ ၂၀၊ ၂၀၁၉
M-Media
ဆော်ဒီအိမ်ရှေ့မင်းသား မိုဟာမက် ဘင် ဆလ်မန်နှင့် ထရမ့်
– ဆော်ဒီမှာ နျူဓာတ်အားပေးစက်ရုံ ဆောက်လုပ်ရေးအတွက် အဆင့်မြင့် နျူနည်းပညာတွေ လွှဲပြောင်းပေးဖို့ ထရမ့်အစိုးရက တက်သုတ်ရိုက် ဆောင်ရွက်နေမှုအပေါ် စိုးရိမ်မိတယ်လို့ ကျွမ်းကျင်သူတွေက သုံးသပ်ထားကြောင်း အမေရိကန်လွှတ်တော် ကော်မတီတစ်ရပ်က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။
ဆော်ဒီကို ဒီလိုနည်းပညာတွေပေးလိုက်ရင် အနာဂတ်မှာ နျူလက်နက် ထုတ်လုပ်လာနိုင်ဖွယ်ရှိတာကြောင့် အရှေ့အလယ်ပိုင်းမှာ လက်နက်ပြိုင်ပွဲ ဖြစ်လာနိုင်တာကို စိုးရိမ်နေကြတာ ဖြစ်ပါတယ်။
အမေရိကန်လွှတ်တော် House Oversight and Reform ကော်မတီက သုံးသပ်ပြီး ထုတ်ပြန်ထားတဲ့ အစီရင်ခံစာမှာ ဆော်ဒီမှာ ဆောက်လုပ်ဖို့ရှိနေတဲ့ နျူဓာတ်အားပေးစက်ရုံတွေအတွက် အမေရိကန်က အတိမ်းအစောင်းမခံတဲ့ နျူနည်းပညာတွေကို လွှဲပြောင်းပေးရေး လျင်လျင်မြန်မြန် လုပ်ဆောင်နေတာကို စိုးရိမ်ကြောင်း ဒီကိစ္စနဲ့ နီးစပ်သူတွေက ဖွင့်ဟထားသလို၊ လွှတ်တော်အမတ်တွေကလည်း အိမ်ရှေ့မင်းသား မိုဟာမက် ဘင် ဆလ်မန် ဦးဆောင်တဲ့ ဆော်ဒီခေါင်းဆောင်ပိုင်း တည်ငြိမ်းမှုရှိပါ့မလားဆိုတဲ့ စိုးရိမ်မှုတွေကိုလည်း အစီရင်ခံစာမှာ တွေ့ရပါတယ်။
ဆော်ဒီနဲ့ အခြား အာရပ်နိုင်ငံတွေမှာ နျူဓာတ်အားပေးစက်ရုံတွေဆောက်မယ့် စီမံကိန်းကို လုပ်ကိုင်ခွင့်ရရှိရေး အမေရိကန်သမ္မတ ဒေါ်နယ်ထရမ့်ထံ ချဉ်းကပ်နေတဲ့ကုမ္ပဏီတွေကိစ္စကိုလည်း ကော်မတီက စုံစမ်းစစ်ဆေးမှုတွေ ပြုလုပ်နေပါတယ်။
ရွေးကောက်ပွဲ ကာလတွေနဲ့ နောက်ပိုင်းမှာ ထရမ့်ကို လော်ဘီလုပ်ပေးခဲ့တဲ့ နျူလုပ်ငန်းအုပ်စု IP3 က လက်ရှိမှာ ဒီစီမံကိန်း ရရှိရေး အမေရိကန်အစိုးရကို ချဉ်းကပ်နေပြီး ထရမ့်ကလည်း ဖေဖော်ဝါရီ ၁၂ ရက်နေ့က IP3 ကုမ္ပဏီ တာဝန်ရှိသူတွေနဲ့ တွေ့ဆုံခဲ့ပါတယ်။
House Oversight and Reform ကော်မတီ ဥက္ကဌ ဒီမိုကရက်တစ် လွှတ်တော်အမတ် အလီဂျာ ကန်မင်းက IP3 ကုမ္ပဏီနဲ့ ဆွေးနွေးထားတဲ့ အီးမေးလ်တွေ၊ စာရွက်စာတမ်းတွေကို ပေးပို့ဖို့ အိမ်ဖြူတော်ကို တောင်းဆိုထားပါတယ်။
ဆော်ဒီကို နျူနည်းပညာ လွှဲပြောင်းရေး ဆောင်ရွက်ရာမှာ အိမ်ဖြူတော်ဟာ မလျော်ကန်တဲ့ အလုပ်တွေကို လုပ်နေပြီး ဒီကိစ္စကို ရပ်တန့်ဖို့ အကြီးတန်းအကြံပေးတွေရဲ့ ညွှန်ကြားချက်တွေကို လစ်လျူရှုနေတယ်လို့လည်း နီးစပ်သူတွေက ပြောပါတယ်။
အမေရိကန်ဥပဒေအရ ဆော်ဒီကို နျူစွမ်းအင်နည်းပညာ ရောင်းမယ်ဆိုရင် လွှတ်တော်ရဲ့ ကြိုတင်သဘောတူညီချက် ရယူရပါတယ်။
ထရမ့်အစိုးရဟာ ဘဏ္ဍာရေးနဲ့ အီရန်ကို ရင်ဆိုင်ရေး ကိစ္စတွေကြောင့် ဆော်ဒီကို မျက်နှာသာပေးနေတာဖြစ်ပြီး ဆော်ဒီဟာ နျူစွမ်းအင် မလိုအပ်သေးကြောင်း၊ နျူနည်းပညာ လွှဲပြောင်းပေးလိုက်မယ်ဆိုရင် ရပ်ဆိုင်းထားတဲ့ အီရန်ရဲ့ နျူအစီအစဉ် ပြန်စဖို့ တွန်းအားပေးလို ဖြစ်သွားနိုင်ကြောင်း ထောက်ပြမှုတွေလည်း ရှိနေပါတယ်။
အီရန်ဟာ အင်အားကြီး ၆ နိုင်ငံနဲ့ ၂၀၁၅ ခုနှစ်မှာ နျူသဘောတူညီချက်တစ်ခုကို လက်မှတ်ရေးထိုးနိုင်ခဲ့ပေမယ့် ထရမ့်က အီရန်ဟာ သဘောတူညီချက်ကို မလိုက်နာဘူးလို့ စွပ်စွဲကာ ၂၀၁၈ ခုနှစ် မေလက စာချုပ်ကနေ နှုတ်ထွက်ခဲ့ပါတယ်။
Ref: Aljazeera
