ပါလက်စတိုင်းတို့၏ လယ်ယာလုပ်ငန်းကို နည်းမျိုးစုံးနဲ့ ဖျက်ဆီးနေတဲ့ အစ္စရေး

ဇန်န၀ါရီ ၂၂၊ ၂၀၁၅
M-Media

ပါလက်စတိုင်းတို့၏ စိုက်ခင်းတစ်ခု

– ဇန်န၀ါရီ ၇ ရက်နေ့က ဂါဇာအရှေ့ဘက်ခြမ်း အစ္စရေးနယ်စပ်ခြံစည်းရိုးနားမှာရှိတဲ့ ပါလက်စတိုင်းတို့ရဲ့ လယ်ယာစိုက်ခင်းတွေပေါ်မှာ လယ်ယာလုပ်ငန်းသုံး လေယာဉ်ငယ်တစ်စီးဟာ အနိမ့်ပျံသန်းပြီး ပေါင်းသတ်ဆေးတွေ ဖြန်းခဲ့တာကြောင့် ပါလက်စတိုင်းတို့ရဲ့ ကောက်ပဲသီးနှံနဲ့ လယ်ဧက ၁၆၂ ဟက်တာလောက် ပျက်ဆီးဆုံးရှုံးသွားခဲ့ရပါတယ်။

“ဖြန်းသွားတဲ့ ပေါင်းသတ်ဆေးတွေက တော်တော်ပြင်းပါတယ်။ ဒါ့ကြောင့် မြေဆီထဲမှာ စိမ့်ဝင်သွားပြီး၊ ရေသိုလှောင်ထားတဲ့နေရာတွေအထိ ရောက်သွားပါတယ်။ ဒါဟာ ပြည်သူလူထုအတွက် တော်တော်လေးအန္တရာယ် ဖြစ်စေနိုင်ပါတယ်” လို့ ပါလက်စတိုင်း လယ်ယာစိုက်ပျိုးရေးဝန်ကြီးဌာန ဓာတုဗေဒဓာတ်ခွဲခန်းရဲ့ မန်နေဂျာဖြစ်သူ အန်ဝါရ် အဘူ အက်ဆီ ပြောခဲ့ပါတယ်။

အဲဒီအဆိပ်ရည်တွေဖြန်းသွားတဲ့နေရာဟာ ပါလက်စတိုင်းပိုင်နက်ထဲက မြေပေါ်မှာ အစ္စရေးက မဖြစ်သန်းရဇုန်အဖြစ် တစ်ဖက်သတ်ကြေငြာထားတဲ့ ဒေသထဲမှာ ပါဝင်ပါတယ်။

အစ္စရေးက ဒီလို ပိုင်စိုးပိုင်နင်းသတ်မှတ်ထားတဲ့ မဖြတ်သန်းရဇုန်ဟာ ပါလက်စတိုင်းပိုင် ဂါဇာဒေသရဲ့ ၁၇ ရာခိုနှုန်းနီးနီးလောက် ရှိပြီး ဂါဇာကမ်းမြှောင်က အရေးပါပြီး မြေဆီမြေသြဇာပြည့်ဝတဲ့ စိုက်ပျိုးမြေရဲ့ ၃ ပုံတစ်ပုံလောက် အဲဒီအထဲမှာ ပါသွားခဲ့ပါတယ်။

အသက် ၄၀ အရွယ် ယူဆက်ဖ် ရှာဟင်ကတော့ သူရဲ့ လယ်ယာမြေတွေနဲ့ ခန်ယူနစ်အရှေ့ပိုင်းဒေသ အလ်-ဖာရာဟင်က လယ်ယာမြေတွေကို ရေပေးဝေနေတဲ့ တိုင်ကီကြီးကို ပြီးခဲ့တဲ့တစ်ပတ်မှာ အစ္စရေးတပ်ဖွဲ့တွေက ပစ်မှတ်ထား ဖျက်ဆီးခဲ့ပြီးတဲ့နောက်ပိုင်း လယ်ယာမြေတွေကို ပြန်လည်ရှန်သန်အောင်လုပ်ဖို့ ခက်ခက်ခဲခဲ ကြိုးစားခဲ့ရပါတယ်။

အဲဒီရေတိုင်ကီနဲ့ ရေဖြန့်ဖြူးရေးစနစ်တွေကို အစ္စရေးရဲ့ဖျက်ဆီးမှုက ဆာဟင်နဲ့ သူ့ရဲ့ အိမ်နီးချင်း လယ်သမားတွေကို ကန်ဒေါ်လာ ၁၅၀၀၀ လောက် ဆုံးရှုံးစေခဲ့ပါတယ်။ ဆာဟင်က အစိုးရကလည်း ထောက်ပံ့မှုမပေးဘူးလို့ ဆိုပါတယ်။

“ထောက်ပံ့မှုမရှိဘဲနဲ့ ဒီစနစ်ကြီးကို ကျွန်တော်တို့ ဘယ်လို့မှ ပြန်မတည်ဆောက်နိုင်ပါဘူး။ ရေသွင်းစိုက်ပျိုးဖို့အတွက် ရေးပေးဝေမှုစနစ် ကျွန်တော်တို့မှာ မရှိတော့ပါဘူး။ ဒီတစ်နှစ်တော့ ကျွန်တော်တို့ သွားပါပြီ” လို့ ဆာဟင်က ပြောကြားခဲ့ပါတယ်။

ပါလက်စတိုင်းလယ်ယာမြေတွေအတွက် ရေပေးဝေနေတဲ့စနစ်ကို အစ္စရေးစစ်တပ်က ဖျက်ဆီးမှုဟာ ဆာဟင်နဲ့ သူရဲ့ လုပ်ဖော်ကိုင်ဖက်တွေကို နောက်ထပ် ဒုက္ခတစ်မျိုး ရောက်စေခဲ့ပါတယ်။

အစ္စရေးက တစ်ဖက်သတ် မဖြတ်သန်းရဇုန်လို့ ကြေငြာထားတဲ့ ဒီနေရာဟာ ဂါဇာကမ်းမြှောင်တစ်ခုလုံးက စားနိပ်ရိက္ခာဖူလှုံရေးအတွက် အင်မတန် အရေးပါတဲ့နေရာပါ။ ပြီးခဲ့တဲ့လအနည်းငယ်အတွင်းမှာ အစ္စရေးစ်သားတွေဟာ ဒီဇုန်ကိုဝင်လာတဲ့ ပါလက်စတိုင်း အနည်းဆုံး ၁၆ ဦးကို သတ်ဖြတ်ခဲ့ပါတယ်။ အဲဒီအထဲက အများစုဟာ ခြံစည်းရိုးအနားမှာ ဆန္ဒပြနေတုန်း အစ္စရေးလက်ဖြောင့်တပ်သားတွေရဲ့ ပစ်သတ်ခြင်းကို ခံခဲ့ရတာဖြစ်ပါတယ်။

သူတို့ရဲ့ လယ်ယာမြေတွေနားကို ချဉ်းကပ်သွားတဲ့ ပါလက်စတိုင်း လယ်သမားတွေလည်း ပစ်ခတ်သတ်ဖြတ်ခံရတဲ့ သတင်းတွေ ထပ်ပြီး ထွက်ပေါ်လာခဲ့ပါသေးတယ်။

“ဒီကောက်ပဲသီးနှံတွေကိုစိုက်ပျိုးတာဟာ နေ့စဉ် ဘ၀နဲ့ရင်းပြီး လုပ်နေရတာပါ။ အခုတော့ ကျွန်တော်တို့ရဲ့ ကြိုးပမ်းအားထုတ်မှုတွေဟာ သဲထဲရေသွန် ဖြစ်ခဲ့ပါပြီ” လို့ ဆာဟင်က သူစိုက်ထားတဲ့ ဟင်းနုနွယ်မျိုးစေ့လေးတွေကို ကြည့်ရှုရင်း ပြောကြားခဲ့ပါတယ်။

ဆာဟင်ဆုံးရှုံးသွားတဲ့ စိုက်ခင်းတွေထဲမှာ ဟင်းနုနွယ်စိုက်ခင်း၊ ပဲစိုက်ခင်း၊ မုန်လာစိုက်ခင်းနဲ့ ပဲတောင့်ရှည်စိုက်ခင်းတွေ ပါဝင်ပါတယ်။ ဆာဟင် ပြန်လည်စိုက်ပျိုးဖို့ ကြိုးစားမှုဟာလည်း အောင်မြင်မလားဆိုတာ မသေချာသေးပါဘူး။

စိုက်ခင်းတွေပေါ်မှာ အစ္စရေးက ပေါင်းသတ်ဆေး အဆိပ်ရည်တွေ ဖြန်းမှုဟာ တစ်ဖတ်သက် သတ်မှတ်ထားတဲ့ မဖြတ်သန်းရဇုန်ထက်ကို ကျော်လွန်သွားခဲ့ပြီး၊ လေတိုက်ခတ်မှုကလည်း အဲဒီ ဓာတုဗေဒ ပစ္စည်းတွေကို ဂါဇာကမ်းမြှောင်ရဲ့ အခြားနေရာတွေအထိ ရောက်ရှိသွားစေတယ်လို့ လယ်သမားတွေက ပြောကြားခဲ့ပါတယ်။ ဒီအကျိုးဆက်တွေဟာ ရေရှည်ဒုက္ခပေးမှာကိုလည်း သူတို့ ကြောက်ရွံ့နေကြပါတယ်။

အဘူအက်ဆီကတော့ ပေါင်းသတ်ဆေးနဲ့ ပိုးသတ်ဆေး တစ်ခုချင်းဆီဟာ သီးနှံတွေကို မစိုက်ပျိုးခင်မှာ အချိန်အဆနဲ့ သုံးရတာဖြစ်တယ်လို့ ရှင်းပြခဲ့ပါတယ်။ အခုလို ပြင်းထန်တဲ့ အနေအထားမျိုးဆိုရင်တော့ သူတို့ရဲ့ လယ်ယာမြေတွေဟာ ရေရှည်အတွက်ပါ အန္တရာယ်ရှိလာနိုင်တယ်ဆိုတဲ့ စိုးရိမ်မှုတွေလည်း သူ့မှာ ရှိနေပါတယ်။

အစ္စရေးစစ်တပ်က တာဝန်ရှိသူတစ်ဦးကတော့ သူတို့ဒီလိုဖျက်ဆီးတာဟာ လုံခြုံရေးအကြောင်းကြောင့်ပဲဖြစ်တယ်လို့ ပြောကြားခဲ့ပါတယ်။

၂၀၁၄ ခုနှစ်အတွင်း ဂါဇာကို အစ္စရေးက တိုက်ခိုက်မှုအတွင်းမှာလည်း ပါလက်စတိုင်းတွေရဲ့ လယ်ယာကဏ္ဍဟာ ဆုံးရှုံးမှုတွေရှိခဲ့ပြီး ကန်ဒေါ်လာ သန်း ၅၅၀ ဖိုးလောက် ပျက်ဆီးခဲ့ပါတယ်။ လယ်ယာမြေ ၁၄၀၀၀ ဟက်တာလောက်ဟာ မီးရှို့ဖျက်ဆီးခံခဲ့ရပြီး၊ အစ္စရေးက ဗုံးကြဲနေစဉ်အတွင်းမှာ လယ်ယာမြေတွေကို သွားရောက်လုပ်ကိုင်နိုင်ခြင်း မရှိတာကြေင့် နောက်ထပ် ကောက်ပဲသီးနှံတွေ စိုက်ပျိုးထားတဲ့ လယ်ယာမြေဟက်တာ ထောင်နဲ့ချီလည်း ပျက်ဆီးခဲ့ပါတယ်။

လွန်ခဲ့တဲ့ ရက်အနည်းငယ်ကလည်း အစ္စရေး တိုက်လေယာဉ်တွေဟာ ဂါဇာက အဓိက စိုက်ပျိုးရေး သုတေသနအဆောက်အဦးတစ်ခုကို ဗုံးကြဲဖျက်ဆီးခဲ့တာကြောင့် ကန်ဒေါ်လာ ၃ သိန်းဖိုးလောက် ထိခိုက်ပျက်ဆီးခဲ့ပြီး၊ သုတေသနအဆောက်အအုံ၊ ဓာတ်ခွဲခန်းတွေ၊ ယာဉ်တွေနဲ့ လျှပ်စစ်ဓာတ်အားပေးစက်ကြီးတစ်ခုတို့လည်း ပျက်ဆီးခဲ့ပါတယ်။

အဲဒီ သုတေသနဌာနဟာ ဒေသတွင်းက လယ်သမားတွေအတွက် မျိုးစေ့အသစ်တွေ၊ အပင်အသစ်တွေကို ထုတ်လုပ်ပေးနေတဲ့ နေရာတစ်ခုဖြစ်ပါတယ်။ ၂၀၁၄ ခုနှစ် အစ္စရေးရဲ့ ဗုံးကြဲမှုအတွင်းမှာ အဆောက်အဦးကို လုံးဝဖျက်ဆီးခဲ့ပြီး ဒါဟာ လယ်ယာလုပ်ငန်းမှာ အမှီအခိုကင်းအောင်၊ လုံလုံလောက်လောက်ဖြစ်အောင် ကြိုးပမ်းနေတဲ့ ပါလက်စတိုင်းပြည်သူတွေကို ဒုက္ခရောက်စေဖို့ အစ္စရေးက ဆောင်ရွက်လိုတဲ့ပုံ ပေါ်ပါတယ်။

သုတေသနဌာနရဲ့ မန်နေဂျာဖြစ်သူ ရှာဟာရ် အလ်-ရီဖီက လက်ရှိအချိန်မှာ သူတို့ရဲ့ဌာနဟာ ၇၀ ရာခိုင်နှုန်းလောက် သုံးလို့မရတော့ဘူးလို့ ဆိုပါတယ်။ လယ်ထွန်စက်တွေ၊ စိုက်ပျိုးရေစက်ပစ္စည်းတွေတင်သွင်းဖို့ အစ္စရေးက ကန့်သတ်ပိတ်ပင်ထားမှုနဲ့အတူ အပြည့်အ၀ ပြန်လည် လည်ပတ်ဖို့အတွက် တော်တော်လေးကြာအုံးမယ်လို့ အလ်-ရီဖီက ထည့်သွင်းပြောကြားခဲ့ပါတယ်။

ပါလက်စတိုင်း လယ်ယာစိုက်ပျိုးရေးဝန်ကြီးဌာန၏ အထွေထွေညွှန်ကြားရေးမှူး အဒဲလ် အာတာလာဟ်က လယ်ယာစိုက်ပျိုးရေးကဏ္ဍ တစ်ခုလုံးဟာ ဟောင်းနွမ်းအိုမင်းနေတဲ့ စက်ပစ္စည်းတွေကိုပဲ နှစ်ပေါင်းများစွာ အသုံးပြုခဲ့ရတယ်လို့ ပြောကြားခဲ့ပါတယ်။

“ဒေသတွင်းလယ်သမားတွေဟာ အလုပ်လုပ်လို့မရတဲ့ ကိရိယာတွေကို အစားထိုးဖို့ ကြိုးစားရာမှာ ပြဿနာတွေနဲ့ရင်ဆိုင်နေရပါတယ်။ အစ္စရေးက ဘာမှကို တင်သွင်းခွင့်မပေးပါဘူး”

ဂါဇာက လယ်ယာစိုက်ပျိုးရေကဏ္ဍမှာ ရင်ဆိုင်နေရတဲ့ ပြဿနာတွေဟာ ထောင်သောင်းမက များပြားပါတယ်။ ရေသွင်းစိုက်ပျိုးမှုဟာ လျှင်စစ်ဓာတ်အား လုံလုံလောက်လောက်မရမှုကြောင့် အခက်အခဲဖြစ်နေပါတယ်။ လျှပ်စစ်ဓာတ်အားကလည်း တစ်နေ့ကို ၁၂ နာရီအောက်သာ ရရှိပါတယ်။ လယ်သမားတွေဟာ ရေတွေကိုစုပ်ဖို့ မီးစက်တွေကို အသုံးပြုရပြီး လောင်စာဆီအတွက် ထပ်မံကုန်ကျမှုဟာ သူတို့ရဲ့ စီးပွားရေး ထိခိုက်မှုအတွက် နောက်ထပ်အကြောင်း အရင်းလည်းဖြစ်နေပါတယ်။

Ref: Aljazeera

(Aljazeera သတင်းဌာနမှ ဖော်ပြသည့် Israel spraying toxins over Palestinian crops in Gaza ဆောင်ပါးကို လေးမောင်မှ ဆီလျော်အောင် ဘာသာပြန်ဆိုသည်။)