တစ်လင်တစ်မယား စနစ် ကျင့်သုံးခြင်းဆိုင်ရာ ဥပဒေ ပြဿနာများကို သုံးသပ်ဖြေဆို၊ အကြံပြုကြပါ

ဇန်နဝါရီ ၂၂ ၊ ၂၀၁၅
ဦးအုန်းမောင် (ရန်ကင်း) တရားလွှတ်တော်ရှေ့နေ

၁။ လင်မယားနှစ်ဦးသည် ယင်းဥပဒေအခန်း (၂) ပုဒ်မ-၄ (က) (ခ) (ဂ) (ဃ) ပါရည်ရွယ်ချက်များကို လေးစားလိုက်နာကြ လိုသူများဖြစ်သော်လည်း ဇနီးမယားဖြစ်သူသည် အသက်အရွယ်ကြောင့်လည်းကောင်း၊ ကျန်းမာရေးကြောင့်လည်းကောင်း လိင်ဆက်ဆံနိုင်ခြင်း မရှိသည့်အခါတွင် လင်ယောင်္ကျားဖြစ်သူက ပြင်ပတွင် မကောင်းသည့် မိန်းမများ၊ ပြည့်တန်ဆာမများနှင့် ဆန္ဒကိုဖြေဖျောက်နေခြင်းဖြင့်လည်းကောင်း၊ အမျိုးကောင်းသမီး တစ်ဦးနှင့် လူမသိ သူမသိသာယာမှု ရှာဖွေနေခြင်းဖြင့်လည်းကောင်း၊ သူတစ်ဦးတစ်ယောက်၏ ဇနီးဖြင့် ဖောက်ပြန်မိခြင်းကြောင့် လည်းကောင်း၊ တစ်ဦးအပေါ်တစ်ဦး သစ္စာမဲ့ပြီး သာယာချမ်းမြေ့သည့် အိမ်ထောင်ရေး မတည်ဆောက်နိုင်ခြင်း၊ အိမ်ထောင်ရေး ပြသာနာမှုခင်းများ ဖြစ်ပေါ်လာနိုင်ခြင်း၊ ကိုယ်ကျင့်တရား ထိခိုက်ခြင်း၊ ကူးစက်ရောဂါဆိုးများကြောင့် အသက် အန္တရာယ်ဖြစ်နိုင်ခြင်းတို့ ကြုံတွေ့လာနိုင်ဖွယ်ရှိသည့် အခြေအနေတွင် ဇနီးမယားဖြစ်သူက ခင်ပွန်းဖြစ်သူအား မိမိနှင့် ကွာရှင်းခြင်းမပြုဘဲ အမျိုးကောင်းသမီး တစ်ဦးနှင့် တရားဝင် ပေါင်းသင်းနေထိုင်စေရန် လင်ယောင်္ကျား၊ ခင်ပွန်းဖြစ်သူအားစိတ်ရော ကိုယ်ပါကြည်ဖြူခွင့်ပြုလျှင် ခင်ပွန်းကလည်း ခွင့်ပြုသူဇနီးသည်အပေါ် အကြင်နာ မပျက်ဆက်ဆံပါက ဤဥပဒေပြဌာန်းချက်သည် အဆိုပါ ဇနီးမောင်နှံအတွက် အဟန့်အတား မဖြစ်နိုင်ဘူးလား?

၂။ လင်မယားနှစ်ဦးသည် ယင်းဥပဒေအခန်း (၂)၊ ပုဒ်မ- ၄ (က) (ခ) (ဂ) (ဃ) ပါရည်ရွယ်ချက်များကို လေးစားလိုက်နာကြလိုသူများဖြစ်ပြီး တစ်လင်တစ်မယားစနစ်ကိုသာ လိုလားကြသူများဖြစ်သော်လည်း ဇနီးမယားဖြစ်သူသည် သား၊ သမီး မရနိုင်သဖြင့် သားသမီး မထွန်းကားသောကြောင့် ဇနီးဖြစ်သူက ခင်ပွန်းဖြစ်သူ လင်ယောင်္ကျားအား ပြင်ပတွင် တရားမဝင်သာယာမှု ရှာဖွေမှုကြောင့် မလိုလားအပ်သော အိမ်ထောင်ရေး ပြသာနာများ၊ ကျန်းမာရေးပြသာနာများ မဖြစ်စေရန်နှင့် ခင်ပွန်းဖြစ်သူ၏ သွေးပါသော သားသမီးရယူလိုသော နှစ်ဦးသဘောတူ ဆန္ဒဖြင့် ဇနီးဖြစ်သူက ခင်ပွန်းဖြစ်သူအား သားသမီးရယူနိုင်မည့် အမျိုးကောင်း သမီးတစ်ဦးနှင့် တရားဝင် ထိမ်းမြားပေါင်းသင်းနိုင်ရန် ကြည်ဖြူ ခွင့်ပြုသည့်ပြင် နှစ်ဖက်မိဘများနှင့် တတိယ အမျိုးသမီးနှင့် မိဘများကလည်း သဘောတူကြလျှင် သာယာပျော်ရွှင်သည့် အိမ်ထောင်သစ် တစ်ခုဖြစ်လာမည်ဟု ယုံကြည်ကြပါက ဤဥပဒေပြဌာန်းချက်ကြောင့် အဆိုပါမိသားစုအတွက် အဟန့်အတား မဖြစ်နိုင်ဘူးလား ?

၃။ ဤဥပဒေပုဒ်မ- ၁၈ မှအပ တားမြစ်ချက်များပုဒ်မ- ၁၀၊ ၁၁၊ ၁၂ တို့နှင့် စပ်လျဉ်း၍ လင်၏ ဖောက်ဖျက်မှုကို မယားကလည်းကောင်း၊ မယား၏ ဖောက်ဖျက်မှုကို လင်ကလည်းကောင်း အပြစ်မယူ ခွင့်လွှတ်ပြီး မိသားစု အကျိုးအတွက် ဆင်ခြင်ပြီး အရေးယူတိုင်ကြားခြင်း မပြုပါက မည်သူက တရားလိုပြုလုပ်တိုင်ကြားရမည်ဖြစ်ကြောင်း ပြဌာန်းချက်မပါရှိသဖြင့် ကြားလူတစ်ဦးတစ်ယောက်ကဖြစ်စေ၊ မလိုတမာဖြစ်သူ တစ်ဦးတစ်ယောက်ကဖြစ်စေ၊ တရားစွဲအဖွဲ့အစည်း တစ်ရပ်ကဖြစ်စေ တိုင်ကြားတရားစွဲပါက ထိုအိမ်ထောင်သည် အတွက် အိမ်ထောင်ရေးပြိုကွဲမည့် အပြင် မိသားစု ဒုက္ခပြသာနာများလည်း ကြုံတွေ့လာနိုင်မည်ဖြစ်သည်က တစ်ကြောင်း၊ ဤကဲ့သို့ ဖြစ်စဉ်များကို ကာယကံရှင်များက တိုင်ကြား အမှုဖွင့်ခြင်း မရှိဘဲ လူတစ်ဦး၊ လူတစ်စု၊ လူတစ်ဖွဲ့ကအထူး လိုက်လံစုံစမ်းပြီး၊ ခြိမ်းခြောက်ခြင်း၊ မတရားတောင်းခံ အနိုင်ကျင့်ခြင်းတို့ ပေါများလာကာ မလိုလားအပ်သော နောက်ဆက်တွဲ အကျိုးဆက်ပြသာနာများဖြစ်သည့် လက်စားချေခြင်း၊ တုန့်ပြန်တိုင်ကြားခြင်း၊ မဟုတ်မမှန်လုပ်ကြံ စွပ်စွဲ တိုင်ကြားခြင်း၊ ပူးပေါင်းကြံစည်ခြင်းတို့ ဖြစ်ပေါ်လာနိုင်သည့် အပြင် လုပ်စားသူများ ပေါ်ပေါက်လာနိုင်သည်။

ရာဇဝတ်မှုများ ပိုများလာနိုင်ပါသည်။ ဂုဏ်သိက္ခာထိခိုက်စရာ အကြောင်းများဖြစ်ပေါ်လာနိုင်ပါသည်။ ထို့ကြောင့် ကောင်းမွန်သောမြန်မာ့ ဓလေ့ ထုံးတမ်းအစဉ်ကောင်းကို ထိန်းသိမ်းသည့် အနေဖြင့် အသိပညာပေးခြင်း၊ အပြန်အလှန်အကူအညီပေးခြင်း၊ အချိန်မီ ကာကွယ်စောင့်ရှောက်ပေးခြင်း၊ ဆုံးမ လမ်းညွှန်ပြုပြင်တည့်မတ်ပေးခြင်း၊ လူမှုရေးအရဖြေရှင်းပေးခြင်း တို့သာပြုသင့်ပါသည်။ ထို့ကြောင့် ဤဥပဒေကြောင့် အမျိုးကောင်းသမီးများ ပြည့်တန်ဆာဘဝ သို့ရောက်သွားနိုင်သကဲ့သို့ လင်ကွဲ မယားကွဲများ ဖြစ်သွားနိုင်ကြသည်ဖြစ်ရာ ကောင်းကျိုးထက် ဆိုးကျိုးကိုပို၍ မဖြစ်စေနိုင်ဘူးလား?