Blog

ဖေဖော်ဝါရီ ၁၇၊ ၂၀၁၉
M-Media

– ဂျပန်နိုင်ငံမှာ ဆယ်စုနှစ်ပေါင်းများစွာ ခွဲခြားဆက်ဆံခံခဲ့ရတဲ့ အိုင်နူ (Ainu) လူမျိုးတွေကို တရားဝင်အသိအမှတ်ပြုကာ အခွင့်အရေးတွေပေးမယ့် ဥပေဒမူကြမ်းတစ်ခုကို ဂျပန်အစိုးရက အတည်ပြုလိုက်ပြီး၊ တန်းတူညီမျှဝါဒ အောင်မြင်ရေးအတွက် ပထမခြေလှမ်းအဖြစ် တက်ကြွလှုပ်ရှားသူတွေက ယူဆနေကြပါတယ်။

ဟိုကိုင်းဒိုးကျွန်းမှာ နေထိုင်တဲ့ အိုင်နူလူမျိုးစုတွေဟာ အမဲလိုက်၊ ငါဖမ်း အသက်မွေးဝမ်းကြောင်းကို လုပ်ကိုင်ကြပြီး အစိုးရရဲ့ ဂျပန်လူမျိုးတစ်မျိုးတည်းဝါဒအောက်မှာ ဆယ်စုနှစ်များစွာ ခွဲခြားဆက်ဆံ ခံခဲ့ရတာကြောင့် ကိုယ်ပိုင်ယဉ်ကျေးမှု ဓလေ့ထုံးတမ်းတွေ ပပျောက်လုနီးနီး ဖြစ်နေပါတယ်။

လက်ရှိအချိန်မှာ ဒီလိုခွဲခြားဆက်ဆံမှုတွေ တစ်ဖြည်းဖြည်း နည်းလာခဲ့ပေမယ့် ၀င်ငွေ၊ ပညာရေးအဆင့်အတန်းတွေမှာ ဂျပန်က အခြားလူ့အဖွဲ့အစည်းတွေနဲ့ ကွာဟချက် တော်တော်လေး ကြီးမားနေပါတယ်။

“အိုင်နူလူမျိုးတွေရဲ့ ဂုဏ်သိက္ခာကို ကာကွယ်ဖို့၊ မတူကွဲပြားတဲ့ တန်ဖိုးတွေကို အသိအမှတ်ပြုတဲ့ ညီညွတ်တဲ့လူ့အဖွဲ့အစည်းဝါဒ နောက်မျိုးဆက်ကို လက်ဆင့်ကမ်းဖို့ အရေးကြီးပါတယ်။ အိုင်နူလူမျိုးတွေရဲ့ ဂုဏ်သိက္ခာကို ကာကွယ်ထိန်းသိမ်းပေးမယ့် ပေါ်လစီမူကြမ်းကို ဒီကနေ့ အစိုးရအဖွဲ့က သဘောတူလိုက်ပါတယ်” လို့ ဂျပန်အစိုးရ ပြောရေးဆိုခွင့်ရှိသူ ယိုရှီဟီဒီ ဆူဂါက သောကြာနေ့မှာ သတင်းထောက်တွေကို ပြောကြားခဲ့ပါတယ်။

အိုင်နူလူမျိုးတွေကို ပထမဆုံး အသိအမှတ်ပြုမယ့် အဲဒီမူကြမ်းမှာ သူတို့လူ့အဖွဲ့အစည်းကို ထောက်ပံ့ဖို့၊ သူတို့ဒေသ စီးပွားရေး ကောင်းမွန်အောင် ဆောင်ရွက်ပေးဖို့၊ ခရီးသွားလုပ်ငန်း တိုးတက်အောင် ဆောင်ရွက်ပေးဖို့ စတဲ့ ပေါ်လစီတွေ ချမှတ်နိုင်ရေး တိုက်တွန်းအားပေးထားပါတယ်။

၁၉ ရာစုနှောင်းပိုင်းမှာ ခေတ်သစ်ဂျပန်အစိုးရဟာ အိုင်နူတွေရဲ့ဒေသကို ဂျပန်နိုင်ငံထဲ သွတ်သွင်းခဲ့ပြီး သူတို့ရဲ့ ဓလေ့ထုံးတမ်း၊ ဘာသာစကားတွေ အသုံးပြုမှုကို တားမြစ် ပိတ်ပင်ခဲ့ပါတယ်။

အိုင်နူတွေဟာ နတ်ကိုးကွယ်သူတွေဖြစ်ပြီး အမျိုးသားတွေက မုတ်ဆိတ်ထားကာ၊ အမျိုးသမီးတွေက လက်မထပ်ခင် မျက်နှာမှာ မင်ကြောင်ထိုးလေ့ ရှိပါတယ်။

၂၀၁၇ ခုနှစ် စစ်တမ်းအရ ဂျပန်နိုင်ငံမှ အိုင်နူလူမျိုး စုစုပေါင်း ၁၂၃၀၀ လောက်သာ ရှိတယ်လို့ တွေ့ရပေမယ့် တိုင်းပြည်ရဲ့ အဓိက လူ့အဖွဲ့အစည်းထဲကို ၀င်ရောက်သွားတာ၊ တစ်ချို့တွေဟာ ရိုးရာနဲ့ အဆက်ပြတ်သွားတာတွေရှိတာကြောင့် အမှန်တကယ် အရေအတွက်ဟာ ဒီထက်ပိုများနိုင်မယ်လို့ သုံးသပ်မှုတွေ ရှိပါတယ်။

၂၀၀၀ ပြည့်နှစ်အစောပိုင်း စစ်တမ်းတွေရ အိုင်နူလူမျိုးအရေအတွက် ၂၅၀၀၀ လောက် ရှိတယ်လို့ ဆိုပါတယ်။

ဂျပန်အစိုးရရဲ့ ဒီဆောင်ရွက်ချက်ကို အိုင်နူလူမျိုးတွေက ကြိုဆိုကြပါတယ်။

“ဥပဒေအောက်မှာ အားလုံး တန်းတူညီမျှဖြစ်ဖို့ ဒါဟာ ပထမခြေလှမ်းပါ။ လုပ်စရာတွေအများကြီး ရှိနေပါတယ်။ ဥပမာအားဖြင့် ကလေးတွေကို ကျောင်းပို့ဖို့ ရုန်းကနေရတဲ့ မိသားစုတွေကို ပညာသာဆုပေးတာမျိုးပါ” လို့ တိုကျိုအခြေစိုက် အိုင်နူအရေးလှုပ်ရှားသူ မီကီကို မာရူကိုက ပြောကြားခဲ့ပါတယ်။

ဥပဒေအသစ်အရ အိုင်နူလူမျိုးတွေ ရိုးရာပွဲတော် ကျင်းပနိုင်ရေးအတွက် အစိုးရက သစ်ပင်ခုတ်ခွင့်ပေးဖို့လည်း ပါဝင်ပါတယ်။

Ref: Aljazeera