အာဖဂန် ခရီးစဉ်တွင် အိုဘားမား တွေ့ဆုံမည့်စာရင်း ဂျာနယ်လစ်များသို့ မေးလ်ပို့ရာ ထိပ်တန်း သူလျို နာမည် မှားယွင်းပါသွား

မေ ၂၇ ၊ ၂၀၁၄
M-Media

– အမေရိကန် သမ္မတ ဘာရက်အိုဘားမား၏ အာဖဂန်ခရီးစဉ်အတွင်း တွေ့ဆုံမည့်သူများ စာရင်းကို အိမ်ဖြူတော်က ဂျာနယ်လစ်များအား ပေးပို့ခဲ့ရာ ကဘူးလ်ရှိ အမေရိကန်၏ ထိပ်တန်း စပိုင်တစ်ဦး၏ အမည် မတော်တဆ ပါဝင်သွားခဲ့သည်ဟု သိရသည်။

အကြီးဆုံးလေတပ်စခန်း Bagram သို့ ကြိုတင်ကြေညာထားခြင်းမရှိဘဲ သွားရောက်မည့် သမ္မတအိုဘားမား တွေ့ဆုံမည့်သူများတွင် CIA မှ အဆိုပါစပိုင်၏ အမည်အား Chief of Station ခေါင်းစဉ်အောက်တွင် ထည့်သွင်းခဲ့ခြင်းဖြစ်သည်။ ထိုစာရင်းကို အိမ်ဖြူတော် မီဒီယာခန်းမှ ဂျာနယ်လစ် ၆ ထောင်ကျော်သို့ အီးမေးလ်ဖြင့် တနင်္ဂနွေနေ့က ပေးပို့ခဲ့သည်။

ဝါရှင်တန်ပို့စ် သတင်းစာအကြီးအကဲမှ ထိုအချက်အား သတိပြုမိခဲ့ပြီးနောက် အိမ်ဖြူတော်သို့ သတင်းပေးပို့ခဲ့ပြီး ထိုစပိုင်၏ နာမည်မပါဝင်သော စာရင်းတစ်ခုကို အိမ်ဖြူတော်က နောက်ပိုင်းတွင် ထပ်မံထုတ်ပြန်ခဲ့သည်။ အိမ်ဖြူတော်ကမူ ထိုစပို၏အမည်အား မထုတ်ပြန်ရန် မေတ္တာရပ်ခံခဲ့ပြီး အဓိက မီဒီယများကလည်း သဘောတူညီခဲ့သည်။

အမေရိကန် အစိုးရက မီဒီယာများသို့ ပေးပို့သည့် အချက်အလက်များတွင် ထောက်လှမ်းရေး အရာရှိများ၏ အမည်ကို ထည့်သွင်းဖော်ပြလေ့မရှိချေ။

Ref: Agencies