အောက်တိုဘာ ၂၅၊ ၂၀၁၈
M-Media
– ၇ ရာစုက ကျောက်တောင်စောင်းတစ်ခုမှာ ထွင်းထုခဲ့ပြီး ‘ဆွက်တောင်ကြားက ဗုဒ္ဓရုပ်ရှင်တော်မြတ်’ လို့ အမည်တွင်တဲ့ အမွေအနှစ်တစ်ခုကို ၂၀၀၇ ခုနှစ်မှာ တာလီဘန် အကြမ်းဖက်သမားတွေက ဒိုင်းနမိုက်နဲ့ ဖောက်ခွဲဖျက်ဆီးခဲ့ပါတယ်။ ဒါပေမယ့် အခုအချိန်မှာတော့ ဒီ ရုပ်ရှင်တော်မြတ်ကို ပြန်လည် တည်ထားပြီးစီးခဲ့ပြီး ပါကစ္စတန်နိုင်ငံက အကြမ်းဖက်ဒဏ်ခံစားခဲ့ရတဲ့ ဆွက်ချိုင့်ဝှမ်းဒေသရဲ့ ဘာသာရေးသည်ခံနိုင်မှု အထင်ကရပြယုဂ်လည်း ဖြစ်လာပါတယ်။
ပါကစ္စတန်မြောက်ပိုင်း ကျောက်တောင်အစွန်းမှာ တရားမှတ်ရှုနေဟန် ထွင်းထုထားတဲ့ အဲဒီ ဗုဒ္ဓရုပ်ရှင်တော်မြတ်ဟာ ၂၀၀၁ ခုနှစ် အာဖဂန်နစ္စတန်နိုင်ငံအလယ်ပိုင်း ဘာမီယန်ဒေသက ထင်ရှားတဲ့ ဗုဒ္ဓဆင်းတုတော်တွေကို တာလီဘန်တွေက လုံးဝ ဖျက်ဆီးခဲ့မှု တစ်စိတ်တစ်ဒေသကို ထင်ဟပ်နေပါတယ်။
တစ်ချို့လူတွေက ဒါဟာ ဒေသရဲ့ ထူးခြားပြီး၊ သမိုင်းတွင်ရစ်တဲ့ အမှတ်သညာတစ်ခုကို ကြမ်းကြုတ်ယုတ်မာစွာ ဖျက်ဆီးမှု ဖြစ်တယ်လို့ မှတ်ယူကြပါတယ်။
“ကျွန်တော့်အဖေကို သတ်လိုက်သလို ခံစားရပါတယ်။ သူတို့ဟာ ကျွန်တော့်ရဲ့ယဉ်ကျေးမှု၊ ကျွန်တော့်ရဲ့သမိုင်းကို တိုက်ခိုက်ခဲ့တာပါ” လို့ ဆွက်ချို့င့်ဝှမ်းဒေသက ဗုဒ္ဓဘာသာဆိုင်ရာ ကျွမ်းကျင်သူ အသက် ၇၉ နှစ်အရွယ် ပါရ်ဗက်ဇ် ရှာဟင်က ပြောကြားခဲ့ပါတယ်။
ရုပ်ရှင်တော်မြတ်ဟာ ဟိမ၀န္တာတောင်တန်းရဲ့ တောင်ခြေက လှပပြီး ဗုဒ္ဓဘာသာ သမိုင်းအမွေအနှစ်များစုစည်းရာ ဂျာဟာနာဘဒ်မြို့မှာ ကိန်းဝပ်စံပယ်နေတာ ဖြစ်ပါတယ်။
အဲဒီဒေသက ရှေးဟောင်းသမိုင်းဝင်နေရာတွေကို ထိမ်းသိမ်းရေး ဒေသခံအာဏာပိုင်တွေရဲ့ ကြိုးပမ်းမှုကို အီတလီအစိုးရက အကူအညီ ပေးနေပါတယ်။ အာဏာပိုင်တွေက ဒီဒေသကို အရင်ကရှိခဲ့တဲ့အတိုင်း ဘုရားဖူးတွေ စည်းကားတဲ့ဒေသ ပြန်ဖြစ်ကာ၊ တိုင်းပြည်ဝင်ငွေရဖို့ မျှော်လင့်နေကြပါတယ်။
ဉာဏ်တော် ပေ ၂၀ လောက်မြင့်တဲ့ ရုပ်ရှင်တော်မြတ်ရဲ့ ထိပ်ပိုင်းကို လွန်ခဲ့တဲ့ ၁၀ နှစ်တုန်းက တာလီဘန်တွေဟာ ဖောက်ခွဲရေးပစ္စည်းတွေတင်ပြီး ဖောက်ခွဲခဲ့ပေမယ့် မျက်နှာတော်သာ ပျက်ဆီးခဲ့ပါတယ်။ ဒါပေမယ့် ဘေးနားက ကျောက်ထွင်း ဆင်းတုတော်တွေကတော့ တစ်စစီ ပျက်ဆီးသွားခဲ့ပါတယ်။
ဆာဟင်က ဒီရုပ်ရှင်တော်မြတ်ဟာ ‘ခန္တီတရား၊ မေတ္တာတရား၊ ညီရင်းအစ်ကို စိတ်ဓာတ်တွေရဲ့ ပြယုဂ်’ ဖြစ်တယ်လို့ ပြောကြားခဲ့ပါတယ်။
“ကျွန်တော်တို့ ဘယ်သူ့ကိုမှ၊ ဘယ်ဘာသာကိုမှ မမုန်းပါဘူး။ သူများကိုမုန်းနေလို့ ဘာအကျိုးရှိမလဲဗျာ”
သမိုင်းကြောင်းမသိဘဲ တာလီဘန်တွေရဲ့ ရက်စက်ကြမ်းကြုတ်မှုတွေကို သိသိသာသာ မခံရစားသေးတဲ့အချိန် ၂၀၀၇ ခုနှစ်က ဆွက်ဒေသခံအချို့ဟာ ဒီရုပ်ရှင်တော်မြတ် ဖျက်ဆီးခံရမှုကို ထောက်ခံခဲ့ပြီး ရုပ်ပွားဆင်းတုဆိုတာ ‘အစ္စလာမ်နဲ့ ဆန့်ကျင်တယ်’ လို့ ပြောကြားခဲ့ပါတယ်။
အာဖဂန်က တာလီဘန်တွေလိုပဲ ပါကစ္စတန် တာလီဘန်တွေဟာလည်း အစွန်းရောက်ကြပြီး အစ္စလာမ်အခြေခံဝါဒဆိုတဲ့ ခေါင်းစဉ်နဲ့ ပြည်သူလူထုအပေါ်မှာ အကြမ်းဖက်ခဲ့ကြပါတယ်။ ဒါ့အပြင် အစ္စလာမ်နဲ့ဆန့်ကျင်တဲ့ အတိတ်ကကိစ္စတွေကိုလည်း လက်မခံဘဲ အနုပညာ ဖန်တီးပုံဖော်မှုတွေကိုလည်း ပိတ်ပင်ခဲ့ပါတယ်။
ဒီအဖြစ်အပျက်ဟာ တာလီဘန်တွေရဲ့ ဆွက်တောင်ကြားကို အကြမ်းဖက်သိမ်းပိုက်ပြီးစ ကာလမှာ ဖြစ်ခဲ့တာဖြစ်ပြီး၊ ၂၀၀၉ ခုနှစ်မှာတော့ ပါကစ္စတန်စစ်တပ်ရဲ့ အကြီးအကျယ် ထိုးစစ်ဆင်မှုကြောင့် တာလီဘန်တို့ အုပ်စိုးမှု အဆုံးသတ်ခဲ့ရပါတယ်။ အဲဒီကာလအတွင်း လူထောင်သောင်းချီ သေဆုံးခဲ့ပြီး ၁.၅ သန်းလောက် အိုးအိမ်စွန့်ခွာ ထွက်ပြေးခဲ့ရပါတယ်။
ဗုဒ္ဓသာသနာထွန်းကားရာမြေ
ဆွက်ချိုင့်ဝှမ်းဒေသမှာ အမျိုးသမီးတွေ ဘုရ်ခါဝတ်ရုံ ၀တ်ရမယ်လို့ သတ်မှတ်ထားတဲ့ ရှေးရိုးစွဲမွတ်စလင်တွေပဲ အမြဲတမ်း တည်ရှိခဲ့တာ မဟုတ်ပါဘူး။
ဗုဒ္ဓဘာသာဝင်တွေ – အထူးသဖြင့် ဟိမ၀န္တာဒေသက ဗုဒ္ဓဘာသာဝင်တွေရဲ့ ဘုရားဖူးရာဒေသအဖြစ် နှစ်ရာနဲ့ချီ တည်တံ့ခဲ့ပါတယ်။ ဆွက်ချိုင့်ဝှမ်းဒေသက အစပြုခဲ့တဲ့ ‘တိဘက်ဗုဒ္ဓဘာသာ’ (Vajrayana) မှာ ဒီဒေသကို မြင့်မြတ်ရာနေရာလို့ သတ်မှတ်ထားပါတယ်။
၂၀ ရာစုအထိ ဘုရားဖူးတွေနဲ့ မပြတ်စည်ကားခဲ့ပြီး ၁၉၄၇ ခုနှစ် ပါကစ္စတန်နိုင်ငံ ပေါ်ပေါက်လာတဲ့အတွက် နိုင်ငံရဲ့ နယ်စပ်ဒေသ ဖြစ်သွားခဲ့ပါတယ်။
လက်ရှိ ပါကစ္စတန်နိုင်ငံရဲ့ လူများစုဟာ အစ္စလာမ်ဘာသာဝင်တွေဖြစ်ပြီး ဘာသာရေးလူနည်းစုတွေ အထူးသဖြင့် ခရစ်ယာန်နဲ့ ဟိန္ဒူတွေဟာ မကြာခနဆိုသလို ခွဲခြားဆက်ဆံမှု၊ တိုက်ခိုက်မှုတွေ ခံရလေ့ ရှိပါတယ်။
ဆွက်ချိုင့်ဝှမ်းဒေသမှာ ဗုဒ္ဓဘာသာဟာ အေဒီ ၁၀ ရာစုဝန်းကျင်လောက်ကတည်းက ကွယ်ပျောက်ခဲ့ပါတယ်။
၂ ရာစုကနေ ၄ ရာစုလောက်အထိ အဲဒီဒေသမှာ ဗုဒ္ဓဘာသာ အထွပ်အထိပ်ရောက်ခဲ့ပြီး ဘုန်းကြီးကျောင်းနဲ့ စေတီပုထိုး တစ်ထောင်ကျော်လောက် ဒေသတွင်းမှာ ပြန့်နှံ့ တည်ရှိခဲ့ပါတယ်။
“ကြည်ညိုသပ္ပါယ်စရာကောင်းတဲ့ ဒေသပါ။ ဘုရားဖူးတွေဟာ ဗုဒ္ဓ ရုပ်ရှင်တော်တွေ၊ ဆင်းတုတော်တွေကို ဒေသကို မရောက်ခင် တော်တော်ဝေးဝေးကတည်းက ဖူးမျှော်နိုင်ပါတယ်” လို့ ဆွက်ဗုဒ္ဓရုပ်ရှင်တော်မြတ် ပြန်လည်ပြင်ဆင်ရေးလုပ်ငန်းကို ကြီးကြပ်နေတဲ့ အီတလီ ရှေးဟောင်းသမိုင်းပညာရှင် လူကာ မာရီယာ အိုလီဗီရီက ပြောကြားခဲ့ပါတယ်။
ဘာသာရေး ခရီးသွားကဏ္ဍ
ရုပ်ရှင်တော်မြတ်ကို ပြန်လည်မွမ်းမံရေးလုပ်ငန်းတွေဟာ ထင်သလောက် မလွယ်ဘူးလို့ အိုလီဗရီက ပြောပါတယ်။ ၂၀၁၂ ခုနှစ်မှာ စတင်ခဲ့တဲ့ ဒီလုပ်ငန်းမှာ အဆင့်တွေအများကြီးရှိပြီး ပထမဆုံး အခြားအစိတ်အပိုင်းတွေ မပျက်ဆီးအောင် ကာကွယ်မှုလုပ်ငန်း ဖြစ်ပါတယ်။
မူလမျက်နှာတော်မျိုးရအောင် တည်ဆောက်ရာမှာ လေဆာနည်းပညာနဲ့၊ ပုံဟောင်းတွေကို အသုံးပြုကာ ကွန်ပျူတာနဲ့ သရီးဒီပုံရိပ်ကို ပထမဆုံး ပုံဖော်ရပါတယ်။
နောက်ဆုံးအဆင့်ဖြစ်တဲ့ ကျောက်သားမှာ မျက်နှာတော် ပြန်လည်ထွင်းထုမှုဟာ ၂၀၁၆ ခုနှစ်မှာ ပြီးစီးခဲ့ပါတယ်။ အိုလီဗီရီက မွမ်းမံမှုကို မူရင်းနဲ့ လုံးဝ ချွတ်စွပ်တူအောင် မလုပ်ဘဲ ‘ဖျက်ဆီးခံရမှုကို မြင်နိုင်အောင်’ လုပ်ထားတယ်လို့ ပြောပါတယ်။
သူဦးစီးတဲ့ အီတလီ ရှေးဟောင်းပညာရှင်များအဖွဲ့ဟာ ဆွက်ချိုင့်ဝှမ်းဒေသကို ၁၉၅၅ ခုနှစ်တည်းက ရောက်ရှိနေတာဖြစ်ပြီး တာလီဘန်တွေရဲ့ အုပ်စိုးမှုအတွင်း ဒေသကနေ ခေတ္တ ထွက်ခွာခဲ့ရပါတယ်။
သူတို့အဖွဲ့ဟာ ချိုင့်ဝှမ်းဒေသက အခြား ရုပ်ပွားဆင်းတုတော်တွေကိုလည်း ထိန်းသိမ်းနေပြီး ၂၀၀၈ ခုနှစ်က တိုက်ခိုက်မှုကြောင့် ဒေသမြို့တော် မင်ဂိုရာမှာ ပျက်ဆီးသွားတဲ့ ရှေးဟောင်းသမိုင်းပြတိုက်ကိုလည်း ပြန်လည် ပြုပြင်မွမ်းမံခဲ့ပါတယ်။
ဆွက်ချိုင့်ဝှမ်းဒေသရဲ့ ယဉ်ကျေးမှုအမွေအနှစ်တွေကို ထိန်းသိမ်းဖို့အတွက် အီတလီအစိုးရဟာ ငါးနှစ်တာကာလအတွင်း ကန်ဒေါ်လာ ၂.၉ သန်းကို ထောက်ပံ့ခဲ့ပြီး၊ ဒီလုပ်ငန်းမှာ ဒေသခံပြည်သူတွေလည်း ၀ိုင်းဝန်း ပါဝင်ခဲ့ကြပါတယ်။
အခုအချိန်မှာတော့ ပါကစ္စတန်အာဏာပိုင်တွေဟာ တရုတ်နဲ့ ထိုင်းနိုင်ငံတို့က ဘုရားဖူးတွေကို စွဲဆောင်ဖို့အတွက် သမိုင်းဝင် ဗုဒ္ဓ ရုပ်ပွားဆင်းတုတော်တွေကို
ဂရုစိုက်လာကြပါတယ်။
တာလီဘန်တွေကို မောင်းထုတ်နိုင်ခဲ့ပြီးတဲ့နောက် အဲဒီဒေသဟာ ပြန်လည် စည်ကားလာခဲ့ပြီး အခုနှစ် ဖေဖော်ဝါရီလမှာ စစ်သား ၁၁ ဦး သေဆုံးခဲ့တဲ့ တိုက်ခိုက်မှုအပြီး လုံခြုံရေးကို တင်းတင်းကြပ်ကြပ် ချထားပါတယ်။
တစ်ချို့လူတွေက ဆွက်ဗုဒ္ဓရုပ်ရှင်တော်မြတ်ဟာ ဘာသာရေးသည်းခံနိုင်မှုရဲ့ ပြယုဂ်တစ်ခုဖြစ်တယ်လို့ ယူဆနေကြပါတယ်။
မင်ဂိုရာမှာနေထိုင်တဲ့ စာရေးဆရာ ဂျာနယ်လစ် ဖာဇဲလ် ခါလစ်က ယဉ်ကျေးမှုအမွေအနှစ်တွေအပေါ် ခြိမ်းခြောက်မှုကို အသိပညာပေးမှု ကနေတစ်ဆင့် တိုက်ဖျက်ရမှာဖြစ်ပြီး၊ ဒီအမွေအနှစ်တွေရဲ့ အကျိုးကျေးဇူးတွေကို ဆိုရှယ်ကွန်ယက်တွေကနေတစ်ဆင့် ဖြန့်ဝေရမယ်လို့ ယူဆနေပါတယ်။
ဒါပေမယ့် အသက်ကြီးပြီး၊ ပညာတတ်လူတည်းစားမှာလည်း တစ်ချို့က ဒီအမွေအနှစ်တွေရဲ့တန်ဖိုးကို နားမလည်ကြဘူးလို့ သူက ၀န်ခံခဲ့ပါတယ်။
မင်ဂိုရာက ရှေးဟောင်းသမိုင်းပြတိုက်ရဲ့ ပြတိုက်မှူး ဖာအစ်ဇွရ် ရဟ်မန်းက ဗုဒ္ဓဘာသာကို စိတ်ဝင်စားတဲ့ အစ္စလာမ်ဘာသာရေးဆရာတွေ ပြတိုက်ကို လာရောက်လေ့လာကြတယ်လို့ ပြောပါတယ်။
“အစ္စလာမ်မထွန်းကားခင်အချိန်တုန်းက ဗုဒ္ဓဘာသာဟာ ကျွန်တော်တို့ရဲ့ ယုံကြည်ကိုးကွယ်ရာ ဖြစ်ခဲ့ပါတယ်”
Ref: News 18
(News 18 တွင် ဖော်ပြထားသည့် Taliban Defeated by The Quiet Strength of Pakistan’s Buddha ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)
