ဘန်ကောက်ပေါက်ကွဲမှု အဓိကသံသယရှိကို ဖမ်းဆီးရမိခဲ့ပြီဟု ထိုင်း ပြောပြန်

စက်တင်ဘာ ၁၊ ၂၀၁၅
M-Media

– ပြီးခဲ့သည့်လက ဘန်ကောက်မြို့ရှိ ဟိန္ဒူဘုရားကျောင်းတစ်ခု ပေါက်ကွဲမှုတွင် ပါဝင်သည်ဟု အဓိက သံသယရှိသူတစ်ဦးကို ကမ္ဘောဒီးယားနယ်စပ်တွင် ဖမ်းဆီးရမိခဲ့သည်ဟု ထိုင်းဝန်ကြီးချုပ်က ယနေ့တွင် ကြေညာခဲ့သည်။

လူ ၂၀ ခန့်သေဆုံးခဲ့ပြီး သြဂုတ်လ ၁၇ ရက်နေ့က ဖြစ်ပွားခဲ့သည့် အဆိုပါ ပေါက်ကွဲမှုနှင့် ပတ်သက်၍ ဖမ်းဆီးမှုမှာ ဒုတိယမြောက်ပြီး၊ ပြီးခဲ့သည့် ရက်ပိုင်းကလည်း နိုင်ငံခြားသားတစ်ဦးကို ထိုင်းရဲတပ်ဖွဲ့က ဖမ်းဆီးခဲ့သည်။

ယခုဖမ်းဆီးရမိခဲ့သူကို ဘန်ကောက်သို့ ရဟတ်ယာဉ်ဖြင့် သယ်ဆောင်လာခဲ့ပြီး ၀န်ကြီးချုပ် ပရာယွတ်ချန်အိုချာကမူ ၎င်းမှာ အဓိကတရားခံဖြစ်သည်ဟု ဆိုသည်။

“ဆာကေအို စစ်ဆေးရေးဂိတ်မှာ သူ့ကိုမိတာပါ။ သူဟာ အဓိက သံသယရှိသူဖြစ်ပြီး နိုင်ငံခြားသားတစ်ယောက်ပါ” ဟု ကမ္ဘော့ဒီးယားနယ်စပ်မှ ထိုင်းဘက်ခြမ်းရှိ ဒေသကို ရည်ညွှန်း၍ ၀န်ကြီးချုပ်က ပြောကြားခဲ့သည်။

ထိုတိုက်ခိုက်မှုကို ကျူးလွန်ရသည့် နောက်ကွယ်မှအကြောင်းအရင်းကို တိတိကျကျ ထုတ်ဖော်နိုင်ခြင်းမရှိသေးဘဲ၊ သံသရှိသူများကိုလည်း ထင်ကြေးပေးမှုများဖြင့် ထုတ်ပြန်နေပြီး ထိုင်းနိုင်ငံ တောင်ပိုင်းမှ သူပုန်များ၊ ရာဇ၀တ်ဂိုဏ်းများ၊ ဖိနှိပ်ခံ ၀ီဂါလူမျိုးများကို တရုတ်နိုင်ငံသို့
ပြန်လည်ပို့ဆောင်လိုက်သည့်အတွက် မကျေပ်နပ်သူများ ဖြစ်သည်ဟု ယူဆမှုများ ရှိနေသည်။

ယမန်နေ့ကလည်း အသက် ၂၆ နှစ်အရွယ် ထိုင်းမွတ်စလင်အမျိုးသမီး ဆူအန်ဆန်နှင့် အခြားတစ်ဦးကို ထိုပေါက်ကွဲမှုနှင့် ပတ်သက်သည်ဟုဆိုကာ ဖမ်းဝရမ်းထုတ်ပြန်ခဲ့သည်။

ထိုကိစ္စနှင့်ပတ်သက်၍ ဆာကေအိုမှ လူဝင်မှုကြီးကြပ်ရေး အရာရှိ ၆ ဦးအပါအ၀င် အရာရှိ ၂၂ ဦးကို တာဝန်မဲ့မှုဖြင့် ၎င်းတို့၏ ရာထူးများမှ ထုတ်ပယ်လိုက်သည်ဟု ထိုင်းရဲတပ်ဖွဲ့က ထုတ်ပြန်ခဲ့သည်။ ထိုင်းရဲချုပ် ဆွမ်ယွတ် ပွန်ပန်မောင်ကမူ ဆာကေအိုမှ လူဝင်မှုကြီးကြပ်ရေး အရာရှိများကို ထုတ်ပယ်ခြင်းမှာ နယ်စပ်မှ တရားမ၀င် ၀င်ရောက်မှုများကို ခွင့်ပြုခြင်းကြောင့်ဖြစ်သည်ဟု ပြောကြားခဲ့သည်။

Ref: Aljazeera